ᠪᠡᠭᠡᠵᠢᠩ ᠯᠠᠮᠠБээжин лам
506ᠪᠡᠭᠡᠵᠢᠩ ᠯᠠᠮᠠ
ᠪᠤᠲᠠᠷᠠ ᠭᠠᠷᠬᠤ ᠲᠣᠭᠣᠰᠣ ᠨᠢ ᠬᠥ
ᠪᠤᠭᠤᠷᠤᠯ ᠮᠣᠷᠢᠨ ᠤ᠋ ᠮᠢᠨᠢ ᠲᠣᠭᠣᠰᠣ ᠴᠤ᠌ ᠶᠤᠮ ᠤᠤ ᠳᠠ ᠬᠥ ᠂
ᠪᠣᠰᠤᠭᠠᠳ ᠯᠠᠪᠯᠠᠭᠠᠳ ᠬᠠᠷᠠᠬᠤᠯᠠᠷ
ᠪᠣᠳᠣᠯᠭᠠᠨ ᠤ᠋ ᠮᠢᠨᠢ ᠠᠮᠠᠷᠠᠭ ᠬᠦᠷᠦᠭᠡᠳ ᠢᠷᠡᠯᠡ ᠴᠦ᠍ ᠶᠤᠮ ᠦᠦ ᠳᠡ ᠬᠥ ᠃
ᠰᠠᠳᠠᠷᠠᠨ ᠭᠠᠷᠬᠤ ᠲᠣᠭᠣᠰᠣ ᠨᠢ ᠬᠥ
ᠰᠠᠷᠠᠯ ᠮᠣᠷᠢᠨ ᠤ᠋ ᠮᠢᠨᠢ ᠲᠣᠭᠣᠰᠣ ᠴᠤ᠌ ᠶᠤᠮ ᠤᠤ ᠳᠠ ᠬᠥ ᠂
ᠰᠠᠷᠠᠪᠴᠢᠯᠠᠨ ᠯᠠᠪᠯᠠᠨ ᠬᠠᠷᠠᠬᠤᠯᠠᠷ ᠬᠥ
ᠰᠠᠨᠠᠭᠠᠨ ᠤ᠋ ᠮᠢᠨᠢ ᠠᠮᠠᠷᠠᠭ ᠬᠦᠷᠦᠭᠡᠳ ᠢᠷᠡᠯᠡ ᠴᠦ᠍ ᠶᠤᠮ ᠤᠤ ᠳᠠ ᠬᠥ ᠃
ᠥᠨᠳᠥᠷ ᠲᠡᠭᠷᠢ ᠳ᠋ᠡᠭᠡᠨ ᠲᠣᠭᠣᠰᠣ ᠨᠢ ᠬᠥ
ᠦᠷᠢᠶᠡ ᠬᠦᠯᠦᠭ ᠮᠣᠷᠢᠨ ᠤ᠋ ᠲᠣᠭᠣᠰᠣ ᠴᠤ᠌ ᠶᠤᠮ ᠤᠤ ᠳᠠ ᠬᠥ ᠂
ᠡᠷᠦᠬᠡ ᠭᠡᠷ ᠵᠦᠭ ᠮᠢᠨᠢ ᠥᠭᠡᠳᠡᠯᠡᠬᠦ ᠶ᠋ᠢ ᠦᠵᠡᠪᠡᠯ ᠬᠥ
ᠥᠪᠡᠷ ᠦ᠋ᠨ ᠮᠢᠨᠢ ᠬᠣᠩᠭᠣᠷ ᠣᠳᠣ ᠢᠷᠡᠯᠡ ᠴᠦ᠍ ᠶᠤᠮ ᠦᠦ ᠳᠡ ᠬᠥ ᠃
ᠠᠭᠠᠷ ᠲᠩᠷᠢ ᠳ᠋ᠦ᠍ ᠲᠤᠯᠬᠤ ᠲᠣᠭᠣᠰᠣ ᠨᠢ ᠬᠥ
ᠠᠭᠲᠠ ᠬᠦᠯᠦᠭ ᠮᠣᠷᠢᠨ ᠤ᠋ ᠲᠣᠭᠣᠰᠣ ᠴᠤ᠌ ᠶᠤᠮ ᠤᠤ ᠳᠠ ᠬᠥ ᠂
ᠠᠶ᠋ᠢᠯ ᠭᠡᠷ ᠊ᠢ ᠮᠢᠨᠢ ᠠᠰᠯᠠᠭᠠᠳ ᠢᠷᠡᠬᠦ ᠶ᠋ᠢ ᠨᠢ ᠦᠵᠡᠪᠡᠯ ᠬᠥ
ᠠᠯᠪᠠᠨ ᠳ᠋ᠤ᠌ ᠶᠠᠪᠤᠭᠰᠠᠨ ᠬᠣᠩᠭᠣᠷ ᠮᠢᠨᠢ ᠣᠳᠣ ᠢᠷᠡᠯᠡ ᠴᠦ᠍ ᠶᠤᠮ ᠤᠤ ᠳᠠ ᠬᠥ ᠃
ᠦᠷᠢᠶᠡ ᠬᠦᠯᠦᠭ ᠮᠣᠷᠢᠨ ᠠ᠋ᠴᠠ ᠪᠠᠨ ᠦᠰᠦᠷᠦᠭᠡᠳ ᠪᠠᠭᠤᠯᠠ ᠬᠥ
ᠥᠨᠳᠥᠷ ᠬᠠᠨᠴᠤᠢ ᠳᠠᠷᠤᠭᠠᠳ ᠠᠮᠤᠷ ᠮᠡᠨᠳᠦ ᠶ᠋ᠢ ᠠᠰᠠᠭᠤᠯᠠ ᠬᠥ ᠂
ᠡᠷᠦᠬᠡ ᠭᠡᠷ ᠦ᠋ᠨ ᠥᠩᠭᠡᠯᠢᠭ ᠡᠭᠡᠴᠢ ᠲᠠᠨ ᠤ᠋ ᠪᠡᠶᠡ ᠪᠣᠯᠣᠳ ᠬᠥ
ᠦᠷᠡᠵᠢᠯ ᠮᠠᠯ ᠪᠦᠬᠦᠨ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠠᠮᠤᠭᠤᠯᠠᠩ ᠪᠠᠶ᠋ᠢᠨᠠᠤ ᠳᠠ ᠬᠥ ᠃
ᠠᠭᠲᠠ ᠬᠦᠯᠦᠭ ᠮᠣᠷᠢᠨ ᠠ᠋ᠴᠠ ᠪᠠᠨ ᠠᠯᠬᠤᠭᠠᠳ ᠪᠠᠭᠤᠯᠠ ᠬᠥ
ᠠᠯᠠᠭᠠ ᠪᠠᠨ ᠬᠠᠪᠰᠤᠷᠤᠭᠠᠳ ᠠᠮᠤᠷ ᠮᠡᠨᠳᠦ ᠶ᠋ᠢ ᠠᠰᠠᠭᠤᠯᠠ ᠬᠥ ᠂
ᠠᠶ᠋ᠢᠯ ᠭᠡᠷ ᠦ᠋ᠨ ᠭᠤᠸᠠᠯᠢᠭ ᠡᠭᠡᠴᠢ ᠴᠢᠨᠦ ᠪᠡᠶᠡ ᠪᠣᠯᠣᠳ ᠬᠥ
ᠠᠳᠤᠭᠤ ᠮᠠᠯ ᠪᠦᠬᠦᠨ ᠴᠢᠨᠢ ᠠᠮᠤᠭᠤᠯᠠᠩ ᠪᠠᠶ᠋ᠢᠨᠠᠤ ᠳᠠ ᠬᠥ ᠃
ᠠᠷᠪᠠᠨ ᠬᠣᠰᠢᠭᠤ ᠶ᠋ᠢ ᠠᠯᠤᠰᠯᠠᠨ ᠶᠠᠪᠤᠭᠰᠠᠭᠠᠷ ᠬᠥ
ᠠᠭᠲᠠ ᠬᠦᠯᠦᠭ ᠮᠣᠷᠢ ᠮᠢᠨᠢ ᠶᠠᠳᠠᠷᠠᠭᠰᠠᠨ ᠴᠤ᠌ ᠭᠡᠵᠢ ᠠ᠋ ᠬᠥ ᠂
ᠠᠶ᠋ᠢᠯ ᠭᠡᠷ ᠲᠦ᠍ ᠴᠢᠨᠢ ᠠᠷᠪᠢᠨ ᠬᠥᠮᠦᠨ ᠦᠭᠡᠢ ᠶᠦ᠍ᠮ ᠪᠣᠯ ᠬᠥ
ᠠᠭᠲᠠ ᠮᠣᠷᠢ ᠪᠠᠨ ᠠᠮᠠᠷᠠᠭᠠᠭᠠᠳ ᠬᠣᠨᠣᠭᠠᠳ ᠶᠠᠪᠤᠪᠠᠯ ᠪᠣᠯᠤᠨᠠ ᠤᠤ ᠬᠥ ᠃
ᠥᠷᠭᠡᠨ ᠵᠠᠮ ᠊ᠢ ᠡᠳᠦᠷ ᠪᠦᠷᠢ ᠬᠥᠭᠡᠭᠡᠵᠦ ᠶᠠᠪᠤᠭᠰᠠᠭᠠᠷ ᠬᠥ
ᠦᠷᠢᠶᠡ ᠬᠦᠯᠦᠭ ᠮᠣᠷᠢ ᠮᠢᠨᠢ ᠶᠠᠳᠠᠷᠠᠭᠰᠠᠨ ᠴᠤ᠌ ᠭᠡᠵᠢ ᠠ᠋ ᠬᠥ ᠂
ᠡᠷᠦᠬᠡ ᠭᠡᠷ ᠲᠦ᠍ ᠴᠢᠨᠢ ᠥᠭᠡᠷᠡ ᠬᠥᠮᠦᠨ ᠦᠭᠡᠢ ᠶᠦ᠍ᠮ ᠪᠣᠯ ᠬᠥ
ᠦᠷᠢᠶᠡ ᠮᠣᠷᠢ ᠪᠠᠨ ᠠᠮᠠᠷᠠᠭᠠᠭᠠᠳ ᠥᠨᠵᠢᠭᠡᠳ ᠭᠠᠷᠪᠠᠯ ᠪᠣᠯᠤᠨᠠ ᠤᠤ ᠬᠥ ᠃
ᠦᠷᠢᠶᠡ ᠬᠦᠯᠦᠭ ᠮᠣᠷᠢᠨ ᠤ᠋ ᠮᠢᠨᠢ ᠦᠰᠦᠷᠦᠭᠡᠳ ᠤᠨᠠᠬᠤ ᠶ᠋ᠢ ᠦᠵᠡᠪᠡᠯ ᠬᠥ
ᠥᠷᠭᠡᠨ ᠵᠠᠮ ᠤ᠋ᠨ ᠭᠣᠳᠣᠰ ᠴᠤ᠌ ᠥᠯᠵᠡᠢ ᠮᠠᠭᠤ ᠲᠠᠢ ᠪᠣᠯᠵᠠᠢ ᠬᠥ ᠂
ᠦᠵᠡᠬᠦ ᠨᠢᠳᠦᠨ ᠦ᠌ ᠵᠣᠪᠬᠢ ᠵᠢᠷᠪᠢᠰ ᠵᠢᠷᠪᠢᠰ ᠲᠠᠲᠠᠬᠤ ᠨᠢ ᠬᠥ
ᠥᠩᠭᠡᠯᠢᠭ ᠲᠥᠷᠥᠭᠰᠡᠨ ᠵᠢᠥᠶᠸᠷ ᠮᠢᠨᠢ ᠳᠠᠯᠠᠯᠵᠤ ᠪᠠᠶ᠋ᠢᠭᠠ ᠴᠤ᠌ ᠶᠤᠮ ᠤᠤ ᠬᠥ ᠃
ᠠᠭᠲᠠ ᠬᠦᠯᠦᠭ ᠮᠣᠷᠢᠨ ᠤ᠋ ᠮᠢᠨᠢ ᠠᠯᠬᠤᠵᠤ ᠪᠠᠶ᠋ᠢᠭᠠᠳ ᠤᠨᠠᠬᠤ ᠨᠢ ᠬᠥ
ᠠᠶᠠᠨ ᠵᠠᠮ ᠤ᠋ᠨ ᠭᠣᠳᠣᠰ ᠴᠤ᠌ ᠠᠶᠠ ᠮᠠᠭᠤᠲᠠᠢ ᠪᠣᠯᠵᠠᠢ ᠬᠥ ᠂
ᠠᠯᠠᠭ ᠨᠢᠳᠦᠨ ᠦ᠌ ᠵᠣᠪᠬᠢ ᠵᠢᠷᠪᠢᠰ ᠵᠢᠷᠪᠢᠰ ᠲᠠᠲᠠᠬᠤ ᠨᠢ ᠬᠥ
ᠠᠮᠠᠷᠠᠭ ᠲᠥᠷᠥᠭᠰᠡᠨ ᠵᠢᠤᠶᠸᠷ ᠮᠢᠨᠢ ᠳᠤᠷᠠᠰᠴᠤ ᠪᠠᠶ᠋ᠢᠭᠠ ᠴᠤ᠌ ᠶᠤᠮ ᠤᠤ ᠬᠥ ᠃
ᠪᠠᠷᠠᠭᠤᠨ ᠬᠣᠶ᠋ᠢᠨᠠ ᠠ᠋ᠴᠠ ᠡᠭᠦᠯᠡ ᠭᠠᠷᠤᠯᠠ ᠬᠥ
ᠪᠣᠷᠣᠭᠠᠨ ᠣᠷᠣᠬᠤ ᠶ᠋ᠢᠨ ᠳᠣᠬᠢᠶᠠ ᠴᠤ᠌ ᠶᠤᠮ ᠤᠤ ᠳᠠ ᠬᠥ ᠂
ᠪᠠᠷᠠᠭᠤᠨ ᠨᠢᠳᠦᠨ ᠦ᠌ ᠳᠡᠭᠡᠷᠡ ᠡᠴᠡ ᠵᠢᠷᠪᠢᠰ ᠵᠢᠷᠪᠢᠰ ᠳᠠᠲᠠᠯᠠ ᠬᠥ
ᠪᠠᠭᠠ ᠶ᠋ᠢᠨ ᠠᠮᠠᠷᠠᠭ ᠰᠡᠨᠶᠸ ᠮᠢᠨᠢ ᠬᠦᠷᠦᠭᠡᠳ ᠢᠷᠡᠯᠡ ᠴᠦ᠍ ᠶᠤᠮ ᠤᠤ ᠳᠠ ᠬᠥ ᠃
ᠵᠡᠭᠦᠨ ᠬᠣᠶ᠋ᠢᠨᠠ ᠠ᠋ᠴᠠ ᠡᠭᠦᠯᠡ ᠭᠠᠷᠤᠯᠠ ᠬᠥ
ᠵᠦᠰᠡᠷᠡ ᠪᠣᠷᠣᠭᠠᠨ ᠣᠷᠣᠬᠤ ᠶ᠋ᠢᠨ ᠳᠣᠬᠢᠶᠠ ᠴᠤ᠌ ᠶᠤᠮ ᠤᠤ ᠳᠠ ᠬᠥ ᠂
ᠵᠡᠭᠦᠨ ᠨᠢᠳᠦᠨ ᠦ᠌ ᠳᠡᠭᠡᠷᠡ ᠡᠴᠡ ᠵᠢᠷᠪᠢᠰ ᠵᠢᠷᠪᠢᠰ ᠳᠠᠲᠠᠯᠠ ᠬᠥ
ᠵᠢᠷᠦᠬᠡᠨ ᠦ᠌ ᠠᠮᠠᠷᠠᠭ ᠰᠡᠨᠶᠸ ᠮᠢᠨᠢ ᠬᠦᠷᠦᠭᠡᠳ ᠢᠷᠡᠯᠡ ᠴᠦ᠍ ᠶᠤᠮ ᠤᠤ ᠳᠠ ᠬᠥ ᠃
ᠪᠤᠭᠤᠷᠤᠯ ᠮᠣᠷᠢ ᠴᠢᠨᠢ ᠬᠥᠯᠥᠰᠥ ᠲᠡᠢ ᠪᠠᠶ᠋ᠢᠨᠠ ᠬᠥ
ᠪᠤᠯᠤᠩ ᠤ᠋ᠨ ᠠᠶ᠋ᠢᠯ ᠦ᠋ᠳ ᠢ᠋ᠶ᠋ᠡᠷ ᠪᠠᠭᠤᠵᠤ ᠪᠠᠶ᠋ᠢᠭᠠᠳ ᠢᠷᠡᠪᠡᠦ ᠳᠠ ᠬᠥ ᠂
ᠫᠤᠤ ᠶ᠋ᠢᠨ ᠴᠢᠨᠢ ᠡᠷᠭᠦᠭᠡᠪᠴᠢ ᠴᠢᠨᠢ ᠰᠢᠪ ᠰᠢᠨᠡᠬᠡᠨ ᠪᠠᠶ᠋ᠢᠨᠠ ᠬᠥ
ᠪᠣᠯᠣᠮᠵᠢᠲᠠᠢ ᠰᠠᠶᠢᠬᠠᠨ ᠬᠡᠦᠬᠡᠨ ᠣᠶᠣᠵᠤ ᠯᠠ ᠴᠢᠮᠠ ᠳ᠋ᠠᠭᠠᠨ ᠦᠭᠪᠡ ᠤᠤ ᠳᠠ ᠬᠥ ᠃
ᠰᠠᠷᠠᠯ ᠮᠣᠷᠢ ᠴᠢᠨᠢ ᠬᠥᠯᠥᠰᠥ ᠲᠡᠢ ᠪᠠᠶ᠋ᠢᠨᠠ ᠬᠥ
ᠰᠠᠭᠠᠬᠠᠯᠲᠠ ᠶ᠋ᠢᠨ ᠠᠶ᠋ᠢᠯ ᠢ᠋ᠶ᠋ᠠᠷ ᠬᠡᠰᠦᠵᠦ ᠪᠠᠶ᠋ᠢᠭᠠᠳ ᠢᠷᠡᠪᠡᠦ ᠬᠥ ᠂
ᠱᠠᠨᠵᠠᠨ ᠤ᠋ ᠴᠢᠨᠢ ᠭᠡᠷ ᠨᠢ ᠰᠢᠪ ᠰᠢᠨᠡᠬᠡᠨ ᠪᠠᠶ᠋ᠢᠨᠠ ᠬᠥ
ᠰᠠᠢᠬᠠᠨ ᠬᠠᠨᠢᠯᠠᠭᠰᠠᠨ ᠬᠡᠦᠬᠡᠨ ᠣᠶᠣᠵᠤ ᠯᠠ ᠴᠢᠮᠠ ᠳ᠋ᠠᠭᠠᠨ ᠦᠭᠪᠡ ᠦᠦ ᠳᠡ ᠬᠥ ᠃
ᠪᠤᠭᠤᠷᠤᠯ ᠮᠣᠷᠢ ᠮᠢᠨᠢ ᠬᠥᠯᠥᠰᠥ ᠲᠡᠢ ᠪᠠᠶ᠋ᠢᠬᠤ ᠨᠢ ᠬᠥ
ᠪᠤᠲᠠᠨ ᠳ᠋ᠤ᠌ ᠪᠠᠶ᠋ᠢᠬᠰᠠᠨ ᠦᠨᠡᠭᠡ ᠶ᠋ᠢ ᠬᠥᠭᠡᠭᠡᠵᠦ ᠪᠠᠶ᠋ᠢᠭᠠᠳ ᠠᠩᠨᠠᠭᠰᠠᠨ ᠬᠥ ᠂
ᠫᠤᠤ ᠶ᠋ᠢᠨ ᠮᠢᠨᠢ ᠡᠷᠭᠦᠭᠡᠪᠴᠢ ᠰᠢᠪ ᠰᠢᠨᠡᠬᠡᠨ ᠪᠠᠶ᠋ᠢᠪᠠᠴᠤ ᠬᠥ
ᠪᠠᠭᠤᠯᠭᠠᠵᠤ ᠠᠪᠤᠭᠰᠠᠨ ᠮᠠᠨ ᠤ᠋ ᠮᠠᠭᠤ ᠡᠮᠡ ᠣᠶᠣᠵᠤ ᠯᠠ ᠨᠠᠳᠠ ᠳ᠋ᠤ᠌ ᠦᠭᠭᠦᠭᠰᠡᠨ ᠶᠦ᠍ᠮ ᠬᠥ ᠃
ᠰᠠᠷᠠᠯ ᠮᠣᠷᠢ ᠮᠢᠨᠢ ᠬᠥᠯᠥᠰᠥ ᠲᠡᠢ ᠪᠠᠶ᠋ᠢᠬᠤ ᠨᠢ ᠬᠥ
ᠰᠢᠪᠠᠭ ᠲᠤ᠌ ᠪᠠᠶ᠋ᠢᠬᠰᠠᠨ ᠦᠨᠡᠭᠡ ᠶ᠋ᠢ ᠬᠥᠭᠡᠭᠡᠵᠦ ᠪᠠᠶ᠋ᠢᠭᠠᠳ ᠠᠩᠨᠠᠭᠰᠠᠨ ᠬᠥ ᠂
ᠱᠠᠨᠵᠠᠨ ᠤ᠋ ᠮᠢᠨᠢ ᠭᠡᠷ ᠰᠢᠪ ᠰᠢᠨᠡᠬᠡᠨ ᠪᠠᠶ᠋ᠢᠬᠤ ᠨᠢ ᠬᠥ
ᠰᠠᠭᠠᠲᠠᠭᠤᠯᠵᠤ ᠠᠪᠤᠭᠰᠠᠨ ᠮᠠᠨ ᠤ᠋ ᠮᠠᠭᠤ ᠡᠮᠡ ᠣᠶᠣᠵᠤ ᠯᠠ ᠨᠠᠳᠠ ᠳ᠋ᠤ᠌ ᠦᠭᠭᠦᠭᠰᠡᠨ ᠶᠦ᠍ᠮ ᠬᠥ ᠃
ᠭᠣᠩᠭᠢᠨᠠᠭᠠᠳ ᠳᠤᠤᠭᠠᠷᠬᠤ ᠬᠤᠨ ᠭᠠᠯᠠᠭᠤᠨ ᠵᠤᠯᠵᠠᠭᠠ ᠬᠥ
ᠬᠣᠶ᠋ᠢᠲᠤ ᠨᠠᠭᠤᠷ ᠤ᠋ᠨ ᠤᠰᠤᠨ ᠳ᠋ᠠᠭᠠᠨ ᠱᠤᠩᠪᠠᠬᠤ ᠦᠭᠡᠢ ᠭᠡᠵᠦ ᠪᠠᠶ᠋ᠢᠨᠠᠤ ᠳᠠ ᠬᠥ ᠂
ᠬᠣᠨᠣᠭ ᠲᠠᠭᠠᠨ ᠢᠷᠡᠳᠡᠭ ᠡᠸᠹᠦᠦ ᠰᠡᠨᠶᠸ ᠬᠥ
ᠬᠣᠩᠰᠢᠶᠠᠷ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠬᠠᠭᠤᠷᠤᠭᠠᠳ ᠢᠷᠡᠬᠦ ᠪᠡᠨ ᠶᠡᠷᠦ ᠪᠠᠶ᠋ᠢᠯᠠ ᠬᠥ ᠃
ᠱᠤᠩᠭᠢᠨᠠᠭᠠᠳ ᠳᠤᠤᠭᠠᠷᠬᠤ ᠰᠢᠪᠠᠭᠤ ᠭᠠᠯᠠᠭᠤᠨ ᠵᠤᠯᠵᠠᠭᠠ ᠬᠥ
ᠱᠤᠩᠪᠠᠵᠤ ᠪᠠᠶ᠋ᠢᠭᠠ ᠤᠰᠤᠨ ᠳ᠋ᠠᠭᠠᠨ ᠬᠣᠨᠣᠭᠯᠠᠬᠤ ᠦᠭᠡᠢ ᠭᠡᠵᠦ ᠪᠠᠶ᠋ᠢᠨᠠᠤ ᠳᠠ ᠬᠥ ᠂
ᠰᠢᠭᠤᠳ ᠮᠠᠨ ᠤ᠋ ᠳ᠋ᠤ᠌ ᠢᠷᠡᠭᠡᠳ ᠪᠠᠶ᠋ᠢᠲᠠᠭ ᠡᠸᠹᠦᠦ ᠰᠡᠨᠶᠸ ᠬᠥ
ᠱᠣᠭ ᠦᠭᠡ ᠪᠡᠷ ᠬᠠᠭᠤᠷᠤᠭᠠᠳ ᠢᠷᠡᠬᠦ ᠪᠡᠨ ᠶᠡᠷᠦ ᠪᠠᠶ᠋ᠢᠯᠠ ᠬᠥ ᠃
ᠭᠤᠩᠭᠠᠨᠠᠭᠠᠳ ᠳᠤᠤᠭᠠᠷᠬᠤ ᠬᠤᠨ ᠭᠠᠯᠠᠭᠤᠨ ᠵᠤᠯᠵᠠᠭᠠ ᠬᠥ
ᠬᠣᠶ᠋ᠢᠲᠤ ᠨᠠᠭᠤᠷ ᠤ᠋ᠨ ᠤᠰᠤᠨ ᠳ᠋ᠠᠭᠠᠨ ᠱᠤᠩᠪᠠᠬᠤ ᠪᠠᠷ ᠢ᠋ᠶ᠋ᠠᠨ ᠱᠤᠩᠪᠠᠨᠠ ᠬᠥ
ᠬᠣᠨᠣᠭ ᠲᠠᠭᠠᠨ ᠢᠷᠡᠳᠡᠭ ᠡᠸᠹᠦᠦ ᠰᠡᠨᠶᠸ ᠬᠥ
ᠬᠣᠭᠣᠯᠠᠢ ᠳᠡᠭᠡᠷᠡ ᠨᠢ ᠪᠣᠭᠣᠮᠠ ᠭᠠᠷᠤᠭᠠᠳ ᠬᠣᠷᠣᠭᠳᠠᠬᠤ ᠭᠡᠮᠡᠨ ᠵᠡᠭᠦᠳᠦᠯᠡᠵᠡᠢ ᠬᠥ ᠃
ᠱᠤᠩᠭᠢᠨᠠᠭᠠᠳ ᠳᠤᠤᠭᠠᠷᠬᠤ ᠰᠢᠪᠠᠭᠤ ᠭᠠᠯᠠᠭᠤᠨ ᠵᠤᠯᠵᠠᠭᠠ ᠬᠥ
ᠱᠤᠩᠪᠠᠵᠤ ᠪᠠᠶ᠋ᠢᠭᠠ ᠤᠰᠤᠨ ᠳ᠋ᠠᠭᠠᠨ ᠬᠣᠨᠣᠭᠯᠠᠬᠤ ᠪᠠᠷ ᠢ᠋ᠶ᠋ᠠᠨ ᠬᠣᠨᠣᠭᠯᠠᠨᠠ ᠬᠥ
ᠰᠢᠭᠤᠳ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠢᠷᠡᠭᠡᠳ ᠪᠠᠶ᠋ᠢᠲᠠᠭ ᠡᠸᠹᠦᠦ ᠰᠡᠨᠶᠸ ᠬᠥ
ᠱᠣᠣᠭᠢᠨᠠᠭᠤᠷ ᠡᠪᠡᠳᠴᠢᠨ ᠣᠯᠤᠭᠠᠳ ᠰᠢᠭᠤᠳᠤᠷᠴᠤ ᠭᠡᠮᠡᠨ ᠵᠡᠭᠦᠳᠦᠯᠡᠵᠡᠢ ᠬᠥ ᠃
ᠤᠷᠢᠳᠤ ᠵᠠᠯᠠᠨ ᠳ᠋ᠤ᠌ ᠤᠶᠠᠭᠠᠲᠠᠢ ᠪᠠᠶ᠋ᠢᠬᠤ ᠬᠥ
ᠤᠨᠠᠭᠠᠨ ᠰᠠᠷᠠᠯ ᠮᠣᠷᠢ ᠬᠡᠨ ᠦ᠌ ᠭᠡᠭᠦᠦ ᠶ᠋ᠢᠨ ᠲᠥᠯ ᠪᠣᠢ ᠬᠥ ?
ᠤᠷᠲᠤ ᠬᠠᠨᠵᠤᠨ ᠳᠡᠭᠡᠷᠡ ᠢᠷᠡᠭᠡᠳ ᠰᠠᠭᠤᠭᠰᠠᠨ ᠬᠥ
ᠣᠩᠬᠣᠷ ᠬᠠᠷᠠ ᠬᠦᠦ ᠶ᠋ᠢᠨ ᠤᠭ ᠨᠡᠷᠡ ᠴᠢᠨᠢ ᠬᠡᠨ ᠪᠣᠢ ᠬᠥ ?
ᠠᠷᠤ ᠵᠠᠯᠠᠨ ᠳ᠋ᠤ᠌ ᠤᠶᠠᠭᠠᠲᠠᠢ ᠪᠠᠶ᠋ᠢᠬᠤ ᠬᠥ
ᠠᠭᠰᠤᠮ ᠰᠠᠷᠠᠯ ᠬᠡᠨ ᠦ᠌ ᠭᠡᠭᠦᠦ ᠶ᠋ᠢᠨ ᠲᠥᠯ ᠪᠣᠢ ᠬᠥ ?
ᠠᠷᠤ ᠶ᠋ᠢᠨ ᠬᠠᠨᠵᠤᠨ ᠳᠡᠭᠡᠷᠡ ᠢᠷᠡᠭᠡᠳ ᠰᠠᠭᠤᠭᠰᠠᠨ ᠬᠥ
ᠠᠲᠤᠭᠠᠷ ᠬᠠᠷᠠ ᠬᠦᠦ ᠶ᠋ᠢᠨ ᠠᠯᠳᠠᠷ ᠨᠡᠷᠡ ᠴᠢᠨᠢ ᠬᠡᠨ ᠪᠣᠢ ᠬᠥ ?
ᠤᠷᠲᠤ ᠵᠡᠯᠡ ᠡᠴᠡ ᠤᠶᠠᠭᠠᠲᠠᠢ ᠪᠠᠶ᠋ᠢᠬᠤ ᠨᠢ ᠬᠥ
ᠤᠭ ᠲᠠᠢ ᠠᠶ᠋ᠢᠯ ᠤ᠋ᠨ ᠠᠳᠤᠭᠤᠨ ᠤ᠋ ᠲᠥᠯ ᠶᠦ᠍ᠮ ᠬᠥ ᠂
ᠤᠷᠲᠤ ᠬᠠᠨᠵᠤᠨ ᠳᠡᠭᠡᠷᠡ ᠢᠷᠡᠭᠡᠳ ᠰᠠᠭᠤᠭᠰᠠᠨ ᠨᠢ ᠬᠥ
ᠢᠵᠠᠭᠤᠷ ᠲᠠᠢ ᠲᠥᠷᠥᠭᠰᠡᠨ ᠰᠡᠨᠶᠸ ᠨᠣᠶᠠᠨ ᠶᠤᠮ ᠬᠥ ᠃
ᠠᠷᠤ ᠶ᠋ᠢᠨ ᠵᠡᠯᠡ ᠡᠴᠡ ᠤᠶᠠᠭᠠᠲᠠᠢ ᠪᠠᠶ᠋ᠢᠬᠤ ᠨᠢ ᠬᠥ
ᠠᠮᠪᠠᠨ ᠰᠦᠷᠦᠭ ᠦ᠋ᠨ ᠠᠳᠤᠭᠤᠨ ᠤ᠋ ᠲᠥᠯ ᠶᠦ᠍ᠮ ᠬᠥ ᠂
ᠠᠷᠤ ᠶ᠋ᠢᠨ ᠬᠠᠨᠵᠤᠨ ᠳᠡᠭᠡᠷᠡ ᠢᠷᠡᠭᠡᠳ ᠰᠠᠭᠤᠳᠠᠭ ᠨᠢ ᠬᠥ
ᠠᠯᠪᠠ ᠬᠠᠤᠯᠢ ᠶ᠋ᠢ ᠪᠠᠷᠢᠭᠰᠠᠨ ᠰᠡᠨᠶᠸ ᠨᠣᠶᠠᠨ ᠶᠤᠮ ᠬᠥ ᠃
ᠤᠷᠲᠤ ᠬᠣᠷᠮᠣᠢ ᠰᠢᠲᠠᠨᠠ ᠭᠡᠳᠡᠭ ᠴᠢᠨᠢ ᠬᠥ
ᠤᠲᠤᠭᠠ ᠲᠠᠢ ᠠᠷᠭᠠᠯ ᠤ᠋ᠨ ᠬᠣᠣᠷ ᠪᠣᠯᠵᠠᠢ ᠬᠥ ᠂
ᠤᠷᠢᠬᠠᠨ ᠠ᠋ᠴᠠ ᠪᠠᠨ ᠠᠩᠭᠢᠵᠢᠷᠠᠨᠠ ᠭᠡᠳᠡᠭ ᠬᠥ
ᠣᠩᠬᠣᠷ ᠬᠠᠷᠠ ᠬᠦᠦ ᠴᠢᠨᠦ ᠬᠣᠣᠷ ᠪᠣᠯᠵᠠᠢ ᠬᠥ ᠃
ᠠᠷᠤ ᠶ᠋ᠢᠨ ᠬᠣᠷᠮᠣᠢ ᠰᠢᠲᠠᠨᠠ ᠭᠡᠳᠡᠭ ᠴᠢᠨᠢ ᠬᠥ
ᠠᠷᠭᠠᠯ ᠤ᠋ᠨ ᠭᠠᠯ ᠤ᠋ᠨ ᠬᠣᠣᠷ ᠪᠣᠯᠵᠠᠢ ᠬᠥ ᠂
ᠠᠮᠠᠷᠠᠭ ᠴᠢᠮᠠ ᠠ᠋ᠴᠠ ᠪᠠᠨ ᠠᠩᠭᠢᠵᠢᠷᠠᠨᠠ ᠭᠡᠳᠡᠭ ᠬᠥ
ᠠᠲᠤᠭᠠᠷ ᠬᠠᠷᠠ ᠬᠦᠦ ᠴᠢᠨᠦ ᠬᠣᠣᠷ ᠪᠣᠯᠵᠠᠢ ᠬᠥ ᠃
ᠠᠯᠲᠠ ᠬᠦᠷᠬᠦ ᠦᠭᠡᠢ ᠮᠣᠭᠠᠢ ᠶ᠋ᠢᠨ ᠵᠤᠯᠵᠠᠭᠠ ᠬᠥ
ᠠᠭᠠᠷ ᠤ᠋ᠨ ᠯᠤᠤ ᠲᠠᠢ ᠲᠡᠮᠡᠴᠡᠬᠦ ᠰᠠᠨᠠᠭᠠ ᠲᠠᠢ ᠶᠠ ᠬᠥ ᠂
ᠠᠶᠠᠭᠠ ᠪᠠᠨ ᠡᠪᠦᠷᠲᠦᠯᠡᠭᠡᠳ ᠠᠶ᠋ᠢᠯ ᠲᠣᠭᠣᠷᠢᠭᠰᠠᠨ ᠪᠠᠳᠢᠷᠴᠢᠨ ᠴᠢ ᠬᠥ
ᠠᠯᠢᠪᠠ ᠶ᠋ᠢ ᠪᠠᠷᠢᠭᠰᠠᠨ ᠰᠡᠨᠶᠸ ᠲᠡᠢ ᠮᠢᠨᠢ ᠬᠠᠷᠭᠤᠯᠳᠤᠬᠤ ᠰᠠᠨᠠᠭᠠ ᠲᠠᠢ ᠶᠠ ᠬᠥ ᠃
ᠬᠤᠷᠤᠭᠤ ᠬᠦᠷᠬᠦ ᠦᠭᠡᠢ ᠮᠣᠭᠠᠢ ᠶ᠋ᠢᠨ ᠵᠤᠯᠵᠠᠭᠠ ᠬᠥ
ᠬᠤᠷᠮᠤᠰᠲᠠ ᠶ᠋ᠢᠨ ᠯᠤᠤ ᠲᠠᠢ ᠬᠠᠯᠳᠠᠬᠤ ᠰᠠᠨᠠᠭᠠ ᠲᠠᠢ ᠶᠠ ᠬᠥ ᠂
ᠬᠣᠰᠢᠭᠤ ᠶ᠋ᠢ ᠲᠣᠭᠣᠷᠢᠭᠰᠠᠨ ᠪᠠᠲᠠᠷᠴᠢᠨ ᠯᠠᠮᠠ ᠴᠢ ᠬᠥ
ᠬᠠᠤᠯᠢ ᠶ᠋ᠢ ᠪᠠᠷᠢᠭᠰᠠᠨ ᠰᠡᠨᠶᠸ ᠲᠡᠢ ᠮᠢᠨᠢ ᠬᠠᠷᠭᠤᠯᠳᠤᠬᠤ ᠰᠠᠨᠠᠭᠠ ᠲᠠᠢ ᠶᠠ ᠬᠥ ᠃
ᠠᠯᠲᠠ ᠲᠠᠢ ᠮᠥᠩᠭᠥ ᠲᠡᠢ ᠮᠠᠨ ᠤ᠋ ᠨᠣᠶᠠᠨ ᠬᠥ
ᠠᠷᠠᠵᠠ ᠠᠷᠢᠬᠢ ᠪᠠᠨ ᠤᠤᠭᠤᠭᠠᠳ ᠠᠮᠤᠷ ᠮᠡᠨᠳᠦ ᠪᠡᠷ ᠵᠢᠷᠭᠠᠨᠠ ᠬᠥ
ᠠᠷᠪᠠᠨ ᠬᠣᠰᠢᠭᠤ ᠲᠣᠭᠣᠷᠢᠭᠰᠠᠨ ᠪᠡᠭᠡᠵᠢᠩ ᠯᠠᠮᠠ ᠬᠥ
ᠠᠷᠪᠠᠨ ᠰᠠᠷᠠ ᠶ᠋ᠢᠨ ᠲᠠᠬᠢᠶᠠ ᠰᠢᠭ᠋ ᠬᠥᠯ ᠢ᠋ᠶ᠋ᠡᠨ ᠡᠷᠭᠦᠨ ᠵᠣᠭᠰᠣᠨᠠ ᠃
ᠵᠣᠭᠣᠰ ᠲᠠᠢ ᠮᠥᠩᠭᠥ ᠲᠡᠢ ᠮᠠᠨ ᠤ᠋ ᠨᠣᠶᠠᠨ ᠬᠥ
ᠵᠣᠷᠢᠭ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠰᠠᠭᠤᠭᠠᠳ ᠴᠡᠩᠭᠡᠯ ᠢ᠋ᠶ᠋ᠡᠨ ᠬᠢᠨᠡ ᠬᠥ ᠂
ᠵᠣᠣ ᠶ᠋ᠢ ᠲᠣᠭᠣᠷᠢᠭᠰᠠᠨ ᠪᠡᠭᠡᠵᠢᠩ ᠯᠠᠮᠠ ᠬᠥ
ᠵᠢᠷᠭᠤᠭᠠᠨ ᠰᠠᠷᠠ ᠶ᠋ᠢᠨ ᠨᠣᠬᠠᠢ ᠰᠢᠭ᠋ ᠬᠡᠯᠡ ᠪᠡᠨ ᠭᠠᠷᠭᠠᠨ ᠵᠣᠭᠰᠣᠨᠠ ᠬᠥ ᠃
ᠪᠡᠭᠡᠵᠢᠩ ᠳ᠋ᠡᠭᠡᠨ ᠶᠠᠪᠤᠭᠠᠳ ᠢᠷᠡᠭ᠍ᠰᠡᠨ ᠮᠠᠨ ᠤ᠋ ᠳᠠᠶ᠋ᠢᠵᠢ ᠬᠥ
ᠪᠢᠯᠢᠭ ᠦ᠋ᠨ ᠭᠡᠷ ᠲᠡᠭᠡᠨ ᠢᠷᠡᠭᠡᠳ ᠠᠮᠤᠷ ᠮᠡᠨᠳᠦ ᠵᠢᠷᠭᠠᠨᠠ ᠬᠥ ᠂
ᠡᠴᠢᠭᠡ ᠳᠡᠭᠡᠳᠦ ᠶ᠋ᠢᠨ ᠰᠠᠬᠢᠭᠤᠯᠰᠤᠨ ᠳ᠋ᠤ᠌ ᠮᠥᠷᠭᠥᠵᠦ ᠪᠠᠶ᠋ᠢᠬᠤ ᠲᠡᠷᠡ ᠬᠣᠶᠠᠷ ᠬᠥ
ᠡᠵᠢ ᠴᠦ᠍ ᠦᠭᠡᠢ ᠠᠪᠤ ᠴᠤ᠌ ᠦᠭᠡᠢ ᠬᠣᠯᠢᠮᠠᠴᠠᠭᠠ ᠴᠤ᠌ ᠶᠤᠮ ᠦᠦ ᠳᠡ ᠬᠥ ᠃
ᠠᠯᠪᠠᠨ ᠳ᠋ᠠᠭᠠᠨ ᠶᠠᠪᠤᠭᠠᠳ ᠢᠷᠡᠭ᠍ᠰᠡᠨ ᠮᠠᠨ ᠤ᠋ ᠳᠠᠶ᠋ᠢᠵᠢ ᠬᠥ
ᠠᠪᠠᠯᠢ ᠡᠬᠡᠨᠡᠷ ᠲᠡᠢ ᠪᠡᠨ ᠠᠮᠤᠷ ᠮᠡᠨᠳᠦ ᠵᠢᠷᠭᠠᠨᠠ ᠬᠥ ᠂
ᠠᠪᠤ ᠳᠡᠭᠡᠳᠦ ᠶ᠋ᠢᠨ ᠰᠠᠬᠢᠭᠤᠯᠰᠤᠨ ᠳ᠋ᠤ᠌ ᠮᠥᠷᠭᠥᠵᠦ ᠪᠠᠶ᠋ᠢᠬᠤ ᠡᠨᠡ ᠬᠣᠶᠠᠷ ᠬᠥ
ᠠᠪᠤ ᠴᠤ᠌ ᠦᠭᠡᠢ ᠡᠵᠢ ᠴᠦ᠍ ᠦᠭᠡᠢ ᠬᠣᠯᠢᠮᠠᠴᠠᠭᠠ ᠴᠤ᠌ ᠶᠤᠮ ᠤᠤ ᠳᠠ ᠬᠥ ᠃
ᠪᠦᠯᠡᠵᠡᠭ ᠴᠦ᠍ ᠭᠡᠮᠡᠨ ᠪᠦᠯᠡᠵᠡᠭ ᠶᠦ᠍ᠮ ᠦᠦ ᠳᠡ ᠬᠥ
ᠪᠡᠭᠡᠵᠢᠩ ᠬᠣᠲᠠ ᠶ᠋ᠢᠨ ᠪᠢᠳᠦᠷᠢᠶᠡ ᠲᠡᠢ ᠰᠢᠵᠢᠷ ᠰᠢᠦ ᠬᠥ ᠂
ᠪᠡᠶᠡ ᠪᠣᠯᠤᠨ ᠰᠡᠳᠬᠢᠯ ᠴᠢᠨᠢ ᠰᠡᠨᠶᠸ ᠨᠣᠶᠠᠨ ᠳᠡᠭᠡᠷᠡ ᠪᠣᠯᠵᠠᠢ ᠬᠥ
ᠪᠦᠯᠡᠵᠡᠭ ᠊ᠢ ᠮᠢᠨᠢ ᠡᠷᠭᠢᠭᠦᠯᠦᠭᠡᠳ ᠨᠠᠳᠠᠳᠤ ᠦᠭᠭᠦᠨᠡᠦ ᠬᠥ ?
ᠲᠣᠷᠭᠠ ᠴᠤ᠌ ᠭᠡᠮᠡᠨ ᠲᠣᠷᠭᠠ ᠶᠤᠮ ᠦᠦ ᠳᠡ ᠬᠥ
ᠲᠣᠳᠣᠬᠠᠨ ᠬᠡ ᠲᠡᠢ ᠬᠠᠩᠪᠤ ᠯᠠ ᠲᠣᠷᠭᠠ ᠶᠤᠮ ᠳᠠ ᠬᠥ ᠂
ᠳᠣᠲᠣᠷ ᠪᠣᠯᠤᠨ ᠰᠡᠳᠬᠢᠯ ᠴᠢᠨᠢ ᠰᠡᠨᠶᠸ ᠳᠡᠭᠡᠷᠡ ᠪᠣᠯᠵᠠᠢ ᠬᠥ
ᠲᠣᠷᠭᠠ ᠶᠢ ᠮᠢᠨᠢ ᠡᠷᠭᠢᠭᠦᠯᠦᠭᠡᠳ ᠨᠠᠳᠠᠳᠤ ᠦᠭᠭᠦᠨᠡᠦ ᠬᠥ ?
ᠭᠤᠲᠤᠯ ᠴᠤ᠌ ᠭᠡᠮᠡᠨ ᠭᠤᠲᠤᠯ ᠶᠤᠮ ᠦᠦ ᠳᠡ ᠬᠥ
ᠭᠤᠷᠪᠠᠨ ᠬᠠᠪᠴᠢᠶᠠᠷᠢ ᠲᠠᠢ ᠵᠠᠩᠴᠢᠭᠦᠦ ᠭᠤᠲᠤᠯ ᠶᠤᠮ ᠳᠠ ᠬᠥ
ᠭᠣᠨᠢᠷᠬᠠᠭᠰᠠᠨ ᠰᠡᠳᠬᠢᠯ ᠴᠢᠨᠢ ᠰᠡᠨᠶᠸ ᠳᠡᠭᠡᠷᠡ ᠪᠣᠯᠵᠠᠢ ᠬᠥ
ᠭᠤᠲᠤᠯ ᠊ᠢ ᠮᠢᠨᠢ ᠡᠷᠭᠢᠭᠦᠯᠦᠭᠡᠳ ᠨᠠᠳᠠᠳᠤ ᠦᠭᠭᠦᠨᠡᠦ ᠬᠥ ?
ᠠᠯᠴᠢᠭᠤᠷ ᠴᠤ᠌ ᠭᠡᠮᠡᠨ ᠠᠯᠴᠢᠭᠤᠷ ᠶᠤᠮ ᠦᠦ ᠳᠡ ᠬᠥ
ᠠᠯᠲᠠᠨ ᠬᠡ ᠲᠡᠢ ᠠᠯᠴᠢᠭᠤᠷ ᠶᠤᠮ ᠳᠠ ᠬᠥ ᠂
ᠠᠭᠠᠰᠢ ᠪᠣᠯᠤᠨ ᠵᠠᠩ ᠴᠢᠨᠢ ᠰᠡᠨᠶᠸ ᠳᠡᠭᠡᠷᠡ ᠪᠣᠯᠵᠠᠢ ᠬᠥ
ᠠᠯᠴᠢᠭᠤᠷ ᠊ᠢ ᠮᠢᠨᠢ ᠡᠷᠭᠢᠭᠦᠯᠦᠭᠡᠳ ᠨᠠᠳᠠᠳᠤ ᠦᠭᠭᠦᠨᠡᠦ ᠬᠥ ?
ᠡᠭᠡᠮᠦᠭ ᠴᠦ᠍ ᠭᠡᠮᠡᠨ ᠡᠭᠡᠮᠦᠭ ᠶᠦ᠍ᠮ ᠦᠦ ᠳᠡ ᠬᠥ
ᠡᠵᠡᠨ ᠬᠣᠲᠠ ᠶ᠋ᠢᠨ ᠠᠯᠲᠠᠨ ᠰᠤᠪᠤᠳ ᠶᠤᠮ ᠳᠠ ᠬᠥ ᠂
ᠡᠯᠢᠭᠡ ᠪᠣᠯᠤᠨ ᠵᠢᠷᠦᠬᠡ ᠴᠢᠨᠢ ᠰᠡᠨᠶᠸ ᠳᠡᠭᠡᠷᠡ ᠪᠣᠯᠵᠠᠢ ᠬᠥ
ᠡᠭᠡᠮᠦᠭ ᠊ᠢ ᠮᠢᠨᠢ ᠡᠷᠭᠢᠭᠦᠯᠦᠭᠡᠳ ᠨᠠᠳᠠᠳᠤ ᠦᠭᠭᠦᠨᠡᠦ ?
ᠪᠦᠯᠡᠵᠡᠭ ᠦᠭᠭᠦ ᠶ᠋ᠢᠨ ᠢ᠋ᠶ᠋ᠡᠨ ᠲᠡᠷᠡ ᠦᠶᠡ ᠳ᠋ᠦ᠍ ᠲᠠ ᠮᠢᠨᠢ ᠬᠥ
ᠪᠡᠶᠡ ᠪᠣᠯᠤᠨ ᠰᠡᠳᠬᠢᠯ ᠳ᠋ᠦ᠍ ᠮᠢᠨᠢ ᠳᠤᠷᠠᠯᠠᠵᠤ ᠪᠠᠶ᠋ᠢᠭᠠᠳ ᠦᠭᠭᠦᠭᠰᠡᠨ ᠪᠢᠵᠡ ᠬᠥ ᠂
ᠪᠦᠯᠡᠵᠡᠭ ᠢ᠋ᠶ᠋ᠡᠨ ᠪᠤᠴᠠᠭᠠᠭᠠᠳ ᠠᠪᠤᠶᠠ ᠭᠡᠪᠡᠯ ᠬᠥ
ᠪᠡᠷᠭᠡᠨ ᠵᠠᠵᠢ ᠭᠡᠵᠦ ᠭᠤᠷᠪᠠ ᠮᠥᠷᠭᠥᠪᠡᠯ ᠥᠭᠭᠦᠶᠡ ᠳᠡ ᠬᠥ ᠃
ᠲᠣᠷᠭᠠ ᠥᠭᠬᠦ ᠶ᠋ᠢᠨ ᠢ᠋ᠶ᠋ᠡᠨ ᠲᠡᠷᠡ ᠦᠶᠡ ᠳ᠋ᠦ᠍ ᠲᠠ ᠮᠢᠨᠢ ᠬᠥ
ᠳᠣᠲᠣᠷ ᠪᠣᠯᠤᠨ ᠰᠡᠳᠬᠢᠯ ᠳ᠋ᠦ᠍ ᠮᠢᠨᠢ ᠤᠨᠠᠵᠤ ᠪᠠᠶ᠋ᠢᠭᠠᠳ ᠥᠭᠭᠦᠭᠰᠡᠨ ᠪᠢᠵᠡ ᠬᠥ ᠂
ᠲᠣᠷᠭᠠ ᠪᠠᠨ ᠪᠤᠴᠠᠭᠠᠭᠠᠳ ᠠᠪᠤᠶᠠ ᠳᠠ ᠭᠡᠪᠡᠯ ᠬᠥ
ᠲᠣᠯᠣᠭᠠᠢ ᠪᠠᠨ ᠴᠣᠭᠣᠷᠣᠲᠠᠯᠠ ᠮᠥᠷᠭᠥᠵᠦ ᠪᠠᠶ᠋ᠢᠭᠠᠳ ᠠᠪᠤᠭᠠᠷᠠᠢ ᠳᠠ ᠬᠥ ᠃
ᠳᠤᠷᠳᠤᠩ ᠥᠭᠬᠦ ᠶ᠋ᠢᠨ ᠢ᠋ᠶ᠋ᠡᠨ ᠲᠡᠷᠡ ᠦᠶᠡ ᠳ᠋ᠦ᠍ ᠲᠠ ᠮᠢᠨᠢ ᠬᠥ
ᠳᠤᠷᠠ ᠪᠣᠯᠤᠨ ᠰᠡᠳᠬᠢᠯ ᠳ᠋ᠦ᠍ ᠮᠢᠨᠢ ᠤᠨᠠᠵᠤ ᠪᠠᠶ᠋ᠢᠭᠠᠳ ᠥᠭᠭᠦᠭᠰᠡᠨ ᠪᠢᠵᠡ ᠬᠥ ᠂
ᠳᠤᠷᠳᠤᠩ ᠊ᠢ ᠪᠡᠨ ᠪᠤᠴᠠᠭᠠᠭᠠᠳ ᠠᠪᠤᠶᠠ ᠭᠡᠪᠡᠯ ᠬᠥ
ᠳᠤᠬᠤ ᠪᠠᠨ ᠴᠣᠭᠣᠷᠣᠲᠠᠯᠠ ᠮᠥᠷᠭᠥᠵᠦ ᠪᠠᠶ᠋ᠢᠭᠠᠳ ᠠᠪᠤᠭᠠᠷᠠᠢ ᠳᠠ ᠬᠥ ᠃
ᠭᠤᠲᠤᠯ ᠥᠭᠬᠦ ᠶ᠋ᠢᠨ ᠢ᠋ᠶ᠋ᠡᠨ ᠲᠡᠷᠡ ᠦᠶᠡ ᠳ᠋ᠦ᠍ ᠲᠠ ᠮᠢᠨᠢ ᠬᠥ
ᠭᠤᠨᠢᠷᠬᠠᠭᠰᠠᠨ ᠰᠡᠳᠬᠢᠯ ᠳ᠋ᠦ᠍ ᠮᠢᠨᠢ ᠤᠨᠠᠵᠤ ᠪᠠᠶ᠋ᠢᠭᠠᠳ ᠥᠭᠭᠦᠭᠰᠡᠨ ᠪᠢᠵᠡ ᠬᠥ ᠂
ᠭᠤᠲᠤᠯ ᠢ᠋ᠶ᠋ᠠᠨ ᠪᠤᠴᠠᠭᠠᠭᠠᠳ ᠠᠪᠤᠶᠠ ᠭᠡᠪᠡᠯ ᠬᠥ
ᠭᠤᠳᠤᠮᠵᠢᠨ ᠳᠤᠮᠳᠠ ᠭᠤᠷᠪᠠ ᠮᠥᠷᠭᠥᠭᠡᠳ ᠠᠪᠤᠭᠠᠷᠠᠢ ᠳᠠ ᠬᠥ ᠃
ᠠᠯᠴᠢᠭᠤᠷ ᠥᠭᠬᠦ ᠶ᠋ᠢᠨ ᠢ᠋ᠶ᠋ᠡᠨ ᠲᠡᠷᠡ ᠦᠶᠡ ᠳ᠋ᠦ᠍ ᠲᠠ ᠮᠢᠨᠢ ᠬᠥ
ᠠᠭᠠᠰᠢ ᠪᠣᠯᠤᠨ ᠰᠡᠳᠬᠢᠯ ᠳ᠋ᠦ᠍ ᠮᠢᠨᠢ ᠳᠤᠷᠠᠯᠠᠵᠤ ᠪᠠᠶ᠋ᠢᠭᠠᠳ ᠥᠭᠭᠦᠭᠰᠡᠨ ᠪᠢᠵᠡ ᠬᠥ ᠂
ᠠᠯᠴᠢᠭᠤᠷ ᠢ᠋ᠶ᠋ᠠᠨ ᠪᠤᠴᠠᠭᠠᠭᠠᠳ ᠠᠪᠤᠶᠠ ᠭᠡᠪᠡᠯ ᠬᠥ
ᠠᠴᠢᠲᠠᠢ ᠪᠡᠷᠭᠡᠨ ᠭᠡᠵᠦ ᠭᠤᠷᠪᠠ ᠮᠥᠷᠭᠥᠪᠡᠯ ᠥᠭᠭᠦᠶᠡ ᠳᠡ ᠬᠥ ᠃
ᠡᠭᠡᠮᠦᠭ ᠥᠭᠬᠦ ᠶ᠋ᠢᠨ ᠢ᠋ᠶ᠋ᠡᠨ ᠲᠡᠷᠡ ᠦᠶᠡ ᠳ᠋ᠦ᠍ ᠲᠠ ᠮᠢᠨᠢ ᠬᠥ
ᠡᠯᠢᠭᠡ ᠪᠣᠯᠤᠨ ᠵᠢᠷᠦᠬᠡᠨ ᠳ᠋ᠦ᠍ ᠮᠢᠨᠢ ᠤᠨᠠᠵᠤ ᠪᠠᠶ᠋ᠢᠭᠠᠳ ᠥᠭᠭᠦᠭᠰᠡᠨ ᠪᠢᠯᠡ ᠬᠥ ᠂
ᠡᠭᠡᠮᠦᠭ ᠢ᠋ᠶ᠋ᠡᠨ ᠪᠤᠴᠠᠭᠠᠭᠠᠳ ᠠᠪᠤᠶᠠ ᠭᠡᠪᠡᠯ ᠬᠥ
ᠡᠷᠬᠢᠮ ᠨᠠᠶ᠋ᠢᠨᠠᠢ ᠭᠡᠳ ᠭᠤᠷᠪᠠ ᠮᠥᠷᠭᠥᠪᠡᠯ ᠥᠭᠭᠦᠶᠡ ᠳᠡ ᠬᠥ ᠃
ᠵᠠᠮ ᠳ᠋ᠠᠭᠠᠨ ᠮᠡᠨᠳᠦ ᠰᠠᠶᠢᠬᠠᠨ ᠶᠠᠪᠤᠭᠠᠷᠠᠢ ᠮᠠᠮᠠ ᠬᠥ
ᠵᠠᠩ ᠰᠠᠶ᠋ᠢᠲᠠᠢ ᠠᠪᠠᠭᠠᠢ ᠬᠡᠦᠬᠡᠨ ᠳ᠋ᠦ᠍ ᠳᠠᠬᠢᠭᠠᠳ ᠪᠤᠤ ᠬᠠᠭᠤᠷᠲᠠᠭᠠᠷᠠᠢ ᠬᠥ ᠂
ᠽᠠᠩᠯᠤᠪ ᠲᠠᠢ ᠣᠷᠣᠨ ᠳ᠋ᠤ᠌ ᠣᠴᠢᠭᠠᠳ ᠣᠷᠣᠰᠢᠨ ᠰᠠᠭᠤᠵᠤ ᠴᠢᠳᠠᠪᠠᠯ ᠬᠥ
ᠵᠠᠩᠱᠠᠩᠪᠠᠯᠨ ᠳ᠋ᠤ᠌ ᠲᠥᠷᠥᠬᠦ ᠴᠢᠨᠢ ᠰᠠᠨᠠᠭᠠᠨ ᠤ᠋ ᠪᠢᠰᠢᠦ ᠮᠠᠮᠠ ᠬᠥ ᠃
ᠠᠮᠤᠷᠬᠠᠨ ᠮᠡᠨᠳᠦ ᠶᠠᠪᠤᠭᠠᠷᠠᠢ ᠮᠠᠮᠠ ᠬᠥ
ᠠᠭᠠᠰᠢ ᠰᠠᠶ᠋ᠢᠲᠠᠢ ᠠᠪᠠᠭᠠᠢ ᠬᠡᠦᠬᠡᠨ ᠳ᠋ᠦ᠍ ᠳᠠᠬᠢᠭᠠᠳ ᠪᠤᠤ ᠬᠠᠭᠤᠷᠲᠠᠭᠠᠷᠠᠢ ᠬᠥ ᠂
ᠠᠪᠤᠷᠠᠯ ᠲᠠᠢ ᠣᠷᠣᠨ ᠳ᠋ᠤ᠌ ᠣᠴᠢᠭᠠᠳ ᠣᠷᠣᠰᠢᠨ ᠰᠠᠭᠤᠵᠤ ᠴᠢᠳᠠᠪᠠᠯ ᠬᠥ
ᠠᠭᠢᠭᠠᠳ ᠲᠥᠷᠥᠬᠦ ᠴᠢᠨᠢ ᠰᠠᠨᠠᠭᠠᠨ ᠤ᠋ ᠪᠢᠰᠢᠦ ᠮᠠᠮᠠ ᠬᠥ ᠃
ᠥᠭᠦᠯᠡᠭᠡᠳ ᠬᠡᠯᠡᠬᠦ ᠶ᠋ᠢ ᠴᠢᠨᠢ ᠦᠵᠡᠪᠡᠯ ᠳᠡᠭᠦᠦ ᠮᠢᠨᠢ ᠬᠥ
ᠡᠭᠦᠯᠡᠨ ᠡᠴᠡ ᠪᠠᠭᠤᠭᠰᠠᠨ ᠳ᠋ᠠᠷᠠ ᠡᠬᠡ ᠪᠢᠰᠢ ᠪᠣᠯ ᠳᠠᠭᠢᠨᠢ ᠳᠠ ᠬᠥ ᠂
ᠦᠨᠡᠬᠡᠷ ᠴᠢᠨᠦ ᠮᠠᠭᠤ ᠶ᠋ᠢ ᠪᠣᠳᠣᠭᠠᠳ ᠦᠵᠡᠪᠡᠯ ᠬᠥ
ᠦᠨᠡᠭᠡᠨ ᠰᠢᠮᠨᠤ ᠲᠠᠤᠯᠠᠢ ᠶ᠋ᠢᠨ ᠰᠢᠮᠨᠤ ᠠ᠋ᠴᠠ ᠥᠭᠡᠷᠡ ᠴᠦ᠍ ᠦᠭᠡᠢ ᠲᠥᠷᠥᠵᠡᠢ ᠬᠥ ᠃
ᠠᠮᠠᠯᠠᠭᠠᠳ ᠬᠡᠯᠡᠬᠦ ᠶ᠋ᠢ ᠴᠢᠨᠢ ᠰᠣᠨᠣᠰᠪᠠᠯ ᠳᠡᠭᠦᠦ ᠮᠢᠨᠢ ᠬᠥ
ᠠᠭᠠᠷ ᠠ᠋ᠴᠠ ᠪᠠᠭᠤᠭᠰᠠᠨ ᠳ᠋ᠠᠷᠠ ᠡᠬᠡ ᠪᠢᠰᠢ ᠪᠣᠯ ᠳᠠᠭᠢᠨᠢ ᠳᠠ ᠬᠥ ᠂
ᠠᠶ᠋ᠢᠬᠤᠪᠲᠤᠷ ᠴᠢᠨᠦ ᠮᠠᠭᠤ ᠶ᠋ᠢ ᠪᠣᠳᠣᠭᠠᠳ ᠦᠵᠡᠪᠡᠯ ᠬᠥ ᠂
ᠠᠯᠠᠭ ᠬᠢᠴᠢ ᠠᠭᠠᠯᠵᠢᠨ ᠰᠢᠮᠨᠤ ᠠ᠋ᠴᠠ ᠥᠭᠡᠷᠡ ᠴᠦ᠍ ᠦᠭᠡᠢ ᠲᠥᠷᠥᠵᠡᠢ ᠬᠥ ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠱᠠᠭᠰᠠᠯ
ᠬᠢᠨᠠᠭᠴᠢ ᠄ ᠣᠳᠬᠠᠨᠰᠸᠠ