ᠵᠠᠩᠭᠠᠷ ᠤ᠋ᠨ ᠣᠷᠣᠰᠢᠯ ᠪᠦᠯᠦᠭ ᠦ᠋ᠨ ᠨᠠᠢ᠍ᠮᠠᠳᠤᠭᠠᠷ ᠬᠡᠰᠡᠭᠯᠡᠯ- ᠬᠦᠨᠳᠦ ᠭᠠᠷ ᠲᠠᠢ ᠰᠠᠪᠠᠷ ᠪᠠᠭᠠᠲᠤᠷЖангарын оршил бөлгийн наймдугаар хэсэглэл-хүнд гартай савар баатар ᠲᠤᠤᠯᠢᠰ

ᠠᠯᠳᠠᠷ ᠨᠣᠶᠠᠨ ᠪᠣᠭᠳᠠ ᠵᠠᠩᠭᠠᠷ ᠤ᠋ᠨ᠂

ᠠᠷᠪᠠᠨ ᠬᠣᠶᠠᠷ ᠪᠠᠭᠠᠲᠤᠷ ᠤ᠋ᠨ ᠨᠢᠭᠡ᠂
ᠬᠥᠮᠦᠨ ᠦ᠌ ᠨᠠᠴᠢᠨ ᠱᠣᠩᠬᠣᠷ᠂
ᠬᠦᠨᠳᠦ ᠭᠠᠷ ᠲᠠᠢ ᠰᠠᠪᠠᠷ ᠢ᠋ ᠬᠡᠯᠡᠭᠡᠳ ᠦᠵᠡᠳᠡᠭ ᠪᠣᠯᠬᠤᠯ᠎ᠠ᠂
ᠨᠠᠶᠠᠨ ᠨᠢᠭᠡᠨ ᠠᠯᠲᠠ ᠡᠰᠢ ᠲᠡᠢ ᠠᠢ ᠰᠢᠷ᠎ᠠ ᠪᠠᠯᠲᠤ ᠪᠠᠨ᠂
ᠡᠭᠡᠮ ᠡᠴᠡ ᠪᠡᠨ ᠬᠣᠢᠭᠤᠯᠳᠠᠭ ᠶᠣᠰᠣᠨ ᠦᠭᠡᠢ ᠭᠡᠨ᠎ᠡ ᠯᠡ᠂
ᠠᠷᠰᠠᠯᠠᠨ ᠶᠠᠮᠠᠷ ᠴᠢᠨᠡᠭᠡᠨ ᠴᠢᠭᠢᠷᠠᠭ ᠪᠣᠯᠪᠠᠴᠤ᠂
ᠨᠢᠭᠡ ᠴᠣᠬᠢᠵᠤ ᠥᠩᠭᠡᠷᠡᠭᠦᠯᠳᠡᠭ ᠶᠣᠰᠣᠨ ᠦᠭᠡᠢ ᠭᠡᠨ᠎ᠡ ᠯᠡ᠂
ᠬᠤᠮᠢᠵᠤ ᠴᠣᠬᠢᠭᠰᠠᠨ ᠭᠠᠵᠠᠷ ᠨᠢ᠂
ᠬᠣᠷᠢᠨ ᠲᠠᠪᠤᠨ ᠵᠢᠯ ᠳ᠋ᠡᠬᠡᠨ ᠪᠦᠲᠦᠳᠡᠭ ᠦᠭᠡᠢ ᠭᠡᠨ᠎ᠡ ᠯᠡ᠂
ᠳᠡᠪᠢᠵᠦ ᠴᠣᠬᠢᠭᠰᠠᠨ ᠭᠠᠵᠠᠷ ᠨᠢ᠂
ᠲᠠᠪᠢᠨ ᠲᠠᠪᠤᠨ ᠵᠢᠯ ᠳ᠋ᠡᠬᠡᠨ ᠪᠦᠲᠦᠳᠡᠭ ᠦᠭᠡᠢ ᠭᠡᠨ᠎ᠡ ᠯᠡ᠂
ᠵᠠᠩᠨᠠᠭᠠᠳ ᠪᠣᠰᠤᠭᠠᠳ ᠣᠲᠣᠬᠤᠯ᠎ᠠ ᠭᠡᠨ᠎ᠡ ᠯᠡ᠂
ᠽᠠᠮᠪᠤᠲᠢᠪ ᠤ᠋ᠨ ᠣᠷᠣᠨ ᠲᠥᠷᠭᠢᠰᠥᠭᠡᠳ ᠣᠳᠳᠠᠭ ᠭᠡᠨ᠎ᠡ ᠯᠡ᠂
ᠳᠠᠢᠯᠳᠤᠭᠠᠳ ᠪᠣᠰᠤᠭᠠᠳ ᠤᠳᠤᠬᠤᠯ᠎ᠠ ᠭᠡᠨ᠎ᠡ ᠯᠡ᠂
ᠳᠠᠯᠠᠨ ᠲᠦᠮᠡᠨ ᠨᠤᠲᠤᠭ ᠨᠢᠷᠤᠭᠤᠨ ᠲᠠᠢᠪᠠᠯᠵᠠᠭᠠᠳ ᠣᠳᠳᠠᠭ ᠭᠡᠨ᠎ᠡ ᠯᠡ᠂
ᠪᠠᠭᠠᠲᠤᠷ ᠪᠤᠮᠪᠠ ᠶ᠋ᠢᠨ ᠣᠷᠣᠨ ᠳ᠋ᠠᠭᠠᠨ᠂
ᠪᠠᠯᠲᠤ ᠪᠠᠷ ᠢ᠋ᠶ᠋ᠠᠨ ᠨᠡᠷ᠎ᠡ ᠲᠤᠭᠤᠷᠠᠭᠰᠠᠨ᠂
ᠬᠦᠢᠲᠡᠨ ᠴᠢᠯᠠᠭᠤᠨ ᠵᠢᠷᠦᠬᠡ ᠲᠡᠢ᠂
ᠬᠥᠮᠦᠨ ᠦ᠌ ᠨᠠᠴᠢᠨ ᠱᠣᠩᠬᠣᠷ ᠬᠦᠨᠳᠦ ᠭᠠᠷ ᠲᠠᠢ ᠰᠠᠪᠠᠷ ᠭᠡᠵᠦ ᠬᠡᠯᠡᠳᠡᠭ ᠰᠠᠨᠵᠠᠢ ᠭᠡᠨ᠎ᠡ ᠯᠡ᠃
ᠦᠭᠡᠰ ᠦ᠋ᠨ ᠲᠠᠢᠯᠪᠤᠷᠢ᠄
1· ᠠᠢ ᠰᠢᠷ᠎ᠠ ᠪᠠᠯᠲᠤ᠁