ᠮᠣᠩᠭᠣᠯ ᠣᠨᠢᠰᠤᠭᠠ ᠶᠢᠨ ᠲᠡᠭᠦᠪᠦᠷᠢ – ᠬᠣᠶᠠᠳᠤᠭᠠᠷ ᠪᠦᠯᠦᠭ –12 Монгол оньсгын түүвэр –Хоёрдугаар бүлэг– 12
1219ᠬᠣᠶᠠᠳᠤᠭᠠᠷ ᠪᠦᠯᠦᠭ – ᠠᠷᠠᠳ ᠦ᠋ᠨ ᠠᠮᠠ ᠪᠠᠷ ᠵᠣᠬᠢᠶᠠᠭᠲᠠᠭᠰᠠᠨ ᠣᠨᠢᠰᠣᠬ᠋ᠠ
ᠡᠪᠡᠰᠦ ᠲᠠᠷᠢᠶᠠ ᠤᠷᠭᠤᠮᠠᠯ ᠦ᠋ᠨ ᠵᠦᠢᠯ
ᠨᠠᠶ᠋ᠢᠭᠤᠬ᠋ᠠ ᠨᠠᠶ᠋ᠢᠭᠤᠬ᠋ᠠ ᠮᠣᠲᠣ ᠴᠢᠨᠢ
ᠨᠠᠶᠠᠨ ᠬᠣᠶᠠᠷ ᠰᠠᠯᠠᠬ᠋ᠠ ᠲᠠᠢ
ᠰᠠᠯᠠᠬ᠋ᠠ ᠪᠦᠷᠢ ᠡᠭᠦᠷ ᠲᠡᠢ
ᠡᠭᠦᠷ ᠪᠦᠷᠢ ᠥᠨᠲᠡᠭᠡ ᠲᠡᠢ
( ᠲᠠᠷᠢᠶᠠ)
ᠨᠢᠩ ᠨᠢᠩ ᠮᠣᠲᠣ
ᠨᠠᠶᠠᠨ ᠬᠣᠶᠠᠷ ᠭᠡᠰᠢᠭᠦᠦ
ᠭᠡᠰᠢᠭᠦᠦ ᠪᠣᠯᠭᠠᠨ ᠡᠭᠦᠷ
ᠡᠭᠦᠷ ᠪᠣᠯᠭᠠᠨ ᠥᠨᠲᠡᠭᠡ
ᠥᠨᠲᠡᠭᠡ ᠪᠣᠯᠭᠠᠨ ᠵᠤᠯᠵᠠᠬ᠋ᠠ
ᠵᠤᠯᠵᠠᠬ᠋ᠠ ᠪᠣᠯᠭᠠᠨ ᠵᠠᠭᠤ ᠨᠠᠢ᠍ᠮᠠ
( ᠲᠠᠷᠢᠶᠠ)
ᠱᠣᠷᠣᠩ ᠱᠠᠷᠠᠩ ᠶᠠᠪᠤᠲᠠᠯ ᠲᠠᠢ
ᠰᠢᠷᠣᠢ ᠬᠤᠮᠠᠭ ᠦ᠋ᠨ ᠢᠲᠡᠰᠢ ᠲᠠᠢ
( ᠲᠠᠷᠢᠶᠠ)
ᠰᠠᠯᠠᠬ᠋ᠠ ᠮᠣᠲᠣ ᠰᠠᠯᠠᠬ᠋ᠠ ᠮᠣᠲᠣ
ᠰᠠᠯᠠᠬ᠋ᠠ ᠪᠦᠷᠢ ᠳ᠋ᠡᠭᠡᠨ ᠦᠷᠡ ᠲᠡᠢ ᠮᠣᠲᠣ
( ᠲᠠᠷᠢᠶᠠ)
ᠵᠠᠯᠠᠬ᠋ᠠ ᠲᠠᠢ ᠮᠠᠯᠠᠭᠠᠢ ᠪᠠᠨ ᠣᠷᠣᠢ ᠳᠡᠭᠡᠷᠡ ᠪᠡᠨ ᠡᠮᠦᠰᠴᠦ
ᠵᠤᠨ ᠡᠪᠦᠯ ᠦ᠋ᠨ ᠬᠤᠪᠴᠠᠰᠤ ᠪᠠᠨ ᠪᠡᠶᠡ ᠳᠡᠭᠡᠷᠡ ᠪᠡᠨ ᠳᠠᠪᠬᠤᠷᠯᠠᠵᠤ
ᠵᠢᠷᠭᠤᠭᠠᠨ ᠰᠠᠷᠠ ᠣᠷᠣᠪᠠᠯ ᠰᠢᠲᠤ ᠪᠠᠨ ᠢᠷᠵᠠᠶ᠋ᠢᠨᠠ
( ᠡᠷᠲᠡᠨᠢ ᠰᠢᠰᠢ)
ᠤᠷᠲᠤ ᠨᠠᠷᠢᠨ ᠪᠡᠶᠡ ᠲᠡᠢ
ᠥᠷᠭᠡᠨ ᠥᠨᠲᠥᠷ ᠰᠠᠵᠢᠯᠬ᠋ᠠ ᠲᠠᠢ
ᠥᠭᠡᠲᠡ ᠬᠠᠨᠲᠤᠭᠰᠠᠨ ᠤᠲᠤᠬ᠋ᠠ ᠲᠠᠢ
ᠦᠨᠡᠬᠡᠷ ᠣᠯᠠᠨ ᠱ᠌ᠢᠷᠦ ᠲᠡᠢ
( ᠰᠢᠰᠢ)
ᠨᠠᠷᠢᠨ ᠰᠠᠶ᠋ᠢᠬᠠᠨ ᠪᠡᠶᠡ ᠲᠡᠢ
ᠨᠠᠢ᠍ᠮᠠᠨ ᠰᠠᠶ᠋ᠢᠬᠠᠨ ᠠᠯᠴᠢᠭᠤᠷ ᠲᠠᠢ
( ᠰᠢᠰᠢ)
ᠰᠠᠭᠰᠠᠭᠠᠷ ᠤᠯᠠᠭᠠᠨ ᠭᠡᠵᠢᠭᠡ ᠲᠡᠢ
ᠰᠠᠨᠰᠠᠷ ᠦ᠋ᠨ ᠵᠦᠭ ᠬᠡᠶ᠋ᠢᠰᠬᠡᠵᠦ
ᠰᠠᠪᠠᠬ᠋ᠠ ᠦᠭᠡᠢ ᠰᠢᠲᠤ ᠪᠠᠨ
ᠰᠠᠷᠠᠨ ᠪ ᠵᠦᠭ ᠢᠷᠵᠠᠶ᠋ᠢᠯᠭᠠᠵᠤ
ᠰᠠᠯᠠᠭᠠᠲᠤ ᠬᠦᠯ ᠶ᠋ᠢᠡᠨ
ᠰᠢᠷᠣᠢ ᠶ᠋ᠢᠨ ᠳᠣᠲᠣᠷᠠ ᠪᠤᠯᠠᠵᠠᠢ
( ᠨᠣᠶᠠᠨ ᠰᠢᠰᠢ)
ᠴᠠᠭᠠᠨ ᠰᠤᠪᠤᠳ ᠦ᠋ᠨ ᠴᠡᠴᠡᠭ ᠊ᠢ ᠲᠡᠷᠢᠭᠦᠨ ᠳ᠋ᠡᠭᠡᠨ ᠬᠠᠤᠠᠬᠤᠭᠠᠳ
ᠬᠦᠷᠡᠩ ᠲᠣᠷᠭᠠᠨ ᠳᠡᠪᠡᠯ ᠊ᠢ ᠪᠡᠶᠡ ᠳ᠋ᠡᠭᠡᠨ ᠡᠮᠦᠰᠴᠦ
ᠭᠠᠲᠠᠭᠰᠢ ᠠᠶ᠋ᠢᠯᠴᠢᠯᠠᠨ ᠭᠤᠷᠪᠠᠨ ᠰᠠᠷᠠ ᠪᠣᠯᠤᠭᠠᠳ
ᠬᠢᠷᠠᠭᠤ ᠤᠨᠠᠬᠤ ᠦᠶᠡ ᠳᠤ ᠰᠠᠶᠢ ᠬᠠᠷᠢᠵᠤ ᠢᠷᠡᠨᠡ
( ᠰᠠᠭᠠᠭ)
ᠤᠯᠠᠭᠠᠨ ᠪᠤᠷᠭᠠᠰᠤᠨ ᠣᠷᠣᠢ ᠳᠡᠭᠡᠷᠡ
ᠬᠠᠷᠠ ᠬᠡᠷᠢᠶᠡ ᠣᠴᠣᠶ᠋ᠢᠯᠴᠠᠨᠠ
( ᠰᠠᠭᠠᠭ)
ᠲᠥᠷᠥ ᠶ᠋ᠢᠨ ᠭᠣᠣᠯ ᠳᠤ
ᠲᠦᠯᠡᠭᠡ ᠲᠠᠯᠪᠢᠬᠰᠠᠨ ᠶᠤᠮ
ᠳᠥᠷᠥᠭᠡ ᠪᠣᠯᠪᠠᠤ
ᠦᠰᠦᠭᠡ ᠪᠣᠯᠪᠠᠤ ᠭᠡᠳ ᠣᠴᠢᠬᠰᠠᠨ ᠴᠢᠨᠢ
ᠨᠢᠲᠦ ᠨᠢ ᠪᠦᠯᠲᠡᠶ᠋ᠢᠭᠡᠳ
ᠴᠢᠬᠢ ᠨᠢ ᠳᠠᠯᠳᠠᠶ᠋ᠢᠴᠢᠵᠠᠢ
( ᠲᠠᠷᠢᠶᠠ)
ᠦᠷᠡ ᠡᠴᠡ ᠪᠡᠨ ᠲᠥᠷᠥᠭᠰᠡᠨ ᠠᠪᠤ ᠨᠢ
ᠡᠲᠤᠷ ᠦ᠋ᠨ ᠵᠠᠮ ᠳᠤ ᠥᠨᠥᠴᠢᠷᠡᠪᠡ
ᠰᠠᠬᠠᠯ ᠰᠠᠨᠴᠢᠬ ᠨᠢ ᠰᠠᠭᠰᠠᠶ᠋ᠢᠵᠤ
ᠰᠠᠶ᠋ᠢᠬᠠᠨ ᠨᠢᠲᠦ ᠨᠢ ᠳᠤ ᠪᠦᠯᠲᠡᠷᠡᠪᠡ
( ᠬᠠᠶᠠᠭᠲᠠᠭᠰᠠᠨ ᠲᠠᠷᠢᠶᠠᠨ ᠲᠣᠯᠣᠭᠠᠢ)
ᠨᠠᠭᠠᠷ ᠨᠣᠭᠣᠷ ᠮᠣᠲᠣᠨ ᠳᠤ
ᠨᠠᠶᠠᠨ ᠬᠣᠶᠠᠷ ᠰᠠᠯᠠᠬ᠋ᠠ ᠲᠠᠢ
ᠰᠠᠯᠠᠬ᠋ᠠ ᠪᠣᠯᠭᠠᠨ ᠳᠤ ᠥᠨᠲᠡᠭᠡ ᠲᠡᠢ
ᠥᠨᠲᠡᠭᠡ ᠪᠣᠯᠭᠠᠨ ᠳᠤ ᠵᠢᠲᠠ ᠲᠠᠢ
ᠵᠢᠲᠠ ᠪᠣᠯᠭᠠᠨ ᠳᠤ ᠵᠡᠪᠡ ᠲᠡᠢ
( ᠤᠷᠭᠤᠬ᠋ᠠ ᠪᠤᠭᠤᠲᠠᠢ)
ᠰᠢᠷᠠ ᠬᠦᠵᠦᠭᠦᠲᠦ ᠬᠣᠨᠢ
ᠣᠷᠣᠢ ᠳᠡᠭᠡᠷᠡ ᠪᠡᠨ ᠨᠢᠲᠦ ᠲᠡᠢ
( ᠰᠢᠷᠠ ᠪᠤᠲᠠᠬ᠋ᠠ)
ᠪᠣᠭᠣᠰ ᠭᠡᠭᠦᠦ
ᠰᠡᠭᠦᠲᠡᠷ ᠦᠭᠡᠢ
( ᠵᠣᠭᠣᠷᠢ ᠲᠠᠢ ᠪᠤᠲᠠᠬ᠋ᠠ)
ᠴᠠᠤᠠᠬᠤᠯᠠᠩ ᠦᠬᠡᠷ
ᠰᠡᠭᠦᠲᠡᠷ ᠦᠭᠡᠢ
( ᠵᠣᠭᠣᠷᠢ ᠲᠠᠢ ᠪᠤᠲᠠᠬ᠋ᠠ)
ᠪᠠᠷᠠᠭᠤᠨ ᠠᠭᠤᠯᠠᠨ ᠪ ᠴᠠᠭᠠᠨ ᠬᠤᠷᠠᠬ᠋ᠠ
ᠮᠠᠨ ᠪ ᠡᠨᠲᠡ ᠮᠠᠯ ᠪᠣᠯᠬᠤ ᠦᠭᠡᠢ
ᠮᠠᠨᠽᠤᠰᠢᠷᠢ ᠳᠤ ᠵᠣᠭᠣᠭ ᠪᠣᠯᠬᠤ ᠦᠭᠡᠢ
( ᠬᠦᠪᠦᠩ)
ᠶᠠᠩᠭᠢᠷ ᠢᠮᠠᠬ᠋ᠠ
ᠶᠡᠰᠤᠨ ᠭᠦᠵᠡᠭᠡ ᠲᠡᠢ
( ᠴᠢᠪᠠᠬ᠋ᠠ)
ᠤᠯᠠᠭᠠᠨ ᠪᠢᠷᠠᠭᠤ
ᠶᠠᠰᠤᠨ ᠭᠦᠵᠡᠭᠡ ᠲᠡᠢ
( ᠴᠢᠪᠠᠬ᠋ᠠ)
ᠬᠠᠪ ᠬᠠᠲᠠᠭᠤ ᠶᠠᠰᠤ ᠲᠠᠢ
ᠬᠠᠨᠲᠠᠭᠠᠢ ᠪᠤᠭᠤ ᠶ᠋ᠢᠨ ᠬᠣᠷᠭᠣᠯ
( ᠴᠢᠪᠠᠬ᠋ᠠ)
ᠬᠠᠯᠢᠰᠤᠨ ᠳᠤ ᠪᠣᠭᠣᠭᠰᠠᠨ
ᠬᠣᠶᠠᠷ ᠵᠣᠭᠣᠰ ᠦ᠋ᠨ ᠶᠠᠰᠤ
( ᠴᠢᠪᠠᠬ᠋ᠠ)
ᠮᠤᠬᠤᠷ ᠤᠯᠠᠭᠠᠨ ᠬᠠᠶ᠋ᠢᠨᠤᠭ
ᠮᠣᠲᠣᠨ ᠰᠡᠭᠦᠯ ᠲᠡᠢ
( ᠠᠯᠮᠤᠷᠠᠳ)
ᠠᠭᠤᠯᠠ ᠶ᠋ᠢᠨ ᠴᠠᠭᠠᠨᠠ
ᠤᠯᠠᠭᠠᠨ ᠳᠡᠪᠡᠯ ᠲᠡᠢ ᠬᠥᠮᠦᠨ
( ᠵᠡᠷᠯᠢᠭ ᠰᠣᠩᠭᠢᠨᠠ)
ᠠᠭᠤᠯᠠ ᠶ᠋ᠢᠨ ᠴᠠᠭᠠᠨᠠ
ᠤᠯᠠᠭᠠᠨ ᠪᠠᠨᠲᠢ
( ᠵᠡᠷᠯᠢᠭ ᠰᠣᠩᠭᠢᠨᠠ)
ᠴᠠᠭᠠᠨ ᠲᠠᠬᠢᠶᠠ
ᠨᠣᠭᠣᠭᠠᠨ ᠰᠡᠭᠦᠯ ᠲᠡᠢ
( ᠰᠣᠩᠭᠢᠨᠠ)
ᠠᠭᠤᠯᠠ ᠶ᠋ᠢᠨ ᠤᠯᠠᠭᠠᠨ ᠳᠡᠪᠡᠯᠲᠦ ᠡᠪᠦᠭᠡᠨ
ᠤᠷᠲᠤ ᠴᠠᠭᠠᠨ ᠰᠠᠬᠠᠯ ᠲᠠᠢ
( ᠰᠣᠩᠭᠢᠨᠠ)
ᠴᠠᠭᠠᠨ ᠢᠮᠠᠬ᠋ᠠ
ᠨᠣᠭᠣᠭᠠᠨ ᠰᠡᠭᠦᠯ ᠲᠡᠢ
( ᠰᠣᠩᠭᠢᠨᠠ)
ᠭᠡᠵᠢᠭᠡ ᠨᠢ ᠭᠠᠳᠠᠭᠠ
ᠥᠬᠢᠨ ᠨᠢ ᠰᠢᠷᠣᠢ ᠳᠤ
( ᠯᠤᠤᠪᠠᠩ ᠮᠠᠨᠵᠢᠨ )
ᠴᠠᠭᠠᠨ ᠢᠮᠠᠭᠠ
ᠨᠣᠭᠣᠭᠠᠨ ᠡᠪᠡᠷ ᠲᠠᠢ
( ᠰᠣᠩᠭᠢᠨᠠ )
ᠭᠠᠵᠠᠷ ᠳᠣᠣᠷᠠ
ᠭᠠᠬᠠᠢ ᠶ᠋ᠢᠨ ᠪᠥᠭᠡᠷᠡ
( ᠲᠥᠮᠥᠰᠥ )
ᠭᠠᠵᠠᠷ ᠳᠣᠣᠭᠤᠷ ᠨᠤᠲᠤᠭ ᠲᠠᠢ
ᠭᠠᠩᠭᠠᠩ ᠱᠠᠩᠭᠠᠩ ᠨᠡᠷᠡ ᠲᠠᠢ
ᠰᠠ ᠰᠠᠮᠫᠠᠨ ᠵᠠᠯᠠᠭᠠ ᠲᠠᠢ
ᠴᠠᠭᠠᠨ ᠪᠦᠷᠬᠦ ᠮᠠᠯᠠᠭᠠ ᠲᠠᠢ
( ᠲᠥᠮᠥᠰᠥ )
ᠥᠨᠳᠡᠭᠡ ᠰᠢᠭ᠌ ᠪᠥᠭᠡᠷᠡᠩᠬᠡᠢ
ᠥᠭᠡᠬᠦ ᠰᠢᠭ᠌ ᠴᠠᠭᠠᠨ
ᠮᠢᠬᠠ ᠰᠢᠭ᠋ ᠤᠯᠠᠭᠠᠨ
ᠮᠠᠯᠠᠭᠠ ᠰᠢᠭ᠋ ᠵᠠᠯᠠᠭᠠ ᠲᠠᠢ
( ᠯᠤᠤᠪᠠᠩ )
ᠥᠩᠭᠡᠨ ᠤᠯᠠᠭᠠᠨ ᠪᠡᠶᠡ ᠲᠠᠢ
ᠰᠢᠷᠣᠢ ᠶ᠋ᠢᠨ ᠣᠷᠣᠨ ᠳᠤ ᠰᠤᠪᠢᠯᠠᠵᠤ
ᠥᠰᠴᠦ ᠲᠥᠷᠥᠬᠦ ᠮᠠᠬᠠᠪᠣᠳ ᠢᠶ᠋ᠠᠨ
ᠤᠰᠤᠨ ᠤ ᠬᠦᠴᠦ ᠪᠠᠷ ᠭᠦᠢᠴᠡᠳᠬᠡᠵᠦ
ᠥᠷᠪᠥᠭᠡᠷ ᠰᠠᠶ᠋ᠢᠬᠠᠨ ᠭᠡᠵᠢᠭᠡ ᠪᠠᠨ
ᠣᠷᠣᠢ ᠳᠡᠭᠡᠷᠡ ᠪᠠᠨ ᠰᠠᠭᠰᠠᠶ᠋ᠢᠯᠭᠠᠵᠤ
ᠥᠪᠥᠷ ᠠᠷᠤ ᠶ᠋ᠢᠨ ᠵᠣᠴᠢᠳ ᠢᠷᠡᠪᠡᠯ
ᠥᠪᠡᠷ ᠢᠶ᠋ᠠᠨ ᠭᠠᠷᠴᠤ ᠳᠠᠶ᠋ᠢᠯᠠᠨᠠ
( ᠤᠯᠠᠭᠠᠨ ᠯᠤᠤᠪᠠᠩ )
ᠬᠣᠨᠢ ᠪᠢᠰᠢ ᠪᠠᠶ᠋ᠢᠭᠠᠳ ᠬᠣᠷᠭᠣᠯ ᠲᠠᠢ
ᠬᠤᠳᠳᠤᠭ ᠪᠢᠰᠢ ᠪᠠᠶ᠋ᠢᠭᠠᠳ ᠤᠰᠤ ᠲᠠᠢ
( ᠲᠠᠷᠪᠤᠰ )
ᠠᠮᠠ ᠦᠭᠡᠢ ᠪᠠᠶ᠋ᠢᠭᠠᠳ ᠬᠣᠷᠭᠣᠯ ᠲᠠᠢ
ᠠᠮᠢ ᠦᠭᠡᠢ ᠪᠠᠶ᠋ᠢᠭᠠᠳ ᠴᠢᠰᠤ ᠲᠠᠢ
( ᠲᠠᠷᠪᠤᠰ )
ᠪᠥᠮᠪᠥᠭᠡᠷ ᠨᠣᠭᠣᠭᠠᠨ ᠭᠡᠳᠡᠰᠦ ᠲᠠᠢ
ᠪᠦᠷ ᠳᠦᠭᠦᠷᠡᠩ ᠤᠰᠤ ᠲᠠᠢ
ᠪᠦᠷ ᠬᠠᠷᠠ ᠵᠢᠰᠦ ᠲᠠᠢ
ᠪᠦᠪᠡᠶ᠋ᠢᠯᠡᠭᠰᠡᠨ ᠬᠡᠦᠬᠡᠳ ᠪᠤᠮ ᠲᠦᠮᠡ
( ᠲᠠᠷᠪᠤᠰ )
ᠬᠤᠳᠳᠤᠭ ᠪᠢᠰᠢ ᠪᠠᠶ᠋ᠢᠭᠠᠳ ᠤᠰᠤ ᠲᠠᠢ
ᠬᠣᠨᠢ ᠪᠢᠰᠢ ᠪᠠᠶ᠋ᠢᠭᠠᠳ ᠬᠣᠷᠭᠣᠯ ᠲᠠᠢ
ᠮᠢᠬᠠ ᠪᠢᠰᠢ ᠪᠠᠶ᠋ᠢᠭᠠᠳ ᠥᠭᠡᠬᠦ ᠲᠠᠢ
ᠪᠥᠮᠪᠥᠭᠡ ᠪᠢᠰᠢ ᠪᠠᠶ᠋ᠢᠭᠠᠳ ᠪᠥᠮᠪᠥᠭᠡᠷ
( ᠲᠠᠷᠪᠤᠰ )
ᠪᠣᠷᠣ ᠭᠡᠷ ᠤᠨ ᠳᠣᠲᠣᠷᠠ
ᠪᠣᠮᠪᠣᠭᠣᠷ ᠰᠢᠷᠠ ᠬᠦᠦ
( ᠲᠠᠤᠯᠠᠢ ᠶ᠋ᠢᠨ ᠪᠥᠭᠡᠷᠡ )
ᠳᠠᠭᠠᠷᠠᠨᠠ ᠭᠡᠵᠦ
ᠳᠠᠬᠤ ᠲᠠᠢ ᠲᠥᠷᠥᠭᠰᠡᠨ
ᠳᠠᠶ᠋ᠢᠳᠤᠨᠠ ᠭᠡᠵᠦ
ᠬᠤᠶᠠᠭ ᠲᠠᠢ ᠲᠥᠷᠥᠭᠰᠡᠨ
ᠳᠡᠪᠡᠯ ᠪᠥᠭᠡᠰᠦᠳᠡᠨᠠ ᠭᠡᠵᠦ
ᠴᠠᠮᠴᠠ ᠲᠠᠢ ᠲᠥᠷᠥᠭᠰᠡᠨ
( ᠰᠠᠮᠤᠷ )
ᠬᠤᠯᠤ ᠠᠳᠠᠯᠢ ᠳᠦᠷᠰᠦ ᠲᠠᠢ
ᠬᠤᠪᠠᠬᠠᠢ ᠶᠠᠰᠤᠨ ᠬᠤᠶᠠᠭ ᠲᠠᠢ
ᠬᠤᠷᠠᠯ ᠴᠤᠭᠯᠠᠭᠠᠨ ᠳᠤ ᠵᠠᠷᠤᠳᠠᠯ ᠲᠠᠢ
ᠬᠣᠣᠰ ᠦᠭᠡᠢ ᠰᠠᠶ᠋ᠢᠬᠠᠨ ᠠᠮᠲᠠ ᠲᠠᠢ
( ᠯᠤᠬᠠᠱᠸᠩ )
ᠭᠠᠵᠠᠷ ᠤᠨ ᠭᠠᠳᠠᠰᠤ
ᠭᠠᠭᠴᠠ ᠬᠥᠯ ᠲᠠᠢ ᠶᠤᠸᠠᠮᠪᠤᠤ
( ᠮᠥᠭᠥ )
ᠲᠣᠬᠣᠢ ᠴᠢᠨᠡᠭᠡ ᠪᠡᠶᠡ ᠲᠠᠢ
ᠲᠣᠭᠠᠯᠠᠵᠤ ᠪᠠᠷᠠᠬᠤ ᠦᠭᠡᠢ ᠦᠶᠡ ᠲᠠᠢ
( ᠮᠥᠭᠥ )
ᠭᠠᠵᠠᠷ ᠠ᠋ᠴᠠ ᠤᠷᠭᠤᠭᠰᠠᠨ
ᠭᠠᠩᠭᠠᠩ ᠶᠤᠸᠠᠮᠪᠤᠤ
ᠭᠠᠭᠴᠠ ᠬᠥᠯ ᠲᠠᠢ
ᠮᠥᠩᠭᠥᠨ ᠶᠤᠸᠠᠮᠪᠤᠤ
( ᠮᠥᠭᠥ )
ᠭᠠᠭᠴᠠ ᠬᠥᠯ ᠲᠠᠢ
ᠭᠠᠳᠠᠰᠤᠨ ᠲᠣᠯᠣᠭᠠᠢ ᠲᠠᠢ
( ᠮᠥᠭᠥ )
ᠭᠠᠵᠠᠷ ᠤᠨ ᠰᠠᠶ᠋ᠢᠬᠠᠨ ᠳᠤ
ᠭᠠᠭᠴᠠ ᠬᠥᠯ ᠲᠠᠢ ᠲᠠᠬᠢᠶᠠ
( ᠮᠥᠭᠥ )
ᠴᠠᠭᠠᠨ ᠲᠣᠷᠭᠠᠨ ᠳᠡᠪᠡᠯ ᠲᠠᠢ
ᠨᠣᠭᠣᠭᠠᠨ ᠲᠣᠷᠭᠠᠨ ᠡᠮᠵᠢᠶᠡᠷᠢ ᠲᠠᠢ
ᠨᠣᠶ᠋ᠢᠲᠠᠨ ᠭᠠᠵᠠᠷ ᠨᠤᠲᠤᠭ ᠲᠠᠢ
( ᠴᠠᠭᠠᠨ ᠨᠣᠭᠣᠭᠠ )
ᠠᠯᠲᠠᠨ ᠰᠠᠶ᠋ᠢᠬᠠᠨ ᠮᠠᠯᠠᠭᠠᠢ ᠶ᠋ᠢ ᠲᠣᠯᠣᠭᠠᠢ ᠳ᠋ᠠᠭᠠᠨ ᠡᠮᠦᠰᠴᠦ
ᠠᠮᠲᠠᠲᠤ ᠰᠠᠶ᠋ᠢᠬᠠᠨ ᠵᠢᠮᠢᠰ ᠢᠶ᠋ᠠᠷ ᠬᠠᠴᠠᠷ ᠢᠶ᠋ᠠᠨ ᠴᠢᠮᠡᠵᠦ
ᠠᠰᠬᠠᠨ ᠰᠠᠶ᠋ᠢᠬᠠᠨ ᠪᠡᠶᠡ ᠨᠢ ᠣᠭᠲᠠᠷᠭᠤᠢ ᠲᠤᠯᠤᠮᠠᠷ ᠵᠣᠭᠰᠣᠵᠤ
ᠠᠭᠠᠷ ᠤᠨ ᠨᠠᠷᠠᠨ ᠤ ᠡᠷᠭᠢᠯᠲᠡ ᠶ᠋ᠢ ᠠᠯᠳᠠᠯ ᠦᠭᠡᠢ ᠰᠢᠷᠲᠡᠳᠡᠭ
( ᠨᠠᠷᠠᠨ ᠬᠤᠸᠠᠷ )
ᠨᠠᠷᠢᠨ ᠽᠠᠨᠳᠠᠨ ᠮᠣᠳᠣ
ᠨᠠᠢ᠍ᠮᠠ ᠶᠢᠰᠦᠨ ᠨᠠᠪᠴᠢ
ᠨᠠᠷᠠ ᠬᠠᠮᠢᠭᠠ ᠣᠴᠢᠪᠠᠯ
ᠨᠠᠷᠠ ᠶ᠋ᠢ ᠳᠠᠭᠠᠨ ᠨᠠᠶ᠋ᠢᠭᠤᠨᠠ
( ᠨᠠᠷᠠᠨ ᠬᠤᠸᠠᠷ )
ᠭᠣᠣᠯ ᠤᠨ ᠤᠰᠤᠨ ᠳᠤ ᠲᠥᠷᠥᠭᠰᠡᠨ
ᠭᠤᠸ᠋ᠠ ᠦᠵᠡᠰᠬᠦᠯᠡᠩ ᠬᠡᠦᠬᠡᠨ
ᠴᠠᠶ᠋ᠢᠪᠤᠷ ᠶᠠᠭᠠᠨ ᠳᠡᠪᠡᠯ ᠲᠠᠢ
ᠨᠣᠭᠣᠭᠠᠨ ᠲᠣᠷᠭᠠᠨ ᠣᠯᠪᠣᠭ ᠲᠠᠢ
( ᠯᠢᠩᠬᠤᠠ )
ᠠᠪᠤ ᠨᠢ ᠠᠮᠪᠠᠨ ᠤᠯᠠᠭᠠᠨ ᠵᠢᠩᠰᠡ ᠲᠠᠢ
ᠠᠯᠤᠰ ᠤᠨ ᠪᠠᠷᠠ ᠶ᠋ᠢ ᠬᠠᠷᠠᠨᠠ
ᠬᠦᠦ ᠨᠢ ᠬᠤᠨᠳᠠᠨ ᠴᠠᠭᠠᠨ ᠵᠢᠩᠰᠡ ᠲᠠᠢ
ᠬᠥᠨᠳᠡᠢ ᠳᠤ ᠬᠡᠪᠲᠡᠨᠡ
( ᠰᠠᠷᠠᠨᠠ ᠴᠡᠴᠡᠭ )
ᠪᠤᠲᠤᠩ ᠲᠠᠢ ᠲᠣᠰᠣ ᠪᠤᠯᠠᠭᠠᠲᠠᠢ
ᠪᠤᠯᠠᠭᠠᠨ ᠮᠠᠯᠠᠭᠠ ᠡᠯᠭᠦᠭᠡᠲᠡᠢ
( ᠰᠠᠷᠠᠨᠠ ᠴᠡᠴᠡᠭ )
ᠲᠠᠯᠠ ᠤᠷᠤᠭᠤ ᠲᠠᠶ᠋ᠢᠪᠢᠩ ᠲᠠᠶ᠋ᠢᠪᠢᠩ
ᠲᠠᠰᠢᠭᠤᠷ ᠦᠭᠡᠢ ᠭᠣᠶ᠋ᠢᠪᠠᠩ ᠭᠣᠶ᠋ᠢᠪᠠᠩ
( ᠬᠠᠮᠬᠤᠤᠯ )
ᠭᠠᠷᠬᠤ ᠨᠢ ᠭᠠᠵᠠᠷ ᠠ᠋ᠴᠠ
ᠭᠡᠶ᠋ᠢᠭᠦᠯᠬᠦ ᠨᠢ ᠲᠩᠷᠢ ᠠ᠋ᠴᠠ
ᠥᠲᠡᠯᠬᠦ ᠨᠢ ᠪᠤᠲᠠᠨ ᠳᠤ
ᠦᠬᠦᠬᠦ ᠨᠢ ᠭᠠᠩᠭᠠᠨ ᠳᠤ
( ᠬᠠᠮᠬᠤᠤᠯ )
ᠳᠡᠩ ᠳᠡᠩ ᠰᠢᠷᠠᠭᠴᠢᠨ
ᠳᠡᠯ ᠰᠡᠭᠦᠯ ᠦᠭᠡᠢ ᠰᠢᠷᠠᠭᠴᠢᠨ
ᠪᠥᠩ ᠪᠥᠩ ᠰᠢᠷᠠᠭᠴᠢᠨ
ᠪᠥᠭᠡᠷᠡ ᠵᠢᠷᠦᠬᠡ ᠦᠭᠡᠢ ᠰᠢᠷᠠᠭᠴᠢᠨ
( ᠬᠠᠮᠬᠤᠤᠯ )
ᠤᠷᠭᠤᠬᠤ ᠨᠢ ᠬᠠᠪᠤᠷ
ᠤᠨᠠᠬᠤ ᠨᠢ ᠨᠠᠮᠤᠷ
ᠤᠷᠤᠭᠤᠲᠠᠬᠤ ᠨᠢ ᠰᠠᠯᠬᠢᠨ ᠳᠤ
ᠤᠨᠲᠠᠬᠤ ᠨᠢ ᠡᠷᠭᠢᠨ ᠳᠤ
( ᠬᠠᠮᠬᠤᠤᠯ )
ᠶᠠᠪᠤᠬᠤ ᠶ᠋ᠢ ᠰᠠᠯᠬᠢ ᠮᠡᠲᠡ
ᠰᠠᠭᠤᠬᠤ ᠶ᠋ᠢ ᠵᠢᠯᠠᠬ᠋ᠠ ᠮᠡᠲᠡ
( ᠬᠠᠮᠬᠤᠤᠯ )
ᠣᠯᠢᠩ ᠰᠣᠯᠢᠩ ᠪᠡᠶᠡ ᠲᠡᠢ
ᠦᠨᠡᠭᠡᠨ ᠰᠡᠭᠦᠯ ᠦ᠋ᠨ ᠮᠠᠯᠠᠬ᠋ᠠ ᠲᠠᠢ
( ᠬᠤᠯᠤᠰᠤ )
ᠭᠤᠷ ᠭᠤᠷ ᠳᠠᠭᠤ ᠲᠠᠢ
ᠭᠤᠴᠢᠨ ᠲᠠᠪᠤᠨ ᠦᠶᠡ ᠲᠡᠢ
ᠴᠢᠨᠲᠠᠮᠤᠨᠢ ᠶ᠋ᠢᠨ ᠳᠤᠬᠤ ᠲᠠᠢ
ᠰᠢᠷᠠ ᠰᠢᠪᠠᠭᠤᠨ ᠤᠲᠤᠬ᠋ᠠ ᠲᠠᠢ
( ᠬᠤᠯᠤᠰᠤ )
ᠦᠨᠲᠦᠷ ᠬᠥᠮᠦᠨ ᠦᠨᠡᠭᠡᠨ ᠮᠠᠯᠠᠭᠠᠢ ᠲᠠᠢ
ᠪᠣᠭᠤᠨᠢ ᠬᠥᠮᠦᠨ ᠪᠤᠯᠠᠭᠠᠨ ᠮᠠᠯᠠᠭᠠᠢ ᠲᠠᠢ
( ᠬᠤᠯᠤᠰᠤ )
ᠦᠷᠡ ᠴᠤ᠌ ᠰᠠᠭᠤᠬᠤ ᠦᠭᠡᠢ
ᠴᠡᠴᠡᠭ ᠴᠤ᠌ ᠳᠡᠯᠭᠡᠷᠡᠬᠦ ᠦᠭᠡᠢ
ᠭᠣᠶᠣ ᠰᠠᠶ᠋ᠢᠬᠠᠨ ᠪᠡᠶᠡ ᠲᠡᠢ
ᠭᠣᠣᠯ ᠳ᠋ᠠᠭᠠᠨ ᠬᠥᠨᠲᠡᠢ ᠮᠤᠲᠤ
( ᠬᠤᠯᠤᠰᠤ )
ᠰᠢᠷᠬ᠋ᠠ ᠳᠠᠬ᠋ᠠ
ᠲᠤᠭᠤᠷᠠᠢ ᠪᠠᠷ ᠶ᠋ᠢᠠᠨ ᠤᠰᠤ ᠤᠤᠭᠤᠨᠠ
( ᠬᠤᠯᠤᠰᠤ )
ᠱᠠᠪ ᠭᠡᠰᠡᠨ ᠪᠡᠶᠡ ᠲᠡᠢ
ᠰᠢᠷᠠ ᠦᠨᠡᠭᠡᠨ ᠮᠠᠯᠠᠬ᠋ᠠ ᠲᠠᠢ
( ᠬᠤᠯᠤᠰᠤ )
ᠭᠠᠷᠬᠤ ᠳ᠋ᠠᠭᠠᠨ ᠴᠠᠯ ᠨᠣᠭᠤᠭᠠᠨ
ᠪᠠᠭᠤᠬᠤ ᠳ᠋ᠠᠭᠠᠨ ᠰᠢᠪ ᠰᠢᠷᠠ
( ᠡᠪᠡᠰᠦ )
ᠤᠭᠠᠯᠵᠠᠨ ᠲᠣᠯᠤᠭᠠᠢ ᠲᠠᠢ
ᠤᠯᠠ ᠳ᠋ᠠᠭᠠᠨ ᠰᠢᠪᠦᠭᠡ ᠲᠡᠢ
( ᠬᠢᠯᠭᠠᠨᠠ ᠡᠪᠡᠰᠦ )
ᠥᠯᠬᠡᠩ ᠰᠠᠯᠬᠠᠩ ᠪᠡᠶᠡ ᠲᠡᠢ
ᠦᠨᠡᠭᠡᠨ ᠰᠠᠷᠠᠯ ᠮᠠᠯᠠᠬ᠋ᠠ ᠲᠠᠢ
( ᠳᠠᠷᠠᠰᠤ )
ᠱᠠ ᠱᠠ ᠳᠠᠭᠤ ᠲᠠᠢ
ᠰᠢᠷᠠ ᠦᠨᠡᠭᠡᠨ ᠮᠠᠯᠠᠬ᠋ᠠ ᠲᠠᠢ
( ᠤᠲᠤᠯ )
ᠰᠢᠷᠬ᠋ᠠ ᠳᠠᠬ᠋ᠠ
ᠳᠤᠭᠤᠷᠤ① ᠪᠠᠷ ᠶ᠋ᠢᠠᠨ ᠤᠰᠤ ᠤᠤᠭᠤᠨᠠ
( ᠵᠡᠭᠡᠰᠦ )
① ᠬᠥᠬᠡᠨᠠᠭᠤᠷ ᠦ᠋ᠨ ᠮᠣᠩᠭᠣᠯᠴᠤᠳ ᠲᠤᠭᠤᠷᠠᠢ ᠶ᠋ᠢ ᠳᠤᠭᠤᠷᠤ ᠭᠡᠨᠡ ᠃
ᠬᠠᠰ ᠶᠡᠨᠲᠡᠷ ᠲᠡᠢ
ᠣᠭ᠌ᠶᠤ ᠲᠤᠯᠭᠠᠭᠤᠷᠢ ᠲᠠᠢ
ᠱ᠌ᠢᠷᠦᠨ ᠤᠯᠠᠭᠠᠨ ᠮᠠᠯᠠᠬ᠋ᠠ ᠲᠠᠢ
( ᠰᠠᠷᠠᠯᠠᠩ ᠬᠤᠸᠠᠷ )
ᠳ᠋ᠠᠩ ᠴᠠᠭᠠᠨ ᠮᠣᠷᠢ
ᠳᠠᠯᠠᠨ ᠳᠠᠪᠬᠤᠷ ᠲᠣᠬᠣᠮ ᠲᠠᠢ
( ᠬᠤᠰᠤ ᠮᠣᠲᠣ )
ᠭᠠᠵᠠᠷ ᠳᠣᠣᠭᠤᠷ
ᠭᠠᠯᠠᠭᠤ ᠨᠡᠭᠦᠬᠦ
( ᠮᠣᠲᠣᠨ ᠦᠨᠲᠦᠰᠦ )
ᠤᠤᠠᠬᠠ ᠨᠢᠭᠡᠲᠡᠢ
ᠤᠲᠤᠮ ᠪᠥᠯᠥᠭ ᠲᠡᠢ
( ᠮᠣᠲᠣ ᠨᠠᠪᠴᠢᠯᠠᠬᠤ )
ᠤᠷᠲᠤ ᠪᠣᠯᠪᠠᠴᠤ
ᠤᠰᠤ ᠦᠵᠡᠭᠰᠡᠨ ᠦᠭᠡᠢ
ᠨᠠᠷᠢᠨ ᠪᠣᠯᠪᠠᠴᠤ
ᠨᠠᠷᠠ ᠦᠵᠡᠭᠰᠡᠨ ᠦᠭᠡᠢ
( ᠮᠣᠲᠣᠨ ᠪ ᠭᠣᠣᠯ )
ᠨᠣᠭᠣᠭᠠᠨ ᠳᠡᠪᠡᠯ ᠲᠡᠢ
ᠨᠣᠶᠠᠨ ᠮᠣᠷᠢᠯᠠᠵᠤ ᠢᠷᠡᠬᠦ ᠳᠤ
ᠨᠣᠶ᠋ᠢᠷ ᠦᠭᠡᠢ ᠬᠦᠯᠢᠶᠡᠨᠡ
( ᠨᠣᠭᠣᠬ᠋ᠠ ᠤᠷᠭᠤᠬᠤ )
ᠬᠠᠯᠠᠬ᠋ᠠ ᠰᠣᠯᠢᠬ᠋ᠠ ᠪᠠᠶ᠋ᠢᠲᠠᠭ ᠦᠭᠡᠢ
ᠬᠠᠲᠠ ᠠᠰᠬᠠ ᠶ᠋ᠢᠨ ᠬᠠᠷᠠᠭᠤᠯ
ᠬᠠᠪᠤᠷ ᠡᠪᠦᠯ ᠬᠠᠮᠬᠢᠲᠠᠭ ᠦᠭᠡᠢ
ᠬᠠᠷᠠ ᠨᠣᠭᠣᠭᠠᠨ ᠰᠢᠭᠦᠷ
( ᠨᠠᠷᠠᠰᠤ )
ᠥᠭᠡᠲᠡ ᠬᠠᠯᠢᠶᠠᠭᠰᠠᠨ ( ᠬᠠᠷᠠᠭᠰᠠᠨ ) ᠪᠡᠶᠡ ᠲᠡᠢ
ᠡᠲᠦᠷ ᠰᠥᠨᠢ ᠦᠭᠡᠢ ᠰᠣᠭᠲᠣᠭᠤ
(ᠬᠠᠷᠭᠠᠢ )
ᠠᠬᠠ ᠳᠡᠭᠦᠦ ᠲᠠᠪᠤ ᠵᠢᠷᠭᠤᠭᠤᠯᠠ
ᠠᠯᠲᠠᠨ ᠲᠤᠯᠭᠠᠭᠤᠷᠢ ᠪᠠᠨ ᠲᠦᠰᠢᠵᠦ ᠰᠠᠭᠤᠨᠠ
ᠠᠪᠤ ᠨᠢ ᠢᠷᠡᠭᠡᠳ ᠡᠷᠦᠬᠡ ᠰᠠᠯᠭᠠᠬᠤ ᠳ᠋ᠤ
ᠡᠮᠦᠰᠦᠭᠰᠡᠨ ᠳᠡᠪᠡᠯ ᠶ᠋ᠢᠡᠨ ᠤᠷᠠᠵᠤ ᠬᠠᠶᠠᠨᠠ
( ᠰᠠᠷᠢᠮᠰᠠᠭ )
ᠲᠤᠯᠭᠠᠭᠤᠷᠢ ᠲᠣᠭᠣᠷᠢᠨ ᠰᠠᠭᠤᠵᠤ ᠪᠠᠶ᠋ᠢᠬᠰᠠᠨ
ᠳᠣᠯᠣᠬ᠋ᠠ ᠨᠠᠢ᠍ᠮᠠᠨ ᠠᠬᠠ ᠳᠡᠭᠦᠦ
ᠥᠲᠡᠯᠬᠦ ᠳ᠋ᠡᠭᠡᠨ ᠥᠪ ᠶ᠋ᠢᠡᠨ ᠬᠤᠪᠢᠶᠠᠯᠴᠠᠵᠤ
ᠦᠬᠦᠬᠦ ᠳ᠋ᠡᠭᠡᠨ ᠬᠤᠪᠴᠠᠰᠤ ᠪᠠᠨ ᠤᠷᠠᠲᠠᠭ
( ᠰᠠᠷᠢᠮᠰᠠᠭ )
ᠬᠠᠷᠠ ᠬᠤᠷᠠᠬ᠋ᠠ
ᠶᠠᠰᠤᠨ ᠪᠥᠭᠡᠷᠡ ᠲᠡᠢ
( ᠮᠣᠶ᠋ᠢᠯ )
ᠨᠠᠷᠢᠨ ᠤᠷᠲᠤ ᠪᠡᠶᠡ ᠲᠡᠢ
ᠨᠣᠭᠣᠭᠠᠨ ᠲᠣᠷᠭᠠᠨ ᠳᠡᠪᠡᠯ ᠲᠡᠢ
ᠪᠥᠭᠰᠡᠨ ᠪ ᠬᠢᠨᠢ ᠭᠠᠰᠢᠭᠤᠨ ᠠ᠋ᠴᠠ
ᠪᠦᠬᠦ ᠤᠯᠤᠰ ᠵᠢᠭᠰᠢᠨᠡ
( ᠦᠷᠭᠡᠰᠤᠲᠤ ᠬᠡᠮᠬᠡ )
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ : ᠬᠠᠷᠠᠨᠤᠳ · ᠲᠤᠶᠠᠭᠠ ᠂ ᠬᠠᠳᠠᠴᠢ · ᠤᠷᠠᠨᠠ ᠂
ᠣᠶᠤᠨᠲᠤᠨᠠᠯ ᠂ ᠠᠯᠲᠠᠨᠲᠤᠶᠠᠭᠠ
ᠬᠢᠨᠠᠭᠴᠢ ᠄ ᠬᠠᠷᠠᠨᠤᠳ · ᠲᠤᠶᠠᠭᠠ ᠂ ᠮᠢᠩᠭᠠᠳ · ᠴᠢᠮᠡᠭ