ᠲᠣᠷᠭᠠᠨ ᠨᠥᠬᠥᠭᠡᠰᠦ – ᠲ ᠂ ᠭᠣᠮᠪᠣᠵᠠᠪ Торгон нөхөөс – Т ᠂ Гомбожав
275ᠲᠣᠷᠭᠠᠨ ᠨᠥᠬᠥᠭᠡᠰᠦ
ᠲ ᠂ ᠭᠣᠮᠪᠣᠵᠠᠪ
ᠴᠠᠭ ᠠᠭᠤᠷ ᠤᠨ ᠮᠡᠳᠡᠭᠡ
ᠡᠨᠡ ᠰᠥᠨᠢ ᠲᠤᠩᠭᠠᠯᠠᠭ ᠂ ᠬᠡᠰᠡᠭ ᠲᠡᠭᠡᠨ ᠡᠭᠦᠯᠡ ᠲᠡᠢ
ᠡᠩᠭᠡᠷ ᠬᠥᠪᠡᠭᠡᠯᠡᠵᠦ ᠳᠤᠯᠠᠭᠠᠨ ᠤ ᠬᠡᠮᠵᠢᠶᠡ ᠪᠠᠭᠤᠷᠠᠨᠠ
ᠡᠭᠡᠷᠡᠮᠡ ᠶ᠋ᠢᠨ ᠮᠠᠨᠳᠠᠯ ᠢᠶ᠋ᠠᠷ ᠰᠢᠷᠬᠠᠳᠤᠭᠰᠠᠨ ᠭᠠᠯᠠᠭᠤ
ᠵᠡᠭᠦᠨ ᠡᠴᠡ ᠪᠠᠷᠠᠭᠤᠨᠰᠢ ᠨᠢᠭᠡ ᠤᠳᠠᠭᠠ ᠥᠩᠭᠡᠷᠡᠨᠡ
ᠡᠯᠡᠰᠦ ᠂ ᠨᠣᠭᠲᠣ ᠲᠠᠢ ᠲᠡᠮᠡᠭᠡᠨ ᠦ ᠲᠠᠪᠠᠭ ᠲᠡᠪᠡᠷᠢᠵᠦ
ᠡᠯᠢᠭᠡ ᠪᠡᠨ ᠬᠤᠵᠢᠷᠲᠤᠲᠠᠯᠠ ᠡᠪᠬᠡᠷᠡᠨᠡ
ᠡᠩᠭᠡᠷ ᠲᠡᠭᠡᠨ ᠣᠳᠣ ᠲᠠᠢ ᠪᠦᠳᠦᠭᠦᠨ ᠬᠠᠷᠠ ᠡᠷᠡ
ᠡᠭᠦᠳᠡ ᠪᠡᠷ ᠰᠡᠮᠬᠡᠨ ᠰᠢᠷᠭᠤᠵᠤ
ᠡᠷᠡ ᠡᠮᠡ ᠶ᠋ᠢᠨ ᠡᠪᠦᠷ ᠪᠢᠲᠡᠭᠦᠦ ᠶᠠᠷᠢᠶᠠ ᠶ᠋ᠢ
ᠬᠠᠷᠠ ᠰᠠᠨᠠᠵᠤ ᠴᠢᠩᠨᠠᠨᠠ ᠡ
ᠡᠬᠡ ᠬᠤᠷᠤᠠ ᠶ᠋ᠢᠨ ᠲᠦᠮᠡᠨ ᠨᠢᠳᠦ
ᠡᠨᠡ ᠰᠥᠨᠢ ᠠᠨᠢᠬᠤ ᠦᠭᠡᠢ
ᠡᠷᠲᠡ ᠪᠣᠰᠪᠠᠯ ᠂ ᠤᠬᠢᠯᠠᠵᠤ ᠤᠯᠠᠶ᠋ᠢᠭᠰᠠᠨ ᠨᠢᠭᠡ ᠨᠢᠳᠦᠨ ᠡᠴᠡ
ᠭᠠᠯ ᠨᠣᠴᠣᠬᠤ ᠶ᠋ᠢ ᠣᠯᠵᠤ ᠦᠵᠡᠨᠡ ᠡ ᠁
ᠡᠩᠬᠡ ᠲᠠᠶ᠋ᠢᠪᠤᠩ
ᠡᠭᠦᠯᠡ ᠲᠡᠢ ᠲᠡᠭᠷᠢ ᠶ᠋ᠢᠨ ᠵᠠᠪᠰᠠᠷ ᠢᠶ᠋ᠠᠷ ᠡᠵᠢ ᠶ᠋ᠢᠨ ᠨᠢᠳᠦ ᠬᠠᠷᠠᠭᠳᠠᠨᠠ ᠃
ᠡᠩᠬᠡ ᠲᠠᠶ᠋ᠢᠪᠤᠩ ᠬᠠᠷᠠᠭᠳᠠᠨᠠ ᠡ
ᠡᠪᠡᠰᠦᠨ ᠣᠷᠣᠢ ᠳ᠋ᠤ᠌ ᠡᠳᠦᠷ ᠳᠠᠭᠤᠰᠤᠨ ᠭᠢᠯᠠᠯᠵᠠᠬᠤ
ᠡᠷᠲᠡ ᠶ᠋ᠢᠨ ᠲᠡᠷᠡ ᠰᠡᠭᠦᠳᠡᠷ ᠦᠨ ᠮᠥᠬᠥᠯᠢᠭ —
ᠡᠩᠬᠡ ᠲᠠᠶ᠋ᠢᠪᠤᠩ ᠪᠠᠶ᠋ᠢᠨᠠᠮ
ᠡᠵᠡᠭᠦᠢ ᠶ᠋ᠢᠨ ᠲᠡᠷᠡ ᠪᠠᠯᠠᠷ ᠰᠢᠭᠤᠢ ᠳᠤᠮᠳᠠ
ᠡᠭᠦᠷ ᠲᠠᠢ ᠦᠷᠡ ᠲᠠᠢ ᠲᠠᠤᠯᠠᠢ ᠶ᠋ᠢᠨ
ᠥᠭᠡᠳᠡ ᠤᠷᠤᠭᠤ ᠠᠯᠢᠶᠠᠯᠠᠭᠰᠠᠨ ᠮᠥᠷ —
ᠡᠩᠬᠡ ᠲᠠᠶ᠋ᠢᠪᠤᠩ ᠪᠠᠶ᠋ᠢᠨᠠᠮ
ᠡᠷᠡ ᠶ᠋ᠢᠨ ᠪᠣᠳᠣᠯ ᠳ᠋ᠤ᠌ ᠭᠤᠨᠢᠭ ᠤᠨᠠᠭᠠᠵᠤ
ᠡᠷᠡᠭᠦᠯ ᠤᠬᠠᠭᠠᠨ ᠳ᠋ᠤ᠌ ᠰᠢᠷᠬᠠ ᠬᠠᠲᠠᠵᠤ
ᠡᠨᠳᠡ ᠡᠴᠡ ᠲᠡᠨᠳᠡ ᠪᠠᠭᠤᠬᠤ ᠭᠠᠵᠠᠷ ᠢᠶ᠋ᠠᠨ ᠣᠯᠬᠤ ᠦᠭᠡᠢ
ᠡᠷᠢᠯ ᠳ᠋ᠦ᠍ ᠵᠦᠳᠡᠬᠦ ᠴᠠᠭᠠᠨ ᠲᠠᠭᠲᠠᠭᠠ
ᠡᠩᠬᠡ ᠲᠠᠶ᠋ᠢᠪᠤᠩ ᠪᠠᠶ᠋ᠢᠨᠠᠮ
ᠡᠭᠦᠯᠡ ᠲᠡᠭᠷᠢ ᠶ᠋ᠢᠨ ᠵᠠᠪᠰᠠᠷ ᠢᠶ᠋ᠠᠷ ᠬᠣᠯᠠ ᠶ᠋ᠢᠨ ᠣᠳᠣ ᠬᠠᠷᠠᠭᠳᠠᠨᠠ
ᠡᠩᠬᠡ ᠲᠠᠶ᠋ᠢᠪᠤᠩ ᠬᠠᠷᠠᠭᠳᠠᠨᠠ ᠡ
ᠴᠦᠯ ᠦᠨ ᠢᠲᠡᠭᠡᠯ
ᠤᠰᠤᠷᠬᠠᠭ ᠵᠡᠭᠦᠳᠦ ᠬᠠᠭᠰᠠᠵᠤ ᠤᠮᠠᠷᠠᠲᠤ ᠶ᠋ᠢᠨ ᠡᠯᠡᠰᠦᠨ ᠳ᠋ᠦ᠍ ᠵᠡᠷᠭᠡᠯᠭᠡᠨ ᠰᠢᠲᠠᠨᠠ
ᠠᠭᠤᠯᠠᠨ ᠴᠢᠨᠠᠳᠤᠬᠢ ᠠᠶᠤᠩᠭᠠ ᠶ᠋ᠢᠨ ᠳᠠᠭᠤᠨ ᠢᠶ᠋ᠠᠷ
ᠭᠣᠷᠢᠳᠠᠯ ᠵᠠᠮᠬᠠᠷᠠᠵᠤ
ᠡᠯᠡᠰᠦᠨ ᠦ ᠨᠠᠷᠠ ᠭᠠᠰᠢᠭ᠋ᠤᠬᠠᠨ ᠡᠷᠭᠢᠨᠡ
ᠡᠯᠡᠰᠦᠨ ᠤ ᠵᠤᠨ ᠭᠢᠨᠳᠠᠨ ᠪᠡᠬᠢᠯᠡᠨᠡ ᠡ
ᠪᠣᠳᠣᠯ ᠠᠴᠢᠭᠰᠠᠨ ᠲᠡᠮᠡᠭᠡᠳ
ᠪᠣᠰᠤᠭᠠ ᠵᠣᠭᠳᠣᠷ ᠬᠡᠶ᠋ᠢᠰᠬᠡᠵᠦ
ᠴᠦᠯ ᠦᠨ ᠢᠲᠡᠭᠡᠯ ᠂ ᠨᠠᠭᠤᠷ ᠢᠶ᠋ᠠᠨ ᠲᠦᠰᠢᠵᠦ ᠵᠣᠭᠰᠣᠨᠠ ︕
ᠵᠠᠯᠠᠭᠤ ᠰᠢᠯᠦᠭᠴᠢᠳ ᠦᠨ ᠴᠣᠪᠣᠷᠠᠯ ᠪᠢᠴᠢᠭ᠌
< ᠢᠷᠡᠬᠦ ᠵᠠᠭᠤᠨ ᠤ ᠬᠣᠩᠬᠣᠨ ᠳᠠᠭᠤᠨ > ᠡᠴᠡ ᠬᠠᠭᠤᠯᠪᠠ᠃
ᠠᠮᠢᠯᠠᠭᠤᠯᠤᠨ ᠬᠠᠭᠤᠯᠤᠭᠰᠠᠨ ᠨᠢ ᠄ ᠴᠤᠯᠮᠤᠨᠲᠤᠶᠠᠭᠠ
2023 ᠂ 4 ᠂18 ᠪ ᠡᠲᠦᠷ