ᠪᠤᠷᠬᠠᠨ ᠤ᠋ ᠬᠦᠦ-ᠭᠠᠪᠢᠶᠠᠲᠤБурхны хүү-гавьяат
279ᠪᠤᠷᠬᠠᠨ ᠤ᠋ ᠬᠦᠦ
ᠭᠠᠪᠢᠶᠠᠲᠤ
ᠭᠡᠷ ᠢ᠋ᠶ᠋ᠡᠨ ᠪᠠᠷᠢᠬᠤ ᠳ᠋ᠤ᠌ ᠲᠣᠭᠣᠨᠣ ᠪᠠᠨ ᠪᠣᠰᠬᠠᠳᠠᠭ ᠠᠪᠤ ᠪᠤᠷᠬᠠᠨ ᠲᠠᠢ
ᠭᠡᠭᠡᠨ ᠭᠠᠯ ᠲᠠᠢ ᠲᠤᠯᠭᠠ ᠪᠠᠨ ᠲᠤᠯᠳᠠᠭ ᠡᠵᠢ ᠪᠤᠷᠬᠠᠨ ᠲᠠᠢ
ᠬᠣᠶᠠᠷ ᠪᠤᠷᠬᠠᠨ ᠤ᠋ ᠴᠢᠰᠤᠨ ᠠ᠋ᠴᠠ ᠤᠷᠭᠤᠭᠰᠠᠨ ᠬᠥᠬᠡ ᠦᠨᠳᠦᠰᠦᠨ ᠦ᠌ ᠨᠠᠮᠠᠭᠠ
ᠬᠣᠷᠮᠣᠢ ᠡᠩᠭᠡᠷ ᠲᠦ᠍ ᠨᠢ ᠵᠡᠭᠦᠭᠲᠡᠵᠦ ᠥᠰᠦᠭᠰᠡᠨ ᠪᠢ ᠪᠤᠷᠬᠠᠨ ᠤ᠋ ᠬᠦᠦ
ᠠᠳᠤᠭᠤ ᠲᠤᠷᠭᠢᠬᠤ ᠳ᠋ᠤ᠌ ᠬᠡᠶ᠋ᠢᠮᠣᠷᠢ ᠨᠢ ᠪᠣᠰᠳᠠᠭ ᠡᠴᠢᠭᠡ ᠪᠤᠷᠬᠠᠨ ᠲᠠᠢ
ᠠᠪᠳᠠᠷᠠ ᠲᠦᠰᠢᠵᠦ ᠦᠷᠡ ᠨᠢ ᠠᠯᠬᠤᠬᠤ ᠳ᠋ᠤ᠌ ᠵᠠᠶᠠᠭᠠ ᠨᠢ ᠪᠣᠰᠳᠠᠭ ᠡᠬᠡ ᠪᠤᠷᠬᠠᠨ ᠲᠠᠢ
ᠡᠶ᠋ᠢᠮᠦ ᠰᠠᠢᠬᠠᠨ ᠪᠤᠷᠬᠠᠨ ᠲᠠᠢ ᠬᠥᠮᠦᠨ ᠳ᠋ᠦ᠍ ᠯᠡ
ᠡᠳᠦᠷ ᠦ᠋ᠨ ᠬᠡᠰᠢᠭ ᠡᠪᠦᠷ ᠳᠦᠭᠦᠷᠡᠩ ᠱᠠᠭᠢᠳᠠᠭ
ᠮᠠᠯ ᠨᠤᠲᠤᠭ ᠬᠣᠶᠠᠷ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠪᠠᠬᠠᠷᠬᠠᠭᠰᠠᠨ ᠠᠪᠤ ᠪᠤᠷᠬᠠᠨ ᠲᠠᠢ
ᠮᠠᠨ ᠤ᠋ ᠬᠢ ᠲᠠᠨ ᠤ᠋ ᠬᠢ ᠭᠡᠵᠦ ᠬᠡᠦᠬᠡᠳ ᠢᠯᠭᠠᠳᠠᠭ ᠦᠭᠡᠢ ᠡᠵᠢ ᠪᠤᠷᠬᠠᠨ ᠲᠠᠢ
ᠥᠯᠮᠡᠢ ᠪᠠᠲᠤ ᠢᠷᠦᠭᠡᠯ ᠢ᠋ᠶ᠋ᠡᠨ ᠥᠭᠭᠦᠭᠰᠡᠨ ᠪᠤᠷᠬᠠᠨ ᠤ᠋ ᠠᠯᠠᠭᠠᠨ ᠳᠡᠭᠡᠷᠡ
ᠥᠨᠳᠥᠷ ᠰᠦᠮᠡ ᠲᠡᠢ ᠬᠦᠦ ᠶ᠋ᠢᠨ ᠬᠢᠨᠢ ᠲᠩᠷᠢ ᠭᠢᠯᠠᠯᠵᠠᠳᠠᠭ
ᠠᠶ᠋ᠢᠷᠠᠭ ᠵᠠᠯᠭᠢᠯᠠᠵᠤ ᠮᠣᠷᠢᠨ ᠤ᠋ ᠰᠡᠭᠦᠯ ᠪᠣᠭᠣᠭᠰᠠᠨ ᠡᠴᠢᠭᠡ ᠪᠤᠷᠬᠠᠨ ᠲᠠᠢ
ᠠᠭᠠᠷᠴᠠ ᠳᠠᠷᠤᠵᠤ ᠬᠣᠷᠮᠣᠢ ᠳ᠋ᠤ᠌ ᠪᠠᠨ ᠪᠥᠲᠦᠴᠢᠭᠰᠡᠨ ᠡᠬᠡ ᠪᠤᠷᠬᠠᠨ ᠲᠠᠢ
ᠠᠯᠠᠭ ᠦᠷᠡ ᠪᠡᠨ ᠬᠠᠷᠠᠵᠤ ᠵᠢᠷᠭᠠᠬᠤ ᠬᠣᠶᠠᠷ ᠪᠤᠷᠬᠠᠨ ᠤ᠋ ᠰᠡᠳᠬᠢᠯ ᠳ᠋ᠦ᠍
ᠠᠮᠢᠳᠤᠷᠠᠯ ᠭᠡᠷ ᠬᠣᠶᠠᠷ ᠨᠢ ᠠᠯᠲᠠᠨ ᠳᠡᠭᠡᠪᠦᠷ ᠲᠡᠢ ᠪᠠᠶ᠋ᠢᠲᠠᠭ
ᠬᠣᠶ᠋ᠢᠮᠣᠷ ᠵᠠᠪᠢᠯᠠᠵᠤ ᠴᠢᠳᠥᠷ ᠮᠤᠰᠭᠢᠲᠠᠭ ᠠᠪᠤ ᠪᠤᠷᠬᠠᠨ ᠲᠠᠢ
ᠬᠠᠵᠠᠭᠤ ᠳ᠋ᠤᠨᠢ ᠪᠥᠷᠲᠥᠶ᠋ᠢᠵᠦ ᠪᠣᠶ᠋ᠢᠲᠣᠭ ᠣᠶᠣᠳᠠᠭ ᠡᠵᠢ ᠪᠤᠷᠬᠠᠨ ᠲᠠᠢ
ᠬᠣᠶᠠᠷ ᠪᠤᠷᠬᠠᠨ ᠢ᠋ᠶ᠋ᠠᠷ ᠠᠷᠭᠠᠳᠠᠭᠤᠯᠤᠭᠰᠠᠨ ᠬᠥᠮᠦᠨ ᠳ᠋ᠦ᠍ ᠯᠡ
ᠬᠣᠷᠸ᠋ᠠ ᠶᠠᠭ ᠯᠠ ᠬᠤᠷᠠᠭᠠᠨ ᠵᠤᠪᠴᠠᠭᠠ ᠰᠢᠭ᠋ ᠵᠥᠭᠡᠯᠡᠨ ᠰᠠᠨᠠᠭᠳᠠᠳᠠᠭ
ᠬᠠᠶᠠ ᠬᠠᠯᠠᠰᠠᠵᠤ ᠬᠠᠩᠭᠠᠢ ᠳᠣᠷᠭᠢᠲᠠᠯᠠ ᠳᠠᠭᠤᠯᠠᠳᠠᠭ ᠬᠠᠷᠠ ᠡᠪᠦᠭᠡᠨ
ᠬᠠᠨᠴᠤᠢ ᠳᠣᠷᠣᠭᠣ ᠡᠯᠡᠭᠡᠵᠦ ᠨᠠᠷᠠᠨ ᠰᠠᠷᠠᠨ ᠊ᠢ ᠦᠲᠡᠭᠰᠡᠨ ᠰᠢᠷᠠ ᠬᠥᠭᠰᠢᠨ
ᠬᠠᠯᠠᠭᠤᠨ ᠳ᠋ᠤ᠌ ᠬᠠᠯᠠᠵᠤ ᠬᠦᠢᠲᠡᠨ ᠳ᠋ᠦ᠍ ᠬᠦᠷᠦᠵᠦ ᠡᠯᠡᠭᠲᠡᠭᠰᠡᠨ ᠬᠠᠶ᠋ᠢᠷᠠ ᠶ᠋ᠢᠨ ᠲᠡᠩᠭᠡᠯᠢᠭ
ᠬᠠᠮᠤᠭ ᠤ᠋ᠨ ᠶᠡᠬᠡ ᠪᠡᠷ ᠰᠢᠲᠦᠬᠦ ᠪᠣᠷᠣ ᠠᠮᠢᠳᠤᠷᠠᠯ ᠤ᠋ᠨ ᠪᠤᠷᠬᠠᠨ ᠮᠢᠨᠢ
ᠳᠡᠪᠡᠯ ᠭᠤᠲᠤᠯ ᠠ᠋ᠴᠠ ᠪᠠᠨ ᠥᠭᠡᠷᠡ ᠭᠣᠶᠣᠯ ᠦᠭᠡᠢ ᠠᠪᠤ ᠪᠤᠷᠬᠠᠨ ᠲᠠᠢ
ᠳᠡᠷᠭᠡᠳᠡ ᠪᠡᠨ ᠡᠴᠢᠭᠡ ᠡᠴᠡ ᠲᠦᠰᠢᠭ ᠦᠭᠡᠢ ᠡᠵᠢ ᠪᠤᠷᠬᠠᠨ ᠲᠠᠢ
ᠳᠥᠷᠪᠡᠨ ᠬᠠᠨᠠᠲᠤ ᠶ᠋ᠢ ᠳᠦᠭᠦᠷᠭᠡᠭᠰᠡᠨ ᠬᠣᠶᠠᠷ ᠪᠤᠷᠬᠠᠨ ᠤ᠋ ᠭᠡᠷᠡᠯ ᠳ᠋ᠦ᠍
ᠳᠡᠯᠡᠬᠡᠢ ᠶ᠋ᠢᠨ ᠠᠷᠠᠨᠰᠢᠨ ᠳᠠᠭᠤᠯᠠᠵᠤ ᠨᠢᠭᠡᠨ ᠳ᠋ᠦ᠍ ᠪᠡᠨ ᠵᠢᠷᠭᠠᠳᠠᠭ
ᠭᠡᠷ ᠢ᠋ᠶ᠋ᠡᠨ ᠪᠠᠭᠤᠯᠭᠠᠬᠤ ᠳ᠋ᠤ᠌ ᠬᠠᠨᠠ ᠪᠠᠨ ᠬᠤᠷᠢᠶᠠᠳᠠᠭ ᠡᠴᠢᠭᠡ ᠪᠤᠷᠬᠠᠨ ᠲᠠᠢ
ᠭᠡᠳᠡᠰᠦᠨ ᠳᠣᠲᠣᠷ ᠢ᠋ᠶ᠋ᠠᠨ ᠳᠡᠭᠦᠦ ᠶ᠋ᠢ ᠡᠷᠭᠦᠭᠰᠡᠨ ᠡᠬᠡ ᠪᠤᠷᠬᠠᠨ ᠲᠠᠢ
ᠬᠣᠶᠠᠷ ᠪᠤᠷᠬᠠᠨ ᠠ᠋ᠴᠠ ᠠᠮᠢᠰᠬᠤᠯ ᠵᠠᠯᠭᠠᠭᠰᠠᠨ
ᠬᠥᠬᠡ ᠤᠳᠤᠮ ᠤ᠋ᠨ ᠲᠠᠰᠤᠷᠬᠠᠢ
ᠬᠣᠩᠭᠣᠷᠬᠠᠨ ᠠᠯᠠᠭᠠ ᠪᠠᠷ ᠢᠯᠪᠢᠭᠦᠯᠵᠦ ᠭᠡᠷᠡᠯᠲᠦᠭᠰᠡᠨ ᠪᠢ ᠪᠤᠷᠬᠠᠨ ᠤ᠋ ᠬᠦᠦ
ᠦᠰᠦᠭ ᠬᠠᠲᠠᠭᠰᠠᠨ ᠨᠢ ᠄ ᠣᠲᠣᠨᠭᠡᠷᠡᠯ
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ ᠄ ᠣᠲᠣᠨᠭᠡᠷᠡᠯ
ᠬᠢᠨᠠᠭᠴᠢ ᠄ ᠠᠵᠠᠵᠠᠶᠠᠭᠠ ᠂ ᠮᠥᠩᠭᠦᠨᠴᠡᠴᠡᠭ᠋