ᠭᠠᠷᠳᠠᠭᠤᠯᠬᠤ ᠪᠡᠯᠡᠭГардуулах бэлэг ᠰᠢᠯᠦᠭ ᠢᠷᠠᠭᠤ ᠨᠠᠢᠷᠠᠭ

     — ᠣᠷᠣᠰᠢᠯ ᠤ᠋ᠨ ᠣᠷᠣᠨ ᠳ᠋ᠤ᠌
ᠠᠯᠢᠶ᠎ᠠ ᠳᠠᠭᠵᠢᠨ ᠳᠡᠭᠦᠦ ᠨᠠᠷ ᠮᠢᠨᠢ
ᠠᠮᠤᠷ ᠰᠠᠢᠨ ᠰᠠᠭᠤᠭ᠎ᠠ ‍ᠤᠤ?
ᠠᠯᠢ ᠡᠷᠲᠡ ᠶ᠋ᠢᠨ ᠪᠡᠯᠡᠭ ᠢ᠋ᠶ᠋ᠡᠨ
ᠠᠬ᠎ᠠ ᠴᠢᠨᠢ ᠪᠢ ᠰᠠᠶᠢ ᠳᠡᠯᠭᠡᠵᠦ ᠪᠠᠶ᠋ᠢᠨ᠎ᠠ ᠃

ᠭᠠᠷᠳᠠᠭᠤᠯᠵᠤ ᠥᠭᠬᠦ ᠪᠡᠯᠡᠭ ᠮᠢᠨᠢ
ᠭᠠᠶ᠋ᠢᠭᠤᠢ ᠠᠮᠲᠠ ᠲᠠᠢ ᠰᠢᠬᠢᠷ ᠪᠢᠰᠢ ᠠ᠋
ᠭᠠᠩᠭᠠᠩ ᠰᠠᠢᠬᠠᠨ ᠴᠡᠴᠡᠭ ᠴᠦ᠍ ᠪᠢᠰᠢ ᠠ᠋
ᠭᠠᠶ᠋ᠢᠬᠠᠯ ᠲᠥᠷᠥᠮ᠎ᠡ ᠲᠣᠭᠯᠠᠭᠠᠮ ᠴᠤ᠌ ᠪᠢᠰᠢ ᠠ᠋

ᠭᠤᠯᠳᠤ ᠦᠰᠦᠭ ᠢ᠋ᠶ᠋ᠡᠷ ᠤᠶᠠᠩᠭᠠᠯᠠᠭᠰᠠᠨ
ᠭᠣᠪᠢ ᠨᠤᠲᠤᠭ ᠤ᠋ᠨ ᠲᠠᠲᠠᠯᠭᠠᠨ ᠵᠢᠷᠤᠭ ᠰᠢᠦ ᠄
ᠭᠣᠣᠯ ᠪᠠᠶ᠋ᠢᠨ᠎ᠠ᠂ ᠲᠠᠯ᠎ᠠ ᠪᠠᠶ᠋ᠢᠨ᠎ᠠ
ᠭᠣᠭᠣᠳ ᠪᠠᠶ᠋ᠢᠨ᠎ᠠ᠂ ᠳᠠᠭᠠᠨ᠎ᠠ ᠪᠠᠶ᠋ᠢᠨ᠎ᠠ
ᠰᠦ ᠪᠠᠶ᠋ᠢᠨ᠎ᠠ᠂ ᠰᠦᠷᠦᠭ ᠪᠠᠶ᠋ᠢᠨ᠎ᠠ
ᠰᠥᠨᠢ ᠶ᠋ᠢᠨ ᠣᠳᠣ ᠰᠢᠭ᠋ ᠭᠡᠷ ᠴᠦ᠍ ᠪᠠᠶ᠋ᠢᠨ᠎ᠠ ᠁

ᠤᠷᠮ᠎ᠠ ᠬᠠᠷᠢᠯ ᠦᠭᠡᠢ ᠦᠵᠡᠭᠡᠳ ᠯᠡ ᠪᠠᠶ᠋ᠢᠪᠠᠯ
ᠣᠶᠤᠨ ᠴᠢᠨᠢ ᠨᠡᠭᠡᠭᠡᠭᠳᠡᠬᠦ ᠲᠦᠯᠬᠢᠭᠦᠷ ᠶᠦ᠍ᠮ᠃
ᠤᠷᠭᠤᠭᠰᠠᠨ ᠰᠤᠪᠤᠳ ᠰᠢᠭ᠋ ᠰᠠᠢᠬᠠᠨ ᠨᠢᠳᠦ ᠴᠢᠨᠢ
ᠤᠯᠠᠮ ᠢᠯᠡᠭᠦᠦ ᠬᠡᠷᠡᠯᠳᠦᠬᠦ ᠶᠦ᠍ᠮ ᠃

ᠠᠯᠢᠶ᠎ᠠ ᠳᠠᠭᠵᠢᠨ ᠳᠡᠭᠦᠦ ᠨᠠᠷ ᠮᠢᠨᠢ
ᠠᠬ᠎ᠠ ᠶ᠋ᠢᠨ ᠴᠢᠨᠢ ᠪᠡᠯᠡᠭ ᠡᠶ᠋ᠢᠮᠦ ᠯᠡ ᠪᠠᠶ᠋ᠢᠨ᠎ᠠ᠃
ᠠᠪᠤᠨ᠎ᠠ ‍ᠤᠤ? ᠪᠠᠶ᠋ᠢᠨ᠎ᠠ ‍ᠤᠤ? ᠥᠪᠡᠷ ᠢ᠋ᠶ᠋ᠡᠨ ᠮᠡᠳᠡᠭᠡᠷᠡᠢ!
ᠠᠳᠬᠤᠭᠤᠯᠬᠤ ᠪᠡᠯᠡᠭ ᠮᠠᠨᠢ ᠡᠨᠡ ᠯᠡ ᠪᠠᠶ᠋ᠢᠨ᠎ᠠ᠃

   ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠱᠠᠭᠰᠠᠯ
   ᠬᠢᠨᠠᠭᠴᠢ ᠄ ᠲᠣ᠋ ᠂ ᠰᠡᠬᠡᠭᠡᠷᠡᠯ