ᠨᠡᠷᠡ – ᠱ · ᠰᠦᠷᠦᠩᠵᠠᠪ Нэр – Ш · Сүрэнжав
312ᠨᠡᠷᠡ
ᠱ · ᠰᠦᠷᠦᠩᠵᠠᠪ
ᠴᠢᠬᠡᠴᠠᠢ ᠶ᠋ᠢᠨ ᠴᠢᠨᠡᠭᠡᠬᠡᠨ ᠪᠠᠶ᠋ᠢᠬᠤ ᠳ᠋ᠤ᠌᠂
《 ᠴᠢᠨᠦᠬᠢ 》 ᠭᠡᠵᠦ
ᠴᠢᠬᠢᠨ ᠳ᠋ᠤ᠌ ᠠᠪᠤ ᠮᠢᠨᠢ ᠭᠤᠷᠪᠠ ᠰᠢᠪᠡᠨᠡᠬᠦ ᠳ᠋ᠤ᠌
ᠴᠡᠭᠡᠵᠢᠯᠡᠭᠰᠡᠨ ᠨᠡᠷᠡ ᠃
ᠥᠭᠡᠲᠡᠰᠦᠬᠡᠨ ᠨᠠᠰᠤ ᠠ᠋ᠴᠠ ᠪᠠᠨ
ᠥᠮᠴᠢᠯᠡᠭᠰᠡᠨ ᠨᠡᠷᠡ ᠃
ᠥᠪᠡᠷ ᠦ᠋ᠨ ᠴᠢᠨᠢ ᠨᠡᠷᠡ ᠃
ᠲᠣᠬᠣᠢ ᠶ᠋ᠢᠨ ᠴᠢᠨᠡᠭᠡᠬᠡᠨ ᠪᠠᠶ᠋ᠢᠬᠤ ᠳ᠋ᠠᠭᠠᠨ
ᠲᠣᠭᠯᠠᠭᠠᠮ ᠳ᠋ᠤ᠌ ᠤᠯᠠᠶ᠋ᠢᠷᠠᠭᠠᠳ
ᠲᠣᠩᠭᠣᠶ᠋ᠢᠵᠤ ᠰᠠᠭᠤᠬᠤ ᠳ᠋ᠤ᠌
ᠬᠦᠦ ᠮᠢᠨᠢ ᠭᠡᠵᠦ ᠳᠠᠭᠤᠳᠠᠬᠤ
ᠡᠵᠢ ᠶ᠋ᠢᠨ ᠶ᠋ᠢᠡᠨ ᠳᠠᠭᠤ ᠪᠠᠷ
ᠬᠥᠯ ᠨᠢᠴᠦᠭᠦᠨ ᠳᠡᠭ᠍ᠳᠡᠭ᠍ᠰᠡᠨ ᠨᠡᠷᠡ ᠃
ᠲᠣᠮᠣᠬ᠋ᠠ ᠦᠭᠡᠢ ᠨᠠᠰᠤᠨ ᠳ᠋ᠤ᠌
ᠰᠤᠷᠤᠭᠴᠢ ᠶ᠋ᠢᠨ ᠰᠢᠷᠡᠭᠡᠨ ᠳᠡᠭᠡᠷᠡ ᠪᠠᠶ᠋ᠢᠯᠠ ᠃
ᠲᠣᠷᠨᠢᠭᠤᠨ ( ᠲᠣᠩᠭᠢᠯᠠᠭᠠᠳ ) ᠨᠠᠰᠤᠨ ᠳ᠋ᠤ᠌
ᠴᠡᠷᠢᠭ ᠦ᠋ᠨ ᠪᠦᠷᠢᠤᠠᠬᠡᠯ ᠳᠡᠭᠡᠷᠡ ᠪᠠᠶ᠋ᠢᠯᠠ ᠃
ᠤᠷᠢ ᠨᠠᠰᠤᠨ ᠳ᠋ᠤ᠌
ᠵᠠᠬᠢᠲᠠᠯ ᠦ᠋ᠨ ᠬᠠᠭᠤᠲᠠᠰᠤᠨ ᠳᠡᠭᠡᠷᠡ ᠪᠠᠶ᠋ᠢᠯᠠ ᠃
ᠣᠩᠭᠣᠳ ᠲᠥᠷᠥᠵᠦ
ᠨᠠᠶ᠋ᠢᠷᠠᠭ ᠦ᠋ᠨ ᠨᠣᠮ ᠦ᠋ᠨ ᠬᠠᠪᠲᠠᠰᠤᠨ ᠳᠡᠭᠡᠷᠡ ᠪᠠᠶ᠋ᠢᠯᠠ ᠃
ᠥᠪᠡᠷ ᠲᠦ ᠣᠨᠣᠭᠲᠠᠭᠰᠠᠨ ᠨᠡᠷᠡ ᠪᠡᠨ
ᠢᠰᠬᠦᠯᠵᠦ ᠬᠤᠭᠤᠯᠤᠬ᠋ᠠ ᠦᠭᠡᠢ
ᠥᠷᠥᠭᠡᠯ ᠪᠤᠰᠤᠳ ᠲᠤ ᠬᠤᠲᠠᠯᠲᠤᠬ᠋ᠠ ᠦᠭᠡᠢ
ᠥᠩᠭᠡ ᠵᠢᠰᠤᠷ ᠦ᠋ᠨ ᠰᠢᠷᠡᠭᠡᠨ ᠳᠡᠭᠡᠷᠡ ᠡᠴᠡ
ᠡᠪᠦᠳᠦᠭ ᠳᠣᠣᠷᠠ ᠪᠠᠨ ᠢᠪᠡᠭᠡ ᠦᠭᠡᠢ ᠃
ᠬᠡᠭᠡᠯᠭᠡᠨ ᠡᠨᠡ ᠨᠡᠷᠡ ᠪᠡᠨ
ᠭᠡᠭᠡᠨ ᠡᠲᠦᠷ ᠤᠲᠠᠰᠤᠨ ᠪ ᠬᠠᠷᠢᠯᠴᠠᠭᠤᠷ ᠲᠤ ᠬᠠᠰᠬᠢᠷᠴᠤ ᠶᠠᠪᠤᠯᠠ ᠃
ᠭᠡᠷᠡᠯ ᠦᠭᠡᠢ ᠰᠥᠨᠢ
ᠬᠥᠨᠵᠢᠯᠡ ᠶ᠋ᠢᠨ ᠰᠡᠵᠢᠭᠦᠷ ᠲᠦ ᠰᠢᠪᠡᠨᠡᠵᠦ ᠶᠠᠪᠤᠯᠠ ᠃
ᠭᠡᠷ ᠲᠡᠷᠢᠭᠦᠯᠡᠵᠦ
ᠭᠡᠷᠭᠡᠢ ᠳ᠋ᠡᠭᠡᠨ ᠳᠠᠭᠤᠳᠠᠭᠤᠯᠵᠤ ᠶᠠᠪᠤᠯᠠ ᠃
ᠥᠪᠡᠷ ᠲᠤ ᠣᠨᠣᠭᠲᠠᠭᠰᠠᠨ ᠡᠨᠡ ᠨᠡᠷᠡ ᠪᠡᠨ ᠡᠷᠭᠦᠵᠦ ᠶᠠᠪᠤᠪᠠᠯ ᠪᠠᠬᠠᠷᠬᠠᠯ !
ᠥᠮᠴᠢᠯᠡᠵᠦ ᠠᠪᠤᠭᠰᠠᠨ ᠭᠠᠭᠴᠠ ᠨᠡᠷᠡ ᠪᠡᠨ
ᠥᠶᠥᠭᠡᠲᠡᠭᠦᠯᠵᠦ ᠤᠨᠠᠭᠠᠪᠠᠯ ᠭᠣᠲᠣᠮᠰᠢᠬ !
ᠵᠠᠯᠠᠭᠤᠬᠠᠨ ᠠᠮᠠᠷᠠᠭ ᠦ᠋ᠨ ᠶ᠋ᠢᠠᠨ
ᠰᠡᠤᠠᠬᠢᠯ ᠊ᠢ ᠰᠡᠪᠲᠦᠭᠡᠬᠦ ᠰᠢᠭ᠌
ᠽᠠᠨᠲᠠᠩᠬᠠᠨ ᠤᠯᠢᠶᠠᠰᠤᠨ ᠪ ᠪᠠᠨ
ᠮᠥᠴᠢᠷ ᠊ᠢ ᠬᠤᠭᠤᠯᠤᠭᠰᠠᠨ ᠪᠣᠯ ᠡᠮᠭᠡᠨᠢᠯ !
ᠡᠯᠦᠨᠴᠡ ᠡᠴᠢᠭᠡ ᠶ᠋ᠢᠨ ᠶ᠋ᠢᠡᠨ ᠶᠠᠰᠤ ᠶ᠋ᠢ ᠥᠨᠲᠡᠯᠵᠡᠭᠦᠯᠵᠦ
ᠡᠬᠡ ᠶ᠋ᠢᠨ ᠴᠢᠨᠢ ᠰᠦᠨᠡᠰᠦ ᠬᠡᠯᠡ ᠦᠭᠡᠢ ᠰᠢᠪᠠᠭᠤ ᠪᠣᠯᠤᠭᠰᠠᠨ ᠪᠣᠯ ᠭᠤᠨᠢᠬ !
ᠰᠠᠶ᠋ᠢᠨ ᠬᠥᠮᠦᠨ ᠨᠡᠷᠡ ᠪᠡᠨ ᠭᠡᠳᠡᠭ
ᠰᠠᠶ᠋ᠢᠬᠠᠨ ᠰᠢᠪᠠᠭᠤ ᠥᠲᠥ ᠪᠡᠨ ᠭᠡᠳᠡᠭ !
ᠠᠯᠤᠰ ᠦ᠋ᠨ ᠭᠠᠵᠠᠷ ᠠᠯᠲᠠᠷ ᠊ᠢ ᠴᠢᠨᠢ ᠳᠠᠭᠤᠳᠠᠬᠤ ᠳ᠋ᠤ᠌
ᠤᠯᠤᠰ ᠦ᠋ᠨ ᠳᠠᠯᠪᠠᠬ᠋ᠠ ᠤᠷᠤᠯᠲᠤᠨ ᠪᠣᠰᠤᠨᠠ ᠃
ᠤᠶᠠᠷᠠᠯ ᠦ᠋ᠨ ᠨᠢᠯᠪᠤᠰᠤ ᠵᠣᠪᠬᠢᠨ ᠳ᠋ᠤ᠌ ᠬᠤᠷᠠᠵᠤ
ᠤᠯᠠᠭᠠᠨ ᠬᠥᠬᠡ ᠥᠩᠭᠡᠨ ᠳ᠋ᠤ᠌ ᠲᠤᠨᠤᠨᠠ ᠃
ᠡᠷᠲᠡᠨᠢ ᠶ᠋ᠢᠨ ᠰᠣᠶᠣᠩᠪᠣ ᠪᠠᠷ
ᠡᠩᠭᠡᠷ ᠲᠤ ᠭᠡᠷᠡᠯᠲᠦᠨ
ᠡᠬᠡ ᠣᠷᠣᠨ ᠪ ᠴᠢᠨᠢ ᠨᠡᠷᠡ ᠲᠡᠢ ᠬᠠᠮᠲᠤ ᠬᠡᠯᠡᠭᠳᠡᠨᠡ !
ᠡᠴᠢᠭᠡ ᠶ᠋ᠢᠨ ᠴᠢᠨᠢ ᠨᠡᠷᠡ ᠲᠡᠢ ᠴᠤᠭ ᠶᠠᠷᠢᠬᠲᠠᠨᠠ !
ᠴᠢᠨᠦ ᠨᠡᠷᠡ ᠶ᠋ᠢ ᠳᠠᠭᠤᠷᠢᠰᠬᠤ ᠳ᠋ᠤ᠌
ᠬᠥᠯᠥᠭ ᠦ᠋ᠨ ᠳᠡᠯ ᠪᠣᠰᠴᠤ ᠪᠠᠶ᠋ᠢᠬᠤ ᠶ᠋ᠢᠨ ᠵᠣᠯ ᠪᠤᠢ ᠃
ᠴᠢᠨᠦ ᠨᠡᠷᠡ ᠶ᠋ᠢ ᠳᠠᠭᠤᠷᠢᠰᠬᠤ ᠳ᠋ᠤ᠌
ᠬᠥᠮᠦᠨ ᠪ ᠶᠠᠰᠤ ᠬᠠᠪᠲᠠᠯᠵᠠᠵᠤ ᠪᠠᠶ᠋ᠢᠬᠤ ᠶ᠋ᠢᠨ ᠴᠤ᠌ ᠵᠣᠪᠠᠯᠠᠩ ᠪᠤᠢ ᠃
ᠡᠨᠡ ᠨᠡᠷᠡ ᠡᠷᠬᠢᠮ ᠨᠡᠷᠡ
ᠡᠬᠡ ᠶ᠋ᠢᠨ ᠰᠦᠨ ᠡᠴᠡ ᠠᠮᠢᠯᠠᠭᠤᠯᠤᠭᠰᠠᠨ ᠠᠯᠲᠠᠷ
ᠡᠴᠢᠭᠡ ᠶ᠋ᠢᠨ ᠨᠡᠷᠡ ᠡᠴᠡ ᠲᠠᠰᠤᠯᠤᠭᠰᠠᠨ ᠬᠡᠰᠢᠭ ᠃
ᠣᠷᠴᠢᠯᠠᠩ ᠳ᠋ᠤ᠌ ᠭᠠᠭᠴᠠᠬᠠᠨ ᠨᠠᠰᠤᠨ ᠳ᠋ᠤ᠌
ᠣᠯᠲᠠᠭᠰᠠᠨ ᠭᠠᠭᠴᠠ ᠨᠡᠷᠡ
ᠣᠭ᠌ᠶᠤ ᠨᠣᠮᠢᠨ ᠲᠩᠷᠢ ᠶ᠋ᠢᠨ
ᠣᠲᠣ ᠰᠢᠭ᠋ ᠭᠢᠯᠠᠯᠵᠠᠭᠰᠠᠨ ᠨᠡᠷᠡ
ᠤᠲᠤᠬ᠋ᠠ ᠭᠠᠷᠭᠠᠭᠰᠠᠨ ᠰᠢᠨᠡᠬᠡᠨ ᠭᠣᠯᠣᠮᠲᠠ ᠶ᠋ᠢᠨ
ᠤᠭᠠᠯᠵᠠᠨ ᠴᠡᠩᠬᠡᠷ ᠳᠥᠯᠥᠨ ᠳ᠋ᠤ᠌ ᠭᠡᠷᠡᠯᠲᠡᠨᠡ
ᠤᠶᠠᠩᠬ᠋ᠠ ᠰᠢᠩᠭᠡᠭ᠍ᠰᠡᠨ ᠪᠦᠪᠡᠢ ᠶ᠋ᠢᠨ ᠳᠠᠭᠤᠨ ᠪ
ᠤᠪᠠᠲᠢᠰ ᠰᠢᠩᠭᠡᠭ᠍ᠰᠡᠨ ᠠᠶᠠᠯᠭᠤᠨ ᠳ᠋ᠤ᠌ ᠰᠠᠴᠤᠷᠠᠨᠠ ᠃
ᠠᠷᠢᠭᠤᠨ ᠬᠠᠶ᠋ᠢᠷᠠ ᠶ᠋ᠢᠨ ᠠᠯᠲᠠᠨ ᠶᠠᠲᠤᠬ᠋ᠠ
ᠠᠮᠠᠷᠠᠭ ᠪᠦᠰᠡᠭᠦᠢ ᠶ᠋ᠢᠨ ᠵᠢᠷᠦᠬᠡᠨ ᠳ᠋ᠤ᠌ ᠲᠤᠶᠠᠭᠠᠷᠠᠨᠠ
ᠠᠰᠤᠷᠢ ᠲᠩᠷᠢ ᠶ᠋ᠢᠨ ᠮᠥᠩᠭᠥᠨ ᠰᠤᠪᠤᠷᠬ᠋ᠠ
ᠠᠭᠠᠷ ᠦ᠋ᠨ ᠴᠠᠭᠠᠨ ᠡᠭᠦᠯᠡᠨ ᠳ᠋ᠤ᠌ ᠴᠣᠭᠴᠠᠯᠠᠨᠠ ᠃
ᠡᠷᠭᠦᠵᠦ ᠶᠠᠪᠤᠪᠠᠯ ᠪᠣᠯᠣᠷ ᠴᠣᠮᠣ ᠰᠢᠭ᠋ ᠭᠡᠷᠡᠯ ᠲᠡᠢ ᠨᠡᠷᠡ
ᠥᠯᠮᠡᠢ ᠳ᠋ᠤ᠌ ᠤᠨᠠᠭᠠᠪᠠᠯ ᠠᠯᠠᠭ ᠭᠠᠩᠭᠠᠷ ᠰᠢᠭ᠋ ᠬᠡᠪᠡᠷᠡᠭ ᠨᠡᠷᠡ
ᠲᠥᠷᠥᠬᠦ ᠳ᠋ᠤ᠌ ᠥᠯᠥᠭᠡᠢ ᠶ᠋ᠢᠨ ᠳᠡᠭᠡᠷᠡ ᠪᠢᠴᠢᠭᠳᠡᠵᠦ
ᠲᠡᠭᠦᠰᠬᠦ ᠳ᠋ᠤ᠌ ᠴᠢᠯᠠᠭᠤᠨ ᠳᠡᠭᠡᠷᠡ ᠰᠡᠢᠯᠦᠭᠳᠡᠨᠡ ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠱᠠᠭᠰᠠᠯ
ᠬᠢᠨᠠᠭᠴᠢ ᠄ ᠣᠤᠠᠬᠠᠨᠰᠣᠠ᠋