ᠮᠠᠨ ᠤ ᠪᠠᠭᠠᠲᠤᠷ - ᠮ ᠂ ᠠᠰᠠᠷ Манай баатар - М ᠂ Асар
218ᠮᠠᠨ ᠤ ᠪᠠᠭᠠᠲᠤᠷ
ᠭᠠᠳᠠ ᠮᠡᠢᠷᠡᠨ ᠦ᠌ ᠮᠡᠨᠳᠦᠯᠡᠭᠰᠡᠨ ᠨᠠᠶᠠ ᠶᠢᠰᠦᠨ ᠵᠢᠯ ᠤᠨ ᠣᠢ ᠪᠠᠷ
ᠪᠠᠭᠠᠲᠤᠷ ᠡᠷᠡ
1
ᠪᠠᠭᠠᠲᠤᠷ ᠭᠡᠵᠦ ᠪᠢᠷᠠ ᠲᠠᠢ ᠴᠢᠳᠠᠯ ᠲᠠᠢ ᠬᠥᠮᠦᠨ ᠢ᠋ ᠬᠡᠯᠡᠬᠦ ᠪᠢᠰᠢ ᠂ ᠬᠠᠷᠢᠨ ᠪᠢᠯᠢᠭᠲᠡᠢ ᠰᠥᠰᠥᠲᠡᠢ ᠡᠷᠡ ᠶ᠋ᠢ ᠬᠡᠯᠡᠨᠡ ᠃
ᠲᠠᠭᠠᠷᠠᠨᠠ ᠤᠤ ? ᠦᠭᠡᠢ ᠦᠦ ᠲᠠ ᠨᠢᠭᠡ ᠪᠣᠳᠣᠵᠤ ᠦᠵᠡ
2
ᠦᠬᠡᠷ ᠴᠢᠯᠠᠭᠤ ᠶ᠋ᠢ ᠡᠷᠭᠦᠭᠡᠳ ᠪᠣᠰᠳᠠᠭ ᠡᠷᠡ ᠴᠢᠨᠢ ᠂ ᠥᠨᠳᠡᠭᠡᠨ ᠴᠢᠯᠠᠭᠤᠨ ᠳ᠋ᠤ᠌ ᠲᠠᠷᠤᠭᠳᠠᠴᠢᠭᠠᠳ ᠬᠥᠳᠡᠯᠵᠦ ᠳᠡᠢᠯᠬᠦ ᠦᠭᠡᠢ ᠃
ᠦᠨᠡᠨ ᠦᠦ? ᠬᠤᠳᠠᠯ ᠤᠤ ? ᠥᠩᠭᠡᠷᠡᠭᠰᠡᠨ ᠡᠦᠲᠦ ᠮᠤᠩᠭᠦᠢ ᠪᠢᠵᠡ ᠃
3
ᠭᠠᠳᠠ ᠶ᠋ᠢᠨ ᠭᠠᠢᠬᠠᠮᠰᠢᠭᠲᠠᠢ ᠨᠢ ᠦᠬᠡᠷ ᠴᠢᠯᠠᠭᠤ ᠶ᠋ᠢ ᠬᠥᠳᠡᠯᠭᠡᠬᠦ ᠴᠢᠳᠠᠯ ᠲᠠᠢ ᠳ᠋ᠠᠭᠠᠨ ᠪᠢᠰᠢ ᠂ ᠥᠨᠳᠡᠭᠡᠨ ᠴᠢᠯᠠᠭᠤ ᠶ᠋ᠢ ᠬᠥᠨᠳᠡᠬᠦ ᠵᠢᠷᠦᠬᠡ ᠲᠠᠢ ᠳ᠋ᠠᠭᠠᠨ ᠶᠤᠮ᠃
ᠢᠲᠡᠭᠡᠨᠡ ᠦᠦ ? ᠦᠭᠡᠢ ᠦᠦ ? ᠦᠨᠡᠮᠰᠢᠵᠦ ᠶᠠᠳᠠᠮᠠᠷ ᠴᠤ᠌ ᠶᠠᠪᠤᠳᠠᠯ ᠪᠢᠰᠢ ᠳᠡ᠃
4
ᠮᠠᠨᠤᠬᠤ ᠵᠢᠩᠰᠡ ᠶ᠋ᠢᠨ ᠬᠡᠮᠬᠡ ᠣᠢᠴᠢᠭᠰᠠᠨ ᠭᠠᠵᠠᠷ ᠠ᠋ᠴᠠ ᠮᠠᠨ ᠤ᠋ ᠪᠠᠭᠠᠲᠤᠷ ᠪᠣᠰᠴᠤ ᠵᠣᠭᠰᠣᠭᠰᠠᠨ ᠪᠢᠵᠡ ᠃
ᠲᠡᠢᠮᠦ ᠤᠤ ? ᠪᠢᠰᠢᠦ ? ᠶᠠᠭ ᠴᠢᠨᠠᠷ ᠢ᠋ ᠨᠢ ᠬᠡᠯᠡᠪᠡᠯ ᠡᠢᠮᠦ ᠯᠡ ᠪᠣᠢ ᠃
ᠪᠠᠭᠴᠠ ᠴᠡᠴᠡᠭ
ᠪᠠᠭᠠᠲᠤᠷ ᠲᠠᠭᠠᠨ ᠭᠡᠵᠦ ᠪᠠᠭᠴᠠ ᠴᠡᠴᠡᠭ ᠠᠪᠤᠯᠠ ᠃ ᠲᠡᠭᠡᠭᠡᠳ ᠴᠣᠬᠣᠮ ᠬᠠᠮᠢᠭᠠ ᠭᠡᠵᠦ ᠲᠠᠯᠪᠢᠳᠠᠭ ᠪᠢᠯᠡ ?
ᠠᠷᠠᠳ ᠤ᠋ᠨ ᠴᠡᠴᠡᠷᠯᠢᠭ ᠲᠦ᠍ ᠦᠦ ?
ᠪᠤᠯᠠᠰᠢ ᠨᠢ ᠲᠡᠨᠳᠡ ᠦᠭᠡᠢ ᠃
ᠳᠠᠯᠠᠨ ᠬᠠᠷᠠ ᠶ᠋ᠢᠨ ᠣᠩᠭᠣᠨ ᠳ᠋ᠤ᠌ ᠤᠤ ?
ᠴᠢᠨᠳᠠᠷ ᠨᠢ ᠠᠳᠠ ᠦᠭᠡᠢ ᠃
᠁
ᠲᠡᠭᠡᠪᠡᠯ ᠂ ᠬᠠᠰᠢ ᠯᠠ ᠥᠯᠵᠡᠢᠮᠦᠷᠡᠨ ᠳ᠋ᠦ᠍ ᠤᠷᠤᠰᠬᠠᠬᠤ ᠶᠤᠮ ᠪᠢᠵᠡ ?
ᠦᠭᠡᠢ ᠬᠥᠮᠦᠨ ᠳ᠋ᠦ᠍ ᠦᠭᠴᠢᠬᠡᠶᠡ᠃
ᠤᠴᠢᠷ ᠨᠢ ᠂ ᠬᠥᠰᠢᠶᠡ ᠳᠤᠷᠠᠰᠬᠠᠯ ᠨᠢ ᠬᠥᠮᠦᠰ ᠦ᠋ᠨ ᠰᠡᠳᠬᠢᠯ ᠵᠢᠷᠦᠬᠡᠨ ᠳ᠋ᠦ᠍ ᠰᠦᠨᠳᠡᠷᠯᠡᠵᠦ ᠪᠠᠢᠳᠠᠭ ᠶᠤᠮ ᠃
ᠪᠠᠶᠠᠰᠤᠯ ᠲᠤᠬᠤᠷᠤᠭᠤᠯᠤᠯ
ᠥᠪᠥᠷ ᠮᠣᠩᠭᠣᠯ –– ᠵᠢᠱ᠌ᠢᠶᠡᠴᠢ ᠣᠷᠣᠨ ᠂ ᠡᠨᠡ ᠪᠣᠯ ᠶᠠᠭ ᠦᠨᠡᠨ!
ᠥᠴᠥᠭᠡᠳᠦᠷ ᠡᠢᠮᠦ ᠪᠠᠢᠭᠰᠠᠨ ᠂ ᠥᠨᠥᠳᠥᠷ ᠴᠦ᠍ ᠡᠢᠮᠦ ᠪᠠᠢᠭᠰᠠᠭᠠᠷ ᠃
ᠨᠠᠮ ᠠ᠋ᠴᠠ ᠢᠩᠭᠢᠵᠦ ᠦᠵᠡᠵᠦ ᠪᠠᠢᠨᠠ ᠃
ᠨᠡᠢᠲᠡ ᠪᠡᠷ ᠢ᠋ᠶ᠋ᠡᠨ ᠴᠦ᠍ ᠢᠩᠭᠢᠵᠦ ᠮᠡᠳᠡᠷᠡᠵᠦ ᠪᠠᠢᠨᠠ ᠃
ᠭᠡᠬᠦ ᠳ᠋ᠡᠭᠡᠨ ᠂ ᠦᠨᠡᠯᠡᠭᠦᠱᠢᠲᠡᠢ ᠨᠢ ᠭᠡᠪᠡᠯ ᠥᠴᠥᠭᠡᠳᠦᠷ ᠨᠢ ᠪᠢᠰᠢ ᠬᠠᠷᠢᠨ ᠥᠨᠥᠳᠥᠷ ᠨᠢ ᠪᠠᠢᠳᠠᠭ ᠃
ᠡᠭᠦᠨ ᠳ᠋ᠦ᠍ ᠂ ᠦᠷᠡᠭᠳᠡᠭᠰᠡᠨ ᠪᠠᠭᠠᠲᠤᠷ ᠭᠠᠳᠠ ᠮᠢᠨᠢ ᠶᠢᠰᠦᠨ ᠪᠤᠯᠠᠭ ᠤ᠋ᠨ ᠳᠣᠣᠷᠠ ᠴᠢ ᠪᠡᠶᠡᠰᠦᠨ ᠲᠤᠬᠤᠷᠤᠬᠤ ᠪᠣᠯᠤᠭᠠᠰᠠᠢ !
1981 . 2 . 12 ᠲᠤ᠌ ᠪᠢᠴᠢᠵᠦ 1983 . 9 . 19 ᠳ᠋ᠦ᠍ ᠵᠠᠰᠠᠪᠠ ᠃