ᠮᠣᠩᠭᠣᠯ ᠣᠨᠢᠰᠤᠭᠠ ᠶᠢᠨ ᠲᠡᠭᠦᠪᠦᠷᠢ – ᠬᠣᠶᠠᠳᠤᠭᠠᠷ ᠪᠦᠯᠦᠭ –14 Монгол оньсгын түүвэр –Хоёрдугаар бүлэг– 14
1281ᠬᠣᠶᠠᠳᠤᠭᠠᠷ ᠪᠦᠯᠦᠭ – ᠠᠷᠠᠳ ᠦ᠋ᠨ ᠠᠮᠠ ᠪᠠᠷ ᠵᠣᠬᠢᠶᠠᠭᠲᠠᠭᠰᠠᠨ ᠣᠨᠢᠰᠣᠬ᠋ᠠ
ᠪᠠᠷᠰ ᠲᠡᠷᠢᠭᠦᠲᠡᠢ ᠠᠮᠢᠲᠠᠨ ᠤ ᠵᠤᠶ᠋ᠢᠯ
ᠬᠦᠷ ᠬᠦᠷ ᠳᠠᠭᠤᠨ ᠲᠠᠢ
ᠬᠦᠷᠡᠩ ᠴᠣᠬᠣᠷ ᠳᠡᠪᠡᠯ ᠲᠡᠢ
ᠭᠠᠯ ᠰᠢᠭ᠋ ᠨᠢᠳᠦ ᠲᠡᠢ
ᠭᠠᠭᠴᠠᠭᠠᠷ ᠢᠶ᠋ᠠᠨ ᠶᠠᠪᠤᠬᠤ ᠵᠠᠩ ᠲᠠᠢ
( ᠪᠠᠷᠰ )
ᠪᠤᠷᠤᠭᠤ ᠭᠠᠵᠠᠷ ᠨᠤᠲᠤᠭ ᠲᠠᠢ
ᠪᠤᠷᠬᠠᠨ ᠯᠠᠮᠠ ᠶ᠋ᠢᠨ ᠰᠠᠭᠤᠳᠠᠯ ᠲᠠᠢ
ᠲᠡᠭᠷᠢ ᠶ᠋ᠢᠨ ᠴᠣᠯᠮᠣᠨ ᠨᠢᠳᠦ ᠲᠡᠢ
ᠲᠡᠮᠡᠭᠡᠨ ᠬᠠᠯᠢᠭᠤᠨ ᠵᠢᠰᠦ ᠲᠡᠢ
( ᠪᠠᠷᠰ )
ᠬᠣᠶ᠋ᠢᠨᠠ ᠠ᠋ᠴᠠ ᠢᠷᠡᠭᠰᠡᠨ ᠬᠣᠪᠳᠣᠭ ᠲᠠᠶ᠋ᠢᠵᠢ
ᠬᠣᠶᠠᠷ ᠴᠢᠬᠢ ᠨᠢ ᠳᠡᠯᠳᠡᠩ ᠲᠠᠶ᠋ᠢᠵᠢ
ᠨᠡᠨ ᠬᠠᠭᠠᠨ ᠳᠤ ᠪᠠᠶ᠋ᠢᠳᠠᠭ ᠦᠭᠡᠢ ᠲᠠᠶ᠋ᠢᠵᠢ
ᠡᠷᠯᠢᠭ ᠦᠨ ᠬᠠᠭᠠᠨ ᠳᠤ ᠨᠡᠷᠡ ᠲᠡᠢ ᠲᠠᠶ᠋ᠢᠵᠢ
( ᠴᠢᠨᠣᠠ )
ᠲᠠᠯᠠ ᠳᠤ ᠲᠠᠶ᠋ᠢᠪᠢᠩᠨᠠᠬᠤ
ᠲᠠᠰᠢᠭᠤᠷ ᠦᠭᠡᠢ ᠭᠣᠶ᠋ᠢᠪᠢᠩᠨᠠᠬᠤ
( ᠴᠢᠨᠣᠠ )
ᠬᠣᠩᠰᠢᠶᠠᠷ ᠠᠮᠠ ᠶᠡᠬᠡ ᠰᠠᠷᠠᠯ
ᠬᠣᠶᠠᠷ ᠴᠢᠬᠢ ᠪᠣᠰᠤᠭᠠ ᠰᠠᠷᠠᠯ
ᠬᠦᠵᠦᠭᠦᠦ ᠲᠣᠯᠣᠭᠠᠢ ᠦᠷᠭᠦᠯᠵᠢ ᠰᠠᠷᠠᠯ
ᠬᠦᠮᠦᠨ ᠠᠮᠢᠲᠠᠨ ᠳᠤ ᠬᠥᠨᠥᠭᠡᠯ ᠲᠡᠢ ᠰᠠᠷᠠᠯ
( ᠴᠢᠨᠣᠠ )
ᠰᠢᠨᠡ ᠰᠦᠮᠡ ᠶ᠋ᠢᠨ ᠠᠷᠤ ᠳᠡᠭᠡᠷᠡ
ᠰᠢᠯᠢᠪᠡᠯᠵᠡᠭᠰᠡᠨ ᠬᠤᠯᠠᠭᠠᠶ᠋ᠢᠴᠢ
ᠰᠢᠨᠡ ᠴᠠᠭᠠᠨ ᠴᠠᠮᠴᠠ ᠲᠠᠢ
ᠭᠢᠯᠪᠠᠯᠵᠠᠭᠰᠠᠨ ᠬᠤᠯᠠᠭᠠᠶ᠋ᠢᠴᠢ
( ᠴᠢᠨᠣᠠ )
ᠱᠣᠭ ᠱᠣᠭ ᠭᠦᠶᠦᠳᠡᠯ ᠲᠡᠢ
ᠰᠢᠮᠨᠤᠰ ᠮᠠᠩᠭᠤᠰ ᠤᠨ ᠴᠢᠷᠠᠢ ᠲᠠᠢ
ᠭᠠᠯ ᠰᠢᠷᠠ ᠨᠢᠳᠦ ᠲᠡᠢ
ᠭᠠᠭᠴᠠᠭᠠᠷ ᠶᠠᠪᠤᠬᠤ ᠵᠣᠷᠢᠬ ᠲᠠᠢ
( ᠴᠢᠨᠣᠠ )
ᠰᠤᠭᠤ ᠰᠠᠷᠠᠯ
ᠰᠤᠳᠠᠭ ( ᠰᠣᠵᠢᠬ) ᠤᠷᠤᠭᠤᠳᠠᠨᠠ
( ᠴᠢᠨᠣᠠ )
ᠨᠠᠮᠠᠶ᠋ᠢ ᠬᠡᠨ ᠴᠤ᠌ ᠪᠦᠷ ᠲᠠᠨᠢᠨᠠ
ᠪᠢ ᠨᠢᠭᠡ ᠴᠤ᠌ ᠬᠦᠮᠦᠨ ᠢ ᠲᠠᠨᠢᠬᠤ ᠦᠭᠡᠢ
( ᠴᠢᠨᠣᠠ )
ᠰᠢᠭᠤᠢ ᠳᠣᠲᠣᠷᠠ
ᠰᠤᠩᠨᠠᠭᠤᠷ ᠬᠤᠯᠠᠭᠠᠶ᠋ᠢᠴᠢ
( ᠴᠢᠨᠣᠠ )
ᠰᠤᠬᠠᠢ ᠡᠰᠢ ᠲᠡᠢ ᠲᠠᠰᠢᠭᠤᠷ
ᠪᠠᠷᠢᠵᠤ ᠪᠣᠯᠳᠠᠭ ᠦᠭᠡᠢ
ᠱᠤᠪᠲᠤᠩ ᠲᠡᠯ ᠲᠡᠢ ᠬᠦᠬᠡ ᠮᠣᠷᠢ ᠶ᠋ᠢ
ᠤᠨᠤᠵᠤ ᠪᠣᠯᠳᠠᠭ ᠦᠭᠡᠢ
( ᠮᠣᠭᠠᠢ ᠴᠢᠨᠣᠠ )
ᠰᠦᠨ ᠳᠠᠯᠠᠢ ᠰᠦᠷᠳ᠋ ᠬᠢᠨᠡ
ᠰᠦᠷᠡᠬᠡᠢ ᠪᠠᠭᠠᠲᠤᠷ ᠬᠢᠯᠡᠰ ᠬᠢᠨᠡ
ᠶᠠᠩᠭᠢᠷ ᠢᠮᠠᠭᠠ ᠶᠠᠬᠢᠰ ᠬᠢᠨᠡ
ᠶᠠᠰᠤᠨ ᠰᠡᠭᠦᠯ ᠨᠢ ᠭᠣᠳᠣᠰ ᠬᠢᠨᠡ
( ᠬᠣᠨᠢᠨ ᠳᠤ ᠴᠢᠨᠣᠠ ᠣᠷᠣᠬᠤ )
ᠪᠦᠭᠴᠦᠶ᠋ᠢᠨ ᠬᠡᠪᠲᠡᠬᠦ ᠳ᠋ᠡᠭᠡᠨ ᠷᠣ ᠡᠷᠢᠶᠡᠨ
ᠪᠣᠰᠤᠭᠠᠳ ᠭᠦᠶᠦᠬᠦ ᠳ᠋ᠡᠭᠡᠨ ᠪᠥᠭᠡᠷᠡ ᠠᠯᠠᠭ
( ᠲᠠᠤᠯᠠᠢ )
ᠰᠡᠶ᠋ᠢᠮᠡᠭᠡᠢ ᠭᠡᠷ ᠲᠤ
ᠰᠡᠷᠬᠡ ᠶ᠋ᠢᠨ ᠲᠣᠯᠣᠭᠠᠢ
( ᠲᠠᠤᠯᠠᠢ )
ᠠᠯᠢᠶᠠ ᠬᠦᠦ
ᠠᠶᠠᠭᠠ ᠪᠠᠨ ᠣᠷᠬᠢᠭᠠᠳ ᠵᠢᠭᠤᠲᠠᠪᠠ
( ᠲᠠᠤᠯᠠᠢ ᠪᠣᠰᠬᠤ )
ᠤᠯᠠᠭᠠᠨ ᠨᠢᠳᠦ ᠲᠡᠢ
ᠤᠷᠲᠤ ᠴᠢᠬᠢ ᠲᠡᠢ
ᠤᠷᠤᠭᠤᠯ ᠰᠡᠲᠡᠷᠬᠡᠢ
ᠤᠷᠠᠨ ᠰᠡᠷᠭᠡᠢ
ᠪᠤᠲᠠᠨ ᠳᠤ ᠭᠡᠪᠲᠡᠷᠢ ᠲᠡᠢ
ᠪᠤᠰᠢᠭᠤ ᠭᠦᠶᠦᠳᠡᠯ ᠲᠡᠢ
ᠦᠯᠥᠩ ᠳᠦ ᠰᠠᠭᠤᠳᠠᠯ ᠲᠠᠢ
ᠡᠪᠡᠰᠦᠨ ᠲᠡᠵᠢᠭᠡᠯ ᠲᠡᠢ
( ᠲᠠᠤᠯᠠᠢ )
ᠪᠤᠳᠠᠨ ᠳᠣᠲᠣᠷᠠ ᠪᠣᠷ ᠬᠢᠨᠡ
ᠪᠤᠷᠬᠠᠨ ᠰᠢᠷᠡᠭᠡ ᠨᠢᠷ ᠬᠢᠨᠡ
( ᠲᠠᠤᠯᠠᠢ ᠪᠣᠰᠬᠤ )
ᠤᠯᠢᠶᠠᠰᠤᠨ ᠠ᠋ᠴᠠ
ᠤᠯᠠᠪᠴᠢ ᠡᠯᠭᠦᠭᠡᠰᠦᠲᠡᠢ
( ᠲᠠᠤᠯᠠᠢ ᠶ᠋ᠢᠨ ᠴᠢᠬᠢ )
ᠨᠠᠮ ᠨᠠᠮ ᠭᠦᠶᠦᠳᠡᠯ ᠲᠡᠢ
ᠯᠠᠮᠠ ᠰᠢᠷᠠ ᠳᠡᠪᠡᠯ ᠲᠡᠢ
( ᠦᠨᠡᠭᠡ )
ᠰᠠᠮ ᠰᠠᠮ ᠠᠯᠬᠤᠭᠠ ᠲᠠᠢ
ᠰᠥᠨᠢ ᠲᠤᠵᠢ ᠭᠦᠶᠦᠲᠡᠯ ᠲᠡᠢ
ᠦᠨᠦᠷᠯᠡᠬᠦ ᠱᠥᠪᠥᠭᠡᠷ ᠬᠠᠮᠠᠷ ᠲᠠᠢ
ᠦᠬᠦᠲᠡᠯ ᠰᠡᠭ ᠦ᠋ᠨ ᠬᠤᠷᠢᠮ ᠲᠠᠢ
( ᠦᠨᠡᠭᠡ )
ᠰᠤᠷ ᠰᠤᠷ ᠭᠦᠶᠦᠲᠡᠯ ᠲᠡᠢ
ᠰᠤᠬᠠᠢ ᠪᠠᠷᠢᠶᠠ ᠲᠠᠰᠢᠭᠤᠷ ᠲᠠᠢ
ᠰᠣᠷᠭᠣᠭ ᠬᠣᠶᠠᠷ ᠴᠢᠬᠢ ᠲᠡᠢ
ᠰᠣᠴᠢᠵᠤ ᠦᠷᠭᠦᠬᠦ ᠵᠠᠩ ᠲᠠᠢ
( ᠦᠨᠡᠭᠡ )
ᠭᠣᠣ ᠳᠣᠲᠣᠷᠠ
ᠭᠠᠤᠯᠢᠨ ᠰᠢᠨᠠᠬ᠋ᠠ
( ᠬᠡᠪᠲᠡᠭᠡ ᠦᠨᠡᠭᠡ )
ᠪᠦᠭᠳᠦᠷ ᠪᠡᠶᠡ ᠲᠡᠢ
ᠪᠥᠮᠪᠥᠷᠭᠡᠨ ᠰᠡᠭᠦᠯ ᠲᠡᠢ
ᠭᠠᠩ ᠳᠥᠷᠪᠡᠨ ᠰᠣᠶᠣᠬ᠋ᠠ ᠲᠠᠢ
ᠭᠠᠯᠠᠪ ᠲᠦ ᠦᠭᠡᠢ ᠬᠤᠯᠠᠭᠠᠶ᠋ᠢᠴᠢ
( ᠬᠤᠯᠤᠭᠠᠨᠠ )
ᠪᠣᠮᠠᠨ ᠪᠣᠷᠣ ᠠᠲᠤᠭᠤ
ᠪᠤᠯᠠᠭᠠᠨ ᠪᠤᠭᠤᠷᠤᠯ ᠠᠵᠢᠷᠬ᠋ᠠ ᠲᠠᠢ
( ᠬᠤᠯᠤᠭᠠᠨᠠ )
ᠶᠡᠬᠡ ᠴᠦ᠍ ᠪᠢᠰᠢ ᠪᠠᠬ᠋ᠠ ᠴᠤ ᠪᠢᠰᠢ
ᠢᠲᠡ ᠴᠢᠲᠠᠯ ᠲᠠᠢ ᠨᠢᠭᠡ ᠠᠮᠢᠲᠠᠨ
ᠥᠷᠥᠭᠡ ᠭᠡᠷ ᠶ᠋ᠢᠡᠨ ᠡᠭᠦᠷᠦᠭᠡᠳ ᠭᠦᠶᠦᠨᠡ
ᠥᠯᠥᠭᠡᠢ ᠲᠡᠢ ᠪᠠᠯᠴᠢᠷ ᠨᠢ ᠲᠡᠨᠲᠡ ᠬᠣᠷᠭᠣᠲᠠᠨᠠ
( ᠢᠮᠵᠢ )
ᠱᠠᠪᠷᠤᠩ ᠪᠠᠨᠲᠢ
ᠰᠢᠪᠠᠷ ᠭᠡᠷ ᠲᠡᠢ
( ᠲᠠᠷᠪᠠᠬ᠋ᠠ )
ᠭᠠᠵᠠᠷ ᠳᠣᠣᠭᠤᠷ
ᠰᠢᠷᠠ ᠳᠤᠰᠤ
( ᠲᠠᠷᠪᠠᠬ᠋ᠠ )
ᠰᠢᠪᠠᠷ ᠯᠣᠩᠬᠣ
ᠨᠣᠣᠰᠣᠨ ᠪᠥᠭᠯᠡᠭᠡ ᠲᠠᠢ
( ᠣᠭᠣᠲᠣᠨᠠ )
ᠬᠣᠮᠣᠯ ᠦ᠋ᠨ ᠴᠢᠨᠡᠭᠡ ᠪᠡᠶᠡ ᠲᠡᠢ
ᠬᠣᠪᠣᠷᠬᠠᠨ ᠊ᠢ ᠪᠡᠯᠡᠤᠠᠬᠡᠬᠦ ᠪᠣᠲᠣᠯᠬ᠋ᠠ ᠲᠠᠢ
ᠠᠭᠤᠯᠠ ᠶ᠋ᠢ ᠵᠥᠭᠡᠭᠡᠬᠦ ᠴᠢᠲᠠᠯ ᠲᠠᠢ
( ᠦᠬᠡᠷ ᠣᠭᠣᠲᠣᠨᠠ )
ᠮᠠᠩᠬᠠᠨ ᠳᠡᠭᠡᠷᠡ
ᠮᠠᠭ ᠮᠠᠭ
ᠮᠠᠷᠭᠠᠰᠢ ᠥᠷᠯᠥᠭᠡ
ᠳ᠋ᠸᠩ ᠳ᠋ᠸᠩ
( ᠠᠯᠠᠭᠲᠠᠬ᠋ᠠ )
ᠤᠷᠢᠲᠤ ᠠ᠋ᠴᠠ ᠢᠷᠡᠭᠰᠡᠨ
ᠤᠨᠲᠠᠨ ᠲᠠᠶ᠋ᠢᠵᠢ
ᠤᠷᠢᠲᠤ ᠬᠥᠯ ᠨᠢ
ᠳᠤᠲᠠᠭᠤ ᠲᠠᠶ᠋ᠢᠵᠢ
( ᠠᠯᠠᠭᠲᠠᠬ᠋ᠠ )
ᠬᠠ ᠨᠢ ᠬᠣᠶᠠᠷ ᠬᠤᠷᠤᠭᠤ ᠬᠠᠭᠠᠰ
ᠭᠤᠶᠠ ᠨᠢ ᠭᠤᠷᠪᠠᠨ ᠬᠤᠷᠤᠭᠤ ᠬᠠᠭᠠᠰ
( ᠠᠯᠠᠭᠲᠠᠬ᠋ᠠ )
ᠬᠣᠶ᠋ᠢᠨᠠ ᠠ᠋ᠴᠠ ᠢᠷᠡᠭᠰᠡᠨ ᠬᠤᠪᠠᠢ ᠨᠣᠶᠠᠨ
ᠬᠣᠶᠠᠷ ᠴᠢᠬᠢ ᠨᠢ ᠳᠡᠯᠳᠡᠩ ᠨᠣᠶᠠᠨ
ᠠᠯᠲᠠᠨ ᠤᠷᠬ᠋ᠠ ᠪᠠᠨ ᠴᠢᠷᠦᠭᠰᠡᠨ ᠨᠣᠶᠠᠨ
ᠠᠪᠠᠯᠢ ᠡᠮᠡ ᠪᠡᠨ ᠭᠡᠭᠡᠭᠰᠡᠨ ᠨᠣᠶᠠᠨ
( ᠠᠯᠠᠭᠲᠠᠬ᠋ᠠ )
ᠲᠦᠨᠲᠦᠭᠡᠷ ᠡᠪᠦᠭᠡᠨ
ᠲᠦᠮᠡᠨ ᠵᠢᠲᠠ ᠲᠠᠢ
( ᠵᠠᠷᠠᠬ᠋ᠠ )
ᠳᠥᠷᠪᠡᠨ ᠬᠥᠯ ᠲᠡᠢ
ᠮᠢᠩᠭᠠᠨ ᠲᠠᠶᠠᠭ ᠲᠠᠢ
( ᠵᠠᠷᠠᠬ᠋ᠠ )
ᠠᠷᠴᠢᠬᠤ ᠳᠤ ᠪᠤᠷᠵᠠᠶ᠋ᠢᠬᠤ
ᠠᠯᠬᠤᠬᠤ ᠳ᠋ᠠᠭᠠᠨ ᠥᠪᠥᠶ᠋ᠢᠬᠦ
( ᠵᠠᠷᠠᠬ᠋ᠠ )
ᠥᠭᠡᠬᠦᠨ ᠪᠥᠮᠪᠥᠭᠡ
ᠥᠷᠭᠡᠰᠦᠨ ᠬᠤᠶᠠᠭ ᠲᠠᠢ
( ᠵᠠᠷᠠᠬ᠋ᠠ )
ᠠᠭᠰᠠᠯᠲᠠᠢ ᠡᠪᠦᠭᠡᠨ
ᠠᠷᠵᠠᠭᠠᠷ ᠬᠤᠶᠠᠭ ᠶ᠋ᠢᠠᠨ ᠡᠭᠦᠷᠦᠭᠡᠳ
ᠥᠯᠥᠩ ᠦ᠋ᠨ ᠳᠣᠲᠣᠷᠠ ᠨᠢᠭᠤᠵᠤ
ᠦᠬᠡᠷ ᠠᠲᠠᠯᠢ ᠮᠥᠭᠡᠷᠡᠨᠡ
( ᠵᠠᠷᠠᠬ᠋ᠠ )
ᠥᠭᠡᠯᠡᠳ ᠦ᠋ᠨ ᠠᠲᠤᠭᠤ
ᠡᠪᠴᠢᠭᠦᠦ ᠴᠠᠭᠠᠨ
( ᠬᠡᠷᠡᠮᠦ )
ᠰᠠᠶ᠋ᠢᠬᠠᠨ ᠬᠡᠦᠬᠡᠨ
ᠰᠠᠮ ᠱᠦᠭᠦᠷ ᠦᠭᠡᠢ
( ᠬᠡᠷᠡᠮᠦ )
ᠬᠠᠭᠠᠨ ᠡᠵᠡᠨ
ᠬᠠᠶ᠋ᠢᠴᠢ ᠪᠠᠨ ᠭᠡᠭᠡᠪᠡ
( ᠪᠤᠭᠤ ᠡᠪᠡᠷ ᠶ᠋ᠢᠡᠨ ᠤᠨᠠᠭᠠᠬᠤ )
ᠬᠣᠶᠠᠷ ᠱ᠌ᠢᠷᠦᠨ ᠰᠠᠯᠠᠬ᠋ᠠ ᠶ᠋ᠢ ᠲᠣᠯᠣᠭᠠᠢ ᠳᠡᠭᠡᠷᠡ ᠪᠡᠨ ᠬᠠᠤᠠᠬᠤᠵᠤ
ᠬᠣᠣᠰ ᠦᠭᠡᠢ ᠡᠷᠢᠶᠡᠨ ᠬᠤᠶᠠᠭ ᠊ᠢ ᠪᠡᠶᠡ ᠳ᠋ᠡᠭᠡᠨ ᠡᠮᠦᠰᠴᠦ
ᠬᠠᠰ ᠦ᠋ᠨ ᠰᠠᠯᠠᠬ᠋ᠠ ᠮᠡᠲᠦ ᠨᠠᠷᠢᠬᠠᠨ ᠳᠥᠷᠪᠡᠨ ᠬᠥᠯ ᠲᠡᠢ
ᠬᠠᠲᠠ ᠬᠠᠶ᠋ᠢᠷᠬᠠᠨ ᠳᠤ ᠭᠦᠶᠦᠬᠦ ᠳ᠋ᠡᠭᠡᠨ ᠨᠢᠰᠬᠦ ᠮᠡᠲᠦ ᠲᠦᠷᠭᠡᠨ
( ᠪᠤᠭᠤ )
ᠠᠴᠠ ᠶ᠋ᠢᠨ ᠰᠠᠯᠠᠬ᠋ᠠ ᠡᠪᠡᠷ ᠲᠡᠢ
ᠠᠯᠠᠭ ᠴᠣᠬᠣᠷ ᠳᠡᠪᠡᠯ ᠲᠡᠢ
ᠨᠠᠷᠢᠨ ᠳᠥᠷᠪᠡᠨ ᠲᠤᠯᠭᠠᠭᠤᠷᠢ ᠲᠠᠢ
ᠨᠢᠰᠬᠦ ᠬᠤᠷᠲᠤᠨ ᠭᠦᠶᠦᠲᠡᠯ ᠲᠡᠢ
( ᠪᠤᠭᠤ )
ᠠᠯᠠᠭ ᠴᠣᠬᠣᠷ ᠳᠡᠪᠡᠯ ᠶ᠋ᠢᠡᠨ ᠴᠢᠪ ᠭᠡᠲᠡᠯᠡ ᠡᠮᠦᠰᠦᠭᠡᠳ
ᠠᠭᠠᠷᠤ ᠽᠠᠨᠲᠠᠨ ᠮᠣᠲᠣ ᠶ᠋ᠢ ᠣᠷᠣᠢ ᠳᠡᠭᠡᠷᠡ ᠪᠡᠨ ᠰᠢᠲᠡᠭᠡᠳ
ᠠᠭᠤᠯᠠᠨ ᠣᠢ ᠳᠤ ᠨᠤᠲᠤᠭᠯᠠᠬᠤ ᠳᠤᠷᠠ ᠲᠠᠢ
ᠠᠰᠤᠷᠤ ᠭᠣᠶᠣᠮᠰᠣᠭ ᠠᠪᠤᠭᠠᠢ ᠶ᠋ᠢ ᠬᠡᠨ ᠭᠡᠳᠡᠭ ᠪᠤᠢ
( ᠪᠤᠭᠤ )
ᠠᠷᠪᠠᠨ ᠰᠠᠯᠠᠬ᠋ᠠ ᠡᠪᠡᠷ ᠲᠡᠢ
ᠠᠯᠠᠭ ᠴᠣᠬᠣᠷ ᠳᠡᠪᠡᠯ ᠲᠡᠢ
ᠨᠠᠷᠢᠨ ᠳᠥᠷᠪᠡᠨ ᠬᠥᠯ ᠲᠡᠢ
ᠮᠠᠰᠢ ᠲᠦᠷᠭᠡᠨ ᠭᠦᠶᠦᠲᠡᠯ ᠲᠡᠢ
( ᠴᠣᠬᠣᠷ ᠪᠤᠭᠤ )
ᠡᠭᠦᠯᠡ ᠮᠠᠨᠠᠨ ᠪ ᠬᠥᠷᠥᠩᠭᠡ ᠲᠡᠢ
ᠡᠪᠡᠷ ᠰᠠᠬᠠᠯ ᠦ᠋ᠨ ᠬᠠᠶ᠋ᠢᠷᠰᠤ ᠲᠠᠢ
ᠤᠷᠲᠤ ᠨᠠᠷᠢᠬᠠᠨ ᠪᠡᠶᠡ ᠲᠡᠢ
ᠤᠷᠢᠲᠤ ᠶ᠋ᠢᠨ ᠲᠡᠦᠬᠡᠨ ᠳᠤ ᠠᠯᠲᠠᠷ ᠲᠠᠢ
ᠳᠥᠷᠪᠡᠨ ᠪᠠᠭᠠᠲᠤᠷ ᠦ᠋ᠨ ᠲᠡᠷᠢᠭᠦᠨ ᠪᠣᠯᠵᠤ
ᠳᠦᠷᠰᠦ ᠪᠡᠶᠡ ᠪᠡᠨ ᠦᠵᠡᠭᠦᠯᠳᠡᠭ ᠦᠭᠡᠢ
ᠬᠥᠮᠦᠨ ᠪᠦᠬᠦᠨ ᠡᠰᠡ ᠤᠴᠠᠷᠠᠪᠠᠰᠤ
ᠬᠥᠷᠥᠭ ᠵᠢᠷᠤᠭ ᠶ᠋ᠢᠠᠷ ᠶ᠋ᠢᠠᠨ ᠲᠠᠨᠢᠲᠠᠭ
( ᠯᠤᠤ )
ᠬᠠᠷᠠᠩᠭᠤᠢ ᠣᠷᠲᠣᠨ ᠠ᠋ᠴᠠ ᠪᠠᠨ ᠭᠦᠶᠦᠨ ᠭᠠᠷᠤᠭᠠᠳ
ᠬᠠᠭᠠᠨ ᠡᠵᠡᠨ ᠳ᠋ᠡᠭᠡᠨ ᠵᠠᠯᠪᠠᠷᠢᠨ ᠵᠣᠭᠰᠣᠲᠠᠭ
( ᠵᠤᠷᠠᠮᠠ)
ᠭᠠᠬᠠᠢ ᠰᠢᠭ᠋ ᠪᠡᠶᠡ ᠲᠡᠢ
ᠭᠠᠵᠠᠷ ᠳᠣᠣᠷᠠ ᠨᠤᠲᠤᠭ ᠲᠠᠢ
ᠨᠣᠬᠠᠢ ᠰᠢᠭ᠋ ᠬᠦᠯ ᠲᠠᠢ
ᠬᠠᠯᠲᠠᠷ ᠮᠣᠷᠢᠨ ᠪ ᠵᠢᠰᠦᠮ ᠲᠠᠢ
ᠭᠠᠲᠠᠭᠰᠢ ᠳᠡᠮᠡᠢ ᠶᠠᠪᠤᠲᠠᠭ ᠦᠭᠡᠢ
( ᠮᠠᠩᠭᠢᠰᠤ)
ᠬᠣᠲᠠᠭᠤᠶ᠋ᠢᠲᠤ ᠶ᠋ᠢᠨ ᠠᠲᠤᠭᠤ
ᠬᠣᠨᠲᠣᠯᠠᠢ ᠴᠠᠭᠠᠨ
( ᠭᠥᠷᠥᠭᠡᠰᠦ)
ᠦ ᠦᠭᠡᠢ ᠳᠦᠭᠦᠷᠡᠩ
ᠥᠭᠡᠬᠦᠨ ᠪᠥᠮᠪᠡᠢ
ᠶᠠᠭᠠᠷᠠᠤ ᠶᠠᠩᠰᠢᠶᠠ
ᠶᠠᠪᠠᠭᠠᠨ ᠬᠤᠯᠠᠭᠠᠢ
( ᠬᠣᠲᠠ ᠬᠣᠨᠢ ᠨᠣᠬᠠᠢ ᠴᠢᠨᠣᠠ)
ᠪᠦᠬᠦ ᠪᠡᠶᠡ ᠳ᠋ᠦ᠍ᠨᠢ ᠦᠰᠦ ᠲᠡᠢ
ᠪᠦᠭᠦᠲᠡ ᠳᠦᠷᠪᠡᠨ ᠭᠠᠷ ᠲᠠᠢ
ᠪᠥᠬᠥᠶ᠋ᠢᠨ ᠰᠠᠭᠤᠪᠠᠯ ᠬᠦᠮᠦᠨ
ᠪᠥᠭᠴᠦᠢᠵᠦ ᠶᠠᠪᠤᠪᠠᠯ ᠨᠣᠬᠠᠢ
( ᠰᠠᠮᠵᠠ)
ᠭᠠᠯ ᠤᠯᠠᠭᠠᠨ ᠨᠢᠭᠤᠷ ᠲᠠᠢ ᠪᠣᠯᠪᠠᠴᠤ ᠭᠤᠶᠤ ᠪᠢᠰᠢ
ᠭᠠᠷ ᠤᠷᠠᠨ ᠳᠠᠭᠤᠷᠢᠶᠠᠬᠤ ᠪᠣᠯᠪᠠᠴᠤ ᠬᠥᠲᠡᠯᠮᠦᠷᠢᠴᠢ ᠪᠢᠰᠢ
ᠭᠠᠲᠠᠷ ᠬᠤᠪᠴᠠᠰᠤ ᠨᠢ ᠪᠦᠲᠦᠨ ᠪᠣᠯᠪᠠᠴᠤ ᠰᠠᠭᠤᠲᠠᠯ ᠴᠣᠭᠣᠷᠣᠬᠠᠢ
ᠭᠠᠵᠠᠷ ᠣᠷᠣᠨ ᠊ᠢ ᠨᠢ ᠠᠵᠢᠬᠯᠠᠪᠠᠯ ᠨᠡᠷᠡᠶ᠋ᠢᠤᠠᠬᠦ ᠳᠤ ᠪᠡᠷᠬᠡ
( ᠰᠠᠮᠵᠠ)
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ : ᠳ᠋ᠦ᠋ᠩ ᠹᠧᠩ ᠂ ᠮᠢᠩᠭᠠᠳ · ᠴᠢᠮᠡᠭ ᠂ ᠬᠠᠷᠠᠨᠤᠳ · ᠲᠤᠶᠠᠭᠠ
ᠬᠢᠨᠠᠭᠴᠢ ᠄ ᠬᠠᠷᠠᠨᠤᠳ · ᠲᠤᠶᠠᠭᠠ ᠂ ᠮᠢᠩᠭᠠᠳ · ᠴᠢᠮᠡᠭ