ᠵᠠᠩᠭᠠᠷ ᠤ᠋ᠨ ᠣᠷᠣᠰᠢᠯ ᠪᠦᠯᠦᠭ ᠦᠨ ᠠᠷᠪᠠᠨ ᠨᠢᠭᠡᠳᠦᠭᠡᠷ ᠬᠡᠰᠡᠭᠯᠡᠯ-ᠲᠢᠳᠠᠷᠢ ᠰᠠᠯᠬᠢᠨ ᠲᠠᠪᠠᠭ ᠪᠠᠭᠠᠲᠤᠷЖангарын оршил бөлгийн арван нэгдүгээр хэсэглэл-титари салхин таваг баатар ᠲᠤᠤᠯᠢᠰ

ᠠᠯᠳᠠᠷ ᠨᠣᠶᠠᠨ ᠪᠣᠭᠳᠠ ᠵᠠᠩᠭᠠᠷ ᠤ᠋ᠨ᠂

ᠠᠷᠪᠠᠨ ᠬᠣᠶᠠᠷ ᠪᠠᠭᠠᠲᠤᠷ ᠤ᠋ᠨ ᠨᠢᠭᠡ ᠨᠢ᠂
ᠲᠢᠳᠠᠷᠢ ᠰᠠᠯᠬᠢᠨ ᠲᠠᠪᠠᠭ ᠪᠠᠭᠠᠲᠤᠷ ᠢ᠋᠂
ᠡᠨᠳᠡ ᠰᠠᠭᠤᠭᠰᠠᠨ ᠲᠠᠨᠠᠷ ᠲᠠᠭᠠᠨ ᠬᠡᠯᠡᠭᠡᠳ ᠦᠵᠡᠳᠡᠭ ᠪᠣᠯᠬᠤᠯ᠎ᠠ᠂
ᠠᠷᠪᠠᠨ ᠬᠣᠶᠠᠷ ᠰᠠᠷ᠎ᠠ ᠶ᠋ᠢᠨ ᠭᠠᠵᠠᠷ ᠠ᠋ᠴᠠ᠂
ᠤᠨᠠᠭᠠᠨ ᠳᠠᠭ᠎ᠠ ᠬᠣᠶᠠᠷ ᠬᠠᠮᠢᠭᠠᠭᠤᠷ ᠢ᠋ᠶ᠋ᠠᠨ ᠬᠠᠯᠢᠶᠠᠭᠠᠳ ᠭᠢᠰᠬᠢᠵᠦ ᠪᠠᠢᠬᠤ ᠶ᠋ᠢ᠂
ᠡᠨᠳᠡᠯ ᠦᠭᠡᠢ ᠦᠵᠡᠳᠡᠭ ᠭᠡᠨ᠎ᠡ ᠯᠡ᠂
ᠤᠶᠠᠨ ᠴᠠᠭᠠᠨ ᠡᠪᠡᠰᠦᠨ ᠬᠠᠮᠢᠭᠠᠭᠤᠷ ᠢ᠋ᠶ᠋ᠠᠨ ᠬᠠᠯᠢᠶᠠᠭᠠᠳ ᠳᠡᠯᠡᠰᠴᠦ ᠪᠠᠢᠬᠤ ᠶ᠋ᠢ᠂
ᠡᠨᠳᠡᠯ ᠦᠭᠡᠢ ᠲᠣᠳᠣᠯᠠᠨ ᠦᠵᠡᠳᠡᠭ ᠭᠡᠨ᠎ᠡ ᠯᠡ᠂
ᠰᠠᠯᠬᠢᠨ ᠠ᠋ᠴᠠ ᠠᠯᠲᠠ ᠬᠤᠷᠳᠤᠨ ᠭᠡᠨ᠎ᠡ ᠯᠡ᠂
ᠰᠠᠨᠠᠭᠠᠨ ᠠ᠋ᠴᠠ ᠪᠠᠨ ᠳᠡᠯᠢᠮ ᠬᠤᠷᠳᠤᠨ ᠭᠡᠨ᠎ᠡ ᠯᠡ᠂ 

ᠬᠤᠷᠳᠤᠨ ᠳ᠋ᠠᠭᠠᠨ ᠬᠤᠮᠤᠰ ᠨᠡᠷ᠎ᠡ ᠶ᠋ᠢ ᠣᠯᠤᠭᠰᠠᠨ᠂
ᠲᠦᠷᠭᠡᠨ ᠳ᠋ᠡᠭᠡᠨ ᠲᠥᠷᠥ ᠶ᠋ᠢᠨ ᠨᠡᠷ᠎ᠡ ᠶ᠋ᠢ ᠣᠯᠤᠭᠰᠠᠨ᠂
ᠴᠠᠬᠢᠭᠤᠷ ᠴᠠᠭᠠᠨ ᠬᠦᠯᠦᠭ ᠲᠡᠢ᠂
ᠲᠢᠳᠠᠷᠢ ᠰᠠᠯᠬᠢᠨ ᠲᠠᠪᠠᠭ ᠭᠡᠵᠦ ᠬᠡᠯᠡᠳᠡᠭ ᠰᠠᠨᠵᠠᠢ ᠭᠡᠨ᠎ᠡ ᠯᠡ᠃

ᠦᠭᠡᠰ ᠦ᠋ᠨ ᠲᠠᠢᠯᠪᠤᠷᠢ᠄
1᠂ ᠬᠠᠮᠢᠭᠠᠭᠤᠷ ᠢ᠋ᠶ᠋ᠠᠨ᠁ ᠠᠯᠢ ᠲᠠᠯ᠎ᠠ ᠪᠠᠷ ᠢ᠋ᠶ᠋ᠠᠨ᠂ ᠬᠠᠮᠢᠭᠠᠰᠢ ᠪᠠᠨ᠂ ᠠᠯᠢ ᠵᠦᠭ ᠲᠦ᠍᠃
2· ᠬᠠᠯᠢᠶᠠᠭᠠᠳ᠁ ᠬᠠᠷᠠᠭᠠᠳ᠃
3· ᠳᠡᠯᠡᠰᠴᠦ᠁ ᠶᠠᠮᠠᠷ ᠨᠢᠭᠡᠨ ᠶᠠᠭᠤᠮᠠᠨ ᠳ᠋ᠤ᠌ ᠬᠦᠴᠦᠲᠡᠢ ᠮᠥᠷᠭᠥᠨ ᠲᠣᠰᠴᠤ ᠣᠢᠬᠤ᠂ ᠡᠪᠡᠰᠦ ᠤᠷᠭᠤᠮᠠᠯ ᠤ᠋ᠨ ᠵᠦᠢᠯ ᠰᠠᠯᠬᠢᠨ ᠠᠶ᠎ᠠ ᠪᠠᠷ ᠬᠠᠳᠠ ᠴᠢᠯᠠᠭᠤᠨ ᠳ᠋ᠤ᠌ ᠲᠣᠰᠴᠤ ᠨᠠᠰᠢ ᠴᠠᠰᠢ ᠰᠠᠪᠠᠴᠢᠨ ᠰᠠᠵᠢᠯᠠᠬᠤ᠃
4᠂ ᠡᠨᠳᠡᠯ ᠦᠭᠡᠢ᠁ ᠠᠯᠳᠠᠯ ᠦᠭᠡᠢ᠃
5᠂ ᠬᠤᠮᠤᠰ᠁ ᠲᠤᠰ ᠲᠤᠤᠯᠢ ᠶ᠋ᠢᠨ ᠬᠡᠰᠡᠭᠯᠡᠯ ᠳ᠋ᠦ᠍ ᠬᠤᠷᠳᠤᠨ ᠲᠦᠷᠭᠡᠨ ᠭᠡᠰᠡᠨ ᠤᠳᠬ᠎ᠠ ᠪᠠᠷ ᠬᠡᠷᠡᠭᠯᠡᠭᠳᠡᠵᠦ ᠪᠠᠢᠨ᠎ᠠ᠃
6· ᠴᠠᠬᠢᠭᠤᠷ ᠴᠠᠭᠠᠨ ᠬᠦᠯᠦᠭ᠁ ᠴᠠᠬᠢᠯᠭᠠᠨ ᠴᠠᠬᠢᠯᠠᠬᠤ ᠮᠡᠲᠦ ᠮᠠᠰᠢ ᠬᠤᠷᠳᠤᠨ ᠲᠦᠷᠭᠡᠨ ᠭᠦᠶᠦᠳᠡᠯ ᠲᠡᠢ᠂ ᠴᠠᠭᠠᠨ ᠵᠢᠰᠦᠮ ᠦ᠋ᠨ ᠡᠷᠳᠡᠨᠢᠲᠦ ᠬᠦᠯᠦᠭ᠃
7᠂ ᠲᠢᠳᠠᠷᠢ ᠰᠠᠯᠬᠢᠨ ᠲᠠᠪᠠᠭ᠁ ᠨᠡᠷ᠎ᠡ ᠪᠣᠯᠤᠨ ᠴᠤᠯᠤ ᠨᠢ ᠪᠣᠯᠤᠨ᠎ᠠ᠂ᠶᠠᠪᠠᠭᠠᠨ ᠢ᠋ᠶ᠋ᠠᠷ ᠬᠤᠢ ᠰᠠᠯᠬᠢ ᠮᠡᠲᠦ ᠬᠤᠷᠳᠤᠨ ᠭᠦᠶᠦᠳᠡᠭ᠃ 

ᠳ᠂ ᠨᠠᠷᠠᠰᠤ ᠪᠢᠴᠢᠵᠦ ᠲᠡᠮᠳᠡᠭᠯᠡᠪᠡ᠃