ᠣᠩᠭᠣᠨ ᠲᠩᠷᠢ ᠶᠢᠨ ᠪᠠᠭᠤᠷᠢ (2)- ᠲ ᠂ ᠭᠣᠮᠪᠣᠵᠠᠪ Онгон тэнгрийн буурь (2) - Т ᠂ Гомбожав
327ᠣᠩᠭᠣᠨ ᠲᠩᠷᠢ ᠶᠢᠨ ᠪᠠᠭᠤᠷᠢ (2)
ᠡᠪᠳᠡᠷᠬᠡᠢ ᠲᠡᠷᠭᠡ
ᠵᠠᠮ
ᠡᠨᠡ ᠴᠢᠭ᠌ ᠊ᠢ ᠲᠤᠯᠤᠭᠠᠳ ᠴᠢᠮᠠ ᠠ᠋ᠴᠠ ᠲᠡᠷᠰᠯᠡᠴᠢᠯᠡ ᠡ
ᠬᠥᠨᠲᠡᠢ ᠶ᠋ᠢᠨ ᠴᠢᠯᠠᠭᠤᠳ ᠊ᠢ ᠳᠡᠪᠢᠵᠦ ᠳᠡᠷᠪᠡᠭᠦᠯᠦᠮᠡᠷ
ᠬᠦᠷᠲᠦᠨ ᠪ ᠴᠢᠨᠢ ᠴᠢᠮᠡᠭᠡ ᠬᠤᠷᠢᠶᠠᠭᠲᠠᠵᠤ ᠤᠨᠠᠬᠤ ᠠᠮᠢᠰᠬᠤᠯ ᠰᠢᠭ᠋ ᠵᠠᠮᠬᠠᠷᠠᠵᠤ
ᠬᠥᠲᠡᠭᠡ ᠮᠢᠨᠢ ᠂ ᠬᠥᠭᠡᠷᠦᠬᠦᠢ —
ᠢᠯᠦᠮ ᠵᠢᠯᠤᠮ ᠪᠣᠯᠴᠢᠯᠠ !
ᠬᠡᠭᠡᠰᠦ ᠲᠡᠨᠭᠭᠡᠯᠢᠭ ᠊ᠢ ᠴᠢᠨᠢ ᠣᠷᠢᠶᠠᠴᠠ ᠲᠡᠪᠡᠷᠢᠵᠦ
ᠬᠡᠭᠡᠷᠡ ᠶ᠋ᠢᠨ ᠡᠪᠡᠰᠦ ᠪᠠᠬᠠᠲᠠᠶ᠋ᠢᠬᠠᠨ ᠤᠷᠭᠤᠨᠠ
ᠬᠡᠨ ᠪ ᠲᠠᠷᠢᠬᠰᠠᠨ ᠪ ᠬᠣᠱᠣᠩᠨᠠᠯ ᠪᠢᠯᠡ ?
ᠬᠦᠨᠲᠦᠬᠡᠨ ᠤᠨᠠᠬᠤ ᠨᠠᠷᠠᠨ ᠪ ᠳᠠᠷᠠᠭᠠᠬᠢ
ᠬᠦᠷᠡᠩ ᠤᠯᠠᠭᠠᠨ ᠲᠩᠷᠢ
ᠬᠥᠮᠦᠨ ᠦ ᠴᠢᠷᠠᠢ ᠶ᠋ᠢ ᠬᠠᠷᠠᠬᠤ ᠠ᠋ᠴᠠ ᠪᠠᠨ ᠵᠣᠪᠠᠭᠰᠠᠨ
ᠬᠥᠭᠰᠢᠨ ᠰᠡᠤᠠᠬᠢᠯ ᠦ᠋ᠨ ᠴᠢᠨᠢ ᠪᠣᠲᠣᠯᠭᠠᠰᠢᠷᠠᠯ ᠴᠦ᠍ ᠪᠢᠯᠢᠤ ?
ᠶᠠᠭᠤ ᠬᠡᠯᠡᠯᠲᠡᠢ ᠭᠡᠵᠢ ᠁
ᠨᠣᠣᠰᠣᠨ ᠪᠠᠩᠵᠠᠯ ᠦ᠋ᠨ ᠬᠣᠷᠮᠣᠶ᠋ᠢᠰ ᠠᠯᠢᠶᠠᠬᠠᠨ ᠳᠡᠷᠪᠡᠯᠵᠡᠬᠦ
ᠨᠠᠮᠲᠠᠷ ᠵᠠᠯᠠᠭᠤᠬᠠᠨ ᠬᠣᠷᠢᠲᠤᠭᠠᠷ ᠵᠠᠭᠤᠨ ᠪ ᠨᠢᠲᠦᠨ ᠳ᠋ᠦ᠍
ᠨᠡᠬᠡᠢ ᠳᠡᠪᠡᠯ ᠦ᠋ᠨ ᠴᠢᠨᠢ ᠡᠯᠪᠡᠭ ᠬᠣᠷᠮᠣᠢ ᠶᠠᠭᠠᠬᠢᠬᠰᠠᠨ ᠥᠯᠴᠢᠷ ᠬᠠᠷᠠᠭᠲᠠᠬᠤ ᠠᠵᠢ
ᠤᠷᠤᠭᠰᠢ ᠪᠠᠨ ᠴᠦ᠍ ᠪᠢᠰᠢ ᠬᠣᠶ᠋ᠢᠰᠢ ᠪᠠᠨ ᠴᠦ᠍ ᠪᠢᠰᠢ ᠡᠨᠡᠬᠡᠨ ᠪᠠᠶ᠋ᠢᠷᠢ ᠳᠡᠭᠡᠷᠡ
ᠤᠷᠲᠤ ᠤᠲᠠᠭᠠᠨ ᠡᠲᠦᠷ ᠰᠥᠨᠢ ᠪᠡᠷ ᠮᠢᠨᠴᠦᠭᠦᠷᠡᠨ ᠵᠣᠭᠰᠣᠬᠤ
ᠴᠢᠨᠦ ᠰᠡᠤᠠᠬᠢᠯ ᠶᠠᠭᠠᠬᠢᠬᠰᠠᠨ ᠬᠦᠨᠲᠦ ᠶᠤᠮ ᠳ᠋ᠠ
ᠬᠥᠲᠡᠯᠦᠯ ᠪᠣᠯ ᠠᠮᠢ ᠨᠠᠰᠤ ᠶᠤᠮ
ᠬᠥᠲᠡᠭᠡ ᠪᠡᠨ ᠳᠣᠷᠭᠢᠲᠠᠯᠠ ᠳᠣᠪᠲᠣᠯᠬᠤ ᠪᠣᠯ ᠴᠢᠨᠦ
ᠬᠥᠮᠦᠨ ᠬᠣᠷᠸ᠋ᠠ ᠳ᠋ᠦ᠍ ᠡᠵᠡᠯᠡᠭᠰᠡᠨ ᠪ ᠴᠢᠨᠢ ᠥᠮᠴᠢ ᠲᠠᠪᠢᠯᠠᠩ ᠪᠢᠯᠡ
ᠴᠢᠨᠦ ᠬᠠᠷᠠᠴᠠ ᠬᠠᠯᠠᠭᠤᠨ ᠭᠡᠯᠡ ᠴᠦ᠍
ᠲᠡᠷᠡ ᠪᠣᠯ ᠴᠢᠯᠠᠭᠤ ᠶᠤᠮ
ᠨᠡᠪᠴᠢᠬᠦ ᠤᠴᠢᠷ ᠦᠭᠡᠢ ᠡ
ᠴᠢᠲᠥᠷ ᠲᠠᠰᠤᠴᠢᠭᠠᠷᠠᠢ
ᠴᠢᠲᠥᠷ ᠯᠡ ᠲᠠᠰᠤᠴᠢᠭᠠᠷᠠᠢ !
ᠤᠮᠠᠷᠠᠲᠠᠬᠢᠨ —
ᠣᠵᠣᠭᠤᠷᠯᠢᠬ ᠡᠨᠡ ᠪᠡᠯᠴᠢᠭᠡᠷ ᠳᠡᠭᠡᠷᠡ
ᠠᠷᠠᠯ ᠡᠷᠭᠦᠬᠦ ᠦᠬᠡᠷ ᠦ᠋ᠳ ᠦ᠋ᠨ
ᠠᠴᠨ ᠡᠪᠡᠷ ᠂ ᠬᠠᠲᠠ ᠣᠷᠣᠮᠲᠠᠨ ᠬᠠᠲᠠᠭᠤᠵᠢᠵᠤ ᠪᠠᠶ᠋ᠢᠨᠠ ᠡ
ᠵᠢᠷᠦᠬᠡᠨ ᠣᠪᠣᠬ᠋ᠠ
1
ᠬᠡᠶ᠋ᠢᠮᠣᠷᠢ ᠶ᠋ᠢᠨ ᠴᠢᠨᠢ ᠥᠩᠭᠡᠲᠦ ᠳᠠᠯᠪᠠᠭᠠᠨ ᠳ᠋ᠦ᠍ ᠬᠤᠷᠤᠶ᠋ᠢᠯᠠᠭᠲᠠᠨ —
ᠪᠢ ᠂ ᠬᠡᠪᠲᠡᠷᠢ ᠡᠴᠡ ᠪᠣᠰᠤᠨᠠ
ᠬᠠᠩᠭᠠᠢ ᠳ᠋ᠦ᠍ ᠲᠥᠭᠡᠷᠢᠭᠰᠡᠨ ᠲᠡᠮᠡᠭᠡᠳ ᠦ᠋ᠨ ᠴᠤᠪᠤᠬ᠋ᠠ
ᠬᠠᠲᠠᠨ ᠬᠣᠱᠣᠣ ᠱᠣᠪᠣᠯᠵᠠᠭᠤᠯᠵᠤ
ᠬᠠᠷᠠ ᠳᠠᠷᠤᠵᠤ ᠰᠠᠭᠤᠭᠰᠠᠨ ᠪᠦᠷᠭᠦᠳ ᠡᠭᠦᠷ ᠡᠴᠡ ᠪᠡᠨ ᠪᠣᠰᠤᠨᠠ
ᠬᠠᠭᠠᠷᠠᠭᠰᠠᠨ ᠴᠢᠯᠠᠭᠤ ᠠᠩ ᠶ᠋ᠢᠠᠨ ᠳᠣᠯᠢᠶᠠᠨ ᠪᠥᠳᠥᠨᠰᠢᠵᠤ
ᠬᠠᠷᠪᠤᠭᠠᠨ ᠳᠣᠰᠤᠴᠠ ᠳᠣᠣᠷᠠᠬᠢ ᠴᠤᠭᠤᠷᠤᠬᠠᠢ ᠠᠯᠠᠭᠠᠨ ᠠ᠋ᠴᠠ
ᠬᠠᠯᠠ ᠦᠵᠡᠭᠰᠡᠨ ᠨᠢᠭᠡ ᠪᠣᠲᠣᠯ
ᠴᠢᠯᠠᠭᠤ ᠵᠠᠵᠢᠯᠤᠭᠰᠠᠭᠠᠷ ᠰᠢᠷᠬᠠᠨ ᠠ᠋ᠴᠠ ᠪᠠᠨ ᠪᠣᠰᠤᠨᠠ ᠡ
2
ᠢᠷ ᠶ᠋ᠢᠡᠷ ᠶ᠋ᠢᠡᠨ ᠠᠨᠠᠰᠢᠬᠤ ᠴᠢᠯᠠᠭᠤᠳ ᠦ᠋ᠨ ᠲᠣᠬ᠋ᠠ ᠪᠠᠷ
ᠴᠢᠨᠦ ᠲᠦᠪᠰᠢᠨ
ᠢᠨᠢᠶᠡᠨ ᠥᠰᠴᠦ —
ᠮᠢᠨᠦ ᠂ ᠳᠠᠭᠠᠳᠬᠠᠯ ᠳ᠋ᠦ᠍ ᠬᠦᠯᠢᠭᠳᠡᠭᠰᠡᠨ ᠬᠣᠶᠠᠷ ᠭᠠᠷ ᠊ᠢ
ᠮᠠᠩᠬᠠᠨ ᠣᠷᠣᠢ ᠠ᠋ᠴᠠ
ᠲᠩᠷᠢ ᠥᠭᠡᠲᠡ ᠡᠷᠭᠦᠨᠡ ᠪᠢᠯᠡ
ᠬᠢᠷᠠᠭᠤ ᠳᠠᠷᠤᠭᠰᠠᠨ ᠲᠠᠯᠠ ᠳᠡᠭᠡᠷᠡᠬᠢ
ᠬᠢᠯᠠᠭᠠᠨᠠ ᠨᠤᠭᠤᠳ ᠦ᠋ᠨ ᠨᠢᠷᠤᠭᠤ ᠶ᠋ᠢ
ᠬᠢᠶᠠᠨ ᠣᠮᠣᠭ ᠶ᠋ᠢᠠᠷ ᠳᠥᠰᠢᠨ
ᠬᠠᠷᠠᠬ᠋ᠠ ᠡᠭᠴᠡ ᠴᠢᠭᠯᠡᠯ ᠵᠦᠭ
ᠬᠠᠪᠤᠷ ᠦ᠋ᠨ ᠣᠢ ᠭᠢᠯᠠᠯᠵᠠᠭᠤᠯᠤᠨᠠ ᠪᠢᠯᠡ
ᠠᠨᠢᠵᠤ ᠴᠢᠲᠠᠬᠤ ᠦᠭᠡᠢ ᠨᠢᠲᠦᠨ ᠳ᠋ᠦ᠍ ᠂ ᠨᠠᠷᠠ ᠤᠶ᠋ᠢᠷᠠᠬᠠᠨ ᠲᠡᠮᠲᠡᠷᠢᠭᠦᠯᠵᠤ
ᠠᠷᠤ ᠭᠠᠵᠠᠷ ᠦ᠋ᠨ ᠵᠠᠶᠠᠬ᠋ᠠ ᠶ᠋ᠢ
ᠠᠯᠤᠰ ᠮᠠᠷᠭᠠᠰᠢ ᠤᠷᠤᠭᠤ
ᠰᠠᠷᠠᠨ ᠲᠡᠷᠭᠡᠯᠬᠡᠨ ᠪᠦᠪᠠᠶ᠋ᠢᠯᠠᠨᠠ ᠪᠢᠯᠡ ᠡ
3
ᠴᠢᠨᠦ ᠡᠲᠦᠷ ᠥᠷᠥᠨ
ᠥᠨᠲᠦᠷᠰᠢᠨ ᠪᠣᠰᠬᠤ
ᠰᠡᠭᠦᠲᠡᠷ ᠦᠭᠡᠢ ᠴᠣᠭᠴᠠ ᠶ᠋ᠢ ᠴᠢᠨᠢ ᠣᠷᠢᠶᠠᠨ
ᠥᠩᠭᠡᠲᠦ ᠲᠦᠮᠡᠨ ᠮᠡᠴᠢᠳ ᠠᠯᠲᠠᠨ ᠴᠠᠭᠠᠷᠢᠬ ᠲᠠᠲᠠᠨᠠ
ᠲᠡᠷᠡ ᠪᠣᠯ
ᠲᠥᠪ ᠲᠦ ᠲᠡᠮᠡᠦᠯᠬᠦ ᠬᠦᠴᠦᠨ ᠪ ᠣᠷᠤᠰᠬᠤ ᠳᠤᠲᠤᠮ ᠰᠢᠷᠦᠭᠦᠰᠬᠦ
ᠲᠡᠣᠬᠡᠨ ᠴᠢᠭᠯᠡᠯ ᠦ᠋ᠨ ᠦᠶᠡᠷ ᠯᠠ ᠶᠤᠮ ᠳ᠋ᠠ !
ᠮᠢᠨᠦ ᠤᠬᠢᠯᠠᠯ ᠢᠨᠢᠶᠡᠯ ᠦ᠋ᠨ
ᠡᠷᠭᠢᠴᠡᠬᠦ ᠭᠠᠭᠴᠠᠬᠠᠨ ᠳᠤᠪᠴᠢ
ᠵᠢᠷᠦᠬᠡᠨ ᠣᠪᠣᠬ᠋ᠠ ᠮᠢᠨᠢ ᠠ᠋ ᠁
1988.6.29 —7.17
ᠵᠠᠯᠠᠭᠤ ᠰᠢᠯᠦᠭᠴᠢᠳ ᠦᠨ ᠴᠣᠪᠣᠷᠠᠯ ᠪᠢᠴᠢᠭ᠌
< ᠢᠷᠡᠬᠦ ᠵᠠᠭᠤᠨ ᠤ ᠬᠣᠩᠬᠣᠨ ᠳᠠᠭᠤᠨ > ᠡᠴᠡ ᠬᠠᠭᠤᠯᠪᠠ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ ᠄ ᠪᠠᠭᠠᠲᠤᠷ
ᠬᠢᠨᠠᠭᠴᠢ ᠄ ᠴᠣᠯᠮᠣᠨᠲᠤᠶᠠᠭᠠ
2023 ᠂ 5 ᠂ 9 ᠪ ᠡᠲᠦᠷ