ᠪᠣᠳᠣᠯᠭᠠᠰᠢᠷᠠᠯ – ᠲ ᠂ ᠭᠣᠮᠪᠣᠵᠠᠪ Бодлогошрол – Т ᠂ Гомбожав
263ᠪᠣᠳᠣᠯᠭᠠᠰᠢᠷᠠᠯ
ᠲ ᠂ ᠭᠣᠮᠪᠣᠵᠠᠪ
ᠥᠷᠯᠥᠭᠡ ᠶᠢᠨ ᠰᠠᠭᠤᠭᠳᠠᠯ
ᠬᠠᠷᠠ ᠳᠠᠷᠤᠭᠰᠠᠨ ᠵᠡᠭᠦᠳᠦ
ᠲᠡᠭᠷᠢ ᠶᠢᠨ ᠭᠠᠯ ᠳᠤ ᠰᠢᠲᠠᠴᠢᠬᠠᠯᠠ
ᠳᠣᠷᠣᠨᠠ ᠬᠢᠵᠠᠭᠠᠷ ᠠᠴᠠ ᠰᠢᠨᠡᠬᠡᠨ ᠨᠢᠭᠡ ᠠᠶᠠᠰ ᠡᠭᠡᠰᠢᠭᠯᠡᠨ ᠪᠣᠰᠴᠤ
ᠲᠤᠯᠤᠭᠠᠨ ᠥᠩᠭᠡ ᠶᠢᠨ ᠴᠢᠰᠤ
ᠡᠬᠡ ᠭᠠᠵᠠᠷ ᠤᠨ ᠰᠤᠳᠠᠰᠤ ᠪᠠᠷ ᠦᠶᠡᠷᠯᠡᠵᠦ ᠡᠬᠢᠯᠡᠯᠡ
ᠳᠤᠷᠠᠯᠠᠯ ᠪᠢᠲᠡᠭᠦᠦ ᠬᠠᠩᠭᠠᠢ ᠶᠢᠨ ᠡᠪᠦᠷ ᠲᠤ ᠪᠣᠯᠵᠣᠮᠣᠷ ᠰᠢᠭ᠋ ᠵᠢᠷᠭᠢᠵᠦ
ᠳᠤᠷᠠᠰᠴᠤ ᠬᠣᠨᠣᠭᠰᠠᠨ ᠬᠣᠶᠠᠷ ᠳᠡᠯᠡᠬᠡᠢ
ᠮᠠᠩᠨᠠᠢ ᠪᠠᠨ ᠦᠨᠦᠰᠤᠨ ᠵᠣᠯᠭᠠᠵᠤ ᠪᠠᠶ᠋ᠢᠨᠠ ᠠ᠋
ᠦᠲᠡᠰᠢ
ᠳᠡᠯᠡᠬᠡᠢ ᠣᠩᠬᠣᠯᠢᠴᠢᠬᠠᠯᠠ
ᠨᠠᠷᠠ ᠂ ᠠᠭᠤᠯᠠ ᠳᠠᠷᠤᠨ ᠦᠢᠴᠢᠵᠦ ᠪᠠᠶ᠋ᠢᠨᠠ
ᠠᠭᠤᠯᠠ ᠂ ᠣᠢ ᠳᠠᠷᠤᠨ ᠦᠢᠴᠢᠵᠦ ᠪᠠᠶ᠋ᠢᠨᠠ
ᠣᠢ ᠂ ᠲᠠᠯᠠ ᠳᠠᠷᠤᠨ ᠦᠢᠴᠢᠵᠦ ᠪᠠᠶ᠋ᠢᠨᠠ
ᠲᠠᠯᠠ ᠂ ᠭᠡᠷ ᠳᠠᠷᠤᠨ ᠦᠢᠴᠢᠵᠦ ᠪᠠᠶ᠋ᠢᠨᠠ
ᠭᠡᠷ ᠦ᠋ᠨ ᠳᠣᠲᠣᠷᠠ
ᠬᠥᠮᠦᠨ ᠂ ᠵᠡᠭᠦᠲᠦ ᠳᠠᠷᠤᠨ ᠦᠢᠴᠢᠵᠦ ᠪᠠᠶ᠋ᠢᠨᠠ
ᠡᠩᠬᠡ ᠲᠩᠷᠢ ᠂ ᠡᠨᠲᠡ ᠡᠭᠦᠯᠡ ᠦᠭᠡᠢ ᠮᠡᠯᠲᠡᠶ᠋ᠢᠵᠦ
ᠡᠩ ᠳᠡᠯᠡᠬᠡᠢ ᠰᠠᠷᠠ ᠰᠢᠷᠲᠡᠨ ᠨᠠᠭᠠᠲᠤᠨᠠ ᠡ
ᠡᠬᠡ ᠰᠤᠷᠭᠠᠭᠤᠯᠢ ᠮᠢᠨᠢ
ᠴᠠᠰᠢ ᠪᠠᠨ ᠭᠡᠵᠦ ᠮᠢᠨᠦ ᠠᠷᠤ ᠠ᠋ᠴᠠ
ᠴᠠᠭ ᠂ ᠲᠡᠮᠦᠷ ᠭᠠᠷ ᠢᠶ᠋ᠠᠷ ᠶ᠋ᠢᠠᠨ ᠲᠦᠯᠬᠢᠵᠦ
ᠴᠢᠮᠠ ᠠ᠋ᠴᠠ ᠨᠠᠮᠠᠶᠢ ᠰᠠᠯᠭᠠᠵᠤ ᠪᠠᠶ᠋ᠢᠨᠠ ᠂ ᠡᠵᠢ ᠡ
ᠪᠢ ᠴᠢᠲᠠᠯ ᠦᠭᠡᠢ
ᠪᠡᠶᠡ ᠮᠢᠨᠢ ᠴᠠᠭ ᠲᠤ ᠢᠯᠠᠭᠲᠠᠴᠢᠬᠠᠯᠠ
ᠪᠢᠯᠢᠭ ᠊ᠢ ᠲᠥᠷᠥᠭᠦᠯᠦᠭᠰᠡᠨ ᠡᠵᠢ ᠮᠢᠨᠢ ᠣᠲᠣ ᠪᠠᠶᠠᠷᠲᠠᠢ ! ᠪᠠᠶᠠᠷᠲᠠᠢ ᠡ !
ᠬᠥᠯ ᠮᠢᠨᠢ ᠲᠣᠷᠣᠭᠡ ᠭᠢᠰᠬᠢᠯᠡ
ᠬᠦᠦ ᠴᠢᠨᠢ ᠪᠢ ᠴᠢᠲᠠᠲᠠᠭ ᠶ᠋ᠢᠠᠨ ᠪᠦᠷ ᠊ᠢ ᠠᠪᠴᠠᠢ
ᠬᠦᠨᠲᠦ ᠪᠣᠲᠣᠯ ᠂ ᠲᠡᠷᠡ ᠪᠣᠯ ᠠᠭᠤᠯᠠ ᠪᠣᠯᠬᠣᠷ ᠶ᠋ᠢᠠᠨ ᠬᠥᠲᠡᠯᠭᠡᠵᠦ ᠴᠢᠲᠠᠭᠰᠠᠨ ᠦᠭᠡᠢ
ᠴᠢᠮᠠ ᠳᠡᠭᠡᠷᠡ ᠪᠡᠨ ᠣᠷᠬᠢᠯᠠ ᠂ ᠡᠵᠢ ᠮᠢᠨᠢ ᠡ !
ᠵᠠᠯᠠᠭᠤ ᠰᠢᠯᠦᠭᠴᠢᠳ ᠦᠨ ᠴᠣᠪᠣᠷᠠᠯ ᠪᠢᠴᠢᠭ᠌
< ᠢᠷᠡᠬᠦ ᠵᠠᠭᠤᠨ ᠤ ᠬᠣᠩᠬᠣᠨ ᠳᠠᠭᠤᠨ > ᠡᠴᠡ ᠬᠠᠭᠤᠯᠪᠠ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ ᠄ ᠴᠣᠭᠵᠢᠷᠭᠠᠯ
ᠬᠢᠨᠠᠭ᠍ᠴᠢ ᠄ ᠴᠣᠯᠮᠣᠬ᠍ᠲᠤᠶᠠᠭᠠ ᠪᠠᠭ᠍ᠰᠢ
2023 ᠣᠨ ᠪ 4 ᠰᠠᠷᠠ ᠶ᠋ᠢᠨ 17 ᠪ ᠡᠲᠦᠷ