ᠵᠤᠭᠠᠴᠠᠯ ᠤᠨ ᠵᠤᠭᠠ - ᠲ ᠂ ᠭᠣᠮᠪᠣᠵᠠᠪ Зугаацлын зугаа - Т᠂ Гомбожав
265ᠵᠤᠭᠠᠴᠠᠯ ᠤᠨ ᠵᠤᠭᠠ
ᠲ ᠂ ᠭᠣᠮᠪᠣᠵᠠᠪ
ᠳᠠᠯᠠᠨ ᠬᠠᠷᠠ
ᠬᠥᠮᠦᠨ ᠪ ᠨᠢᠲᠦᠨ ᠳ᠋ᠦ᠍ ᠴᠢ
ᠪᠥᠮᠪᠥᠷᠴᠡᠭ ᠦ᠋ᠨ ᠭᠣᠣᠯ ᠨᠢᠷᠤᠭᠤ ᠪᠢᠰᠢ
ᠪᠥᠷᠭᠦᠳ ᠦ᠋ᠨ ᠵᠢᠭᠦᠷ ᠨᠢᠰᠴᠦ ᠲᠤᠯᠬᠤ ᠦᠭᠡᠢ ᠡᠯᠡᠭᠳᠡᠳᠡᠭ ᠾᠢᠮᠠᠯᠢ ᠠᠭᠤᠯᠠ ᠪᠢᠰᠢ ᠡ
ᠮᠢᠨᠦ ᠨᠢᠲᠦᠨ ᠳ᠋ᠦ᠍ ᠴᠢ
ᠬᠣᠷᠸ᠋ᠠ ᠶ᠋ᠢᠨ ᠨᠣᠶᠠᠨ ᠨᠢᠷᠤᠭᠤ
ᠬᠣᠨᠣᠭ ᠦ᠋ᠨ ᠵᠡᠭᠦᠲᠦᠨ ᠳ᠋ᠦ᠍ ᠨᠠᠷᠠ ᠪᠥᠮᠪᠥᠷᠢᠭᠦᠯᠦᠨ ᠭᠡᠷᠡᠯᠲᠦᠳᠡᠭ ᠾᠢᠮᠠᠯᠢ ᠠᠭᠤᠯᠠ ᠪᠠᠶ᠋ᠢᠨᠠᠮ
ᠳᠠᠯᠠᠨ ᠬᠠᠷᠠ ᠡ
ᠴᠢᠮᠠᠶ᠋ᠢ ᠪᠠᠨ ᠲᠦᠰᠢᠵᠦ ᠬᠦᠰᠡᠯ ᠮᠢᠨᠢ ᠤᠷᠭᠤᠵᠤ ᠪᠠᠶ᠋ᠢᠨᠠ ᠰᠢᠦ
ᠣᠪᠣᠬ᠋ᠠ
1
ᠬᠡᠭᠡᠷᠡ ᠶ᠋ᠢᠨ ᠨᠣᠭᠣᠭᠠᠨ ᠬᠥᠬᠥ
ᠬᠡᠨ ᠢ ᠰᠠᠨᠠᠭᠰᠠᠨ ᠰᠡᠤᠠᠬᠢᠯ ᠪᠢᠯᠡ ᠴᠢ
2
ᠴᠢ ᠮᠢᠨᠢ ᠬᠣᠯᠠ ᠶ᠋ᠢ ᠴᠢᠩᠨᠠᠵᠤ ᠳᠤᠪ ᠳᠤᠭᠤᠢ ᠵᠣᠭᠰᠣᠨᠠ
ᠴᠢ ᠲᠡᠷᠡ
ᠬᠡᠢ ᠮᠣᠷᠢ ᠶ᠋ᠢᠨ ᠴᠢᠨᠢ ᠥᠩᠭᠡᠲᠦ ᠳᠠᠯᠪᠠᠭᠠᠰ ᠶᠠᠭᠤ ᠳᠠᠯᠠᠯᠵᠤ ᠬᠡᠶ᠋ᠢᠰᠦᠨᠡ ᠪᠢᠯᠡ
ᠭᠡᠰᠡᠭ ᠭᠡᠰᠡᠭ ᠶ᠋ᠢᠡᠷ ᠶ᠋ᠢᠡᠨ ᠡᠪ ᠡᠷᠭᠦᠭᠰᠡᠨ ᠴᠢᠯᠠᠭᠤᠳ ᠴᠢᠨᠢ
ᠬᠡᠨ ᠊ᠢ ᠳᠤᠷᠠᠰᠤᠨ ᠵᠡᠭᠦᠲᠦ ᠪᠡᠨ ᠳᠠᠷᠤᠵᠤ ᠬᠡᠪᠲᠡᠨᠡ ᠪᠢᠯᠡ ?
3
ᠴᠢᠨᠦ ᠳᠡᠭᠡᠷᠡ
ᠲᠩᠷᠢ ᠶ᠋ᠢᠨ ᠨᠢᠲᠦ ᠥᠯᠥᠰᠭᠦᠯᠡᠩ ᠲᠤᠰᠤᠨᠠ
ᠲᠡᠨᠥᠭᠦ ᠡᠭᠦᠯᠡᠰ ᠦ᠋ᠨ ᠬᠠᠭᠤᠷᠠᠢ ᠰᠡᠭᠦᠲᠡᠷ ᠥᠯᠥᠨ ᠡᠷᠭᠢᠴᠡᠨᠡ
ᠲᠡᠭᠡᠬᠦ ᠲᠤᠲᠤᠮ ᠴᠢᠨᠦ ᠨᠣᠶ᠋ᠢᠷ ᠂ ᠤᠯᠠᠮ ᠤᠯᠠᠮ ᠰᠡᠷᠭᠦᠨᠡ
4
ᠬᠠᠶᠠ ᠨᠢᠭᠡ ᠶᠠᠲᠠᠷᠠᠭᠰᠠᠨ ᠪᠥᠷᠭᠦᠳ ᠢᠷᠡᠵᠦ
ᠬᠠᠶ᠋ᠢᠷ ᠊ᠢ ᠴᠢᠨᠢ ᠳᠣᠯᠢᠶᠠᠨ ᠵᠦᠳᠡᠭᠰᠡᠨ ᠲᠠᠮᠢᠷ ᠶ᠋ᠢᠠᠨ ᠰᠡᠯᠪᠢᠨᠡ
ᠲᠡᠭᠡᠬᠦ ᠳ᠋ᠦ᠍ ᠂ ᠴᠢ
ᠡᠯᠡᠭᠳᠡᠭᠰᠡᠨ ᠲᠣᠮᠣ ᠳᠠᠯᠠᠪᠴᠢ ᠶ᠋ᠢ ᠨᠢ ᠲᠡᠪᠡᠷᠢᠵᠦ
ᠡᠯᠡᠰᠦᠨ ᠳ᠋ᠦ᠍ ᠱᠠᠵᠢᠭᠢᠨᠠᠬᠤ ᠬᠥᠯ ᠦ᠋ᠨ ᠴᠢᠮᠡᠭᠡ ᠴᠢᠩᠨᠠᠲᠠᠭ ᠶᠤᠮ ᠪᠢᠯᠡ
5
ᠨᠠᠷᠢᠨ ᠡᠪᠡᠰᠦ ᠪᠡᠨ ᠲᠠᠨᠢᠨᠠ
ᠨᠠᠮᠠᠶ᠋ᠢ ᠴᠢ ᠲᠠᠨᠢᠬᠤ ᠦᠭᠡᠢ ᠂ ᠭᠡᠪᠡᠴᠦ —
ᠬᠦᠰᠡᠯ ᠪᠣᠯᠭᠠᠵᠤ ᠴᠢᠨᠦᠬᠢ ᠪᠡᠨ ᠳᠡᠭᠡᠷᠡ ᠪᠢ
ᠴᠢᠯᠠᠭᠤ ᠥᠷᠥᠬᠦ ᠤᠴᠢᠷ ᠲᠠᠢ ᠪᠢᠯᠡ
ᠬᠥᠯᠦᠭ ᠪᠣᠯᠵᠤ ᠴᠢᠨᠦᠬᠢ ᠪᠡᠨ ᠡᠮᠦᠨᠡ ᠪᠢ
ᠱᠣᠭᠰᠢᠵᠤ ᠭᠦᠶᠦᠬᠦ ᠤᠴᠢᠷ ᠲᠠᠢ ᠪᠢᠯᠡ !
1986.9
ᠵᠠᠯᠠᠭᠤ ᠰᠢᠯᠦᠭᠴᠢᠳ ᠦᠨ ᠴᠣᠪᠣᠷᠠᠯ ᠪᠢᠴᠢᠭ᠌
< ᠢᠷᠡᠬᠦ ᠵᠠᠭᠤᠨ ᠤ ᠬᠣᠩᠬᠣᠨ ᠳᠠᠭᠤᠨ > ᠡᠴᠡ ᠬᠠᠭᠤᠯᠪᠠ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ ᠄ ᠲᠡᠭᠷᠢ ᠡᠵᠢ
ᠬᠢᠨᠠᠭᠴᠢ ᠄ ᠴᠣᠯᠮᠣᠨᠲᠤᠶᠠᠭᠠ
2023 ᠂ 4 ᠂ 23 ᠪ ᠡᠲᠦᠷ