ᠦᠨᠢᠶᠡ ᠰᠠᠭᠠᠬᠤ ᠶᠢ ᠰᠤᠷᠪᠠ （ ᠬᠡᠯᠡ ᠪᠢᠴᠢᠭ – ᠶᠢᠰᠦᠳᠦᠭᠡᠷ ᠳᠡᠪᠲᠡᠷ） Үнээ саахыг сурав（ Хэл бичиг – Есдүгээр дэвтэр）
288ᠦᠨᠢᠶᠡ ᠰᠠᠭᠠᠬᠤ ᠶᠢ ᠰᠤᠷᠪᠠ
ᠡᠨᠡ ᠵᠤᠨ ᠤ᠋ ᠠᠮᠠᠷᠠᠯᠲᠠ ᠳ᠋ᠤ᠌ ᠪᠢ ᠬᠥᠳᠡᠭᠡ ᠪᠠᠶ᠋ᠢᠬ᠋ᠠ ᠡᠮᠡᠭᠡ ᠡᠵᠢ ᠶ᠋ᠢᠨ ᠳ᠋ᠡᠭᠡᠨ ᠣᠴᠢᠵᠤ ᠵᠤᠨ ᠤ᠋ ᠠᠮᠠᠷᠠᠯᠲᠠ ᠪᠠᠨ ᠥᠩᠭᠡᠷᠡᠭᠡᠯᠡ ᠃
ᠵᠤᠨ ᠤ᠋ ᠴᠠᠭ ᠤ᠋ᠨ ᠬᠥᠳᠡᠭᠡ ᠨᠤᠲᠤᠭ ᠤ᠋ᠨ ᠦᠳᠡᠰᠢ ᠲᠡᠶ᠋ᠢᠮᠦ ᠬᠥᠭᠵᠢᠶᠡᠨ ᠲᠡᠢ ᠠᠵᠢ ᠃
ᠵᠠᠯᠠᠨ ᠳᠡᠭᠡᠷᠡ ᠲᠤᠭᠤᠯ ᠪᠢᠷᠠᠭᠤ ᠲᠣᠭᠯᠠᠲᠠᠯᠠ ᠂ ᠪᠤᠬᠠ ᠮᠥᠭᠡᠷᠡᠵᠦ ᠬᠣᠨᠢ ᠢᠮᠠᠭᠠ ᠮᠠᠶ᠋ᠢᠯᠠᠨᠠ ᠃ ᠡᠮᠡᠭᠡ ᠡᠵᠢ ᠶ᠋ᠢᠨ ᠦᠨᠢᠶᠡ ᠰᠠᠭᠠᠬᠤ ᠳᠠᠭᠤᠨ ᠭᠣᠷ ᠭᠣᠷ ᠭᠤᠷᠴᠢᠭᠢᠨᠠᠬᠤ ᠳ᠋ᠤ᠌ ᠵᠦᠯᠭᠡᠨ ᠦ᠌ ᠮᠡᠯᠡᠬᠡᠢ ᠭᠤᠸᠠ ᠭᠤᠸᠠ ᠭᠤᠸᠠᠭᠯᠠᠭᠠᠳ ᠂ ᠬᠥᠳᠡᠭᠡ ᠨᠤᠲᠤᠭ ᠤ᠋ᠨ ᠬᠥᠭᠵᠢᠶᠡᠨᠲᠦ ᠦᠳᠡᠰᠢ ᠦᠨᠡᠬᠡᠷ ᠲᠤᠶ᠋ᠢᠯ ᠤ᠋ᠨ ᠰᠠᠢᠬᠠᠨ ᠲᠠᠭᠠᠯᠠᠮᠵᠢᠲᠠᠢ ᠰᠠᠨᠠᠭᠳᠠᠨᠠ ᠃
ᠪᠢ ᠣᠷᠣᠢ ᠪᠦᠭᠦᠳᠡ ᠡᠮᠡᠭᠡ ᠡᠵᠢ ᠪᠡᠨ ᠳᠠᠭᠠᠵᠤ ᠦᠨᠢᠶᠡ ᠰᠠᠭᠠᠬᠤ ᠶ᠋ᠢ ᠰᠤᠷᠪᠠ ᠃
ᠡᠮᠡᠭᠡ ᠡᠵᠢ ᠨᠠᠳᠠ ᠦᠨᠢᠶᠡ ᠰᠠᠭᠠᠬᠤ ᠳ᠋ᠤ᠌ ᠠᠯᠢ ᠲᠠᠯᠠ ᠳ᠋ᠤᠨᠢ ᠰᠠᠭᠤᠬᠤ ᠂ ᠰᠠᠭᠤᠯᠠᠭᠠ ᠪᠠᠨ ᠶᠠᠭᠠᠬᠢᠵᠤ ᠲᠣᠭᠲᠠᠭᠠᠬᠤ ᠂ ᠭᠠᠷ ᠢ᠋ᠶ᠋ᠠᠨ ᠶᠠᠭᠠᠬᠢᠵᠤ ᠬᠥᠳᠡᠯᠭᠡᠬᠦ ᠵᠡᠷᠭᠡ ᠶ᠋ᠢ ᠪᠦᠷ ᠨᠢᠭᠡᠳ ᠨᠢᠭᠡ ᠪᠡᠷ ᠵᠢᠭᠠᠵᠤ ᠥᠭᠭᠦᠭᠡᠳ ᠂ ᠬᠠᠮᠤᠭ ᠤ᠋ᠨ ᠵᠥᠭᠡᠯᠡᠨ ᠬᠥᠬᠥ ᠲᠡᠢ ᠱᠠᠭᠠᠵᠠᠭᠠᠢ ᠠᠯᠠᠭ ᠦᠨᠢᠶᠡ ᠶ᠋ᠢ ᠰᠠᠭᠠᠵᠤ ᠰᠤᠷ ᠭᠡᠪᠡ ᠃
ᠪᠢ ᠡᠮᠡᠭᠡ ᠡᠵᠢ ᠶ᠋ᠢᠨ ᠵᠢᠭᠠᠭᠰᠠᠨ ᠶᠣᠰᠣᠭᠠᠷ ᠦᠨᠢᠶᠡᠨ ᠦ᠌ ᠪᠡᠨ ᠵᠥᠪ ᠲᠠᠯᠠ ᠳ᠋ᠤᠨᠢ ᠴᠣᠮᠴᠣᠶ᠋ᠢᠵᠤ ᠰᠠᠭᠤᠭᠠᠳ ᠰᠠᠭᠤᠯᠠᠭᠠ ᠪᠠᠨ ᠡᠪᠦᠳᠦᠭ ᠳᠡᠭᠡᠷᠡ ᠪᠡᠨ ᠡᠪᠯᠡᠭᠦᠯᠵᠦ ᠲᠠᠯᠪᠢᠭᠠᠳ ᠦᠨᠢᠶᠡᠨ ᠦ᠌ ᠪᠡᠨ ᠬᠥᠬᠥ ᠶ᠋ᠢ ᠶᠠᠭᠠᠬᠢᠭᠰᠠᠨ ᠴᠤ᠌ ( ᠥᠷᠥᠭᠡᠯᠳᠡᠭᠦᠯᠦᠨ ※ ) ᠰᠢᠪᠲᠤᠷᠴᠤ ᠪᠣᠯᠬᠤ ᠦᠭᠡᠢ ᠭᠡᠳᠡᠭ ᠊ᠢ ᠨᠢ ᠴᠡᠭᠡᠵᠢᠯᠡᠵᠦ ᠂ ᠤᠷᠢᠳᠠᠪᠠᠷ ᠬᠣᠶ᠋ᠢᠲᠤ ᠬᠣᠶᠠᠷ ᠬᠥᠬᠥ ᠶ᠋ᠢ ᠨᠢ ᠬᠣᠶᠠᠷ ᠭᠠᠷ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠡᠭᠡᠯᠵᠢᠯᠡᠨ ᠰᠢᠪᠲᠤᠷᠬᠤ ᠳ᠋ᠤ᠌ ᠬᠤᠷᠤᠭᠤ ᠨᠤᠭᠤᠳ ᠢ᠋ᠶ᠋ᠠᠨ ᠳᠡᠮᠲᠡᠢ ᠰᠠᠢᠬᠠᠨ ᠳᠡᠮᠨᠡᠬᠦ ᠶ᠋ᠢ ᠴᠢᠳᠠᠬᠤ ᠦᠭᠡᠢ ᠪᠣᠯᠬᠣᠷ ᠰᠦ ᠨᠢ ᠭᠠᠷᠬᠤ ᠦᠭᠡᠢ ᠂ ᠦᠨᠢᠶᠡ ᠬᠥᠯ ᠢ᠋ᠶ᠋ᠡᠨ ᠲᠡᠶ᠋ᠢᠴᠢᠯᠡᠵᠦ ᠵᠠᠶ᠋ᠢᠯᠠᠪᠠ ᠃
ᠬᠠᠵᠠᠭᠤ ᠳ᠋ᠤ᠌ ᠪᠠᠶ᠋ᠢᠬᠰᠠᠠ ᠡᠮᠡᠭᠡ ᠡᠵᠢ ᠰᠠᠨᠳᠤᠷᠤᠨ ᠦᠨᠢᠶᠡ ᠶ᠋ᠢ ᠲᠤᠱᠠᠭᠠᠳ ᠨᠠᠳᠠ ᠶ᠋ᠢ ᠳᠠᠬᠢᠵᠤ ᠰᠠᠭᠠ ᠭᠡᠪᠡ ᠃ ᠪᠢ ᠬᠥᠬᠥ ᠶ᠋ᠢ ᠨᠢ ᠰᠢᠪᠲᠤᠷᠤᠭᠰᠠᠠ ᠳ᠋ᠤ᠌ ᠪᠠᠰᠠ ᠯᠠ ᠳᠡᠮᠡᠢ ᠰᠦ ᠭᠠᠷᠤᠭᠰᠠᠨ ᠦᠭᠡᠢ ᠃ ᠡᠮᠡᠭᠡ ᠡᠵᠢ ᠨᠠᠳᠠ ᠶ᠋ᠢ《 ᠬᠦᠴᠦᠲᠡᠢ ᠰᠢᠪᠲᠤᠷᠠ 》 ᠭᠡᠪᠡ ᠃ ᠪᠢ 《 ᠬᠦᠴᠦᠲᠡᠢ ᠰᠢᠪᠲᠤᠷᠪᠠᠯ ᠬᠥᠬᠥ ᠨᠢ ᠡᠪᠡᠳᠬᠦ ᠦᠭᠡᠢ ᠤᠤ ? 》 ᠭᠡᠰᠡᠨ ᠳ᠋ᠦ᠍ 《 ᠵᠦᠭᠡᠷ ᠂ ᠵᠦᠭᠡᠷ ᠂ ᠴᠢᠨᠦ ᠭᠠᠷ ᠪᠠᠶ᠋ᠢᠲᠤᠭᠠᠢ ᠂ ᠲᠤᠭᠤᠯ ᠤ᠋ᠨ ᠲᠡᠶ᠋ᠢᠮᠦ ᠬᠠᠲᠠᠭᠤ ᠤᠷᠤᠭᠤᠯ ᠪᠤᠶ᠋ᠢᠯᠠ ᠬᠦᠷᠲᠡᠯᠡ ᠡᠪᠡᠳᠬᠡᠵᠦ ᠴᠢᠳᠠᠬᠤ ᠦᠭᠡᠢ ᠶᠦ᠍ᠮ ᠰᠢᠦ ! 》 ᠭᠡᠪᠡ ᠃
ᠪᠢ ᠦᠨᠡᠬᠡᠷ ᠬᠡᠯᠡᠭᠰᠡᠨ ᠢ᠋ᠶ᠋ᠡᠷ ᠨᠢ ᠬᠦᠴᠦᠲᠡᠢ ᠰᠢᠪᠲᠤᠷᠤᠭᠰᠠᠠ ᠳ᠋ᠤ᠌ ᠰᠦ ᠨᠢ ᠳᠣᠣᠷᠠ ᠪᠠᠨ ᠰᠠᠳᠠᠭᠠᠨᠠᠨ ᠭᠠᠷᠴᠤ ᠰᠠᠭᠤᠯᠠᠭᠠᠨ ᠤ᠋ ᠢᠷᠣᠭᠠᠷ ᠲᠤ᠌ ᠴᠠᠭᠠᠨ ᠵᠢᠷᠤᠭᠠᠰᠤ ᠲᠠᠲᠠᠭᠤᠯᠤᠨ ᠪᠠᠭᠤᠯᠠ ᠃ ᠰᠠᠢᠨ ᠰᠠᠭᠠᠭᠠᠷᠠᠢ ᠭᠡᠰᠡᠨ ᠰᠢᠭ ᠦᠨᠢᠶᠡ ᠴᠦ᠍ ᠳᠡᠮᠡᠢ ᠬᠥᠳᠡᠯᠬᠦ ᠦᠭᠡᠢ ᠡᠷᠡᠦ ᠪᠡᠨ ᠶᠠᠶ᠋ᠢᠵᠠᠭᠠᠨᠠᠠ ᠠᠮᠤᠷᠯᠢᠩᠭᠤᠢ ᠬᠡᠪᠢᠵᠦ ᠪᠠᠶ᠋ᠢᠪᠠ ᠃ ᠡᠨᠡ ᠮᠡᠲᠦ ᠪᠡᠷ ᠬᠡᠳᠦᠨ ᠣᠷᠣᠢ ᠰᠠᠭᠠᠵᠤ ᠣᠷᠣᠯᠳᠣᠭᠰᠠᠭᠠᠷ ᠪᠠᠶ᠋ᠢᠭᠠᠤᠠ ᠡᠪ ᠊ᠢ ᠨᠢ ᠣᠯᠤᠭᠰᠠᠨ ᠠ᠋ᠴᠠ ᠭᠠᠷ ᠴᠤ᠌ ᠬᠥᠰᠢᠬᠦ ᠪᠡᠨ ᠪᠣᠯᠢᠪᠠ ᠃
ᠵᠡᠭᠦᠯᠲᠡ ※ ᠥᠷᠥᠭᠡᠯᠲᠥᠭᠦᠯᠦᠨ ᠭᠡᠰᠡᠨ ᠤᠭ ᠦᠰᠦᠭ ᠊ᠢ ᠥᠷᠥᠭᠡᠯᠳᠡᠭᠦᠯᠦᠨ ᠭᠡᠵᠦ ᠵᠠᠰᠠᠪᠠ ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠪᠣᠷᠵᠢᠭᠢᠨ᠂ ᠨᠠᠷᠠᠨᠭᠡᠷᠡᠯ
ᠬᠢᠨᠠᠭᠴᠢ ᠄ ᠣᠤᠠᠬᠠᠨᠰᠣᠠ ᠂ ᠠ · ᠰᠠᠷᠠᠨᠭᠡᠷᠡᠯ
2023.3.8