ᠥᠨᠳᠥᠷᠯᠢᠭ ᠦᠨ ᠥᠩᠭᠡᠲᠦ ᠵᠡᠭᠦᠳᠦ 〈 ᠮᠥᠴᠡᠯᠬᠡ ᠲᠠᠪᠤ 〉- ᠲ ᠂ ᠭᠣᠮᠪᠣᠵᠠᠪ Өндөрлөгийн өнгөт зүүд 〈 Мөчлөг тав 〉 - Т ᠂ Гомбожав
248ᠥᠨᠳᠥᠷᠯᠢᠭ ᠦᠨ ᠥᠩᠭᠡᠲᠦ ᠵᠡᠭᠦᠳᠦ 〈 ᠮᠥᠴᠡᠯᠬᠡ ᠲᠠᠪᠤ 〉
ᠦᠵᠦᠮ ᠦᠨ ᠬᠤᠩᠭᠢᠯ ᠤᠨ ᠰᠠᠭᠤᠭᠳᠠᠯ
ᠡᠭᠦᠯᠡ ᠳᠥᠭᠥᠷᠡᠩ ᠪᠣᠷᠣᠭᠠ ᠰᠡᠨᠵᠢᠭᠢᠨᠡᠨᠡ
ᠡᠮᠦᠰᠬᠡᠯ ᠨᠣᠷᠭᠠᠵᠤ ᠤᠨᠠᠬᠤ ᠦᠭᠡᠢ
ᠡᠩᠭᠡᠷ ᠳᠦᠭᠦᠷᠡᠩ ᠨᠢᠯᠪᠤᠰᠤ ᠭᠡᠯᠬᠢᠶᠡᠷᠡᠨᠡ
ᠡᠮᠬᠡᠨᠢᠯ ᠵᠢᠷᠤᠵᠤ ᠤᠷᠤᠰᠬᠤ ᠦᠭᠡᠢ
ᠲᠡᠭᠷᠢ ᠳᠥᠭᠥᠷᠡᠩ ᠭᠢᠯᠡᠯᠵᠡᠬᠤ ᠣᠳᠣ
ᠲᠡᠭᠦᠨ ᠠᠪᠬᠤ ᠶᠢ ᠬᠥᠯᠢᠶᠡᠵᠤ
ᠲᠦᠮᠡ ᠪᠤᠮᠠᠨ ᠭᠦᠬᠦᠨ ᠳᠤᠪᠴᠢ
ᠬᠠᠶ᠋ᠢᠷᠠ ᠪᠠᠨ ᠰᠠᠨᠠᠨ ᠪᠣᠶ᠋ᠢᠵᠢᠵᠤ ᠪᠠᠶ᠋ᠢᠨᠠ ᠠ᠋
ᠬᠠᠭᠤᠴᠢᠨ ᠬᠣᠲᠠ ᠶᠢᠨ ᠪᠠᠭᠤᠷᠢ ᠲᠡᠭᠡᠷᠡ
ᠬᠤᠪᠠᠬᠠᠶ᠋ᠢᠷᠠᠭᠰᠠᠨ ᠴᠡᠴᠡᠭ ᠤᠨ ᠳᠡᠯᠪᠢᠨ ᠲᠡᠭᠡᠷᠡ ᠭᠠᠷᠤᠯᠠ
ᠬᠣᠯᠠᠳᠠᠭᠰᠠᠨ ᠬᠠᠪᠤᠷ ᠤᠨ᠂ ᠳᠡᠩᠳᠡ ᠶᠠᠭᠠᠨ ᠵᠡᠭᠦᠳᠦ ᠤᠨᠲᠠᠷᠠᠵᠤ
ᠬᠤᠮᠠᠭ ᠰᠢᠷᠣᠢ
ᠬᠣᠪ ᠬᠠᠭᠤᠷᠠᠢ ᠪᠤᠲᠠᠷᠠᠨᠠ
ᠥᠨᠳᠥᠷ ᠥᠨᠳᠥᠷ
ᠦᠭᠡ ᠶᠠᠷᠢᠳᠠᠭ ᠦᠭᠡᠢ ᠲᠡᠤᠬᠡ ᠶᠢᠨ ᠣᠮᠣᠭᠰᠢᠯ
ᠥᠨᠥᠴᠢᠨ ᠭᠠᠯᠠᠭᠤ ᠶᠢᠨ ᠪᠤᠴᠠᠬᠤ ᠲᠠᠭᠤᠨ ᠳᠤ
ᠡᠪᠦᠷ ᠳᠥᠭᠥᠷᠡᠩ ᠡᠯᠥᠢ ᠬᠤᠯᠤᠢ ᠪᠢᠯᠡ
ᠰᠠᠯᠬᠢ
ᠰᠠᠬᠠᠯ ᠨᠢ ᠴᠠᠷᠴᠠᠭᠰᠠᠨ ᠡᠨᠡ ᠭᠠᠵᠠᠷ ᠤᠨ
ᠬᠠᠯᠠᠭᠤᠨ ᠭᠦᠢᠲᠡᠨ ᠠᠮᠢᠰᠬᠤᠭᠠ
ᠬᠠᠭᠤᠴᠢ ᠴᠠᠭ ᠪᠠ
ᠬᠣᠷᠢᠳᠤᠭᠠᠷ ᠵᠠᠭᠤᠨ ᠤ ᠠᠭᠤᠯᠵᠠᠷ ᠳᠡᠭᠡᠭᠦᠷ ᠱᠤᠤᠭᠢᠵᠤ
ᠬᠣᠯᠠ ᠠᠴᠠ ᠢᠷᠡᠭᠰᠡᠨ ᠪᠣᠳᠣᠯ ᠳᠤ ᠮᠢᠨᠢ ᠲᠤᠭᠤᠯᠭᠠ ᠴᠢᠳᠬᠤᠨᠠ
ᠬᠦᠨᠳᠦᠬᠡᠨ ᠤᠨᠠᠭᠰᠠᠨ ᠦᠳᠡᠰᠢ ᠶᠢᠨ ᠨᠠᠷᠠ᠂ ᠬᠥᠭᠡᠷᠦᠬᠦᠢ
ᠬᠥᠯ ᠢᠶ᠋ᠠᠨ ᠪᠢ ᠤᠷᠤᠭᠰᠢ ᠵᠥᠭᠡᠭᠡᠯᠡ
ᠮᠢᠨᠤ ᠮᠥᠷ᠂ ᠲᠡᠷᠡ ᠪᠣᠯ
ᠲᠥᠪ ᠡᠴᠡ ᠵᠢᠭᠤᠳᠠᠬᠤ ᠭᠥᠴᠥᠨ ᠦ ᠰᠤᠮᠤᠨ ᠤᠯᠠᠭᠠᠨ ᠦᠵᠦᠭᠦᠷ ᠪᠢᠯᠡ ᠡ︕
ᠳᠥᠯᠥ᠍ ᠶᠢᠨ ᠠᠭᠤᠯᠠ *
1
ᠨᠢᠭᠡᠨ ᠣᠪᠣᠭᠠ ᠲᠣᠭᠰᠢᠨ ᠭᠠᠯ ᠤᠨᠲᠠᠷᠠᠯᠠ
ᠬᠡᠭᠡᠷᠡ ᠵᠢᠰᠦᠮ ᠦᠨ ᠠᠳᠤᠭᠤᠨ ᠰᠦᠷᠦᠭ
ᠭᠡᠨᠡᠳᠲᠡ ᠣᠶ᠋ᠢᠴᠢᠭᠰᠠᠨ ᠰᠢᠭ᠋
ᠬᠣᠲᠣᠭᠤᠷ ᠶᠢᠨ ᠳᠦᠷᠡᠯᠵᠡᠭᠰᠡᠨ ᠤᠯᠠᠭᠠᠨ ᠡᠳᠦᠷ ᠤᠳ ᠭᠡᠪᠲᠡᠯᠡ
ᠰᠥᠷᠦᠭ ᠰᠥᠷᠦᠭ ᠬᠠᠷᠠ ᠬᠡᠷᠢᠶᠡ
ᠰᠥᠨᠢ ᠶᠢᠨ ᠵᠢᠭᠦᠷ ᠦᠳ ᠢ ᠬᠠᠶ᠋ᠢᠴᠢᠯᠠᠵᠤ ᠵᠣᠭᠰᠣᠭᠰᠠᠨ
ᠢᠯᠴᠢ ᠨᠢ᠂ ᠢᠳᠡᠭ ᠢᠳᠡᠭ ᠢᠶ᠋ᠠᠷ ᠬᠦᠷᠦᠵᠤ
ᠶᠢᠰᠦᠨ ᠲᠡᠭᠷᠢ ᠶᠢᠨ ᠡᠭᠦᠯᠡ
ᠤᠯᠠᠶ᠋ᠢᠬᠤ ᠪᠠᠨ ᠮᠠᠷᠲᠠᠵᠤ ᠡᠬᠢᠯᠡᠯᠡ
ᠭᠣᠪᠢ ᠶᠢᠨ ᠶᠠᠭᠠᠨ ᠦᠷ ᠤᠨᠲᠠᠷᠠᠵᠤ
ᠭᠡᠷ ᠭᠡᠷ ᠦᠨ ᠴᠤᠩᠬᠤ ᠪᠠᠷᠠᠭᠤᠨᠰᠢ ᠡᠷᠭᠢᠯᠡ︕
2
ᠨᠢᠭᠡᠨ ᠣᠪᠣᠭᠠ ᠲᠣᠭᠰᠢᠨ ᠭᠠᠯ ᠤᠨᠲᠠᠷᠠᠯᠠ
ᠭᠠᠵᠠᠷ ᠤᠨ ᠬᠠᠯᠠᠭᠤᠨ ᠭᠦᠰᠡᠯ
ᠭᠠᠷ ᠢᠶ᠋ᠠᠨ ᠳᠡᠭᠡᠭᠰᠢ ᠰᠠᠷᠪᠠᠶ᠋ᠢᠭᠰᠠᠨ ᠬᠡᠪ ᠢᠶ᠋ᠠᠷ ᠢᠶ᠋ᠠᠨ ᠴᠠᠷᠴᠠᠵᠤ
ᠠᠮᠢ ᠨᠠᠰᠤᠨ ᠤ ᠤᠩᠭᠤᠨ ᠠᠮᠢᠰᠬᠤᠯ
ᠠᠭᠠᠷ ᠬᠠᠷᠠᠭᠰᠠᠨ ᠴᠢᠭ᠌ ᠢᠶ᠋ᠡᠷ ᠢᠶ᠋ᠠᠨ ᠴᠢᠯᠠᠭᠤᠵᠢᠯᠠ
ᠡᠯᠢᠭᠡᠨ ᠬᠦᠷᠡᠩ ᠬᠠᠳᠠᠳ ᠤᠨ ᠴᠤᠭᠯᠠᠭᠠ
ᠡᠨᠡ᠂ ᠡᠷᠡ ᠪᠣᠳᠣᠯ ᠤᠨ ᠴᠠᠷᠴᠠᠭᠰᠠᠨ ᠭᠤᠨᠢᠭ
ᠡᠭᠦᠷᠢᠳᠡ ᠤᠨᠠᠬᠤ ᠦᠭᠡᠢ ᠴᠢᠪᠠᠭᠠᠨ ᠤᠯᠠᠭᠠᠨ ᠬᠠᠮᠠᠷ
ᠡᠬᠡ ᠭᠠᠵᠠᠷ ᠤᠨ ᠴᠢᠷᠠᠢ ᠳᠡᠭᠡᠷᠡ ᠳᠤᠭᠲᠠᠯᠠ
3
ᠨᠢᠭᠡᠨ ᠣᠪᠣᠭᠠ ᠲᠣᠭᠰᠢᠨ ᠭᠠᠯ ᠤᠨᠲᠠᠷᠠᠯᠠ
ᠦᠨᠡᠰᠦᠨ ᠦ ᠬᠢᠨᠢ ᠮᠠᠨᠠᠭᠠ ᠪᠣᠯᠵᠤ
ᠥᠲᠡᠯᠳᠡᠭ ᠦᠭᠡᠢ ᠲᠠᠩᠰᠤᠭ ᠯᠠᠮᠠ
ᠡᠳᠦᠷ ᠡᠳᠦᠷ ᠨᠠᠮᠠᠨᠴᠢᠯᠠᠨᠠ
ᠡᠷᠭᠦᠵᠤ ᠳᠠᠭᠠᠬᠤ ᠦᠭᠡᠢ ᠭᠠᠪᠢᠶᠠ ᠪᠠᠨ ᠲᠦᠰᠢᠨ
ᠦᠬᠦᠳᠡᠭ ᠦᠭᠡᠢ ᠪᠡᠴᠢᠨ ᠪᠠᠭᠰᠢ
ᠥᠯᠢᠭᠡᠷ ᠳᠦᠭᠦᠷᠡᠩ ᠲᠣᠭᠯᠠᠨᠠ
ᠭᠠᠯ ᠤᠨ ᠠᠮᠢᠳᠤ ᠡᠷᠯᠢᠭ
ᠭᠠᠳᠠᠯᠢ ᠶᠢᠨ ᠲᠡᠷᠡᠬᠦ ᠳᠤᠮᠤ ᠳᠡᠪᠢᠭᠦᠷ
ᠰᠥᠨᠢ ᠪᠣᠯᠭᠠᠨ ᠨᠣᠶ᠋ᠢᠷ ᠦᠭᠡᠢ᠂ ᠭᠠᠵᠠᠷ ᠴᠢᠩᠨᠠᠨ ᠭᠡᠪᠲᠡᠨᠡ ᠪᠢᠯᠡ ᠡ
4
ᠨᠢᠭᠡᠨ ᠣᠪᠣᠭᠠ ᠲᠣᠭᠰᠢᠨ ᠭᠠᠯ ᠤᠨᠲᠠᠷᠠᠯᠠ
ᠨᠡᠷᠡ ᠨᠢ᠂ ᠤᠨᠲᠠᠷᠠᠭᠠ ᠦᠭᠡᠢ
ᠨᠢᠭᠡᠨ ᠪᠠᠳᠠᠭ ᠪᠦᠳᠡᠬᠢ ᠰᠢᠯᠦᠭ᠂ ᠪᠢᠲᠡᠭᠦᠬᠡᠨ ᠬᠠᠩᠭᠢᠨᠠᠵᠤ
ᠨᠢᠳᠤ ᠲᠠᠢ ᠪᠣᠯᠭᠠᠨ ᠤ ᠰᠡᠳᠬᠢᠯ ᠤᠷᠤᠭᠤ
ᠨᠣᠴᠣᠵᠤ ᠪᠣᠰᠬᠤ ᠶᠢᠨ ᠵᠢᠷᠭᠠᠯ ᠢ᠂ ᠰᠡᠮ ᠳᠣᠬᠢᠨ ᠠᠰᠠᠵᠤ ᠪᠠᠶ᠋ᠢᠨᠠ ᠠ᠋︕
ᠵᠠᠯᠠᠭᠤ ᠰᠢᠯᠦᠭᠴᠢᠳ ᠦᠨ ᠴᠣᠪᠣᠷᠠᠯ ᠪᠢᠴᠢᠭ᠌
< ᠢᠷᠡᠬᠦ ᠵᠠᠭᠤᠨ ᠤ ᠬᠣᠩᠬᠣᠨ ᠳᠠᠭᠤᠨ > ᠡᠴᠡ ᠬᠠᠭᠤᠯᠪᠠ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ ᠄ ᠴᠣᠯᠮᠣᠨᠲᠤᠶᠠᠭᠠ
ᠬᠢᠨᠠᠭᠴᠢ ᠄ ᠭᠠᠸᠠ
2023 ᠂ 5 ᠂ 21 ᠪ ᠡᠲᠦᠷ