ᠢᠰᠢᠳᠠᠨᠽᠠᠨᠸᠠᠩᠵᠢᠯ ᠤ᠋ᠨ ᠢᠷᠡᠭᠡᠳᠦᠢ ᠳ᠋ᠦ᠍ ᠨᠡᠢᠲᠡᠯᠡᠬᠦ ᠰᠢᠯᠦᠭ-2-04 ишданзанваанжлийн ирээдүйд нийтлэх шүлэг-Хоёрдугаар бөлөг ᠲᠣᠷᠭᠠᠨ ᠵᠢᠯᠣᠭᠣ

ᠬᠣᠶᠠᠳᠤᠭᠠᠷ ᠪᠦᠯᠦᠭ

 

ᠳᠥᠷᠪᠡ

 

ᠤᠯᠤᠰ ᠲᠥᠷᠥ ᠶ᠋ᠢᠨ ᠴᠠᠭᠠᠵᠠᠲᠤ ᠶᠠᠷᠭᠢ ᠬᠠᠷ᠎ᠠ ᠲᠠᠮᠠᠬᠢ ᠂

ᠤᠯᠭᠢᠶᠠᠯᠠᠲᠤ ᠬᠣᠣᠷᠲᠤ ᠰᠢᠮᠨᠤ ᠶ᠋ᠢᠨ ᠵᠢᠵᠢᠭ ᠰᠢᠮ᠎ᠡ ᠬᠡᠮᠡᠮᠦᠢ ᠂

ᠣᠨᠣᠯ ᠦᠭᠡᠢ ᠰᠤᠷᠮᠠᠭᠠᠶ᠋ᠢᠰᠢᠨ ᠤᠤᠭᠤᠭᠰᠠᠭᠠᠷ ᠬᠣᠵᠢᠮ ᠳ᠋ᠤ᠌ ᠂

ᠤᠭᠤᠰᠠᠷᠯᠠᠨ ᠬᠠᠷᠰᠢᠯᠠᠬᠤ ᠪᠡᠶ᠎ᠡ ᠶ᠋ᠢᠨ ᠳᠠᠶ᠋ᠢᠰᠤᠨ ᠪᠢᠰᠢ ‍ᠦᠦ ?

 

ᠰᠢᠯ ᠳ᠋ᠧᠩ ᠊ᠢ ᠰᠢᠲᠠᠭᠠᠵᠤ ᠡᠮᠦᠨ᠎ᠡ ᠪᠡᠨ ᠲᠠᠯᠪᠢᠭᠠᠳ ᠂

ᠰᠢᠯᠵᠢᠯ ᠦᠭᠡᠢ ᠥᠮᠭᠦᠷᠢᠵᠦ ᠨᠥᠬᠥᠷ ᠪᠣᠯᠭᠠᠨ ᠰᠢᠲᠦᠭᠡᠳ ᠂

ᠰᠢᠨᠵᠢ ᠲᠡᠭᠦᠰ ᠪᠡᠶ᠎ᠡ ᠶᠦ᠍ᠭᠡᠨ ᠰᠢᠨᠲᠡᠰ ᠰᠢᠷᠪᠤᠰ ᠪᠣᠯᠭᠠᠭᠠᠳ ᠂

ᠰᠢᠪᠰᠢᠭᠯᠡᠵᠦ ᠬᠥᠮᠦᠨ ᠪᠦᠷᠢ ᠶ᠋ᠢᠨ ᠡᠨᠳᠡ ᠪᠣᠯᠬᠤ ᠪᠢᠰᠢ ‍ᠦᠦ ?

 

ᠰᠠᠭᠠᠳ ᠦᠭᠡᠢ ᠡᠨᠡ ᠪᠡᠶ᠎ᠡ ᠰᠠᠭᠠᠷ ᠦᠭᠡᠢ ᠬᠣᠯᠪᠣᠭᠳᠠᠨ ᠂

ᠰᠠᠨᠠᠭᠰᠠᠨ ᠤ᠋ ᠲᠡᠷᠡ ᠭᠠᠵᠠᠷ ᠵᠠᠪᠳᠤᠯ ᠦᠭᠡᠢ ᠪᠣᠭᠣᠭᠳᠠ ᠂

ᠰᠠᠶ᠋ᠢᠬᠢ ᠶᠠᠭᠤᠮ᠎ᠠ ᠬᠣᠮᠰᠠᠳᠠᠭᠠᠳ ᠦᠭᠡᠢ ᠪᠣᠯᠬᠤ ᠶ᠋ᠢᠨ ᠦᠶᠡᠰ ᠲᠣᠷ ᠂

ᠰᠠᠨᠳᠤᠷᠴᠤ ᠢᠷᠡᠭᠡᠳ ᠨᠥᠭᠴᠢᠷᠡᠬᠦ ᠠᠮᠢᠨ ᠡᠷᠯᠢᠭ ᠢᠷᠡᠮᠦᠢ ᠃

 

ᠡᠪᠦᠭᠡᠳ ᠦ᠋ᠨ ᠦᠯᠡᠳᠡᠭᠡᠭᠰᠡᠨ ᠥᠪᠯᠡᠯ ᠲᠣᠨᠣᠭ ᠡᠳ᠋ᠯᠡᠯ ᠊ᠢ

ᠥᠯᠵᠡᠢ ᠦᠭᠡᠢ ᠶᠠᠭᠤᠮ᠎ᠠ ᠪᠠᠷ ᠬᠠᠶ᠋ᠢᠷᠠᠯᠠᠯ ᠦᠭᠡᠢ ᠰᠦᠢᠳᠬᠡᠭᠡᠳ ᠂

ᠦᠭᠡᠶ᠋ᠢᠭᠦᠷᠡᠨ ᠶᠠᠳᠠᠭᠤᠷᠠᠵᠤ ᠵᠦᠳᠡᠬᠦᠢ ᠳ᠋ᠦ᠍ᠷ ᠬᠥᠷᠪᠡᠯ᠎ᠡ ᠂

ᠥᠯᠪᠡᠷᠬᠦ ᠲᠠᠭᠠᠷᠠᠬᠤ ᠶ᠋ᠢᠨ ᠭᠠᠴᠢᠭᠳᠠᠯ ᠊ᠢ ᠠᠮᠰᠠᠮᠤᠢ ᠃

 

ᠬᠣᠣᠷᠲᠤ ᠮᠠᠭᠤ ᠲᠠᠮᠠᠬᠢᠨ ᠤ᠋ ᠬᠣᠬᠢ ᠶᠡᠬᠡ ᠰᠦᠢᠳᠬᠡᠯ ᠢ᠋ᠶ᠋ᠡᠷ

ᠭᠤᠯᠢᠷ ᠮᠢᠬ᠎ᠠ ᠢᠳᠡᠪᠡᠴᠦ ᠬᠦᠷᠦᠯᠴᠡᠬᠦ ᠠᠲᠠᠯ᠎ᠠ ᠂

ᠬᠤᠪᠢ ᠲᠡᠭᠦᠰ ᠪᠡᠶ᠎ᠡ ᠶᠦ᠍ᠭᠡᠨ ᠵᠣᠪᠠᠯᠠᠩ ᠢ᠋ᠶ᠋ᠠᠷ ᠠᠷᠠᠯᠵᠢᠨ ᠂

ᠬᠤᠷᠴᠠ ᠣᠨᠣᠯ ᠪᠠᠯᠠᠶ᠋ᠢᠷᠠᠭᠰᠠᠨ ᠮᠤᠩᠬᠠᠭ ᠳᠦᠷᠢ ᠪᠢᠰᠢ ‍ᠦᠦ ?

 

ᠣᠯᠢᠭ ᠦᠭᠡᠢ ᠶᠠᠭᠤᠮᠠᠨ ᠳ᠋ᠤᠷ ᠨᠢᠭᠡᠮᠦᠰᠦᠨ ᠡᠭᠦᠦᠷᠲᠦᠨ ᠂

ᠣᠯᠵᠠ ᠠᠰᠢᠭ ᠡᠷᠡᠮᠨᠡᠬᠦ ᠲᠠᠮᠢᠷ ᠦᠭᠡᠢ ᠶ᠋ᠢᠨ ᠳᠡᠭᠡᠷ᠎ᠡ ᠂

ᠣᠨᠴᠠ ᠪᠡᠶ᠎ᠡ ᠶ᠋ᠢᠨ ᠰᠢᠯᠲᠠᠭᠠᠨ ᠢ᠋ᠶ᠋ᠠᠷ ᠭᠡᠷᠦᠨ ᠬᠠᠮᠲᠤ ᠴᠢᠷᠦᠭᠲᠡᠨ ᠂

ᠤᠴᠠᠷᠠᠬᠤ ᠵᠣᠪᠠᠯᠠᠩ ᠊ᠢ ᠪᠦᠭᠦᠳᠡᠭᠡᠷ ᠬᠦᠷᠲᠡᠮᠦᠢ ᠃

 

ᠡᠵᠢ ᠠᠪᠤ ᠭᠣᠮᠣᠳᠠᠵᠤ ᠵᠢᠮᠡᠯᠡᠬᠦ ᠨᠢᠭᠡᠨ ᠵᠦᠢᠯ ᠂

ᠡᠮ᠎ᠡ ᠦᠷ᠎ᠡ ᠭᠠᠰᠠᠯᠤᠯᠴᠠᠨ ᠵᠣᠪᠠᠭᠳᠠᠬᠤ ᠬᠣᠶᠠᠷ ᠵᠦᠢᠯ ᠂

ᠡᠨᠡ ᠪᠡᠶ᠎ᠡ ᠡᠪᠳᠡᠷᠡᠵᠦ ᠭᠠᠴᠢᠭᠳᠠᠬᠤ ᠭᠤᠷᠪᠠᠨ ᠵᠦᠢᠯ ᠂

ᠡᠩ ᠦ᠋ᠨ ᠬᠥᠮᠦᠨ ᠰᠢᠭᠦᠮᠵᠢᠯᠡᠨ ᠡᠯᠡᠭᠯᠡᠬᠦ ᠳᠥᠷᠪᠡᠨ ᠵᠦᠢᠯ ᠃

 

ᠪᠣᠳᠣᠯ ᠦᠭᠡᠢ ᠶ᠋ᠢᠨ ᠬᠠᠷᠠᠭ᠎ᠠ ᠪᠠᠷ ᠬᠡᠨᠡᠲᠡᠭᠰᠡᠨ ᠮᠢᠨᠦᠬᠢ ᠂

ᠪᠤᠷᠲᠠᠭ ᠮᠠᠭᠤ ᠲᠠᠮᠠᠬᠢᠨ ᠳ᠋ᠤᠷ ᠲᠦᠢᠤᠠᠬᠡᠷᠯᠡᠭᠰᠡᠨ ᠲᠤᠯᠠᠳᠠ ᠂

ᠪᠣᠯᠭᠣᠮᠵᠢᠯᠠᠨ ᠪᠣᠳᠣᠬᠤᠯ᠎ᠠ ᠪᠤᠰᠤ ᠮᠡᠲᠦ ᠪᠣᠯᠪᠠᠴᠤ ᠂

ᠪᠣᠯᠤᠯ ᠦᠭᠡᠢ ᠴᠢᠳᠬᠥᠷ ᠡᠨᠳᠡ ᠡᠵᠡᠯᠡᠪᠡ ᠬᠠᠶ᠋ᠢᠷᠠᠨ ᠃

 

ᠡᠨᠲᠡᠭᠲᠡᠯ ᠊ᠢ ᠠᠯᠳᠠᠷᠠᠭᠠᠬᠤ ᠲᠠᠮᠢᠷ ᠴᠢᠳᠠᠯ ᠦᠭᠡᠢ ᠪᠡᠷ ᠂

ᠡᠨᠡ ᠪᠡᠶ᠎ᠡ ᠶ᠋ᠢᠨ ᠭᠡᠮ ᠵᠠᠩ ᠊ᠢ ᠲᠣᠭᠠᠴᠠᠭᠰᠠᠨ ᠲᠠᠰᠢᠷᠠᠮ ᠂

ᠡᠪᠯᠡᠭᠦᠯᠵᠦ ᠡᠷᠢᠶᠡᠴᠢᠨ ᠵᠢᠷᠤᠭᠳᠠᠭᠰᠠᠨ ᠡᠭᠦᠨ ᠊ᠢ ᠂

ᠡᠷᠬᠢᠮ ᠣᠯᠠᠨ ᠪᠠᠭᠰᠢ ᠨᠠᠷ ᠦ᠋ᠳ ᠰᠢᠭᠦᠮᠵᠢᠯᠡᠨ ᠰᠣᠶᠣᠷᠬ᠎ᠠ ᠃

 

ᠬᠥᠮᠦᠨ ᠪᠦᠷᠢ ᠶ᠋ᠢᠨ ᠲᠠᠮᠰᠢᠶᠠᠯᠠᠬᠤ ᠢᠳᠡᠭᠡᠨ ᠦ᠌ ᠳᠣᠲᠣᠷ᠎ᠠ ᠂

ᠬᠥᠯᠴᠥᠭᠦᠷᠡᠨ ᠰᠣᠭᠲᠣᠭᠤᠷᠠᠬᠤ ᠭᠠᠯᠵᠠᠭᠤ ᠬᠠᠷ᠎ᠠ ᠠᠷᠢᠬᠢ ᠂

ᠬᠦᠯᠢᠴᠡᠵᠦ ᠡᠰᠡ ᠴᠢᠳᠠᠨ ᠳᠡᠶ᠋ᠢᠯᠦᠭᠳᠡᠭᠦᠢ ᠳ᠋ᠦ᠍ᠷ ᠬᠥᠷᠪᠡᠯ᠎ᠡ ᠂

ᠬᠥᠩᠭᠡᠨ ᠬᠦᠨᠳᠦ ᠶ᠋ᠢᠨ ᠢᠯᠭᠠᠪᠤᠷᠢ ᠶ᠋ᠢ ᠤᠮᠠᠷᠲᠠᠬᠤ ᠮᠠᠭᠠᠳ ᠪᠣᠢ ᠃

 

ᠡᠵᠡᠨ ᠲᠥᠷᠥ ᠶ᠋ᠢᠨ ᠨᠣᠶᠠᠳ ᠶᠡᠬᠡᠰ ᠴᠦ᠍ ᠬᠡᠬᠦᠯᠵᠡᠵᠦ ᠬᠦᠨᠳᠦᠷᠡᠮᠦᠢ ᠂

ᠡᠷᠬᠢᠮ ᠰᠠᠬᠢᠯ ᠤ᠋ᠨ ᠲᠣᠶ᠋ᠢᠮᠣᠭ ᠪᠠᠭᠰᠢ ᠴᠤ᠌ ᠮᠦᠰᠢᠶᠡᠵᠦ ᠰᠢᠮᠡᠮᠦᠢ ᠂

ᠡᠮ᠎ᠡ ᠦᠷ᠎ᠡ ᠲᠥᠷᠥᠯ ᠰᠠᠳᠤᠨ ᠴᠦ᠍ ᠬᠣᠴᠣᠷᠬᠤ ᠦᠭᠡᠢ ᠪᠠᠯᠭᠤᠮᠤᠢ ᠂

ᠡᠯᠳᠡᠪ ᠨᠠᠮᠪᠠ ᠶ᠋ᠢᠨ ᠨᠠᠶ᠋ᠢᠷ ᠬᠤᠷᠢᠮ ᠳ᠋ᠤ᠌ ᠰᠠᠪᠠ ᠳᠦᠭᠦᠷᠡᠩ ᠪᠢᠯᠬᠠᠮᠤᠢ ᠃

 

ᠰᠦ ᠰᠠᠭᠠᠯᠢ ᠶ᠋ᠢᠨ ᠳᠡᠭᠡᠵᠢ ᠭᠡᠮᠡᠨ ᠬᠥᠮᠦᠨ ᠪᠦᠷᠢ ᠮᠠᠭᠲᠠᠮᠤᠢ ᠂

ᠰᠢᠮᠡᠳᠦ ᠲᠠᠷᠢᠶ᠎ᠠ ᠶ᠋ᠢᠨ ᠣᠬᠢ ᠭᠡᠮᠡᠨ ᠬᠦᠷᠲᠡᠬᠦ ᠪᠦᠷᠢ ᠰᠠᠶ᠋ᠢᠰᠢᠶᠠᠮᠤᠢ ᠂

ᠰᠢᠨᠠᠯᠭᠠᠬᠤ ᠡᠪᠡᠳᠴᠢᠨ ᠬᠡᠨᠡᠭᠡ ᠶ᠋ᠢᠨ ᠳᠠᠷᠤᠯᠭ᠎ᠠ ᠭᠡᠮᠡᠨ ᠢᠷᠦᠭᠡᠮᠦᠢ ᠂

ᠰᠠᠢᠨ ᠰᠠᠢᠬᠠᠨ ᠤ᠋ ᠪᠡᠯᠭᠡ ᠳᠡᠮᠪᠡᠷᠢᠯ ᠭᠡᠮᠡᠨ ᠢᠷᠦᠭᠡᠮᠦᠢ ᠃

 

ᠨᠢᠭᠡᠨ ᠦᠭᠡᠨ ᠦ᠌ ᠬᠠᠲᠠᠭᠤ ᠳ᠋ᠤᠷ ᠲᠡᠮᠡᠴᠡᠯ ᠊ᠢ ᠡᠳᠦᠮᠦᠢ ᠂

ᠨᠢᠭᠡᠨ ᠠᠭᠰᠤᠮ ᠣᠮᠣᠭ ᠢ᠋ᠶ᠋ᠠᠷ ᠬᠡᠷᠡᠭ ᠤᠷᠰᠢᠭ ᠊ᠢ ᠭᠠᠷᠭᠠᠮᠤᠢ ᠂

ᠨᠢᠭᠡᠨ ᠬᠤᠷᠢᠮ ᠪᠠᠯᠠᠷᠠᠯ ᠳ᠋ᠤᠷ ᠲᠠᠩᠭᠠᠷᠢᠭ ᠊ᠢ ᠠᠯᠳᠠᠮᠤᠢ ᠂

ᠨᠢᠭᠡᠨ ᠴᠠᠭ ᠤ᠋ᠨ ᠮᠤᠩᠬᠠᠷᠠᠯ ᠳ᠋ᠤᠷ ᠲᠦᠮᠡᠨ ᠬᠡᠷᠡᠭ ᠮᠠᠷᠲᠠᠮᠤᠢ ᠃

 

ᠦᠨᠦᠷ ᠠᠮᠲᠠ ᠢᠳᠡᠭᠡᠨ ᠊ᠢ ᠲᠣᠭᠲᠠᠭᠠᠵᠤ ᠶᠠᠳᠠᠨᠠᠮ ᠂

ᠥᠩᠭᠡ ᠰᠠᠶ᠋ᠢᠲᠤ ᠬᠤᠪᠴᠠᠰᠤᠨ ᠢ᠋ᠶ᠋ᠠᠨ ᠡᠯᠳᠡᠪ ᠢ᠋ᠶ᠋ᠡᠷ ᠬᠬᠢᠷᠲᠦᠭᠡᠳ ᠂

ᠥᠯᠵᠡᠢ ᠪᠤᠰᠤ ᠶ᠋ᠢᠨ ᠦᠭᠡᠰ ᠢ᠋ᠶ᠋ᠡᠷ ᠤᠷᠤᠭ ᠢ᠋ᠶ᠋ᠠᠨ ᠳᠠᠭᠠᠷᠢᠨ ᠂

ᠦᠨᠡᠨ ᠳ᠋ᠡᠭᠡᠨ ᠬᠡᠷᠰᠡᠦ ᠬᠥᠮᠦᠨ ᠭᠡᠨᠡᠳᠡᠬᠦ ᠪᠢᠰᠢ ‍ᠦᠦ ?

 

ᠠᠮᠲᠠᠯᠠᠬᠤᠢ ᠳ᠋ᠤᠷ ᠠᠮᠲᠠ ᠠᠨᠤ ᠰᠠᠢᠬᠠᠨ ᠮᠡᠲᠦ ᠪᠣᠯᠪᠠᠴᠤ ᠂

ᠠᠵᠢᠭᠯᠠᠵᠤ ᠪᠣᠳᠣᠬᠤᠯ᠎ᠠ ᠴᠢᠨᠠᠷ ᠠᠨᠤ ᠬᠣᠣᠷᠯᠠᠯᠲᠠᠢ ᠂

ᠠᠭᠰᠤᠮᠨᠠᠵᠤ ᠤᠤᠭᠤᠭᠰᠠᠭᠠᠷ ᠶᠡᠬᠡ ᠲᠡᠨᠡᠭ ᠪᠣᠯᠤᠭᠠᠳ ᠂

ᠠᠯᠳᠠᠷᠠᠭᠠᠬᠤ ᠬᠡᠷᠡᠭ ᠢᠨᠤ ᠪᠠᠭ᠎ᠠ ᠪᠤᠰᠤ ᠮᠡᠲᠦ ᠰᠢᠭ ᠃

 

ᠡᠵᠡᠨ ᠪᠣᠭᠣᠯ ᠬᠣᠭᠣᠷᠣᠨᠳᠣ ᠶᠣᠰᠣᠯᠠᠯ ᠊ᠢ ᠠᠯᠳᠠᠮᠤᠢ ᠂

ᠡᠴᠢᠭᠡ ᠬᠥᠪᠡᠭᠦᠨ ᠬᠣᠭᠣᠷᠣᠨᠳᠣ ᠡᠯᠪᠡᠷᠢᠯ ᠊ᠢ ᠮᠠᠷᠲᠠᠮᠤᠢ ᠂

ᠡᠷ᠎ᠡ ᠡᠮ᠎ᠡ ᠬᠣᠭᠣᠷᠣᠨᠳᠣ ᠡᠶ᠎ᠡ ᠵᠢᠷᠤᠮ ᠊ᠢ ᠬᠡᠭᠡᠮᠦᠢ ᠂

ᠡᠩ ᠦ᠋ᠨ ᠬᠥᠮᠦᠨ ᠬᠣᠭᠣᠷᠣᠨᠳᠣ ᠨᠠᠶ᠋ᠢᠷᠠᠮᠲᠠᠯ ᠊ᠢ ᠡᠪᠳᠡᠮᠦᠢ ᠃

 

ᠬᠤᠷᠢᠮ ᠨᠠᠶ᠋ᠢᠷ ᠤ᠋ᠨ ᠪᠠᠶᠠᠷ ᠪᠡᠯᠡᠭ ᠲᠦ᠍ ᠬᠡᠮᠵᠢᠶᠡᠲᠡᠢ ᠬᠡᠷᠡᠭᠯᠡᠨ ᠂

ᠬᠤᠭᠤᠷ ᠬᠥᠭᠵᠢᠮ ᠢᠯᠡᠭᠦᠦ ᠰᠢᠭ ᠡᠭᠦᠰᠬᠡᠪᠡᠯ ᠵᠣᠬᠢᠰᠲᠠᠢ ᠂

ᠬᠣᠣᠷᠲᠤ ᠲᠡᠷᠡ ᠤᠰᠤᠨ ᠭᠣᠣᠯ ᠳ᠋ᠤᠷ ᠮᠥᠴᠡᠭᠡᠷᠬᠡᠬᠦ ᠪᠣᠯᠪᠠᠰᠤ ᠂

ᠬᠤᠲᠤᠭ ᠣᠯᠤᠭᠰᠠᠨ ᠪᠣᠭᠳᠠ ᠪᠣᠯᠪᠠᠴᠤ ᠲᠤᠭᠤᠯᠠᠬᠤᠶ᠎ᠠ ᠪᠡᠷᠬᠡ ᠪᠣᠢ ᠃

 

ᠭᠡᠭᠡᠨ ᠪᠤᠷᠬᠠᠨ ᠳᠡᠭᠡᠳᠦᠰ ᠲᠦ᠍ᠷ ᠲᠠᠬᠢᠯ ᠨᠠᠩᠵᠢᠳ ᠪᠣᠯᠤᠮᠤᠢ ᠂

ᠬᠡᠮᠵᠢᠶᠡᠲᠡᠢ ᠡᠲᠯᠡᠭᠴᠢ ᠳ᠋ᠦ᠍ᠷ ᠪᠡᠶ᠎ᠡ ᠶ᠋ᠢᠨ ᠵᠠᠰᠠᠯ ᠪᠣᠯᠤᠮᠤᠢ ᠂

ᠬᠡᠲᠦᠷᠬᠡᠶ᠋ᠢᠶ᠎ᠡ ᠰᠢᠨᠤᠪᠠᠰᠤ ᠨᠢᠭᠡᠨ ᠭᠡᠮ ᠳ᠋ᠦ᠍ ᠬᠦᠷᠲᠡᠮᠦᠢ ᠂

ᠬᠡᠳᠦᠨ ᠰᠢᠯᠦᠭ ᠬᠣᠯᠪᠣᠪᠠᠴᠤ ᠰᠠᠨᠠᠭᠤᠯᠬᠤ ᠶ᠋ᠢᠨ ᠲᠡᠲᠦᠶ᠋ᠢᠬᠡᠨ ᠃

 

ᠰᠠᠷᠠᠨ ᠭᠡᠷᠡᠯ ᠬᠡᠮᠡᠭᠲᠡᠬᠦ ᠰᠠᠢᠨ ᠴᠠᠭ ᠤ᠋ᠨ ᠪᠤᠷᠬᠠᠨ ᠢ᠋ᠶ᠋ᠠᠷ ᠂

ᠽᠠᠮᠪᠤᠯᠢᠩ ᠤ᠋ᠨ ᠨᠣᠮ ᠤ᠋ᠨ ᠬᠦᠷᠳᠦ ᠡᠷᠭᠢᠭᠦᠯᠬᠦ ᠶ᠋ᠢᠨ ᠲᠡᠷᠡ ᠴᠠᠭ ᠂

ᠰᠡᠴᠡᠨ ᠨᠢᠭᠡᠨ ᠰᠢᠮᠨᠤ ᠶ᠋ᠢᠨ ᠬᠠᠭᠠᠨ ᠵᠡᠭᠦᠳᠦᠨ ᠦ᠌ ᠪᠡᠯᠭᠡ ᠪᠡᠷ ᠂

ᠰᠠᠷᠬᠤᠳ ᠭᠡᠮᠡᠨ ᠶᠢᠰᠦᠨ ᠬᠣᠣᠷ᠎ᠠ ᠶ᠋ᠢᠨ ᠠᠷᠢᠬᠢᠨ ᠊ᠢ ᠵᠠᠰᠠᠪᠠᠢ ᠃

 

ᠠᠮᠢ ᠪᠡᠶ᠎ᠡ ᠬᠦᠨᠳᠦᠳᠬᠡᠬᠦ ᠶᠣᠰᠣ ᠨᠣᠮᠯᠠᠯ ᠳᠣᠲᠣᠷ᠎ᠠ ᠂

ᠠᠮᠢᠰᠬᠤᠯ ᠊ᠢ ᠲᠡᠵᠢᠭᠡᠬᠦ ᠠᠷᠭ᠎ᠠ ᠪᠦᠷᠢᠨ ᠴᠢᠬᠤᠯᠠ ᠂

ᠠᠰᠠᠷᠠᠯ ᠤ᠋ᠨ ᠠᠯᠳᠠᠯ ᠠ᠋ᠴᠠ ᠨᠢᠭᠡᠨ ᠭᠡᠮ ᠳ᠋ᠦ᠍ᠷ ᠬᠦᠷᠲᠡᠮᠦᠢ ᠂

ᠠᠩᠬᠠᠨ ᠠ᠋ᠴᠠ ᠪᠣᠯᠭᠣᠮᠵᠢᠯᠠᠨ ᠮᠡᠳᠡᠪᠡᠰᠦ ᠵᠣᠬᠢᠮᠤᠢ ᠃

 

ᠬᠥᠳᠡᠯᠬᠦ ᠶᠠᠪᠤᠬᠤ ᠳ᠋ᠤ᠌ ᠴᠢᠰᠤᠨ ᠰᠤᠳᠠᠯ ᠨᠡᠭᠡᠭᠡᠭᠳᠡᠨ ᠂

ᠬᠦᠴᠦᠨ ᠲᠠᠮᠢᠷ ᠨᠡᠮᠡᠭᠲᠡᠬᠦ ᠠᠮᠤᠷᠯᠢᠩᠭᠤᠢ ᠪᠣᠯᠬᠤ ᠪᠠ ᠂

ᠬᠥᠨᠳᠡᠢ ᠵᠦᠭᠡᠷ ᠰᠠᠭᠤᠭᠰᠠᠭᠠᠷ ᠬᠥᠯᠥᠰᠥ ᠢᠨᠤ ᠬᠠᠭᠠᠭᠳᠠᠨ ᠂

ᠬᠥᠪᠴᠢᠨ ᠪᠡᠶ᠎ᠡ ᠬᠦᠨᠳᠦᠷᠡᠵᠦ ᠵᠣᠪᠠᠯᠠᠩ ᠲᠠᠢ ᠪᠣᠯᠤᠮᠤᠢ ᠃

 

ᠠᠰᠤᠷᠤ ᠬᠤᠷᠴᠠ ᠢᠳᠡᠭᠡᠨ ᠢ᠋ᠶ᠋ᠡᠷ ᠰᠢᠷ᠎ᠠ ᠨᠠᠷᠢ ᠪᠣᠯᠬᠤ ᠪᠠ ᠂

ᠠᠮᠠᠷᠠᠭ ᠤ᠋ᠨ ᠬᠤᠷᠢᠴᠠᠯ ᠢ᠋ᠶ᠋ᠠᠷ ᠰᠢᠮ᠎ᠡ ᠬᠦᠴᠦᠨ ᠪᠠᠭᠤᠷᠠᠨ ᠂

ᠠᠭᠤᠷ ᠣᠮᠣᠭ ᠤ᠋ᠨ ᠪᠠᠴᠢᠮᠳᠠᠯ ᠢ᠋ᠶ᠋ᠠᠷ ᠠᠮᠢᠰᠬᠤᠯ ᠊ᠢ ᠬᠣᠣᠷᠯᠠᠵᠤ ᠂

ᠠᠷᠢᠬᠢᠨ ᠤ᠋ ᠬᠣᠣᠷᠯᠠᠯ ᠠ᠋ᠴᠠ ᠰᠠᠪᠠ ᠴᠤᠯᠤ ᠬᠥᠳᠡᠯᠮᠦᠢ ᠃

 

ᠠᠶᠤᠬᠤ ᠪᠠ ᠰᠣᠴᠢᠬᠤ ᠪᠠᠷ ᠪᠠᠯᠠᠢ ᠪᠣᠯᠬᠤ ᠪᠠ ᠂

ᠠᠯᠢ ᠪᠠᠰᠠ ᠤᠮᠲᠠᠬᠤ ᠪᠠᠷ ᠪᠡᠶ᠎ᠡ ᠬᠦᠨᠳᠦ ᠪᠣᠯᠤᠮᠤᠢ ᠂

ᠠᠷᠢᠭᠤᠬᠠᠨ ᠴᠡᠪᠡᠷ ᠢ᠋ᠶ᠋ᠡᠷ ᠰᠢᠷᠬᠡᠭ ᠠᠭᠤᠤ ᠪᠣᠯᠬᠤ ᠪᠠ ᠂

ᠠᠷᠴᠢᠬᠤ ᠪᠠ ᠤᠬᠢᠶᠠᠬᠤ ᠠᠰᠠᠷᠠᠯ ᠊ᠢ ᠪᠦᠷᠢᠳᠬᠡ ᠃

 

ᠬᠦᠴᠢᠷ ᠬᠦᠨᠳᠦ ᠶᠠᠪᠤᠳᠠᠯ ᠢ᠋ᠶ᠋ᠠᠷ ᠶᠠᠰᠤ ᠮᠢᠬ᠎ᠠ ᠬᠡᠯᠪᠡᠷᠢᠨ ᠂

ᠬᠥᠰᠡᠷ ᠬᠦᠢᠲᠡᠨ ᠢᠳᠡᠭᠡᠨ ᠢ᠋ᠶ᠋ᠡᠷ ᠡᠮᠭᠡᠭ ᠲᠠᠬᠤᠯ ᠬᠦᠷᠲᠡᠮᠦᠢ ᠂

ᠬᠦᠢᠲᠡᠨ ᠳ᠋ᠦ᠍ᠷ ᠲᠠᠭᠠᠷᠠᠵᠤ ᠬᠠᠯᠠᠭᠤᠨ ᠳ᠋ᠤᠷ ᠪᠥᠭᠴᠥᠭᠡᠨᠡᠨ ᠂

ᠬᠥᠮᠦᠨ ᠪᠡᠶ᠎ᠡ ᠡᠪᠳᠡᠷᠡᠬᠦ ᠬᠡᠯᠪᠡᠷᠢᠯ ᠊ᠢ ᠮᠡᠳᠡᠯᠲᠡᠢ ᠃

 

ᠠᠰᠢᠳᠠ ᠪᠠᠲᠤ ᠰᠢᠳᠤᠷᠭᠤ ᠪᠠᠷ ᠲᠤᠰᠠ ᠬᠢᠬᠦ ᠬᠥᠮᠦᠨ ᠊ᠢ ᠂

ᠠᠷᠭ᠎ᠠ ᠴᠢᠳᠠᠯ ᠲᠡᠭᠦᠰᠦᠭᠰᠡᠨ ᠪᠠᠭᠰᠢ ᠭᠡᠮᠡᠨ ᠰᠢᠲᠦᠶ᠎ᠡ ᠂

ᠠᠪᠤᠷᠠᠯ ᠤ᠋ᠨ ᠣᠷᠣᠨ ᠪᠦᠬᠦᠨ ᠊ᠢ ᠵᠢᠷᠦᠬᠡᠨ ᠳ᠋ᠦ᠍ᠷ ᠪᠢᠰᠢᠷᠡᠶ᠎ᠡ ᠂

ᠠᠳᠢᠰᠲᠢᠳ ᠤ᠋ᠨ ᠥᠯᠵᠡᠢ ᠪᠤᠶᠠᠨ ᠠᠷᠪᠠᠨ ᠵᠦᠭ ᠲᠦ᠍ ᠳᠡᠯᠭᠡᠷᠡ ᠃

 

ᠬᠡᠴᠢᠨᠡᠭᠡᠨ ᠨᠠᠰᠤᠯᠠᠬᠤ ᠡᠨᠡ ᠨᠢᠭᠡᠨ ᠨᠠᠰᠤᠨ᠎ᠠ ᠂

ᠬᠢᠴᠢᠶᠡᠯᠲᠡᠢ ᠶᠠᠪᠤᠬᠤ ᠪᠠᠨ ᠬᠢᠨᠠᠬᠤ ᠶ᠋ᠢ ᠡᠷᠬᠢᠮᠯᠡᠨ ᠂

ᠬᠢᠯᠢᠨᠴᠡᠰᠲᠦ ᠠᠰᠢᠭ ᠡᠳ᠋ ᠊ᠢ ᠬᠡᠲᠦᠷᠬᠡᠶ᠋ᠢᠶ᠎ᠡ ᠰᠢᠨᠤᠵᠤ ᠂

ᠬᠡᠮᠵᠢᠶᠡᠲᠦ ᠵᠢᠷᠭᠠᠯᠠᠩ ᠊ᠢ ᠬᠣᠣᠷᠯᠠᠭᠤᠵᠠᠢ ᠬᠢᠴᠢᠶᠡ ᠃

 

ᠬᠥᠮᠦᠨ ᠪᠠᠰᠠ ᠵᠠᠷᠢᠮ ᠨᠢᠭᠡᠨ ᠰᠡᠳᠬᠢᠯ ᠶᠠᠳᠠᠭᠤ ᠲᠥᠷᠥᠵᠦ ᠂

ᠭᠥᠷᠳᠡᠪᠡᠴᠦ ᠴᠠᠳᠬᠤ ᠦᠭᠡᠢ ᠪᠠᠶ᠋ᠢᠵᠠ ᠪᠠᠶ᠋ᠢᠵᠠ ᠬᠡᠮᠡᠮᠦᠢ ᠂

ᠬᠦᠷᠦᠯᠴᠡᠬᠦ ᠮᠠᠰᠢ ᠪᠡᠷᠬᠡ ᠰᠡᠳᠬᠢᠯ ᠢ᠋ᠶ᠋ᠡᠷ ᠬᠣᠮᠰᠠᠳᠤᠮᠤᠢ ᠂

ᠬᠥᠮᠦᠨ ᠪᠦᠷᠢ ᠶ᠋ᠢᠨ ᠬᠠᠷᠢᠶᠠᠯ ᠊ᠢ ᠭᠡᠷᠦᠨ ᠬᠠᠮᠲᠤ ᠬᠦᠷᠲᠡᠮᠦᠢ ᠃

 

ᠣᠨᠣᠯ ᠦᠭᠡᠢ ᠵᠠᠷᠢᠮ ᠨᠢᠭᠡᠨ ᠥᠬᠢᠨ ᠢ᠋ᠶ᠋ᠡᠨ ᠪᠠᠷᠳᠠᠮᠯᠠᠨ ᠂

ᠣᠯᠵᠠ ᠠᠰᠢᠭ ᠡᠷᠡᠮᠨᠡᠵᠦ ᠲᠥᠷᠥ ᠶ᠋ᠢᠨ ᠪᠤᠵᠠᠷ ᠳᠡᠯᠭᠡᠭᠡᠳ ᠂

ᠣᠯᠢᠭ ᠦᠭᠡᠢ ᠮᠠᠭᠤ ᠨᠡᠷ᠎ᠡ ᠶ᠋ᠢ ᠡᠷᠳᠡᠮ ᠪᠣᠯᠭᠠᠨ ᠰᠢᠨᠤᠭᠴᠢ ᠂

ᠣᠪᠣᠭ ᠨᠡᠷ᠎ᠡ ᠪᠠᠷᠠᠭᠳᠠᠬᠤ ᠪᠤᠵᠠᠷ ᠡᠭᠦᠳᠡ ᠬᠡᠮᠡᠮᠦᠢ ᠃

 

ᠠᠲᠠᠭᠠᠷᠬᠠᠨ ᠲᠡᠮᠡᠴᠡᠬᠦ ᠠᠰᠢᠭ ᠨᠡᠷ᠎ᠡ ᠬᠣᠶᠠᠷ ᠊ᠢ ᠂

ᠠᠯᠢ ᠬᠥᠮᠦᠨ ᠰᠡᠳᠬᠢᠯ ᠳ᠋ᠡᠭᠡᠨ ᠬᠠᠨᠤᠭᠤᠯᠤᠨ ᠴᠢᠳᠠᠮᠤᠢ ᠂

ᠠᠳᠬᠠᠭ ᠰᠢᠨᠤᠯ ᠬᠦᠰᠡᠯ ᠢᠨᠤ ᠵᠢᠷᠤᠮ ᠵᠦᠢ ᠳ᠋ᠦ᠍ ᠨᠡᠶ᠋ᠢᠯᠡᠪᠡ ᠂

ᠠᠷᠭ᠎ᠠ ᠴᠢᠳᠠᠯ ᠲᠡᠭᠦᠰᠦᠭᠰᠡᠨ ᠊ᠢ ᠪᠠᠭᠰᠢ ᠭᠡᠵᠦ ᠰᠢᠲᠦᠶ᠎ᠡ ᠃

 

ᠰᠤᠷᠭᠠᠯ ᠨᠣᠮ ᠤ᠋ᠨ ᠤᠪᠠᠳᠢᠰ ᠊ᠢ ᠠᠩᠬᠠᠷᠤᠨ ᠂

ᠰᠤᠷᠤᠯᠴᠠᠬᠤ ᠶ᠋ᠢᠨ ᠠᠪᠢᠶᠠᠰ ᠊ᠢ ᠲᠤᠷᠰᠢᠨ ᠂

ᠰᠤᠳᠤᠯᠤᠭᠰᠠᠨ ᠪᠢᠯᠢᠭ ᠡᠷᠳᠡᠮ ᠳᠡᠯᠭᠡᠷᠡᠨ ᠂

ᠰᠤᠳᠤᠷ ᠲᠠᠷᠨᠢ ᠶ᠋ᠢᠨ ᠱᠠᠵᠢᠨ ᠯᠤᠭ᠎ᠠ ᠤᠴᠠᠷᠠᠨ᠎ᠠ ᠃

 

ᠪᠤᠷᠬᠠᠨ ᠤ᠋ ᠱᠠᠵᠢᠨ ᠠᠷᠪᠠᠨ ᠵᠦᠭ ᠲᠦ᠍ ᠳᠡᠯᠭᠡᠷᠡᠨ ᠂

ᠪᠣᠭᠳᠠ ᠪᠯᠠᠮ᠎ᠠ ᠨᠠᠷ ᠤ᠋ᠨ ᠥᠯᠮᠡᠢ ᠪᠠᠲᠤᠳᠠᠨ ᠂

ᠪᠤᠶᠠᠨ ᠦᠢᠯᠡ ᠪᠠᠰᠠ ᠮᠠᠰᠢ ᠠᠷᠢᠭᠤᠨ ᠂

ᠪᠣᠳᠢ ᠮᠥᠷ ᠲᠣᠷ ᠪᠠᠶᠠᠰᠤᠯᠴᠠᠨ ᠳᠠᠭᠠᠨ᠎ᠠ ᠃

 

ᠠᠪᠤᠷᠠᠭᠴᠢ ᠪᠣᠭᠳᠠ ᠪᠯᠠᠮ᠎ᠠ ᠠᠷᠪᠠᠨ ᠵᠦᠭ ᠦ᠋ᠨ ᠪᠤᠷᠬᠠᠳ ᠪᠠ ᠂

ᠠᠳᠢᠰᠲᠢᠳ ᠲᠤᠷ ᠨᠣᠮ ᠪᠥᠭᠡᠳ ᠬᠤᠸᠠᠷᠠᠭ ᠦ᠋ᠳ ᠰᠠᠯᠳᠠᠰ ᠲᠤᠷ ᠂

ᠠᠷᠢᠭᠤᠨ ᠲᠠᠬᠢᠯ ᠡᠷᠭᠦᠭᠰᠡᠨ ᠪᠠ ᠮᠥᠷᠭᠦᠭᠰᠡᠨ ᠦ᠌ ᠪᠤᠶᠠᠨ ᠊ᠢ ᠂

ᠠᠭᠤᠤ ᠡᠷᠬᠢᠮ ᠢᠷᠦᠭᠡᠯ ᠦ᠋ᠨ ᠪᠣᠳᠢ ᠮᠥᠷ ᠲᠣᠷ ᠵᠣᠷᠢᠮᠤᠢ ᠃

 

ᠢᠷᠡᠭᠡᠳᠦᠢ ᠴᠠᠭ ᠤ᠋ᠨ ᠪᠠᠶ᠋ᠢᠲᠠᠯ ᠊ᠢ ᠡᠷᠲᠡ ᠡᠴᠡ ᠨᠣᠮᠯᠠᠭᠰᠠᠨ ᠂

ᠡᠶ᠋ᠢᠮᠦ ᠨᠢᠭᠡᠨ ᠬᠠᠲᠠᠭᠤ ᠵᠠᠷᠯᠢᠭ ᠊ᠢ ᠠᠶ᠋ᠢᠯᠠᠲᠤᠭᠰᠠᠨ ᠡᠭᠦᠨ ᠊ᠢ ᠂

ᠢᠰᠢᠺᠡᠯᠽᠠᠩᠨᠤᠷᠪᠤ ᠪᠠᠭᠰᠢ ᠬᠠᠳᠠᠭᠠᠯᠠᠨ ᠪᠠᠶ᠋ᠢᠬᠰᠠᠨ ᠊ᠢ ᠂

ᠡᠳᠦᠭᠡ ᠳ᠋ᠦ᠍ᠷ ᠴᠠᠭ ᠤ᠋ᠨ ᠲᠣᠬᠢᠶᠠᠯ ᠊ᠢ ᠨᠡᠶ᠋ᠢᠯᠡᠭᠦᠯᠦᠨ ᠲᠠᠷᠬᠠᠭᠠᠪᠠᠢ ᠃

 

   ᠬᠦᠩ ᠦ᠋ᠨ ᠵᠣᠣ ᠶ᠋ᠢᠨ ᠪᠣᠭᠳᠠ ᠭᠡᠭᠡᠨ ᠭᠦᠨ ᠢᠯᠡᠷᠬᠡᠢ ᠣᠨᠣᠯ ᠢ᠋ᠶ᠋ᠠᠷ ᠬᠥᠮᠦᠨ ᠶᠢᠷᠲᠢᠨᠴᠦ ᠶ᠋ᠢᠨ ᠣᠷᠣᠨ᠎ᠠ ᠴᠥᠪ ᠴᠠᠭ ᠤ᠋ᠨ ᠢᠷᠡᠭᠡᠳᠦᠢ ᠶ᠋ᠢ ᠢᠯᠡᠳᠬᠡᠨ ᠭᠠᠷᠭᠠᠵᠤ ᠨᠣᠮᠯᠠᠭᠰᠠᠨ ᠰᠤᠷᠭᠠᠯ ᠪᠢᠴᠢᠭ ᠳᠥᠷᠪᠡᠨ ᠳᠡᠪᠲᠡᠷ ᠨᠣᠮᠯᠠᠯ ᠡᠭᠦᠨ ᠊ᠢ ᠂ ᠬᠡᠪᠲᠦ ᠶᠣᠰᠣᠲᠤ ᠶ᠋ᠢᠨ ᠭᠤᠷᠪᠠᠳᠤᠭᠠᠷ ᠣᠨ ᠴᠠᠭᠠᠭᠴᠢᠨ ᠭᠠᠬᠠᠢ ᠵᠢᠯ ᠦ᠋ᠨ ᠬᠠᠪᠤᠷᠤᠨ ᠲᠡᠷᠢᠭᠦᠨ ᠰᠠᠷ᠎ᠠ ᠳ᠋ᠤ᠌ ᠵᠣᠬᠢᠶᠠᠨ ᠭᠠᠷᠭᠠᠭᠠᠳ ᠲᠠᠷᠬᠠᠭᠠᠭᠰᠠᠨ ᠦᠭᠡᠢ ᠲᠦᠷ ᠳᠠᠷᠤᠵᠤ ᠢᠷᠡᠭᠡᠳᠦᠢ ᠳᠥᠴᠢᠨ ᠵᠢᠯ ᠦ᠋ᠨ ᠦᠶᠡᠰ ᠪᠣᠯᠬᠤ ᠳ᠋ᠤ᠌ ᠭᠠᠷᠭᠠᠪᠠᠰᠤ ᠵᠣᠬᠢᠮᠤᠢ ᠭᠡᠮᠡᠨ ᠠᠶ᠋ᠢᠯᠠᠲᠤᠭᠰᠠᠨ ᠡᠰᠢ ᠵᠠᠷᠯᠢᠭ ᠰᠤᠳᠤᠷ ᠲᠤᠷ ᠦᠭᠡᠢ ᠪᠣᠯᠪᠠᠴᠤ ᠰᠤᠷᠭᠠᠯ ᠯᠤᠭ᠎ᠠ ᠳᠠᠭᠠᠯᠳᠤᠭᠰᠠᠨ ᠨᠢᠭᠤᠴᠠ ᠵᠠᠷᠯᠢᠭ ᠪᠣᠢ ᠠᠵᠢᠶᠠᠮᠤ ᠃

 

   ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠱᠠᠨᠰᠠᠯ

   ᠬᠢᠨᠠᠭᠴᠢ ᠄ ᠣᠤᠠᠬᠠᠨᠰᠣ ‍ᠠ᠋