ᠠᠯᠲᠠᠨ ᠰᠢᠷᠭᠠᠯ ᠡᠭᠦᠯᠡ - ᠪ᠂ ᠪᠦᠷᠢᠨᠪᠡᠬᠢ Алтан шаргал үүл - Б ᠂ Бүрэнбэх
265ᠠᠯᠲᠠᠨ ᠰᠢᠷᠭᠠᠯ ᠡᠭᠦᠯᠡ
ᠠᠯᠤᠰ ᠰᠢᠯᠢ ᠳᠡᠭᠡᠭᠦᠷ ᠠᠯᠲᠠᠨ ᠡᠭᠦᠯᠡ ᠰᠡᠪᠡᠯᠵᠡᠨᠡ ᠃
ᠠᠭᠤᠯᠠᠨ ᠤ᠋ ᠴᠠᠭᠠᠨᠠ ᠰᠢᠷᠭᠤᠭᠰᠠᠨ ᠨᠠᠷᠠ ᠂ ᠰᠢᠷᠠ ᠲᠣᠷᠭᠠᠨ ᠠᠯᠴᠢᠭᠤᠷ ᠢ᠋ᠶ᠋ᠠᠨ ᠤᠨᠠᠭᠠᠴᠢᠪᠠᠤ ? ᠭᠠᠭᠴᠠᠬᠦ ᠲᠠᠯᠠ ᠶ᠋ᠢᠨ ᠵᠡᠭᠦᠨ ᠵᠠᠬᠠ ᠶ᠋ᠢᠨ ᠰᠢᠯᠢ ᠳᠡᠭᠡᠷᠡ ᠡᠴᠡ ᠯᠡ ᠵᠤᠷᠪᠤᠰ ᠰᠢᠷᠠ ᠭᠡᠷᠡᠯ ᠰᠠᠴᠤᠷᠠᠨᠠ ᠃
ᠮᠢᠨᠦ᠋ᠲ ᠲᠤᠲᠤᠮ ᠨᠠᠷᠢᠰᠤᠨ ᠬᠤᠮᠢᠯᠳᠤᠵᠤ ᠪᠠᠢᠭᠠ ᠲᠡᠷᠡᠬᠦ ᠵᠤᠷᠪᠤᠰ ᠭᠡᠷᠡᠯ ᠳᠣᠲᠣᠷᠠ ᠠ᠋ᠴᠠ ᠪᠥᠭᠡᠮ ᠪᠥᠭᠡᠮ ᠰᠡᠪᠰᠡᠭᠡᠷ ᠠᠯᠲᠠᠨ ᠡᠭᠦᠯᠡ ᠬᠣᠢᠨᠠ ᠬᠣᠢᠨᠠ ᠠ᠋ᠴᠠᠭᠠᠨ ᠴᠦᠷᠭᠦᠯᠡᠭᠰᠡᠨ ᠶᠦ᠍ᠮ ᠰᠢᠭ ᠴᠤᠪᠤᠷᠠᠯᠳᠤᠭᠰᠠᠭᠠᠷ ᠨᠠᠮᠤᠷ ᠤ᠋ᠨ ᠬᠣᠩᠭᠣᠷ ᠰᠠᠯᠬᠢᠨ ᠤ᠋ ᠡᠰᠡᠷᠭᠦ ᠬᠥᠪᠦᠯᠵᠡᠨ ᠨᠡᠭᠦᠨᠡ ᠃ ᠠᠪᠤᠨ ᠦᠵᠡᠬᠦ ᠳ᠋ᠦ᠍ ᠠᠷᠢᠶᠠᠲᠠᠨ ᠶᠤᠮ ᠰᠢᠭ᠋ ᠂ ᠵᠢᠭᠦᠷᠲᠡᠨ ᠴᠦ᠍ ᠶᠦ᠍ᠮ ᠰᠢᠭ ᠂ ᠥᠨᠳᠥᠷ ᠬᠦᠵᠦᠭᠦᠦ ᠲᠠᠢ ᠶᠤᠮ ᠰᠢᠭ ᠂ ᠣᠬᠣᠷ ᠰᠡᠭᠦᠯ ᠲᠡᠢ ᠴᠦ᠍ ᠶᠤᠮ ᠰᠢᠭ᠋ ᠃
ᠠ ᠁ ᠰᠡᠪᠡᠭᠡᠷ ᠰᠢᠷᠠ ᠡᠭᠦᠯᠡᠰ ᠠ᠋ ᠂ ᠰᠡᠭᠰᠡᠭᠡᠷ ᠠᠯᠲᠠᠨ ᠲᠡᠮᠡᠭᠡ ᠨᠦ᠍ᠭᠦᠳ ᠠ᠋! ᠨᠢᠭᠡᠳᠦᠯ ᠦ᠋ᠨ ᠮᠠᠯᠴᠢᠳ ᠤ᠋ᠨ ᠡᠯᠪᠡᠭ ᠬᠤᠷᠢᠶᠠᠯᠲᠠ ᠶ᠋ᠢᠨ ᠳᠡᠭᠡᠵᠢ ᠶ᠋ᠢ ᠠᠴᠢᠭᠰᠠᠭᠠᠷ ᠬᠣᠲᠠ ᠵᠡᠭᠡᠯᠢ ᠵᠦᠭ ᠬᠥᠪᠦᠨ ᠨᠢᠰᠴᠦ ᠪᠠᠢᠨᠠᠤ ?
ᠲᠡᠷᠲᠡᠭᠡ ᠂ ᠪᠥᠷᠲᠥᠯᠵᠡᠭᠰᠡᠨ ᠲᠠᠯᠠ ᠶ᠋ᠢᠨ ᠲᠡᠷᠲᠡᠭᠡ ᠂ ᠰᠥᠨᠢ ᠶ᠋ᠢᠨ ᠮᠡᠳᠡᠭᠡ ᠶ᠋ᠢ ᠬᠦᠷᠭᠡᠭᠰᠡᠨ ᠭᠠᠭᠴᠠ ᠬᠣᠶᠠᠷ ᠣᠳᠣᠨ ᠭᠢᠯᠠᠯᠵᠠᠨᠠ ᠃ ᠪᠠᠷᠠᠭᠠ ᠲᠡᠭᠡᠭᠰᠡᠨ ᠴᠢᠴᠧ ᠲᠡᠷᠭᠡᠨ ᠦ᠌ ᠨᠢᠳᠦ ᠶᠦ᠍ᠮ ᠦᠦ? ᠪᠠᠳᠮᠠᠯᠠᠨ ᠳᠡᠯᠭᠡᠷᠡᠭᠰᠡᠨ ᠬᠣᠲᠠ ᠪᠠᠯᠭᠠᠳ ᠤ᠋ᠨ ᠳ᠋ᠧᠩ ᠶᠦ᠍ᠮ ᠦᠦ ?
ᠰᠠᠶᠢ ᠶ᠋ᠢᠨ ᠠᠯᠲᠠᠨ ᠰᠢᠷᠭᠠᠯ ᠡᠭᠦᠯᠡᠰ ᠲᠡᠳᠡᠭᠡᠷ ᠣᠳᠣᠨ ᠤ᠋ ᠵᠦᠭ ᠬᠥᠪᠦᠯᠵᠡᠨ ᠨᠢᠰᠦᠨᠡ ᠃