ᠵᠠᠩᠭᠠᠷ ᠤ᠋ᠨ ᠲᠤᠤᠯᠢ ᠣᠷᠣᠰᠢᠯ ᠪᠦᠯᠦᠭ ᠦᠨ ᠨᠢᠭᠡᠳᠦᠭᠡᠷ ᠬᠡᠰᠡᠭᠯᠡᠯ- ᠠᠷᠦ ᠪᠣᠮᠪᠣ ᠶᠢᠨ ᠣᠷᠣᠨЖангарын тууль оршил бөлгийн нэгдүгээр хэсэглэл-ар бомбын орон
12348ᠵᠠᠩᠭᠠᠷ ᠲᠤᠤᠯᠢ ᠣᠷᠣᠰᠢᠯ ᠪᠦᠯᠦᠭ ᠦᠨ ᠨᠢᠭᠡᠳᠦᠭᠡᠷ ᠬᠡᠰᠡᠭᠯᠡᠯ
ᠠᠷᠤ ᠪᠤᠮᠪᠠ ᠶ᠋ᠢᠨ ᠣᠷᠣᠨ
ᠲᠣᠳᠣ
ᠭᠡᠳᠡᠭ ᠨᠡᠷᠡᠲᠡᠢ ᠬᠤᠷᠳᠤᠨ
ᠰᠢᠪᠠᠭᠤ᠂
ᠲᠣᠯᠣᠭᠠᠢ ᠳ᠋ᠤᠨᠢ ᠭᠠᠷᠴᠤ ᠲᠣᠣᠷᠯᠠᠭᠠᠳ ᠦᠭᠡᠢ᠂
ᠳᠣᠷᠣᠭᠣ ᠲᠠᠢ ᠠᠭᠲᠠ ᠬᠦᠯᠦᠭ ᠬᠤᠷᠠ ᠨᠢ
ᠪᠣᠯᠬᠤ᠂
ᠲᠤᠩ ᠬᠣᠷᠮᠣᠢ ᠳ᠋ᠤᠨᠢ ᠬᠦᠷᠴᠦ ᠭᠢᠰᠬᠢᠭᠡ ᠦᠭᠡᠢ᠂
ᠲᠣᠭᠣᠰ ᠠᠯᠲᠠᠢ ᠶ᠋ᠢᠨ ᠪᠠᠷᠠᠭᠤᠨ ᠰᠤᠭᠤ ᠳ᠋ᠤ᠌ ᠨᠤᠲᠤᠭᠯᠠᠭᠰᠠᠨ᠂
ᠠᠯᠳᠠᠷ ᠨᠣᠶᠠᠨ ᠵᠠᠩᠭᠠᠷ ᠤ᠋ᠨ ᠨᠤᠲᠤᠭ᠂
ᠠᠷᠤ ᠪᠤᠮᠪᠠ ᠶ᠋ᠢᠨ ᠣᠷᠣᠨ ᠢ᠋᠂
ᠡᠨᠳᠡ ᠰᠠᠭᠤᠭᠰᠠᠨ ᠲᠠᠨᠠᠷ ᠲᠠᠭᠠᠨ᠂
ᠡᠬᠡᠰᠢᠭ ᠳᠠᠭᠤᠤ ᠪᠠᠷ ᠤᠶᠠᠩᠭᠠᠯᠠᠭᠠᠳ᠂
ᠡᠨᠳᠡᠯ ᠦᠭᠡᠢ ᠯᠠᠪᠯᠠᠰᠬᠢᠭᠡᠳ᠂
ᠡᠪᠦᠭᠡ ᠳᠡᠭᠡᠳᠦᠰ ᠡᠴᠡ ᠨᠠᠭᠠᠷᠠ ᠪᠠᠨ᠂
ᠣᠳᠣ ᠬᠦᠷᠲᠡᠯᠡ ᠵᠠᠯᠭᠠᠭᠰᠠᠨ᠂
ᠤᠭ ᠲᠠᠢ ᠵᠠᠩᠭᠠᠷᠴᠢ ᠨᠠᠷ ᠤ᠋ᠨ ᠶᠣᠰᠣ ᠪᠠᠷ᠂
ᠬᠡᠯᠡᠭᠡᠳ ᠢᠷᠡᠳᠡᠭ ᠪᠣᠯᠬᠤᠯᠠ᠂
ᠲᠡᠭᠷᠢ ᠶ᠋ᠢᠨ ᠣᠯᠠᠨ ᠠᠷᠢᠶᠠᠲᠠᠨ ᠵᠢᠭᠦᠷᠲᠡᠨ᠂
ᠲᠣᠭᠣᠰ ᠠᠯᠲᠠᠢ ᠳ᠋ᠤ᠌ ᠳᠣᠣᠭᠤᠷᠯᠠᠭᠰᠠᠨ ᠭᠡᠨᠡ ᠯᠡ᠂
ᠲᠢᠪ ᠦ᠋ᠨ ᠶᠡᠬᠡ ᠡᠳ᠋ ᠡᠷᠳᠡᠨᠢᠰ᠂
ᠲᠣᠭᠣᠰ ᠠᠯᠲᠠᠢ ᠳ᠋ᠤ᠌ ᠰᠦᠨᠳᠡᠷᠯᠡᠭᠰᠡᠨ ᠭᠡᠨᠡ ᠯᠡ᠂
ᠠᠭᠠᠷᠠᠤ ᠽᠠᠨᠳᠠᠨ ᠭᠡᠳᠡᠭ ᠮᠣᠳᠣᠨ ᠴᠢᠨᠢ᠂
ᠠᠭᠠᠷ ᠲᠤ᠌ ᠲᠤᠯᠤᠨ ᠤᠷᠭᠤᠭᠰᠠᠨ ᠰᠠᠨᠵᠠᠢ ᠭᠡᠨᠡ ᠯᠡ᠂
ᠠᠯᠠᠭ ᠰᠤᠬᠠᠢ ᠭᠡᠳᠡᠭ ᠮᠣᠳᠣᠨ ᠴᠢᠨᠢ᠂
ᠠᠴᠢ ᠳᠠᠴᠢ ᠠᠪᠤᠯᠴᠠᠨ ᠤᠷᠭᠤᠭᠰᠠᠨ ᠰᠠᠨᠵᠠᠢ ᠭᠡᠨᠡ ᠯᠡ᠂
ᠥᠷᠭᠡᠨ ᠰᠡᠷᠡᠳᠡᠭ ᠭᠡᠳᠡᠭ ᠳᠠᠯᠠᠢ ᠴᠢᠨᠢ᠂
ᠥᠷᠢᠭᠦᠦ ᠵᠥᠷᠢᠭᠦᠦ ᠤᠷᠤᠰᠬᠠᠯ ᠲᠠᠢ ᠭᠡᠨᠡ ᠯᠡ᠂
ᠦᠬᠡᠷ ᠬᠣᠨᠢ ᠶ᠋ᠢᠨ ᠴᠢᠨᠡᠭᠡᠨ ᠴᠢᠯᠠᠭᠤᠳ ᠢ᠋᠂
ᠦᠩᠬᠦ ᠲᠦᠩᠬᠦ ᠴᠤᠬᠢᠯᠴᠠᠭᠤᠯᠤᠨ ᠤᠷᠤᠰᠳᠠᠭ ᠰᠠᠨᠵᠠᠢ ᠭᠡᠨᠡ ᠯᠡ᠂
ᠬᠠᠯᠢᠶᠠᠬᠤᠯᠠᠷ ᠵᠢᠰᠦ ᠨᠢ ᠨᠢᠭᠡ ᠭᠡᠨᠡ ᠯᠡ᠂
ᠬᠠᠳᠬᠤᠬᠤᠯᠠᠷ ᠴᠢᠰᠤ ᠨᠢ ᠨᠢᠭᠡ ᠭᠡᠨᠡ ᠯᠡ᠂
ᠬᠠᠢᠬᠢᠷᠠᠭᠠᠳ ᠣᠳᠬᠤᠯᠠᠷ ᠤᠷᠢᠶᠠ ᠨᠢ ᠨᠢᠭᠡ ᠭᠡᠨᠡ ᠯᠡ᠂
ᠲᠠᠤᠯᠠᠢ ᠴᠣᠬᠢᠬᠤᠯᠠᠷ ᠢᠳᠡᠰᠢ ᠨᠢ ᠨᠢᠭᠡ ᠭᠡᠨᠡ ᠯᠡ᠂
ᠲᠣᠪᠴᠢ ᠨᠢ ᠲᠠᠰᠤᠷᠠᠬᠤᠯᠠᠷ ᠭᠠᠷᠤ ᠨᠢᠭᠡ ᠭᠡᠨᠡ ᠯᠡ᠂
ᠴᠢ ᠪᠢ ᠭᠡᠳᠡᠭ ᠬᠠᠳᠬᠤᠯᠳᠤᠭᠠᠨ ᠦᠭᠡᠢ ᠭᠡᠨᠡ ᠯᠡ᠂
ᠴᠢᠨᠦ ᠮᠢᠨᠦ ᠭᠡᠳᠡᠭ
ᠪᠤᠯᠢᠶᠠᠯᠳᠤᠭᠠᠨ ᠦᠭᠡᠢ ᠭᠡᠨᠡ ᠯᠡ᠂
ᠱᠠᠭᠠᠭᠰᠠᠨ ᠵᠡᠯᠡ ᠶ᠋ᠢᠨ ᠭᠠᠰᠤᠨ ᠪᠣᠯᠬᠤᠯᠠ᠂
ᠰᠠᠢᠬᠢ ᠶᠣᠰᠣ ᠪᠠᠷ ᠦᠮᠬᠡᠷᠡᠳᠡᠭ ᠶᠣᠰᠣᠨ ᠦᠭᠡᠢ ᠭᠡᠨᠡ ᠯᠡ᠂
ᠱᠢᠳᠠᠭᠠᠭᠰᠠᠨ ᠭᠠᠯ ᠤ᠋ᠨ ᠨᠣᠷᠣᠮ ᠨᠢ ᠪᠣᠯᠬᠤᠯᠠ᠂
ᠰᠠᠢᠬᠢ ᠶᠣᠰᠣ ᠪᠠᠷ ᠤᠨᠲᠠᠷᠠᠳᠠᠭ ᠶᠣᠰᠣᠨ ᠦᠭᠡᠢ ᠭᠡᠨᠡ ᠯᠡ᠂
ᠰᠡᠷ ᠰᠡᠷ ᠭᠡᠰᠡᠨ ᠰᠠᠯᠬᠢ ᠲᠠᠢ᠂ ᠪᠦᠷ ᠪᠦᠷ
ᠭᠡᠰᠡᠨ ᠬᠤᠷᠠ ᠲᠠᠢ᠂
ᠪᠤᠮᠪᠠ ᠶ᠋ᠢᠨ ᠰᠠᠢᠬᠠᠨ ᠣᠷᠣᠨ ᠭᠡᠵᠦ᠂
ᠬᠡᠯᠡᠳᠡᠭ ᠰᠠᠨᠵᠠᠢ
ᠭᠡᠨᠡ ᠯᠤ᠃
ᠦᠭᠡᠰ ᠦ᠋ᠨ ᠲᠠᠶ᠋ᠢᠯᠪᠤᠷᠢ ᠄
ᠦᠭᠡᠰ ᠦ᠋ᠨ ᠲᠠᠶ᠋ᠢᠯᠪᠤᠷᠢ ᠄
1. ᠲᠣᠣᠷᠯᠠᠭᠠᠳ — ᠪᠠᠭᠤᠳᠠᠯᠯᠠᠭᠠᠳ ᠂ ᠨᠤᠲᠤᠭᠯᠠᠭᠠᠳ ᠂ ᠠᠮᠢᠳᠤᠷᠠᠭᠠᠳ ᠃
2. ᠬᠤᠷᠠ ᠨᠢ ᠪᠣᠯᠬᠤ — ᠡᠬᠡ ᠡᠴᠡ ᠪᠡᠨ ᠲᠥᠷᠥᠭᠰᠡᠨ ᠴᠠᠭ ᠠ᠋ᠴᠠ ᠪᠠᠨ ᠬᠤᠶ᠋ᠢᠰᠢ ᠬᠦᠴᠦ ᠲᠠᠷᠭᠤ ᠪᠠᠨ ᠠᠯᠳᠠᠭᠠ ᠦᠭᠡᠢ ᠂ ᠡᠴᠡᠵᠦ ᠲᠤᠷᠠᠭᠠ ᠦᠭᠡᠢ ᠬᠦᠴᠦ ᠴᠢᠳᠠᠯ ᠢ᠋ᠶ᠋ᠠᠨ ᠬᠠᠲᠠᠭᠠᠯᠠᠭᠰᠠ ᠃
3. ᠲᠤᠩ — ᠣᠭᠲᠣ ᠂ ᠶᠡᠷᠦᠨᠢ ᠂ ᠶᠡᠷᠦᠳᠡᠭᠡᠨ ᠃
4. ᠯᠠᠪᠯᠠᠰᠬᠢᠭᠠᠳ( ᠯᠠᠪᠯᠠᠰᠬᠢᠭᠡᠳ) — ᠪᠠᠲᠤᠳᠬᠠᠭᠠᠳ ᠂ ᠲᠣᠳᠣᠯᠠᠭᠠᠳ ᠂ ᠲᠣᠭᠠᠴᠢᠭᠠᠳ ᠂
ᠯᠠᠪᠯᠠᠭᠠᠳ ᠃
5. ᠨᠠᠭᠠᠷᠠ ᠪᠠᠨ — ᠨᠠᠭᠠᠰᠢ ᠪᠠᠨ ᠃
6. ᠵᠠᠯᠭᠠᠭᠰᠠᠨ — ᠵᠠᠯᠭᠠᠮᠵᠢᠯᠠᠭᠰᠠᠨ ᠂ ᠥᠪᠯᠡᠨ
ᠤᠯᠠᠮᠵᠢᠯᠠᠭᠰᠠᠨ ᠃
7. ᠤᠭ ᠲᠠᠢ — ᠤᠤᠯ ᠤ᠋ᠨ ᠂ ᠡᠷᠲᠡᠨ ᠦ᠌ ᠂ ᠤᠳᠤᠮ ᠤᠭᠰᠠᠭᠠ ᠲᠠᠢ ᠂ ᠤᠳᠤᠮ ᠤᠭᠰᠠᠭᠠᠨ ᠤ᠋ ᠃
8. ᠲᠣᠣᠷᠯᠠᠭᠰᠠᠨ — ᠪᠠᠭᠤᠳᠠᠯᠯᠠᠭᠰᠠᠨ ᠂ ᠨᠤᠲᠤᠭᠯᠠᠭᠰᠠᠨ ᠂
ᠣᠯᠠᠨ ᠢ᠋ᠶ᠋ᠠᠷ ᠴᠤᠭᠯᠠᠨ ᠠᠮᠢᠳᠤᠷᠠᠭᠰᠠᠨ ᠃
9. ᠰᠡᠷᠲᠡᠭ — ᠭᠠᠵᠠᠷ ᠤᠰᠤ ᠂ ᠮᠥᠷᠡᠨ ᠲᠠᠩᠭᠢᠰ ᠤ᠋ᠨ ᠨᠡᠷᠡ ᠃
10 ᠂ ᠥᠷᠢᠭᠦᠦ ᠵᠥᠷᠢᠭᠦᠦ — ᠬᠣᠶᠠᠷ
ᠲᠠᠯᠠ ᠠ᠋ᠴᠠ ᠵᠥᠷᠢᠯᠳᠦᠬᠦ ᠃
11. ᠦᠩᠬᠦ ᠲᠦᠩᠬᠦ — ᠥᠩᠬᠥᠷᠢᠯᠴᠡᠨ ᠂ ᠲᠣᠰᠤᠯᠴᠠᠨ ᠃
12. ᠬᠠᠯᠢᠶᠠᠬᠤᠯᠠᠷ — ᠬᠠᠷᠠᠬᠤᠯᠠᠷ ᠃
13. ᠬᠠᠶ᠋ᠢᠬᠢᠷᠠᠭᠠᠳ — ᠬᠠᠰᠭᠢᠷᠠᠭᠠᠳ ᠃
14. ᠭᠠᠷᠤ — ᠭᠠᠷᠤᠯᠭᠠ ᠂ ᠭᠠᠷᠤᠵᠠ ᠃
15. ᠭᠠᠰᠤᠨ — ᠭᠠᠳᠠᠰᠤ ᠂ ᠭᠠᠲᠠᠰᠤᠨ ᠃
16. ᠬᠠᠳᠬᠤᠯᠳᠤᠭᠠᠨ ᠦᠭᠡᠢ — ᠵᠢᠭᠤᠷᠠᠯᠳᠤᠭᠠᠨ ᠂ ᠵᠢᠮᠡᠯᠡᠯᠴᠡᠭᠡᠨ᠂ ᠵᠥᠷᠢᠴᠡᠯ ᠮᠠᠷᠭᠤᠭᠠᠨ ᠦᠭᠡᠢ ᠃
17. ᠰᠠᠢᠬᠢ ᠶᠣᠰᠣ ᠪᠠᠷ — ᠤᠭ ᠶᠣᠰᠣ ᠪᠠᠷ ᠂ ᠤᠭ ᠤ᠋ᠨ ᠬᠡᠪ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠂ ᠤᠭ ᠤ᠋ᠨ ᠪᠠᠶ᠋ᠢᠬᠰᠠᠨ ᠬᠡᠪ ᠢ᠋ᠶ᠋ᠡᠷ ᠃
18. ᠲᠣᠳᠣ — ᠰᠢᠪᠠᠭᠤᠨ ᠤ᠋ ᠨᠡᠷᠡ ᠂ ᠳᠠᠭᠤᠨ ᠠ᠋ᠴᠠ ᠬᠤᠷᠳᠤᠨ ᠂ ᠰᠤᠮᠤᠨ ᠠ᠋ᠴᠠ ᠬᠤᠷᠳᠤᠨ ᠨᠢᠰᠳᠡᠭ ᠰᠢᠪᠠᠭᠤ ᠃
19. ᠥᠮᠬᠡᠷᠡᠲᠡᠭ ᠦᠭᠡᠢ — ᠢᠲᠡᠭᠲᠡᠲᠡᠭ ᠦᠭᠡᠢ ᠂ ᠢᠯᠵᠢᠷᠡᠳᠡᠭ ᠦᠭᠡᠢ ᠂ ᠮᠣᠳᠣ ᠭᠠᠵᠠᠷ ᠲᠤ᠌ ᠪᠤᠯᠠᠭᠳᠠᠭᠠᠳ ᠬᠡᠴᠢᠨᠡᠨ ᠤᠳᠠᠭᠰᠠᠨ ᠴᠤ᠌ ᠤᠭ ᠬᠡᠪ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠪᠠᠶ᠋ᠢᠬᠤ ᠃
20. ᠪᠤᠮᠪᠠ ᠶ᠋ᠢᠨ ᠣᠷᠣᠨ — ᠥᠨᠢ ᠡᠭᠦᠷᠢᠳᠡ ᠠᠮᠤᠭᠤᠯᠠᠩ ᠲᠠᠶ᠋ᠢᠪᠤᠩ ᠪᠠᠶ᠋ᠢᠲᠠᠭ ᠣᠷᠣᠨ ᠨᠤᠲᠤᠭ ᠂ ᠤᠯᠤᠰ
ᠣᠷᠣᠨ ᠃
