ᠪᠢ ᠰᠡᠭᠦᠳᠡᠷ ᠲᠠᠢ ᠪᠠᠨ – ᠲ ᠂ ᠭᠣᠮᠪᠣᠵᠠᠪ Би сүүдэртайгаа – Т᠂ Гомбожав
240 1
ᠪᠢ ᠰᠡᠭᠦᠲᠡᠷ ᠲᠡᠢ ᠪᠡᠨ ᠨᠢᠭᠡ ᠪᠤᠷᠬᠠᠨ ᠰᠢᠲᠦᠵᠦ
ᠪᠡᠶᠡ ᠂ ᠬᠠᠷᠠ ᠴᠠᠭᠠᠨ ᠬᠣᠶᠠᠷ ᠵᠦᠴᠦᠭᠡ ᠠᠮᠢᠲᠤᠷᠠᠯ ᠲᠠᠬᠢᠨᠠ
2
ᠰᠠᠬᠠᠯ ᠤᠷᠭᠤᠭᠰᠠᠨ ᠪᠣᠲᠣᠯ
ᠠᠭᠤᠯᠠ ᠳᠠᠷᠤᠭᠰᠠᠨ ᠰᠦᠷ
ᠥᠴᠥᠭᠡᠲᠦᠷ ᠬᠠᠭᠠᠰ ᠲᠩᠷᠢ ᠡᠵᠡᠯᠡᠵᠦ
ᠦᠨᠲᠦᠰᠦ ᠴᠢᠯᠠᠭᠤᠳ ᠦ᠋ᠨ ᠵᠠᠪᠰᠠᠷ ᠶ᠋ᠢᠠᠷ
ᠨᠣᠭᠣᠭᠠᠨ ᠲᠣᠣᠷ ᠰᠦᠯᠵᠢᠨᠡ
ᠲᠥᠷᠥᠭᠡᠲᠦᠢ ᠬᠡᠦᠬᠡᠳ ᠦ᠋ᠨ ᠵᠢᠰᠦ
ᠵᠡᠭᠦᠲᠦ ᠭᠡᠢᠭᠦᠯᠦᠭᠰᠡᠨ ᠭᠡᠷᠡᠯ
ᠮᠠᠷᠭᠠᠰᠢ ᠲᠠᠯᠠ ᠬᠣᠷᠸ᠋ᠠ ᠡᠵᠡᠩᠨᠡᠵᠦ
ᠮᠠᠨᠠᠨ ᠴᠠᠪ ᠴᠡᠩᠬᠡᠷ ᠰᠢᠯᠦᠭ ᠦ᠋ᠨ ᠰᠠᠨᠠᠬ᠋ᠠ ᠵᠣᠯᠠᠨᠠ
3
ᠵᠡᠭᠦᠨ ᠮᠥᠷᠥ ᠪᠡᠨ ᠳᠠᠭᠠᠵᠤ
ᠳᠡᠯᠡᠬᠡᠢ ᠡᠷᠭᠢᠨ
ᠵᠡᠭᠦᠲᠦ ᠪᠦᠬᠦᠨ ᠂ ᠡᠭᠦᠲᠡ ᠪᠦᠬᠦᠨ ᠨᠠᠷᠠ ᠬᠦᠰᠡᠨᠡ
ᠭᠡᠷᠡᠯ ᠪᠠ ᠰᠡᠭᠦᠲᠡᠷ
ᠬᠠᠪᠰᠤᠷᠤᠭᠰᠠᠨ ᠬᠣᠶᠠᠷ ᠠᠯᠠᠬ᠋ᠠ
ᠭᠡᠷ ᠡᠷᠦᠬᠡ ᠶ᠋ᠢ ᠵᠡᠭᠦᠨ ᠪᠠᠷᠠᠭᠤᠨ ᠡᠵᠢ ᠡᠴᠡ ᠨᠢ ᠲᠦᠰᠢᠨᠡ
ᠭᠡᠰᠡᠷ ᠨᠠᠪᠴᠢ ᠶ᠋ᠢ ᠳᠡᠭᠡᠷᠡ ᠳᠣᠣᠷᠠ ᠡᠴᠡ ᠨᠢ ᠬᠠᠪᠤᠵᠤ
ᠪᠡᠶᠡ ᠶ᠋ᠢ ᠮᠢᠨᠢ ᠤᠶ᠋ᠢᠴᠢᠭᠤᠯᠤᠯ ᠦᠭᠡᠢ
ᠬᠡᠮ ᠳᠡᠭᠰᠢᠬᠡᠨ ᠠᠯᠬᠤᠭᠤᠯᠤᠨᠠ
ᠪᠠᠷᠠᠭᠤᠨ ᠮᠥᠷᠥ ᠪᠡᠨ ᠳᠠᠭᠠᠵᠤ
ᠨᠠᠷᠠ ᠡᠷᠭᠢᠵᠦ
ᠪᠠᠭᠠᠰᠢ ᠪᠦᠬᠦᠨ ᠂ ᠠᠭᠠᠰᠢ ᠪᠦᠬᠦᠨ ᠭᠡᠷᠡᠯ ᠲᠦᠰᠢᠨᠡ
4
ᠬᠠᠮᠤᠭ ᠬᠠᠮᠤᠭ ᠦ᠋ᠨ ᠬᠠᠶ᠋ᠢᠷᠠᠲᠠᠢ ᠶᠠᠭᠤᠮᠠ
ᠬᠠᠮᠤᠭ ᠬᠠᠮᠤᠭ ᠤᠨ ᠬᠣᠷᠣᠰᠤᠯᠲᠠᠢ ᠶᠠᠭᠤᠮᠠ
ᠬᠠᠨᠠ ᠲᠦᠰᠢᠵᠦ ᠰᠠᠭᠤᠲᠠᠭ ᠪᠠᠶ᠋ᠢᠵᠢ ᠰᠢᠦ
5
ᠶᠠᠭᠠᠬᠢᠯᠠ ᠴᠦ᠍ ᠬᠡᠮᠡᠨ ᠲᠡᠭᠡᠵᠦ
ᠰᠢᠯ ᠪᠥᠮᠪᠥᠭᠡ ᠨᠠᠷᠠᠨ ᠳᠤ ᠲᠣᠭᠯᠠᠬᠤ ᠶ᠋ᠢ ᠵᠡᠭᠦᠳᠦᠯᠡᠳᠡᠭ ᠪᠢᠯᠡ ᠪᠢ
ᠶᠠᠭᠠᠬᠢᠯᠠ ᠴᠦ᠍ ᠬᠡᠮᠡᠨ ᠢᠩᠭᠢᠵᠦ
ᠰᠢᠷᠭᠠᠯ ᠲᠤᠶᠠᠬ᠋ᠠ ᠥᠪᠴᠢ ᠲᠤᠰᠬᠤ ᠶ᠋ᠢ ᠬᠦᠰᠡᠳᠡᠭ ᠪᠢᠯᠡ ᠪᠢ
6
ᠣᠶ᠋ᠢᠯᠠᠭᠠᠭᠲᠠᠰᠢ ᠦᠭᠡᠢ ᠶ᠋ᠢᠨ ᠣᠶ᠋ᠢᠯᠠᠭᠠᠭᠲᠠᠰᠢ ᠦᠭᠡᠢ ᠣᠨᠢᠰᠣᠬ᠋ᠠ ᠃
ᠣᠨᠢᠰᠣ ᠪᠠ ᠲᠦᠯᠬᠢᠭᠦᠷ
ᠪᠢ ᠰᠡᠭᠦᠲᠡᠷ ᠲᠡᠢ ᠪᠡᠨ ᠨᠢᠭᠡ ᠪᠤᠷᠬᠠᠨ ᠰᠢᠲᠦᠵᠦ ᠂
ᠪᠡᠶᠡ ᠂ ᠬᠠᠷᠠ ᠴᠠᠭᠠᠨ ᠬᠣᠶᠠᠷ ᠵᠦᠴᠦᠭᠡ ᠠᠮᠢᠲᠤᠷᠠᠯ ᠲᠠᠬᠢᠨᠠ ᠡ
1985 ᠂10
ᠵᠠᠯᠠᠭᠤ ᠰᠢᠯᠦᠭᠴᠢᠳ ᠦᠨ ᠴᠣᠪᠣᠷᠠᠯ ᠪᠢᠴᠢᠭ᠌
< ᠢᠷᠡᠬᠦ ᠵᠠᠭᠤᠨ ᠤ ᠬᠣᠩᠬᠣᠨ ᠳᠠᠭᠤᠨ > ᠡᠴᠡ ᠬᠠᠭᠤᠯᠪᠠ᠃
ᠲᠩᠷᠢ ᠡᠵᠢ ᠠᠮᠢᠯᠠᠭᠤᠯᠤᠨ ᠬᠠᠭᠤᠯᠪᠠ
ᠬᠢᠨᠠᠭ᠍ᠴᠢ ᠄ ᠴᠣᠯᠮᠣᠬ᠍ᠲᠤᠶᠠᠭᠠ ᠪᠠᠭ᠍ᠰᠢ
2023 ᠂ 4 ᠂18 ᠪ ᠡᠲᠦᠷ