ᠵᠢᠷᠮᠦᠰᠦᠨ ᠮᠠᠨᠠᠨ 〈 3 〉 - ᠲ ᠂ ᠭᠣᠮᠪᠣᠵᠠᠪ Жирэмсэн манан 〈 3 〉 - Т ᠂ Гомбожав
231ᠵᠢᠷᠮᠦᠰᠦᠨ ᠮᠠᠨᠠᠨ - 3
ᠪᠢ
ᠬᠣᠯᠠ ᠶ᠋ᠢᠨ ᠬᠣᠯᠠ ᠬᠣᠷᠸ᠋ᠠ ᠶ᠋ᠢᠨ ᠭᠠᠲᠠᠨᠠ ᠠ᠋ᠴᠠ ᠢᠷᠡᠵᠦ
ᠬᠣᠯᠠ ᠶ᠋ᠢᠨ ᠬᠣᠯᠠ ᠳᠤᠷᠠᠳᠬᠠᠯ ᠦ᠋ᠨ ᠭᠠᠲᠠᠨᠠ ᠪᠠᠨ ᠪᠤᠴᠠᠬᠤ
ᠭᠤᠸ᠋ᠠ ᠰᠠᠶ᠋ᠢᠬᠠᠨ ᠦᠯᠢᠭᠡᠷ ᠪᠢᠯᠡ
ᠲᠥᠭᠡᠷᠢᠯ ᠦ᠋ᠨ ᠬᠢᠵᠠᠭᠠᠷ ᠦᠭᠡᠢ ᠪᠠᠶᠠᠰᠤᠯ ᠳᠡᠭᠡᠷᠡᠬᠢ
ᠡᠷᠢᠯ ᠦ᠋ᠨ ᠦᠵᠦᠭᠦᠷ ᠦᠭᠡᠢ ᠭᠤᠨᠢᠬ ᠳᠣᠣᠷᠠᠬᠢ
ᠣᠶ᠋ᠢᠴᠢᠯ ᠪᠣᠰᠤᠯ ᠦ᠋ᠨ ᠣᠯᠠᠨ ᠮᠣᠩᠭᠣᠯ ᠲᠣᠬ᠋ᠠ ᠪᠢᠯᠡ
ᠨᠠᠷᠠ ᠡᠴᠡ ᠲᠤᠶ᠋ᠢᠯ ᠦᠭᠡᠢ ᠵᠠᠶ᠋ᠢᠲᠠᠭᠤ
ᠨᠠᠷᠠᠨ ᠪ ᠭᠡᠷᠡᠯ ᠲᠡᠢ
ᠵᠠᠢ ᠦᠭᠡᠢ ᠲᠤᠲᠤᠨᠤ ᠢᠨᠢᠶᠡᠲᠦ ᠪᠠ ᠨᠢᠯᠪᠤᠰᠤ ᠪᠢᠯᠡ
ᠳᠡᠯᠭᠡᠷᠡᠯ ᠦ᠋ᠨ ᠶᠠᠭᠠᠨ ᠪᠠᠶᠠᠰᠤᠯ ᠳᠦ ᠳᠠᠭᠤᠯᠠᠬᠤ
ᠵᠤᠯᠭᠠᠷᠠᠯ ᠦ᠋ᠨ ᠬᠥᠩᠭᠡᠨ ᠭᠤᠨᠢᠬ ᠲᠤ ᠤᠬᠢᠯᠠᠬᠤ
ᠭᠦᠨ ᠲᠤᠩᠭᠠᠯᠠᠭ ᠭᠣᠷᠣᠬᠠ ᠶ᠋ᠢᠨ ᠤᠰᠤ ᠪᠢᠯᠡ
ᠬᠡᠵᠢᠶᠡᠲᠡ ᠬᠠᠪᠢᠷᠭᠠᠯᠠᠬᠤ ᠦᠭᠡᠢ ᠰᠠᠷᠠᠨ ᠤ
ᠮᠥᠩᠬᠡ ᠲᠡᠷᠭᠡᠯ ᠭᠡᠷᠡᠯ
ᠪᠢ ᠪᠢᠯᠡ — ᠪᠢ ᠪᠢᠯᠡ ᠡ !
ᠡᠬᠢᠯᠡᠯ ᠪᠤᠶᠤ ᠲᠡᠭᠦᠰᠬᠡᠯ
ᠡᠭᠦᠯᠡ ᠲᠠᠢ ᠰᠥᠨᠢ ᠶᠢᠨ ᠲᠡᠭᠷᠢ
ᠡᠨᠡ ᠦᠷᠦᠪᠴᠢᠨ ᠳᠡᠭᠡᠷᠡ ᠵᠢᠷᠤᠯᠠ
ᠨᠤᠴᠤᠭᠠ ᠮᠦᠷ ᠦᠨ ᠬᠢᠨᠢ
ᠬᠤᠷᠤᠮᠬᠠᠨ ᠴᠡᠭᠢᠯ᠂ ᠨᠠᠳᠠᠳᠤ
ᠨᠢᠭᠤᠴᠠᠬᠠᠨ ᠬᠤᠷᠤᠠ ᠶ᠋ᠢᠨ ᠲᠦᠮᠡᠨ ᠡᠭᠥᠳᠡ ᠶᠢ
ᠴᠠᠯᠠᠶ᠋ᠢᠲᠠᠯᠠ ᠨᠡᠭᠡᠭᠡᠵᠤ ᠴᠡᠭᠡᠵᠢᠯᠡᠭᠥᠯᠥᠯᠡ ᠡ !
ᠬᠡᠭᠡᠷᠡ ᠲᠠᠯᠠ ᠶᠢᠨ ᠡᠨᠳᠡᠭᠦᠷᠡᠯ
ᠨᠢᠯᠬᠠᠬᠠᠨ ᠰᠤᠨᠢᠭᠤᠴᠠᠯ ᠠᠩᠭᠠᠯᠵᠠᠭᠤᠯᠵᠤ
ᠨᠢᠮᠬᠡᠨ ᠰᠢᠷᠠ ᠳᠠᠯᠠᠪᠴᠢ ᠳᠡᠷᠪᠢᠰᠭᠢᠨ ᠪᠤᠰᠤᠨᠠ
ᠡᠷᠢᠶᠡᠨ ᠴᠤᠬᠤᠷ ᠠᠷᠭᠠᠳᠠᠯ
ᠡᠳᠥᠷ ᠦᠨ ᠵᠡᠭᠦᠳᠦ ᠴᠠᠭᠠᠬᠠᠨ ᠴᠡᠴᠡᠭᠯᠡᠭᠦᠯᠵᠦ
ᠡᠭᠥᠳᠡᠨ ᠰᠢᠳᠥᠨ ᠦ ᠤᠩᠭᠤᠷᠬᠠᠢ
ᠰᠠᠷᠠᠨ ᠲᠡᠷᠭᠡᠯ ᠠᠮᠢᠰᠬᠤᠯᠯᠠᠨᠠ ᠪᠢᠯᠡ
ᠡᠬᠡ ᠶᠢᠨ ᠰᠦ᠋ ᠬᠦᠭᠡᠷᠥᠬᠦᠢ ᠭᠢᠯᠢᠰᠲᠠᠨᠠ
ᠡᠩᠭᠡᠷ ᠡᠴᠡ ᠪᠡᠨ ᠳᠠᠰᠤᠷᠠᠬᠤ ᠳᠤᠪᠴᠢ
ᠡᠨᠡ ᠪᠦᠭᠦᠨ ᠢ ᠮᠡᠳᠡᠭᠰᠡᠨ ᠦᠭᠡᠢ ᠡ
ᠪᠠᠶ᠋ᠢᠭᠠᠯᠢ ᠶᠢᠨ ᠠᠯᠢᠶᠠᠯᠠᠯ ᠴᠡᠴᠡᠭᠡᠰ ᠲᠡᠮᠵᠢᠨ
ᠪᠠᠷᠢᠭᠳᠠᠬᠤ ᠦᠭᠡᠢ ᠭᠡᠵᠤ ᠬᠦᠩᠭᠡᠬᠡᠨ ᠳᠤᠲᠠᠭᠠᠨᠠ
ᠪᠠᠯᠠᠷᠯᠢᠭ ᠭᠦᠰᠡᠬᠦᠢ᠂ ᠪᠤᠴᠠᠯ ᠮᠠᠷᠲᠠᠨ
ᠬᠡᠭᠡᠷᠡ ᠳᠥᠭᠥᠷᠡᠩ ᠬᠡᠶ᠋ᠢᠷᠬᠡᠵᠦ ᠶᠠᠪᠤᠨᠠ
ᠰᠠᠶ᠋ᠢᠨ ᠰᠠᠨᠠᠭᠰᠠᠨ ᠴᠢᠯᠠᠭᠤᠨ ᠤ ᠢᠳᠬᠠᠯ
ᠦᠷᠦᠪᠳᠦᠯ ᠳᠡᠬᠡᠨ ᠶᠠᠭᠠᠬᠠᠨ ᠬᠤᠴᠤᠷᠴᠤ
ᠰᠠᠯᠬᠢ᠂ ᠠᠶ᠋ᠢᠯ ᠤᠨ ᠭᠠᠳᠠᠭᠤᠷ
ᠰᠠᠨᠠᠭᠠ ᠠᠯᠳᠠᠵᠤ ᠦᠩᠭᠡᠷᠡᠨᠡ ᠪᠢᠯᠡ
ᠪᠠᠷᠢᠭᠳᠠᠵᠤ ᠴᠢᠳᠠᠬᠤ ᠦᠭᠡᠢ ᠳᠤᠲᠠᠭᠠᠬᠤ ᠳᠤᠲᠤᠮ ᠢᠶ᠋ᠠᠨ
ᠭᠡᠤᠭᠡᠨ ᠪᠥᠱᠥᠭᠥᠷᠬᠡᠯ ᠬᠠᠳᠠᠨᠠ
ᠪᠤᠷᠤᠭᠠᠨ ᠠᠯᠠᠭᠠ ᠠ᠋
ᠰᠡᠷᠢᠵᠤ ᠴᠢᠳᠠᠬᠤ ᠦᠭᠡᠢ ᠳᠤᠭᠳᠤᠯᠬᠤ ᠳᠤᠲᠤᠮ ᠢᠶ᠋ᠠᠨ
ᠡᠳᠦᠷ ᠦᠨ ᠵᠡᠭᠦᠳᠦ ᠬᠠᠭᠰᠠᠨᠠ
ᠪᠤᠷᠤᠭᠠᠨ ᠠᠯᠠᠭᠠ ᠠ᠋
᠁ ᠁
ᠬᠠᠭᠤᠷᠠᠶ᠋ᠢᠬᠠᠨ ᠪᠤᠲᠠᠷᠠᠬᠤ ᠳᠠᠯᠠᠪᠴᠢᠨ ᠳᠤᠤᠷᠠ
ᠬᠤᠮᠠᠭ ᠳᠡᠷᠡᠯᠡᠨ ᠤᠨᠲᠠᠬᠤ
ᠭᠦᠰᠢᠶᠡ ᠦᠭᠡᠢ ᠭᠤᠨᠢᠭ
ᠬᠡᠭᠡᠷᠡ ᠲᠠᠯᠠ ᠶᠢᠨ ᠮᠢᠨᠢ
ᠭᠤᠤᠠ ᠰᠠᠶ᠋ᠢᠬᠠᠨ ᠡᠨᠳᠡᠭᠦᠷᠡᠯ ᠯᠠ ᠪᠠᠶ᠋ᠢᠭᠠᠰᠠᠢ !
ᠵᠠᠯᠠᠭᠤ ᠰᠢᠯᠦᠭᠴᠢᠳ ᠦᠨ ᠴᠣᠪᠣᠷᠠᠯ ᠪᠢᠴᠢᠭ᠌
< ᠢᠷᠡᠬᠦ ᠵᠠᠭᠤᠨ ᠤ ᠬᠣᠩᠬᠣᠨ ᠳᠠᠭᠤᠨ > ᠡᠴᠡ ᠬᠠᠭᠤᠯᠪᠠ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ ᠄ ᠲᠡᠭᠷᠢ ᠡᠵᠢ ᠂ ᠴᠣᠯᠮᠣᠨᠲᠤᠶᠠᠭᠠ
ᠬᠢᠨᠠᠭᠴᠢ ᠄ ᠴᠣᠯᠮᠣᠨᠲᠤᠶᠠᠭᠠ
2023 ᠂ 5 ᠂ 24 ᠪ ᠡᠲᠦᠷ