ᠦᠯᠢᠭᠡᠷ ᠰᠢᠭ᠌ ᠦᠨᠡᠨ ᠪ ᠨᠤᠳᠤᠭ - ᠲ ᠂ ᠬᠥᠬᠡᠤ᠋ᠴᠢ Үлгэр шиг үнэний нутаг - Т ᠂ Хөхоч
286ᠦᠯᠢᠭᠡᠷ ᠰᠢᠭ᠌ ᠦᠨᠡᠨ ᠪ ᠨᠤᠳᠤᠭ
ᠲ ᠂ ᠬᠦᠬᠡᠤ᠋ᠴᠢ
ᠲᠤᠭᠯᠠᠵᠤ ᠦᠰᠦᠭᠰᠡᠨ ᠬᠦᠮᠦᠨ ᠠᠷᠠᠳ ᠨᠢ ᠮᠠᠯᠵᠢᠬᠤ ᠰᠤᠶᠤᠯ ᠲᠠᠢ
ᠲᠡᠦᠬᠡᠯᠡᠵᠦ ᠤᠯᠠᠷᠢᠭᠰᠠᠨ ᠤᠰᠤ ᠰᠢᠷᠤᠢ ᠨᠢ ᠮᠦᠩᠬᠡᠷᠡᠬᠦ ᠶᠢᠨ ᠵᠠᠶᠠᠭᠠ ᠲᠠᠢ
ᠭᠠᠵᠠᠷ ᠲᠡᠭᠡᠷᠡ ᠨᠢ ᠨᠡᠷᠡ ᠪᠡᠨ ᠦᠯᠡᠳᠡᠭᠡᠬᠦ ᠳᠦ ᠬᠠᠷᠠᠴᠤ ᠴᠤᠯᠠ ᠲᠠᠢ
ᠭᠠᠯᠪᠠ ᠶᠡᠭᠦᠷᠡᠬᠦ ᠦᠭᠡᠢ ᠴᠠᠭ ᠲᠤ ᠪᠠᠯᠠᠷᠠᠬᠤ ᠦᠭᠡᠢ ᠮᠢᠨᠳᠠᠰᠤᠨ ᠦᠯᠦᠭᠡᠢ
ᠬᠤᠳᠠ ᠪᠠᠯᠭᠠᠰᠤᠨ ᠪ ᠬᠢᠨ ᠡᠨᠡ ᠭᠠᠵᠠᠷ ᠢ ᠬᠦᠳᠡᠭᠡ ᠭᠡᠵᠦ ᠬᠡᠯᠡᠳᠡᠭ
ᠬᠤᠨᠤᠭ ᠪᠤᠯᠭᠠᠨ ᠳ᠋ᠠᠭᠠᠨ ᠡᠵᠡᠳ ᠨᠢ ᠨᠤᠳᠤᠭ ᠢᠶ᠋ᠡᠨ ᠭᠡᠵᠦ ᠵᠡᠭᠦᠳᠦᠯᠡᠳᠡᠭ ᠃
ᠪᠦᠭᠦᠳᠡ ᠨᠠᠶ᠋ᠢᠷᠠᠮᠳᠠᠬᠤ ᠤᠯᠤᠰ ᠤᠨ ᠦᠨᠳᠦᠰᠦᠨ ᠱᠠᠳᠤ ᠮᠢᠨᠤ ᠤᠷᠴᠢᠨ
ᠪᠦᠭᠦᠳᠡᠭᠡᠷ ᠨᠠᠶ᠋ᠢᠷᠠᠮᠳᠠᠬᠤ ᠶᠤᠰᠤᠳᠠᠢ ᠨᠢ ᠦᠨᠳᠦᠰᠦ ᠨᠢᠭᠡᠳᠠᠢ ᠮᠢᠨᠤ ᠠᠷᠠᠳ ᠂
ᠨᠠᠷᠠ ᠰᠠᠷᠠᠨ ᠪ ᠭᠡᠷᠡᠯ ᠬᠤᠷᠮᠤᠶ᠋ᠢᠯᠠᠭᠰᠠᠨ ᠡᠩᠭᠡᠷ ᠬᠡᠮᠡᠨ
ᠲᠦᠷᠦ ᠲᠠᠮᠨᠠᠨ ᠂ ᠵᠠᠭᠤᠨ ᠲᠠᠮᠵᠢᠭᠰᠠᠨ
ᠨᠠᠮ ᠵᠠᠰᠠᠭ ᠲᠠᠭᠠᠨ ᠰᠢᠳᠤᠷᠭᠤ ᠦᠨᠡᠨ ᠪ ᠲᠡᠭᠷᠢ ᠬᠡᠮᠡᠨ
ᠵᠠᠯᠪᠢᠷᠠᠵᠤ ᠰᠦᠭᠦᠳᠦᠨ ᠂ ᠵᠠᠶ᠋ᠢᠯᠠᠵᠤ ᠦᠷᠦᠰᠢᠶᠡᠭᠰᠡᠨ
ᠪᠠᠶ᠋ᠢᠭᠠ ᠯᠠ ᠡᠨᠡ ᠨᠤᠳᠤᠭ ᠤᠨ ᠠᠯᠳᠠᠷ ᠢᠶ᠋ᠡᠷ
ᠨᠡᠷᠡ ᠪᠡᠨ ᠴᠢᠮᠡᠭᠰᠡᠨ ᠴᠠᠭ ᠨᠢ ᠦᠩᠭᠡᠷᠡᠵᠦ
ᠪᠠᠶᠠᠷ ᠭᠤᠨᠢᠭ ᠰᠡᠬᠡᠯ ᠮᠦᠬᠦᠯ ᠲᠠᠢ
ᠲᠤᠭᠤᠯᠤᠭᠰᠠᠨ ᠮᠦᠷ ᠦᠨ ᠵᠢᠮᠡ ᠨᠢ ᠠᠯᠳᠠᠷᠠᠵᠤ
ᠴᠦᠯ ᠦᠨ ᠲᠠᠭᠤᠯᠠᠯ ᠠᠭᠠᠷ ᠲᠤ ᠨᠢ ᠰᠡᠮᠬᠡᠨ ᠵᠠᠮᠬᠠᠷᠠᠭᠰᠠᠨ
ᠭᠤᠤᠯ ᠤᠨ ᠬᠠᠶ᠋ᠢᠷᠠᠲᠠᠢ ᠦᠯᠢᠭᠡᠷ ᠰᠢᠭ᠌ ᠦᠨᠡᠨ ᠪ ᠨᠤᠳᠤᠭ ᠮᠢᠨᠢ ᠃
ᠤᠷᠳᠤ ᠶᠢᠨ ᠲᠠᠭᠤᠤ ᠂ ᠮᠤᠷᠢᠨ ᠬᠤᠭᠤᠷ ᠨᠢ ᠮᠥᠩᠬᠡ ᠶ᠋ᠢᠨ ᠤᠶᠠᠩᠭᠠ ᠲᠠᠢ
ᠤᠯᠠᠮᠵᠢᠯᠠᠯᠳᠤ ᠮᠠᠯᠵᠢᠯ ᠂ ᠲᠧᠭᠨᠢᠭ ᠮᠡᠷᠭᠡᠵᠢᠯ ᠨᠢ ᠮᠦᠨ ᠬᠦ᠋ ᠬᠡᠪ ᠲᠡᠭᠡᠨ
ᠤᠶᠠᠬᠠᠨ ᠰᠡᠳᠬᠢᠯ ᠨᠠᠰᠤᠨ ᠪᠠᠭᠠ ᠳ᠋ᠤᠨᠢ ᠪᠦᠭᠦᠳᠡ ᠳᠦ ᠠᠳᠠᠯᠢᠬᠠᠨ ᠰᠢᠩᠭᠡᠭᠰᠡᠨ
ᠠᠯᠳᠠᠷᠳᠠᠨ ᠬᠦᠴᠦᠲᠡᠨ ᠪ ᠵᠢᠭᠦᠷ ᠨᠢ ᠪᠥᠷᠢᠳᠴᠦ ᠪᠦᠬᠡᠵᠢᠭᠰᠡᠨ ᠤᠷᠤᠨ ᠂
ᠤᠨ ᠴᠠᠭ ᠤᠨ ᠡᠯᠡᠭᠳᠡᠯ ᠳᠤ ᠨᠡᠷᠡ ᠪᠡᠨ ᠬᠡᠴᠢᠨᠡᠨ ᠬᠠᠯᠠᠭᠰᠠᠨ ᠴᠤ᠌
ᠠᠰᠢᠳᠠ ᠶᠢᠨ ᠨᠡᠶ᠋ᠢᠭᠡᠮ ᠵᠢᠷᠤᠮ ᠢᠶ᠋ᠠᠨ ᠪᠠᠶ᠋ᠢᠭᠤᠯᠵᠤ ᠬᠦᠭᠵᠢᠭᠦᠯᠦᠭᠰᠡᠨ ᠨᠤᠳᠤᠭ ᠂
ᠤᠷᠴᠢᠯᠠᠨᠭ᠌ ᠤᠨ ᠨᠠᠷᠠᠨ ᠪ ᠰᠠᠴᠤᠷᠠᠭ ᠬᠦᠷᠦᠰᠦ ᠪᠤᠯᠭᠠᠨ ᠳ᠋ᠤᠨᠢ ᠲᠤᠰᠴᠤ ᠶᠠᠳᠠᠮᠠ
ᠤᠭᠳᠠᠷᠭᠤᠢ ᠪᠠᠷ ᠬᠠᠯᠢᠬᠤ ᠪᠦᠷᠭᠦᠳ ᠬᠦᠨᠳᠡᠯᠡᠨ ᠲᠤᠭᠤᠯᠬᠤ ᠳᠤ ᠡᠷᠴᠢ ᠴᠤᠴᠠᠮᠠ
ᠲᠡᠭᠷᠢ ᠶᠢᠨ ᠴᠡᠭᠡᠯ ᠡᠴᠡ ᠪᠤᠶᠠᠨ ᠰᠢᠪᠰᠢᠭᠰᠡᠨ ᠬᠤᠷᠠ ᠴᠢᠭᠢᠭ ᠨᠢ ᠲᠤᠨᠳᠠᠷᠠᠰᠢ ᠦᠭᠡᠢ
ᠲᠢᠪ ᠦᠨ ᠴᠡᠩᠭᠡᠯ ᠡᠴᠡ ᠵᠢᠷᠭᠠᠯ ᠰᠢᠯᠢᠭᠰᠡᠨ ᠬᠤᠪᠢ ᠲᠠᠢ ᠠᠷᠠᠳ ᠨᠢ ᠮᠦᠬᠦᠰᠢ ᠦᠭᠡᠢ
ᠰᠠᠨᠠᠭᠠᠨ ᠪ ᠵᠦᠭ ᠲᠡᠭᠡᠨ ᠮᠡᠯᠮᠡᠯᠵᠡᠭᠰᠡᠨ ᠤᠷᠤᠰᠬᠠᠯᠳᠤ ᠭᠤᠤᠯ ᠨᠢ ᠭᠠᠵᠠᠷ ᠤᠨ ᠠᠶᠠᠯᠭᠤ
ᠮᠠᠨᠠᠭᠠᠨ ᠪ ᠤᠳᠤᠳ ᠢᠶ᠋ᠡᠨ ᠲᠤᠯᠭᠠᠭᠤᠷᠢᠯᠠᠭᠰᠠᠨ ᠰᠠᠷᠢᠳᠠᠭ ᠤᠷᠭᠢᠯ ᠨᠢ ᠲᠡᠯᠡᠬᠡᠢ ᠶᠢᠨ ᠨᠢᠳᠦ
ᠲᠠᠭᠤᠯᠠᠬᠤ ᠳᠤ ᠰᠢᠷᠤᠩᠬᠠᠢ ᠨᠢ ᠴᠤᠤᠷᠢᠶᠠᠳᠤᠳᠠᠭ ᠮᠤᠩᠭᠤᠯ ᠤᠨ ᠲᠠᠯᠠ ᠨᠡᠯᠦᠢᠢᠭᠰᠡᠠ ᠴᠡᠯᠡᠭᠡᠷ
ᠲᠤᠭᠳᠤᠯᠠᠬᠤ ᠳᠤ ᠬᠠᠶ᠋ᠢᠷᠠ ᠨᠢ ᠪᠤᠴᠠᠯᠤᠳᠠᠭ ᠲᠦᠮᠡᠨ ᠪ ᠰᠡᠳᠬᠢᠯ ᠨᠠᠯᠠᠶ᠋ᠢᠭᠰᠠᠨ ᠴᠠᠶ᠋ᠢᠯᠭᠠᠨ
ᠬᠦᠷᠦᠰᠦ ᠨᠢ ᠲᠠᠴᠢᠷᠰᠢᠵᠤ ᠡᠯᠡᠰᠦ ᠨᠢ ᠴᠠᠶ᠋ᠢᠷᠠᠬᠤ ᠳᠤ ᠮᠠᠷᠳᠠᠵᠤ ᠴᠢᠳᠠᠬᠤ ᠦᠭᠡᠢ ᠠᠯᠳᠠᠭᠠ ᠮᠢᠨᠢ !
ᠬᠦᠮᠦᠨ ᠨᠢ ᠤᠬᠠᠭᠠᠷᠠᠵᠤ ᠡᠯᠢᠭᠡ ᠨᠢ ᠲᠡᠪᠳᠦᠬᠦ ᠳᠦ ᠮᠠᠭᠳᠠᠵᠤ ᠴᠢᠳᠠᠬᠤ ᠦᠭᠡᠢ ᠵᠠᠶᠠᠭᠠ ᠮᠢᠨᠢ !
ᠨᠠᠰᠤ ᠪᠠᠷ ᠢᠶ᠋ᠡᠨ ᠤᠷᠤᠰᠢᠨᠠ ᠭᠡᠬᠦ ᠳᠦ
ᠨᠢᠯᠪᠤᠰᠤᠨ ᠳᠠᠭᠠᠨ ᠪᠦᠷᠳᠦᠯᠵᠡᠬᠦ ᠨᠢᠳᠦᠨ ᠪ ᠮᠢᠨᠢ
ᠣᠶ᠋ᠢᠷᠠ ᠠᠴᠠ ᠬᠠᠷᠠᠭᠰᠠᠨ ᠲᠡᠯᠡᠬᠡᠢ ᠮᠢᠨᠢ !
ᠴᠢᠰᠤ ᠪᠠᠷ ᠢᠶ᠋ᠡᠨ ᠦᠪᠯᠡᠨᠡ ᠭᠡᠬᠦ ᠳᠦ
ᠴᠤᠬᠢᠯᠭᠠ ᠨᠢ ᠲᠦᠷᠭᠡᠰᠬᠦ ᠵᠢᠷᠦᠬᠡᠨ ᠪ ᠮᠢᠨᠢ
ᠬᠤᠯᠠ ᠠᠴᠠ ᠰᠠᠨᠠᠭᠰᠠᠨ ᠦᠯᠦᠭᠡᠢ ᠮᠢᠨᠢ ᠡ !
ᠬᠦᠯᠦᠭ ᠦᠨ ᠢᠶ᠋ᠡᠨ ᠰᠢᠨᠳᠠᠰᠤ ᠶᠢ ᠰᠤᠷᠢ ᠭᠡᠵᠦ
ᠲᠡᠭᠡᠳᠦᠰ ᠦᠨ ᠮᠢᠨᠢ ᠦᠯᠡᠳᠡᠭᠡᠭᠰᠡᠨ ᠠᠯᠳᠠᠨ ᠲᠡᠪᠢᠰᠭᠡᠷ ᠠᠭᠤᠳᠠᠮ ᠢᠶ᠋ᠡᠷ ᠢᠶ᠋ᠡᠨ
ᠬᠦᠮᠦᠨ ᠪ ᠪᠠᠨ ᠡᠪ ᠢ ᠪᠡᠬᠢᠯᠡ ᠭᠡᠵᠦ
ᠲᠤᠯᠭᠠ ᠪᠠᠷ ᠢᠶ᠋ᠡᠨ ᠵᠠᠭᠪᠤᠷᠢᠯᠠᠭᠰᠠᠨ ᠭᠠᠯ ᠲᠠᠢ ᠰᠤᠷᠭᠠᠯ ᠢ ᠮᠠᠨᠠᠭᠰᠠᠨ ᠶᠤᠮ ᠃
ᠲᠠᠪᠤᠨ ᠮᠦᠰᠦ ᠪᠡᠷ ᠨᠢᠭᠳᠠᠷᠠᠯ ᠵᠦᠢᠷᠯᠡᠭᠰᠡᠨ ᠴᠤᠤᠳᠠᠢ ᠦᠯᠢᠭᠡᠷ ᠪᠠᠶ᠋ᠢᠳᠠᠭ ᠶᠤᠮ ᠂
ᠲᠠᠪᠤᠨ ᠲᠢᠪ ᠲᠦ ᠮᠦᠷ ᠢᠶ᠋ᠠᠨ ᠦᠯᠡᠳᠡᠭᠡᠭᠰᠡᠨ ᠰᠤᠳᠤᠷ ᠲᠡᠦᠬᠡ ᠪᠠᠶ᠋ᠢᠳᠠᠭ ᠶᠤᠮ ᠃
ᠲᠠᠪᠤᠨ ᠬᠤᠰᠢᠭᠤᠳᠤ ᠦᠰᠭᠡᠵᠦ ᠣᠨᠳᠣᠷᠤᠭᠤᠯᠤᠭᠰᠠᠨ ᠮᠠᠯᠴᠢᠨ ᠪᠠᠰᠠ ᠪᠠᠶ᠋ᠢᠬᠤ ᠶᠤᠮ ᠂
ᠲᠠᠪᠤᠨ ᠮᠢᠩᠭᠠᠨ ᠢᠶ᠋ᠡᠷ ᠪᠠᠳᠤ ᠰᠠᠬᠢᠭᠰᠠᠨ ᠮᠤᠩᠭᠤᠯ ᠮᠦᠨ ᠪᠠᠶ᠋ᠢᠬᠤ ᠶᠤᠮ ᠃
ᠲᠠᠭᠤᠤ ᠰᠤᠨᠤᠰᠤᠭᠠᠳ ᠤᠶ᠋ᠢᠳᠬᠠᠷ ᠰᠡᠷᠭᠦᠬᠦ ᠦᠭᠡᠢ
ᠲᠤᠭᠤᠢ ᠰᠠᠭᠤᠭᠠᠳ ᠤᠬᠠᠭᠠᠨ ᠰᠡᠶ᠋ᠢᠷᠡᠭᠵᠢᠬᠦ ᠦᠭᠡᠢ
ᠭᠤᠮᠤᠳᠠᠬᠤ ᠪᠠᠶᠠᠷᠯᠠᠬᠤ ᠶᠢ ᠮᠡᠳᠡᠳᠡᠭ ᠴᠤ᠌ ᠦᠭᠡᠢ
ᠭᠤᠶᠤ ᠳᠠᠭᠠᠨ ᠲᠤᠯᠳᠠᠯᠠ ᠦᠯᠢᠭᠡᠷ ᠲᠠᠢ ᠨᠤᠳᠤᠭ ᠂
ᠠᠮᠢᠳᠤᠷᠠᠵᠤ ᠡᠩᠬᠡ ᠶᠢᠨ ᠭᠤᠯᠤᠮᠳᠠ ᠪᠠᠨ ᠪᠠᠳᠠᠷᠠᠭᠠᠬᠤ ᠳᠤ
ᠤᠪᠤᠭᠠᠨ ᠰᠦᠯᠳᠡ ᠳᠡᠭᠡᠨ ᠲᠠᠭᠠᠳᠬᠠᠭᠰᠠᠨ
ᠤᠨᠠᠭᠰᠠᠨ ᠰᠢᠷᠤᠢ ᠲᠡᠭᠡᠳᠦᠰ ᠦᠨ ᠰᠦᠨᠡᠰᠦ ᠲᠠᠢ ᠂
ᠢᠳᠡᠭᠡᠯ ᠡᠨᠡ !
ᠠᠯᠳᠠᠵᠤ ᠮᠦᠩᠭᠦᠨ ᠤᠳᠤ ᠰᠢᠭ᠋ ᠬᠠᠷᠪᠤᠬᠤ ᠳᠤ
ᠰᠢᠷᠬᠡᠭ ᠡᠪᠡᠰᠦ ᠪᠡᠨ ᠴᠤ ᠨᠠᠨᠳᠢᠩᠨᠠᠭᠰᠠᠨ
ᠤᠤᠭᠤᠭᠰᠠᠨ ᠤᠰᠤ ᠷᠠᠰᠢᠶᠠᠨ ᠰᠢᠮᠡ ᠲᠠᠢ ᠂
ᠢᠷᠤᠭᠡᠯ ᠡᠨᠡ !
ᠬᠦᠯᠦᠭ ᠮᠢᠨᠢ ᠤᠶᠠᠭᠠᠨ ᠳᠠᠭᠠᠨ ᠡᠮᠡᠭᠡᠯ ᠲᠠᠢ ᠪᠠᠶ᠋ᠢᠬᠤ ᠪᠠᠷ
ᠲᠤᠪᠳᠤᠯᠬᠤ ᠳᠤ ᠬᠤᠷᠢᠭᠯᠠᠰᠢ ᠦᠭᠡᠢ
ᠵᠤᠷᠢᠭ ᠢᠶ᠋ᠡᠷ ᠢᠶ᠋ᠡᠨ ᠡᠷᠡᠮᠡᠬᠡᠢ ᠂
ᠵᠢᠳᠬᠦᠯ ᠡᠨᠡ !
ᠰᠢᠯᠦᠭ ᠮᠢᠨᠢ ᠤᠬᠠᠭᠠᠨ ᠳᠠᠭᠠᠨ ᠨᠤᠳᠤᠭ ᠲᠠᠢ ᠪᠠᠶ᠋ᠢᠬᠤ ᠪᠠᠷ
ᠤᠶᠠᠩᠭᠠᠯᠠᠬᠤ ᠳᠤ ᠲᠠᠪᠳᠠᠰᠢ ᠦᠭᠡᠢ
ᠰᠡᠷᠡᠯ ᠢᠶ᠋ᠡᠷ ᠢᠶ᠋ᠡᠨ ᠭᠦᠨᠵᠡᠭᠡᠢ ᠂
ᠪᠠᠬᠠᠷᠬᠠᠯ ᠡᠨᠡ !
ᠬᠠᠷᠠᠬᠠᠨ ᠪᠡᠶᠡ ᠶᠢᠨ ᠮᠢᠨᠢ ᠠᠩᠭᠢᠷ ᠦᠯᠦᠭᠡᠢ
ᠪᠤᠷᠤᠬᠠᠨ ᠵᠢᠷᠦᠬᠡᠨ ᠪ ᠮᠢᠨᠢ ᠠᠭᠤᠰᠤᠯ ᠶᠤᠮ
ᠬᠠᠶ᠋ᠢᠷᠠ ᠳ᠋ᠠ ᠬᠡᠮᠡᠨ ᠪᠠᠳᠤ ᠢᠳᠡᠭᠡᠭᠡᠷᠡᠢ !
ᠬᠠᠷᠠᠶᠤ ᠳ᠋ᠠ ᠬᠡᠮᠡᠨ ᠨᠢᠳᠦ ᠲᠠᠯᠪᠢᠭᠠᠷᠠᠢ !
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠰᠠᠷᠠᠭᠤᠨ
ᠬᠢᠨᠠᠭᠴᠢ ᠄ ᠣᠳᠬᠠᠨᠰᠤᠡ