ᠪᠠᠭᠰᠢ ᠶ᠋ᠢᠨ ᠮᠢᠨᠢ ᠰᠦᠨᠢ （ ᠬᠡᠯᠡ ᠪᠢᠴᠢᠭ – ᠶᠢᠰᠦᠳᠦᠭᠡᠷ ᠳᠡᠪᠲᠡᠷ） Багшийн минь шөнө（ Хэл бичиг – Есдүгээр дэвтэр）
577ᠪᠠᠭ᠍ᠰᠢ ᠶ᠋ᠢᠨ ᠮᠢᠨᠢ ᠰᠦᠨᠢ
ᠨᠢᠭᠡ
ᠠᠯᠤᠰ ᠠ᠋ᠴᠠ ᠠᠶ᠋ᠢᠯᠴᠢᠯᠠᠬᠤ
ᠠᠶᠠᠰ ᠦ᠋ᠨ ᠰᠠᠯᠬᠢ ᠡ
ᠠᠯᠬᠤᠬ᠋ᠠ ᠭᠢᠰᠬᠢᠭᠡ ᠪᠡᠨ
ᠪᠠᠬᠠᠨ ᠵᠥᠭᠡᠯᠡᠷᠡᠭᠦᠯᠦᠭᠡᠴᠢ ᠃
ᠳ᠋ᠧᠩ ᠲᠡᠢ ᠪᠠᠶ᠋ᠢᠬ᠋ᠠ
ᠭᠡᠷ ᠦ᠋ᠨ ᠬᠠᠭᠠᠯᠬ᠋ᠠ ᠶ᠋ᠢ
ᠳᠡᠯᠡᠳᠦᠨ ᠲᠣᠭᠰᠢᠵᠤ
ᠪᠢᠲᠡᠭᠡᠢ ᠦᠢᠮᠡᠭᠦᠯᠦᠭᠡᠷᠡᠢ !
ᠰᠣᠶᠣᠯ ᠦ᠋ᠨ ᠣᠷᠭᠢᠯ ᠳ᠋ᠤ᠌
ᠳᠡᠭᠦᠯᠢᠬᠦ ᠵᠢᠭᠦᠷ ᠊ᠢ
ᠰᠤᠷᠤᠭᠴᠢ ᠪᠢᠲᠡᠨ ᠳ᠋ᠤ᠌
ᠣᠯᠭᠣᠬᠤ ᠶ᠋ᠢᠨ ᠲᠥᠯᠥᠭᠡ
ᠡᠷᠲᠡᠮ ᠦ᠋ᠨ ᠳᠠᠯᠠᠢ ᠳ᠋ᠤ᠌
ᠱᠤᠩᠪᠠᠬᠤ ᠰᠡᠯᠢᠭᠦᠷ ᠊ᠢ
ᠡᠩᠬᠦᠷᠡᠢ ᠪᠠᠭᠠᠴᠤᠳ ᠲᠠᠭᠠᠨ
ᠤᠷᠭᠤᠭᠤᠯᠬᠤ ᠶ᠋ᠢᠨ ᠲᠥᠯᠥᠭᠡ
ᠲᠦᠷᠭᠡᠨ ᠳᠠᠪᠰᠢᠯᠲᠠ ᠶ᠋ᠢᠨ
ᠰᠢᠨᠡ ᠬᠠᠪᠤᠷ ᠊ᠢ
ᠲᠥᠷᠥᠯᠬᠢ ᠨᠤᠲᠤᠭ ᠲᠠᠭᠠᠨ
ᠮᠥᠰᠢᠶᠡᠯᠭᠡᠬᠥ ᠶ᠋ᠢᠨ ᠲᠥᠯᠥᠭᠡ
ᠳᠥᠷᠪᠡᠨ ᠣᠲᠣᠬᠢᠴᠢᠯᠠᠯᠲᠠ ᠶ᠋ᠢᠨ
ᠴᠡᠴᠡᠭ ᠦ᠋ᠨ ᠴᠣᠮᠣᠷᠯᠢᠬ ᠊ᠢ
ᠲᠥᠷᠥ ᠤᠯᠤᠰ ᠲᠠᠭᠠᠨ
ᠳᠡᠯᠭᠡᠷᠡᠭᠦᠯᠬᠦ ᠶ᠋ᠢᠨ ᠲᠥᠯᠥᠭᠡ
ᠰᠠᠷᠠᠨ ᠢᠨᠢᠶᠡᠮᠰᠦᠭᠯᠡᠵᠦ
ᠣᠲᠣᠳ ᠮᠥᠰᠢᠪᠡᠯᠵᠡᠭᠰᠡᠨ
ᠰᠠᠷᠠᠭᠤᠯ ᠰᠥᠨᠢ ᠶ᠋ᠢᠨ
ᠭᠦᠨ ᠪᠣᠯᠲᠠᠯᠠ
ᠪᠢᠯᠢᠭ᠌ ᠊ᠢ ᠨᠡᠭᠡᠭᠡᠭᠴᠢ
ᠬᠠᠶ᠋ᠢᠷᠠᠲᠤ ᠪᠠᠭᠰᠢ ᠮᠢᠨᠢ
ᠪᠢᠲᠡᠨ ᠪ ᠳᠠᠰᠬᠠᠯ ᠊ᠢ
ᠵᠠᠰᠠᠵᠤ ᠪᠠᠶ᠋ᠢᠨᠠ ᠰᠢᠦ !
ᠬᠣᠶᠠᠷ
ᠰᠤᠵᠠᠭ ᠶ᠋ᠢᠠᠷ ᠠᠯᠢᠶᠠᠯᠠᠬᠤ
ᠲᠤᠩᠭᠠᠯᠠᠭ ᠭᠣᠷᠣᠬᠠ ᠡ
ᠱᠤᠤᠭᠢᠶᠠᠨ ᠳᠡᠪᠵᠢᠶᠡᠨ ᠶ᠋ᠢᠡᠨ
ᠪᠠᠬᠠᠨ ᠨᠠᠮᠲᠠᠠᠭᠤᠯᠤᠭᠠᠴᠢ ᠃
ᠵᠤᠯᠠ ᠲᠠᠢ ᠪᠠᠶ᠋ᠢᠬ᠋ᠠ
ᠭᠡᠷ ᠦ᠋ᠨ ᠴᠣᠩᠬᠣ ᠪᠠᠷ
ᠴᠤᠤᠷᠢᠶᠠ ᠪᠠᠨ ᠬᠦᠷᠭᠡᠵᠦ
ᠪᠢᠲᠡᠭᠡᠢ ᠦᠢᠮᠡᠭᠦᠯᠦᠭᠡᠷᠡᠢ ᠃
ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠪ
ᠣᠷᠭᠢᠯ ᠳ᠋ᠤ᠌ ᠠᠪᠠᠷᠢᠬᠴᠢ
ᠰᠢᠨᠡ ᠦᠶᠡ ᠶ᠋ᠢ
ᠪᠣᠶ᠋ᠢᠵᠢᠭᠤᠯᠬᠤ ᠶ᠋ᠢᠨ ᠲᠥᠯᠥᠭᠡ
ᠳᠠᠷᠠᠭᠠᠴᠢ ᠶ᠋ᠢᠨ ᠵᠠᠭᠤᠨ ᠪ
ᠣᠨᠢᠰᠣ ᠶ᠋ᠢ ᠨᠡᠭᠡᠭᠡᠭᠴᠢ
ᠳᠠᠷᠬᠠᠨ ᠪᠠᠭᠠᠲᠤᠷ ᠊ᠢ
ᠰᠢᠯᠭᠠᠷᠠᠭᠤᠯᠬᠤ ᠶ᠋ᠢᠨ ᠲᠥᠯᠥᠭᠡ
ᠡᠬᠡ ᠣᠷᠣᠨ ᠪ ᠪᠡᠨ
ᠢᠷᠡᠭᠡᠲᠦᠢ ᠶ᠋ᠢᠨ ᠡᠵᠡᠨ ᠊ᠢ
ᠡᠷᠡᠯᠬᠡᠭ ᠮᠡᠷᠭᠡᠨ
ᠪᠣᠯᠭᠠᠬᠤ ᠶ᠋ᠢᠨ ᠲᠥᠯᠥᠭᠡ
ᠦᠨᠡᠨ ᠶᠣᠰᠣᠨ ᠪ
ᠪᠠᠲᠤ ᠲᠤᠯᠭᠠᠭᠤᠷᠢ ᠶ᠋ᠢ
ᠦᠢ ᠲᠦᠮᠡ ᠪᠡᠷ
ᠪᠣᠰᠬᠠᠬᠤ ᠶ᠋ᠢᠨ ᠲᠥᠯᠥᠭᠡ
ᠤᠯᠢᠶᠠᠰᠤ ᠨᠣᠶ᠋ᠢᠷᠮᠣᠭᠯᠠᠵᠤ
ᠠᠭᠤᠯᠠᠰ ᠵᠡᠭᠦᠷᠮᠡᠭᠯᠡᠭᠰᠡᠨ
ᠤᠷᠲᠤ ᠰᠥᠨᠢ ᠶ᠋ᠢᠨ
ᠭᠦᠨ ᠪᠣᠯᠲᠠᠯᠠ
ᠪᠢᠯᠢᠭ᠌ ᠊ᠢ ᠨᠡᠭᠡᠭᠡᠭᠴᠢ
ᠬᠠᠶ᠋ᠢᠷᠠᠲᠤ ᠪᠠᠭᠰᠢ ᠮᠢᠨᠢ
ᠪᠢᠲᠡᠨ ᠪ ᠬᠢᠴᠢᠶᠡᠯ ᠊ᠢ
ᠪᠡᠯᠡᠤᠠᠬᠡᠵᠦ ᠪᠠᠶ᠋ᠢᠨᠠ ᠰᠢᠦ!
ᠢᠷᠡᠯᠲᠡ ᠄
ᠲᠠᠪᠤᠨ ᠵᠢᠯ ᠦᠨ ᠲᠦᠷᠢᠮᠳᠦ ᠪᠠᠭᠠ ᠰᠤᠷᠭᠠᠭᠤᠯᠢ ᠳᠤ ᠦᠵᠡᠬᠦ
ᠬᠡᠯᠡ ᠪᠢᠴᠢᠭ ᠶᠢᠰᠦᠳᠦᠭᠡᠷ ᠲᠡᠪᠳᠡᠷ ※
ᠦᠪᠦᠷ ᠮᠤᠩᠭᠤᠯ ᠤᠨ ᠰᠤᠷᠭᠠᠨ ᠬᠦᠮᠦᠵᠢᠯ ᠦᠨ ᠬᠡᠪᠯᠡᠯ ᠦᠨ ᠬᠤᠷᠢᠶᠠ ᠨᠠᠢᠢᠷᠠᠭᠤᠯᠤᠨ ᠬᠡᠪᠯᠡᠭᠦᠯᠪᠡ
ᠦᠪᠦᠷ ᠮᠤᠩᠭᠤᠯ ᠤᠨ ᠰᠢᠨᠬᠤᠸᠠ ᠨᠤᠮ ᠤᠨ ᠲᠡᠯᠭᠡᠭᠦᠷ ᠲᠠᠷᠬᠠᠭᠠᠪᠠ
ᠦᠪᠦᠷ ᠮᠤᠩᠭᠤᠯ ᠤᠨ ᠮᠤᠩᠭᠤᠯ ᠪᠢᠴᠢᠭ ᠬᠡᠪᠯᠠᠬᠦ ᠦᠢᠯᠡᠳᠪᠦᠷᠢ ᠬᠡᠪᠯᠡᠪᠡ
1981 ᠤᠨ ᠤ 5 ᠰᠠᠷᠠ ᠳᠤ ᠬᠤᠶᠠᠳᠤᠭᠠᠷ ᠬᠡᠪ ᠢ ᠬᠢᠪᠡ
1984 ᠤᠨ ᠤ 4 ᠰᠠᠷᠠ ᠳᠤ ᠲᠦᠷᠪᠡᠳᠦᠭᠡᠷ ᠤᠳᠠᠭᠠ ᠶ᠋ᠢᠨ ᠬᠡᠪᠯᠡᠯ ᠡᠴᠡ ᠰᠣᠩᠭᠣᠪᠠ ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠲᠣ᠋ · ᠨᠠᠨᠲᠢᠨ
ᠬᠢᠨᠠᠭᠴᠢ ᠄ ᠣᠤᠠᠬᠠᠨᠰᠣᠠ
2023.2.25