ᠢᠰᠢᠳᠠᠨᠽᠠᠨᠸᠠᠩᠵᠢᠯ ᠤ᠋ᠨ ᠢᠷᠡᠭᠡᠳᠦᠢ ᠳ᠋ᠦ᠍ ᠨᠡᠢᠲᠡᠯᠡᠬᠦ ᠰᠢᠯᠦᠭ-2-03 ишданзанваанжлийн ирээдүйд нийтлэх шүлэг-Хоёрдугаар бөлөг
238ᠢᠰᠢᠳᠠᠨᠽᠠᠨᠸᠠᠩᠵᠢᠯ ᠤ᠋ᠨ ᠢᠷᠡᠭᠡᠳᠦᠢ ᠳ᠋ᠦ᠍ ᠨᠡᠢᠲᠡᠯᠡᠬᠦ ᠰᠢᠯᠦᠭ-2-03
ᠭᠤᠷᠪᠠ
ᠬᠥᠪᠴᠢᠨ ᠪᠡᠶᠡ ᠶ᠋ᠢᠨ ᠡᠭᠦᠰᠦᠯ ᠊ᠢ ᠶᠠᠭᠤᠨ ᠠ᠋ᠴᠠ ᠣᠯᠤᠭᠰᠠᠨ ᠂
ᠬᠥᠮᠦᠵᠢᠯ ᠦ᠋ᠨ ᠪᠦᠷᠢᠳᠬᠡᠯ ᠊ᠢ ᠶᠠᠮᠪᠠᠷ ᠬᠥᠮᠦᠨ ᠱᠠᠩᠨᠠᠭᠰᠠᠨ ᠂
ᠬᠦᠨᠳᠦᠯᠡᠬᠦ ᠠᠴᠢᠯᠠᠬᠤ ᠶᠣᠰᠣ ᠤᠴᠢᠷ ᠠᠯᠢᠨ ᠊ᠢ ᠂
ᠬᠦᠯᠢᠴᠡᠵᠦ ᠲᠠᠬᠢᠮᠳᠠᠵᠤ ᠭᠦᠢᠴᠡᠳᠬᠡᠪᠡᠰᠦ ᠵᠣᠬᠢᠰᠲᠠᠢ ᠃
ᠬᠢᠴᠢᠶᠡᠵᠦ ᠠᠷᠪᠠᠨ ᠰᠠᠷᠠ ᠬᠡᠪᠡᠯᠢᠨ ᠳ᠋ᠦ᠍ᠷ ᠡᠭᠦᠷᠴᠦ ᠂
ᠬᠡᠯᠬᠢᠶᠡ ᠶᠠᠰᠤ ᠴᠤᠴᠠᠷᠠᠬᠤ ᠵᠣᠪᠠᠯᠠᠩ ᠢ᠋ᠶ᠋ᠠᠷ ᠮᠠᠨᠳᠤᠯᠠᠨ ᠂
ᠬᠬᠢᠷ ᠦᠭᠡᠢ ᠰᠦᠨ ᠢ᠋ᠶ᠋ᠡᠨ ᠬᠥᠬᠥᠭᠦᠯᠵᠦ ᠬᠠᠶ᠋ᠢᠷᠠᠯᠠᠬᠴᠢ ᠂
ᠬᠡᠵᠢᠶᠡᠳᠡ ᠡᠨᠡᠷᠢᠭᠴᠢ ᠡᠵᠢ ᠶ᠋ᠢᠨ ᠠᠴᠢ ᠪᠤᠰᠤ ᠤᠤ ?
ᠬᠥᠭᠡᠷᠦᠬᠦᠶ᠋ᠢᠯᠡᠨ ᠮᠥᠷᠥᠭᠡᠳᠴᠦ ᠦᠷᠡ ᠭᠡᠮᠡᠨ ᠵᠢᠳᠬᠦᠵᠦ ᠂
ᠬᠦᠴᠦᠨ ᠠᠷᠭᠠ ᠳᠠᠭᠤᠰᠬᠠᠵᠤ ᠠᠰᠠᠷᠠᠯ ᠊ᠢ ᠪᠦᠷᠢᠳᠬᠡᠨ ᠂
ᠬᠦᠨᠳᠦ ᠵᠢᠷᠤᠮ ᠡᠭᠦᠰᠬᠡᠵᠦ ᠴᠢᠳᠠᠯ ᠥᠪ ᠊ᠢ ᠣᠯᠭᠣᠵᠤ ᠂
ᠬᠥᠮᠦᠨ ᠵᠡᠷᠭᠡ ᠳ᠋ᠦ᠍ ᠬᠦᠷᠦᠭᠦᠯᠦᠭᠰᠡᠨ ᠠᠪᠤ ᠶ᠋ᠢᠨ ᠠᠴᠢ ᠪᠤᠰᠤ ᠤᠤ ?
ᠠᠪᠤ ᠡᠵᠢ ᠲᠥᠷᠥᠭᠦᠯᠦᠨ ᠦᠰᠬᠡᠭᠰᠡᠨ ᠦ᠌ ᠠᠴᠢ ᠶ᠋ᠢ ᠂
ᠠᠳᠠᠯᠢᠳᠬᠠᠨ ᠰᠠᠨᠠᠪᠠᠰᠤ ᠲᠡᠭᠷᠢ ᠳ᠋ᠦ᠍ᠷ ᠠᠳᠠᠯᠢ ᠂
ᠠᠭᠤᠤ ᠶᠡᠬᠡ ᠲᠤᠰᠠᠯᠠᠩ ᠤ᠋ᠨ ᠲᠦᠮᠡᠨ ᠬᠤᠪᠢ ᠠᠴᠢ ᠶ᠋ᠢ ᠂
ᠠᠴᠢᠯᠠᠵᠤ ᠬᠠᠷᠢᠭᠤᠯᠬᠤ ᠮᠠᠰᠢ ᠪᠡᠷᠬᠡ ᠪᠥᠯᠥᠭᠡ ᠃
ᠡᠩᠬᠡ ᠴᠠᠭ ᠲᠤᠷ ᠡᠯᠳᠡᠪ ᠢ᠋ᠶ᠋ᠡᠷ ᠪᠠᠶᠠᠰᠬᠠᠵᠤ ᠬᠦᠨᠳᠦᠯᠡᠨ ᠂
ᠡᠮᠦᠰᠬᠦ ᠪᠠ ᠢᠳᠡᠬᠦ ᠶ᠋ᠢ ᠲᠠᠭᠠᠯᠠᠯ ᠢ᠋ᠶ᠋ᠠᠷ ᠪᠣᠯᠭᠠᠭᠲᠤᠨ ᠂
ᠡᠪᠡᠳᠪᠡᠰᠦ ᠳᠠᠷᠤᠢ ᠲᠦᠷᠭᠡᠨ ᠡᠮ ᠭᠦᠷᠢᠮ ᠰᠢᠲᠦᠵᠦ ᠂
ᠡᠳᠡᠭᠡᠷᠡᠵᠦ ᠠᠮᠤᠷᠯᠢᠩᠭᠤᠢ ᠶ᠋ᠢ ᠡᠷᠡᠮᠵᠢᠯᠡᠬᠦ ᠬᠡᠷᠡᠭᠲᠡᠢ ᠃
ᠥᠲᠡᠯᠪᠡᠰᠦ ᠲᠥᠯᠥᠭᠡᠯᠡᠨ ᠵᠦᠳᠡᠭᠦᠷᠢ ᠳᠠᠭᠠᠵᠤ ᠂
ᠦᠷᠭᠦᠯᠵᠢᠳᠡ ᠰᠠᠯᠤᠯ ᠦᠭᠡᠢ ᠰᠤᠪᠢᠯᠠᠬᠤ ᠬᠡᠷᠡᠭᠲᠡᠢ ᠂
ᠦᠩᠭᠡᠷᠡᠭᠰᠡᠨ ᠳᠠᠷᠠᠭᠠ ᠪᠠᠷ ᠪᠤᠶᠠᠨ ᠨᠣᠮ ᠊ᠢ ᠦᠢᠯᠡᠳᠴᠦ ᠂
ᠥᠷᠥᠰᠢᠶᠡᠯᠲᠦ ᠬᠥᠪᠡᠭᠦᠨ ᠦ᠌ ᠶᠣᠰᠣᠯᠠᠯ ᠊ᠢ ᠭᠦᠢᠴᠡᠳᠭᠡ ᠃
ᠤᠭᠰᠠᠭᠠ ᠶ᠋ᠢᠨ ᠳᠠᠩᠰᠠ ᠬᠢᠭᠡᠳ ᠳᠠᠶ᠋ᠢᠯᠭᠠ ᠶ᠋ᠢᠨ ᠰᠦᠮᠡ ᠪᠠᠶ᠋ᠢᠭᠤᠯᠵᠤ ᠂
ᠤᠷᠢᠳᠤᠬᠢ ᠶ᠋ᠢ ᠨᠠᠮᠠᠨᠴᠢᠯᠠᠨ ᠬᠤᠶ᠋ᠢᠴᠢ ᠶ᠋ᠢᠨ ᠦᠨᠳᠦᠰᠦ ᠵᠠᠯᠭᠠᠮᠤᠢ ᠂
ᠤᠷᠤᠰᠬᠠᠯ ᠪᠠ ᠤᠷᠭᠤᠮᠠᠯ ᠤ᠋ᠨ ᠰᠠᠯᠠᠭᠠ ᠰᠠᠯᠪᠤᠷᠢ ᠂
ᠦᠵᠡᠯ ᠰᠣᠨᠣᠷ ᠬᠤᠶ᠋ᠢᠲᠤᠬᠢ ᠶ᠋ᠢ ᠬᠤᠷᠢᠶᠠᠮᠤᠢ ᠬᠡᠮᠡᠮᠦᠢ ᠃
ᠨᠠᠭᠠᠴᠤ ᠪᠠ ᠠᠪᠠᠭᠠ ᠨᠠᠷ ᠠᠴᠢ ᠤᠷᠤᠭ ᠲᠥᠷᠥᠯ ᠦ᠋ᠳ ᠂
ᠨᠠᠪᠴᠢ ᠮᠥᠴᠢᠷ ᠬᠣᠯᠠ ᠣᠶ᠋ᠢᠷᠠ ᠶ᠋ᠢᠨ ᠰᠡᠶ᠋ᠢᠷᠡᠭ᠋ ᠨᠢᠭᠲᠠ ᠲᠥᠯᠥᠪ ᠊ᠢ ᠂
ᠨᠠᠰᠤ ᠦᠶᠡ ᠶ᠋ᠢᠨ ᠰᠠᠳᠤᠨ ᠠᠶ᠋ᠢᠮᠠᠭ ᠨᠢᠭᠡᠨ ᠬᠠᠮᠲᠤ ᠨᠡᠶ᠋ᠢᠯᠡᠯ ᠊ᠢ ᠂
ᠨᠠᠶ᠋ᠢᠷᠲᠠᠢ ᠰᠠᠢᠬᠠᠨ ᠠᠮᠢᠰᠬᠤᠯ ᠳ᠋ᠤᠷ ᠢᠨᠠᠭᠯᠠᠬᠤ ᠬᠡᠷᠡᠭᠲᠡᠢ᠃
ᠬᠥᠮᠦᠵᠢᠭᠦᠯᠦᠨ ᠪᠦᠲᠦᠭᠡᠭᠴᠢ ᠭᠡᠷᠦᠨ ᠰᠤᠷᠭᠠᠯ ᠨᠡᠭᠡᠭᠡᠵᠦ ᠂
ᠬᠥᠪᠡᠭᠦᠨ ᠪᠠ ᠳᠡᠭᠦᠦᠨᠠᠷ ᠊ᠢ ᠬᠥᠭᠵᠢᠭᠦᠯᠦᠨ ᠰᠤᠷᠭᠠᠯᠲᠠᠢ ᠂
ᠬᠥᠳᠡᠭᠡ ᠳ᠋ᠦ᠍ᠷ ᠵᠢᠷᠤᠮ ᠪᠠᠲᠤ ᠲᠠᠷᠢᠶᠠᠨ ᠊ᠢ ᠦᠢᠯᠡᠳᠴᠦ ᠂
ᠬᠦᠴᠦᠨ ᠦᠯᠦ ᠴᠢᠳᠠᠭᠴᠢᠳ ᠊ᠢ ᠲᠤᠰᠠᠯᠠᠬᠤ ᠬᠡᠷᠡᠭᠲᠡᠢ ᠃
ᠡᠷᠲᠡ ᠴᠠᠭ ᠤ᠋ᠨ ᠢᠷᠦᠭᠡᠯ ᠢ᠋ᠶ᠋ᠡᠷ ᠨᠢᠭᠡᠨ ᠭᠡᠷ ᠲᠦ᠍ᠷ ᠡᠭᠦᠤᠠᠲᠤᠨ ᠂
ᠡᠨᠡ ᠨᠢᠭᠡᠨ ᠶᠢᠷᠲᠢᠨᠴᠦ ᠳ᠋ᠦ᠍ᠷ ᠠᠬᠠ ᠳᠡᠭᠦᠦ ᠪᠣᠯᠵᠤᠬᠤᠢ ᠂
ᠡᠪᠦᠭᠡᠳ ᠦ᠋ᠨ ᠬᠥᠷᠥᠩᠭᠡ ᠪᠡᠨ ᠬᠠᠪᠰᠤᠷᠤᠯᠴᠠᠨ ᠰᠠᠬᠢᠵᠤ ᠂
ᠡᠭᠦᠳᠡᠨ ᠪᠠ ᠡᠷᠦᠬᠡ ᠪᠡᠨ ᠭᠡᠶ᠋ᠢᠭᠦᠯᠪᠡᠰᠦ ᠵᠣᠬᠢᠰᠲᠠᠢ ᠃
ᠠᠬᠠ ᠳᠡᠭᠦᠦ ᠬᠣᠭᠣᠷᠣᠨᠳᠣ ᠪᠠᠨ ᠡᠶᠡ ᠨᠠᠶ᠋ᠢᠷ ᠲᠠᠢ ᠪᠣᠯᠪᠠᠰᠤ ᠂
ᠠᠯᠢᠪᠠ ᠬᠡᠷᠡᠭ ᠦᠢᠯᠡᠰ ᠠᠶᠠᠨᠳᠠᠭᠠᠨ ᠪᠦᠲᠦᠮᠦᠢ ᠂
ᠠᠲᠠᠭᠠᠷᠬᠠᠨ ᠲᠡᠮᠡᠴᠡᠵᠦ ᠡᠪᠳᠡᠷᠡᠬᠦ ᠬᠣᠷᠣᠰᠬᠤ ᠪᠣᠯᠪᠠᠰᠤ ᠂
ᠠᠩᠭᠢᠵᠢᠷᠠᠨ ᠰᠠᠯᠤᠯᠴᠠᠬᠤ ᠶ᠋ᠢᠨ ᠰᠢᠯᠲᠠᠭᠠᠨ ᠳ᠋ᠤ᠌ ᠬᠥᠷᠥᠮᠦᠢ ᠃
ᠠᠪᠤ ᠡᠵᠢ ᠶ᠋ᠢᠨ ᠦᠯᠡᠳᠡᠭᠡᠭᠰᠡᠨ ᠪᠦᠷᠢᠨ ᠬᠠᠮᠲᠤ ᠬᠡᠰᠢᠭ ᠊ᠢ ᠂
ᠠᠩᠭᠢ ᠪᠦᠯᠦᠭ ᠰᠠᠷᠨᠢᠭᠤᠯᠤᠨ ᠬᠤᠪᠢᠶᠠᠬᠤ ᠪᠣᠯᠪᠠᠰᠤ ᠂
ᠠᠶ᠋ᠢᠯ ᠤ᠋ᠨ ᠲᠣᠭᠠ ᠣᠯᠠᠰᠢᠷᠠᠨ ᠠᠯᠪᠠ ᠥᠷᠢ ᠳᠠᠪᠬᠤᠴᠠᠨ ᠂
ᠠᠷᠭᠠ ᠬᠦᠴᠦᠨ ᠮᠤᠬᠤᠷᠳᠠᠵᠤ ᠠᠶ᠋ᠢᠯ ᠤ᠋ᠨ ᠪᠣᠭᠣᠯ ᠪᠣᠯᠤᠮᠤᠢ ᠃
ᠡᠷᠲᠡ ᠡᠴᠡ ᠠᠬᠠ ᠳᠡᠭᠦᠦ ᠪᠤᠰᠠᠨᠢᠬᠤ ᠳᠣᠲᠣᠷᠠ ᠂
ᠡᠷᠬᠡ ᠦᠭᠡᠢ ᠡᠮᠡ ᠬᠥᠮᠦᠨ ᠵᠠᠪᠰᠠᠷᠯᠠᠭᠴᠢ ᠣᠯᠠᠨ ᠪᠣᠢ ᠂
ᠡᠷᠡ ᠡᠮᠡ ᠢᠨᠠᠭ ᠨᠠᠶ᠋ᠢᠷᠲᠠᠢ ᠬᠠᠯᠠᠭᠤᠮᠰᠤᠭ ᠪᠣᠯᠪᠠᠴᠤ᠂
ᠡᠷᠬᠡᠯᠡᠬᠦ ᠦᠭᠡᠨ ᠳᠣᠲᠣᠷᠠ ᠬᠣᠣᠷ ᠪᠠᠶ᠋ᠢᠬᠤ ᠶ᠋ᠢ ᠪᠣᠯᠭᠣᠭᠠᠭᠲᠤᠨ ᠃
ᠠᠪᠤᠭᠰᠠᠨ ᠡᠮᠡ ᠮᠠᠭᠤ ᠪᠣᠯᠪᠠᠯ ᠪᠠᠰᠠ ᠠᠪᠴᠤ ᠪᠣᠯᠤᠮᠤᠢ ᠂
ᠠᠳᠠᠯᠢᠳᠬᠠᠨ ᠪᠣᠳᠣᠬᠤᠯᠠ ᠬᠤᠪᠴᠠᠰᠤᠨ ᠳ᠋ᠤᠷ ᠠᠳᠠᠯᠢ ᠂
ᠠᠬᠠ ᠳᠡᠭᠦᠦ ᠮᠠᠭᠤ ᠭᠡᠮᠡᠨ ᠳᠠᠬᠢᠨ ᠦᠯᠦ ᠣᠯᠳᠠᠮᠤᠢ ᠂
ᠠᠩᠬᠠᠷᠤᠯᠳᠤᠨ ᠬᠢᠨᠠᠬᠤᠯᠠ ᠨᠢᠭᠡᠨ ᠪᠡᠶᠡ ᠮᠡᠲᠦ ᠯᠡ ᠃
ᠥᠰᠬᠦᠢ ᠡᠴᠡ ᠥᠲᠡᠯᠲᠡᠯᠡ ᠭᠠᠷ ᠬᠥᠯ ᠊ᠢ ᠵᠠᠯᠭᠠᠵᠤ ᠂
ᠦᠷᠭᠦᠯᠵᠢᠳᠡ ᠵᠢᠷᠭᠠᠯ ᠵᠣᠪᠠᠯ ᠊ᠢ ᠨᠡᠶ᠋ᠢᠯᠡᠭᠦᠯᠦᠨ ᠰᠠᠭᠤᠨ ᠂
ᠦᠶᠡ ᠬᠢᠭᠡᠳ ᠭᠡᠰᠢᠭᠦᠨ ᠊ᠢ ᠪᠦᠷᠢᠳᠬᠡᠬᠦ ᠪᠣᠯᠪᠠᠰᠤ ᠂
ᠥᠪᠡᠷᠡ ᠪᠤᠰᠤᠳ ᠰᠠᠶ᠋ᠢᠰᠢᠶᠠᠵᠤ ᠳᠦᠷᠢᠮ ᠰᠤᠷᠲᠠᠯ ᠪᠣᠯᠭᠠᠮᠤᠢ ᠃
ᠡᠷᠲᠡ ᠴᠠᠭ ᠤ᠋ᠨ ᠬᠠᠮᠲᠤᠳᠬᠠᠯ ᠢ᠋ᠶ᠋ᠠᠷ ᠬᠣᠣᠰ ᠪᠦᠷᠢᠨ ᠪᠣᠯᠤᠭᠠᠳ ᠂
ᠡᠶᠡ ᠵᠢᠷᠤᠮ ᠊ᠢ ᠨᠡᠶ᠋ᠢᠯᠡᠯᠳᠦᠬᠦ ᠶᠣᠰᠣ ᠡᠯᠡ ᠪᠠᠶ᠋ᠢᠲᠠᠯᠡ ᠂
ᠡᠷᠡ ᠬᠣᠪᠳᠣᠭ ᠡᠮᠡ ᠱᠠᠯᠢᠭ ᠰᠠᠮᠠᠭᠤᠷᠠᠨ ᠶᠠᠪᠤᠭᠴᠢ ᠂
ᠡᠨᠡ ᠬᠠᠷᠢᠨ ᠵᠠᠶᠠᠭᠠ ᠪᠠᠨ ᠬᠣᠮᠰᠠᠳᠬᠠᠬᠤ ᠪᠢᠰᠢ ᠦᠦ ?
ᠲᠦᠮᠡᠨ ᠡᠷᠬᠡᠲᠦ ᠬᠠᠳ ᠤ᠋ᠨ ᠪᠣᠱᠣᠭ ᠴᠤ᠌ ᠡᠮᠡ ᠡᠴᠡ ᠬᠡᠯᠡᠮᠦᠢ ᠂
ᠲᠥᠷᠥ ᠲᠥᠷᠥ ᠶ᠋ᠢᠨ ᠰᠠᠮᠠᠭᠤᠷᠠᠯ ᠡᠭᠦᠨᠴᠡ ᠡᠭᠦᠰᠮᠦᠢ ᠂
ᠲᠥᠷᠥᠯ ᠤᠷᠤᠭ ᠨᠥᠬᠥᠷ ᠨᠠᠶ᠋ᠢᠷᠠᠯ ᠡᠭᠦᠨᠴᠡ ᠬᠣᠷᠣᠰᠤᠮᠤᠢ ᠂
ᠲᠤᠶ᠋ᠢᠯ ᠤ᠋ᠨ ᠡᠷᠬᠢᠮ ᠬᠡᠷᠡᠭ ᠦᠢᠯᠡᠰ ᠡᠭᠦᠨᠴᠡ ᠡᠪᠳᠡᠮᠦᠢ ᠃
ᠬᠣᠣ ᠯᠤᠤ ᠭᠤᠸᠠᠨ ᠳ᠋ᠤᠷ ᠴᠤᠭᠯᠠᠷᠠᠭᠰᠠᠨ ᠠᠷᠪᠠᠨ ᠨᠠᠢ᠍ᠮᠠᠨ ᠮᠣᠵᠢ ᠶ᠋ᠢᠨ ᠰᠠᠶ᠋ᠢᠳ ᠂
ᠬᠤᠷᠴᠠ ᠰᠦᠷᠲᠦ ᠵᠠᠩᠵᠤᠨ ᠪᠠᠭᠠᠲᠤᠷ ᠵᠠᠭᠤᠨ ᠲᠦᠮᠡᠨ ᠴᠡᠷᠢᠭ ᠲᠡᠢ ᠂
ᠬᠣᠣᠷᠲᠤ ᠳ᠋ᠦ᠋ᠩ ᠵᠦᠸᠧ ᠯᠢᠦᠢ ᠪᠦ ᠨᠠᠷ ᠊ᠢ ᠪᠠᠶ᠋ᠢᠯᠲᠤᠨ ᠡᠰᠡ ᠴᠢᠳᠠᠭᠠᠳ ᠂
ᠭᠤᠲᠤᠮᠰᠢᠭᠲᠤ ᠳ᠋ᠢᠶᠣᠣ ᠴᠡᠨ ᠡᠮᠡ ᠰᠥᠨᠥᠭᠡᠮᠦᠢ ᠬᠡᠮᠡᠮᠦᠢ ᠃
ᠮᠡᠬᠡᠯᠡᠭᠳᠡᠨ ᠭᠡᠨᠡᠳᠡᠬᠦ ᠥᠩᠭᠡ ᠵᠢᠰᠦ ᠬᠡᠮᠡᠭᠴᠢ ᠂
ᠮᠡᠳᠡᠭᠰᠡᠭᠡᠷ ᠮᠡᠰᠡᠨ ᠡᠴᠡ ᠮᠠᠰᠢ ᠬᠤᠷᠴᠠ ᠠᠲᠠᠯᠠ ᠂
ᠮᠢᠩᠭᠠᠨ ᠬᠥᠮᠦᠨ ᠮᠤᠩᠬᠠᠷᠠᠵᠤ ᠲᠦᠮᠡᠨ ᠬᠥᠮᠦᠨ ᠲᠥᠭᠡᠷᠢᠨ ᠂
ᠮᠡᠷᠭᠡᠨ ᠬᠥᠮᠦᠨ ᠬᠥᠰᠡᠷᠳᠡᠵᠦ ᠮᠠᠲᠠᠯ ᠢ᠋ᠶ᠋ᠠᠨ ᠠᠯᠳᠠᠮᠤᠢ ᠃
ᠬᠣᠣᠷᠲᠤ ᠲᠠᠴᠢᠶᠠᠯ ᠢ᠋ᠶ᠋ᠠᠷ ᠪᠡᠶᠡ ᠶ᠋ᠢᠨ ᠲᠠᠮᠢᠷ ᠠᠯᠳᠠᠷᠠᠨ ᠂
ᠬᠣᠪᠣᠷᠳᠠᠬᠤ ᠬᠦᠰᠡᠯᠡᠩ ᠦ᠋ᠨ ᠮᠣᠷᠢᠨ ᠠᠨᠤ ᠲᠡᠪᠬᠡᠷᠡᠨ ᠂
ᠬᠤᠷᠴᠠ ᠣᠨᠣᠯ ᠪᠠᠯᠠᠷᠠᠬᠤ ᠭᠤᠲᠤᠮᠰᠢᠭ ᠊ᠢ ᠰᠢᠨᠤᠵᠤ ᠂
ᠬᠤᠷᠢᠴᠠᠯ ᠤ᠋ᠨ ᠬᠣᠪᠳᠣᠭ ᠰᠢᠨᠤᠯ ᠶᠠᠭᠤᠨ ᠲᠡᠶ᠋ᠢᠮᠦ ᠬᠡᠴᠡᠭᠦᠦ ᠃
ᠬᠣᠯᠪᠣᠭᠠ ᠪᠠᠷ ᠡᠳᠦᠷ ᠴᠠᠭ ᠊ᠢ ᠰᠠᠭᠠᠳ ᠬᠢᠬᠦ ᠨᠢᠭᠡᠨ ᠵᠦᠢᠯ ᠂
ᠬᠣᠬᠢᠷᠠᠯ ᠢ᠋ᠶ᠋ᠠᠷ ᠨᠡᠷᠡ ᠠᠰᠢᠭ ᠪᠠᠭᠤᠷᠠᠬᠤ ᠬᠣᠶᠠᠷ ᠵᠦᠢᠯ ᠂
ᠬᠣᠷᠣᠮᠬᠠᠨ ᠢ᠋ᠶ᠋ᠠᠷ ᠡᠷᠬᠡ ᠮᠠᠲᠠᠯ ᠬᠤᠪᠢᠶᠠᠬᠤ ᠭᠤᠷᠪᠠᠨ ᠵᠦᠢᠯ ᠂
ᠬᠤᠷᠢᠴᠠᠯ ᠢ᠋ᠶ᠋ᠠᠷ ᠰᠦᠷ ᠰᠢᠮᠡ ᠰᠤᠯᠠᠷᠠᠬᠤ ᠳᠥᠷᠪᠡᠨ ᠵᠦᠢᠯ ᠃
ᠨᠡᠩ ᠡᠨᠡ ᠴᠠᠭ ᠤ᠋ᠨ ᠭᠤᠲᠤᠮᠰᠢᠭᠲᠤ ᠪᠠᠭᠠᠴᠤᠳ ᠂
ᠨᠢᠭᠤᠪᠠᠰᠤ ᠵᠣᠬᠢᠬᠤ ᠶ᠋ᠢ ᠨᠢᠭᠡᠮᠦᠰᠦᠨ ᠦᠬᠦᠯᠲᠡ ᠂
ᠨᠢᠭᠤᠷ ᠪᠠᠷᠠᠨ ᠴᠤᠤᠭᠢᠬᠤ ᠪᠠ ᠡᠰᠡᠬᠦᠯᠡ ᠬᠥᠪᠰᠥᠯᠵᠡᠨ ᠂
ᠨᠢᠭᠲᠠ ᠡᠨᠡᠷᠢᠯ ᠡᠪᠳᠡᠷᠡᠵᠦ ᠶᠠᠭᠤᠨ ᠲᠤᠯᠠ ᠬᠡᠮᠡᠮᠦᠢ ᠃
ᠡᠨᠲᠡᠭᠲᠡᠯ ᠦ᠋ᠨ ᠱᠥᠯᠥ ᠤᠰᠤ ᠪᠤᠯᠭᠢᠯᠠᠬᠤ ᠪᠣᠯᠪᠠᠰᠤ ᠂
ᠢᠴᠢᠭᠦᠷᠢᠲᠡᠢ ᠡᠮᠢᠶᠡᠯᠲᠡᠢ ᠶᠠᠪᠤᠪᠠᠰᠤ ᠵᠣᠬᠢᠮᠤᠢ ᠂
ᠡᠭᠡᠨᠡᠭᠲᠡ ᠪᠠᠷᠳᠠᠮ ᠪᠣᠯᠭᠠᠨ ᠭᠠᠶ᠋ᠢᠬᠠᠭᠤᠯᠬᠤ ᠪᠣᠯᠪᠠᠰᠤ ᠂
ᠡᠷᠬᠢᠮ ᠰᠠᠢᠬᠠᠨ ᠬᠥᠮᠦᠨ ᠭᠡᠮᠡᠨ ᠬᠠᠮᠢᠭᠠ ᠳ᠋ᠤᠷ ᠲᠠᠯᠪᠢᠮᠤᠢ ᠃
ᠴᠢᠩᠳᠠ ᠪᠠᠲᠤ ᠡᠷᠡ ᠡᠮᠡ ᠶ᠋ᠢᠨ ᠵᠢᠷᠭᠠᠯᠠᠩ ᠊ᠢ ᠴᠢᠮᠠᠯᠠᠨ ᠂
ᠴᠢᠨᠠᠷ ᠰᠤᠯᠠ ᠴᠡᠪᠡᠷ ᠦᠭᠡᠢ ᠬᠣᠭᠣᠰᠣᠨ ᠥᠩᠭᠡ ᠬᠥᠭᠡᠭᠡᠵᠦ ᠂
ᠴᠢᠷᠦᠯᠲᠡᠬᠦ ᠵᠣᠪᠠᠯᠠᠩ ᠊ᠢ ᠡᠷᠡᠮᠨᠢᠵᠤ ᠶᠠᠪᠤᠭᠴᠢ ᠂
ᠴᠢᠨᠳᠠᠮᠤᠨᠢ ᠶ᠋ᠢᠨ ᠪᠡᠶᠡ ᠶᠦ᠍ᠭᠡᠨ ᠬᠦᠩᠭᠡᠯᠡᠭᠰᠡᠨ ᠪᠢᠰᠢ ᠤᠤ ?
ᠠᠮᠠ ᠮᠡᠳᠡᠨ ᠴᠠᠯᠴᠢᠭᠰᠠᠭᠠᠷ ᠬᠡᠲᠦᠷᠡᠬᠦ ᠪᠤᠯᠪᠠᠯᠡ ᠂
ᠠᠯᠮᠠᠢ ᠪᠠᠭᠠ ᠶ᠋ᠢᠨ ᠶᠠᠪᠤᠳᠠᠯ ᠪᠤᠰᠤ ᠭᠡᠵᠦ ᠪᠣᠯᠬᠤ ᠤᠤ ︖
ᠠᠳᠠᠭ ᠮᠢᠨᠦ ᠦᠨᠡᠨ ᠦᠭᠡ ᠬᠣᠣᠷᠯᠠᠯ ᠶᠠᠭᠤᠨ ᠠᠵᠢᠶᠠᠮᠤ ᠂
ᠠᠭᠤᠤ ᠣᠯᠠᠨ ᠨᠥᠬᠥᠳ ᠲᠠᠨ ᠢ᠋ᠶ᠋ᠠᠷ ᠳᠣᠮᠣᠭ ᠪᠣᠯᠭᠠᠨ ᠦᠵᠡ ᠳ᠋ᠣᠣᠡ ᠃
ᠠᠮᠢᠯᠠᠭᠤᠯᠤᠭᠰᠠᠨ ᠨᠢ ᠄ ᠦᠯᠵᠡᠶ᠋ᠢᠪᠠᠭᠠᠲᠤᠷ
ᠬᠢᠨᠠᠭᠰᠠᠨ ᠨᠢ ᠄ ᠤᠤᠠᠬᠠᠨᠰᠤᠡ