ᠠᠮᠢᠳᠤ ᠬᠠᠳᠠᠨ ᠤ ᠱᠤᠤᠭᠢᠶᠠ - ᠲ ᠂ ᠭᠣᠮᠪᠣᠵᠠᠪ Амьд хадны шуугья - Т ᠂ Гомбожав
284ᠠᠮᠢᠳᠤ ᠬᠠᠳᠠᠨ ᠤ ᠱᠤᠤᠭᠢᠶᠠ
ᠲ ᠂ ᠭᠣᠮᠪᠣᠵᠠᠪ
( ᠡᠴᠢᠭᠡ ᠲᠩᠷᠢ ᠮᠢᠨᠢ ᠠ᠋
ᠡᠮᠲᠡᠷᠡᠳᠡᠭ ᠦᠭᠡᠢ ᠠᠮᠢᠲᠤ ᠬᠠᠲᠠ ᠴᠢᠨᠦᠬᠢ ᠪᠡᠨ
ᠡᠨᠡ ᠵᠠᠭᠤᠨ ᠪ ᠱᠤᠤᠭᠢᠶᠠ ᠪᠢ ᠪᠢᠯᠡ )
1
ᠪᠢ ᠬᠠᠷᠠ ᠳᠤᠷᠠᠳᠬᠠᠯ ᠊ᠢ
ᠬᠥᠯ ᠶ᠋ᠢᠡᠷ ᠶ᠋ᠢᠡᠨ ᠭᠢᠰᠬᠢᠵᠦ ᠵᠣᠭᠰᠣᠭᠰᠠᠨ
ᠥᠴᠥᠭᠡᠲᠦᠷ ᠦ᠋ᠨ ᠠᠮᠢᠲᠤ ᠪᠤᠯᠠᠰᠢ ᠪᠢ ᠪᠠᠶ᠋ᠢᠨᠠᠮ
ᠬᠥᠬᠡᠷᠡᠬᠦ ᠵᠠᠯᠠᠭᠤ ᠬᠣᠷᠸ᠋ᠠ ᠶ᠋ᠢ
ᠬᠦᠰᠡᠯ ᠶ᠋ᠢᠡᠷ ᠶ᠋ᠢᠡᠨ ᠡᠷᠭᠦᠵᠦ ᠬᠠᠩᠭᠢᠨᠠᠭᠰᠠᠨ
ᠥᠨᠥᠲᠥᠷ ᠦ᠋ᠨ ᠰᠡᠷᠡᠭᠦᠨ ᠬᠥᠰᠢᠶᠡ ᠪᠢ ᠪᠠᠶ᠋ᠢᠨᠠᠮ
ᠴᠠᠭᠠᠨ ᠪᠤᠭᠤᠷᠤᠯ ᠮᠠᠯᠠᠭᠠᠢ ᠲᠠᠢ
ᠴᠠᠭ ᠦ᠋ᠨ ᠪᠣᠰᠤᠬ᠋ᠠ ᠱᠤᠭᠤᠮᠠᠯ
ᠪᠤᠮᠠᠨ ᠠᠭᠲᠠ ᠶ᠋ᠢᠨ ᠲᠦᠪᠦᠷᠭᠡᠨ ᠲᠡᠢ
ᠪᠣᠲᠣᠯ ᠦ᠋ᠨ ᠰᠢᠷᠦᠭᠦᠨ ᠤᠷᠤᠰᠬᠠᠯ ᠂ ᠪᠢ
ᠪᠥᠮᠪᠥᠷᠴᠡᠭ ᠦ᠋ᠨ ᠶ᠋ᠢᠡᠨ ᠨᠣᠭᠣᠭᠠᠨ ᠮᠠᠩᠨᠠᠢ ᠳᠡᠭᠡᠷᠡ
ᠨᠠᠷᠠ ᠵᠡᠭᠦᠲᠦᠯᠡᠵᠦ ᠵᠣᠭᠰᠣᠨᠠ
ᠪᠢᠯᠢᠭ᠌ ᠮᠢᠨᠢ
ᠢᠷᠡᠭᠡ ᠦᠭᠡᠢ ᠭᠡᠷᠡᠯ ᠳ᠋ᠤ᠌ ᠨᠢ ᠢᠨᠢᠶᠡᠬᠦ ᠶ᠋ᠢᠨ ᠵᠢᠷᠭᠠᠯ ᠳ᠋ᠤ᠌ ᠬᠥᠭᠵᠢᠨ ᠪᠢᠲᠡᠭᠦᠦ ᠬᠠᠷᠠ ᠭᠡᠵᠢᠭᠡ ᠶ᠋ᠢᠨ ᠶ᠋ᠢᠡᠨ ᠵᠠᠭᠠᠲᠠᠰᠤ ᠶ᠋ᠢ ᠬᠠᠭᠠᠯᠵᠤ ᠡᠬᠢᠯᠡᠨᠡ ᠁
2
ᠲᠣᠬ᠋ᠠ ᠦᠭᠡᠢ ᠣᠯᠠᠨ ᠠᠴᠢᠶᠠ ᠲᠠᠢ
ᠲᠡᠮᠡᠭᠡᠳ ᠦ᠋ᠨ ᠤᠷᠲᠤ ᠴᠤᠪᠤᠬ᠋ᠠ
ᠮᠢᠨᠦ ᠥᠷᠲᠡᠭᠡ ᠪᠡᠷ ᠥᠩᠭᠡᠷᠡᠵᠦ ᠪᠠᠶ᠋ᠢᠨᠠ
ᠲᠣᠭᠲᠠᠭᠰᠠᠨ ᠨᠢᠭᠡ ᠬᠥᠬᠡ ᠴᠢᠯᠠᠭᠤᠨ ᠳᠡᠭᠡᠷᠡ
ᠲᠣᠭᠲᠠᠨ ᠶᠠᠲᠠᠨ ᠵᠣᠭᠰᠣᠵᠤ ᠂ ᠪᠢ
ᠲᠣᠬ᠋ᠠ ᠦᠭᠡᠢ ᠣᠯᠠᠨ ᠬᠠᠶ᠋ᠢᠷᠠ ᠪᠠᠨ ᠥᠲᠡᠯᠠ
ᠲᠣᠬ᠋ᠠ ᠦᠭᠡᠢ ᠣᠯᠠᠨ ᠬᠣᠷᠣᠰᠤᠯ ᠶ᠋ᠢᠠᠨ ᠥᠲᠡᠯᠠ ᠡ
ᠲᠡᠭᠡᠬᠦ ᠳ᠋ᠤ᠌᠂
ᠲᠣᠯᠣᠭᠠᠢ ᠮᠢᠨᠢ ᠬᠠᠩᠭᠠᠢ ᠪᠣᠯᠵᠤ
ᠳᠣᠲᠣᠷᠠ ᠨᠢ ᠬᠡᠲᠦᠨ ᠵᠠᠭᠤᠨ ᠵᠢᠯ ᠬᠣᠨᠢᠳ ᠰᠢᠭ᠋ ᠪᠡᠯᠴᠢᠨᠡ
ᠲᠤᠪ ᠲᠤᠩᠭᠠᠯᠠᠭ
ᠭᠡᠪᠡᠴᠦ ᠂ ᠪᠠᠷᠢᠬᠲᠠᠲᠠᠭ ᠦᠭᠡᠢ ᠲᠩᠷᠢ ᠶ᠋ᠢᠨ
ᠭᠡᠷᠡᠯ ᠨᠢ ᠬᠣᠯᠠᠲᠠᠭᠰᠠᠨ ᠡᠪᠦᠭᠡᠨ ᠨᠠᠷᠠ ᠲᠣᠩ ᠪᠠᠯᠠᠷᠬᠠᠢ ᠬᠠᠷᠠᠭᠲᠠᠨᠠ
ᠲᠣᠭᠣᠷᠢᠨ ᠳ᠋ᠠᠭᠠᠨ ᠬᠠᠨᠢ ᠦᠭᠡᠢ
ᠲᠣᠮᠣ ᠲᠣᠮᠣ ᠠᠭᠤᠯᠠᠰ ᠦ᠋ᠨ
ᠲᠣᠩᠭᠣᠷᠤᠤ ᠲᠤᠰᠤᠭᠰᠠᠨ ᠰᠡᠭᠦᠲᠡᠷ ᠲᠣᠩᠭᠣᠰ ᠲᠣᠩᠭᠣᠰ ᠬᠣᠯᠠᠲᠠᠬᠤ ᠬᠠᠷᠠᠭᠲᠠᠨᠠ
ᠮᠥᠨ ᠴᠤ ᠪᠠᠰᠠ ᠮᠠᠰᠢ ᠣᠯᠠᠨ ᠮᠠᠰᠢ ᠣᠯᠠᠨ
ᠮᠥᠷᠥᠭᠡᠲᠦᠯ ᠳᠠᠷᠤᠬᠤ ᠦᠯᠢᠭᠡᠷ ᠦ᠋ᠳ ᠦ᠋ᠨ
ᠮᠥᠷ ᠬᠡᠶ᠋ᠢᠰᠬᠦ ᠬᠠᠷᠠᠭᠲᠠᠨᠠ ᠡ
ᠡᠬᠡ ᠣᠷᠣᠨ ᠮᠢᠨᠢ ᠠ᠋
ᠥᠨᠥᠴᠢᠷᠡᠯ ᠰᠠᠬᠢᠵᠤ ᠂ ᠪᠢ
ᠥᠴᠥᠭᠡᠲᠦᠷ ᠰᠦᠨᠢ ᠤᠨᠲᠠᠭᠰᠠᠨ ᠦᠭᠡᠢ ᠡ
3
ᠡᠨᠡ ᠰᠥᠨᠢ ᠶ᠋ᠢᠨ ᠰᠠᠷᠠᠨ ᠳ᠋ᠤ᠌ ᠬᠡᠭᠡᠷᠡ ᠬᠡᠪᠲᠡᠬᠦ ᠪᠢᠯᠡ
ᠡᠯᠡᠰᠦ ᠪᠡᠨ ᠳᠡᠷᠡᠯᠡᠨ ᠲᠠᠯᠠ ᠪᠠᠨ ᠬᠠᠷᠠᠵᠤ
ᠡᠬᠡ ᠭᠠᠵᠠᠷ ᠦ᠋ᠨ ᠲᠡᠨᠢᠭᠦᠬᠡᠨ ᠠᠮᠢᠰᠬᠤᠬ᠋ᠠ —
ᠡᠵᠡᠭᠦᠢ ᠶ᠋ᠢᠨ ᠠᠯᠢᠶᠠ ᠰᠠᠯᠬᠢᠨ ᠠ᠋ᠴᠠ ᠪᠠᠨ ᠳᠤᠷᠠᠳᠬᠠᠯ ᠴᠢᠩᠨᠠᠨ ᠤᠨᠲᠠᠬᠤ ᠶᠤᠮ ᠪᠢᠯᠡ ᠡ ᠁
ᠲᠡᠪ ᠲᠡᠷᠭᠡᠯᠬᠡᠨ ᠬᠦᠰᠡᠯ
ᠲᠩᠷᠢ ᠳᠡᠭᠡᠷᠡ ᠡᠴᠡ ᠮᠢᠨᠦ ᠳᠡᠭᠡᠷᠡ ᠳᠠᠷᠤᠨᠠ
ᠲᠡᠭᠦᠨ ᠊ᠢ ᠠᠪᠤᠨᠠ ᠭᠡᠵᠦ ᠰᠥᠨᠢ ᠲᠤᠵᠢ
ᠠᠪᠤ ᠪᠠᠨ ᠭᠠᠰᠠᠯᠭᠠᠨ ᠤᠬᠢᠯᠠᠵᠤ ᠬᠣᠨᠣᠭᠰᠠᠨ
ᠨᠢᠯᠪᠤᠰᠤ ᠮᠢᠨᠢ ᠬᠠᠮᠢᠬ᠋ᠠ ᠰᠢᠩᠭᠡᠯᠡ ?
ᠦᠯᠦ ᠣᠷᠣᠭᠤᠯᠳᠠᠭ ᠨᠢᠭᠡ ᠡᠭᠦᠲᠡ ᠶ᠋ᠢ
ᠡᠲᠦᠷ ᠦ᠋ᠨ ᠬᠡᠲᠦ ᠮᠥᠷᠭᠥᠳᠡᠭ ᠪᠠᠶ᠋ᠢᠬᠰᠠᠨ ᠪᠤᠷᠵᠢᠭᠢᠷ ᠰᠢᠷᠠ ᠲᠣᠯᠣᠭᠠᠢ ᠮᠢᠨᠢ ᠳ᠋ᠠ
ᠦᠵᠡᠭᠰᠡᠨ ᠡᠴᠡ ᠪᠡᠨ ᠢᠯᠡᠭᠦᠦ
ᠦᠵᠡᠭᠡᠳᠦᠢ ᠶ᠋ᠢ ᠰᠠᠨᠠᠵᠤ
ᠡᠪᠦᠷ ᠳᠦᠭᠦᠷᠡᠩ ᠵᠡᠭᠦᠲᠦ ᠲᠡᠢ ᠶᠠᠪᠤᠭᠰᠠᠨ
ᠪᠠᠬ᠋ᠠ ᠶ᠋ᠢᠨ ᠰᠠᠶ᠋ᠢᠬᠠᠨ ᠨᠠᠰᠤ ᠮᠢᠨᠢ ᠳ᠋ᠠ
ᠮᠢᠨᠦ ᠲᠡᠷᠡ
ᠬᠠᠶ᠋ᠢᠷᠠᠯᠠᠬᠤ ᠲᠤᠲᠤᠮ ᠡᠯᠡᠭᠳᠡᠳᠡᠭ
ᠬᠠᠩᠭᠠᠢ ᠶ᠋ᠢᠨ ᠰᠡᠢᠷᠡᠭ ᠰᠢᠭᠤᠢ
ᠬᠠᠷᠠᠮᠨᠠᠬᠤ ᠲᠤᠲᠤᠮ ᠴᠦᠯᠡᠭᠳᠡᠳᠡᠭ
ᠬᠠᠲᠠᠨ ᠪ ᠥᠨᠥᠴᠢᠨ ᠪᠦᠷᠭᠦᠳ ᠁
ᠮᠢᠨᠦ ᠲᠡᠷᠡ
ᠤᠷᠭᠤᠭᠤᠯᠲᠠᠭ ᠦᠭᠡᠢ ᠰᠢᠷᠣᠢ ᠳ᠋ᠤ᠌ ᠪᠤᠯᠠᠭᠰᠠᠨ
ᠤᠷᠠᠨ ᠰᠠᠨᠠᠭᠠᠨ ᠪ ᠦᠷᠡ
ᠤᠷᠤᠰᠲᠠᠭ ᠦᠭᠡᠢ ᠮᠥᠷᠡᠨ ᠳ᠋ᠤ᠌ ᠬᠠᠶᠠᠭᠰᠠᠨ
ᠤᠬᠠᠭᠠᠨ ᠪᠣᠲᠣᠯ ᠦ᠋ᠨ ᠣᠩᠭᠣᠴᠠ ᠁
ᠣᠲᠣ ᠬᠠᠮᠢᠬ᠋ᠠ ᠪᠠᠶ᠋ᠢᠨᠠ ?
ᠬᠠᠮᠢᠬ᠋ᠠ ᠪᠠᠶ᠋ᠢᠨᠠ ᠡ ?
ᠬᠠᠷᠠᠬᠤ ᠬᠣᠶᠠᠷ ᠨᠢᠲᠦᠨ ᠡᠴᠡ ᠪᠡᠨ
ᠬᠠᠲᠤᠨ ᠭᠣᠣᠯ ᠦ᠋ᠨ ᠡᠬᠢ ᠶ᠋ᠢ ᠪᠢ ᠡᠷᠢᠵᠦ ᠣᠯᠤᠨᠠ ᠡ !
4
ᠤᠯᠠᠨ ᠪᠠᠷᠲᠠᠭᠠ ᠲᠠᠢ ᠣᠬᠣᠷᠬᠠᠨ ᠨᠢᠭᠡ ᠵᠥᠷᠢᠭ ᠳᠡᠭᠡᠷᠡ
ᠣᠩᠭᠣᠨ ᠵᠠᠯᠠᠭᠤ ᠨᠠᠰᠤ ᠶ᠋ᠢ ᠪᠡᠨ ᠣᠷᠬᠢᠵᠤ ᠬᠠᠶᠠᠯᠠ ᠪᠢ
ᠣᠯᠤᠭᠰᠠᠨ ᠠ᠋ᠴᠠ ᠪᠠᠨ ᠢᠯᠡᠭᠦᠦ ᠠᠯᠳᠠᠭᠰᠠᠨ ᠤ ᠪᠠᠨ ᠬᠤᠨᠢᠭ ᠢ
ᠠᠭᠤᠯᠠ ᠠ᠋ᠴᠠ ᠬᠦᠨᠳᠦ ᠮᠥᠷ ᠦᠨ ᠢᠶ᠋ᠠᠨ ᠳᠣᠣᠷᠠ ᠳᠠᠷᠤᠵᠤ ᠲᠠᠯᠪᠢᠯᠠ ᠪᠢ
ᠭᠠᠩᠭᠠᠷ ᠭᠣᠩᠭᠣᠷ ᠨᠠᠮᠤᠷ ᠤᠨ ᠳᠠᠭᠤᠨ ᠳ᠋ᠤ᠌
ᠬᠠᠶᠠ ᠤᠷᠤᠰᠤᠨ
ᠬᠠᠶᠠ ᠬᠠᠲᠠᠳᠠᠭ ᠰᠡᠳᠬᠢᠯ ᠢᠶ᠋ᠠᠨ ᠪᠢ
ᠭᠠᠭᠴᠠᠬᠠᠨ ᠦᠰᠦᠭ ᠦᠨ ᠵᠠᠶᠠᠭᠠᠨ ᠳᠡᠭᠡᠷᠡ ᠰᠢᠬᠥᠳᠡᠷᠢ ᠪᠤᠯᠭᠠᠵᠤ ᠪᠥᠮᠪᠦᠭᠡᠨᠡᠭᠦᠯᠦᠯᠡ
ᠣᠩᠬᠢ ᠴᠣᠩᠬᠢ ᠪᠡᠷᠬᠡ ᠶ᠋ᠢᠨ ᠪᠠᠯᠠᠷ ᠲᠤ
ᠬᠠᠶᠠ ᠤᠯᠠᠭᠠᠨ
ᠬᠠᠶᠠ ᠬᠦᠷᠡᠩ ᠦᠯᠢᠭᠡᠷ ᠢᠶ᠋ᠡᠨ ᠪᠢ
ᠤᠯᠠᠨ ᠬᠥᠮᠦᠨ ᠦ ᠵᠠᠮ ᠳᠡᠭᠡᠷᠡ ᠥᠷᠲᠡᠭᠡ ᠪᠤᠯᠭᠠᠵᠤ ᠪᠤᠰᠬᠠᠯᠠ
ᠲᠡᠭᠡᠭᠡᠳ — ᠦᠪᠡᠷ ᠲᠠᠢ ᠪᠠᠨ ᠪᠢ
ᠲᠢᠪ ᠠᠯᠤᠰᠯᠠᠵᠤ ᠰᠠᠯᠤᠯᠠ
ᠲᠡᠭ ᠵᠢᠵᠢᠭᠷᠡᠭᠦᠯᠵᠦ ᠣᠶ᠋ᠢᠷᠠᠲᠤᠯᠠ ᠡ ᠁
5
ᠥᠷᠯᠥᠭᠡ
ᠥᠷ ᠤᠨ ᠲᠤᠶᠠᠭᠠ ᠂ ᠨᠠᠷᠠ
ᠥᠩᠭᠡ ᠪᠣᠳᠣᠭ ᠲᠤ ᠴᠢᠯᠥᠭᠡᠯᠡᠯᠲᠡ ᠬᠦᠷᠭᠡᠵᠦ ᠢᠷᠡᠵᠡᠢ
ᠥᠴᠥᠭᠡᠳᠦᠷ ᠰᠥᠨᠢ ᠤᠨᠲᠠᠭᠠ ᠦᠭᠡᠢ
ᠥᠯᠥᠰᠭᠦᠯᠡᠩ ᠨᠢᠭᠡ ᠰᠡᠳᠭᠢᠯ
ᠥᠷᠥᠭᠡ ᠳᠦᠭᠦᠷᠬᠦ ᠭᠡᠷᠡᠯ ᠤᠨ ᠠᠮᠲᠠ ᠪᠠᠷ ᠴᠠᠳᠴᠤ
ᠦᠭᠡᠳᠡ ᠪᠤᠰᠬᠤ ᠢᠯᠴᠢ ᠶ᠋ᠢᠨ ᠲᠠᠭᠤᠨ ᠢᠶ᠋ᠠᠷ ᠲᠡᠩᠬᠡᠬᠡᠵᠢᠨ
ᠥᠨᠳᠥᠷ ᠲᠦ ᠨᠠᠮᠢᠷᠠᠬᠤ ᠲᠤᠭ ᠤᠨ ᠳᠣᠣᠷᠠ
ᠦᠪᠡᠷ ᠤᠨ ᠨᠡᠷᠡ ᠪᠡᠨ ᠬᠠᠲᠠᠵᠤ ᠪᠠᠶ᠋ᠢᠨᠠ ᠡ
ᠳᠣᠲᠣᠨᠠ ᠭᠠᠳᠠᠨᠠ ᠳᠣᠭᠳᠣᠯᠤᠯ ᠦᠶᠡᠷᠯᠡᠨᠡ
ᠤᠷᠠᠭᠳᠠᠭᠰᠠᠨ ᠬᠠᠶ᠋ᠢᠷᠠ ᠪᠦᠲᠦᠨ ᠬᠡᠪ ᠲᠡᠭᠡᠨ ᠪᠤᠴᠠᠵᠤ
ᠤᠲᠤᠭᠠ ᠪᠤᠯᠵᠤ ᠨᠠᠭᠠᠳᠤᠭᠰᠠᠨ ᠳᠠᠷᠠᠰᠤᠨ ᠤ ᠰᠢᠷᠠ ᠨᠠᠮᠠᠭᠠᠳ
ᠳᠣᠲᠣᠷᠠ ᠪᠠᠨ ᠨᠢᠭᠡ ᠶ᠋ᠢ ᠪᠣᠳᠣᠵᠤ
ᠪᠡᠶᠡ ᠶ᠋ᠢᠨ ᠬᠦᠨᠳᠦ ᠪᠡᠨ ᠳᠠᠬᠢᠨ ᠬᠡᠮᠵᠢᠨᠡ
ᠳᠠᠭᠤᠤ ᠨᠢ ᠴᠢᠯᠥᠭᠡᠯᠡᠭᠳᠡᠭᠰᠡᠨ ᠠᠭᠤᠯᠠᠨ ᠤ ᠰᠢᠪᠠᠭᠤ
ᠳᠣᠷᠣᠨᠠ ᠲᠡᠭᠷᠢ ᠴᠢᠭᠯᠡᠵᠦ
ᠳᠤᠭᠤᠶ᠋ᠢᠬᠠᠨ ᠨᠡᠷᠡᠭᠰᠡᠨ ᠤᠶᠠᠩᠭᠠ ᠪᠠᠷ ᠢᠶ᠋ᠠᠨ
ᠣᠢ ᠂ ᠠᠭᠠᠷ ᠬᠥᠭᠵᠢᠮᠳᠡᠵᠦ ᠡᠬᠢᠯᠡᠨᠡ ᠁
ᠡᠨᠡ ᠬᠤᠷᠤᠠ ᠶ᠋ᠢᠨ ᠠᠯᠢᠪᠠ ᠪᠦᠬᠦᠨ
ᠡᠬᠡ ᠶ᠋ᠢᠨ ᠢᠶ᠋ᠠᠨ ᠬᠡᠪᠡᠯᠢ ᠪᠠᠷ ᠳᠠᠬᠢᠨ ᠥᠩᠭᠡᠷᠡᠵᠦ ᠪᠠᠶ᠋ᠢᠨᠠ !
ᠪᠢ
ᠬᠤᠯᠠ ᠶ᠋ᠢᠨ ᠬᠣᠯᠠ ᠲᠠᠶ᠋ᠢᠰᠢ
ᠬᠣᠶᠠᠷ ᠭᠠᠷ ᠢᠶ᠋ᠠᠨ ᠰᠠᠷᠪᠠᠶ᠋ᠢᠯᠠ
6
ᠲᠡᠭᠷᠢ ᠶ᠋ᠢᠨ ᠵᠡᠭᠦᠨ ᠬᠠᠶᠠᠭᠠ
ᠦᠷᠡᠭᠳᠡᠭᠰᠡᠳ ᠤᠨ ᠮᠢᠨᠢ ᠲᠣᠮᠣ ᠤᠯᠠᠭᠠᠨ ᠬᠥᠰᠢᠶᠡ
ᠲᠡᠭᠦᠨ ᠢ ᠳᠥᠰᠢᠭᠡᠳ ᠂ ᠮᠢᠨᠦ ᠪᠣᠳᠣᠯ ᠠᠭᠤᠯᠠ ᠡᠷᠭᠦᠨ ᠪᠣᠰᠴᠤ ᠪᠠᠶ᠋ᠢᠨᠠ
ᠨᠢᠳᠦ ᠂ ᠲᠡᠭᠷᠢ
ᠨᠢᠭᠡ ᠨᠢᠭᠡᠨ ᠦ ᠪᠠᠨ ᠪᠡᠶᠡ ᠳᠡᠭᠡᠷᠡᠬᠢ ᠰᠢᠷᠬᠠ ᠶ᠋ᠢ ᠬᠠᠯᠠᠮᠵᠢᠲᠠᠶ᠋ᠢᠬᠠᠨ ᠡᠮᠨᠡᠵᠤ ᠡᠬᠢᠯᠡᠪᠡ
ᠨᠢᠭᠡ ᠰᠥᠨᠢ ᠶ᠋ᠢᠨ ᠴᠢᠰᠤ ᠨᠢᠯᠪᠤᠰᠤ
ᠨᠢᠭᠡ ᠰᠥᠨᠢ ᠶ᠋ᠢᠨ ᠵᠡᠭᠦᠳᠦ
ᠨᠡᠩ ᠶᠡᠬᠡ ᠭᠣᠷᠢᠳᠠᠯ ᠤᠨ ᠮᠢᠨᠢ ᠬᠣᠶᠠᠷ ᠨᠢᠳᠤᠷᠭᠠ ᠶ᠋ᠢ ᠵᠠᠩᠭᠢᠳᠤᠭᠤᠯᠤᠯᠠ !
ᠥᠨᠳᠥᠷ ᠳᠡᠭᠡᠷᠡ
ᠥᠯᠥᠭᠡᠢ ᠲᠡᠢ ᠰᠠᠷᠠ ᠪᠠᠨ ᠪᠦᠪᠡᠶ᠋ᠢᠯᠡᠨ ᠪᠦᠪᠡᠶ᠋ᠢᠯᠡᠨ
ᠥᠨᠥᠴᠢᠨ ᠪᠦᠷᠭᠦᠳ ᠨᠢᠰᠴᠦ ᠪᠠᠶ᠋ᠢᠨᠠ ᠡ
7
ᠡᠷᠢᠯ ᠪᠠ ᠲᠥᠭᠡᠷᠢᠯ
ᠡᠨᠡ ᠳᠡᠯᠭᠡᠭᠦᠷ ᠲᠦ᠍ ᠨᠢᠭᠡᠯᠡ ᠠᠳᠠᠯᠢ ᠦᠨᠡ ᠲᠡᠢ
ᠡᠷᠢᠯ ᠨᠢ
ᠴᠦᠯ ᠦᠨ ᠪᠠᠯᠠᠷ ᠲᠤ᠌ ᠮᠥᠩᠬᠡᠷᠡᠬᠦ ᠨᠣᠶ᠋ᠢᠷ ᠪᠠᠶ᠋ᠢᠵᠤ ᠮᠡᠳᠡᠨᠡ
ᠲᠥᠭᠡᠷᠢᠯ ᠨᠢ
ᠴᠡᠴᠡᠭ ᠦᠨ ᠳᠠᠪᠠᠭᠠᠨ ᠳ᠋ᠤ᠌ ᠭᠢᠯᠠᠰᠬᠤ ᠲᠠᠶᠠᠭ ᠴᠦ᠍ ᠪᠠᠶ᠋ᠢᠵᠤ ᠮᠡᠳᠡᠨᠡ
ᠡᠨᠡ ᠬᠣᠶᠠᠷ ᠢ ᠲᠦᠰᠢᠵᠦ᠂ ᠪᠢ
ᠡᠬᠡ ᠣᠷᠣᠨ ᠤ ᠪᠠᠨ ᠰᠠᠶ᠋ᠢᠬᠠᠨ ᠬᠦᠰᠡᠯ ᠢ
ᠡᠪᠦᠯᠵᠢᠶᠡ ᠡᠴᠡ ᠬᠠᠪᠤᠷᠵᠢᠶᠠ ᠤᠷᠤᠭᠤ ᠨᠡᠭᠦᠯᠭᠡᠵᠦ ᠶᠠᠪᠤᠨᠠ ᠡ !
8
ᠠᠭᠤᠯᠠ ᠂ ᠤᠯᠠᠮ ᠤᠯᠠᠮ ᠪᠠᠭᠠᠰᠤᠭᠰᠠᠭᠠᠷ ᠲᠣᠪᠤ ᠪᠣᠯᠴᠢᠯᠠ
ᠣᠩᠭᠣᠨ ᠪᠤᠭᠤᠷᠤᠯ ᠳᠠᠯᠠᠢ
ᠣᠯᠣᠮ ᠦ᠋ᠨ ᠶ᠋ᠢᠠᠨ ᠵᠠᠬᠠ ᠠ᠋ᠴᠠ ᠳᠠᠲᠠᠷᠠᠭᠰᠠᠭᠠᠷ ᠱᠠᠯᠪᠠᠭ ᠪᠣᠯᠴᠢᠯᠠ
ᠣᠢ ᠮᠣᠲᠣ ᠨᠠᠷᠢᠰᠤᠨ ᠨᠠᠷᠢᠰᠤᠭᠰᠠᠭᠠᠷ
ᠣᠷᠣᠢ ᠳ᠋ᠠᠭᠠᠨ ᠨᠢᠭᠡᠯᠡ ᠨᠠᠪᠴᠢ ᠲᠠᠢ ᠬᠠᠪᠤᠷ ᠪᠣᠯᠴᠢᠯᠠ
ᠪᠠᠯᠠᠷ ᠡᠷᠲᠡᠨ ᠪ ᠳᠣᠮᠣᠭ ᠦ᠋ᠨ ᠬᠣᠷᠸ᠋ᠠ ᠳ᠋ᠤ᠌
ᠪᠢ ᠣᠷᠣᠬ᠋ᠠ ᠦᠭᠡᠢ ᠂ ᠬᠠᠷᠢᠨ
ᠪᠢᠲᠡᠨ ᠊ᠢ ᠠᠴᠢᠵᠤ ᠵᠠᠭᠤ ᠳᠠᠯᠠᠨ ᠲᠦᠮᠡᠨ ᠵᠢᠯ ᠡᠷᠭᠢᠯᠳᠦᠭᠰᠡᠨ ᠪᠥᠮᠪᠥᠷᠴᠡᠭ ᠦ᠋ᠨ ᠮᠢᠨᠢ
ᠪᠠᠶ᠋ᠢᠲᠠᠭ ᠪᠦᠬᠦᠨ ᠨᠢ
ᠡᠨᠡ ᠡᠲᠦᠷ ᠡᠴᠡ ᠡᠬᠢᠯᠡᠵᠦ ᠪᠠᠶ᠋ᠢᠬᠤ ᠶ᠋ᠢ ᠣᠯᠵᠤ ᠦᠵᠡᠯᠡ ᠪᠢ !
9
ᠣᠨᠢᠰᠣ ᠶ᠋ᠢ ᠨᠢ ᠨᠡᠭᠡᠭᠡᠭᠰᠡᠨ ᠡᠭᠦᠲᠡ ᠪᠡᠷ ᠮᠢᠨᠢ
ᠣᠯᠠᠨ ᠵᠣᠴᠢᠨ ᠢᠷᠡᠨᠡ
ᠣᠲᠣᠳ ᠢᠷᠡᠨᠡ
ᠣᠷᠣᠨ ᠪ ᠲᠡᠷᠲᠡᠭᠡ ᠵᠠᠬᠠ ᠠ᠋ᠴᠠ
ᠠᠭᠤᠯᠠᠰ ᠬᠡᠶ᠋ᠢᠰᠦᠨ ᠢᠷᠡᠨᠡ
ᠤᠯᠠᠮ ᠬᠣᠯᠠ ᠂ ᠠᠯᠤᠰ ᠲᠢᠪ ᠦ᠋ᠨ ᠬᠢᠵᠠᠭᠠᠷ ᠠ᠋ᠴᠠ
ᠣᠷᠣᠨ ᠴᠠᠭ ᠲᠡᠯᠡᠷᠡᠵᠦ ᠢᠷᠡᠨᠡ
ᠣᠯᠣᠮ ᠦᠭᠡᠢ ᠶᠡᠬᠡ ᠳᠠᠯᠠᠢ
ᠣᠭᠲᠠᠷᠭᠤᠢ ᠂ ᠨᠠᠲᠠ ᠤᠷᠤᠭᠤ ᠤᠷᠤᠰᠴᠤ ᠢᠷᠡᠨᠡ
᠁ ᠁
ᠣᠣ — ᠣᠣ !
ᠣᠷᠴᠢᠯᠠᠩ ᠭᠡᠵᠦ ᠤᠤᠯ ᠨᠢ
ᠣᠢ ᠤᠬᠠᠭᠠᠨ ᠮᠢᠨᠢ ᠬᠠᠷᠪᠤᠵᠤ ᠬᠦᠷᠳᠡᠭ ᠦᠭᠡᠢ ᠣᠷᠣᠨ ᠵᠠᠢ ᠪᠠᠶ᠋ᠢᠵᠢ ᠳ᠋ᠠ !
10
ᠬᠣᠩᠭᠣᠷᠬᠠᠨ ᠬᠣᠶᠠᠷ ᠬᠠᠷᠠᠬ᠋ᠠ ᠮᠢᠨᠢ
ᠬᠣᠷᠸ᠋ᠠ ᠨᠡᠩᠵᠢᠵᠦ ᠡᠬᠢᠯᠡᠯᠡ
ᠭᠡᠷᠡᠯ ᠦ᠋ᠨ ᠴᠠᠭᠠᠨ ᠰᠦᠷᠦᠭ ᠦ᠋ᠳ
ᠬᠣᠯᠠ ᠠ᠋ᠴᠠ ᠨᠡᠰᠢ ᠳᠡᠪᠳᠡᠷᠢᠵᠦ
ᠬᠣᠣᠰ ᠦᠭᠡᠢ ᠣᠯᠠᠨ ᠺᠠᠯᠢᠽᠢ ᠦ᠋ᠨ ᠮᠥᠬᠦᠯᠢᠭ ᠮᠢᠨᠦ ᠡᠯᠢᠭᠡ ᠪᠠᠷ ᠥᠨᠵᠢᠭᠡᠳ ᠭᠠᠷᠤᠨᠠ
ᠲᠡᠭᠡᠭᠡᠳ
ᠲᠩᠷᠢ ᠶ᠋ᠢᠨ ᠲᠡᠷᠡ ᠠᠶᠤᠩᠬ᠋ᠠ ᠶ᠋ᠢᠨ ᠬᠦᠴᠦ
ᠭᠠᠵᠠᠷ ᠦ᠋ᠨ ᠲᠡᠷᠡ ᠠᠭᠤᠯᠠᠰ ᠦ᠋ᠨ ᠰᠦᠷ
ᠳᠠᠯᠠᠢ ᠶ᠋ᠢᠨ ᠲᠡᠷᠡ ᠳᠠᠪᠠᠯᠭᠠᠨ ᠪ ᠣᠮᠣᠭ
ᠴᠢᠰᠤᠨ ᠪ ᠮᠢᠨᠢ ᠡᠷᠴᠢ ᠪᠣᠯᠵᠤ ᠰᠢᠩᠭᠡᠯᠡ
ᠰᠤᠲᠠᠰᠤᠨ ᠪ ᠮᠢᠨᠢ ᠬᠦᠴᠦ ᠪᠣᠯᠵᠤ ᠯᠤᠭᠰᠢᠯᠠ ᠁
ᠪᠡᠶᠡ ᠶ᠋ᠢᠨ ᠶ᠋ᠢᠡᠨ ᠬᠢᠵᠠᠭᠠᠷ ᠊ᠢ ᠳᠠᠪᠠᠵᠤ
ᠪᠢ ᠂ ᠰᠠᠴᠤᠷᠠᠭ ᠬᠡᠯᠪᠡᠷᠢᠵᠢᠨ ᠥᠰᠦᠯᠡ ᠡ !
11
ᠡᠷᠬᠢᠨ ᠲᠣᠭᠣᠷᠢᠨ
ᠡᠯᠤᠢ ᠬᠤᠯᠤᠢ ᠠᠯᠠᠰᠤᠨ ᠳᠠᠯᠠᠢ
ᠡᠨᠲᠡ ᠡᠴᠡ ᠡᠬᠢᠯᠡᠵᠦ ᠂ ᠮᠢᠨᠦ ᠪᠡᠶᠡ ᠵᠠᠮ ᠳ᠋ᠠᠭᠠᠨ ᠣᠷᠣᠭᠰᠠᠨ ᠪᠢᠯᠡ
ᠡᠵᠢ ᠶ᠋ᠢᠨ ᠮᠢᠨᠢ ᠨᠢᠯᠪᠤᠰᠤ ᠲᠠᠢ ᠨᠢᠲᠦ ᠲᠡᠢ ᠨᠠᠮᠠᠶ᠋ᠢ ᠭᠡᠶ᠋ᠢᠭᠦᠯᠦᠨᠡ
ᠡᠨᠡ ᠨᠠᠷᠠᠨ ᠪ ᠤᠭᠤᠷᠠᠭ
ᠡᠬᠡ ᠭᠠᠵᠠᠷ ᠦ᠋ᠨ ᠤᠮᠲᠠ
ᠨᠠᠮᠠᠶ᠋ᠢ ᠪᠠᠨ ᠦᠲᠡᠬᠦ ᠢᠷᠥᠭᠡᠯ ᠪᠠᠶ᠋ᠢᠨᠠ ᠠ᠋
12
ᠤᠬᠠᠭᠠᠨ ᠪ ᠮᠢᠨᠢ ᠬᠡᠦᠬᠡᠨ ᠣᠷᠭᠢᠯ ᠳᠡᠭᠡᠷᠡ
ᠤᠨᠢᠶᠠᠷ ᠪᠣᠲᠣᠯᠲᠠᠶ᠋ᠢᠬᠠᠨ ᠲᠤᠨᠵᠤ
ᠣᠷᠣᠵᠤ ᠦᠵᠡᠭᠡ ᠦᠭᠡᠢ ᠳᠡᠯᠡᠬᠡᠢ ᠶ᠋ᠢᠨ ᠮᠢᠨᠢ
ᠣᠷᠣᠨ ᠵᠠᠢ ᠴᠠᠭ
ᠣᠲᠣ ᠶᠠᠭ ᠲᠣᠭᠲᠠᠯᠴᠠᠨ ᠪᠠᠶ᠋ᠢᠨᠠ
ᠡᠯᠬᠦᠭᠦᠷ ᠵᠦᠩ ᠦ᠋ᠨ ᠮᠣᠲᠣᠨ ᠬᠠᠶ᠋ᠢᠷᠴᠠᠭ ᠠ᠋ᠴᠠ
ᠡᠮᠡᠭᠡᠯ ᠦ᠋ᠨ ᠪᠦᠷᠬᠦᠭᠡ ᠰᠢᠬᠦᠷᠦᠨ ᠴᠠᠭ ᠪᠠᠭᠤᠵᠤ ᠢᠷᠡᠯᠡ
ᠬᠥᠨᠲᠡᠯᠡᠨ ᠶ᠋ᠢᠡᠷ ᠶ᠋ᠢᠡᠨ ᠠᠭᠠᠷ ᠲᠠᠰᠤᠷᠠᠵᠤ
ᠬᠦᠯ ᠦ᠋ᠨ ᠮᠢᠨᠢ ᠳᠣᠣᠷᠠ ᠂ ᠬᠤᠷᠲᠤᠴᠠ ᠨᠢᠰᠴᠦ ᠡᠬᠢᠯᠡᠯᠡ ᠡ ᠁
13
ᠪᠡᠶᠡ ᠶ᠋ᠢ ᠮᠢᠨᠢ ᠪᠤᠯᠠᠰᠢᠯᠠᠬᠤ ᠭᠡᠵᠦ
ᠪᠡᠷᠬᠡ ᠳ᠋ᠤ᠌ ᠮᠠᠯᠲᠠᠭᠰᠠᠨ ᠨᠦᠬᠡ ᠶ᠋ᠢ᠂ ᠪᠢ
ᠬᠠᠩᠭᠢᠨᠠᠲᠠᠯᠠ ᠲᠠᠭᠤᠯᠠᠭᠰᠠᠭᠠᠠᠷ ᠲᠠᠪᠠᠵᠤ ᠭᠠᠷᠤᠨᠠ
ᠲᠡᠭᠡᠭᠡᠳ
ᠮᠥᠷ ᠮᠢᠨᠢ ᠤᠨᠠᠬᠤ ᠦᠭᠡᠢ
ᠮᠥᠷᠦᠭᠡᠳᠦᠯ ᠮᠢᠨᠢ ᠴᠢᠰᠤᠲᠠᠬᠤ ᠦᠭᠡᠢ
ᠲᠡᠷᠡ ᠨᠦᠬᠡ
ᠮᠥᠬᠥᠯ ᠊ᠦᠨ ᠬᠠᠷᠠ ᠪᠤᠯᠠᠰᠢ ᠪᠤᠯᠵᠤ
ᠮᠠᠯᠲᠠᠭᠰᠠᠨ ᠡᠵᠡᠨ ᠊ᠦ ᠪᠡᠨ ᠨᠡᠷᠡ ᠶ᠋ᠢ ᠲᠠᠷᠤᠵᠤ ᠬᠡᠪᠲᠡᠨᠡ ᠪᠢᠯᠡ
ᠠ ᠳ᠋ᠠ! ᠶᠡᠷᠦᠨᠢ
ᠠᠯᠠᠭᠠ ᠪᠠᠨ ᠲᠡᠯᠭᠡᠵᠦ ᠢᠨᠢᠶᠡᠭᠰᠡᠨ
ᠠᠮᠢᠳᠤ ᠵᠢᠨ ᠶᠡᠬᠡ ᠵᠤᠯ ᠊ᠢ ᠬᠡᠨ ᠴᠦ᠍ ᠡᠵᠡᠷᠬᠡᠵᠦ ᠴᠢᠳᠠᠬᠤ ᠦᠭᠡᠢ ᠡ!
14
ᠮᠢᠨᠦ ᠶᠡᠬᠡ ᠵᠡᠪᠰᠡᠭ᠂ ᠲᠡᠷᠡ ᠪᠣᠯ
ᠮᠥᠰᠢᠶᠡᠵᠦ ᠮᠥᠩᠬᠡᠷᠡᠬᠦ ᠬᠠᠪᠤᠷ ᠊ᠤᠨ ᠴᠡᠴᠡᠭ ᠪᠢᠯᠡ
ᠥᠮᠥᠭ ᠲᠤᠨᠢ ᠪᠢ
ᠦᠨᠳᠦᠷ ᠠᠭᠤᠯᠠ ᠳᠦᠰᠢᠭᠰᠡᠨ ᠰᠢᠭ᠌ ᠰᠡᠳᠬᠢᠯ ᠲᠠᠶ᠋ᠢᠪᠤᠭᠤᠬᠠᠨ
ᠥᠷ ᠰᠦᠨᠢ ᠶ᠋ᠢᠨ ᠵᠠᠢ ᠬᠥᠪᠦᠷᠢᠲᠦᠨ᠂ ᠥᠩᠭᠡ ᠪᠣᠳᠣᠭ ᠵᠡᠭᠦᠳᠦᠯᠡᠵᠦ
ᠥᠪᠡᠷ ᠊ᠦᠨ ᠪᠡᠶᠡ ᠪᠡᠨ ᠮᠢᠩᠭᠠᠨ ᠤᠳᠠᠭᠠ ᠪᠤᠰᠤᠳ ᠊ᠤᠨ ᠲᠥᠯᠦᠭᠡ ᠢᠯᠠᠨᠠ
ᠥᠪᠴᠢ ᠳᠡᠯᠡᠬᠡᠢ ᠶ᠋ᠢ ᠲᠦᠮᠡᠨ ᠤᠳᠠᠭᠠ ᠪᠡᠶᠡ ᠵᠢᠨ ᠬᠢᠨᠢ ᠲᠥᠯᠦᠭᠡ ᠢᠯᠠᠨᠠ
ᠡᠴᠦᠰ ᠲᠡᠭᠡᠨ
ᠬᠤᠭᠤᠷᠤᠨᠳᠤ ᠪᠡᠨ ᠥᠨᠥᠰ ᠭᠡᠰᠡᠨ
ᠬᠣᠶᠠᠷᠬᠠᠨ ᠦᠰᠦᠭ ᠲᠡᠢ ᠲᠣᠮᠣ ᠲᠤᠭ ᠵᠢᠠᠷ
ᠬᠣᠷᠸ᠋ᠠ ᠶ᠋ᠢ ᠪᠠᠭᠯᠠᠨᠠ ᠡ
15
ᠪᠥᠮᠪᠥᠷᠴᠡᠭ ᠶ᠋ᠢᠡᠨ ᠲᠠᠭᠠᠵᠤ ᠪᠣᠲᠣᠯ ᠮᠢᠨᠢ
ᠪᠦᠬᠦᠯᠢ ᠵᠠᠭᠤ ᠳᠠᠯᠠᠨ ᠲᠦᠮᠡᠨ ᠨᠠᠰᠤ ᠲᠠᠢ ᠵᠠᠯᠠᠭᠤ ᠪᠠᠶ᠋ᠢᠨᠠ ᠡ
ᠪᠥᠳᠥᠷᠢᠭᠰᠡᠨ ᠴᠢᠯᠠᠭᠤ ᠪᠠᠨ ᠥᠷᠥᠵᠦ ᠪᠡᠶᠡ ᠮᠢᠨᠢ
ᠪᠦᠲᠦᠬᠦ ᠶ᠋ᠢᠨ ᠵᠠᠶᠠᠬ᠋ᠠ ᠳᠡᠭᠡᠭᠰᠢ ᠡᠷᠭᠦᠭᠰᠡᠨ ᠬᠠᠷᠠᠴᠠ ᠲᠠᠢ ᠡᠷᠡ ᠪᠠᠶ᠋ᠢᠨᠠ ᠡ
ᠪᠦᠲᠦᠭᠡ ᠦᠭᠡᠢ ᠲᠡᠭᠷᠢ ᠶ᠋ᠢᠨ ᠶ᠋ᠢᠡᠨ
ᠪᠦᠲᠦᠨ ᠬᠠᠶᠠᠬ᠋ᠠ ᠲᠡᠮᠲᠡᠷᠢᠵᠤ
ᠪᠦᠷᠢᠲᠦᠭᠡ ᠦᠭᠡᠢ ᠤᠲᠤᠳ ᠦ᠋ᠨ ᠶ᠋ᠢᠠᠨ
ᠪᠦᠲᠡᠬᠢ ᠠᠨᠢᠰᠬᠠ ᠰᠡᠬᠦᠵᠦ ᠂ ᠪᠢ
ᠪᠥᠮᠪᠥᠷᠴᠡᠭ ᠥᠯᠥᠭᠡᠶ᠋ᠢᠲᠡᠬᠦ ᠲᠤᠮᠤ ᠲᠤᠭ ᠦ᠋ᠨ ᠶ᠋ᠢᠠᠨ
ᠪᠥᠳᠥᠷᠢᠭᠰᠡᠨ ᠰᠢᠷᠬᠠ ᠶ᠋ᠢ ᠳᠣᠯᠢᠶᠠᠵᠤ ᠠᠨᠠᠭᠠᠬᠤ
ᠰᠠᠨᠠᠬ᠋ᠠ ᠠᠯᠤᠰ ᠪᠦᠰᠡᠭᠦᠢ ᠪᠠᠶ᠋ᠢᠨᠠ
ᠵᠠᠶᠠᠬ᠋ᠠ ᠲᠡᠭᠦᠰ ᠬᠦᠰᠡᠬᠦᠢ ᠪᠠᠶ᠋ᠢᠨᠠ ᠡ
16
ᠠᠭᠠᠵᠢᠮᠬᠠᠨ ᠬᠣᠯᠠᠤᠠᠴᠤ ᠶᠠᠪᠤᠬ᠋ᠠ
ᠠᠶᠠᠨ ᠪ ᠲᠡᠷᠡ ᠬᠣᠩᠬᠣᠨ ᠳᠠᠭᠤ
ᠠᠯᠢ ᠵᠦᠭ ᠲᠦ ᠬᠡᠶ᠋ᠢᠰᠪᠡ ᠪᠢᠯᠡ?
ᠴᠠᠭ ᠥᠲᠡᠯᠬᠦ ᠶᠤᠮ
ᠴᠢ ᠮᠢᠨᠢ ᠥᠲᠡᠯᠬᠦ ᠦᠭᠡᠢ ᠡ!
ᠪᠢ ᠪᠣᠯ ᠴᠢᠨᠦᠬᠢ ᠪᠡᠨ ᠰᠠᠨᠰᠠᠷ ᠲᠤ ᠰᠢᠲᠡᠭᠰᠡᠨ ᠴᠢᠯᠠᠭᠤ ᠶᠤᠮ ᠰᠢᠦ
ᠪᠢ ᠪᠣᠯ ᠴᠢᠨᠦᠬᠢ ᠪᠡᠨ ᠤᠬᠠᠬ᠋ᠠ ᠬᠦᠢᠴᠡᠭᠡ ᠦᠭᠡᠢ ᠨᠢᠰᠤᠩᠬᠠᠢ ᠰᠢᠷᠠ ᠵᠢᠭᠠᠯ ᠴᠢᠨᠢ ᠶᠤᠮ ᠰᠢᠦ
ᠨᠠᠮᠠᠶ᠋ᠢ ᠮᠠᠷᠲᠠ ᠡ
ᠨᠠᠷᠠ ᠡᠷᠭᠢᠭᠰᠡᠨ ᠨᠢᠭᠡ ᠣᠲᠣ ᠪᠠᠨ ᠲᠠᠨᠢᠬᠤ ᠶ᠋ᠢᠨ ᠤᠴᠢᠷ
ᠨᠠᠮᠠᠶ᠋ᠢ ᠪᠠᠨ ᠮᠠᠷᠲᠠᠭᠠᠷᠠᠢ!
1986
ᠵᠠᠯᠠᠭᠤ ᠰᠢᠯᠦᠭᠴᠢᠳ ᠦᠨ ᠴᠣᠪᠣᠷᠠᠯ ᠪᠢᠴᠢᠭ᠌
< ᠢᠷᠡᠬᠦ ᠵᠠᠭᠤᠨ ᠤ ᠬᠣᠩᠬᠣᠨ ᠳᠠᠭᠤᠨ > ᠡᠴᠡ ᠬᠠᠭᠤᠯᠪᠠ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ ᠄ ᠲᠡᠭᠷᠢ ᠡᠵᠢ᠂ ᠪᠠᠭᠠᠲᠤᠷ᠂ ᠴᠣᠭᠵᠢᠷᠭᠠᠯ ᠂ ᠴᠣᠯᠮᠣᠨᠲᠤᠶᠠᠭᠠ ᠂ ᠲᠤᠭᠴᠢ ᠰᠠᠷᠠᠨᠠ
ᠬᠢᠨᠠᠭᠴᠢ ᠄ ᠳᠠᠪᠰᠢᠯᠲᠤ ᠂ ᠴᠣᠯᠮᠣᠨᠲᠤᠶᠠᠭᠠ
2023 ᠂ 4 ᠂ 29 ᠪ ᠡᠲᠦᠷ