ᠴᠤᠩᠬᠤ - ᠲ ᠂ ᠭᠣᠮᠪᠣᠵᠠᠪ Цонх - Т ᠂ Гомбожав
187ᠪᠢ ᠴᠣᠩᠬᠣ ᠪᠠᠷ ᠢᠶ᠋ᠠᠨ ᠬᠠᠷᠠᠶ᠋ᠢᠯᠠ
ᠡᠬᠡ ᠭᠠᠵᠠᠷ
ᠵᠢᠪᠡᠷᠡᠭᠰᠡᠨ ᠫᠤᠤ ᠶ᠋ᠢᠨ ᠠᠮᠠᠨ ᠬᠥᠨᠳᠡᠢ ᠪᠡᠷ
ᠵᠠᠯᠠᠭᠤᠬᠠᠨ ᠨᠢᠭᠡ ᠰᠤᠮᠤ ᠪᠠᠨ ᠬᠠᠷᠪᠤᠯᠠ
ᠠᠭᠤᠯᠠᠰ ᠤᠳ
ᠣᠭᠣ ᠯᠠ ᠦᠷᠭᠦᠭᠰᠡᠨ ᠠᠳᠤᠭᠤᠳ ᠰᠢᠭ᠋ ᠭᠡᠳᠡᠷᠭᠦ ᠪᠡᠨ ᠭᠦᠶᠦᠯᠳᠦᠨ
ᠤᠳᠤ ᠴᠡᠴᠡᠭᠯᠡᠭᠰᠡᠨ ᠲᠡᠭᠷᠢ
ᠣᠭᠴᠣᠷ ᠤᠨ ᠢᠶ᠋ᠠᠨ ᠲᠣᠪᠴᠢ ᠶ᠋ᠢ ᠨᠢᠭᠡ ᠨᠢᠭᠡ ᠪᠠᠷ ᠠᠯᠳᠠᠷᠠᠭᠠᠨᠠ ᠪᠢᠯᠡ
ᠣᠢ ᠰᠢᠭᠤᠢ ᠨᠠᠳᠠᠳᠤ
ᠣᠶ᠋ᠢᠷᠠᠬᠠᠨ ᠬᠠᠷᠠᠭᠳᠠᠯᠠ ᠡ !
ᠮᠢᠨᠤ ᠰᠣᠩᠭᠣᠯᠲᠠ
ᠲᠣᠩ ᠣᠯᠠᠨ ᠵᠠᠮ ᠵᠤᠷᠠᠶ᠋ᠢᠨᠠ
ᠪᠢ ᠂ ᠲᠣᠯᠣᠭᠠᠢ ᠪᠠᠨ ᠰᠠᠵᠢᠯᠠ
ᠲᠣᠷᠭᠠᠨ ᠢᠷ ᠲᠡᠢ ᠬᠠᠳᠠᠳ ᠰᠡᠬᠦᠢᠯᠴᠡᠨᠡ
ᠪᠢ ᠂ ᠰᠡᠳᠬᠢᠯ ᠢᠶ᠋ᠡᠨ ᠳᠣᠬᠢᠯᠠ ᠁
ᠨᠠᠷᠠ ᠬᠬᠢᠷᠲᠥᠭᠰᠡᠨ ᠡᠳᠦᠷ
ᠰᠠᠷᠠ ᠮᠢᠨᠢ ᠠ᠋
ᠭᠡᠷᠡᠯ ᠳ᠋ᠦ᠍ ᠴᠢᠨᠢ ᠳᠠᠭᠤᠯᠠᠵᠤ ᠳᠠᠳᠤᠭᠰᠠᠨ ᠵᠢᠷᠦᠬᠡ ᠶ᠋ᠢ ᠂ ᠭᠡᠨᠡᠳᠲᠡ
ᠭᠡᠭᠡ ᠵᠠᠯᠭᠢᠭᠰᠠᠨ ᠰᠡᠭᠦᠳᠡᠷ ᠴᠢᠨᠢ ᠳᠠᠷᠤᠯᠠ
ᠪᠢ ᠬᠡᠷᠬᠢᠬᠦ ᠪᠢᠯᠡ
ᠬᠥᠮᠦᠰ ᠦᠨ ᠰᠡᠳᠬᠢᠯ
ᠬᠦ᠋ ᠲᠦᠷᠬᠢᠭᠰᠡᠨ ᠰᠢᠯ ᠤᠳ ᠤᠨ ᠨᠠᠭᠠᠨᠠ ᠠᠭᠰᠢᠨ ᠴᠡᠷᠴᠡᠵᠤ
ᠬᠦᠷᠳᠦ ᠡᠯᠡᠭᠡᠭᠰᠡᠨ ᠵᠠᠮ ᠤᠨ ᠨᠢᠷᠤᠭᠤ ᠪᠠᠷ
ᠬᠦᠢᠲᠡᠨ ᠴᠢᠷᠠᠢ ᠲᠠᠢ ᠶᠠᠪᠠᠭᠠᠨ ᠳᠤᠮᠤᠭ ᠤᠳ ᠦᠶᠡᠷᠯᠡᠨᠡ
ᠠᠯᠤᠰ ᠤᠨ ᠬᠥᠳᠡᠭᠡ ᠳ᠋ᠦ᠍
ᠠᠶ᠋ᠢᠯ ᠤᠨ ᠡᠷᠡᠴᠦᠳ ᠭᠠᠳᠤᠷᠠ ᠳᠡᠯᠡᠳᠦᠨ
ᠠᠭᠠᠷ ᠦᠭᠡᠳᠡ ᠬᠠᠰᠬᠢᠷᠤᠯᠴᠠᠨᠠ ᠪᠢᠯᠡ
ᠡᠴᠦᠰ ᠳᠡᠭᠡᠨ ᠪᠢ
ᠡᠬᠡ ᠪᠢᠴᠢᠭ ᠦᠨ ᠢᠶ᠋ᠠᠨ ᠴᠠᠭᠠᠰᠤᠨ ᠳᠡᠭᠡᠷᠡ
ᠭᠡᠷᠡᠯ ᠲᠡᠢ ᠭᠡᠷᠡᠯ ᠦᠭᠡᠢ ᠭᠤᠷᠪᠠᠨ ᠪᠥᠮᠪᠥᠭᠡ ᠶ᠋ᠢ
ᠨᠢᠭᠡᠬᠡᠨ ᠱᠤᠭᠤᠮ ᠳᠡᠭᠡᠷᠡ ᠬᠡᠯᠬᠢᠵᠦ ᠨᠠᠭᠠᠳᠤᠯᠠ ᠡ
ᠵᠠᠯᠠᠭᠤ ᠰᠢᠯᠦᠭᠴᠢᠳ ᠦᠨ ᠴᠣᠪᠣᠷᠠᠯ ᠪᠢᠴᠢᠭ᠌
< ᠢᠷᠡᠬᠦ ᠵᠠᠭᠤᠨ ᠤ ᠬᠣᠩᠬᠣᠨ ᠳᠠᠭᠤᠨ > ᠡᠴᠡ ᠬᠠᠭᠤᠯᠪᠠ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ : ᠴᠣᠯᠮᠣᠨᠲᠦᠶᠠᠭᠠ
2023᠂ 5᠂ 6