ᠬᠤᠷᠤᠢ ᠬᠤᠷᠤᠢ - ᠲ ᠂ ᠭᠣᠮᠪᠣᠵᠠᠪ Хурай хурай - Т᠂ Гомбожав
245ᠬᠤᠷᠤᠢ ᠬᠤᠷᠤᠢ
ᠲ ᠂ ᠭᠣᠮᠪᠣᠵᠠᠪ
ᠠᠭᠤᠯᠠᠨ ᠣᠷᠣᠢ ᠳ᠋ᠦ᠍ ᠭᠠᠷᠤᠯᠠ
ᠣᠨ ᠪ ᠤᠲᠠᠭᠠᠨ ᠳ᠋ᠦ᠍ ᠴᠢᠯᠠᠭᠤᠵᠢᠬᠰᠠᠨ
ᠣᠩᠭᠣᠨ ᠪᠤᠭᠤᠷᠤᠯ ᠡᠬᠡ ᠭᠠᠵᠠᠷ ᠦ᠋ᠨ ᠪᠣᠲᠣᠯ ᠦ᠋ᠨ ᠣᠷᠣᠢ ᠳ᠋ᠦ᠍ ᠭᠠᠷᠤᠯᠠ !
ᠲᠡᠦᠬᠡ ᠦ᠋ᠨ ᠪᠣᠰᠤᠬ᠋ᠠ ᠨᠢᠲᠦ
ᠲᠩᠷᠢ ᠠᠵᠢᠬᠰᠠᠨ ᠬᠠᠲᠠᠳ ᠦ᠋ᠨ ᠰᠥᠷᠦᠭ
ᠡᠨᠡ ᠠᠭᠤᠯᠠ ᠥᠨᠲᠥᠷ ᠪᠠᠶ᠋ᠢᠨᠠ
ᠠᠮᠢᠲᠤᠷᠠᠯ ᠦ᠋ᠨ ᠵᠣᠭᠰᠣᠬ᠋ᠠ ᠮᠥᠷ
ᠵᠢᠭᠦᠷ ᠶ᠋ᠢᠡᠨ ᠬᠤᠮᠢᠬᠰᠠᠨ ᠪᠦᠷᠭᠦᠳ ᠦ᠋ᠨ ᠰᠢᠭᠤᠢ
ᠡᠷᠡᠭᠴᠢᠨ ᠰᠦᠷ ᠶᠡᠬᠡᠮᠰᠦᠭ ᠪᠠᠶ᠋ᠢᠨᠠ
ᠣᠷᠣᠨ ᠴᠠᠭ ᠦ᠋ᠨ ᠠᠭᠤᠲᠠᠮᠬᠠᠨ ᠵᠠᠢ
ᠡᠨᠡ ᠠᠭᠤᠯᠠᠨ ᠳ᠋ᠦ᠍ ᠨᠠᠷᠠ ᠦᠲᠡ ᠪᠣᠯᠤᠭᠠᠲᠤᠢ ᠡ
ᠣᠨ ᠡᠲᠦᠷ ᠦ᠋ᠨ ᠲᠣᠮᠣᠬᠠᠨ ᠴᠣᠩᠬᠣ
ᠡᠨᠡ ᠪᠠᠶ᠋ᠢᠷᠢᠨ ᠳ᠋ᠦ᠍ ᠬᠥᠮᠦᠨ ᠤᠬᠠᠬ᠋ᠠ ᠭᠦᠢᠴᠡᠭᠡᠲᠦᠢ ᠡ
ᠡᠨᠲᠡ
ᠲᠡᠷᠭᠡᠯ ᠰᠠᠨᠠᠵᠤ ᠪᠥᠮᠪᠥᠷᠢᠭᠰᠡᠨ ᠰᠠᠷᠠᠨ ᠪ
ᠲᠡᠷᠭᠡᠯᠵᠡᠡᠭᠡ ᠦᠭᠡᠢ ᠮᠥᠷ ᠴᠢᠯᠠᠭᠤ ᠭᠢᠰᠬᠢᠵᠦ ᠬᠠᠷᠠᠭᠲᠠᠨᠠ
ᠡᠨᠲᠡ
ᠠᠩ ᠬᠦᠰᠡᠵᠦ ᠬᠡᠭᠡᠷᠡᠯᠡᠭᠰᠡᠨ ᠬᠥᠮᠦᠨ ᠪ
ᠠᠯᠠᠬ᠋ᠠ ᠳᠤᠨᠳᠠᠭᠤᠷ ᠰᠡᠤᠠᠬᠢᠯ ᠬᠠᠲᠠ ᠥᠭᠰᠥᠵᠦ ᠦᠵᠡᠭᠳᠡᠨᠡ
ᠡᠨᠲᠡ ᠡᠴᠡ ᠡᠭᠦᠯᠡ ᠤᠷᠭᠤᠨᠠ
ᠡᠭᠦᠯᠡ ᠨᠢ ᠡᠷᠡ ᠶ᠋ᠢᠨ ᠪᠣᠲᠣᠯ ᠳ᠋ᠦ᠍
ᠦᠨᠢᠲᠡ ᠬᠣᠯᠠ ᠶ᠋ᠢᠨ ᠦᠯᠢᠭᠡᠷ ᠰᠢᠪᠡᠨᠡᠵᠦ ᠱᠠᠭᠢᠨᠠ
ᠡᠨᠲᠡ ᠡᠴᠡ ᠰᠠᠯᠬᠢ ᠪᠣᠰᠤᠨᠠ
ᠰᠠᠯᠬᠢ ᠨᠢ ᠬᠥᠮᠦᠨ ᠪ ᠬᠦᠰᠡᠯ ᠊ᠢ
ᠰᠠᠨᠴᠢᠬ ᠪᠤᠭᠤᠷᠤᠯ ᠤᠬᠠᠭᠠᠨ ᠶ᠋ᠢᠠᠷ ᠰᠠᠮᠨᠠᠵᠤ ᠱᠤᠤᠭᠢᠨᠠ
ᠡᠨᠡ ᠂ ᠡᠭᠦᠯᠡ ᠰᠠᠯᠬᠢ
ᠦᠯᠮᠡᠢ ᠡᠷᠭᠦᠬᠦ ᠭᠠᠷ ᠪᠠᠶ᠋ᠢᠵᠠᠢ
ᠮᠢᠨᠦ ᠵᠣᠭᠰᠣᠴᠠ ᠥᠨᠲᠥᠷᠯᠡᠯᠡ !
ᠡᠨᠡ ᠂ ᠦᠯᠢᠭᠡᠷ ᠤᠬᠠᠭᠠᠨ
ᠬᠠᠷᠠᠬ᠋ᠠ ᠳᠡᠯᠡᠬᠦ ᠬᠦᠴᠦ ᠪᠠᠶ᠋ᠢᠵᠠᠢ
ᠮᠢᠨᠦ ᠬᠠᠷᠠᠴᠠ ᠬᠣᠯᠠᠲᠠᠯᠠ !
ᠣᠷᠣᠢ ᠳᠡᠭᠡᠷᠡ ᠮᠢᠨᠢ ᠴᠠᠪ ᠴᠡᠩᠬᠡᠷ
ᠪᠢ ᠂ ᠣᠲᠣᠨ ᠲᠡᠮᠲᠡᠭᠲᠦ ᠮᠠᠯᠠᠭᠠᠢ ᠵᠡᠭᠦᠯᠡ
ᠤᠯᠠ ᠶ᠋ᠢᠨ ᠳᠣᠣᠷᠠ ᠮᠢᠨᠢ ᠨᠤᠪ ᠨᠤᠭᠤᠭᠠᠨ
ᠪᠢ ᠂ ᠤᠷᠭᠤᠴᠠ ᠪᠠᠶᠠᠨ ᠬᠠᠩᠭᠠᠢ ᠣᠯᠤᠯᠠ
ᠬᠤᠷᠤᠢ ᠬᠤᠷᠤᠢ
ᠬᠣᠯᠠ ᠶ᠋ᠢᠨ ᠰᠢᠷᠠ ᠡᠯᠡᠰᠦᠨ ᠵᠠᠮ ᠶ᠋ᠢᠠᠷ
ᠬᠣᠨᠣᠭ ᠥᠷᠥᠬᠦ ᠲᠡᠮᠡᠭᠡᠨ ᠴᠤᠪᠤᠬ᠋ᠠ
ᠬᠤᠷᠤᠢ ᠬᠤᠷᠤᠢ
ᠵᠤᠯᠠᠷᠠᠬᠤ ᠨᠠᠮᠤᠷ ᠦ᠋ᠨ ᠰᠡᠷᠢᠭᠦᠨ ᠳᠠᠭᠤᠤ ᠪᠠᠷ
ᠵᠤᠰᠠᠯᠠᠩ ᠠᠯᠲᠠᠬᠤ ᠣᠲᠣᠷ ᠮᠠᠶ᠋ᠢᠬᠠᠨ
ᠬᠤᠷᠤᠢ ᠬᠤᠷᠤᠢ ᠁
ᠠᠭᠤᠯᠠ ᠶ᠋ᠢᠨ ᠥᠨᠲᠥᠷ ᠣᠷᠣᠢ ᠳ᠋ᠦ᠍
ᠣᠩᠭᠣᠨ ᠪᠤᠭᠤᠷᠤᠯ ᠬᠥᠮᠦᠨ ᠠᠮᠢᠲᠤᠷᠠᠯ ᠦ᠋ᠨ ᠪᠣᠲᠣᠯ ᠦ᠋ᠨ ᠥᠨᠲᠥᠷ ᠣᠷᠣᠢ ᠳ᠋ᠦ᠍
ᠬᠤᠷᠤᠢ ᠬᠤᠷᠤᠢ ᠂ ᠬᠤᠷᠤᠢ — ᠬᠤᠷᠤᠢ ᠁
1986
ᠵᠠᠯᠠᠭᠤ ᠰᠢᠯᠦᠭᠴᠢᠳ ᠦᠨ ᠴᠣᠪᠣᠷᠠᠯ ᠪᠢᠴᠢᠭ᠌
< ᠢᠷᠡᠬᠦ ᠵᠠᠭᠤᠨ ᠤ ᠬᠣᠩᠬᠣᠨ ᠳᠠᠭᠤᠨ > ᠡᠴᠡ ᠬᠠᠭᠤᠯᠪᠠ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ ᠄ ᠪᠠᠭᠠᠲᠤᠷ
ᠬᠢᠨᠠᠭᠴᠢ ᠄ ᠴᠣᠯᠮᠣᠨᠲᠤᠶᠠᠭᠠ
2023 ᠂ 4 ᠂ 23 ᠪ ᠡᠲᠦᠷ