ᠲᠠᠩᠨᠠᠢ ᠶ᠋ᠢᠨ ᠭᠤᠷᠪᠠᠨ ᠰᠤᠳᠠᠰᠤ - ᠲ ᠂ ᠭᠣᠮᠪᠣᠵᠠᠪ Тагнайн гурван судас - Т ᠂ Гомбожав
228ᠲᠠᠩᠨᠠᠢ ᠶ᠋ᠢᠨ ᠭᠤᠷᠪᠠᠨ ᠰᠤᠳᠠᠰᠤ
ᠲ᠂ ᠭᠣᠮᠪᠣᠵᠠᠪ
ᠬᠤᠨ ᠪ ᠴᠠᠭᠠᠨ ᠥᠲᠥ
ᠬᠣᠯᠠ ᠨᠢᠰᠬᠦ ᠬᠦᠰᠡᠯ ᠦ᠋ᠨ ᠴᠢᠨᠢ
ᠬᠡᠪᠡᠷᠡᠭᠬᠡᠨ ᠠᠮᠢᠰᠬᠤᠯ ᠪᠣᠯᠵᠤ ᠪᠢ ᠲᠥᠷᠥᠯᠡ
ᠬᠣᠣᠰ ᠳᠠᠯᠠᠪᠴᠢ ᠶ᠋ᠢᠨ ᠴᠢᠨᠢ
ᠠᠭᠠᠷ ᠰᠡᠪᠢᠬᠦ ᠪᠠᠶ᠋ᠢᠷᠢ ᠡᠵᠡᠯᠡᠵᠦ ᠪᠢ ᠤᠷᠭᠤᠯᠠ
ᠤᠬᠠᠭᠠᠨ ᠴᠡᠯᠮᠡᠭ ᠣᠭᠲᠠᠷᠭᠤᠢ ᠪᠠᠷ ᠶ᠋ᠢᠠᠨ
ᠤᠯᠠᠷᠢᠯ ᠬᠣᠩᠬᠣ ᠂ ᠴᠢᠮᠠᠶ᠋ᠢ ᠪᠠᠨ
ᠤᠶᠠᠩᠬ᠋ᠠ ᠰᠤᠪᠤᠭᠤᠯᠵᠤ ᠨᠢᠰᠬᠡᠬᠦ ᠪᠣᠯ ᠮᠢᠨᠦ ᠬᠦᠰᠡᠯ ᠪᠢᠯᠡ
ᠵᠡᠭᠦᠲᠦ ᠲᠡᠷᠭᠡᠯᠬᠡᠨ ᠨᠠᠭᠤᠷ ᠶ᠋ᠢᠠᠷ ᠶ᠋ᠢᠠᠨ
ᠵᠥᠩ ᠦ᠋ᠨ ᠡᠭᠡᠰᠢᠭ ᠂ ᠴᠢᠮᠠᠶ᠋ᠢ ᠪᠠᠨ
ᠵᠡᠭᠡᠰᠦ ᠦᠨᠦᠰᠦᠭᠦᠯᠵᠦ ᠳᠡᠪᠳᠡᠷᠢᠭᠦᠯᠬᠦ ᠪᠣᠯ ᠮᠢᠨᠦ ᠡᠭᠦᠷᠭᠡ ᠪᠢᠯᠡ
ᠤᠷᠭᠤᠬᠤ ᠶ᠋ᠢᠨ ᠤᠯᠠᠪᠤᠷᠬᠠᠨ ᠪᠠᠶᠠᠰᠤᠯ ᠰᠠᠴᠤᠵᠤ
ᠵᠤᠯᠭᠠᠷᠠᠬᠤ ᠶ᠋ᠢᠨ ᠵᠤᠵᠠᠭᠠᠨ ᠭᠤᠨᠢᠬ ᠮᠡᠲᠡᠭᠡᠯᠡᠵᠦ
ᠤᠬᠠᠭᠠᠷᠠᠵᠤ ᠭᠡᠰᠬᠦ ᠰᠢᠷᠣᠢ ᠶ᠋ᠢᠨ ᠶ᠋ᠢᠡᠨ ᠠᠭᠤᠲᠠᠮᠬᠠᠨ ᠰᠡᠤᠠᠬᠢᠯ ᠳᠡᠭᠡᠭᠦᠷ
ᠴᠢ ᠮᠢᠨᠢ ᠳᠠᠭᠤᠯᠠᠭᠠᠷᠠᠢ ᠡ ᠤᠬᠢᠯᠠᠭᠠᠷᠠᠢ !
ᠴᠢᠮᠠᠶ᠋ᠢ ᠣᠨᠢᠯᠠᠵᠤ ᠬᠠᠷᠠᠬᠤ
ᠴᠢᠰᠤᠨ ᠤᠯᠠᠭᠠᠨ ᠨᠢᠲᠦ ᠮᠢᠨᠦ ᠳᠡᠭᠡᠷᠡ ᠬᠠᠭᠠᠷᠠᠭ ᠡ
ᠴᠢᠨᠦᠬᠢ ᠪᠡᠨ
ᠴᠡᠴᠡᠭᠡᠰ ᠮᠠᠨᠠᠬᠤ ᠵᠡᠭᠦᠲᠦᠨ ᠪ ᠴᠢᠨᠢ
ᠴᠢᠮᠪᠠᠶ᠋ᠢᠬᠠᠨ ᠠᠭᠤᠯᠬ᠋ᠠ ᠪᠣᠯᠵᠤ ᠪᠢ ᠤᠨᠠᠶᠠ ᠁
ᠬᠤᠨ ᠭᠠᠯᠠᠭᠤ ᠮᠢᠨᠢ ᠠ᠋
ᠭᠠᠯᠠᠭᠤᠨ ᠪ ᠳᠠᠭᠤᠨ
ᠤᠯᠠᠷᠢᠯ ᠦ᠋ᠨ ᠠᠯᠲᠠᠨ ᠬᠣᠩᠬᠣ
ᠭᠠᠩᠭᠠᠷ ᠭᠣᠩᠭᠣᠷ ᠨᠢᠰᠦᠨᠡ ᠪᠢᠯᠡ
ᠤᠶᠠᠩᠭᠠᠲᠠᠶ᠋ᠢᠬᠠᠨ ᠡᠭᠡᠰᠢᠭ ᠨᠢ
ᠤᠷᠤᠭᠤ ᠴᠢᠪ ᠴᠢᠪ ᠳᠤᠰᠤᠯᠠᠵᠤ
ᠰᠢᠪ ᠰᠢᠷᠭᠠᠯ
ᠨᠣᠪ ᠨᠣᠶ᠋ᠢᠲᠠᠨ
ᠮᠥᠷᠦᠭᠡᠰᠦᠯ ᠴᠡᠴᠡᠭᠯᠡᠭᠦᠯᠦᠨᠡ
ᠨᠠᠷᠠ ᠬᠣᠯᠠᠲᠠᠬᠤ ᠶ᠋ᠢᠨ ᠰᠤᠷᠠᠭ
ᠨᠠᠮᠤᠷ ᠪᠤᠴᠠᠬᠤ ᠶ᠋ᠢᠨ ᠴᠢᠮᠡᠭᠡ ᠬᠥᠲᠡᠭᠡ ᠳᠠᠶᠠᠭᠠᠷ ᠬᠠᠩᠭᠢᠨᠠᠵᠤ
ᠨᠠᠪᠴᠢᠰ ᠰᠢᠷᠬᠠᠯᠠᠭᠰᠠᠨ ᠰᠡᠤᠠᠬᠢᠯ ᠦ᠋ᠳ
ᠡᠲᠦᠷ ᠡᠴᠡ ᠡᠲᠦᠷ ᠨᠢᠭᠡ ᠲᠠᠰᠢ ᠳ᠋ᠡᠭᠡᠨ ᠥᠲᠡᠯᠦᠨᠡ
ᠬᠥᠮᠦᠰ ᠦ᠋ᠨ ᠪᠣᠲᠣᠯ ᠡᠴᠡ
ᠬᠥᠬᠡᠷᠡᠬᠦ ᠶ᠋ᠢᠨ ᠲᠦᠮᠡᠨ ᠬᠦᠰᠡᠯ ᠦᠷᠭᠦᠵᠦ
ᠬᠥᠯᠥᠭ ᠦ᠋ᠨ ᠣᠩᠭᠣᠨ ᠳᠡᠯ ᠳᠡᠭᠡᠷᠡ
ᠬᠥᠯᠲᠡᠬᠦ ᠶ᠋ᠢᠨ ᠡᠮᠦᠨᠡᠬᠢ ᠡᠰᠡᠷᠭᠦᠴᠡᠯ ᠭᠠᠯ ᠨᠣᠴᠣᠨᠠ
ᠭᠠᠭᠴᠠᠬᠦ
ᠣᠨ ᠡᠯᠡᠭᠡᠵᠦ ᠠᠮᠢᠲᠤᠷᠠᠭᠰᠠᠨ
ᠠᠭᠤᠯᠠᠰ ᠮᠢᠨᠢ ᠯᠠ ᠳᠤᠪ ᠳᠤᠭᠤᠢ
ᠶᠠᠪᠤᠭᠰᠠᠨ ᠮᠥᠷ ᠪᠠᠶ᠋ᠢᠬ᠋ᠠ ᠬᠣᠶ᠋ᠢᠨᠠ
ᠢᠷᠡᠬᠦ ᠡᠲᠦᠷ ᠪᠠᠶ᠋ᠢᠯᠭᠦᠢ ᠯᠡ ᠭᠡᠬᠦ
ᠬᠠᠲᠠᠭᠤᠬᠠᠨ ᠢᠲᠡᠭᠡᠯ ᠲᠡᠢ ᠵᠣᠭᠰᠣᠨᠠ ᠪᠢᠯᠡ ᠡ ᠁
ᠠᠶ᠋ᠢᠰᠤᠢ ᠡᠲᠦᠷ ᠦ᠋ᠨ ᠴᠣᠩᠬᠣ ᠪᠠᠷ
ᠠᠶ᠋ᠢᠰᠤᠢ ᠡᠲᠦᠷ ᠦ᠋ᠨ ᠴᠣᠩᠬᠣ ᠪᠠᠷ ᠭᠠᠯᠠᠭᠤ ᠬᠠᠷᠠᠭᠲᠠᠨᠠ
ᠠᠮᠠᠷᠠᠭ ᠴᠠᠭᠠᠨ ᠮᠠᠨᠠᠨ ᠳᠤᠷᠠᠳᠬᠠᠯ ᠪᠥᠭᠡᠴᠠᠶ᠋ᠢᠯᠠᠨ ᠥᠤᠠᠭᠡᠷᠡᠵᠥ
ᠠᠰᠠᠵᠤ ᠳᠠᠭᠤᠰᠤᠭᠰᠠᠨ ᠲᠠᠮᠠᠬᠢᠨ ᠪ ᠣᠯᠠᠨ ᠰᠢᠯᠪᠢ ᠨᠤᠭᠦᠳ ᠦ᠋ᠨ ᠦᠯᠢᠭᠡᠷ ᠰᠢᠩᠭᠡᠷᠡᠵᠦ
ᠠᠶ᠋ᠢᠰᠤᠢ ᠡᠲᠦᠷ ᠦ᠋ᠨ ᠴᠣᠩᠬᠣ ᠪᠠᠷ ᠭᠠᠯᠠᠭᠤ ᠬᠠᠷᠠᠭᠲᠠᠨᠠ
ᠰᠤᠮᠤ ᠪᠠᠨ ᠬᠠᠷᠪᠤᠭᠰᠠᠨ ᠫᠤᠤ ᠨᠤᠭᠤᠳ ᠦ᠋ᠨ
ᠰᠤᠮᠤ ᠨᠢ ᠬᠣᠭᠣᠰᠣᠨ ᠤᠨᠠᠨ ᠭᠠᠵᠠᠷ ᠲᠦ ᠵᠢᠪᠡᠷᠡᠵᠦ
ᠰᠠᠯᠬᠢ ᠴᠠᠰᠤᠨ ᠪ ᠥᠭᠴᠡᠭᠡ ᠠᠪᠴᠠᠬ᠋ᠠ
ᠥᠨᠢᠲᠡ ᠬᠣᠭᠣᠰᠣᠨ ᠭᠡᠷᠡ ᠪᠣᠯᠵᠤ
ᠠᠶ᠋ᠢᠰᠤᠢ ᠡᠲᠦᠷ ᠦ᠋ᠨ ᠴᠣᠩᠬᠣ ᠪᠠᠷ ᠭᠠᠯᠠᠭᠤ ᠬᠠᠷᠠᠭᠲᠠᠨᠠ
ᠬᠥᠮᠦᠰ ᠂ ᠥᠴᠥᠭᠡᠲᠦᠷ ᠲᠡᠢ ᠪᠡᠨ ᠲᠣᠶ᠋ᠢᠯ ᠦᠭᠡᠢ ᠵᠠᠶ᠋ᠢᠳᠠᠨ
ᠬᠡᠦᠬᠡᠳ ᠦ᠋ᠳ ᠣᠯᠣᠮ ᠦ᠋ᠨ ᠴᠢᠯᠠᠭᠤ ᠰᠢᠭ᠋
ᠣᠲᠣ ᠲᠡᠭᠦᠯᠴᠡᠨ ᠨᠠᠭᠠᠤᠠᠴᠤ
ᠬᠥᠬᠡᠷᠡᠬᠦ ᠠᠬᠢ ᠶ᠋ᠢᠨ ᠰᠡᠤᠠᠬᠢᠯ ᠶ᠋ᠢᠡᠷ ᠂ ᠣᠷᠣᠨ ᠵᠠᠢ
ᠠᠭᠤᠷ ᠠᠮᠢᠰᠬᠤᠯ ᠳᠤᠭᠲᠠᠯᠴᠠᠵᠤ
ᠴᠠᠪ ᠴᠡᠩᠬᠡᠷ
ᠲᠤᠪ ᠲᠤᠩᠭᠠᠯᠠᠭ
ᠠᠶ᠋ᠢᠰᠤᠢ ᠡᠲᠦᠷ ᠦ᠋ᠨ ᠴᠣᠩᠬᠣ ᠪᠠᠷ
ᠠᠭᠠᠷ ᠰᠡᠪᠢᠨ ᠢᠷᠡᠬᠦ ᠭᠠᠯᠠᠭᠤ ᠮᠢᠨᠢ ᠯᠡ ᠬᠠᠷᠠᠭᠲᠠᠨᠠ ᠡ ᠁
1987 ᠂10 ᠂1
ᠵᠠᠯᠠᠭᠤ ᠰᠢᠯᠦᠭᠴᠢᠳ ᠦᠨ ᠴᠣᠪᠣᠷᠠᠯ ᠪᠢᠴᠢᠭ᠌
< ᠢᠷᠡᠬᠦ ᠵᠠᠭᠤᠨ ᠤ ᠬᠣᠩᠬᠣᠨ ᠳᠠᠭᠤᠨ > ᠡᠴᠡ ᠬᠠᠭᠤᠯᠪᠠ᠃
ᠠᠮᠢᠯᠠᠭᠤᠯᠤᠨ ᠬᠠᠭᠤᠯᠤᠭᠰᠠᠨ ᠨᠢ ᠄ ᠲᠡᠭᠷᠢ ᠡᠵᠢ
ᠬᠢᠨᠠᠭ᠍ᠴᠢ : ᠴᠣᠯᠮᠣᠨᠲᠤᠶᠠᠭᠠ ᠪᠠᠭ᠍ᠰᠢ
2023 ᠂ 5 ᠂ 4 ᠂ ᠪ ᠡᠲᠦᠷ