ᠮᠣᠩᠭᠣᠯ ᠳᠡᠪᠡᠯ - ᠬᠦ᠊ ᠂ ᠪᠦᠷᠢᠨᠪᠠᠶᠠᠷ Монгол дээл - Х . Бүрэнбаяр
487ᠮᠣᠩᠭᠣᠯ ᠳᠡᠪᠡᠯ
[ ᠤᠩᠰᠢᠯᠭᠠ ᠶ᠋ᠢᠨ ᠬᠥᠲᠥᠴᠢ ]
ᠲᠤᠰ ᠰᠢᠯᠦᠭ ᠲᠦ ᠮᠣᠩᠭᠣᠯ ᠪᠦᠰᠡᠭᠦᠢ ᠶ᠋ᠢᠨ ᠤᠷᠠᠨ ᠭᠠᠷ ᠠ᠋ᠴᠠ ᠮᠡᠨᠳᠦᠯᠡᠭᠰᠡᠨ ᠮᠣᠷᠢᠲᠠᠨ ᠤᠲᠤᠮ ᠦ᠋ᠨ ᠳᠡᠪᠡᠯ ᠊ᠢ ᠤᠶᠠᠩᠭᠠᠯᠠᠨ ᠮᠠᠭᠲᠠᠵᠠᠢ ᠃
ᠮᠣᠩᠭᠣᠯᠴᠤᠳ ᠪᠣᠰᠤᠬ᠋ᠠ ᠪᠠᠷ ᠰᠡᠳᠬᠢᠳᠡᠭ ᠦ᠋ᠨ ᠤᠴᠢᠷ ᠵᠠᠭᠠᠮᠠ ᠪᠠᠨ ᠪᠣᠰᠤᠬ᠋ᠠ ᠬᠢᠳᠡᠭ ᠂ ᠳᠡᠯᠡᠬᠡᠢ ᠶ᠋ᠢ ᠲᠣᠭᠣᠷᠢᠬ ᠰᠡᠳᠬᠢᠳᠡᠭ ᠤᠴᠢᠷ ᠳᠡᠪᠡᠯ ᠦ᠋ᠨ ᠬᠣᠷᠮᠣᠢ ᠪᠠᠨ ᠲᠣᠭᠣᠷᠢᠬ ᠬᠢᠳᠡᠭ ᠁ ᠡᠶ᠋ᠢᠮᠦ ᠡᠴᠡ ᠮᠣᠩᠭᠣᠯ ᠳᠡᠪᠡᠯ ᠨᠢ ᠵᠥᠪᠬᠡᠨ ᠬᠤᠪᠴᠠᠰᠤ ᠵᠠᠰᠠᠯ ᠪᠢᠰᠢ ᠂ ᠬᠠᠷᠢᠨ ᠠᠮᠢᠲᠤᠷᠠᠯ ᠦ᠋ᠨ ᠵᠠᠩ ᠳᠠᠳᠬᠠᠯ ᠂ ᠰᠣᠶᠣᠯ ᠤᠷᠠᠯᠢᠬ ᠂ ᠰᠦᠰᠦᠭ ᠪᠢᠰᠢᠷᠡᠯ ᠲᠡᠢ ᠨᠢᠬᠲᠠ ᠬᠣᠯᠪᠣᠬ᠋ᠠ ᠲᠠᠢ ᠠᠵᠢ ᠃
ᠰᠢᠯᠦᠭ ᠊ᠢ ᠤᠷᠤᠰᠤᠮᠠ ᠰᠠᠶ᠋ᠢᠬᠠᠨ ᠂ ᠤᠷᠠᠨ ᠲᠣᠲᠣ ᠤᠩᠰᠢᠵᠤ ᠂ ᠪᠠᠲᠠᠭ ᠪᠦᠷᠢ ᠶ᠋ᠢᠨ ᠰᠠᠨᠠᠬ᠋ᠠ ᠶ᠋ᠢ ᠵᠠᠲᠠᠯ ᠃
ᠮᠥᠩᠬᠡ ᠲᠩᠷᠢ ᠶ᠋ᠢᠨ ᠵᠢᠰᠦ ᠶ᠋ᠢ ᠬᠦᠨᠲᠦᠯᠡᠵᠦ
ᠮᠥᠩᠭᠥᠨ ᠲᠣᠪᠴᠢ ᠶ᠋ᠢᠨ ᠤᠤᠠᠬᠠ ᠶ᠋ᠢ ᠳᠡᠯᠭᠡᠵᠦ ᠂
ᠮᠣᠩᠭᠣᠯ ᠪᠦᠰᠡᠭᠦᠢ ᠶ᠋ᠢᠨ ᠤᠷᠠᠨ ᠭᠠᠷ ᠠ᠋ᠴᠠ
ᠮᠣᠷᠢᠲᠠᠨ ᠤᠲᠤᠮ ᠦ᠋ᠨ ᠳᠡᠪᠡᠯ ᠮᠡᠨᠲᠦᠯᠡᠨᠡ ᠃
ᠳᠡᠪᠡᠯ ᠦ᠋ᠨ ᠵᠠᠭᠠᠮᠠ ᠪᠠᠨ ᠪᠣᠰᠤᠬ᠋ᠠ ᠪᠣᠲᠣᠵᠤ
ᠳᠡᠯᠡᠬᠡᠢ ᠲᠥᠭᠥᠷᠢᠭᠯᠡᠵᠤ ᠲᠣᠭᠣᠷᠢᠬ ᠵᠢᠷᠤᠨᠠ ᠃
ᠳᠡᠯᠭᠡᠷ ᠥᠷᠭᠡᠨ ᠮᠥᠷᠥ ᠶ᠋ᠢ ᠨᠢ ᠲᠥᠭᠡᠯᠡᠵᠦ
ᠳᠡᠯᠢᠮ ᠬᠢᠷᠢ ᠠᠭᠤᠵᠢᠮ ᠵᠢᠱ᠌ᠢᠨᠡ ᠃
ᠠᠲᠠᠷ ᠦ᠋ᠨ ᠰᠠᠯᠬᠢ ᠶ᠋ᠢ ᠵᠢᠰᠢᠭᠦᠦ ᠵᠠᠯᠠᠬᠤ ᠪᠠᠷ
ᠠᠰᠬᠠᠨ ᠡᠩᠭᠡᠷ ᠊ᠢ ᠲᠠᠰᠢᠭᠤ ᠪᠣᠯᠭᠠᠨᠠ ᠃
ᠠ᠊ ᠶ᠋ᠢᠨ ᠠᠶ᠋ᠢᠮᠠᠭ ᠦ᠋ᠨ ᠢ᠊ ᠪᠡᠷ ᠦᠯᠢᠭᠡᠷᠯᠡᠵᠦ
ᠠᠴᠤᠭ ᠰᠢᠯᠪᠢ ᠶ᠋ᠢ ᠠᠮᠢᠲᠤᠯᠢᠬ ᠲᠣᠬᠢᠶᠠᠨᠠ ᠃
ᠡ᠊ ᠰᠢᠲᠦ ᠶ᠋ᠢ ᠡᠭᠡᠮ ᠦ᠋ᠨ ᠳ᠋ᠤ᠌ ᠰᠣᠶ᠋ᠢᠵᠤ
ᠡᠩᠭᠡᠷ ᠦ᠋ᠨ ᠲᠠᠰᠢᠭᠤ ᠶ᠋ᠢ ᠰᠦᠪᠡᠭᠡᠨ ᠳ᠋ᠤ᠌ ᠵᠥᠷᠢᠭᠦᠯᠦᠨᠡ ᠃
ᠡᠯᠢᠭᠡᠨ ᠳ᠋ᠤ᠌ ᠰᠢᠷᠭᠤᠬᠤ ᠵᠢᠪᠠᠷ ᠊ᠢ ᠬᠣᠷᠢᠵᠤ
ᠢ᠊ ᠶ᠋ᠢᠨ ᠰᠢᠯᠪᠢ ᠶ᠋ᠢ ᠰᠤᠭᠤᠨ ᠳ᠋ᠤ᠌ ᠲᠣᠪᠴᠢᠯᠠᠨᠠ ᠃
ᠡᠮᠦᠰᠬᠦ ᠳᠡᠪᠡᠯ ᠦ᠋ᠨ ᠵᠠᠭᠠᠮᠠ ᠵᠠᠬᠠ ᠶ᠋ᠢ
ᠡᠪᠲᠡᠢ ᠲᠣᠬᠢᠲᠠᠢ ᠤᠷᠠᠯᠢᠬ ᠵᠣᠬᠢᠶᠠᠨᠠ ᠃
ᠡᠷᠭᠦᠨ ᠲᠠᠯᠪᠢᠬᠤ ᠰᠤᠭᠤ ᠶ᠋ᠢᠨ ᠠᠮᠢᠰᠬᠤᠬ᠋ᠠ ᠶ᠋ᠢ
ᠡᠪᠯᠡᠬᠦᠨ ᠰᠢᠯᠤᠭᠤᠨ ᠬᠠᠨᠴᠤᠢ ᠱᠤᠲᠤᠷᠤᠨᠠ ᠃
ᠴᠤᠯᠪᠤᠭᠤᠷ ᠰᠣᠶ᠋ᠢᠵᠤ ᠵᠢᠯᠣᠭᠣ ᠰᠤᠩᠭᠠᠬᠤ ᠪᠠᠷ
ᠴᠣᠮᠪᠣᠩ ᠬᠠᠨᠴᠤᠢ ᠳ᠋ᠤ᠌ ᠳᠣᠷᠣᠭᠣ ᠪᠠᠭᠤᠯᠭᠠᠨᠠ ᠃
ᠴᠣᠮᠬᠠᠨ ᠨᠤᠭᠤᠯᠤᠬ᠋ᠠ ᠬᠤᠨᠢᠶᠠᠰᠤ ᠳᠠᠷᠤᠵᠤ
ᠴᠣᠬᠣᠮ ᠴᠦ᠍ ᠡᠪᠯᠢᠭ ᠲᠡᠰᠢᠶᠡ ᠲᠠᠯᠪᠢᠨᠠ ᠃
ᠥᠯᠵᠡᠢ ᠮᠥᠷ ᠲᠡᠢ ᠵᠢᠯᠣᠭᠣ ᠡᠯᠭᠦᠭᠡᠳ
ᠥᠯᠮᠡᠢ ᠥᠨᠲᠡᠶ᠋ᠢᠨ ᠳᠥᠷᠥᠭᠡᠯᠡᠬᠦ ᠶ᠋ᠢᠨ ᠵᠠᠭᠤᠷᠠ
ᠦᠷᠢᠶᠡ ᠮᠣᠷᠢᠨ ᠪ ᠡᠷᠭᠢᠴᠡᠭᠡ ᠭᠦᠢᠴᠡᠬᠦ
ᠡᠭᠦᠯᠡᠨ ᠬᠡ ᠲᠡᠢ ᠣᠨᠣᠭᠣ ᠠᠮᠠᠲᠠᠨᠠ ᠃
ᠠᠭᠰᠠᠭᠠᠵᠤ ᠡᠮᠦᠰᠪᠡᠯ ᠭᠡᠭᠡᠮᠰᠦᠭ ᠪᠣᠰᠴᠤ
ᠠᠯᠠᠬ᠋ᠠ ᠳᠠᠷᠤᠮᠠ ᠰᠦᠪᠡᠭᠡ ᠳᠠᠷᠤᠨᠠ ᠃
ᠠᠷᠤ ᠶ᠋ᠢᠨ ᠬᠣᠷᠮᠣᠢ ᠶ᠋ᠢ ᠪᠢᠲᠡᠭᠦᠦ ᠳᠡᠪᠢᠰᠴᠦ
ᠠᠯᠲᠠᠨ ᠪᠦᠷᠭᠦᠳ ᠦ᠋ᠨ ᠰᠡᠭᠦᠯ ᠳᠡᠯᠭᠡᠨᠡ ᠃
ᠳᠡᠪᠡᠯ ᠦ᠋ᠨ ᠡᠩᠭᠡᠷ ᠶ᠋ᠢᠡᠨ ᠬᠣᠷᠭᠣᠢ ᠴᠢᠮᠬᠢᠶᠡᠷᠢᠯᠡᠵᠦ
ᠲᠩᠷᠢ ᠶ᠋ᠢᠨ ᠣᠶᠣᠲᠠᠯ ᠶ᠋ᠢᠠᠷ ᠵᠦᠢᠷᠯᠡᠵᠦ ᠴᠢᠮᠡᠨᠡ ᠃
ᠲᠡᠭᠦᠨ ᠪ ᠲᠣᠭᠣᠷᠢᠨ ᠳ᠋ᠤ᠌ ᠣᠲᠣ ᠰᠢᠭᠢᠤᠠᠬᠡᠵᠦ
ᠲᠣᠪᠴᠢ ᠲᠡᠪᠬᠡ ᠶ᠋ᠢ ᠮᠥᠩᠭᠥ ᠪᠡᠷ ᠬᠠᠲᠠᠨᠠ ᠃
ᠤᠲᠠᠭᠠᠨ ᠡᠮᠦᠰᠬᠦ ᠳ᠋ᠤ᠌ ᠴᠢᠨᠠᠷ ᠊ᠢ ᠪᠥᠬᠡᠯᠡᠵᠦ
ᠤᠷᠠᠯᠢᠬ ᠨᠠᠷᠢᠯᠢᠬ ᠰᠢᠬᠯᠠᠵᠤ ᠣᠶᠣᠨᠠ ᠃
ᠤᠲᠠᠰᠤ ᠵᠡᠭᠦᠦ ᠶ᠋ᠢᠨ ᠲᠠᠲᠠᠯᠬ᠋ᠠ ᠪᠡᠬᠢᠯᠡᠵᠦ
ᠤᠴᠢᠬ ᠪᠦᠷᠢ ᠳ᠋ᠤ᠌ ᠨᠢ ᠥᠯᠵᠡᠢ ᠵᠠᠩᠭᠢᠲᠤᠨᠠ ᠃
ᠡᠮᠦᠨᠡ ᠬᠣᠶ᠋ᠢᠨᠠ ᠬᠣᠶᠠᠷ ᠬᠣᠷᠮᠣᠢ ᠶ᠋ᠢ
ᠤᠷᠲᠤᠷᠢᠬ ᠤᠲᠠᠰᠤ ᠪᠠᠷ ᠬᠣᠯᠪᠣᠵᠤ ᠬᠠᠪᠠᠨᠠ ᠃
ᠤᠷᠠᠨ ᠰᠠᠨᠠᠬ᠋ᠠ ᠶᠢᠷᠲᠢᠨᠴᠦ ᠡᠷᠭᠢᠵᠦ
ᠥᠷᠭᠡᠷᠢᠭ ᠱᠤᠭᠤᠮ ᠶ᠋ᠢᠠᠷ ᠪᠦᠰᠡ ᠳᠠᠷᠤᠨᠠ ᠃
ᠳᠡᠯᠡᠬᠡᠢ ᠡᠵᠢ ᠶ᠋ᠢᠨ ᠡᠩᠭᠡᠷᠲᠦ ᠳᠡᠪᠡᠯ
ᠳᠡᠯᠭᠡᠷᠡᠬᠦ ᠵᠤᠨ ᠪ ᠡᠩᠬᠡ ᠶ᠋ᠢᠨ ᠬᠡᠢ ᠮᠣᠷᠢ ᠂
ᠵᠠᠭᠠᠮᠠ ᠪᠠᠨ ᠬᠦᠨᠲᠦᠯᠡᠬᠦ ᠮᠣᠩᠭᠣᠯ ᠰᠣᠶᠣᠯ
ᠵᠠᠬᠠ ᠦᠭᠡᠢ ᠬᠣᠷᠸ᠋ᠠ ᠶ᠋ᠢᠨ ᠮᠥᠩᠬᠡ ᠶ᠋ᠢᠨ ᠬᠣᠶ᠋ᠢᠮᠣᠷ ᠃
ᠡᠲᠦᠷ ᠲᠤᠵᠢ ᠳ᠋ᠤ᠌ ᠪᠠᠨ ᠡᠮᠦᠰᠬᠦ ᠬᠤᠪᠴᠠᠯᠠᠬ᠋ᠠ
ᠦᠲᠡᠰᠢ ᠶ᠋ᠢᠨ ᠤᠨᠲᠠᠯᠬ᠋ᠠ ᠳ᠋ᠤ᠌ ᠬᠥᠨᠵᠢᠯᠡ ᠬᠤᠴᠢᠯᠬ᠋ᠠ ᠂
ᠢᠰᠡᠭᠡᠢ ᠲᠤᠭᠤᠷᠭᠠᠲᠠᠨ ᠪ ᠦᠶᠡ ᠶ᠋ᠢᠨ ᠦᠶᠡ ᠶ᠋ᠢ
ᠥᠰᠬᠡᠵᠦ ᠬᠥᠮᠦᠵᠢᠭᠦᠯᠬᠦ ᠮᠣᠩᠭᠣᠯ ᠬᠣᠷᠸ᠋ᠠ ᠃
ᠲᠥᠯ ᠮᠠᠯ ᠳ᠋ᠤ᠌ ᠠᠵᠢᠯ ᠦ᠋ᠨ ᠬᠤᠪᠴᠠᠰᠤ
ᠲᠥᠷᠥ ᠶ᠋ᠢᠨ ᠶᠣᠰᠣᠯᠠᠯ ᠳ᠋ᠤ᠌ ᠵᠠᠰᠠᠯ ᠦ᠋ᠨ ᠵᠢᠰᠦ ᠂
ᠲᠦᠮᠡᠨ ᠦᠶᠡ ᠦᠷᠡ ᠳ᠋ᠤ᠌ ᠪᠠᠨ ᠤᠯᠠᠮᠵᠢᠯᠠᠬᠤ
ᠲᠥᠷᠥᠯᠬᠢ ᠮᠠᠨ ᠪ ᠮᠣᠩᠭᠣᠯ ᠳᠡᠪᠡᠯ !
(1) ᠲᠤᠰ ᠵᠣᠬᠢᠶᠠᠯ ᠊ᠢ 《 ᠥᠨᠢᠷ ᠴᠡᠴᠡᠭ 》 ᠰᠡᠤᠠᠬᠦᠯ ᠦ᠋ᠨ 1994 ᠣᠨ ᠪ 10 ᠳ᠋ᠤᠭᠠᠷ ᠬᠤᠭᠤᠴᠠᠬ᠋ᠠ ᠠ᠋ᠴᠠ ᠰᠣᠩᠭᠣᠪᠠ ᠃
ᠠᠩᠬᠠ ᠵᠡᠷᠭᠡ ᠶ᠋ᠢᠨ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠶ᠋ᠢᠨ ᠰᠤᠷᠤᠭᠴᠢᠳ ᠦ᠋ᠨ ᠨᠡᠮᠡᠯᠲᠡ ᠤᠩᠰᠢᠭᠤ ᠳᠣᠯᠣᠳᠤᠭᠠᠷ ᠣᠨ ( ᠳᠡᠭᠡᠳᠦ ) ᠠ᠋ᠴᠠ ᠬᠠᠭᠤᠯᠪᠠ ᠃
ᠬᠠᠭᠤᠯᠤᠭᠰᠠᠨ ᠨᠢ ᠄ ᠮᠢᠩᠭᠠᠳ ᠂ ᠴᠢᠮᠡᠭ
ᠬᠢᠨᠠᠭᠰᠠᠨ ᠨᠢ ᠄ ᠬᠠᠲᠠᠴᠢ ᠂ ᠤᠷᠠᠨᠠ