ᠪᠠᠢᠷᠢ – ᠲ ᠂ ᠭᠣᠮᠪᠣᠵᠠᠪ Байр – Т ᠂ Гомбожав
226ᠪᠠᠢᠷᠢ
ᠲ ᠂ ᠭᠣᠮᠪᠣᠵᠠᠪ
ᠠᠪᠤ ᠶ᠋ᠢᠨ ᠮᠢᠨᠢ ᠬᠢᠯᠢᠩ ᠨᠠᠮᠠᠶ᠋ᠢ ᠲᠠᠰᠢᠭᠤᠷᠲᠠᠨᠠ
ᠠᠪᠤ ᠳ᠋ᠤ᠌ ᠵᠡᠭᠦᠳᠦᠯᠡᠭᠳᠡᠳᠡᠭ ᠳᠠᠪᠠᠭᠠᠨ ᠡᠩᠭᠡᠷ ᠦ᠋ᠨ ᠪᠡᠯᠴᠢᠭᠡᠷ
ᠠᠯᠠᠬ᠋ᠠ ᠪᠠᠨ ᠰᠠᠷᠪᠠᠶ᠋ᠢᠵᠤ
ᠠᠲᠤᠭᠤ ᠪᠠᠨ ᠠᠪᠴᠢᠷᠠᠭᠰᠠᠨ ᠦᠭᠡᠢ ᠂ ᠦᠭᠡᠢ ! ᠭᠡᠵᠦ ᠨᠠᠮᠠᠶ᠋ᠢ ᠵᠠᠭᠠᠯᠲᠤᠵᠠᠢ ᠃
ᠠᠪᠠᠬ᠋ᠠ ᠶ᠋ᠢᠨ ᠮᠢᠨᠢ ᠬᠦᠢᠲᠡᠨ ᠰᠡᠭᠦᠷᠡᠰᠦ ᠨᠠᠮᠠᠶ᠋ᠢ ᠲᠠᠰᠢᠭᠤᠷᠲᠠᠨᠠ ᠃
ᠠᠷᠤ ᠶ᠋ᠢᠨ ᠬᠥᠲᠥᠯ ᠳᠡᠭᠡᠷᠡ
ᠠᠶ᠋ᠢᠯ ᠦ᠋ᠨ ᠪᠡᠷᠭᠡᠨ ᠪ ᠢᠨᠢᠶᠡᠲᠦ ᠬᠥᠭᠵᠢᠮᠳᠡᠭᠰᠡᠨ
ᠠᠯᠢᠶᠠ ᠪᠣᠲᠣᠯ ᠦ᠋ᠨ ᠳᠡᠭᠵᠢᠨ ᠦᠭᠡᠰ
ᠠᠪᠠᠬ᠋ᠠ ᠳ᠋ᠤ᠌ ᠮᠢᠨᠢ ᠬᠠᠷᠠᠭᠲᠠᠵᠠᠢ ᠃
ᠡᠵᠢ ᠮᠢᠨᠢ ᠰᠡᠤᠠᠬᠢᠯ ᠬᠦᠨᠲᠦᠬᠡᠨ ᠠᠮᠢᠰᠬᠤᠯᠯᠠᠨᠠ
ᠡᠰᠭᠡᠭᠰᠡᠨ ᠳᠡᠪᠡᠯ ᠦ᠋ᠨ ᠬᠢᠨᠢ ᠬᠦᠰᠡᠷᠳᠡᠭᠰᠡᠨ ᠰᠠᠨᠠᠬ᠋ᠠ
ᠡᠮᠦᠰᠬᠡᠯ ᠭᠣᠯᠣᠭᠰᠠᠨ ᠮᠢᠨᠦ ᠪᠡᠶᠡ ᠡᠴᠡ
ᠡᠵᠢ ᠳ᠋ᠤ᠌ ᠮᠢᠨᠢ ᠪᠠᠭᠤᠵᠤ
ᠰᠡᠤᠠᠬᠢᠯ ᠦ᠋ᠨ ᠬᠢᠨᠢ ᠬᠦᠨᠲᠦ ᠠᠮᠢᠰᠬᠤᠯ ᠪᠣᠯᠵᠠᠢ ᠃
ᠰᠢᠷᠡᠭᠡᠨ ᠳᠡᠭᠡᠷᠡ ᠪᠢᠲᠡ
ᠰᠢᠷᠡᠭᠡ ᠪᠡᠨ ᠬᠠᠷᠠᠵᠤ ᠪᠣᠲᠣᠯ ᠪᠣᠲᠣᠯ ᠶ᠋ᠢᠠᠨ ᠵᠠᠵᠢᠯᠤᠨᠠ
ᠰᠢᠲᠦ ᠨᠢ ᠣᠩᠭᠣᠷᠬᠠᠢ ᠨᠢᠯᠬᠠ ᠳᠡᠭᠦᠦ ᠮᠢᠨᠢ
ᠠᠪᠤ ᠶ᠋ᠢ ᠨᠢᠭᠡ ᠬᠠᠷᠠᠵᠤ
ᠠᠪᠠᠬ᠋ᠠ ᠶ᠋ᠢ ᠨᠢᠭᠡ ᠬᠠᠷᠠᠵᠤ
ᠠᠷᠭᠠᠲᠠᠬᠤ ᠨᠢᠲᠦ ᠪᠡᠷ ᠡᠵᠢ ᠶ᠋ᠢ ᠨᠢᠭᠡ ᠬᠠᠷᠠᠵᠤ
ᠠᠪᠢᠶᠠᠯᠠᠬᠤ ᠳ᠋ᠤ᠌ ᠬᠦᠴᠢᠷᠲᠡᠶ᠋ᠢᠬᠡᠨ ᠦᠰᠦᠭ ᠰᠢᠭ᠌
ᠨᠠᠮᠠᠶ᠋ᠢ ᠤᠲᠠᠲᠠᠯᠠ ᠬᠠᠷᠠᠭᠠᠳ
ᠠᠶᠠᠬ᠋ᠠ ᠪᠠᠨ ᠬᠣᠪᠲᠣᠭᠬᠠᠨ ᠡᠷᠭᠦᠬᠦ ᠶᠤᠮ ᠪᠢᠯᠡ !
ᠵᠠᠯᠠᠭᠤ ᠰᠢᠯᠦᠭᠴᠢᠳ ᠦᠨ ᠴᠣᠪᠣᠷᠠᠯ ᠪᠢᠴᠢᠭ᠌
< ᠢᠷᠡᠬᠦ ᠵᠠᠭᠤᠨ ᠤ ᠬᠣᠩᠬᠣᠨ ᠳᠠᠭᠤᠨ > ᠡᠴᠡ ᠬᠠᠭᠤᠯᠪᠠ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ ᠄ ᠲᠡᠭᠷᠢ ᠡᠵᠢ
ᠬᠢᠨᠠᠭ᠍ᠴᠢ ᠄ ᠴᠣᠯᠮᠣᠨᠲᠤᠶᠠᠭᠠ ᠪᠠᠭ᠍ᠰᠢ
2023 ᠣᠨ ᠪ4 ᠰᠠᠷᠠ ᠶ᠋ᠢᠨ 20