ᠳᠣᠯᠣᠭᠠᠨ ᠣᠳᠣᠨ ᠤ ᠳᠣᠮᠣᠭШанага долоон одны домог
393ᠳᠣᠯᠣᠭᠠᠨ ᠣᠳᠣᠨ ᠤ ᠳᠣᠮᠣᠭ
ᠡᠷᠲᠡ ᠤᠷᠢᠳᠤ ᠶ᠋ᠢᠨ ᠴᠠᠭ ᠲᠤ᠌ ᠭᠡᠨᠡ᠃ ᠡᠨᠡ ᠶᠢᠷᠲᠢᠨᠴᠦ ᠶ᠋ᠢᠨ ᠡᠬᠢᠨ ᠳ᠋ᠦ᠍ ᠭᠡᠨᠡ᠃ ᠡᠯᠦᠨᠴᠡ ᠡᠪᠦᠭᠡᠳ ᠦ᠋ᠨ ᠪᠠᠯᠴᠢᠷ ᠲᠤ᠌ ᠭᠡᠨᠡ᠃ ᠵᠤᠨ ᠣᠯᠠᠨ ᠡᠩᠬᠡ ᠲᠤᠩᠬᠠ ᠡᠩ ᠦᠭᠡᠢ ᠰᠠᠢᠬᠠᠨ ᠠᠮᠢᠳᠤᠷᠠᠵᠤ ᠪᠠᠶ᠋ᠢᠲᠠᠯᠠ ᠬᠣᠷᠸ᠋ᠠ ᠶᠢᠷᠲᠢᠨᠴᠦ ᠶ᠋ᠢ ᠬᠣᠮᠤᠷᠢᠭᠤᠯᠤᠨ ᠠᠪᠬᠤ ᠪᠠᠷ ᠬᠣᠷᠣᠨ ᠰᠠᠨᠠᠭᠠᠲᠠᠨ ᠬᠠᠷᠠ ᠰᠠᠨᠠᠭᠠ ᠪᠠᠷ ᠢ᠋ᠶ᠋ᠠᠨ ᠬᠠᠮᠤᠭ ᠪᠦᠬᠦᠨ ᠊ᠢ ᠭᠤᠲᠤᠷᠠᠬᠠᠵᠤ ᠬᠡᠷᠡᠭᠦᠯ ᠲᠡᠮᠡᠴᠡᠯ ᠬᠢᠯᠢᠩ ᠣᠮᠣᠭ ᠢ᠋ᠶ᠋ᠠᠷ ᠳᠦᠭᠦᠷᠭᠡᠨ ᠬᠠᠷᠢᠶᠠᠯ ᠵᠢᠲᠡᠪ ᠬᠢᠵᠦ ᠭᠡᠨᠡ᠃ ᠡᠭᠦᠷᠢᠳᠡ ᠮᠠᠨᠳᠤᠳᠠᠭ ᠨᠠᠷᠠᠨ ᠵᠢᠷᠭᠠᠵᠤ᠂ ᠡᠭᠦᠯᠭᠡᠷ ᠴᠠᠭᠠᠨ ᠰᠠᠷᠠᠨ ᠱᠠᠩᠳᠠᠵᠤ ᠂ ᠣᠷᠴᠢᠯᠠᠩ ᠶᠢᠷᠲᠢᠨᠴᠦ ᠶ᠋ᠢ ᠲᠦᠨᠡᠷ ᠬᠠᠷᠠᠩᠭᠤᠢ ᠨᠥᠮᠥᠷᠭᠡᠵᠡᠢ᠃ ᠤᠷᠭᠤᠮᠠᠯ ᠨᠢ ᠬᠠᠲᠠᠵᠤ᠂ ᠤᠰᠤ ᠨᠢ ᠪᠤᠯᠠᠩᠭᠢᠷᠲᠤᠨ ᠂ ᠠᠩ ᠠᠮᠢᠲᠠᠨ ᠳᠠᠶ᠋ᠢᠵᠢᠵᠤ ᠂ ᠠᠰᠬᠠ ᠬᠠᠳᠠ ᠦᠢᠷᠡᠵᠦ ᠤᠨᠠᠬᠤ ᠳ᠋ᠤ᠌ ᠬᠥᠮᠦᠰ ᠭᠠᠢ ᠭᠠᠮᠰᠢᠭ ᠊ᠢ ᠬᠡᠷᠬᠢᠨ ᠭᠡᠲᠦᠯᠬᠦ ᠲᠤᠬᠠᠢ ᠠᠷᠭᠠ ᠴᠠᠷᠭᠠ ᠬᠠᠶ᠋ᠢᠵᠤ ᠶᠠᠳᠠᠭᠠᠳ ᠮᠡᠷᠭᠡᠳ ᠦ᠋ᠨ ᠣᠷᠣᠨ ᠤᠷᠤᠭᠤ ᠡᠯᠴᠢ ᠵᠠᠷᠤᠵᠠᠢ᠃ ᠮᠡᠷᠭᠡᠳ ᠥᠭᠦᠯᠡᠷᠦᠨ ᠄ 《ᠡᠨᠡ ᠶᠢᠷᠲᠢᠨᠴᠦ ᠶ᠋ᠢᠨ ᠲᠡᠭᠦᠰᠬᠡᠯ ᠊ᠢ ᠨᠢ ᠵᠣᠭᠰᠣᠭᠠᠵᠤ ᠭᠠᠢ ᠲᠦᠢᠳᠬᠡᠷ ᠡᠴᠡ ᠠᠪᠤᠷᠠᠨ ᠭᠠᠮᠰᠢᠭ ᠵᠣᠪᠠᠯᠠᠩ ᠊ᠢ ᠬᠠᠯᠠᠬᠤ ᠡᠷᠡ ᠪᠢᠷᠠ᠂ ᠡᠷᠳᠡᠮ ᠴᠢᠳᠠᠯ ᠡᠩ ᠲᠡᠩᠴᠡᠭᠦᠦ ᠳᠣᠯᠣᠭᠠᠨ ᠬᠥᠪᠡᠭᠦᠨ ᠊ᠢ ᠣᠯ! ᠠᠷᠠᠳ ᠣᠯᠠᠨ ᠳ᠋ᠤ᠌ ᠠᠮᠤᠷ ᠠᠮᠤᠭᠤᠯᠠᠩ ᠠᠪᠴᠢᠷᠠᠬᠤ ᠠᠭᠤᠤ ᠲᠡᠳᠡ ᠬᠦᠴᠦ ᠶ᠋ᠢ ᠨᠢᠭᠡᠤᠠᠬᠡᠭᠰᠡᠨ ᠢ᠋ᠶ᠋ᠡᠷ ᠬᠠᠷᠠᠩᠭᠤᠢ ᠶ᠋ᠢᠨ ᠬᠠᠷᠠᠭᠠ ᠪᠠᠷᠢᠯᠳᠤᠭᠴᠢ ᠯᠦᠩᠳᠦ᠋ᠩ ᠪᠣᠢ᠃ ᠴᠢᠩ ᠰᠡᠳᠬᠢᠯ ᠡᠴᠡ ᠪᠡᠨ ᠡᠪ ᠡᠶᠡ ᠶ᠋ᠢ ᠡᠷᠬᠢᠮᠯᠡᠪᠡᠰᠦ ᠲᠡᠶ᠋ᠢᠨ ᠬᠦ ᠲᠠ ᠨᠠᠷ ᠤ᠋ᠨ ᠰᠠᠢᠨ ᠴᠠᠭ ᠢᠷᠡᠬᠦ ᠪᠣᠯᠤᠨᠠ ! 》 ᠭᠡᠵᠡᠢ᠃ ᠠᠷᠠᠳ ᠣᠯᠠᠨ ᠵᠦᠭ ᠪᠦᠷᠢ ᠳ᠋ᠦ᠍ ᠵᠠᠷ ᠲᠠᠷᠬᠠᠭᠠᠵᠤ ᠰᠦᠨ ᠳᠠᠯᠠᠢ ᠶ᠋ᠢ ᠭᠠᠲᠤᠯᠵᠤ᠂ ᠰᠦᠮᠪᠦᠷ ᠠᠭᠤᠯᠠᠰ ᠊ᠢ ᠳᠠᠪᠠᠵᠤ ᠬᠠᠶ᠋ᠢᠭᠠᠳ ᠴᠤ᠌ ᠠᠪᠤᠷᠠᠯ ᠤ᠋ᠨ ᠳᠣᠯᠣᠭᠠᠨ ᠪᠠᠭᠠᠲᠤᠷ ᠊ᠢ ᠡᠰᠡ ᠣᠯᠵᠠᠢ᠃ ᠬᠠᠷᠠ ᠰᠠᠨᠠᠭᠠᠲᠠᠨ ᠬᠠᠮᠤᠭ ᠪᠦᠬᠦᠨ ᠊ᠢ ᠲᠦᠢᠪᠡᠭᠡᠭᠰᠡᠭᠡᠷ ᠯᠡ᠁ ᠠᠷᠠᠳ ᠣᠯᠠᠨ ᠤ᠋ ᠢᠲᠡᠭᠡᠯ ᠮᠡᠬᠦᠰ ᠢ᠋ᠶ᠋ᠡᠷ ᠯᠡ ᠪᠠᠶ᠋ᠢᠯᠠ ᠃ ᠰᠠᠪᠠ ᠰᠢᠨᠡ ᠶᠢᠷᠲᠢᠨᠴᠦ ᠶ᠋ᠢᠨ ᠬᠥᠮᠦᠨ ᠵᠤᠨ ᠪᠤᠯᠲᠤ ᠪᠠᠷ ᠢ᠋ᠶ᠋ᠠᠨ ᠡᠪᠦᠳᠦᠭ ᠲᠣᠬᠣᠢ ᠨᠡᠶ᠋ᠢᠯᠡᠲᠡᠯᠡ ᠡᠳᠦᠷ ᠰᠥᠨᠢ ᠶ᠋ᠢ ᠢᠯᠭᠠᠯ ᠦᠭᠡᠢ ᠮᠥᠷᠭᠥᠨ ᠵᠠᠯᠪᠠᠷᠢᠭᠠᠳ ᠴᠤ᠌ ᠲᠤᠰᠠ ᠶ᠋ᠢ ᠨᠢ ᠡᠰᠡ ᠣᠯᠤᠭᠠᠳ ᠪᠠᠶ᠋ᠢᠲᠠᠯᠠ ᠲᠥᠪ ᠨᠤᠲᠤᠭ ᠤ᠋ᠨ ᠰᠢᠲᠦᠭᠡᠨ ᠪᠣᠭᠳᠠ ᠬᠠᠨ᠂ ᠮᠠᠨᠢᠲᠤ ᠬᠠᠶ᠋ᠢᠷᠬᠠᠨ ᠂ ᠵᠣᠷᠭᠤᠯ ᠬᠠᠶ᠋ᠢᠷᠬᠠᠨ ᠂ ᠳᠡᠯᠭᠡᠷ ᠬᠠᠨ᠂ ᠪᠠᠲᠤ ᠬᠠᠨ᠂ ᠴᠢᠨᠳᠠᠮᠤᠨᠢ ᠬᠠᠶ᠋ᠢᠷᠬᠠᠨ ᠂ ᠵᠣᠭᠰᠣᠭᠠᠯ ᠬᠠᠶ᠋ᠢᠷᠬᠠᠨ ᠠᠭᠤᠯᠠᠰ ᠤ᠋ᠨ ᠣᠩᠭᠣᠳ ᠰᠢᠲᠦᠭᠡᠨ ᠨᠤᠭᠦᠳ ᠳᠣᠯᠣᠭᠠᠨ ᠪᠠᠭᠠᠲᠤᠷ ᠊ᠢ ᠥᠭᠭᠦᠭᠡᠵᠢ ᠡᠪᠦᠷ ᠡᠴᠡ ᠪᠡᠨ ᠲᠥᠷᠥᠭᠦᠯᠵᠦ ᠬᠣᠷᠸ᠋ᠠ ᠶᠢᠷᠲᠢᠨᠴᠦ ᠶ᠋ᠢ ᠠᠪᠤᠷᠠ ᠭᠡᠮᠡᠨ ᠢᠯᠡᠭᠡᠵᠦ ᠭᠡᠨᠡ᠃ ᠡᠬᠡ ᠨᠤᠲᠤᠭ ᠤ᠋ᠨ ᠂ ᠡᠬᠡ ᠠᠭᠤᠯᠠᠰ ᠤ᠋ᠨ ᠰᠢᠲᠦᠭᠡᠨ ᠳᠣᠯᠣᠭᠠᠨ ᠪᠠᠭᠠᠲᠤᠷ ᠠᠷᠭᠤᠮᠠᠭ ᠬᠦᠯᠦᠭ ᠢ᠋ᠶ᠋ᠡᠨ ᠤᠨᠤᠵᠤ ᠠᠯᠲᠠᠨ ᠢᠯᠳᠦ ᠪᠡᠨ ᠰᠤᠭᠤᠯᠵᠤ ᠬᠣᠷᠣᠨ ᠰᠠᠨᠠᠭᠠᠲᠠᠨ ᠲᠠᠢ ᠲᠡᠮᠡᠴᠡᠯᠳᠦᠨ ᠪᠠᠶ᠋ᠢᠯᠲᠤᠵᠤ ᠂ ᠬᠠᠷᠠ ᠬᠠᠷᠢᠶᠠᠯ ᠊ᠢ ᠡᠪ ᠦ᠋ᠨ ᠬᠦᠴᠦ ᠪᠡᠷ ᠳᠠᠷᠤᠵᠤ᠂ ᠡᠩᠬᠡ ᠰᠠᠢᠬᠠᠨ ᠴᠠᠭ ᠊ᠢ ᠡᠷᠭᠢᠭᠦᠯᠦᠨ ᠠᠪᠴᠢᠷᠠᠵᠠᠢ ᠭᠡᠨᠡ᠃ ᠪᠠᠭᠠᠲᠤᠷ ᠡᠷᠡᠰ ᠬᠠᠲᠠᠭᠤ ᠴᠠᠭ ᠊ᠢ ᠬᠠᠯᠠᠵᠤ ᠬᠠᠮᠤᠭ ᠶᠢᠷᠲᠢᠨᠴᠦ ᠶ᠋ᠢ ᠠᠪᠤᠷᠠᠭᠠᠳ ᠬᠠᠷᠢᠶᠠᠯ ᠊ᠢ ᠲᠠᠰᠤᠳᠠᠨ ᠬᠠᠨ ᠲᠩᠷᠢ ᠳ᠋ᠦ᠍ ᠪᠡᠨ ᠵᠠᠯᠠᠷᠠᠵᠤ ᠬᠠᠮᠲᠤ ᠳ᠋ᠤ᠌ ᠪᠠᠨ ᠬᠡᠷᠡᠯᠳᠦᠬᠦ ᠰᠢᠨᠠᠭᠠ ᠳᠣᠯᠣᠭᠠᠨ ᠣᠳᠣ ᠪᠣᠯᠤᠨ ᠮᠥᠩᠬᠡᠷᠡᠭᠰᠡᠨ ᠶᠦ᠍ᠮ ᠭᠡᠨᠡ ᠪᠢᠯᠡ᠃ ᠡᠶ᠋ᠢᠨ ᠬᠦ ᠡᠷᠡᠯᠬᠡᠭ ᠳᠣᠯᠣᠭᠠᠨ ᠪᠠᠭᠠᠲᠤᠷ ᠤ᠋ᠨ ᠭᠠᠪᠢᠶᠠ ᠳᠣᠮᠣᠭ ᠪᠣᠯᠤᠨ ᠳᠠᠭᠤᠷᠢᠰᠴᠤ ᠰᠠᠢᠨ ᠴᠠᠭ ᠤ᠋ᠨ ᠡᠬᠢᠯᠡᠯ ᠰᠢᠨᠠᠭᠠ ᠳᠣᠯᠣᠭᠠᠨ ᠣᠳᠣ ᠬᠣᠷᠸ᠋ᠠ ᠶᠢᠷᠲᠢᠨᠴᠦ ᠶ᠋ᠢ ᠢᠪᠡᠭᠡᠳᠡᠭ ᠪᠣᠯᠤᠭᠰᠠᠨ ᠶᠤᠮ ᠪᠠᠶ᠋ᠢᠵᠠᠢ ᠃ ᠡᠳᠦᠭᠡ ᠴᠠᠭ ᠲᠤ᠌ ᠡᠬᠡ ᠨᠤᠲᠤᠭ ᠤ᠋ᠨ ᠢᠷᠭᠡᠳ᠂ ᠲᠥᠪ ᠨᠤᠲᠤᠭ ᠤ᠋ᠨ ᠵᠠᠯᠠᠭᠤᠰ ᠨᠢ 《 ᠠᠯᠲᠠᠨ ᠰᠢᠨᠠᠭᠠ 》 ᠭᠡᠮᠡᠨ ᠳᠡᠭᠡᠳᠦᠯᠡᠳᠡᠭ ᠪᠣᠯᠤᠭᠰᠠᠨ ᠶᠤᠮ ᠭᠡᠳᠡᠭ ᠃
ᠦᠰᠦᠭ ᠬᠠᠲᠠᠭᠰᠠᠨ ᠨᠢ ᠄ᠮᠥᠩᠭᠦᠨᠴᠡᠴᠡᠭ
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ ᠄ᠮᠥᠩᠭᠦᠨᠴᠡᠴᠡᠭ
ᠬᠢᠨᠠᠭᠴᠢ ᠪᠠᠭᠰᠢ ᠄ᠮᠥᠴᠢᠷ