ᠣᠩᠭᠣᠨ ᠲᠩᠷᠢ ᠶ᠋ᠢᠨ ᠪᠠᠭᠤᠷᠢ - ᠲ ᠂ ᠭᠣᠮᠪᠣᠵᠠᠪ Онгон тэнгрийн буурь - Т ᠂ Гомбожав
289ᠣᠩᠭᠣᠨ ᠲᠩᠷᠢ ᠶ᠋ᠢᠨ ᠪᠠᠭᠤᠷᠢ
ᠲ ᠂ ᠭᠣᠮᠪᠣᠵᠠᠪ
ᠲᠡᠦᠬᠡ ᠶ᠋ᠢᠨ ᠮᠥᠷ ᠳᠡᠭᠡᠷᠡᠬᠢ ᠪᠣᠳᠣᠯᠭᠠᠰᠢᠷᠠᠯ
ᠥᠴᠥᠭᠡᠳᠦᠷ ᠦ᠋ᠳ
ᠥᠩᠭᠡᠷᠡᠦ ᠬᠣᠯᠠ ᠪᠢᠰᠢ ᠮᠠᠭᠠᠳ ᠦᠭᠡᠢ
ᠲᠣᠭᠰᠢᠨ ᠴᠠᠭᠠᠨ ᠠᠶᠤᠩᠭᠠ᠂ ᠮᠥᠨ ᠯᠠ
ᠳᠣᠷᠪᠣᠭ ᠬᠠᠷᠠ ᠡᠭᠦᠯᠡᠰ ᠳᠤᠮᠳᠠᠭᠤᠷ ᠴᠠᠬᠢᠯᠵᠠᠵᠤ
ᠣᠩᠭᠣᠨ ᠦᠶᠡᠷ
ᠠᠭᠤᠯᠠᠨ ᠮᠠᠩᠨᠠᠢ ᠠᠯᠠᠭᠠᠳᠠᠨ
ᠣᠪ ᠣᠢᠷᠠᠬᠠᠨ ᠬᠠᠷᠠᠭᠳᠠᠵᠤ ᠮᠡᠳᠡᠬᠦ ᠶᠤᠮ
ᠭᠡᠶᠡ
ᠲᠤᠩ ᠵᠠᠢᠰ ᠪᠠᠢᠲᠠᠭ ᠨᠢ ᠬᠠᠰᠢᠯᠠ ᠦᠨᠡᠨ ᠶᠤᠮ ᠡ
ᠨᠠᠷᠠ ᠵᠠᠪᠠᠯ ᠤᠨᠠᠳᠠᠭ ᠨᠢ
ᠵᠢᠮᠡ ᠶᠣᠰᠣ ᠪᠢᠰᠢ ᠴᠤ᠌ ᠮᠠᠭᠠᠳ ᠦᠭᠡᠢ
ᠨᠠᠭᠠᠨᠠᠬᠢ ᠨᠢ ᠬᠠᠷᠢᠨ
ᠲᠤᠯᠵᠤ ᠵᠣᠭᠰᠣᠬᠤ ᠨᠢᠷᠤᠭᠤ ᠦᠭᠡᠢ ᠳ᠋ᠡᠭᠡᠨ ᠯᠠ
ᠲᠡᠭᠡᠵᠦ ᠲᠠᠢᠤᠠᠬᠤᠷᠠᠲᠠᠭ ᠪᠣᠯᠵᠣᠰᠢ ᠦᠭᠡᠢ
ᠲᠡᠭᠡᠶᠡ᠂ ᠰᠦᠨᠢ ᠶ᠋ᠢᠨ ᠬᠠᠷᠠᠩᠭᠤᠢ ᠪᠣᠯ ᠬᠠᠰᠢᠯᠠ
ᠨᠠᠷᠠᠨ ᠳ᠋ᠤ᠌ ᠬᠠᠪᠢᠷᠤᠭᠰᠠᠨ ᠢᠷᠲᠦ ᠰᠢᠳᠦᠨ ᠪ ᠬᠠᠵᠠᠯᠲᠠ ᠶᠤᠮ ᠳ᠋ᠠᠭ
ᠳ᠋ᠧᠩ ᠪᠣᠯ ᠪᠡᠶᠡ ᠬᠠᠮᠠᠭᠠᠯᠠᠬᠤ ᠵᠡᠪᠰᠡᠭ ᠪᠢᠯᠡ
ᠵᠡᠭᠦᠳᠦᠨ ᠪ ᠪᠡᠨ ᠳᠣᠲᠣᠷᠠᠬᠢ ᠰᠠᠷᠠᠨ ᠳ᠋ᠤ᠌ ᠨᠣᠮ ᠤᠩᠰᠢᠬᠤ
ᠵᠡᠷᠭᠡᠯᠭᠡᠨ ᠳᠡᠭᠡᠷᠡᠬᠢ ᠪᠡᠯᠴᠢᠭᠡᠷ ᠲᠦ᠍ ᠰᠦᠷᠦᠭ ᠬᠠᠷᠢᠭᠤᠯᠬᠤ᠁
ᠡᠨᠡ ᠪᠦᠬᠦᠨ ᠪᠣᠯ᠂ ᠪᠣᠷᠣᠭᠠᠯᠠᠵᠤ ᠴᠢᠳᠠᠳᠠᠭ ᠦᠭᠡᠢ ᠡᠭᠦᠯᠡ ᠪᠢᠯᠡ
ᠠᠰᠠᠭᠤᠯᠲᠠ ᠶ᠋ᠢᠨ ᠬᠠᠷᠠ ᠲᠡᠮᠳᠡᠭ ᠪᠣᠯ
ᠦᠷᠭᠦᠯᠵᠢ ᠳᠡᠯᠪᠡᠴᠡᠯᠲᠡᠢ ᠠᠲ᠋ᠣᠮ
ᠠᠯᠢ ᠣᠯᠠᠨ ᠨᠢᠳᠦ ᠨᠤᠭᠦᠳ ᠰᠣᠬᠣᠷᠠᠵᠤ ᠮᠠᠩᠨᠠᠢ ᠳᠤᠮᠳᠠᠬᠢ ᠥᠨᠥᠴᠢᠨ ᠨᠢᠳᠦ ᠮᠢᠨᠢ ᠯᠠ ᠭᠡᠷᠡᠯᠲᠦᠬᠦ ᠳ᠋ᠡᠭᠡᠨ ᠵᠣᠬᠢᠨᠠ ᠡ
ᠥᠩᠭᠡ ᠠᠯᠳᠠᠷ ᠬᠠᠶᠠ ᠳ᠋ᠠᠭᠠᠨ
ᠡᠷᠭᠦᠵᠦ ᠴᠢᠳᠠᠮᠠ ᠪᠢᠰᠢ ᠭᠢᠨᠵᠢ ᠶᠤᠮ
ᠰᠢᠳᠡᠵᠦ ᠬᠠᠶᠠᠯᠲᠠᠢ ᠡ
ᠮᠠᠷᠭᠠᠰᠢ ᠨᠤᠭᠤᠳ
ᠮᠠᠰᠢ ᠣᠢᠷᠠᠬᠠᠨ ᠪᠢᠰᠢ ᠮᠠᠭᠠᠳ ᠦᠭᠡᠢ᠁
ᠣᠩᠭᠣᠨ ᠲᠩᠷᠢ ᠶ᠋ᠢᠨ ᠪᠠᠭᠤᠷᠢ
ᠶᠡᠷᠡ ᠶᠢᠰᠦᠨ ᠳᠡᠭᠲᠡᠷ ᠴᠢᠯᠠᠭᠤᠨ ᠢᠨᠳᠡᠷ
ᠡᠨᠡ ᠶ᠋ᠢᠨ ᠲᠣᠭᠠᠯᠠᠯ ᠤ᠋ᠨ ᠡᠰᠡᠷᠭᠦ ᠴᠢᠭᠯᠡᠯᠲᠦ ᠱᠠᠲᠤᠨ ᠤ᠋
ᠡᠷᠬᠢᠰ ᠥᠨᠳᠥᠷ ᠣᠷᠣᠢ ᠳ᠋ᠤ᠌
ᠠᠷᠪᠠᠨ ᠭᠤᠷᠪᠠᠳᠤᠭᠠᠷ ᠵᠠᠭᠤᠨ ᠤ᠋ ᠣᠩᠭᠣᠨ ᠲᠩᠷᠢ ᠴᠡᠩᠬᠡᠷᠯᠡᠨᠡ ᠪᠢᠯᠡ
ᠡᠷᠭᠢᠵᠦ ᠬᠠᠷᠠᠬᠤ ᠳᠤᠷᠠ ᠦᠭᠡᠢ ᠲᠩᠷᠢᠯᠢᠭ ᠡᠷᠡ ᠶ᠋ᠢᠨ
ᠢᠰᠬᠡᠷᠴᠦ ᠵᠣᠭᠰᠣᠭᠰᠠᠨ ᠡᠨᠡ ᠪᠠᠢᠷᠢ
ᠡᠷᠡ ᠶ᠋ᠢᠨ ᠪᠣᠳᠣᠯ ᠮᠠᠴᠤᠵᠤ ᠬᠦᠷᠦᠮᠡ ᠦᠭᠡᠢ ᠥᠨᠳᠥᠷ
ᠡᠬᠡ ᠭᠠᠵᠠᠷ ᠤ᠋ᠨ ᠨᠢᠷᠤᠭᠤ ᠬᠣᠲᠣᠯᠵᠠᠮᠠ ᠰᠦᠮᠪᠦᠷ ᠪᠠᠢᠨᠠ
ᠤᠮᠠᠷᠠᠳᠠᠬᠢᠨ ᠤ᠋
ᠤᠯᠠ ᠵᠤᠵᠠᠭᠠᠨ ᠮᠥᠰᠥᠨ ᠳᠣᠣᠷᠠ ᠡᠴᠡ
ᠠᠮᠢ ᠴᠢᠰᠤ ᠪᠠᠷ ᠢᠶ᠋ᠠᠨ ᠪᠥᠭᠡᠯᠵᠢᠵᠦ ᠪᠣᠰᠤᠭᠰᠠᠨ
ᠪᠤᠭᠤᠷᠤᠯ ᠬᠠᠩᠭᠠᠢ ᠶ᠋ᠢᠨ ᠠᠮᠢᠰᠬᠤᠯ ᠂ ᠡᠨᠳᠡ ᠬᠦᠷᠴᠢᠭᠢᠨᠡᠵᠦ
ᠦᠬᠦᠵᠦ ᠰᠡᠬᠡᠬᠦ ᠵᠠᠶᠠᠭᠠᠨ ᠤ᠋
ᠦᠰᠦ ᠬᠠᠲᠠᠭᠤ ᠪᠠᠷᠲᠠᠭᠠᠨ ᠳᠡᠭᠡᠭᠦᠷ
ᠬᠠᠳᠠ ᠴᠠᠪᠴᠢᠨ ᠳᠣᠪᠲᠣᠯᠵᠤ ᠶᠠᠪᠤᠭᠰᠠᠨ ᠂ ᠪᠥᠷᠲᠡ ᠴᠢᠨᠣᠠ ᠶ᠋ᠢᠨ ᠲᠤᠭᠤᠷᠠᠢ
ᠡᠨᠳᠡ ᠳᠦᠩᠭᠦᠷ ᠳᠦᠩᠭᠦᠷ ᠰᠣᠨᠣᠰᠳᠠᠨᠠ
ᠡᠪᠦᠭᠡᠨ ᠬᠤᠷᠮᠤᠰᠲᠠ ᠶ᠋ᠢᠨ ᠣᠩᠭᠣᠨ ᠰᠠᠬᠠᠯ
ᠥᠨᠳᠥᠷ ᠦ᠋ᠨ ᠳᠡᠭᠡᠭᠦᠷ ᠨᠠᠮᠢᠯᠵᠠᠬᠤ
ᠲᠣᠭᠰᠢᠨ ᠬᠠᠷᠠ ᠰᠦᠯᠳᠡ
ᠡᠭᠦᠯᠡᠨ ᠲᠣᠯᠣᠭᠠᠢ ᠭᠢᠰᠬᠢᠵᠦ ᠵᠣᠭᠰᠣᠬᠤ
ᠥᠨᠢᠳᠡ ᠶ᠋ᠢᠨ ᠣᠮᠣᠭ ᠬᠤᠷᠤᠢᠯᠠᠨ
ᠥᠭᠡᠳᠡᠷᠬᠡᠭ ᠳᠡᠯᠡᠬᠡᠢ ᠶ᠋ᠢᠨ ᠠᠶᠠᠨ ᠤ᠋ ᠪᠢᠯᠧᠲ
ᠥᠩᠭᠡ ᠶ᠋ᠢᠨ ᠣᠬᠢ ᠪᠠᠷ ᠭᠢᠯᠠᠯᠵᠠᠬᠤ
ᠠᠯᠲᠠᠨ ᠵᠢᠯᠤᠭᠤᠨ ᠡᠭᠡᠮᠡᠯ
ᠬᠣᠯᠠ ᠢᠷᠡᠭᠡᠳᠦᠢ ᠶ᠋ᠢᠨ ᠮᠠᠩᠨᠠᠢ ᠦᠨᠦᠰᠬᠦ
ᠬᠣᠩᠭᠣᠷ ᠰᠡᠳᠬᠢᠯ ᠳᠠᠯᠠᠯᠤᠨ ᠁
ᠡᠨᠡ ᠳᠠᠷᠬᠠᠨ ᠪᠠᠭᠤᠷᠢ ᠶ᠋ᠢᠨ
ᠡᠯᠢᠭᠡᠨ ᠰᠤᠳᠠᠰᠤ ᠂ ᠯᠤᠩ ᠯᠤᠩ ᠯᠤᠭᠰᠢᠨᠠ ᠪᠢᠯᠡ
ᠮᠢᠩᠭᠠᠨ ᠨᠠᠰᠤᠲᠠᠢ ᠥᠯᠴᠢᠷ ᠦᠭᠡᠰ
ᠮᠥᠨ ᠯᠡ ᠥᠲᠡᠯᠬᠦ ᠦᠭᠡᠢ
ᠬᠥᠷᠥᠰᠥ ᠴᠣᠭᠣᠯᠤᠨ ᠵᠠᠯᠠᠭᠤᠬᠠᠨ ᠬᠠᠯᠢᠭᠤᠷᠠᠵᠤ
ᠬᠥᠮᠦᠨ ᠠᠮᠢᠳᠤᠷᠠᠯ ᠤ᠋ᠨ ᠨᠢᠭᠡᠨ ᠶᠣᠰᠣ ᠶ᠋ᠢ
ᠬᠥᠳᠡᠭᠡ ᠴᠡᠯᠭᠡᠷᠡᠲᠡᠯᠡ ᠶᠠᠷᠢᠨ
ᠡᠷᠲᠡ ᠪᠠ ᠡᠳᠦᠭᠡ ᠶ᠋ᠢ
ᠳᠥᠷᠥᠭᠡ ᠱᠦᠷᠭᠦᠭᠡᠨ ᠠᠭᠤᠯᠵᠠᠭᠤᠯᠵᠤ ᠪᠠᠢᠨᠠ
ᠲᠠᠷᠢᠬᠢ ᠤᠷᠤᠭᠤ ᠂ ᠭᠠᠳᠠᠭᠰᠢ ᠶᠡᠭᠦᠯᠡᠬᠦ ᠰᠠᠨᠠᠭᠠᠨ ᠤ᠋ ᠬᠢᠨᠢ
ᠲᠦᠮᠡᠨ ᠳᠤᠰᠤᠯ ᠴᠢᠰᠤ ᠬᠠᠩᠭᠠᠨ
ᠲᠡᠤᠬᠡ ᠶ᠋ᠢᠨ ᠠᠮᠢᠳᠤ ᠵᠢᠷᠦᠬᠡ ᠡᠷᠴᠢᠲᠡᠢᠬᠡᠨ ᠴᠣᠬᠢᠯᠵᠤ
ᠲᠤᠭᠤᠷᠭᠠᠨ ᠮᠠᠯᠠᠭᠠᠢ ᠶ᠋ᠢᠨ ᠢᠶ᠋ᠠᠨ ᠰᠠᠷᠠᠪᠴᠢᠨ ᠳᠣᠭᠤᠤᠷ ᠠᠯᠤᠰ ᠢ᠋ ᠪᠠᠷᠠᠯᠠᠭᠰᠠᠨ ᠬᠠᠷᠠᠴᠠ
ᠠᠷᠤ ᠭᠠᠵᠠᠷ ᠤ᠋ᠨ ᠴᠢᠭᠯᠡᠯ ᠢ᠋ ᠵᠠᠯᠠᠬᠤ ᠵᠢᠯᠣᠭᠣ
ᠠᠯᠲᠠᠨ ᠤᠷᠤᠭ ᠤ᠋ᠨ ᠰᠡᠳᠬᠢᠯ ᠢ᠋ ᠭᠠᠩᠨᠠᠬᠤ ᠵᠣᠷ
ᠢᠷᠡᠭᠡᠳᠦᠢ ᠶ᠋ᠢᠨ ᠵᠡᠭᠦᠳᠦ ᠶ᠋ᠢ ᠤᠭᠵᠢᠵᠤ ᠮᠡᠨᠳᠦᠯᠡᠭᠦᠯᠬᠦ
ᠢᠲᠡᠭᠡᠯ ᠬᠠᠲᠠᠭᠤ ᠬᠥᠬᠥ
ᠢᠪᠢᠯᠦᠩᠬᠡᠨ ᠳᠡᠩᠬᠡᠢᠵᠦ ᠪᠠᠢᠨᠠ ᠡ
ᠶᠡᠷᠡ ᠶᠢᠰᠦᠨ ᠳᠡᠭᠲᠡᠷ
ᠡᠨᠡ ᠴᠢᠯᠠᠭᠤᠨ ᠢᠨᠳᠠᠷ ᠥᠨᠳᠥᠷ ᠪᠢᠰᠢ
ᠶᠡᠬᠡ ᠠᠯᠳᠠᠷ ᠢᠶ᠋ᠠᠷ ᠢᠶ᠋ᠠᠨ ᠪᠤᠳᠤᠯ ᠲᠦᠰᠢᠬᠦ
ᠠᠷᠪᠠᠨ ᠭᠤᠷᠪᠠᠳᠤᠭᠠᠷ ᠵᠠᠭᠤᠨ ᠤ᠋
ᠣᠩᠭᠣᠨ ᠲᠩᠷᠢ ᠶ᠋ᠢᠨ ᠪᠠᠭᠤᠷᠢ ᠮᠢᠨᠢ ᠯᠡ
ᠪᠢᠰᠢᠷᠡᠯ —
ᠮᠡᠬᠦᠰᠳᠡᠮᠡ —
ᠥᠨᠳᠥᠷ ᠪᠠᠢᠨᠠ ᠡ !