ᠪᠤᠷᠬᠠᠨ ᠠ᠋ᠴᠠ ᠠᠪᠤᠭᠠ ᠦᠭᠡᠢ ᠶᠠᠭᠤᠮᠠ ᠨᠠᠳᠠ ᠳᠤ ᠨᠢᠭᠡ ᠴᠦ᠍ ᠦᠭᠡᠢ – ᠪᠠᠪᠤᠤ ᠶ᠋ᠢᠨ ᡀᠬᠠᠪᠠᠰᠥ᠋ᠷᠦᠩ Бурхнаас аваагүй юм надад нэг ч үгүй – Баавууны Лхагвасүрэн
397ᠪᠤᠷᠬᠠᠨ ᠠ᠋ᠴᠠ ᠠᠪᠤᠭᠠ ᠦᠭᠡᠢ ᠶᠠᠭᠤᠮᠠ ᠨᠠᠳᠠ ᠳᠤ ᠨᠢᠭᠡ ᠴᠦ᠍ ᠦᠭᠡᠢ
ᠪᠤᠷᠬᠠᠨ ᠠ᠋ᠴᠠ ᠠᠪᠤᠭᠠ ᠦᠭᠡᠢ ᠶᠠᠭᠤᠮᠠ ᠨᠠᠳᠠ ᠳ᠋ᠤ᠌ ᠨᠢᠭᠡ ᠴᠦ᠍ ᠦᠭᠡᠢ (1)
[ ᠮᠣᠩᠭᠣᠯ ] ᠪᠠᠪᠤᠤ ᠶ᠋ᠢᠨ ᡀᠬᠠᠪᠠᠰᠥ᠋ᠷᠦᠩ
[ ᠤᠩᠰᠢᠯᠬ᠋ᠠ ᠶ᠋ᠢᠨ ᠬᠥᠲᠥᠴᠢ ]
ᠲᠤᠰ ᠰᠢᠯᠦᠭ ᠲᠦ ᠥᠰᠬᠡᠵᠦ ᠲᠥᠷᠥᠭᠦᠯᠦᠭᠰᠡᠨ ᠡᠨᠡᠷᠢᠯ ᠦ᠋ᠨ ᠲᠩᠷᠢ ᠡᠴᠢᠭᠡ ᠡᠬᠡ ᠡᠴᠡ ᠪᠡᠨ ᠪᠢᠲᠡ ᠡᠷᠡᠭᠦᠯ ᠡᠩᠬᠡ ᠪᠡᠶᠡ ᠴᠣᠭᠴᠠ ᠂ ᠡᠷᠲᠡᠨᠢᠲᠦ ᠰᠠᠶ᠋ᠢᠬᠠᠨ ᠣᠶᠤᠨ ᠤᠬᠠᠭᠠᠨ ᠂ ᠡᠩ ᠦᠭᠡᠢ ᠡᠨᠡᠷᠢᠯ ᠬᠠᠶ᠋ᠢᠷᠠ ᠁ ᠶᠠᠭᠤ ᠪᠦᠬᠦᠨ ᠊ᠢ ᠣᠯᠤᠭᠰᠠᠨ ᠭᠡᠳᠡᠭ ᠰᠠᠨᠠᠬ᠋ᠠ ᠪᠠᠨ ᠤᠶᠠᠩᠭᠠᠯᠠᠵᠠᠢ ᠃
ᠨᠢᠮᠪᠠᠢ ᠤᠩᠰᠢᠨ ᠨᠠᠷᠢᠯᠢᠬ ᠰᠡᠤᠠᠬᠢᠵᠦ ᠂ ᠰᠠᠨᠠᠬ᠋ᠠ ᠶ᠋ᠢ ᠨᠢ ᠰᠤᠪᠢᠭᠠᠷᠠᠢ !
ᠪᠢ
ᠪᠤᠷᠬᠠᠨ ᠪ ᠲᠤᠨᠤᠷᠠᠭᠰᠠᠨ ᠮᠡᠯᠮᠡᠢ ᠡᠴᠡ
ᠡᠨᠡᠷᠢᠬᠦ ᠶ᠋ᠢᠨ ᠶᠡᠬᠡ ᠰᠡᠤᠠᠬᠢᠯ ᠣᠯᠲᠠᠭ ᠃
ᠪᠢ
ᠪᠤᠷᠬᠠᠨ ᠪ ᠨᠠᠮᠢᠷᠠᠭᠰᠠᠨ ᠮᠣᠲᠣᠷ ᠠ᠋ᠴᠠ
ᠡᠰᠡᠨ ᠠᠮᠢᠲᠤ ᠶ᠋ᠢᠨ 《 ᠵᠢᠮᠢᠰ 》 ᠬᠦᠷᠲᠡᠳᠡᠭ ᠃
ᠪᠢ
ᠪᠤᠷᠬᠠᠨ ᠪ ᠵᠢᠮᠢᠢᠭᠰᠡᠨ ᠤᠷᠤᠭᠤᠯ ᠠ᠋ᠴᠠ
ᠡᠭᠡᠯ ᠬᠥᠮᠦᠨ ᠂ ᠴᠥᠭᠡᠨ ᠦᠭᠡ ᠲᠡᠢ ᠪᠠᠶ᠋ᠢᠬᠤ ᠶ᠋ᠢ ᠣᠯᠲᠠᠭ ᠃
ᠪᠢ
ᠪᠤᠷᠬᠠᠨ ᠪ ᠠᠮᠤᠷᠯᠢᠩᠭᠤᠢ ᠵᠠᠪᠢᠯᠠᠭᠠᠨ ᠠ᠋ᠴᠠ
ᠡᠯᠲᠡᠪ ᠲᠦ ᠰᠠᠨᠲᠤᠭᠤ ᠦᠭᠡᠢ ᠲᠡᠪᠴᠢᠬᠦ ᠶ᠋ᠢᠨ ᠤᠬᠠᠭᠠᠨ ᠣᠯᠲᠠᠭ ᠃
ᠪᠢ
ᠪᠤᠷᠬᠠᠨ ᠪ ᠦᠵᠦᠮ ᠦ᠋ᠨ ᠲᠣᠪᠴᠢ ᠲᠠᠢ ᠬᠥᠬᠥᠨ ᠡᠴᠡ
ᠴᠠᠭᠠᠨ ᠰᠦ᠋ ᠣᠯᠤᠬ᠋ᠠ ᠦᠭᠡᠢ ᠁
ᠪᠢ ᠮᠥᠷᠭᠥᠵᠦ ᠨᠡᠬᠡᠭᠰᠡᠨ ᠁
ᠪᠤᠷᠬᠠᠨ ᠨᠠᠲᠠ ᠳ᠋ᠤ᠌
ᠡᠵᠢ ᠲᠡᠢ ᠴᠢᠨᠢ ᠴᠣᠭ ᠥᠭᠭᠦᠭᠰᠡᠨ ᠁ ᠭᠡᠰᠡᠨ
ᠪᠢ
ᠪᠤᠷᠬᠠᠨ ᠪ ᠲᠡᠭᠦᠯᠲᠡᠷ ᠯᠠᠭᠱᠠᠨ ᠠ᠋ᠴᠠ
ᠬᠠᠯᠠᠭᠤ ᠲᠥᠭᠡᠨᠡᠭᠰᠡᠨ ᠬᠠᠶ᠋ᠢᠷᠠ ᠣᠯᠤᠬ᠋ᠠ ᠦᠭᠡᠢ ᠁
ᠪᠢ ᠵᠠᠯᠪᠠᠷᠢᠵᠤ ᠨᠡᠬᠡᠭᠰᠡᠨ ᠁
ᠪᠤᠷᠬᠠᠨ ᠨᠠᠲᠠ ᠳ᠋ᠤ᠌
ᠡᠴᠢᠭᠡ ᠲᠡᠢ ᠴᠢᠨᠢ ᠴᠣᠭ ᠥᠭᠭᠦᠭᠰᠡᠨ ᠁ ᠭᠡᠰᠡᠨ
(1) ᠲᠤᠰ ᠰᠢᠯᠦᠭ ᠊ᠢ 《 ᠥᠨᠢᠷ ᠴᠡᠴᠡᠭ 》 ᠰᠡᠤᠠᠬᠦᠯ ᠦ᠋ᠨ 2015 ᠣᠨ ᠪ 6 ᠳ᠋ᠤᠭᠠᠷ ᠬᠤᠭᠤᠴᠠᠬ᠋ᠠ ᠠ᠋ᠴᠠ ᠰᠣᠩᠭᠣᠪᠠ ᠃
ᠠᠩᠬᠠ ᠵᠡᠷᠭᠡ ᠶ᠋ᠢᠨ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠶ᠋ᠢᠨ ᠰᠤᠷᠤᠭᠴᠢᠳ ᠦ᠋ᠨ ᠨᠡᠮᠡᠯᠲᠡ ᠤᠩᠰᠢᠭᠤ ᠳᠣᠯᠣᠳᠤᠭᠠᠷ ᠣᠨ ( ᠳᠡᠭᠡᠳᠦ) ᠡᠴᠡ ᠬᠠᠭᠤᠯᠪᠠ ᠃
ᠬᠠᠭᠤᠯᠤᠭᠰᠠᠨ ᠨᠢ ᠄ ᠮᠢᠩᠭᠠᠳ ᠂ ᠴᠢᠮᠡᠭ
ᠬᠢᠨᠠᠭᠰᠠᠨ ᠨᠢ ᠄ ᠬᠠᠲᠠᠴᠢ ᠂ ᠤᠷᠠᠨᠠ