ᠠᠯᠤᠰ - ᠲ ᠂ ᠭᠣᠮᠪᠣᠵᠠᠪ Алс - Т ᠂ Гомбожав
203ᠠᠯᠤᠰ ( ᠣᠳᠬᠣᠨ ᠦᠷᠡ ᠶ᠋ᠢᠨ ᠪᠦᠪᠡᠢ )
ᠬᠥᠯ ᠦᠨ ᠴᠢᠮᠡᠭᠡ
ᠵᠡᠭᠦᠳᠦᠨ ᠳᠡᠭᠡᠷᠡ ᠮᠢᠨᠢ ᠱᠠᠭᠠᠵᠠᠭᠠᠢ ᠱᠠᠭᠰᠢᠯᠠ
ᠵᠦᠩ ᠮᠡᠳᠡᠷᠡᠬᠦᠢ ᠶ᠋ᠢ ᠢᠨᠢᠶᠡᠲᠡᠯᠡ ᠭᠡᠳᠡᠭᠡᠯᠡᠵᠦ
ᠵᠢᠷᠦᠬᠡ ᠳᠠᠮᠵᠢᠨ ᠬᠥᠯ ᠦ᠋ᠨ ᠴᠢᠮᠡᠭᠡ ᠰᠣᠨᠣᠰᠲᠠᠯᠠ
ᠡᠵᠢ ᠶ᠋ᠢᠨ ᠴᠢᠨᠢ ᠴᠢᠷᠠᠢ ᠳ᠋ᠤ᠌ ᠢᠨᠢᠶᠡᠳᠦ ᠮᠢᠷᠠᠯᠵᠠᠨ
ᠡᠳᠦᠷ ᠬᠣᠨᠣᠭ ᠨᠡᠪᠲᠡᠯᠦᠨ ᠠᠢᠰᠤᠢ
ᠡᠩᠬᠦᠷᠡᠢᠬᠡᠨ ᠰᠤᠷᠠᠭ ᠢ᠋ᠶ᠋ᠠᠷ ᠴᠢᠨᠢ
ᠡᠯᠳᠡᠪ ᠬᠡᠯᠪᠡᠷᠢ ᠶ᠋ᠢᠨ ᠬᠠᠢᠷᠠ ᠡᠰᠬᠡᠵᠦ
ᠡᠯᠢᠭᠡ ᠪᠦᠲᠦᠨ ᠳᠣᠭᠳᠣᠯᠤᠨᠠ
ᠳᠡᠯᠭᠡᠭᠰᠡᠨ ᠨᠣᠮ ᠤ᠋ᠨ ᠦᠰᠦᠭ ᠪᠦᠷᠢ ᠡᠴᠡ
ᠲᠠᠩᠳᠠ ᠯᠠ ᠨᠢᠯᠬᠠ ᠵᠢᠰᠦ ᠴᠤᠬᠤᠯᠵᠠᠵᠤ
ᠳᠡᠪᠲᠡᠷ ᠢ᠋ᠶ᠋ᠡᠨ ᠬᠠᠮᠬᠢᠵᠤ ᠴᠢᠳᠠᠬᠤ ᠦᠭᠡᠢ ᠪᠣᠯᠲᠠᠯᠠ ᠮᠢᠨᠦ ᠭᠠᠷ ᠵᠥᠭᠡᠯᠡᠷᠡᠨᠡ
ᠳᠡᠭᠡᠳᠦ ᠶ᠋ᠢᠨ ᠢᠷᠦᠭᠡᠲᠦ ᠡᠴᠡ ᠢᠪᠢᠯᠵᠦ ᠢᠷᠡᠬᠦ
ᠦᠷᠡ ᠴᠢᠨᠦ ᠬᠥᠯ ᠦ᠋ᠨ ᠴᠢᠮᠡᠭᠡ
ᠳᠡᠯᠡᠬᠡᠢ ᠨᠠᠳᠠᠳᠤ ᠥᠮᠴᠢᠯᠡᠭᠦᠯᠵᠦ ᠥᠭᠭᠦᠭᠰᠡᠨ
ᠳᠡᠭᠡᠵᠢ ᠪᠠᠶᠠᠷ ᠤ᠋ᠨ ᠠᠪᠢᠶᠠ
ᠡᠳᠦᠷ ᠬᠣᠨᠣᠭ ᠴᠢᠮᠥᠭᠡ ᠨᠢ ᠳᠦᠭᠦᠷᠦᠭᠰᠡᠨ ᠭᠤᠸᠠ ᠶ᠋ᠢᠨ ᠦᠷᠡ ᠰᠢᠭ
ᠴᠥᠮᠥᠬᠦ ᠲᠤᠲᠤᠮ ᠠᠮᠲᠠᠲᠠᠢ ᠪᠣᠯᠤᠯᠠ
ᠦᠷᠦ ᠪᠣᠳᠣᠯ ᠰᠠᠷᠠ ᠪᠠᠨ ᠦᠵᠡᠭᠰᠡᠨ ᠠᠷᠪᠠᠨ ᠲᠠᠪᠤᠨ ᠰᠢᠭ᠋
ᠬᠦᠯᠢᠶᠡᠬᠦ ᠲᠤᠲᠤᠮ ᠲᠡᠷᠭᠡᠯᠯᠡᠵᠦ ᠢᠷᠡᠯᠡ
ᠡᠷᠦᠬᠡ ᠭᠡᠷ ᠮᠢᠨᠢ ᠢᠷᠡᠭᠡᠳᠦᠢ ᠪᠡᠨ ᠲᠠᠨᠢᠭ᠍ᠰᠠᠨ ᠵᠢᠷᠦᠬᠡ ᠰᠢᠭ
ᠠᠮᠢᠰᠬᠤᠯ ᠪᠦᠬᠦᠨ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠳᠣᠭᠳᠣᠯᠵᠤ
ᠠᠮᠢᠳᠤᠷᠠᠯ ᠬᠥᠭᠵᠢᠮᠳᠡᠬᠦ ᠢᠨᠢᠶᠡᠳᠦ ᠳᠠᠭᠤᠤ
ᠠᠯᠢᠶᠠᠬᠠᠨ ᠰᠤᠷᠠᠭ ᠢ᠋ᠶ᠋ᠠᠷ ᠴᠢᠨᠢ ᠬᠠᠩᠭᠢᠨᠠᠵᠤ ᠡᠬᠢᠯᠡᠯᠡ ᠰᠢᠦ
ᠬᠦᠦ ᠮᠢᠨᠢ ᠠ᠋᠂ ᠬᠥᠯ ᠦ᠋ᠨ ᠴᠢᠮᠡᠭᠡ ᠰᠣᠨᠣᠰᠲᠠᠯᠠ ᠠ᠋
ᠦᠷᠡ ᠮᠢᠨᠢ ᠪᠦᠪᠡᠢ
ᠥᠴᠥᠭᠡᠳᠦᠷ ᠢ᠋ ᠪᠢ ᠭᠠᠳᠤᠷᠠ ᠳ᠋ᠤ᠌ ᠬᠢᠵᠦ ᠦᠩᠭᠦᠴᠡᠯᠡ
ᠦᠨᠦᠷ᠂ ᠭᠬᠢᠷ ᠢ᠋ ᠨᠢ ᠠᠷᠢᠯᠭᠠᠬᠤ ᠭᠡᠵᠦ ᠤᠬᠢᠶᠠᠯᠠ
ᠦᠯᠢᠭᠡᠷ ᠢ᠋ ᠨᠢ ᠡᠪᠯᠢᠭ ᠭᠡᠭᠴᠢᠬᠡᠨ ᠬᠠᠪᠤᠵᠤ ᠣᠶᠣᠭᠠᠳ
ᠥᠯᠥᠭᠡᠢ ᠳ᠋ᠦ᠍ ᠨᠢ ᠳᠡᠪᠢᠰᠦᠯᠡ
ᠦᠷᠡ ᠮᠢᠨᠢ ᠪᠦᠪᠡᠢ
ᠥᠷᠥᠪᠴᠢᠬᠡᠨ ᠨᠢᠯᠬᠠ ᠵᠡᠭᠦᠳᠦᠨ ᠳ᠋ᠦ᠍ ᠴᠢᠨᠢ
ᠥᠪᠡᠷ ᠦ᠋ᠨ ᠵᠢᠰᠦ ᠪᠡᠨ ᠲᠡᠷᠡ ᠵᠢᠷᠤᠵᠤ ᠥᠭᠬᠦ ᠶᠦ᠍ᠮ ᠠ᠋
ᠪᠦᠪᠡᠢ ᠪᠦᠪᠡᠢ
ᠦᠷᠡ ᠮᠢᠨᠢ ᠪᠦᠪᠡᠢ
ᠬᠦᠰᠡᠯ ᠢ᠋ᠶ᠋ᠡᠨ ᠪᠢ ᠮᠥᠬᠥᠯᠢᠭ ᠮᠥᠬᠥᠯᠢᠭ ᠢ᠋ᠶ᠋ᠡᠷ ᠰᠢᠯᠢᠯᠡ
ᠬᠥᠭᠡᠰᠦ ᠲᠣᠭᠣᠰᠣ ᠳᠠᠭᠠᠭᠤᠯᠬᠤ ᠦᠭᠡᠢ ᠭᠡᠵᠦ ᠴᠡᠭᠴᠡᠯᠡᠯᠡ
ᠬᠦᠨᠳᠦ ᠠᠭᠤᠯᠭᠠ ᠶ᠋ᠢ ᠨᠢ ᠵᠥᠭᠡᠯᠡᠬᠡᠨ ᠭᠡᠭᠴᠢ ᠡᠪᠬᠡᠵᠦ ᠪᠠᠭᠯᠠᠭᠠᠳ
ᠳᠡᠷᠡ ᠶ᠋ᠢᠨ ᠴᠢᠨᠢ ᠳᠣᠣᠷᠠ ᠲᠠᠯᠪᠢᠯᠠ
ᠦᠷᠡ ᠮᠢᠨᠢ ᠪᠦᠪᠡᠢ
ᠴᠣᠪᠣᠭᠣᠬᠠᠨ ᠨᠡᠭᠡᠭᠡᠭᠳᠡᠬᠦ ᠤᠬᠠᠭᠠᠨ ᠤ᠋ ᠴᠢᠨᠢ
ᠴᠤᠪᠤᠵᠤ ᠭᠠᠷᠬᠤ ᠵᠠᠮ ᠳᠡᠭᠡᠷᠡᠬᠢ ᠴᠡᠴᠡᠨ ᠬᠠᠷᠠᠭᠠ ᠲᠡᠷᠡ ᠪᠢᠯᠡ
ᠪᠦᠪᠡᠢ ᠪᠦᠪᠡᠢ
ᠦᠷᠡ ᠮᠢᠨᠢ ᠪᠦᠪᠡᠢ
ᠬᠠᠢᠷᠠ ᠪᠠᠨ ᠪᠢ ᠰᠢᠷᠬᠡᠭ ᠰᠢᠷᠬᠡᠭ ᠢ᠋ᠶ᠋ᠡᠷ ᠬᠠᠳᠬᠤᠮᠠᠯᠯᠠᠯᠠ
ᠬᠠᠳᠬᠤᠬᠤ ᠥᠷᠭᠡᠰᠦ ᠨᠢᠭᠤᠭᠳᠠᠵᠤ ᠴᠢᠳᠠᠬᠤ ᠦᠭᠡᠢ ᠪᠣᠯᠲᠠᠯᠠ ᠵᠣᠯᠠᠯᠠ
ᠬᠠᠯᠠᠭᠤᠨ ᠢᠯᠴᠢ ᠶ᠋ᠢ ᠨᠢ ᠵᠠᠪᠰᠠᠷ ᠦᠭᠡᠢ ᠪᠢᠲᠡᠭᠦᠯᠡᠵᠦ ᠱᠠᠭᠯᠠᠭᠠᠳ
ᠳᠡᠭᠡᠷᠡ ᠴᠢᠨᠢ ᠬᠤᠴᠢᠯᠠ
ᠦᠷᠡ ᠮᠢᠨᠢ ᠪᠦᠪᠡᠢ
ᠡᠷᠡᠭᠦᠯᠬᠡᠨ ᠪᠣᠢᠵᠢᠬᠤ ᠪᠡᠶᠡ ᠶ᠋ᠢᠨ ᠴᠢᠨᠢ
ᠡᠪᠦᠯ ᠬᠠᠪᠤᠷ ᠢ᠋ ᠳᠡᠮᠵᠢᠵᠦ ᠭᠠᠷᠬᠤ ᠡᠩᠬᠡ ᠶ᠋ᠢᠨ ᠮᠠᠨᠠᠭᠠ ᠲᠡᠷᠡ ᠪᠢᠯᠡ
ᠪᠦᠪᠡᠢ ᠪᠦᠪᠡᠢ
ᠦᠷᠡ ᠮᠢᠨᠢ ᠪᠦᠪᠡᠢ
ᠮᠠᠷᠭᠠᠰᠢ ᠶ᠋ᠢ ᠪᠢ ᠴᠠᠭᠠᠰᠤᠨ ᠳ᠋ᠤ᠌ ᠵᠢᠷᠤᠵᠤ ᠡᠯᠭᠦᠯᠡ
ᠮᠠᠨᠠᠨ ᠪᠤᠳᠠᠩ ᠲᠤᠩ ᠥᠳᠬᠡᠨ
ᠮᠠᠨᠠᠭᠠᠨ ᠤ᠋ ᠬᠥᠮᠦᠨ ᠠᠯᠤᠰ ᠤ᠋ᠨ ᠪᠠᠷᠠ ᠰᠠᠷᠠᠪᠴᠢᠯᠠᠵᠤ ᠵᠣᠭᠰᠣᠨᠠ
ᠵᠠᠮ ᠢ᠋ ᠨᠢ
ᠲᠣᠳᠣᠷᠬᠠᠢ ᠵᠠᠰᠠᠵᠤ ᠴᠢᠳᠠᠭᠠ ᠦᠭᠡᠢ ᠦᠯᠡᠳᠡᠭᠡᠯᠡ
ᠦᠷᠡ ᠮᠢᠨᠢ ᠪᠦᠪᠡᠢ ᠬᠠᠪᠤᠷᠵᠢᠶᠠ ᠤᠷᠤᠭᠤ ᠨᠢᠳᠦ ᠬᠠᠶᠠᠭᠰᠠᠨ
ᠠᠶᠠᠨ ᠤ᠋ ᠲᠡᠷᠭᠡᠨ ᠦ᠌ ᠬᠦᠨᠳᠦ ᠠᠷᠠᠯ ᠬᠠᠯᠠᠭᠤᠬᠠᠨ ᠵᠡᠭᠦᠳᠦ ᠲᠡᠢ ᠬᠦᠯᠢᠶᠡᠵᠦ ᠪᠠᠢᠨᠠ ᠰᠢᠦ
ᠪᠦᠪᠡᠢ ᠪᠦᠪᠡᠢ ᠁