3-05ᠢᠰᠢᠲᠠᠨᠽᠠᠨᠸᠠᠩᠵᠢᠯ ᠤ᠋ᠨ ᠡᠮᠴᠢᠯᠡᠭᠡᠨ ᠦ᠌ ᠵᠣᠷ ᠵᠠᠰᠠᠯ-ᠨᠢᠳᠦᠨ ᠦ᠌ ᠡᠪᠡᠳᠴᠢᠨ ᠊ᠢ ᠵᠠᠰᠠᠬᠤ
321ᠨᠢᠳᠦᠨ ᠦ᠌ ᠡᠪᠡᠳᠴᠢᠨ ᠊ᠢ ᠵᠠᠰᠠᠬᠤ
ᠡᠷᠬᠡᠲᠡᠨ ᠦ᠌ ᠬᠠᠭᠠᠨ ᠨᠢᠳᠦᠨ ᠡᠪᠡᠳᠴᠢᠨ ᠦ᠌ ᠳᠡᠶ᠋ᠢᠯᠦᠩᠭᠦᠢ ᠨᠢ ᠡᠯᠢᠭᠡᠨ ᠬᠠᠯᠠᠭᠤᠨ ᠬᠢᠭᠡᠳ ᠴᠢᠰᠤ ᠰᠢᠷᠠ ᠡᠯᠢᠭᠡᠨ ᠳ᠋ᠦ᠍ ᠪᠠᠭᠤᠬᠤ ᠪᠠ ᠪᠥᠭᠡᠷᠡᠨ ᠬᠦᠢᠲᠡᠨ ᠂ ᠪᠤᠵᠠᠷ ᠠ᠋ᠴᠠ ᠪᠣᠯᠤᠮᠤᠢ ᠃ ᠨᠢᠳᠦᠨ ᠡᠪᠡᠳᠴᠢᠨ ᠦ᠌ ᠶᠡᠷᠦ ᠶ᠋ᠢᠨ ᠡᠮ ᠄ ᠭᠦᠷᠭᠦᠮ ᠂ ᠽᠤᠸᠠ ᠠᠸᠠ ᠂ ᠶᠦᠩᠸ᠋ᠠ ᠂ ᠭᠤᠨᠢᠶᠤᠳ ᠂ ᠭᠠᠨᠲᠢᠭ ᠂ ᠳ᠋ᠦ᠋ᠩᠽᠢ ᠮᠠᠷᠪᠤ ᠂ ᠵᠢᠷᠱᠥ᠋ᠨ ᠂ ᠵᠤᠭᠠᠩ ᠂ ᠳ᠋ᠤᠮᠷᠾᠢ ᠂ ᠰᠢᠩ ᠠᠷ ᠂ ᠪᠠᠱᠠᠭᠠ ᠂ ᠵᠦᠷᠦᠷᠠ ᠂ ᠯᠢᠰᠢ ᠂ ᠸᠠᠩᠯᠠᠭ ᠂ ᠷᠦᠳᠠ ᠂ ᠰᠠᠢᠨ ᠬᠠᠯᠮᠠᠭᠤᠶᠤᠤ ᠨᠤᠭᠤᠳ ᠊ᠢ ᠬᠤᠪᠢ ᠳᠠᠭᠱᠠ ᠨᠠᠶ᠋ᠢᠷᠠᠭᠤᠯᠤᠭᠰᠠᠨ ᠲᠠᠯᠬᠠ ᠳ᠋ᠤ᠌ ᠶᠠᠰᠤ ᠶ᠋ᠢ ᠨᠢ ᠣᠷᠬᠢᠭᠰᠠᠨ ᠠᠷᠤᠷᠠ1 ᠯᠠᠩ ᠊ᠢ ᠨᠢᠭᠡ ᠠᠶᠠᠭᠠ ᠤᠰᠤᠨ ᠳ᠋ᠤ᠌ ᠬᠢᠵᠦ ᠲᠡᠮᠦᠷ ᠰᠠᠪᠠᠨ ᠳ᠋ᠤ᠌ ᠴᠢᠨᠠᠨᠠ ᠃ ᠴᠢᠨᠠᠭᠰᠠᠨ ᠤᠰᠤ ᠶ᠋ᠢ ᠰᠠᠪᠠ ᠲᠠᠢ ᠨᠢ ᠭᠤᠷᠪᠠᠨ ᠡᠳᠦᠷ ᠲᠠᠯᠪᠢᠬᠤ ᠳ᠋ᠤ᠌ ᠠᠷᠤᠷᠠ ᠶ᠋ᠢ ᠴᠢᠨᠠᠭᠰᠠᠨ ᠤᠰᠤᠨ ᠥᠩᠭᠡ ᠨᠢ ᠬᠥ ᠮᠡᠲᠦ ᠬᠠᠷᠠᠯᠠᠬᠤ ᠳ᠋ᠤ᠌ ᠲᠡᠭᠦᠨ ᠦ᠌ ᠳᠡᠭᠡᠷᠡ ᠤᠷᠢᠳᠤᠬᠢ ᠡᠮ ᠦ᠋ᠨ ᠲᠠᠯᠬᠠ ᠪᠦᠬᠦᠨ ᠊ᠢ ᠨᠡᠶ᠋ᠢᠯᠡᠭᠦᠯᠦᠨ ᠨᠤᠬᠤᠵᠤ ᠬᠠᠷᠠᠯᠠᠭᠤᠯᠤᠭᠠᠳ ᠪᠠᠯ ᠳ᠋ᠤ᠌ ᠮᠦᠬᠦᠯᠢᠭ᠌ᠯᠡᠵᠦ ᠂ ᠪᠠᠰᠠ ᠯᠠᠷᠽᠢ ᠲᠠᠢ ᠤᠰᠤᠨ ᠳ᠋ᠤ᠌ ᠳᠡᠪᠲᠦᠭᠡᠭᠰᠡᠨ ᠲᠡᠮᠦᠷ ᠮᠣᠭᠠᠢ ᠶ᠋ᠢ ᠨᠡᠮᠡᠪᠡᠰᠦ ᠳᠡᠭᠡᠳᠦ ᠪᠣᠯᠠᠢ ᠃ ᠵᠠᠯᠠᠭᠤ ᠨᠠᠷᠠᠨ —17 ᠪᠠᠷ ᠨᠢᠳᠦᠨ ᠡᠪᠡᠳᠴᠢᠨ ᠦ᠌ ᠠᠯᠢᠨ ᠳ᠋ᠤ᠌ ᠴᠤ᠌ ᠥᠪᠡᠷ ᠢ᠋ᠶ᠋ᠡᠨ ᠭᠠᠷᠤᠭᠰᠠᠨ ᠷᠠᠰᠢᠶᠠᠨ ᠮᠡᠲᠦ ᠶ᠋ᠢ ᠪᠡᠶᠡ ᠪᠡᠷ ᠦᠵᠡᠭᠰᠡᠨ ᠪᠣᠯᠠᠢ ᠃
ᠨᠢᠳᠦᠨ ᠳᠠᠩ ᠄ ᠠᠷᠤᠷᠠ ᠂ ᠵᠢᠷᠱᠥ᠋ᠨ ᠂ ᠵᠦᠷᠦᠷᠠ ᠂ ᠪᠠᠷᠤᠷᠠ ᠂ ᠽᠤᠸᠮᠤ ᠷᠦᠳᠠ ᠶ᠋ᠢ ᠬᠤᠪᠢ ᠳᠠᠭᠱᠠ ᠨᠠᠶ᠋ᠢᠷᠠᠭᠤᠯᠤᠭᠰᠠᠨ ᠳᠠᠩ ᠊ᠢ ᠲᠡᠮᠦᠷ ᠰᠠᠪᠠᠨ ᠳ᠋ᠤ᠌ ᠤᠳᠠᠭᠠᠨ ᠴᠢᠨᠠᠵᠤ ᠤᠤᠭᠤᠪᠠᠰᠤ ᠰᠠᠢᠨ ᠃ ᠰᠢᠨᠡ ᠰᠠᠷᠠᠨ —6 ᠳᠠᠩ ᠨᠢ ᠨᠢᠳᠦᠨ ᠡᠪᠡᠳᠴᠢᠨ ᠪᠦᠬᠦᠨ ᠳ᠋ᠦ᠍ ᠲᠤᠰᠠᠯᠠᠮᠤᠢ ᠃
ᠪᠥᠭᠡᠷᠡᠨ ᠬᠡᠢ ᠬᠦᠢᠲᠡᠨ ᠢ᠋ᠶ᠋ᠡᠷ ᠨᠢᠳᠦ ᠭᠡᠮᠲᠦᠪᠡᠰᠦ ᠭᠠᠮᠠᠷ ᠂ ᠭᠠᠭᠤᠯᠠ ᠂ ᠱᠠᠹᠣᠷᠥ᠋ᠲᠠ ᠂ ᠬᠠᠯᠮᠠᠭᠤᠶᠤᠤ ᠂ ᠰᠥᠭᠮᠸᠯ ᠂ ᠵᠢᠷᠱᠥ᠋ᠨ ᠊ᠢ ᠬᠤᠪᠢ ᠲᠠᠭᠰᠢ ᠠ᠋ᠴᠠ ᠽᠤᠸᠮᠤ ᠶ᠋ᠢ ᠡᠷᠬᠢᠯᠡᠭᠰᠡᠨ ᠳᠡᠰ —7 ᠳᠠᠩ ᠊ᠢ ᠪᠤᠴᠠᠯᠭᠠᠵᠤ ᠤᠤᠭᠤᠪᠠᠰᠤ ᠲᠤᠰᠠᠯᠠᠬᠤ ᠶ᠋ᠢᠨ ᠠᠮᠲᠠᠰᠢᠯ ᠪᠣᠯᠠᠢ ᠃ ᠴᠠᠢ ᠪᠣᠯᠤᠨ ᠬᠣᠨᠢᠨ ᠪᠥᠭᠡᠷᠡᠨ ᠦ᠌ ᠮᠢᠬᠠᠨ ᠱᠥᠯᠦᠨ ᠳ᠋ᠦ᠍ ᠴᠢᠨᠠᠪᠠᠴᠤ ᠪᠣᠯᠬᠤ ᠃ ᠡᠭᠦᠨ ᠢ᠋ᠶ᠋ᠡᠷ ᠨᠢᠳᠦᠨ ᠡᠪᠡᠳᠴᠢᠨ ᠦ᠌ ᠶᠡᠬᠡ ᠣᠯᠠᠩᠬᠢ ᠨᠢ ᠡᠳᠡᠭᠡᠷᠡᠬᠦ ᠶ᠋ᠢ ᠦᠵᠡᠪᠡ ᠃ ᠵᠠᠷᠢᠮ ᠳ᠋ᠤᠨᠢ ᠡᠷᠬᠢᠮ —8 ᠶ᠋ᠢ ᠡᠨᠡ ᠳᠠᠩ ᠢ᠋ᠶ᠋ᠠᠷ ᠳᠠᠷᠤᠭᠤᠯᠵᠤ ᠦᠭᠭᠦᠭᠡᠳ ᠮᠤᠩᠬᠠᠭ ᠮᠢᠨᠦ ᠭᠠᠷ ᠤ᠋ᠨ ᠠᠪᠤᠯᠭᠠ ᠣᠯᠠᠨᠲᠠ ᠲᠤᠰᠠ ᠭᠠᠷᠪᠠᠢ ᠃ ᠡᠰᠡ ᠪᠥᠭᠡᠰᠦ ᠡᠭᠦᠨ ᠯᠤᠭᠡ ᠨᠠᠷᠠᠨᠮᠠᠨᠲᠤᠯ ᠊ᠢ ᠶᠡᠬᠡ ᠳᠠᠩ —25 ᠪᠠᠷ ᠳᠠᠷᠤᠭᠤᠯᠪᠠᠰᠤ ᠪᠠᠰᠠ ᠲᠤᠰᠠᠲᠠᠢ ᠃
ᠨᠢᠳᠦᠨ ᠳ᠋ᠦ᠍ ᠰᠦᠷᠴᠢᠬᠦ ᠡᠮ ᠢᠨᠦ ᠂ ᠬᠢᠲᠠᠳ ᠤ᠋ᠨ ᠰᠢᠯ ᠯᠣᠩᠬᠣ ᠲᠠᠢ ᠶᠡᠬᠡ ᠴᠠᠭᠠᠨ ᠭᠠᠪᠤᠷ ᠂ ᠪᠡᠭᠡᠵᠢᠩ ᠡᠴᠡ ᠢᠷᠡᠳᠡᠭ ᠲᠡᠷᠡ ᠮᠡᠲᠦ ᠶ᠋ᠢᠨ ᠭᠠᠶ᠋ᠢᠬᠠᠮᠰᠢᠬᠲᠤ ᠡᠮ ᠦᠭᠡᠢ ᠃ ᠪᠠᠰᠠ ᠴᠤ᠌ ᠭᠠᠨᠲᠢᠭ ᠂ ᠳ᠋ᠦ᠋ᠩᠽᠢ ᠮᠠᠷᠪᠤ ᠂ ᠰᠤᠪᠤᠳ ᠂ ᠰᠢᠯ ᠭᠠᠪᠤᠷ ᠂ ᠬᠠᠴᠸ ᠭᠦᠷᠭᠦᠮ ᠂ ᠶᠦᠩᠸᠠ ᠂ ᠬᠤᠩᠯᠸᠠ ᠂ ᠳ᠋ᠤᠮᠷᠾᠢ ᠶ᠋ᠢ ᠨᠢᠭᠲᠠ ᠲᠠᠯᠠᠭᠳᠠᠵᠤ ᠂ ᠬᠠᠭᠤᠷᠠᠢ ᠪᠠᠷ ᠲᠠᠯᠪᠢᠪᠠᠰᠤ ᠡᠨᠡ ᠨᠢ ᠨᠢᠳᠦᠨ ᠡᠪᠡᠳᠴᠢᠨ ᠂ ᠴᠠᠭᠠ ᠲᠡᠷᠢᠭᠦᠲᠡᠨ ᠪᠦᠬᠦᠨ ᠳ᠋ᠦ᠍ ᠲᠤᠰᠠᠯᠠᠬᠤ ᠤᠪᠠᠳᠢᠰ ᠪᠣᠯᠠᠢ ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄
ᠬᠢᠨᠠᠭᠴᠢ ᠄ ᠣᠤᠠᠬᠠᠨᠰᠣ ᠠ᠋