ᠥᠨᠳᠥᠷᠯᠢᠭ ᠦᠨ ᠥᠩᠭᠡᠲᠦ ᠵᠡᠭᠦᠳᠦ 〈 ᠮᠥᠴᠡᠯᠬᠡ ᠳᠥᠷᠪᠡ 〉- ᠲ ᠂ ᠭᠣᠮᠪᠣᠵᠠᠪ Өндөрлөгийн өнгөт зүүд 〈 Мөчлөг дөрөв 〉 - Т ᠂ Гомбожав
183ᠥᠨᠳᠥᠷᠯᠢᠭ ᠦᠨ ᠥᠩᠭᠡᠲᠦ ᠵᠡᠭᠦᠳᠦ 〈 ᠮᠥᠴᠡᠯᠬᠡ ᠳᠥᠷᠪᠡ 〉
ᠴᠢ ᠬᠢᠭᠡᠳ ᠪᠢ
1
ᠪᠢᠲᠡ ᠬᠣᠶᠠᠭᠤᠯᠠ ᠶᠠᠭᠠᠬᠢᠬᠰᠠᠨ ᠬᠣᠯᠠ ᠪᠢᠯᠡ
ᠮᠢᠨᠦ ᠳᠠᠯᠠᠨ ᠬᠠᠷᠠ ᠶ᠋ᠢᠨ ᠣᠷᠣᠢ ᠡᠴᠡ
ᠨᠠᠷᠠ ᠂ ᠬᠡᠦᠬᠡᠳ ᠨᠠᠰᠤ ᠪᠠᠷ ᠶ᠋ᠢᠠᠨ ᠮᠣᠷᠲᠠᠵᠤ
ᠴᠢᠨᠦ ᠲᠩᠷᠢ ᠠᠭᠤᠯᠠ ᠶ᠋ᠢᠨ ᠬᠣᠷᠮᠣᠢ ᠳᠦ
ᠰᠠᠨᠴᠢᠭ ᠪᠤᠭᠤᠷᠤᠯ ᠬᠦᠷᠦᠨᠡ
ᠴᠢᠨᠦ ᠠᠯᠲᠠᠢ ᠶ᠋ᠢᠨ ᠬᠦᠷᠡᠩ ᠬᠠᠲᠠᠨ ᠠ᠋ᠴᠠ
ᠪᠦᠷᠭᠦᠳ ᠂ ᠴᠡᠯ ᠵᠠᠯᠠᠭᠤ ᠪᠠᠷ ᠶ᠋ᠢᠠᠨ ᠨᠢᠰᠴᠦ
ᠮᠢᠨᠦ ᠮᠤᠨᠢ ᠶ᠋ᠢᠨ ᠰᠢᠷᠭᠠᠯ ᠲᠠᠶ᠋ᠢᠭᠠ ᠳᠦ ᠥᠯ ᠴᠠᠭᠠᠨ ᠪᠠᠭᠤᠨᠠ
ᠤᠴᠠᠷᠠᠶᠠ ᠭᠡᠬᠦ ᠪᠣᠲᠣᠯ ᠊ᠢ
ᠤᠷᠲᠤ ᠶ᠋ᠢᠨ ᠵᠠᠮ ᠶᠠᠲᠠᠷᠠᠭᠠᠵᠤ
ᠠᠭᠤᠯᠠ ᠤᠰᠤᠨ ᠪ ᠲᠦᠮᠡᠨ ᠳᠠᠪᠬᠤᠷ ᠪᠠᠷᠠ
ᠵᠡᠭᠦᠲᠦ ᠪᠣᠲᠣᠯ ᠊ᠢ ᠵᠠᠶ᠋ᠢᠴᠢᠯᠠᠨᠠ
ᠪᠢᠲᠡ ᠬᠣᠶᠠᠭᠤᠯᠠ ᠶᠠᠭᠠᠬᠢᠬᠰᠠᠨ ᠬᠣᠯᠠ ᠪᠢᠯᠡ
2
ᠪᠢᠲᠡ ᠬᠣᠶᠠᠭᠤᠯᠠ ᠶᠠᠭᠠᠬᠢᠬᠰᠠᠨ ᠣᠶ᠋ᠢᠷᠠ ᠪᠢᠯᠡ
ᠭᠠᠵᠠᠷ ᠢᠶ᠋ᠠᠨ ᠭᠡᠵᠦ ᠥᠶᠥᠭ ᠰᠠᠨᠠᠨ ᠡᠷᠭᠢᠬᠦ
ᠭᠠᠭᠴᠠᠬᠠᠨ ᠨᠠᠷᠠᠨ ᠪ ᠪᠠᠨ ᠲᠤᠶᠠᠬ᠋ᠠ ᠶ᠋ᠢ ᠲᠣᠰᠣᠨ
ᠰᠡᠤᠠᠬᠢᠯ ᠮᠢᠨᠢ ᠡᠲᠦᠷᠰᠢᠵᠦ
ᠭᠠᠯᠠᠪ ᠭᠡᠳᠡᠭ ᠡᠨᠡ ᠲᠡᠨᠢᠭᠡᠷ ᠵᠠᠢ ᠳᠦ ᠨᠢᠭᠡ ᠯᠠ ᠵᠠᠶᠠᠭᠠᠨ ᠳᠦ ᠵᠢᠷᠭᠠᠨᠠ
ᠦᠷᠡ ᠪᠡᠨ ᠭᠡᠵᠦ ᠥᠶᠥᠭ ᠰᠠᠨᠠᠨ ᠶᠠᠪᠤᠬᠤ
ᠥᠷᠯᠥᠭ ᠡᠬᠡ ᠶ᠋ᠢᠨ ᠢᠶ᠋ᠠᠨ ᠰᠦ᠋ ᠶ᠋ᠢ ᠰᠢᠮᠡᠨ
ᠬᠠᠶ᠋ᠢᠷᠠ ᠮᠢᠨᠢ ᠴᠠᠤᠠᠴᠤ
ᠠᠮᠢᠲᠤᠷᠠᠯ ᠭᠡᠳᠡᠭ ᠡᠨᠡ ᠲᠣᠮᠣ ᠮᠣᠲᠣᠨ ᠪ ᠨᠢᠭᠡ ᠯᠡ ᠨᠠᠪᠴᠢᠨ ᠳᠤ ᠵᠢᠷᠭᠢᠨᠡ
ᠡᠷᠬᠡ ᠴᠢᠯᠥᠭᠡ ᠭᠡᠬᠦ ᠡᠴᠡ ᠂ ᠴᠢᠰᠤ
ᠨᠢᠭᠡ ᠯᠠ ᠰᠤᠲᠠᠰᠤ ᠪᠠᠷ ᠯᠤᠭᠰᠢᠵᠤ
ᠡᠬᠡ ᠣᠷᠣᠨ ᠪ ᠪᠡᠨ ᠰᠠᠶ᠋ᠢᠬᠠᠨ ᠴᠢᠷᠠᠢ ᠳᠡᠭᠡᠷᠡ ᠦᠨᠦᠰᠦᠯ ᠮᠢᠨᠢ ᠳᠠᠪᠬᠤᠴᠠᠨᠠ
ᠪᠢᠲᠡ ᠬᠣᠶᠠᠭᠤᠯᠠ ᠶᠠᠭᠠᠬᠢᠬᠰᠠᠨ ᠣᠶ᠋ᠢᠷᠠ ᠪᠢᠯᠡ
3
ᠠᠲᠠᠯᠢ ᠪᠤᠰᠤ ᠶ᠋ᠢᠨ ᠦᠭᠡ ᠬᠡᠯᠡ ᠪᠡᠷ
ᠠᠲᠠᠯᠢ ᠨᠢᠭᠡ ᠪᠣᠲᠣᠯ ᠶᠠᠷᠢᠵᠤ
ᠠᠲᠠᠯᠢ ᠪᠤᠰᠤ ᠶ᠋ᠢᠨ ᠦᠰᠦᠭ ᠪᠢᠴᠢᠭ ᠶ᠋ᠢᠡᠷ
ᠠᠲᠠᠯᠢ ᠨᠢᠭᠡ ᠵᠡᠭᠦᠲᠦ ᠵᠢᠷᠤᠨ
ᠠᠯᠲᠠᠢ ᠂ ᠮᠤᠨᠢ ᠶ᠋ᠢᠨ ᠶ᠋ᠢᠡᠨ ᠬᠠᠲᠠᠨ ᠨᠢᠷᠤᠭᠤ ᠪᠠᠷ
ᠠᠲᠠᠯᠢᠬᠠᠨ ᠨᠢᠭᠡ ᠲᠩᠷᠢ ᠡᠷᠭᠦᠨᠡ
ᠢᠨᠢᠶᠡᠯ ᠤᠬᠢᠯᠠᠯ ᠬᠣᠶᠠᠷ ᠲᠤ
ᠨᠢᠭᠡ ᠯᠠ ᠵᠢᠷᠦᠬᠡ ᠪᠡᠷ ᠴᠣᠬᠢᠯᠵᠤ
ᠢᠷᠡᠭᠡᠲᠦᠢ ᠮᠠᠷᠭᠠᠰᠢ ᠥᠭᠡᠲᠡ ᠪᠡᠨ
ᠨᠢᠭᠡ ᠯᠠ ᠰᠡᠤᠠᠬᠢᠯ ᠶ᠋ᠢᠡᠷ ᠲᠡᠮᠡᠦᠯᠦᠨᠡ
ᠴᠢ ᠪᠢᠲᠡ ᠬᠣᠶᠠᠷ
ᠬᠣᠷᠢᠲᠤᠭᠠᠷ ᠵᠠᠭᠤᠨ ᠪ ᠠᠯᠲᠠᠨ ᠳᠠᠪᠠᠬ᠋ᠠ ᠥᠭᠡᠲᠡ
ᠬᠣᠯᠠ ᠶ᠋ᠢᠨ ᠠᠶᠠᠨ ᠪ ᠬᠥᠰᠭᠡ ᠪᠡᠨ ᠴᠢᠷᠦᠭᠰᠡᠨ
ᠬᠣᠣᠰ ᠰᠠᠶ᠋ᠢᠬᠠᠨ ᠬᠥᠯᠥᠭ ᠪᠢᠯᠡ
ᠬᠣᠯᠠ ᠮᠥᠷᠲᠡᠭᠡᠨ ᠣᠪ ᠣᠶ᠋ᠢᠷᠠᠬᠠᠨ
ᠬᠤᠪᠢᠯᠭᠠᠨ ᠬᠣᠶᠠᠷ ᠳᠠᠯᠠᠪᠴᠢ ᠪᠢᠯᠡ ᠡ
ᠪᠠᠷᠺᠦᠢ᠍ᠯ ᠳ᠋ᠡᠬᠢ ᠪᠣᠳᠣᠯᠭᠠᠰᠢᠷᠠᠯ
ᠳᠤᠮᠳᠠᠳᠤ ᠠᠽᠢᠶᠠ ᠶᠢᠨ
ᠲᠣᠭᠰᠢᠨ ᠴᠢᠭᠢᠷᠠᠭ ᠨᠢᠭᠡᠨ ᠪᠠᠷᠰ ᠲᠤᠶᠠᠴᠠᠭᠳᠠᠯᠠ
ᠥᠨᠳᠥᠷᠯᠢᠭ ᠦᠨ ᠰᠢᠷᠦᠢ ᠶᠢ ᠪᠠᠵᠠᠵᠤ
ᠦᠯᠡᠳᠡᠭᠰᠡᠨ᠂ ᠡᠮᠦᠨᠡ ᠬᠣᠶᠠᠷ ᠬᠥᠯ ᠨᠢ
ᠥᠨᠢᠳᠡ ᠪᠠᠯᠠᠷᠠᠰᠢ ᠦᠭᠡᠢ ᠳᠠᠪᠬᠤᠷ ᠴᠡᠭ ᠪᠣᠯᠵᠤ ᠬᠣᠴᠣᠷᠴᠤ ᠪᠢᠯᠡ
ᠲᠦᠮᠡᠨ ᠠᠭᠲᠠ ᠶᠢᠨ ᠲᠦᠪᠦᠷᠭᠡᠨ ᠲᠠᠢ
ᠲᠡᠤᠬᠡ ᠶᠢᠨ ᠶᠡᠬᠡ
ᠲᠦᠷᠴᠢᠭᠢᠨᠡᠭᠰᠡᠨ ᠤᠯᠠᠨ ᠥᠭᠦᠯᠡᠪᠦᠷᠢ ᠨᠣᠭᠥᠳ
ᠲᠡᠭᠦᠨ ᠦ ᠡᠮᠦᠨᠡ ᠲᠡᠭᠦᠰᠴᠦ
ᠨᠠᠮ ᠵᠢᠮᠡᠭᠦᠬᠡᠨ
ᠨᠠᠮᠤᠷ ᠤᠨ ᠬᠦᠨᠳᠦᠬᠡᠨ ᠰᠡᠭᠦᠷᠡᠰᠦᠯᠡᠯ
ᠲᠡᠭᠦᠨ ᠦ ᠠᠷᠤ ᠠᠴᠠ ᠡᠬᠢᠯᠡᠵᠤ ᠪᠢᠯᠡ ᠡ
ᠡᠳᠦᠭᠡ᠂ ᠡᠬᠡ ᠭᠠᠵᠠᠷ ᠤᠨ
ᠡᠨᠡ ᠲᠣᠮᠣ ᠳᠠᠪᠬᠤᠷ ᠴᠡᠭ ᠳᠡᠭᠡᠷᠡ ᠪᠢ ᠢᠷᠡᠯᠡ
ᠪᠣᠳᠣᠯ ᠮᠢᠨᠢ
ᠡᠨᠡ ᠬᠤᠷᠤᠠ ᠶᠢᠨ
ᠡᠮᠨᠡᠬᠦ ᠮᠡᠷᠭᠡᠵᠢᠯ ᠦᠨ ᠳᠣᠷᠣᠢ ᠳᠤ
ᠳᠠᠭᠵᠢᠲᠠᠯᠠ ᠬᠣᠷᠣᠰᠴᠤ ᠵᠣᠭᠰᠣᠯᠠ ᠠ᠋
ᠠᠭᠤᠯᠵᠠᠯᠲᠠ
ᠬᠣᠶᠠᠷ ᠵᠢᠯ ᠤᠷᠭᠤᠭᠰᠠᠨ ᠮᠥᠷᠦᠭᠡᠰᠦᠯ ᠮᠢᠨᠢ ᠵᠢᠮᠢᠰᠥᠯᠡᠯᠡ
ᠬᠣᠭᠣᠷᠣᠨᠳᠤ ᠪᠠᠨ ᠳᠤᠷᠠᠰᠤᠯᠴᠠᠭᠰᠠᠨ
ᠬᠣᠨᠣᠭ ᠤᠨ ᠤᠯᠠᠨ ᠵᠡᠭᠦᠳᠦ ᠨᠣᠭᠥᠳ᠂ ᠨᠠᠮᠠᠭᠠ ᠪᠢᠲᠡᠭᠦᠷᠡᠨ ᠬᠦᠬᠡᠷᠡᠵᠤ
ᠬᠣᠯᠠ ᠶᠢᠨ ᠵᠠᠢ ᠶᠢ ᠴᠡᠭ ᠪᠣᠯᠭᠠᠨ ᠵᠢᠵᠢᠭᠷᠡᠭᠦᠯᠦᠭᠰᠡᠨ
ᠬᠤᠪᠢ ᠵᠣᠯ ᠤᠨ ᠮᠢᠨᠢ ᠥᠨᠳᠥᠷ ᠮᠣᠳᠣ
ᠰᠢᠭᠦᠷᠯᠡᠨᠡ ᠪᠢᠯᠡ
ᠤᠬᠠᠭᠠᠨ ᠮᠠᠷᠲᠠᠭᠤᠯᠤᠮᠠ ᠰᠡᠭᠦᠳᠡᠷ ᠲᠤᠨᠢ ᠪᠢᠳᠠ
ᠤᠯᠠᠶ᠋ᠢᠲᠠᠯᠠ ᠪᠣᠯᠪᠠᠰᠤᠷᠠᠭᠰᠠᠨ ᠵᠢᠮᠢᠰ ᠢᠶ᠋ᠠᠨ ᠲᠡᠪᠡᠷᠢᠨ
ᠥᠴᠥᠭᠡᠳᠦᠷ ᠡᠴᠡ ᠪᠡᠨ ᠣᠪ ᠣᠶ᠋ᠢᠷᠠᠬᠠᠨ
ᠥᠨᠥᠳᠥᠷ᠂ ᠮᠠᠷᠭᠠᠰᠢ ᠠᠴᠠ ᠪᠠᠨ ᠴᠤ᠌ ᠣᠪ ᠣᠶ᠋ᠢᠷᠠᠬᠠᠨ ᠰᠠᠭᠤᠯᠴᠠᠨᠠ ᠠ᠋
ᠰᠡᠳᠬᠢᠯ ᠦᠳ
ᠴᠠᠭ ᠤᠨ ᠠᠯᠲᠠᠨ ᠴᠠᠭᠠᠷᠢᠭ ᠢ ᠳᠠᠪᠠᠨ ᠲᠤᠭᠯᠠᠯᠴᠠᠵᠤ
ᠳᠠᠭᠤᠤ ᠨᠢ ᠬᠣᠯᠠᠳᠠᠭᠰᠠᠨ ᠡᠳᠦᠷ ᠤᠳ ᠤᠨ ᠢᠶ᠋ᠠᠨ
ᠳᠤᠷᠠᠳᠬᠠᠯ ᠵᠤᠵᠠᠭᠠᠨ
ᠰᠢᠭᠤᠢ ᠳᠤᠮᠳᠠᠭᠤᠷ ᠰᠥᠯᠵᠢᠵᠤ ᠨᠠᠭᠠᠳᠤᠨᠠ
ᠴᠡᠴᠡᠭᠯᠡᠲᠡᠯᠡ ᠶᠠᠷᠢᠬᠤ ᠦᠭᠡ ᠨᠢᠭᠡᠪᠦᠷᠢ ᠳᠦ
ᠴᠡᠭᠡᠵᠢᠨ ᠳᠦ ᠦᠷᠭᠡᠯᠡᠭᠰᠡᠨ ᠢᠨᠢᠶᠡᠳᠦ ᠨᠣᠭᠥᠳ ᠰᠡᠷᠢᠵᠤ
ᠴᠢᠩᠭᠠ ᠲᠡᠪᠡᠷᠢᠯᠴᠡᠬᠦ ᠵᠢᠷᠦᠬᠡᠨ ᠦ ᠢᠯᠴᠢᠨ ᠳᠦ
ᠴᠠᠶ᠋ᠢᠷᠠᠵᠤ ᠮᠥᠩᠬᠡᠷᠡᠭᠰᠡᠨ ᠲᠡᠭᠷᠢ ᠠᠭᠤᠯᠠ ᠶᠢᠨ ᠴᠠᠰᠤ ᠨᠢ
ᠮᠡᠯᠡᠰ ᠮᠡᠯᠡᠰ ᠬᠠᠶ᠋ᠢᠯᠵᠤ ᠪᠠᠭᠤᠨᠠ ᠠ᠋
ᠬᠦᠰᠡᠯ ᠢᠲᠡᠭᠡᠯ ᠦᠨ
ᠬᠦᠨᠳᠦ ᠪᠡᠯᠡᠭ ᠦᠳ ᠢᠶ᠋ᠠᠨ ᠰᠡᠳᠬᠢᠯ ᠢᠶ᠋ᠠᠷ ᠢᠶ᠋ᠠᠨ ᠰᠣᠯᠢᠯᠴᠠᠵᠤ
ᠬᠥᠬᠡ ᠲᠡᠭᠷᠢ ᠪᠡᠨ ᠡᠷᠭᠥᠵᠤ ᠶᠠᠪᠤᠬᠤ ᠶᠢᠨ ᠬᠥᠭᠥᠷᠭᠡ ᠪᠣᠰᠣᠨᠠ ᠠ᠋
ᠰᠠᠯᠤᠯᠲᠠ ᠶᠢᠨ ᠳᠤᠮᠳᠠᠬᠢ ᠠᠭᠤᠯᠵᠠᠯᠲᠠ
ᠰᠠᠷᠠᠨ ᠤ ᠨᠢᠭᠡ ᠤᠳᠠᠭᠠ ᠶᠢᠨ ᠳᠠᠷᠠᠯᠠᠯᠠᠯ
ᠰᠠᠨᠠᠵᠤ ᠶᠠᠪᠤᠬᠤ ᠶ᠋ᠢᠨ ᠲᠡᠭᠷᠢ ᠳᠦ ᠮᠢᠨᠢ ᠮᠦᠩᠬᠡᠷᠡᠵᠤ ᠭᠡᠷᠡᠯᠲᠦᠨᠡ ᠡ
ᠵᠠᠯᠠᠭᠤ ᠰᠢᠯᠦᠭᠴᠢᠳ ᠦᠨ ᠴᠣᠪᠣᠷᠠᠯ ᠪᠢᠴᠢᠭ᠌
< ᠢᠷᠡᠬᠦ ᠵᠠᠭᠤᠨ ᠤ ᠬᠣᠩᠬᠣᠨ ᠳᠠᠭᠤᠨ > ᠡᠴᠡ ᠬᠠᠭᠤᠯᠪᠠ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ ᠄ ᠲᠩᠷᠢ ᠡᠵᠢ ᠂ ᠴᠣᠯᠮᠣᠨᠲᠤᠶᠠᠭᠠ
ᠬᠢᠨᠠᠭᠴᠢ ᠄ ᠴᠣᠯᠮᠣᠨᠲᠤᠶᠠᠭᠠ
2023 ᠂ 5 ᠂ 20 ᠪ ᠡᠲᠦᠷ