ᠪᠠᠭᠠᠴᠤᠳ ᠤᠨ ᠵᠤᠰᠠᠯᠠᠩ （ ᠬᠡᠯᠡ ᠪᠢᠴᠢᠭ – ᠶᠢᠰᠦᠳᠦᠭᠡᠷ ᠳᠡᠪᠲᠡᠷ） Багачуудын зуслан（ Хэл бичиг – Есдүгээр дэвтэр）
699 ᠳᠠᠷᠬᠠᠨ ᠲᠩᠷᠢ ᠶ᠋ᠢᠨ ᠠᠮᠠᠨ ᠳ᠋ᠠᠭᠠᠨ
ᠳᠠᠯᠠᠨ ᠬᠡᠦᠬᠡᠳ ᠨᠥᠬᠥᠷᠯᠡᠭᠡᠳ
ᠳᠠᠩᠴᠢ ᠰᠠᠶ᠋ᠢᠬᠠᠨ ᠨᠠᠭᠠᠲᠤᠮ ᠶ᠋ᠢᠠᠷ
ᠳᠠᠯᠠᠢ ᠶᠡᠬᠡ ᠪᠡᠷ ᠬᠥᠭᠵᠢᠯᠳᠦᠭᠡᠳ
ᠪᠣᠭᠲᠠ ᠠᠭᠤᠯᠠ ᠶ᠋ᠢᠨ ᠰᠤᠭᠤᠨ ᠳ᠋ᠠᠭᠠᠨ
ᠪᠤᠵᠢᠭᠢᠨᠠᠨ ᠲᠡᠪᠬᠡᠴᠡᠵᠤ ᠪᠠᠶᠠᠰᠤᠯᠴᠠᠭᠠᠳ
ᠪᠤᠯᠲᠠᠶ᠋ᠢᠵᠤ ᠪᠠᠶ᠋ᠢᠬ᠋ᠠ ᠴᠡᠴᠡᠭ ᠶ᠋ᠢᠡᠷ
ᠪᠣᠷᠣᠯᠲᠠᠢ ᠪᠡᠶᠡᠰ ᠶ᠋ᠢᠡᠨ ᠦᠯᠢᠭᠡᠷᠯᠡᠭᠡᠳ
ᠡᠶ᠋ᠢᠮᠦ ᠯᠡ ᠰᠠᠶ᠋ᠢᠬᠠᠨ
ᠲᠡᠶ᠋ᠢᠮᠦ ᠯᠡ ᠰᠣᠨᠢᠬᠠᠨ᠃
ᠬᠥᠬᠡ ᠬᠥᠬᠡ ᠮᠠᠶ᠋ᠢᠬᠠᠨ ᠨᠤᠭᠤᠳ
ᠬᠥᠪᠴᠢ ᠶ᠋ᠢᠨ ᠮᠣᠲᠣᠨ ᠳᠤ ᠴᠡᠩᠬᠡᠷᠯᠡᠭᠡᠳ
ᠬᠥᠮᠦᠵᠢᠬᠦ ᠪᠢᠲᠡᠨ ᠪ ᠪᠠᠭᠠᠴᠤᠳ ᠦ᠋ᠨ
ᠬᠥᠭᠵᠢᠬᠦ ᠵᠠᠮ ᠨᠢ ᠳᠡᠯᠭᠡᠷᠡᠭᠡᠳ
ᠬᠥᠬᠥᠭᠡ ᠣᠯᠠᠨ ᠰᠢᠪᠠᠤᠬᠠᠢ
ᠡᠨᠲᠡ ᠲᠡᠨᠲᠡ ᠳᠣᠩᠭᠣᠳᠤᠭᠠᠳ
ᠬᠡᠦᠬᠡᠳ ᠪᠠᠭᠠᠴᠤᠳ ᠪᠢᠲᠡᠨ ᠪ
ᠬᠥᠭᠵᠢᠮᠴᠢᠨ ᠳᠠᠭᠤᠴᠢᠨ ᠪᠣᠯᠤᠭᠠᠳ
ᠡᠶ᠋ᠢᠮᠦ ᠯᠠ ᠰᠠᠶ᠋ᠢᠬᠠᠨ
ᠲᠡᠶ᠋ᠢᠮᠦ ᠯᠡ ᠰᠣᠨᠢᠬᠠᠨ᠃
ᠳᠡᠭᠡᠷᠡ ᠨᠢ ᠬᠥᠬᠡ ᠲᠩᠷᠢ ᠮᠡᠯᠴᠡᠶ᠋ᠢᠭᠡᠳ
ᠳᠡᠷᠭᠡᠳᠡ ᠨᠢ ᠣᠯᠠᠨ ᠨᠥᠬᠥᠳ ᠬᠥᠭᠵᠢᠯᠳᠦᠭᠡᠳ
ᠬᠠᠵᠠᠭᠤ ᠳ᠋ᠤᠨᠢ ᠬᠠᠶ᠋ᠢᠷᠬᠠᠨ ᠣᠢ ᠰᠦᠭᠯᠡᠢᠭᠡᠳ
ᠠᠷᠤ ᠳ᠋ᠤᠨᠢ ᠷᠠᠰᠢᠶᠠᠨ ᠪᠤᠯᠠᠭ ᠰᠦᠷᠴᠢᠭᠢᠨᠡᠭᠡᠳ
ᠡᠭᠦᠪᠡᠷ ᠲᠡᠭᠦᠪᠡᠷ ᠡᠨᠡ ᠲᠡᠷᠡ ᠭᠦᠶᠦᠯᠲᠦᠭᠡᠳ
ᠡᠲᠡᠨ ᠪ ᠳᠣᠮᠲᠠ ᠪᠢ ᠴᠤ᠌ ᠣᠷᠣᠯᠴᠠᠭᠠᠳ
ᠶᠠᠪᠤᠪᠠᠯ ᠪᠠᠰᠠ ᠶᠠᠮᠠᠷ ᠰᠠᠶ᠋ᠢᠬᠠᠨ ᠪᠠᠶᠠᠷᠲᠠᠢ
ᠵᠣᠭᠰᠣᠪᠠᠯ ᠪᠠᠰᠠ ᠵᠣᠯ ᠰᠠᠶ᠋ᠢᠬᠠᠨ ᠪᠠᠶᠠᠷᠲᠠᠢ
ᠡᠶ᠋ᠢᠮᠦ ᠯᠡ ᠰᠠᠶ᠋ᠢᠬᠠᠨ
ᠲᠡᠶ᠋ᠢᠮᠦ ᠯᠡ ᠰᠣᠨᠢᠬᠠᠨ ᠃
ᠪᠣᠷᠣᠭᠠᠨ ᠪ ᠳᠤᠰᠤᠯ ᠰᠢᠪᠠᠷ ᠰᠢᠪᠠᠷ ᠣᠷᠣᠭᠠᠳ
ᠪᠤᠯᠠᠭ ᠦ᠋ᠨ ᠤᠰᠤ ᠫᠣᠷ ᠫᠣᠷ ᠤᠨᠲᠤᠷᠤᠭᠠᠳ
ᠬᠣᠶ᠋ᠢᠲᠤ ᠤᠷᠤᠭᠤ ᠬᠤᠷ ᠬᠤᠷ ᠬᠣᠷᠴᠢᠭᠢᠨᠠᠭᠠᠳ
ᠬᠣᠣᠰ ᠰᠠᠯᠠᠬ᠋ᠠ ᠤᠰᠤᠨ ᠮᠥᠴᠢᠷ ᠪᠣᠯᠤᠭᠠᠳ
ᠪᠤᠯᠲᠤ ᠬᠡᠦᠬᠡᠳ ᠭᠣᠳ ᠱᠣᠳ ᠭᠦᠶᠦᠯᠲᠦᠭᠡᠳ
ᠪᠤᠯᠴᠢᠩ ᠮᠢᠬᠠ ᠡᠷᠴᠢᠯᠡᠨ ᠮᠤᠰᠬᠢᠷᠠᠨ ᠴᠢᠩᠭᠠᠷᠠᠭᠠᠳ
ᠣᠯᠠᠨ ᠬᠡᠦᠬᠡᠳ ᠢᠷᠠᠰ ᠢᠷᠠᠰ ᠵᠢᠬᠰᠠᠭᠠᠳ
ᠤᠯᠠᠭᠠᠨ ᠪᠦᠴᠡ ᠡᠷᠪᠡᠰ ᠳᠡᠷᠪᠡᠰ ᠬᠡᠶ᠋ᠢᠰᠦᠭᠡᠳ
ᠡᠶ᠋ᠢᠮᠦ ᠯᠡ ᠰᠠᠶ᠋ᠢᠬᠠᠨ
ᠲᠡᠶ᠋ᠢᠮᠦ ᠯᠡ ᠰᠣᠨᠢᠬᠠᠨ᠃
ᠪᠣᠯᠵᠣᠮᠣᠷ ᠰᠢᠪᠠᠭᠤ ᠭᠠᠩᠭᠠᠷ ᠭᠤᠩᠭᠠᠷ ᠵᠢᠷᠭᠢᠭᠡᠳ
ᠪᠤᠲᠠ ᠶ᠋ᠢᠨ ᠨᠣᠭᠣᠬ᠋ᠠ ᠠᠷᠵᠠᠶ᠋ᠢᠨ ᠪᠤᠷᠵᠠᠶ᠋ᠢᠨ ᠤᠷᠭᠤᠭᠠᠳ
ᠬᠤᠭᠤᠷ ᠬᠥᠭᠵᠢᠮ ᠬᠠᠩᠭᠢᠷ ᠵᠢᠩᠭᠢᠷ ᠰᠣᠨᠣᠰᠲᠠᠭᠠᠳ
ᠬᠤᠱᠶ ※(1) ᠶ᠋ᠢᠨ ᠮᠥᠴᠢᠷ ᠨᠠᠯᠪᠠᠰ ᠲᠡᠯᠪᠡᠰ ᠭᠠᠩᠬᠤᠭᠠᠳ
ᠬᠦᠰᠡᠯ ᠵᠣᠷᠢᠬ ᠳᠠᠪᠰᠢᠨ ᠲᠠᠪᠰᠢᠨ ᠣᠷᠭᠢᠯᠤᠭᠠᠳ
ᠬᠡᠦᠬᠡᠳ ᠪᠠᠭᠠᠴᠤᠳ ᠢᠨᠢᠶᠡᠲᠦᠰ ᠨᠠᠭᠠᠲᠤᠰ ᠪᠣᠯᠤᠯᠴᠠᠭᠠᠳ
ᠰᠠᠮᠤᠷ ᠵᠢᠮᠢᠰ ᠰᠠᠭᠰᠠᠶ᠋ᠢᠨ ᠪᠠᠭᠰᠠᠶ᠋ᠢᠨ ᠤᠷᠭᠤᠭᠠᠳ
ᠰᠠᠶ᠋ᠢᠬᠠᠨ ᠪᠦᠭᠦᠲᠡᠭᠡᠷ ᠨᠥᠬᠦᠷᠯᠨᠨ ᠵᠢᠷᠤᠮᠯᠠᠨ ᠢᠵᠢᠯᠢᠲᠦᠭᠡᠳ
ᠡᠶ᠋ᠢᠮᠦ ᠯᠡ ᠰᠠᠶ᠋ᠢᠬᠠᠨ
ᠲᠡᠶ᠋ᠢᠮᠦ ᠯᠡ ᠰᠣᠨᠢᠬᠠᠨ᠃
ᠨᠠᠷᠠᠨ ᠰᠠᠷᠠᠨ ᠡᠷᠭᠢᠨ ᠡᠷᠭᠢᠨ ᠳᠣᠭᠤᠷᠢᠭᠠᠳ
ᠨᠠᠪᠴᠢ ᠴᠡᠴᠡᠭ ᠨᠠᠶ᠋ᠢᠭᠤᠨ ᠨᠠᠶ᠋ᠢᠭᠤᠨ ᠭᠠᠩᠬᠤᠭᠠᠳ
ᠨᠠᠰᠤᠨ ᠪ ᠪᠠᠯᠴᠢᠷ ᠲᠦ ᠪᠠᠭᠠᠴᠤᠳ ᠦ᠋ᠨ ᠭᠡᠰᠢᠭᠦᠨ ᠪᠣᠯᠤᠭᠠᠳ
ᠨᠠᠭᠠᠲᠤᠨ ᠬᠥᠭᠵᠢᠵᠦ ᠡᠶᠡᠯᠡᠨ ᠡᠶᠡᠯᠡᠨ ᠡᠪᠯᠡᠯᠲᠦᠭᠡᠳ
ᠨᠠᠶ᠋ᠢᠷᠠᠮᠲᠠᠯ ᠵᠢᠷᠤᠮ ᠊ᠢ ᠲᠠᠨᠢᠨ ᠮᠡᠲᠡᠨ ᠳᠠᠭᠠᠵᠠᠭᠠᠭᠠᠳ
ᠨᠠᠮ ᠡᠪᠯᠡᠯ ᠦ᠋ᠨ ᠬᠣᠶ᠋ᠢᠨᠠ ᠠ᠋ᠴᠠ ᠡᠯᠰᠡᠨ ᠵᠠᠯᠭᠠᠮᠵᠢᠯᠠᠭᠠᠳ
ᠨᠠᠭᠠᠲᠤ ᠲᠠᠯᠠ ᠳ᠋ᠤᠨᠢ ᠮᠣᠩᠭᠣᠯ ᠣᠯᠠᠨ ᠶ᠋ᠢᠠᠨ ᠪᠣᠲᠣᠭᠠᠳ
ᠴᠢᠨᠠᠲᠤ ᠲᠠᠯᠠ ᠳ᠋ᠤᠨᠢ ᠴᠠᠭ ᠦ᠋ᠨ ᠬᠤᠪᠢᠰᠬᠠᠯ ᠊ᠢ ᠰᠠᠨᠠᠭᠠᠳ
ᠡᠶ᠋ᠢᠮᠦ ᠯᠡ ᠰᠠᠶ᠋ᠢᠬᠠᠨ
ᠲᠡᠶ᠋ᠢᠮᠦ ᠯᠡ ᠰᠣᠨᠢᠬᠠᠨ᠃
ᠵᠡᠭᠦᠯᠲᠡ ※(1) ᠬᠤᠱᠶ —ᠨᠢᠭᠡ ᠵᠣᠶ᠋ᠢᠯ ᠦ᠋ᠨ ᠨᠠᠷᠠᠰᠤᠨ ᠮᠣᠲᠣ᠂ ᠰᠠᠮᠤᠷ ᠰᠠᠭᠤᠨᠠ᠃
ᠢᠷᠡᠯᠲᠡ ᠄
ᠲᠠᠪᠤᠨ ᠵᠢᠯ ᠦᠨ ᠲᠦᠷᠢᠮᠳᠦ ᠪᠠᠭᠠ ᠰᠤᠷᠭᠠᠭᠤᠯᠢ ᠳᠤ ᠦᠵᠡᠬᠦ
ᠬᠡᠯᠡ ᠪᠢᠴᠢᠭ ᠶᠢᠰᠦᠳᠦᠭᠡᠷ ᠲᠡᠪᠳᠡᠷ ※
ᠦᠪᠦᠷ ᠮᠤᠩᠭᠤᠯ ᠤᠨ ᠰᠤᠷᠭᠠᠨ ᠬᠦᠮᠦᠵᠢᠯ ᠦᠨ ᠬᠡᠪᠯᠡᠯ ᠦᠨ ᠬᠤᠷᠢᠶᠠ ᠨᠠᠢᠢᠷᠠᠭᠤᠯᠤᠨ ᠬᠡᠪᠯᠡᠭᠦᠯᠪᠡ
ᠦᠪᠦᠷ ᠮᠤᠩᠭᠤᠯ ᠤᠨ ᠰᠢᠨᠬᠤᠸᠠ ᠨᠤᠮ ᠤᠨ ᠲᠡᠯᠭᠡᠭᠦᠷ ᠲᠠᠷᠬᠠᠭᠠᠪᠠ
ᠦᠪᠦᠷ ᠮᠤᠩᠭᠤᠯ ᠤᠨ ᠮᠤᠩᠭᠤᠯ ᠪᠢᠴᠢᠭ ᠬᠡᠪᠯᠠᠬᠦ ᠦᠢᠯᠡᠳᠪᠦᠷᠢ ᠬᠡᠪᠯᠡᠪᠡ
1981 ᠤᠨ ᠤ 5 ᠰᠠᠷᠠ ᠳᠤ ᠬᠤᠶᠠᠳᠤᠭᠠᠷ ᠬᠡᠪ ᠢ ᠬᠢᠪᠡ
1984 ᠤᠨ ᠤ 4 ᠰᠠᠷᠠ ᠳᠤ ᠲᠦᠷᠪᠡᠳᠦᠭᠡᠷ ᠤᠳᠠᠭᠠ ᠶ᠋ᠢᠨ ᠬᠡᠪᠯᠡᠯ ᠡᠴᠡ ᠰᠣᠩᠭᠣᠪᠠ ᠃
ᠦᠰᠦᠭ᠋ ᠠᠮᠢᠯᠠᠭᠤᠯᠤᠭᠴᠢ ᠄ ᠦᠵᠢᠶᠡᠳ · ᠡᠷᠳᠡᠨᠢᠴᠡᠴᠡᠭ
ᠬᠢᠨᠠᠭᠴᠢ ᠄ ᠣᠤᠠᠬᠠᠨᠰᠣᠠ ᠂ ᠲᠣ᠋ · ᠨᠠᠨᠲᠢᠨ
2023.3.13