ᠰᠠᠷᠠ ᠠ᠋- ᠳ · ᠨᠠᠴᠤᠭᠳᠣᠷᠵᠢСар аа-т · нацагдорж ᠰᠢᠯᠦᠭ ᠢᠷᠠᠭᠤ ᠨᠠᠢᠷᠠᠭ

   ᠳ · ᠨᠠᠴᠤᠭᠳᠣᠷᠵᠢ

ᠬᠥᠭᠵᠢᠯᠲᠡᠢ ᠲᠤᠩᠭᠠᠯᠠᠭ ᠰᠠᠷᠠ ᠠ᠋ !
ᠬᠥᠳᠡᠯᠬᠦ ᠶᠠᠪᠤᠬᠤ ᠡᠷᠬᠡ ᠴᠢᠯᠥᠭᠡ ᠴᠢᠨᠢ ᠬᠡᠮᠵᠢᠶ᠎ᠡ ᠦᠭᠡᠢ
ᠬᠥᠨᠥᠭᠡᠯ ᠬᠢᠬᠠᠯ ᠴᠢᠮ᠎ᠠ ᠳ᠋ᠤᠷ ᠬᠦᠷᠭᠡᠬᠦ ᠬᠡᠨ ᠴᠦ᠍ ᠦᠭᠡᠢ
ᠬᠠᠤᠯᠢ ᠶᠣᠰᠣᠭᠠᠷ ᠴᠢᠮ᠎ᠠ ᠶ᠋ᠢ ᠵᠠᠬᠢᠷᠬᠤ ᠡᠲᠡᠭᠡᠳ ᠴᠦ᠍ ᠦᠭᠡᠢ
ᠬᠥᠮᠦᠨ ᠪᠦᠬᠦᠨ ᠴᠢᠨᠦ ᠭᠠᠶ᠋ᠢᠬᠠᠮᠰᠢᠬᠲᠠᠢ ᠶ᠋ᠢ ᠦᠵᠡᠭᠡᠳ ᠠᠲᠠᠭᠠᠷᠬᠠᠨ᠎ᠠ
ᠰᠠᠷᠠᠭᠤᠯ ᠰᠠᠢᠬᠠᠨ ᠰᠠᠷᠠ ᠠ᠋ !
ᠰᠠᠪᠠ ᠶᠢᠷᠲᠢᠨᠴᠦ ᠶ᠋ᠢ ᠨᠠᠷᠠᠨ ᠭᠡᠶ᠋ᠢᠭᠦᠯᠵᠦ ᠴᠢᠯᠥᠭᠡᠯᠡᠮᠡᠭᠴᠡ ᠣᠷᠣᠨ ᠳ᠋ᠤ᠌ ᠨᠢ ᠴᠢ ᠮᠠᠨᠳᠤᠨ᠎ᠠ
ᠰᠦᠷ ᠲᠡᠢ ᠬᠦᠴᠦ ᠲᠡᠢ ᠭᠡᠷᠡᠯ ᠳ᠋ᠦ᠍ᠷ ᠴᠢᠨᠢ ᠰᠥᠨᠢ ᠶ᠋ᠢᠨ ᠬᠠᠷᠠᠩᠭᠤᠢ ᠳᠡᠶ᠋ᠢᠯᠦᠭᠳᠡᠨ᠎ᠡ
ᠰᠠᠴᠤᠷᠠᠭᠰᠠᠨ ᠥᠷᠭᠡᠨ ᠲᠤᠶᠠᠭᠠᠨ ᠳ᠋ᠤᠷ ᠴᠢᠨᠢ ᠬᠥᠮᠦᠨ ᠲᠥᠷᠥᠯᠬᠢᠲᠡᠨ
ᠮᠢᠩᠭᠠᠨ ᠮᠢᠩᠭᠠᠨ ᠲᠦᠮᠡᠨ ᠲᠦᠮᠡᠨ ᠪᠠᠶ᠋ᠢᠲᠠᠯ ᠢ᠋ᠶ᠋ᠠᠷ ᠦᠵᠡᠭᠲᠡᠨ᠎ᠡ
ᠬᠠᠭᠠᠭᠰᠠᠨ ᠰᠡᠳᠬᠢᠯ ᠦ᠋ᠨ ᠳᠣᠲᠣᠷ᠎ᠠ ᠬᠦᠰᠡᠵᠦ ᠪᠦᠬᠦᠢ
ᠬᠠᠮᠤᠭ ᠶᠠᠭᠤᠮ᠎ᠠ ᠴᠢᠨᠦ ᠭᠡᠷᠡᠯ ᠦ᠋ᠨ ᠠᠳᠠᠯᠢ ᠥᠩᠭᠡ ᠲᠡᠢ ᠪᠣᠯᠵᠤ ᠪᠣᠯᠤᠮᠤ !
ᠬᠢᠵᠠᠭᠠᠷᠯᠠᠰᠢ ᠦᠭᠡᠢ ᠨᠠᠰᠤᠲᠤ ᠰᠠᠷᠠ ᠠ᠋ !
ᠭᠠᠭᠴᠠ ‍ᠬᠦ ᠠᠭᠤᠯᠠ ᠤᠰᠤ ᠴᠢᠨᠦ ᠡᠭᠡᠴᠢ ᠳᠡᠭᠦᠦ ᠪᠣᠯᠬᠤ ᠪᠢᠵᠡ ᠠ᠋
ᠬᠠᠩᠭᠠᠢ ᠳᠡᠯᠡᠬᠡᠢ ᠬᠡᠪ ᠢ᠋ᠶ᠋ᠡᠷ ᠪᠠᠶ᠋ᠢᠲᠠᠯ᠎ᠠ ᠬᠥᠮᠦᠨ ᠦ᠌ ᠶᠠᠪᠤᠳᠠᠯ ᠲᠡᠦᠬᠡ ᠶᠡᠬᠡ ᠯᠡ ᠥᠭᠡᠷᠡᠴᠢᠯᠡᠭᠲᠡᠨ᠎ᠡ ᠂
ᠬᠠᠰ ᠤ᠋ᠨ ᠰᠠᠢᠬᠠᠨ ᠰᠠᠷᠠ ᠠ᠋ ᠂ ᠬᠠᠶ᠋ᠢᠷᠠᠯᠠᠨ ᠨᠠᠳᠠ ᠳ᠋ᠤᠷ ᠬᠡᠯᠡᠵᠦ ᠥᠭᠭᠥᠮᠦ !
ᠬᠠᠮᠤᠭ ᠠᠮᠢᠲᠠᠨ ᠤ᠋ ᠲᠡᠦᠬᠡ ᠬᠡᠴᠢᠨᠡᠭᠡᠨ ᠬᠤᠪᠢᠯᠤᠭᠰᠠᠭᠠᠷ ᠢᠷᠡᠭ᠍ᠰᠡᠨ ᠊ᠢ ᠲᠠ ᠮᠡᠳᠡᠨ᠎ᠡ ᠰᠢᠦ ᠳᠡ !
ᠮᠠᠭᠠᠳ ᠡᠷᠳᠡᠮᠲᠦ ᠰᠠᠷᠠ ᠠ᠋ !
ᠮᠡᠷᠭᠡᠨ ᠲᠠᠨ ᠠ᠋ᠴᠠ ᠵᠢᠮ᠎ᠡ ᠶᠣᠰᠣ ᠶ᠋ᠢ ᠰᠣᠨᠣᠰᠬᠤ ᠶ᠋ᠢ ᠬᠦᠰᠡᠨ᠎ᠡ
ᠮᠠᠨᠳᠤᠬᠤ ᠪᠠᠭᠤᠷᠠᠬᠤ ᠶ᠋ᠢᠨ ᠵᠢᠷᠤᠮ ᠊ᠢ ᠲᠠᠨᠢᠵᠤ ᠮᠠᠲᠠᠭᠰᠠᠨ ᠦᠭᠡᠢ ᠬᠡᠮᠡᠨ᠎ᠡ ᠂
ᠮᠠᠨᠳᠤᠬᠤ ᠰᠠᠢᠬᠠᠨ ᠰᠠᠷᠠ ᠠ᠋ !
ᠮᠠᠨ ᠤ᠋ ᠣᠯᠠᠨ ᠲᠦᠮᠡᠨ ᠊ᠢ ᠢᠯᠭᠠᠯ ᠦᠭᠡᠢ ᠨᠢᠭᠡᠨ ᠠᠳᠠᠯᠢ ᠭᠡᠷᠡᠯᠲᠦᠭᠦᠯᠦᠮᠦ
ᠮᠠᠨ ᠤ᠋ ᠬᠥᠮᠦᠨ ᠲᠥᠷᠥᠯᠬᠢᠲᠡᠨ ᠦ᠌ ᠢᠷᠡᠭᠡᠳᠦᠢ ᠶ᠋ᠢᠨ ᠲᠡᠦᠬᠡᠨ ᠳ᠋ᠦ᠍ᠷ ᠭᠡᠷᠡᠯ ᠲᠡᠢ ᠵᠠᠮ ᠊ᠢ ᠵᠢᠭᠠᠵᠤ ᠥᠭᠭᠥᠮᠦ !

   ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ ᠵᠢᠪᠬᠤᠯᠠᠩ
   ᠬᠢᠨᠠᠭᠴᠢ ᠄ ᠣᠤᠠᠬᠠᠨᠰᠤ᠎ᠠ