ᠢᠷᠡᠬᠦ ᠵᠠᠭᠤᠨ ᠤ ᠬᠣᠩᠬᠣᠨ ᠳᠠᠭᠤᠨ (2) - ᠲ ᠂ ᠭᠣᠮᠪᠣᠵᠠᠪ Ирэх зууны хонхон дуун (2) - Т ᠂ Гомбожав
203ᠢᠷᠡᠬᠦ ᠵᠠᠭᠤᠨ ᠤ ᠬᠣᠩᠬᠣᠨ ᠳᠠᠭᠤᠨ (2)
ᠲ᠂ ᠭᠣᠮᠪᠣᠵᠠᠪ
ᠢᠷᠡᠬᠦ ᠵᠠᠭᠤᠨ ᠪ ᠬᠣᠩᠬᠣᠨ ᠳᠠᠭᠤᠨ ( ᠬᠣᠶᠠᠷ )
ᠴᠠᠭ ᠂ ᠤᠯᠠᠮ ᠤᠯᠠᠮ ᠶ᠋ᠢᠠᠷ ᠨᠢᠮᠭᠡᠷᠡᠵᠦ
ᠴᠠᠭᠠᠨᠠ ᠠ᠋ᠴᠠ ᠢᠷᠡᠬᠦ ᠥᠷᠥᠭᠡᠰᠦᠨ ᠲᠠᠭᠲᠠᠬ᠋ᠠ
ᠴᠢᠩᠨᠠᠬᠤ ᠳᠣᠳᠣᠮ ᠪᠦᠦᠷ ᠲᠦᠦᠷ ᠰᠣᠨᠣᠰᠲᠠᠨᠠ
ᠪᠦᠷᠦᠭᠬᠡᠨ ᠲᠣᠬᠲᠣᠯᠣᠯ ᠳ᠋ᠠᠭᠠᠨ
ᠪᠥᠮᠪᠥᠷᠴᠡᠭ ᠮᠢᠨᠢ ᠬᠥᠩᠭᠡᠬᠡᠨ ᠳᠣᠯᠭᠢᠰᠴᠤ
ᠪᠦᠰᠡᠭᠦᠢ ᠶᠠᠭᠠᠨ ᠴᠢᠷᠠᠢ ᠨᠤᠭᠤᠳ
ᠪᠦᠱᠦᠭᠦᠷᠬᠡᠭ ᠤᠯᠠᠪᠠᠯᠵᠠᠵᠤ ᠡᠬᠢᠯᠡᠨᠡ
ᠥᠴᠥᠭᠡᠲᠦᠷ ᠦ᠋ᠨ ᠵᠠᠮ ᠨᠣᠪ ᠨᠣᠶ᠋ᠢᠲᠠᠨ
ᠡᠭᠦᠯᠡ ᠤᠨᠢᠶᠠᠷ ᠬᠣᠯᠠᠲᠠᠬᠤ ᠳᠣᠳᠣᠮ ᠥᠤᠠᠬᠡᠷᠡᠬᠦ ᠨᠢ
ᠦᠨᠡᠨ ᠳ᠋ᠡᠭᠡᠨ ᠲᠡᠦᠬᠡ ᠪᠢᠯᠡ
ᠦᠯᠢᠭᠡᠷ ᠨᠢ ᠲᠡᠭᠡᠪᠡᠴᠦ
ᠥᠭᠦᠯᠡᠪᠦᠷᠢ ᠪᠡᠨ ᠶᠠᠭᠠᠬᠢᠵᠤ ᠲᠡᠭᠦᠰᠬᠡᠬᠦ ᠲᠤᠬᠠᠢ
ᠦᠭᠡ ᠣᠯᠤᠬ᠋ᠠ ᠦᠭᠡᠢ ᠡ
ᠡᠮᠦᠰᠦᠭᠰᠡᠨ ᠭᠤᠲᠤᠯ ᠶ᠋ᠢᠠᠨ ᠲᠠᠶ᠋ᠢᠯᠬᠤ ᠪᠣᠲᠣᠯ
ᠥᠨᠥᠲᠥᠷ ᠪᠦᠬᠦᠨ ᠊ᠢ ᠭᠡᠲᠡᠭᠡᠯᠡᠪᠡᠴᠥ
ᠥᠷᠭᠡᠰᠦᠨ ᠪ ᠲᠤᠬᠠᠢ ᠳᠤᠷᠠᠳᠬᠠᠯ ᠶ᠋ᠢᠠᠷ ᠶ᠋ᠢᠠᠨ
ᠥᠯᠮᠡᠢ ᠨᠢᠭᠡᠪᠦᠷᠢ
ᠥᠨᠲᠡᠶ᠋ᠢᠨ ᠥᠨᠲᠡᠶ᠋ᠢᠨ ᠬᠣᠯᠠ ᠶ᠋ᠢᠨ ᠪᠠᠷᠠ ᠠᠵᠢᠨᠠ
ᠬᠣᠯᠠ ᠶ᠋ᠢᠨ ᠪᠠᠷᠠ ᠳᠤ
ᠬᠣᠷᠸ᠋ᠠ ᠠᠷᠭᠠᠲᠠᠬᠤ ᠰᠢᠨᠡᠬᠡᠨ ᠠᠪᠢᠶᠠ
ᠥᠷᠥᠭᠡᠰᠦᠨ ᠲᠠᠭᠲᠠᠬ᠋ᠠ ᠬᠠᠷᠠᠭᠲᠠᠨᠠ
ᠬᠦᠰᠡᠷᠲᠡᠯ ᠠᠴᠢᠬᠰᠠᠨ ᠲᠡᠮᠡᠭᠡᠨ ᠰᠦᠷᠦᠭ
ᠬᠥᠲᠥᠯ ᠦᠨ ᠤᠷᠤᠢ ᠬᠢᠰᠬᠢᠵᠤ
ᠬᠦᠰᠡᠯ ᠦ᠋ᠨ ᠲᠤᠬᠠᠢ ᠤᠯᠠᠨ ᠪᠣᠲᠣᠯ ᠶ᠋ᠢᠠᠷ
ᠬᠦᠷᠴᠦ ᠢᠷᠡᠭᠡ ᠦᠭᠡᠢ ᠲᠠᠭᠲᠠᠭᠠᠨ ᠴᠢᠮᠡᠭᠡ ᠴᠢᠩᠨᠠᠨᠠ
ᠰᠠᠷᠠ ᠂ ᠲᠡᠭᠡᠬᠦ ᠳᠤ
ᠰᠠᠬᠠᠯ ᠨᠢ ᠪᠤᠭᠤᠷᠤᠯᠰᠢᠬᠰᠨ ᠡᠪᠦᠭᠡᠨ ᠵᠠᠭᠤᠨ ᠠ᠋ᠴᠠ ᠪᠠᠨ
ᠰᠠᠨᠠᠬ᠋ᠠ ᠠᠯᠲᠠᠭᠰᠠᠭᠠᠷ ᠬᠠᠪᠢᠷᠭᠠᠬᠠᠨ ᠨᠠᠤᠠᠬᠤᠵᠤ
ᠰᠠᠶ᠋ᠢᠬᠠᠨ ᠲᠡᠷᠭᠡᠯ ᠵᠡᠭᠦᠲᠦᠨ ᠳ᠋ᠡᠭᠡᠨ
ᠰᠠᠨᠰᠠᠷ ᠳᠠᠮᠵᠢᠨ ᠢᠷᠡᠬᠦ ᠲᠠᠭᠲᠠᠭᠠᠨ ᠴᠢᠮᠡᠭᠡ ᠪᠡᠷ ᠥᠨᠲᠡᠶ᠋ᠢᠨᠡ ᠁
ᠣᠷᠴᠢᠯᠠᠩ ᠦ᠋ᠨ
ᠤᠯᠠᠮ ᠶ᠋ᠢᠠᠷ ᠨᠢᠮᠭᠡᠷᠡᠬᠦ ᠴᠠᠭ ᠦ᠋ᠨ ᠴᠠᠭᠠᠨᠠ ᠠ᠋ᠴᠠ
ᠣᠲᠣᠨ ᠴᠣᠪᠣᠭᠣ ᠭᠢᠯᠪᠠᠵᠤ ᠢᠷᠡᠬᠦ
ᠬᠥᠭᠡᠷᠦᠬᠦᠨ ᠲᠡᠷᠡ ᠲᠠᠭᠲᠠᠬ᠋ᠠ
ᠬᠥᠮᠦᠨ ᠪ ᠤᠬᠠᠭᠠᠨ ᠳᠤ ᠰᠡᠭᠦᠷᠡᠰᠦ ᠳᠠᠷᠤᠬᠤ
ᠰᠢᠷᠬᠠ ᠦᠭᠡᠢ ᠯᠠ ᠪᠠᠶ᠋ᠢᠭᠠᠰᠠᠢ ᠡ
ᠵᠠᠭᠤᠨ ᠪ ᠰᠢᠷᠠ ᠪᠦᠷᠦᠢ
ᠲᠠᠮᠢᠷᠳᠠᠭᠰᠠᠨ ᠨᠠᠷᠠ ᠡᠴᠦᠰ ᠲᠡᠭᠡᠨ
ᠲᠠᠨᠢᠯ ᠵᠠᠭᠤᠨ ᠤ ᠪᠠᠨ ᠰᠡᠭᠦᠯᠴᠢ ᠶᠢᠨ ᠵᠢᠰᠦᠨ ᠡᠴᠡ
ᠲᠠᠢᠪᠤᠭᠤᠬᠠᠨ ᠪᠦᠱᠦᠭᠦᠷᠬᠡᠯᠡ
ᠣᠭᠲᠠᠷᠭᠤᠢ ᠲᠤᠢᠯ ᠤᠨ ᠨᠠᠮ ᠵᠢᠮ
ᠣᠳᠣ ᠪᠠᠢᠷᠢᠰᠢᠬᠤ ᠪᠣᠯᠣᠭᠠ ᠦᠭᠡᠢ
ᠣᠷᠬᠢᠵᠤ ᠤᠳᠤᠭᠰᠠᠨ ᠨᠠᠷᠠᠨ ᠤ ᠲᠤᠶᠠᠭᠠᠨ ᠳᠤ
ᠣᠷᠬᠢᠮᠵᠢᠨ ᠳᠣᠣᠷᠡᠬᠢ ᠳᠡᠯᠡᠬᠡᠢ
ᠥᠨᠳᠥᠷ ᠨᠠᠮ ᠰᠢᠵᠢᠷᠳᠡᠨᠡ
ᠡᠮᠦᠰᠴᠦ ᠤᠳᠠᠭᠰᠠᠨ ᠲᠣᠷᠭᠠᠨ ᠴᠠᠮᠴᠠᠨ ᠤ ᠥᠲᠡᠯᠦᠭᠰᠡᠨ ᠬᠣᠷᠮᠣᠢ
ᠥᠴᠥᠭᠡᠳᠦᠷ ᠲᠡᠰᠢ ᠰᠡᠮᠡᠷᠬᠡᠢ ᠬᠤᠷᠤᠯᠵᠠᠨ
ᠥᠭᠡᠳᠡ ᠴᠤᠪᠤᠭᠰᠠᠨ ᠵᠠᠯᠠᠭᠤ ᠤᠬᠠᠭᠠᠨ ᠤ
ᠥᠰᠪᠦᠷᠢ ᠰᠢᠯᠪᠢ ᠦᠳᠡᠰᠢ ᠳᠤᠰᠤᠨ ᠨᠢᠴᠦᠭᠦᠨ ᠱᠤᠤᠭᠢᠨᠠ
ᠬᠡᠭᠡᠷᠡ ᠡᠴᠡ
ᠬᠡᠭᠡᠯᠢ ᠳᠦᠭᠦᠷᠡᠩ ᠠᠮᠢ ᠨᠠᠰᠤ
ᠬᠡᠪᠲᠡᠷᠢ ᠤᠷᠤᠭᠤ ᠪᠠᠨ ᠪᠤᠴᠠᠨᠠ
ᠬᠡᠪᠢᠭᠳᠡᠳᠡᠭ ᠨᠢ ᠬᠡᠳᠦᠢ ᠭᠠᠰᠢᠭᠤᠨ ᠬᠡᠳᠦᠢ ᠠᠮᠲᠠᠲᠠᠢ ᠭᠡᠳᠡᠭ ᠢ
ᠬᠡᠨ ᠴᠤ᠌ ᠥᠯᠥ᠍ ᠲᠠᠭᠠᠮᠠᠭᠯᠠᠵᠤ ᠴᠢᠳᠠᠨᠠ ᠡ
ᠵᠠᠯᠠᠭᠤ ᠰᠢᠯᠦᠭᠴᠢᠳ ᠦᠨ ᠴᠣᠪᠣᠷᠠᠯ ᠪᠢᠴᠢᠭ᠌
< ᠢᠷᠡᠬᠦ ᠵᠠᠭᠤᠨ ᠤ ᠬᠣᠩᠬᠣᠨ ᠳᠠᠭᠤᠨ > ᠡᠴᠡ ᠬᠠᠭᠤᠯᠪᠠ᠃
ᠦᠭᠡ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ ᠄ ᠴᠣᠭᠵᠢᠷᠭᠠᠯ
ᠬᠢᠨᠠᠭᠴᠢ ᠄ ᠴᠤᠯᠮᠤᠨᠲᠤᠶᠠᠬ᠋ᠠ