ᠵᠠᠩᠭᠠᠷ ᠤ᠋ᠨ ᠲᠤᠤᠯᠢ ᠣᠷᠣᠰᠢᠯ ᠪᠦᠯᠦᠭ ᠦᠨ ᠬᠣᠶᠠᠳᠤᠭᠠᠷ ᠬᠡᠰᠡᠭᠯᠡᠯ- ᠵᠠᠩᠭᠠᠷ ᠤ᠋ᠨ ᠳᠦᠷᠢЖангарын тууль оршил бөлгийн нэгдүгээр хэсэглэл-Жангарын дүр
3007ᠵᠠᠩᠭᠠᠷ ᠤᠨ ᠲᠤᠤᠯᠢ ᠣᠷᠣᠰᠢᠯ ᠪᠦᠯᠦᠭ ᠦᠨ ᠬᠣᠶᠠᠳᠤᠭᠠᠷ ᠬᠡᠰᠡᠭᠯᠡᠯ
ᠵᠠᠩᠭᠠᠷ ᠤ᠋ᠨ ᠳᠦᠷᠢ
ᠡᠷᠳᠡᠨᠢ ᠶ᠋ᠢᠨ ᠡᠬᠢᠨ ᠴᠠᠭ ᠲᠤ᠌ ᠭᠡᠨᠡ ᠯᠡ᠂
ᠡᠨᠡ ᠣᠯᠠᠨ ᠪᠤᠷᠬᠠᠳ ᠤ᠋ᠨ᠂ ᠱᠠᠵᠢᠨ ᠳᠡᠯᠭᠡᠷᠡᠬᠦ ᠴᠠᠭ ᠲᠤ᠌ ᠭᠡᠨᠡ ᠯᠡ᠂
ᠭᠠᠵᠠᠭᠠᠳᠤ ᠳᠠᠯᠠᠢ ᠴᠢᠨᠢ᠂ ᠴᠠᠯᠴᠢᠭ ᠪᠠᠯᠴᠢᠭ ᠴᠠᠭ ᠲᠤ᠌ ᠭᠡᠨᠡ ᠯᠡ᠂
ᠭᠠᠯᠪᠠᠷ ᠽᠠᠨᠳᠠᠨ ᠮᠣᠳᠣᠨ ᠴᠢᠨᠢ᠂ ᠪᠤᠷᠢᠶᠠ ᠨᠠᠢᠳᠠᠭ ᠴᠠᠭ ᠲᠤ᠌ ᠭᠡᠨᠡ ᠯᠡ᠂
ᠲᠠᠬᠢᠯ ᠵᠤᠯᠠ ᠬᠠᠭᠠᠨ ᠤ᠋ ᠦᠯᠡᠳᠡᠯ᠂
ᠲᠠᠩᠰᠤᠭ ᠪᠤᠮᠪᠠ ᠬᠠᠭᠠᠨ ᠤ᠋ ᠠᠴᠢ᠂
ᠦᠵᠦᠩ ᠠᠯᠳᠠᠷ ᠬᠠᠭᠠᠨ ᠤ᠋ ᠬᠥᠪᠡᠭᠦᠨ᠂
ᠦᠶᠡ ᠶ᠋ᠢᠨ ᠥᠨᠥᠴᠢᠨ ᠵᠠᠩᠭᠠᠷ ᠭᠡᠵᠦ ᠪᠠᠢᠭᠰᠠᠨ ᠰᠠᠨᠵᠠᠢ ᠭᠡᠨᠡ ᠯᠡ᠂
ᠠᠯᠳᠠᠷ ᠨᠣᠶᠠᠨ ᠪᠣᠭᠳᠠ ᠵᠠᠩᠭᠠᠷ ᠤ᠋ᠨ ᠮᠥᠨ ᠳᠦᠷᠢ᠂ ᠮᠦᠨᠳᠤ ᠪᠠᠢᠳᠠᠯ ᠢ᠋᠂
ᠡᠨᠳᠡ ᠰᠠᠭᠤᠭᠰᠠᠨ ᠲᠠᠨᠠᠷ ᠲᠠᠭᠠᠨ᠂ ᠬᠡᠯᠡᠭᠡᠳ ᠦᠵᠡᠳᠡᠭ ᠪᠣᠯᠬᠤᠯᠠ᠂
ᠭᠠᠷᠤᠭᠰᠠᠨ ᠠ᠋ᠴᠠ ᠪᠠᠨ ᠨᠠᠭᠠᠷᠠ ᠪᠣᠯᠬᠤᠯᠠᠷ᠂
ᠭᠠᠵᠠᠷ ᠤᠰᠤ ᠪᠠᠨ ᠠᠯᠳᠠᠭᠠᠳ ᠦᠭᠡᠢ᠂
ᠲᠥᠷᠥᠭᠰᠡᠨ ᠡᠴᠡ ᠪᠡᠨ ᠨᠠᠭᠠᠷᠠ ᠪᠠᠨ ᠪᠣᠯᠬᠤᠯᠠᠷ᠂
ᠲᠣᠬᠣᠮ ᠤ᠋ᠨ ᠴᠢᠨᠡᠭᠡᠨ ᠭᠠᠵᠠᠷ ᠤᠰᠤ ᠪᠠᠨ᠂
ᠲᠣᠪᠴᠢ ᠶ᠋ᠢᠨ ᠴᠢᠨᠡᠭᠡᠨ ᠠᠰᠢᠭ ᠲᠤᠰᠠ ᠪᠠᠨ᠂
ᠲᠤᠩ ᠭᠠᠷ ᠲᠤ᠌ ᠠ᠋ᠴᠠ ᠪᠠᠨ ᠠᠯᠳᠠᠭᠠᠳ ᠦᠭᠡᠢ ᠲᠥᠷᠥᠭᠰᠡᠨ᠂
ᠳᠠᠯᠤ ᠡᠭᠡᠮ ᠢ᠋ᠶ᠋ᠡᠷ ᠢ᠋ᠶ᠋ᠡᠨ᠂
ᠳᠠᠯᠠᠨ ᠲᠠᠪᠤᠨ ᠲᠣᠬᠣᠢ ᠲᠥᠷᠥᠭᠰᠡᠨ᠂
ᠳᠠᠪᠤᠰᠠᠭ ᠤ᠋ᠨ ᠡᠬᠢ ᠪᠡᠷ ᠢ᠋ᠶ᠋ᠡᠨ᠂
ᠨᠠᠶᠠᠨ ᠲᠠᠪᠤᠨ ᠲᠣᠬᠣᠢ ᠲᠥᠷᠥᠭᠰᠡᠨ᠂
ᠡᠩ ᠳ᠋ᠡᠭᠡᠨ ᠵᠢᠷᠠᠨ ᠠᠯᠲᠠ ᠴᠡᠭᠡᠵᠢ ᠲᠡᠢ ᠭᠡᠨᠡ ᠯᠡ᠂
ᠡᠯᠪᠡᠭ ᠨᠠᠶᠠᠨ ᠲᠣᠬᠣᠢ ᠨᠢᠷᠤᠭᠤ ᠲᠠᠢ ᠭᠡᠨᠡ ᠯᠡ᠂
ᠳᠠᠯᠤ ᠡᠭᠡᠮ ᠦ᠋ᠨ ᠬᠣᠭᠣᠷᠣᠨᠳᠣ ᠨᠢ᠂
ᠳᠠᠯᠠᠨ ᠠᠷᠰᠯᠠᠨ ᠤ᠋ ᠬᠦᠴᠦᠨ ᠪᠦᠷᠢᠳᠦᠭᠰᠡᠨ ᠭᠡᠨᠡ ᠯᠡ᠂
ᠬᠣᠭᠣᠯᠠᠢ ᠳᠡᠭᠡᠷᠡ ᠨᠢ᠂
ᠬᠣᠷᠢᠨ ᠨᠢᠭᠡᠨ ᠠᠷᠠᠢ ᠶ᠋ᠢᠨ ᠳᠠᠭᠢᠨᠢ ᠶ᠋ᠢᠨ ᠬᠦᠴᠦᠨ ᠪᠦᠷᠢᠳᠦᠭᠰᠡᠨ ᠭᠡᠨᠡ ᠯᠡ᠂
ᠬᠣᠩᠬᠣ ᠮᠥᠭᠡᠷᠰᠦᠨ ᠳ᠋ᠦ᠍ᠨᠢ᠂
ᠬᠣᠷᠢᠨ ᠨᠢᠭᠡᠨ ᠯᠤᠤᠰ ᠤ᠋ᠨ ᠳᠠᠭᠢᠨᠢ ᠶ᠋ᠢᠨ ᠷᠢᠳᠢ ᠰᠢᠳᠢ ᠪᠦᠷᠢᠳᠦᠭᠰᠡᠨ ᠭᠡᠨᠡ ᠯᠡ᠂
ᠴᠤᠯᠤ ᠮᠢᠬᠠ ᠲᠠᠢ ᠲᠥᠷᠥᠭᠰᠡᠨ ᠭᠡᠨᠡ᠂
ᠴᠤᠯᠭᠤ ᠶᠠᠰᠤ ᠲᠠᠢ ᠲᠥᠷᠥᠭᠰᠡᠨ ᠭᠡᠨᠡ᠂
ᠨᠢᠭᠲᠠ ᠮᠢᠬᠠ ᠲᠠᠢ ᠲᠥᠷᠥᠭᠰᠡᠨ ᠭᠡᠨᠡ᠂
ᠨᠡᠢᠯᠡᠨ ᠶᠠᠰᠤ ᠲᠠᠢ ᠲᠥᠷᠥᠭᠰᠡᠨ ᠭᠡᠨᠡ᠂
ᠬᠠᠮᠤᠭ ᠳᠡᠯᠡᠬᠡᠢ ᠶ᠋ᠢᠨ ᠶᠠᠭᠤᠮᠠ ᠪᠦᠬᠦᠨ᠂
ᠭᠠᠭᠴᠠᠬᠠᠨ ᠮᠢᠨᠦ ᠭᠡᠵᠦ ᠪᠣᠳᠣᠨ ᠰᠠᠭᠤᠳᠠᠭ᠂
ᠬᠠᠨ ᠨᠣᠶᠠᠨ ᠵᠠᠩᠭᠠᠷ ᠭᠡᠵᠦ᠂ ᠬᠡᠯᠡᠳᠡᠭ ᠰᠠᠨᠵᠠᠢ ᠭᠡᠨᠡ ᠯᠡ᠃
ᠦᠭᠡᠰ ᠦ᠋ᠨ ᠲᠠᠢᠯᠪᠤᠷᠢ᠄
1᠂ ᠮᠦᠨᠳᠤ ᠪᠠᠢᠳᠠᠯ᠁ ᠲᠤᠬᠠᠢ ᠶ᠋ᠢᠨ ᠴᠠᠭ ᠦᠶᠡ ᠶ᠋ᠢᠨ ᠬᠥᠮᠦᠨ ᠦ᠌ ᠪᠤᠶᠤ ᠠᠯᠢᠪᠠ ᠶᠠᠮᠠᠷ ᠨᠢᠭᠡᠨ ᠵᠦᠢᠯ ᠦ᠋ᠨ ᠦᠢᠯᠡ ᠶᠠᠪᠤᠳᠠᠯ ᠤ᠋ᠨ ᠦᠨᠡᠨ ᠮᠥᠨ ᠳᠦᠷᠢ ᠪᠠᠢᠳᠠᠯ᠃
2᠂ ᠪᠤᠯᠠᠬᠤᠯᠠ᠁ ᠪᠣᠯᠪᠠᠯ᠂ ᠪᠤᠯᠠᠪᠠᠰᠤ᠂ ᠪᠣᠯᠬᠣᠷ᠃
3᠂ ᠡᠩ ᠳ᠋ᠡᠭᠡᠨ᠁ ᠨᠡᠢᠳᠡᠮ ᠳ᠋ᠡᠭᠡᠨ᠂ ᠨᠡᠢᠲᠡ ᠳ᠋ᠡᠭᠡᠨ᠂ ᠦᠷᠭᠦᠯᠵᠢ ᠳ᠋ᠡᠭᠡᠨ᠃
4᠂ ᠡᠯᠪᠡᠭ᠁ ᠠᠭᠤᠵᠢᠮ᠂ ᠪᠠᠶᠠᠨ ᠡᠯᠪᠡᠭ᠃
5᠂ ᠠᠷᠠᠢ ᠶ᠋ᠢᠨ ᠳᠠᠭᠢᠨᠢ᠁ ᠬᠤᠷᠮᠤᠰᠲᠠ ᠲᠡᠭᠷᠢ ᠶ᠋ᠢᠨ ᠳᠠᠭᠢᠨᠢ᠃
6᠂ ᠴᠤᠯᠭᠣ ᠶᠠᠰᠤᠲᠠᠢ᠁ ᠴᠢᠮᠦᠭᠡᠨ ᠶᠠᠰᠤ ᠨᠢ ᠬᠥᠨᠳᠡᠢ ᠦᠭᠡᠢ᠂ ᠬᠠᠪᠢᠷᠭᠠ ᠴᠡᠭᠡᠵᠢᠨ ᠪᠡᠶᠡ ᠪᠡᠷ ᠨᠢ ᠦᠶᠡ ᠦᠭᠡᠢ ᠪᠢᠲᠡᠭᠦᠦ᠃
