ᠡᠬᠡ ᠭᠠᠵᠠᠷ ᠤᠨ ᠤᠷᠠᠢ - ᠲ ᠂ ᠭᠣᠮᠪᠣᠵᠠᠪ Эх газрын урай - Т ᠂ Гомбожав
268ᠡᠬᠡ ᠭᠠᠵᠠᠷ ᠤᠨ ᠤᠷᠠᠢ
ᠲ ᠂ ᠭᠣᠮᠪᠣᠵᠠᠪ
ᠡᠯᠡᠰᠦ ᠰᠢᠭᠤᠷᠴᠤ ᠂
ᠡᠵᠡᠭᠦᠢ ᠶ᠋ᠢᠨ ᠰᠠᠯᠬᠢ ᠲᠦᠮᠡᠨ ᠬᠡᠯᠡ ᠪᠡᠷ
ᠡᠲᠦᠷᠵᠢᠨ ᠰᠥᠨᠢᠵᠢᠨ
ᠡᠲᠦᠷ ᠡᠬᠡ ᠭᠠᠵᠠᠷ ᠦ᠋ᠨ ᠮᠢᠨᠢ ᠤᠷᠠᠢ ᠳᠠᠭᠤᠨ ᠊ᠢ ᠤᠩᠰᠢᠨᠠ
ᠡᠨᠡ ᠤᠷᠠᠢ
ᠡᠬᠡ ᠭᠠᠵᠠᠷ ᠦ᠋ᠨ ᠮᠢᠨᠢ ᠵᠢᠷᠦᠬᠡᠨ ᠴᠣᠬᠢᠯᠬ᠋ᠠ
ᠡᠩ ᠦᠭᠡᠢ ᠂ ᠡᠷᠡᠭᠦᠯ ᠨᠣᠭᠣᠭᠠᠨ ᠣᠢ ᠰᠢᠭᠤᠢ ᠶ᠋ᠢᠨ ᠶ᠋ᠢᠡᠨ
ᠡᠨᠲᠡᠯ ᠳ᠋ᠤ᠌ ᠰᠢᠷᠬᠠᠯᠠᠭᠰᠠᠨ ᠶᠣᠣᠯᠠᠯ ᠪᠢᠯᠡ
ᠡᠯᠪᠡᠭ ᠪᠠᠶᠠᠨ
ᠡᠰᠡᠷᠸ᠋ᠠ ᠪᠠᠭᠠᠨᠠᠲᠠᠬᠤ ᠥᠪ ᠬᠥᠷᠥᠩᠭᠡ ᠶ᠋ᠢᠨ ᠶ᠋ᠢᠡᠨ
ᠦᠭᠡᠶ᠋ᠢᠷᠡᠯ ᠳ᠋ᠤ᠌ ᠭᠠᠰᠠᠯᠤᠭᠰᠠᠨ ᠡᠮᠵᠡᠭᠯᠡᠯ ᠪᠢᠯᠡ ᠁
ᠬᠣᠷᠸ᠋ᠠ ᠶ᠋ᠢᠨ ᠬᠣᠯᠠᠴᠢ ᠪᠤᠰᠤ ᠪᠣᠲᠣᠯ
ᠬᠣᠭᠰᠢᠯ ᠪᠠᠶᠠᠨ ᠡᠬᠡ ᠳᠡᠯᠡᠬᠡᠢ ᠪᠡᠨ ᠬᠣᠭᠣᠰᠣᠷᠠᠲᠠᠯᠠ ᠢᠳᠡᠵᠦ
ᠬᠣᠨᠣᠭ ᠦ᠋ᠨ ᠵᠡᠭᠦᠲᠦ ᠴᠢᠤᠠᠬᠤᠯᠠᠩᠬᠠᠨ ᠠᠷᠭᠠᠲᠠᠬᠤ
ᠬᠣᠣᠰ ᠦᠭᠡᠢ ᠰᠠᠶ᠋ᠢᠬᠠᠨ ᠣᠢ ᠲᠠᠶ᠋ᠢᠬ᠋ᠠ ᠪᠠᠨ ᠰᠢᠩᠭᠡᠷᠡᠲᠡᠯᠡ ᠴᠠᠪᠴᠢᠵᠠᠢ ᠁
ᠤᠨᠠᠭᠠᠭᠲᠠᠭᠰᠠᠨ ᠮᠣᠲᠣᠳ
ᠤᠭ ᠶ᠋ᠢᠠᠷ ᠶ᠋ᠢᠠᠨ ᠪᠤᠯᠭᠠᠷᠠᠬᠤ ᠵᠠᠯᠠᠭᠤ ᠰᠢᠲᠦ ᠰᠢᠬ
ᠠᠭᠤᠯᠠ ᠬᠥᠲᠡᠭᠡ ᠶ᠋ᠢᠨ ᠮᠢᠨᠢ ᠪᠣᠶ᠋ᠢᠯᠠ ᠶ᠋ᠢᠨ ᠳᠡᠭᠡᠷᠡ ᠡᠴᠡ ᠤᠨᠠᠵᠤ
ᠤᠯᠠᠩᠭᠠᠰᠴᠤ ᠢᠷᠡᠬᠦ ᠨᠢᠴᠦᠭᠦᠷᠡᠯ ᠬᠠᠯᠴᠠᠭᠠᠢᠷᠠᠯ
ᠦᠶᠡᠷ ᠰᠢᠭ᠌ ᠲᠡᠷᠡ ᠤᠩᠭᠤᠷᠬᠠᠢ ᠪᠠᠷ ᠴᠢᠤᠠᠬᠤᠯᠠᠨᠠ ᠪᠢᠯᠡ
ᠨᠠᠪᠴᠢ ᠶ᠋ᠢᠨ ᠰᠢᠭᠦᠷ ᠠᠯᠠᠬ᠋ᠠ ᠪᠣᠯᠵᠤ ᠂ ᠨᠠᠷᠠ
ᠭᠠᠵᠠᠷ ᠦ᠋ᠨ ᠬᠠᠴᠠᠷ ᠊ᠢ ᠬᠠᠷᠠᠯᠠᠲᠠᠯᠠ ᠰᠢᠷᠠᠨᠠ
ᠨᠠᠮᠠᠭᠠᠨ ᠵᠣᠭᠰᠣᠴᠠ ᠭᠠᠵᠠᠷ ᠤᠨᠠᠵᠤ
ᠨᠠᠤᠠᠬᠤᠨ ᠣᠤᠠᠬᠤ ᠰᠢᠪᠠᠭᠤᠳ ᠦ᠋ᠨ ᠳᠠᠭᠤᠨ ᠡᠯᠦᠢᠷᠡᠯ ᠣᠷᠬᠢᠵᠤ ᠬᠣᠯᠠᠲᠠᠨᠠ
ᠨᠠᠰᠤ ᠪᠠᠷ ᠶ᠋ᠢᠠᠨ ᠠᠩ ᠬᠢᠭᠰᠡᠨ ᠬᠥᠮᠦᠰ
ᠤᠶ᠋ᠢᠤᠠᠬᠠᠷ ᠶ᠋ᠢᠠᠨ ᠠᠷᠭᠠᠳᠠᠬᠤ ᠦᠭᠡ ᠣᠯᠬᠤ ᠦᠭᠡᠢ
ᠠᠭᠤᠯᠠ ᠪᠠᠨ ᠬᠠᠷᠠᠨ ᠬᠠᠩᠭᠢᠨᠠᠲᠠᠯᠠ ᠰᠢᠭᠦᠷᠡᠰᠦᠯᠡᠨᠠ ᠡ ᠁
ᠡᠬᠡ ᠭᠠᠵᠠᠷ ᠮᠢᠨᠢ᠂ ᠲᠡᠭᠡᠬᠦ ᠳ᠋ᠤ᠌
ᠡᠨᠡ ᠶᠡᠬᠡ ᠰᠠᠶ᠋ᠢᠬᠠᠨ ᠡᠮᠵᠡᠭᠯᠡᠯ ᠶ᠋ᠢᠡᠷ
ᠡᠳᠦᠷᠵᠢᠨ ᠰᠦᠨᠢᠵᠢᠨ ᠶᠤᠤᠯᠠᠵᠤ
ᠡᠯᠡᠰᠦ ᠬᠥᠲᠥᠯᠬᠦ ᠂ ᠡᠵᠡᠭᠦᠢ ᠶ᠋ᠢᠨ ᠰᠠᠯᠬᠢᠨ ᠪ ᠲᠦᠮᠡᠨ ᠬᠡᠯᠡ ᠪᠡᠷ
ᠡᠷᠡᠮᠡᠯᠵᠡᠯ ᠵᠠᠷᠯᠠᠯ ᠶ᠋ᠢᠠᠨ ᠲᠤᠩᠬᠠᠭᠯᠠᠵᠤ ᠪᠠᠶ᠋ᠢᠨᠠ ᠡ ᠄
— ᠬᠥᠮᠦᠰ ᠡ
ᠬᠥᠯ ᠲᠠᠯᠪᠢᠬᠤ ᠭᠠᠵᠠᠷ ᠶ᠋ᠢᠠᠨ ᠪᠣᠲᠣᠬᠤ ᠶᠤᠮ ᠰᠢᠦ ᠂ ᠲᠠ
ᠬᠥᠢᠰᠥ ᠲᠡᠮᠲᠡᠷᠢᠬᠦ ᠲᠡᠷᠡ
ᠬᠢᠷᠦᠭᠡ ᠰᠦᠬᠡ ᠣᠭᠣᠯᠢ ᠪᠠᠨ ᠣᠷᠬᠢᠨ
ᠬᠥᠬᠡᠷᠡᠬᠦ ᠰᠠᠶ᠋ᠢᠬᠠᠨ ᠣᠢ ᠮᠣᠲᠣ ᠪᠠᠨ
ᠬᠦᠰᠡᠯ ᠦ᠋ᠨ ᠰᠠᠶ᠋ᠢᠬᠠᠨ ᠵᠡᠭᠦᠲᠦ ᠲᠡᠢ ᠪᠡᠨ ᠬᠠᠮᠲᠤ
ᠬᠥᠷᠥᠰᠥᠨ ᠳ᠋ᠤ᠌ ᠮᠢᠨᠢ ᠰᠠᠭᠤᠯᠭᠠᠭᠠᠷᠠᠢ
ᠬᠥᠷᠥᠰᠥᠨ ᠳ᠋ᠤ᠌ ᠮᠢᠨᠢ ᠳᠠᠭᠠᠳᠬᠠᠭᠠᠷᠠᠢ ᠡ ᠁
ᠦᠭᠡᠢ ᠪᠣᠯ
ᠦᠨᠡᠰᠦᠨ ᠴᠠᠶ᠋ᠢᠪᠤᠷ ᠵᠠᠶᠠᠬ᠋ᠠ ᠴᠢᠮᠠᠶ᠋ᠢ ᠤᠭᠲᠤᠬᠤ ᠪᠣᠯᠤᠨᠠ ᠡ !
ᠵᠠᠯᠠᠭᠤ ᠰᠢᠯᠦᠭᠴᠢᠳ ᠦᠨ ᠴᠣᠪᠣᠷᠠᠯ ᠪᠢᠴᠢᠭ᠌
< ᠢᠷᠡᠬᠦ ᠵᠠᠭᠤᠨ ᠤ ᠬᠣᠩᠬᠣᠨ ᠳᠠᠭᠤᠨ > ᠡᠴᠡ ᠬᠠᠭᠤᠯᠪᠠ᠃
ᠲᠩᠷᠢ ᠡᠵᠢ ᠠᠮᠢᠯᠠᠭᠤᠯᠤᠨ ᠬᠠᠭᠤᠯᠪᠠ
ᠬᠢᠨᠠᠭ᠍ᠴᠢ : ᠳᠠᠪᠰᠢᠯᠲᠦ
2023᠂ 4᠂ 29 ᠪ ᠡᠲᠦᠷ