ᠵᠠᠩᠭᠠᠷ ᠤ᠋ᠨ ᠣᠷᠣᠰᠢᠯ ᠪᠦᠯᠦᠭ ᠦ᠋ᠨ ᠠᠷᠪᠠᠨ ᠶᠢᠰᠦᠳᠦᠭᠡᠷ ᠬᠡᠰᠡᠭᠯᠡᠯ - ᠲᠠᠪᠤᠨ ᠬᠣᠰᠢᠭᠤ ᠮᠠᠯ ᠰᠦᠷᠦᠭЖангарын оршил бөлгийн арван есдүгээр хэсэглэл-таван хошуу мал сүрэг
897ᠲᠠᠪᠤᠨ ᠬᠣᠰᠢᠭᠤ ᠮᠠᠯ ᠰᠦᠷᠦᠭ
ᠠᠯᠳᠠᠷ ᠨᠣᠶᠠᠨ ᠪᠣᠭᠳᠠ ᠵᠠᠩᠭᠠᠷ ᠤ᠋ᠨ ᠂
ᠲᠠᠪᠤᠨ ᠬᠣᠰᠢᠭᠤ ᠮᠠᠯ ᠰᠦᠷᠦᠭ ᠊ᠢ ᠂
ᠡᠨᠳᠡ ᠰᠠᠭᠤᠭᠰᠠᠨ ᠲᠠᠨᠠᠷ ᠲᠠᠭᠠᠨ ᠬᠡᠯᠡᠭᠡᠳ ᠦᠵᠡᠳᠡᠭ ᠪᠣᠯᠬᠤᠯᠠ ᠂
ᠨᠠᠷᠠᠨ ᠳᠣᠣᠷᠠ ᠨᠢ ᠪᠣᠯᠬᠤᠯᠠ ᠭᠡᠨᠡ ᠯᠡ ᠂
ᠨᠠᠶᠠᠨ ᠵᠢᠸ᠋ᠠ ᠠᠳᠤᠭᠤ ᠲᠠᠢ ᠭᠡᠨᠡ ᠯᠡ ᠂
ᠰᠠᠷᠠᠨ ᠳᠣᠣᠷᠠ ᠨᠢ ᠪᠣᠯᠬᠤᠯᠠ ᠭᠡᠨᠡ ᠯᠡ ᠂
ᠰᠠᠶᠠ ᠵᠢᠸ᠋ᠠ ᠠᠳᠤᠭᠤ ᠲᠠᠢ ᠭᠡᠨᠡ ᠯᠡ ᠂
ᠪᠣᠭᠣᠮᠲᠠ ᠶ᠋ᠢᠨ ᠡᠬᠢᠨ ᠳ᠋ᠡᠭᠡᠨ ᠪᠤᠮᠠᠨ ᠴᠠᠭᠠᠨ ᠬᠣᠨᠢ ᠲᠠᠢ ᠭᠡᠨᠡ ᠯᠡ ᠂
ᠲᠥᠩᠭᠡᠲᠤ ᠶ᠋ᠢᠨ ᠡᠬᠢᠨ ᠳ᠋ᠡᠭᠡᠨ ᠲᠦᠮᠡᠨ ᠴᠠᠭᠠᠨ ᠲᠡᠮᠡᠭᠡ ᠲᠡᠢ ᠭᠡᠨᠡ ᠯᠡ ᠂
ᠠᠲᠠᠷᠤᠭᠠ ᠪᠠᠷ ᠳᠦᠭᠦᠷᠡᠩ ᠠᠳᠤᠭᠤ ᠲᠠᠢ ᠭᠡᠨᠡ ᠯᠡ ᠂
ᠠᠯᠠᠭ ᠰᠠᠢᠬᠠᠨ ᠠᠵᠢᠷᠭᠠ ᠲᠠᠢ ᠭᠡᠨᠡ ᠯᠡ ᠂
ᠬᠣᠲᠠ ᠪᠠᠷ ᠳᠦᠭᠦᠷᠡᠩ ᠬᠤᠢ ᠢᠮᠠᠭᠠ ᠲᠠᠢ ᠭᠡᠨᠡ ᠯᠡ ᠂
ᠬᠣᠣ ᠭᠠᠯᠵᠠᠨ ᠬᠤᠴᠠ ᠲᠡᠭᠡ ᠲᠡᠢ ᠭᠡᠨᠡ ᠯᠡ ᠂
ᠦᠯᠥᠩ ᠢ᠋ᠶ᠋ᠡᠷ ᠳᠦᠭᠦᠷᠡᠩ
ᠦᠬᠡᠷ ᠲᠡᠢ ᠭᠡᠨᠡ ᠯᠡ ᠂
ᠥᠨᠳᠥᠷ ᠤᠯᠠᠭᠠᠨ ᠪᠤᠬᠠ ᠲᠠᠢ ᠭᠡᠨᠡ ᠯᠡ ᠂
ᠲᠡᠰᠬᠡᠨᠡ ᠪᠡᠷ ᠳᠦᠭᠦᠷᠡᠩ
ᠲᠡᠮᠡᠭᠡ ᠲᠡᠢ ᠭᠡᠨᠡ ᠯᠡ ᠂
ᠳᠡᠭᠡᠯ ᠭᠠᠯᠵᠠᠨ ᠪᠤᠤᠷᠠ ᠲᠠᠢ ᠭᠡᠨᠡ ᠯᠡ ᠂
ᠲᠠᠩᠰᠤᠭ ᠪᠤᠮᠪᠠ ᠶ᠋ᠢᠨ ᠣᠷᠣᠨ ᠳ᠋ᠠᠭᠠᠨ ᠂
ᠲᠠᠪᠤᠨ ᠬᠣᠰᠢᠭᠤ ᠮᠠᠯ ᠰᠦᠷᠦᠭ ᠨᠢ ᠂
ᠲᠠᠯᠠ ᠳᠦᠭᠦᠷᠡᠩ ᠪᠡᠯᠴᠢᠬ᠋ᠰᠡᠨ ᠂
ᠠᠷᠤ ᠪᠤᠮᠪᠠ ᠶ᠋ᠢᠨ ᠣᠷᠣᠨ ᠭᠡᠵᠦ ᠬᠡᠯᠡᠳᠡᠭ ᠰᠠᠨᠵᠢ ᠭᠡᠨᠡ
ᠯᠡ ᠃
ᠦᠭᠡᠰ ᠦ᠋ᠨ ᠲᠠᠶ᠋ᠢᠯᠪᠤᠷᠢ ᠄
1 ᠂ ᠰᠠᠶᠠ — ᠵᠠᠭᠤᠨ ᠲᠦᠮᠡ ᠃
2. ᠵᠢᠸ᠋ᠠ — ᠮᠢᠩᠭᠠᠨ ᠲᠦᠮᠡ
᠃
3. ᠬᠤᠢ — ᠤᠶ᠋ᠢᠷᠠᠳ ᠮᠣᠩᠭᠣᠯ ᠬᠡᠯᠡ ᠪᠡᠷ ᠬᠣᠨᠢ ᠶ᠋ᠢ( ᠬᠤᠢ) ᠬᠡᠯᠡᠳᠡᠭ ᠃
4. ᠦᠯᠥᠩ — ᠠᠭᠤᠯᠠ
ᠲᠤᠯᠤᠭᠠᠳ ᠤ᠋ᠨ ᠥᠪᠥᠷ ᠡᠩᠭᠡᠷ ᠪᠠᠯ ᠳ᠋ᠤ᠌ ᠪᠠᠶ᠋ᠢᠬᠤ
ᠤᠰᠤ ᠡᠪᠡᠰᠦ ᠤᠷᠭᠤᠮᠠᠯ ᠪᠡᠯᠴᠢᠭᠡᠷ ᠰᠠᠢᠨ ᠬᠤᠩᠬᠤᠷᠲᠠᠭᠤ ᠳᠥᠭᠥᠮ ᠭᠠᠵᠠᠷ ᠃
5 ᠂ ᠲᠡᠰᠬᠡᠨᠡ —5. ᠲᠡᠰᠬᠡᠨᠡ — ᠰᠢᠮᠡ ᠰᠠᠶ᠋ᠢᠲᠠᠢ ᠪᠤᠲᠠᠯᠠᠭ
ᠤᠷᠭᠤᠮᠠᠯ ᠂ ᠲᠠᠰᠬᠢ ᠭᠡᠳᠡᠭ ᠪᠣᠳᠠᠯᠠᠭ ᠤᠷᠭᠤᠮᠠᠯ
ᠤᠨᠴᠤᠭᠠᠢ ᠶᠡᠬᠡ ᠰᠠᠢᠬᠠᠨ ᠤᠷᠭᠤᠭᠰᠠᠨ
ᠭᠠᠵᠠᠷ ᠃
6. ᠳᠡᠭᠡᠯ ᠭᠠᠯᠵᠠᠨ — ᠬᠠᠮᠠᠷ ᠠ᠋ᠴᠠ ᠪᠠᠨ ᠦᠷᠪᠥᠯᠭᠡ ᠬᠦᠷᠲᠡᠯᠡ ᠪᠡᠨ ᠴᠠᠭᠠᠨ
ᠪᠤᠭᠤᠷᠤᠯ ᠦᠰᠦᠲᠡᠢ ᠂ ᠯᠤᠤ ᠮᠡᠲᠦ ᠤᠷᠲᠤ ᠬᠦᠵᠦᠭᠦᠦ ᠲᠡᠢ ᠬᠠᠮᠠᠷ
ᠬᠠᠯᠵᠠᠨ ᠃
2023 ᠣᠨ ᠤ᠋5
ᠰᠠᠷᠠ ᠶ᠋ᠢᠨ9 ᠳ᠋ᠦ᠍ ᠡᠯᠡᠰᠦᠲᠡᠢ ᠬᠣᠲᠠ ᠳ᠋ᠤ᠌ ᠪᠢᠴᠢᠵᠦ ᠲᠡᠮᠳᠡᠭᠯᠡᠪᠡ ᠃
ᠳ ᠂ ᠨᠠᠷᠠᠰᠤ ᠃
