ᠰᠡᠳᠬᠢᠯ ᠬᠦᠨᠳᠦ ᠤᠯᠠᠷᠢᠯ - ᠲ ᠂ ᠭᠣᠮᠪᠣᠵᠠᠪ Сэтгэл хүнд улирал - Т ᠂ Гомбожав
235ᠰᠡᠳᠬᠢᠯ ᠬᠦᠨᠳᠦ ᠤᠯᠠᠷᠢᠯ
ᠲ ᠂ ᠭᠣᠮᠪᠣᠵᠠᠪ
ᠴᠡᠴᠡᠭᠲᠦ ᠡᠷᠡᠨ ᠴᠢᠨᠢ ᠥᠩᠭᠡᠷᠡᠨ ᠬᠣᠯᠠᠤᠠᠴᠤ
ᠴᠢᠨᠦ ᠵᠡᠭᠦᠲᠦᠨ ᠪ ᠴᠢᠨᠢ ᠶᠠᠭᠠᠨ ᠡᠩᠭᠡᠰᠬᠡ
ᠡᠲᠦᠷ ᠡᠴᠡ ᠡᠲᠦᠷ ᠬᠠᠭᠵᠠᠷᠠᠵᠤ ᠪᠠᠶ᠋ᠢᠯᠠ
ᠪᠢ ᠡᠷᠪᠡᠬᠡᠢ ᠪᠢᠰᠢ ᠡ
ᠬᠦᠰᠡᠬᠦᠢ ᠶ᠋ᠢᠨ ᠣᠯᠠᠨ ᠥᠭᠦᠯᠡᠪᠦᠷᠢ ᠨᠤᠭᠦᠳ ᠊ᠢ
ᠬᠦᠷᠡᠩ ᠦᠬᠡᠷ ᠰᠢᠭ᠌
ᠨᠠᠮᠤᠷ ᠦ᠋ᠨ ᠨᠠᠷᠠ ᠴᠢᠷᠦᠨ ᠴᠠᠰᠢᠯᠠᠵᠤ
ᠮᠥᠷ ᠨᠢ
ᠮᠥᠷᠥᠭᠡᠲᠦᠯ ᠦ᠋ᠨ ᠴᠤᠪᠤᠬ᠋ᠠ ᠴᠢᠭ᠌ ᠦ᠋ᠳ ᠲᠡᠭᠦᠰᠬᠦ ᠦᠭᠡᠢ ᠡ
ᠬᠥᠭᠡᠷᠦᠬᠦᠢ ᠳᠡᠯᠡᠬᠡᠢ ᠶ᠋ᠢᠨ ᠴᠢᠨᠢ
ᠬᠥ ᠦᠭᠡᠢ ᠭᠡᠭᠡᠪᠴᠢ ᠪᠡᠷ
ᠤᠯᠠᠷᠢᠯ ᠦ᠋ᠨ ᠰᠢᠷᠭᠠᠯᠬᠠᠨ ᠪᠣᠲᠣᠯ
ᠵᠡᠭᠦᠲᠦ ᠰᠢᠩᠭᠡᠨ ᠰᠡᠩᠰᠡᠷᠡᠵᠦ
ᠨᠢᠭᠤᠴᠠᠬᠠᠨ ᠵᠢᠵᠢᠭ ᠡᠭᠦᠲᠡ ᠶ᠋ᠢ ᠴᠢᠨᠢ
ᠨᠠᠮᠤᠷ ᠦ᠋ᠨ ᠴᠠᠭᠠᠨ ᠬᠢᠷᠠᠭᠤ ᠲᠣᠭᠰᠢᠮᠠᠷ ᠲᠣᠭᠰᠢᠮᠠᠷ ᠣᠶ᠋ᠢᠷᠠᠲᠤᠨᠠ ᠪᠢᠯᠡ
ᠥᠩᠭᠡ ᠪᠡᠨ ᠬᠠᠮᠠᠭᠠᠯᠠᠵᠤ ᠳᠡᠶ᠋ᠢᠯᠥᠮᠡ ᠦᠭᠡᠢ
ᠥᠨᠥᠴᠢᠨ ᠳᠣᠪᠣ ᠶ᠋ᠢᠨ ᠣᠷᠣᠢ ᠳ᠋ᠦ᠍
ᠴᠡᠴᠡᠷᠡᠩᠬᠡᠨ ᠵᠣᠭᠰᠣᠬᠤ ᠴᠢᠮᠠ ᠳ᠋ᠠᠭᠠᠨ
ᠡᠪᠦᠯ ᠊ᠢ ᠥᠨᠢᠲᠡ ᠮᠠᠷᠲᠠᠭᠤᠯᠲᠠᠭ
ᠦᠲᠡ ᠳᠤᠮᠳᠠ ᠶ᠋ᠢᠨ ᠱᠤᠭᠤᠮ ᠳᠡᠭᠡᠷᠡᠬᠢ
ᠡᠬᠡ ᠭᠠᠵᠠᠷ ᠪᠢ ᠪᠢᠯᠡ ᠡ ᠁
1988 ᠂ 2
ᠵᠠᠯᠠᠭᠤ ᠰᠢᠯᠦᠭᠴᠢᠳ ᠦᠨ ᠴᠣᠪᠣᠷᠠᠯ ᠪᠢᠴᠢᠭ᠌
< ᠢᠷᠡᠬᠦ ᠵᠠᠭᠤᠨ ᠤ ᠬᠣᠩᠬᠣᠨ ᠳᠠᠭᠤᠨ > ᠡᠴᠡ ᠬᠠᠭᠤᠯᠪᠠ᠃
ᠠᠮᠢᠯᠠᠭᠤᠯᠤᠨ ᠬᠠᠭᠤᠯᠤᠭᠰᠠᠨ ᠨᠢ ᠄ ᠲᠩᠷᠢ ᠡᠵᠢ
ᠬᠢᠨᠠᠭᠴᠢ ᠄ ᠴᠤᠯᠮᠤᠨᠲᠤᠶᠠᠭᠠ
2023 . 05. 12 ᠤᠨ ᠡᠲᠦᠷ