ᠵᠠᠯᠠᠭᠤ ᠲᠠᠮᠢᠷᠴᠢᠨ（ ᠬᠡᠯᠡ ᠪᠢᠴᠢᠭ – ᠶᠢᠰᠦᠳᠦᠭᠡᠷ ᠳᠡᠪᠲᠡᠷ）Залуу тамирчин（ Хэл бичиг – Есдүгээр дэвтэр）
678ᠵᠠᠯᠠᠭᠤ ᠲᠠᠮᠢᠷᠴᠢᠨ
ᠵᠠᠯᠠᠭᠤ ᠲᠠᠮᠢᠷᠴᠢᠳ ᠪᠥᠬᠥᠰᠬᠢᠯᠡ
ᠵᠠᠬᠠ ᠶ᠋ᠢᠨ ᠣᠯᠠᠨ ᠥᠨᠲᠡᠰᠬᠢᠯᠡ ᠃
ᠲᠦᠭᠰᠢᠬᠦ ᠵᠢᠷᠦᠬᠡ ᠪᠡᠨ ᠲᠠᠷᠣᠰᠬᠢᠯᠡ
ᠲᠥᠭᠥᠷᠢᠭᠯᠡᠭᠰᠡᠨ ᠣᠯᠠᠨ ᠊ᠢ ᠰᠢᠷᠲᠡᠰᠬᠢᠯᠡ ᠃
ᠳᠣᠬᠢᠶᠠᠨ ᠪ ᠫᠤᠤ ᠳᠡᠰ ᠬᠢᠯᠡ
ᠳᠣᠷᠪᠢᠯᠢᠬ ᠲᠠᠮᠢᠷᠴᠢᠳ ᠲᠠᠪ ᠬᠢᠯᠡ ᠃
ᠬᠠᠨᠲᠠᠭᠠᠢ ᠪᠤᠭᠤ ᠰᠢᠭ᠋ ᠰᠣᠴᠢᠭᠠᠳ ᠭᠦᠶᠦᠯᠡ ᠃
ᠬᠠᠷᠪᠤᠭᠰᠠᠨ ᠰᠤᠮᠤ ᠰᠢᠭ᠋ ᠰᠤᠭᠤᠷᠠᠭᠠᠳ ᠭᠠᠷᠤᠯᠠ ᠃
ᠪᠤᠯᠴᠢᠩ ᠰᠢᠷᠪᠥᠰᠥ ᠨᠢ ᠡᠷᠴᠢᠯᠡᠵᠦ ᠪᠠᠶ᠋ᠢᠨᠠ
ᠪᠣᠷᠪᠢ ᠥᠯᠮᠡᠢ ᠨᠢ ᠳᠡᠭᠳᠡᠯᠵᠡᠵᠦ ᠪᠠᠶ᠋ᠢᠨᠠ ᠃
ᠵᠢᠷᠤᠭᠠᠰᠤᠲᠤ ᠲᠠᠯᠠᠪᠠᠢ ᠵᠢᠷᠪᠢᠯᠵᠡᠵᠦ ᠪᠠᠶ᠋ᠢᠨᠠ
ᠵᠠᠭᠤᠨ ᠮᠧᠲ᠋ᠷ ᠊ᠢ ᠣᠶ᠋ᠢᠷᠠᠲᠤᠭᠤᠯᠵᠤ ᠪᠠᠶ᠋ᠢᠨᠠ ᠃
ᠳᠠᠷᠤᠭᠠᠳ ᠳᠠᠷᠤᠭᠠᠳ ᠴᠦ᠍ ᠭᠠᠷᠴᠠᠭᠠᠵᠤ ᠪᠠᠶ᠋ᠢᠨᠠ
ᠳᠠᠬᠢᠭᠠᠳ ᠳᠠᠬᠢᠭᠠᠳ ᠬᠦᠢᠴᠡᠭᠳᠡᠵᠡᠭᠡᠵᠦ ᠪᠠᠶ᠋ᠢᠨᠠ ᠃
ᠡᠷᠡ ᠴᠢᠲᠠᠯ ᠶ᠋ᠢᠠᠨ ᠰᠢᠯᠭᠠᠯᠴᠠᠵᠤ ᠪᠠᠶ᠋ᠢᠨᠠ
ᠡᠷᠴᠢ ᠬᠦᠴᠦ ᠪᠡᠨ ᠰᠢᠪᠬᠠᠯᠴᠠᠵᠤ ᠪᠠᠶ᠋ᠢᠨᠠ ᠃
ᠬᠠᠷᠠᠵᠤ ᠪᠠᠶ᠋ᠢᠲᠠᠯᠠ ᠨᠢᠭᠡ ᠵᠠᠯᠠᠭᠤ
ᠬᠠᠮᠤᠭ ᠦ᠋ᠨ ᠲᠦᠷᠦᠭᠦᠨ ᠳᠤ ᠬᠣᠰᠢᠭᠤᠷᠠᠭᠠᠳ ᠭᠠᠷᠤᠯᠠ
ᠬᠠᠢ ᠳ᠋ᠠ! ᠪᠠᠰᠠ ᠴᠦ᠍ ᠪᠣᠯᠤᠭᠰᠠᠨ ᠦᠭᠡᠢ ᠳ᠋ᠠ
ᠬᠣᠶ᠋ᠢᠨᠠᠬᠢ ᠨᠢᠭᠡ ᠳ᠋ᠡᠭᠡᠨ ᠭᠦᠢᠴᠡᠭᠳᠡᠴᠢᠭᠡᠯᠡ᠃
ᠡᠮᠦᠨᠡᠭᠦᠷ ᠮᠠᠨᠢ ᠬᠦᠷᠦᠭᠡᠳ ᠢᠷᠡᠬᠦ ᠭᠡᠰᠡᠨ ᠳᠤ
ᠥᠨᠲᠡᠯᠵᠡᠵᠦ ᠣᠪᠣᠯᠵᠠᠭᠠᠳ ᠠᠷᠬ᠋ᠠ ᠮᠢᠨᠢ ᠠᠯᠲᠠᠷᠠᠯᠠ ᠃
ᠦᠨᠡᠬᠡᠷ ᠯᠠ ᠲᠡᠭᠡᠵᠦ ᠪᠣᠯᠲᠠᠭ ᠰᠠᠨ ᠪᠣᠯ
ᠥᠪᠡᠷ ᠦ᠋ᠨ ᠭᠦᠴᠦ ᠪᠡᠨ ᠨᠡᠮᠡᠷᠢᠯᠡᠴᠢᠬᠡᠬᠦ ᠪᠠᠶ᠋ᠢᠯᠠ ᠃
ᠤᠯᠤᠰ ᠣᠯᠠᠨ ᠳᠦᠷᠭᠢᠭᠰᠡᠭᠡᠷ ᠯᠠ
ᠤᠷᠠᠢ ᠠᠯᠠᠬ᠋ᠠ ᠨᠢᠵᠢᠭᠢᠨᠡᠭᠰᠡᠭᠡᠷ ᠯᠠ
ᠬᠣᠶᠠᠷ ᠵᠠᠯᠠᠭᠤ ᠳᠠᠷᠠᠭᠠᠯᠠᠭᠠᠳ ᠬᠦᠷᠦᠯᠡ
ᠬᠣᠶ᠋ᠢᠨᠠ ᠠ᠋ᠴᠠ ᠪᠤᠰᠤᠳ ᠨᠢ ᠴᠦ᠍ ᠬᠠᠷᠪᠤᠭᠠᠳ ᠣᠴᠢᠯᠠ ᠃
ᠤᠯᠠᠭᠠᠨ ᠤᠲᠠᠰᠤ ᠵᠢᠷᠦᠪᠬᠢᠨ ᠲᠠᠯᠪᠢᠬᠲᠠᠯᠠ
ᠤᠷᠤᠯᠲᠤᠭᠰᠠᠨ ᠪᠡᠶᠡ ᠲᠣᠭᠬᠢᠨ ᠵᠣᠭᠰᠣᠯᠠ ᠃
ᠣᠭᠲᠤᠭᠤᠯ ᠦ᠋ᠨ ᠬᠥᠮᠦᠰ ᠨᠢ ᠲᠣᠰᠤᠭᠠᠳ ᠠᠪᠤᠯᠠ
ᠤᠯᠠᠭᠠᠨ ᠳᠤᠭ ᠊ᠢ ᠠᠤᠠᠬᠤᠭᠤᠯᠤᠭᠠᠳ ᠲᠠᠯᠪᠢᠯᠠ ᠃
ᠳᠡᠳ᠋ · ᠲᠡᠷᠢᠭᠦᠨ ᠪ ᠬᠢᠨ ᠪᠤᠰᠤᠳ ᠲᠠᠢ ᠪᠠᠨ
ᠲᠡᠷᠭᠡᠲᠡᠭᠦᠷ ᠨᠢ ᠪᠤᠴᠠᠭᠠᠳ ᠥᠩᠭᠡᠷᠡᠯᠡ ᠃
ᠬᠠᠩᠬᠠᠭᠠᠷ ᠥᠷᠭᠡᠨ ᠴᠡᠭᠡᠵᠢ ᠶ᠋ᠢ ᠨᠢ ᠬᠠᠷᠠᠬᠤ ᠳᠤ
ᠬᠠᠲᠠᠨ ᠲᠡᠮᠦᠷ ᠲᠦᠰᠢ ᠭᠡᠮᠡᠷ ᠃
ᠬᠠᠶᠠᠯᠠᠭᠠᠳ ᠠᠯᠬᠤᠬᠤ ᠭᠠᠷ ᠊ᠢ ᠨᠢ ᠦᠵᠡᠬᠦ ᠳᠤ
ᠬᠠᠲᠠᠭᠠᠮᠠᠯ ᠪᠣᠯᠣᠳ ᠮᠤᠨᠠ ᠭᠡᠮᠡᠷ ᠃
ᠡᠷᠴᠢᠯᠡᠵᠦ ᠴᠢᠩᠭᠠᠷᠠᠭᠰᠠᠨ ᠪᠤᠯᠴᠢᠩ ᠦ᠋ᠳ ᠨᠢ
ᠡᠨᠲᠡ ᠲᠡᠨᠲᠡ ᠪᠡᠨ ᠵᠠᠩᠬᠢᠷᠴᠦ ᠪᠠᠶ᠋ᠢᠨᠠ ᠃
ᠡᠷᠡᠯᠬᠡᠭ ᠭᠦᠴᠦ ᠵᠠᠯᠠᠭᠤ ᠶ᠋ᠢᠨ ᠭᠠᠯ
ᠬᠦᠲᠡᠷ ᠪᠡᠶᠡ ᠳ᠋ᠤᠨᠢ ᠳᠦᠷᠡᠯᠵᠡᠵᠦ ᠪᠠᠶ᠋ᠢᠨᠠ ᠃
ᠰᠦᠷᠦᠭ ᠡᠴᠡ ᠡᠢᠯᠦᠭᠰᠡᠨ ※ ᠡᠮᠨᠢᠭ ᠴᠦ᠍ ᠭᠡᠰᠡᠨ
ᠲᠡᠲᠡᠨ ᠪ ᠤᠷᠭᠠᠨ ᠠ᠋ᠴᠠ ᠮᠣᠯᠲᠤᠷᠠᠲᠠᠭ ᠦᠭᠡᠢ ᠪᠢᠵᠡ ᠃
ᠰᠦᠷᠦᠭᠯᠡᠵᠦ ᠢᠷᠡᠭᠰᠡᠨ ᠲᠠᠶ᠋ᠢᠰᠤᠨ ᠴᠦ᠍ ᠭᠡᠰᠡᠨ
ᠲᠡᠲᠡᠨ ᠪ ᠰᠡᠯᠡᠮᠡ ᠡᠴᠡ ᠭᠠᠷᠲᠠᠭ ᠦᠭᠡᠢ ᠪᠢᠵᠡ ᠃
ᠬᠠᠶ᠋ᠢᠯᠵᠤ ᠪᠤᠯᠭᠤᠭᠰᠠᠨ ᠲᠡᠮᠦᠷ ᠴᠦ᠍ ᠭᠡᠰᠡᠨ
ᠲᠡᠲᠡᠨ ᠪ ᠠᠯᠤᠬᠠᠨ ᠳᠤ ᠭᠤᠯᠢᠷ ᠪᠢᠵᠡ ᠃
ᠬᠠᠲᠠᠭᠤᠷᠠᠵᠤ ᠠᠲᠠᠷᠰᠢᠬᠰᠠᠨ ᠬᠥᠷᠥᠰᠥ ᠴᠦ᠍ ᠭᠡᠰᠡᠨ
ᠲᠡᠲᠡᠨ ᠪ ᠬᠦᠷᠵᠡ ᠳᠤ ᠦᠨᠡᠰᠦ ᠪᠢᠵᠡ ᠃
ᠴᠢᠭᠢᠷᠠᠭ ᠪᠡᠶᠡ ᠲᠡᠢ ᠬᠥᠮᠦᠨ ᠭᠡᠭᠴᠢ
ᠡᠶ᠋ᠢᠮᠦ ᠯᠡ ᠢᠳᠡᠷᠬᠡᠭ ᠪᠠᠶ᠋ᠢᠲᠠᠭ ᠶᠤᠮ ᠃
ᠴᠢᠷᠮᠠᠶ᠋ᠢᠯᠬ᠋ᠠ ᠶᠡᠬᠡᠲᠡᠢ ᠪᠣᠯᠪᠠᠰᠤᠷᠠᠯ ᠭᠡᠭᠴᠢ
ᠢᠩᠭᠢᠵᠦ ᠯᠡ ᠠᠴᠢ ᠪᠠᠨ ᠦᠵᠡᠭᠦᠯᠳᠡᠭ ᠶᠤᠮ ᠃
ᠡᠬᠡ ᠣᠷᠣᠨ ᠶ᠋ᠢᠠᠨ ᠬᠠᠮᠠᠭᠠᠯᠠᠬᠤ ᠳᠤ
ᠡᠶ᠋ᠢᠮᠦ ᠯᠡ ᠪᠡᠶᠡ ᠬᠡᠷᠡᠭ ᠲᠡᠢ ᠶᠤᠮ ᠃
ᠡᠪ ᠬᠠᠮᠲᠤ ᠶ᠋ᠢᠨ ᠤᠶ᠋ᠢᠯᠰ ᠲᠦ
ᠡᠶ᠋ᠢᠮᠦ ᠯᠡ ᠪᠡᠶᠡ ᠴᠢᠬᠤᠯᠠ ᠲᠠᠢ ᠶᠤᠮ ᠃
※ ᠡᠢᠯᠦᠭᠰᠡᠨ — ᠳᠤᠲᠠᠭᠠᠭᠰᠠᠨ ᠃
ᠢᠷᠡᠯᠲᠡ ᠄
ᠲᠠᠪᠤᠨ ᠵᠢᠯ ᠦᠨ ᠲᠦᠷᠢᠮᠳᠦ ᠪᠠᠭᠠ ᠰᠤᠷᠭᠠᠭᠤᠯᠢ ᠳᠤ ᠦᠵᠡᠬᠦ
ᠬᠡᠯᠡ ᠪᠢᠴᠢᠭ ᠶᠢᠰᠦᠳᠦᠭᠡᠷ ᠲᠡᠪᠳᠡᠷ ※
ᠦᠪᠦᠷ ᠮᠤᠩᠭᠤᠯ ᠤᠨ ᠰᠤᠷᠭᠠᠨ ᠬᠦᠮᠦᠵᠢᠯ ᠦᠨ ᠬᠡᠪᠯᠡᠯ ᠦᠨ ᠬᠤᠷᠢᠶᠠ ᠨᠠᠢᠢᠷᠠᠭᠤᠯᠤᠨ ᠬᠡᠪᠯᠡᠭᠦᠯᠪᠡ
ᠦᠪᠦᠷ ᠮᠤᠩᠭᠤᠯ ᠤᠨ ᠰᠢᠨᠬᠤᠸᠠ ᠨᠤᠮ ᠤᠨ ᠲᠡᠯᠭᠡᠭᠦᠷ ᠲᠠᠷᠬᠠᠭᠠᠪᠠ
ᠦᠪᠦᠷ ᠮᠤᠩᠭᠤᠯ ᠤᠨ ᠮᠤᠩᠭᠤᠯ ᠪᠢᠴᠢᠭ ᠬᠡᠪᠯᠠᠬᠦ ᠦᠢᠯᠡᠳᠪᠦᠷᠢ ᠬᠡᠪᠯᠡᠪᠡ
1981 ᠤᠨ ᠤ 5 ᠰᠠᠷᠠ ᠳᠤ ᠬᠤᠶᠠᠳᠤᠭᠠᠷ ᠬᠡᠪ ᠢ ᠬᠢᠪᠡ
1984 ᠤᠨ ᠤ 4 ᠰᠠᠷᠠ ᠳᠤ ᠲᠦᠷᠪᠡᠳᠦᠭᠡᠷ ᠤᠳᠠᠭᠠ ᠶ᠋ᠢᠨ ᠬᠡᠪᠯᠡᠯ ᠡᠴᠡ ᠰᠣᠩᠭᠣᠪᠠ ᠃
ᠦᠰᠦᠭ ᠠᠮᠢᠯᠠᠭᠤᠯᠤᠬᠴᠢ ᠄ ᠦᠵᠢᠶᠡᠳ᠂ ᠡᠷᠳᠡᠨᠢᠴᠡᠴᠡᠭ
ᠬᠢᠨᠠᠬᠴᠢ ᠄ ᠣᠤᠠᠬᠠᠨᠰᠣᠠ ᠂ ᠲᠣ᠋ · ᠨᠠᠨᠲᠢᠨ
2023.3.5