ᠡᠮᠡᠭᠡᠨᠴᠤᠤᠯ ᠢ᠋ ᠪᠠᠬᠠᠷᠬᠠᠭᠰᠠᠨ - ᠮᠢᠨᠦ ᠰᠡᠳᠬᠢᠯ ᠦ᠋ᠨ ᠲᠣᠭᠠᠴᠢᠯ - ᠭᠣᠩᠭᠣᠷᠵᠠᠪ Эмгэнцуулыг бахархсан – Миний суухилын тоочил - Гонгоржав
255ᠡᠮᠡᠭᠡᠨᠴᠤᠤᠯ ᠢ᠋ ᠪᠠᠬᠠᠷᠬᠠᠭᠰᠠᠨ - ᠮᠢᠨᠦ ᠰᠡᠳᠬᠢᠯ ᠦ᠋ᠨ ᠲᠣᠭᠠᠴᠢᠯ
ᠭᠣᠩᠭᠣᠷᠵᠠᠪ
ᠡᠷᠡ ᠬᠥᠮᠦᠨ ᠦ᠌ ᠵᠠᠶᠠᠭᠠᠨ ᠤ᠋ ᠴᠡᠴᠡᠭᠡᠰ
ᠡᠨᠡ ᠳᠡᠯᠡᠬᠡᠢ ᠶ᠋ᠢᠨ ᠪᠦᠪᠡᠢ ᠠᠶᠠᠯᠠᠯ
ᠡᠵᠢ ᠨᠡᠷᠡ ᠲᠡᠢ ᠡᠨᠡᠷᠢᠯ ᠦ᠋ᠨ ᠪᠤᠷᠬᠠᠨ
ᠡᠯᠪᠡᠭ ᠪᠤᠶᠠᠨ ᠤ᠋ ᠢᠷᠦᠭᠡᠯ ᠦ᠋ᠨ ᠰᠠᠩ
ᠦᠷᠡ ᠪᠣᠯᠣᠭᠰᠠᠳ ᠤ᠋ᠨ ᠥᠨᠥᠴᠢᠨ ᠥᠮᠥᠭ
ᠥᠨᠳᠥᠷ ᠠᠭᠤᠯᠠ ᠰᠢᠭ᠋ ᠪᠠᠲᠤ ᠲᠦᠰᠢᠭ
ᠡᠷᠦᠬᠡ ᠭᠡᠷ ᠦ᠋ᠨ ᠪᠠᠭᠠᠨᠠ ᠲᠤᠯᠭᠠᠭᠤᠷᠢ
ᠦᠯᠡᠮᠵᠢ ᠪᠤᠶᠠᠨ ᠤ᠋ ᠡᠭᠦᠳᠡᠨ ᠰᠠᠬᠢᠭᠤᠯ ᠃
ᠡᠯᠪᠡᠷᠢᠯᠲᠦ ᠡᠬᠡᠴᠦᠦᠯ ᠢ᠋ᠶ᠋ᠡᠨ ᠮᠠᠭᠲᠠᠶᠠ
ᠡᠨᠡ ᠳᠡᠯᠡᠬᠡᠢ ᠳ᠋ᠦ᠍ ᠠᠯᠳᠠᠷᠰᠢᠭᠤᠯᠤᠶᠠ ᠃
ᠨᠠᠰᠤᠲᠠᠨ ᠳ᠋ᠤ᠌ ᠡᠯᠪᠡᠷᠢᠯ ᠲᠡᠢ ᠵᠢᠷᠤᠮᠲᠤ ᠪᠡᠷᠢ
ᠨᠡᠷᠡᠲᠦ ᠣᠷᠴᠢᠯᠠᠩ ᠤ᠋ᠨ ᠠᠴᠢᠯᠠᠯᠲᠤ ᠥᠬᠢᠨ
ᠨᠠᠷᠠᠨ ᠲᠤᠩᠭᠠᠯᠠᠭ ᠤᠬᠠᠭᠠᠨ ᠤ᠋ ᠭᠡᠭᠡ
ᠨᠠᠢᠷᠰᠠᠭ ᠤ᠋ᠨ ᠵᠢᠱ᠌ᠢᠶᠡ ᠣᠯᠠᠨ ᠤ᠋ ᠠᠯᠳᠠᠷ
ᠦᠷᠡ ᠳ᠋ᠡᠭᠡᠨ ᠭᠡᠰᠡᠨ ᠥᠷᠦᠪᠴᠢ ᠰᠠᠨᠠᠭᠠ
ᠥᠷᠯᠥᠭᠡ ᠦᠳᠡᠰᠢ ᠶ᠋ᠢᠨ ᠪᠦᠥᠪᠡᠢ ᠳᠠᠭᠤᠯᠠᠯ
ᠦᠷᠭᠦᠯᠵᠢ ᠴᠢᠷᠮᠠᠢᠳᠠᠭ ᠨᠢᠩᠵᠢᠨ ᠰᠡᠳᠬᠢᠯ
ᠦᠨᠡᠨ ᠵᠢᠷᠦᠬᠡᠨ ᠦ᠌ ᠬᠠᠢᠷᠠ ᠶ᠋ᠢᠨ ᠢᠪᠡᠯᠦᠯ ᠃
ᠬᠥᠮᠦᠯᠢᠭ ᠰᠠᠨᠠᠭᠠ ᠶ᠋ᠢ ᠨᠢ ᠪᠢᠰᠢᠷᠡᠶᠡ
ᠬᠥᠮᠦᠨ ᠦ᠌ ᠬᠢᠨᠢ ᠰᠠᠢᠨ ᠢ᠋ ᠮᠠᠭᠲᠠᠶᠠ ᠃
ᠭᠡᠷ ᠢ᠋ᠶ᠋ᠡᠨ ᠳᠣᠳᠣᠮᠳᠠᠭᠰᠠᠨ ᠭᠡᠭᠡᠯᠢᠭ ᠤᠬᠠᠭᠠᠨ
ᠭᠡᠷᠭᠡᠢ ᠭᠡᠰᠡᠨ ᠬᠠᠷᠢᠭᠤᠴᠠᠯᠭᠠᠲᠤ ᠰᠡᠳᠬᠢᠯᠭᠡ
ᠬᠡᠷᠰᠡᠦ ᠰᠠᠭᠤᠵᠤ ᠲᠣᠬᠢᠵᠢᠭᠰᠠᠨ ᠴᠢᠳᠠᠪᠤᠷᠢ
ᠭᠡᠮ ᠦᠭᠡᠢ ᠠᠷᠢᠭᠤᠨ ᠲᠤᠩᠭᠠᠯᠠᠭ ᠪᠣᠳᠣᠯ ᠃
ᠨᠥᠬᠥᠷ ᠢ᠋ᠶ᠋ᠡᠨ ᠬᠠᠢᠷᠠᠯᠠᠳᠠᠭ ᠢᠨᠠᠭ ᠰᠢᠲᠦᠯᠭᠡ
ᠨᠥᠬᠥᠳ ᠢ᠋ ᠪᠣᠳᠣᠳᠠᠭ ᠰᠡᠳᠬᠢᠯ ᠦ᠋ᠨ ᠲᠡᠩᠬᠡᠭᠡ
ᠨᠥᠭᠡᠴᠡᠯᠡᠵᠦ ᠭᠠᠮᠨᠠᠳᠠᠭ ᠠᠷᠪᠢᠴᠢ ᠵᠠᠩᠰᠢᠯ
ᠨᠥᠮᠥᠷᠢ ᠰᠢᠭ ᠳᠤᠯᠠᠭᠠᠨ ᠰᠡᠳᠬᠢᠯ ᠦ᠋ᠨ ᠢᠯᠴᠢ
ᠭᠠᠯ ᠬᠠᠯᠠᠭᠤᠨ ᠵᠠᠩ ᠢ᠋ ᠴᠢᠨᠢ ᠮᠠᠭᠲᠠᠶᠠ
ᠭᠠᠪᠢᠶᠠ ᠤᠯᠪᠠᠭᠠ ᠶ᠋ᠢ ᠴᠢᠨᠢ ᠳᠠᠭᠤᠯᠠᠶᠠ ᠃
ᠠᠷᠤᠭ ᠡᠭᠦᠷᠦᠭᠡᠳ ᠭᠠᠵᠢᠭᠰᠠᠨ ᠨᠢᠷᠤᠭᠤ
ᠠᠷᠭᠠᠯ ᠲᠡᠭᠦᠭᠡᠳ ᠮᠤᠷᠤᠢᠭᠰᠠᠨ ᠡᠪᠦᠳᠦᠭ
ᠠᠴᠢᠶᠠ ᠨᠢ ᠬᠦᠨᠳᠦᠷᠡᠭᠡᠳ ᠪᠥᠬᠥᠢᠭᠰᠡᠨ ᠪᠡᠶᠡ
ᠠᠯᠬᠤᠭᠠ ᠠᠷᠪᠢᠳᠤᠭᠠᠳ ᠮᠠᠢᠵᠢᠢᠭᠰᠠᠨ ᠬᠥᠯ
ᠳᠠᠯᠠᠩ ᠲᠠᠲᠠᠭᠠᠳ ᠲᠠᠬᠢᠢᠭᠰᠠᠨ ᠲᠣᠬᠣᠢ
ᠳᠡᠭᠡᠰᠦ ᠲᠠᠮᠤᠭᠠᠳ ᠡᠪᠡᠷᠰᠢᠭᠰᠡᠨ ᠠᠯᠠᠭᠠ
ᠳᠡᠭᠡᠪᠦᠷ ᠬᠦᠪᠦᠷᠢᠳᠴᠦ ᠮᠣᠨᠣᠢᠬᠰᠠᠨ ᠬᠤᠷᠤᠭᠤ
ᠳᠡᠩᠳᠡᠭᠦᠦ ᠵᠦᠳᠡᠷᠡᠭᠰᠡᠨ ᠦᠷᠴᠢᠬᠡᠷ ᠴᠢᠷᠠᠢ
ᠵᠦᠳᠡᠷᠡᠵᠦ ᠶᠠᠪᠤᠭᠰᠠᠨ ᠢ᠋ ᠴᠢᠨᠢ ᠳᠤᠷᠠᠰᠤᠶᠠ
ᠵᠦᠭᠡᠷ ᠰᠠᠭᠤᠭᠰᠠᠨ ᠦᠭᠡᠢ ᠶ᠋ᠢ ᠴᠢᠨᠢ ᠦᠨᠡᠯᠡᠶᠡ ᠃
ᠲᠣᠭᠠᠯᠠᠭᠰᠠᠨ ᠨᠠᠰᠤ ᠨᠢ ᠲᠤᠯᠭᠠ ᠶ᠋ᠢᠨ ᠵᠠᠬᠠ
ᠲᠣᠭᠣᠷᠢᠭᠰᠠᠨ ᠭᠠᠵᠠᠷ ᠨᠢ ᠮᠠᠯ ᠤ᠋ᠨ ᠪᠡᠯᠴᠢᠭᠡᠷ
ᠲᠤᠬᠠᠢᠯᠠᠭᠰᠠᠨ ᠠᠵᠢᠯ ᠨᠢ ᠭᠡᠷ ᠭᠠᠳᠠᠭᠠ
ᠲᠤᠩ ᠴᠤ᠌ ᠵᠦᠳᠡᠷᠡᠯᠡ ᠰᠢᠦ ᠂ ᠲᠠᠨᠠᠷ ᠮᠢᠨᠢ
ᠳᠤᠷᠪᠠᠨ ᠤᠯᠠᠷᠢᠯ ᠠᠳᠠᠯᠢᠬᠠᠨ ᠵᠦᠳᠡᠷᠡᠵᠦ
ᠲᠦᠪᠡᠭ ᠬᠦᠴᠢᠷ ᠢ᠋ ᠠᠳᠠᠯᠢᠬᠠᠨ ᠠᠮᠰᠠᠴᠤ
ᠲᠦᠮᠡᠨ ᠦ᠌ ᠳᠤᠮᠳᠠ ᠠᠳᠠᠯᠢᠬᠠᠨ ᠠᠵᠢᠯᠯᠠᠵᠤ
ᠲᠡᠦᠬᠡᠨ ᠳ᠋ᠦ᠍ ᠭᠠᠪᠢᠶᠠ ᠲᠠᠢ ᠰᠢᠦ ᠲᠠᠨᠠᠷ ᠮᠢᠨᠢ
ᠠᠯᠬᠤᠭᠰᠠᠨ ᠮᠥᠷ ᠢ᠋ ᠴᠢᠨᠢ ᠳᠤᠷᠠᠰᠤᠶᠠ
ᠠᠮᠵᠢᠯᠲᠠ ᠭᠠᠪᠢᠶᠠ ᠶ᠋ᠢ ᠴᠢᠨᠢ ᠲᠣᠭᠠᠴᠢᠶᠠ ᠃
ᠬᠡᠦᠬᠡᠨ ᠵᠠᠶᠠᠭᠠ ᠪᠠᠨ ᠪᠤᠰᠤᠳ ᠲᠠᠢ ᠬᠣᠯᠪᠣᠵᠤ
ᠬᠥᠮᠦᠨ ᠦ᠌ ᠭᠣᠯᠣᠮᠲᠠ ᠶ᠋ᠢ ᠪᠠᠲᠠᠷᠠᠭᠠᠭᠰᠠᠨ
ᠬᠥᠮᠦᠯᠢᠭ ᠲᠩᠷᠢ ᠶ᠋ᠢᠨ ᠳᠠᠭᠢᠨᠢᠰ ᠪᠣᠯᠤᠭᠰᠠᠨ
ᠬᠥᠳᠡᠯᠮᠦᠷᠢ ᠶ᠋ᠢᠨ ᠪᠠᠭᠠᠲᠤᠷ ᠲᠠᠨᠠᠷ ᠤ᠋ᠳ ᠮᠢᠨᠢ
ᠵᠠᠶᠠᠭᠠ ᠬᠣᠯᠪᠣᠭᠰᠠᠨ ᠨᠥᠬᠥᠷ ᠲᠡᠢ ᠪᠡᠨ ᠴᠣᠭ
ᠵᠢᠷᠭᠠᠯ ᠪᠡᠶᠡᠯᠡᠭᠰᠡᠨ ᠠᠮᠢᠳᠤᠷᠠᠯ ᠲᠠᠢ ᠬᠠᠮᠲᠤ
ᠵᠢᠷᠠᠨ ᠵᠢᠷᠠᠨ ᠢ᠋ᠶ᠋ᠠᠷ ᠤᠷᠲᠤ ᠨᠠᠰᠤᠯᠠᠭᠠᠷᠠᠢ
ᠵᠢᠷᠭᠤᠭᠠᠲᠠᠢ ᠲᠠᠶᠠᠭ ᠲᠤᠯᠤᠨ ᠵᠢᠷᠭᠠᠭᠠᠷᠠᠢ ᠃
ᠵᠠᠭᠤ ᠨᠠᠰᠤᠯᠠᠵᠤ ᠵᠢᠷᠭᠠᠨ ᠪᠠᠶᠠᠰᠤᠭᠠᠷᠠᠢ
ᠵᠠᠭᠤᠷᠠᠳᠤ ᠪᠢᠰᠢ ᠥᠨᠢᠳᠡ ᠮᠥᠩᠬᠡᠷᠡᠭᠡᠷᠡᠢ
2022 .9. ᠰᠠᠷᠠ ᠳ᠋ᠤ᠌
ᠱᠠᠩᠳᠤ ᠪᠠᠯᠭᠠᠰᠤᠨᠠ ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠱᠠᠭᠰᠠᠯ
ᠬᠢᠨᠠᠭᠴᠢ᠄ ᠣᠳᠬᠠᠨᠰᠣᠠ