ᠮᠢᠨᠦ – ᠪᠠᠭᠠ ᠶᠢᠨ ᠨᠠᠰᠤ ᠂ ᠵᠠᠯᠠᠭᠤ ᠨᠠᠰᠤ – ᠲ ᠂ ᠭᠣᠮᠪᠣᠵᠠᠪ Mиний – багын нас ᠂ залуу нас – Т ᠂ Гомбожав
426ᠮᠢᠨᠦ – ᠪᠠᠭᠠ ᠶᠢᠨ ᠨᠠᠰᠤ ᠂ ᠵᠠᠯᠠᠭᠤ ᠨᠠᠰᠤ
ᠲ ᠂ ᠭᠣᠮᠪᠣᠵᠠᠪ
ᠪᠠᠬ᠋ᠠ ᠶ᠋ᠢᠨ ᠨᠠᠰᠤ
ᠬᠣᠯᠠ ᠶ᠋ᠢᠨ ᠬᠣᠯᠠ ᠶ᠋ᠢᠨ ᠳᠤᠷᠠᠳᠬᠠᠯ
ᠬᠣᠩᠭᠣᠷᠬᠠᠨ ᠪᠠᠬ᠋ᠠ ᠶ᠋ᠢᠨ ᠨᠠᠰᠤ ᠮᠢᠨᠢ
ᠦᠯᠢᠭᠡᠷ ᠳᠣᠮᠣᠭ ᠦ᠋ᠨ ᠳᠡᠯᠡᠬᠡᠢ
ᠡᠭᠦᠲᠡ ᠂ ᠵᠡᠭᠦᠲᠦ ᠪᠡᠷ
ᠡᠭᠦᠯᠡᠰ ᠂ ᠪᠣᠲᠣᠯ ᠰᠢᠪᠡᠨᠡᠨ ᠴᠤᠪᠤᠵᠤ
ᠡᠲᠦᠷ ᠦ᠋ᠳ ᠢᠨᠢᠶᠡᠲᠦᠨ ᠳ᠋ᠦ᠍ ᠮᠢᠨᠢ ᠴᠠᠤᠠᠬᠤᠯᠠᠩ
ᠥᠩᠭᠡ ᠪᠣᠲᠣᠭ ᠰᠡᠤᠠᠬᠢᠯ ᠡᠴᠡ ᠮᠢᠨᠢ ᠤᠷᠭᠤᠵᠤ ᠪᠠᠶ᠋ᠢᠵᠠᠢ
ᠲᠣᠮᠣᠭᠠᠵᠢᠬ᠋ᠠ ᠦᠭᠡᠢ ᠪᠣᠲᠣᠯ ᠳ᠋ᠦ᠍ ᠭᠠᠯᠠᠭᠤ ᠲᠥᠭᠡᠷᠢᠨ
ᠲᠣᠮᠣ ᠠᠭᠤᠯᠠᠰ ᠰᠡᠭᠦᠲᠡᠷ ᠶ᠋ᠢᠡᠨ ᠡᠪᠬᠡᠵᠦ ᠨᠠᠭᠠᠲᠤᠨᠠ
ᠶᠠᠭᠤᠮᠠ ᠪᠦᠬᠦᠨ ᠪ ᠬᠦᠨᠲᠦ ᠶ᠋ᠢ ᠠᠯᠲᠠᠭᠤᠯᠵᠤ
ᠶᠠᠷᠢᠶᠠᠨ ᠳ᠋ᠦ᠍ ᠬᠡᠭᠡᠷᠡ ᠶ᠋ᠢᠨ ᠴᠢᠯᠠᠭᠤ ᠴᠡᠴᠡᠭᠯᠡᠨ
ᠶᠠᠪᠤᠭᠰᠠᠨ ᠮᠥᠷ ᠂ ᠲᠠᠯᠠ ᠶ᠋ᠢᠨ ᠨᠢᠭᠤᠴᠠ ᠶ᠋ᠢ ᠳᠣᠭᠰᠢᠳᠠᠭ
ᠭᠣᠯᠢᠶᠠ ᠳᠠᠭᠠᠵᠤ ᠂ ᠰᠡᠤᠠᠬᠢᠯ
ᠭᠣᠪᠢ ᠶ᠋ᠢᠨ ᠡᠩᠭᠡᠷ ᠲᠤ ᠬᠣᠨᠣᠴᠢᠬᠠᠲᠠᠭ ᠪᠠᠶ᠋ᠢᠬᠰᠠᠨ ᠡ
ᠨᠠᠪᠴᠢ ᠶ᠋ᠢᠨ ᠨᠢᠷᠤᠭᠤᠨ ᠳ᠋ᠦ᠍ ᠰᠢᠭᠦᠲᠡᠷᠢ ᠪᠥᠮᠪᠥᠭᠡᠨᠡᠵᠦ
ᠨᠠᠷᠠ ᠂ ᠬᠥᠮᠦᠨ ᠰᠡᠤᠠᠬᠢᠯ ᠤᠶᠠᠰᠮᠠᠷ ᠠᠯᠢᠶᠠᠬᠠᠨ ᠨᠠᠰᠤ ᠮᠢᠨᠢ
ᠴᠣᠪᠣᠭᠣᠬᠠᠨ ᠠᠮᠢᠲᠤᠷᠠᠯ ᠬᠥᠭᠵᠢᠮᠳᠡᠵᠦ ᠪᠠᠶ᠋ᠢᠵᠢ ᠰᠢᠦ
ᠠᠢ ᠳ᠋ᠠ ᠂ ᠬᠥᠭᠡᠷᠦᠬᠦᠢ !
ᠬᠣᠯᠠ ᠶ᠋ᠢᠨ ᠬᠣᠯᠠ ᠶ᠋ᠢᠨ ᠳᠤᠷᠠᠳᠬᠠᠯ
ᠬᠣᠩᠭᠣᠷᠬᠠᠨ ᠪᠠᠬ᠋ᠠ ᠶ᠋ᠢᠨ ᠨᠠᠰᠤ ᠮᠢᠨᠢ ᠳ᠋ᠠ
ᠵᠠᠯᠠᠭᠤ ᠨᠠᠰᠤ
ᠠᠯᠢᠪᠠ ᠪᠦᠬᠦᠨ ᠪᠣᠭᠣᠨᠢᠰᠴᠤ
ᠠᠷᠤ ᠬᠠᠨᠠ ᠡᠴᠡ ᠂ ᠪᠤᠷᠬᠠᠨ
ᠠᠮᠢᠲᠤᠷᠠᠯ ᠳ᠋ᠦ᠍ ᠰᠥᠭᠥᠳᠦᠨ ᠭᠠᠵᠠᠷ ᠪᠠᠭᠤᠵᠠᠢ
ᠠᠭᠠᠷ ᠤᠯᠠᠮ ᠤᠯᠠᠮ ᠥᠨᠲᠥᠷ ᠪᠣᠯᠤᠯᠠ
ᠮᠢᠨᠦ ᠵᠠᠯᠠᠭᠤ ᠨᠠᠰᠤ
ᠣᠮᠣᠭ ᠵᠣᠷᠢᠬ ᠦ᠋ᠨ ᠠᠭᠤᠯᠠᠨ ᠣᠷᠣᠢ ᠭᠢᠰᠬᠢᠵᠦ
ᠣᠩᠭᠣᠨ ᠪᠣᠲᠣᠯ ᠦ᠋ᠨ ᠲᠤᠩᠬᠠᠭ ᠤᠩᠰᠢᠨᠠ
ᠠᠤᠠᠬᠤᠨ ᠳ᠋ᠦ᠍ ᠮᠢᠨᠢ ᠠᠶᠤᠩᠬ᠋ᠠ ᠬᠤᠭᠤᠷᠠᠨᠠ
ᠠᠯᠢᠪᠠ ᠪᠦᠬᠦᠨ ᠊ᠢ ᠪᠢ
ᠠᠬᠢᠭᠠᠳ ᠨᠢᠭᠡ ᠤᠲᠠᠬ᠋ᠠ
ᠠᠰᠠᠭᠤᠯᠲᠠ ᠶ᠋ᠢᠨ ᠲᠡᠮᠲᠡᠭ ᠶ᠋ᠢᠡᠷ ᠴᠡᠭᠴᠡᠯᠡᠵᠦ ᠠᠪᠤᠨᠠ ᠡ
ᠥᠴᠥᠭᠡᠲᠦᠷ ᠦ᠋ᠨ ᠵᠡᠭᠦᠲᠦ
ᠥᠨᠥᠲᠥᠷ ᠦ᠋ᠨ ᠨᠢᠲᠦ
ᠡᠭᠦᠷᠴᠦ ᠶᠠᠪᠤᠬᠤ ᠬᠡᠷᠦᠭᠡᠰᠦ ᠮᠢᠨᠢ
ᠫᠤᠤ ᠳ᠋ᠦ᠍ ᠦᠷᠭᠦᠭᠰᠡᠨ ᠪᠦᠷᠭᠦᠳ ᠳᠠᠭᠠᠵᠤ
ᠳᠠᠭᠤᠤ ᠳ᠋ᠦ᠍ ᠥᠰᠦᠭᠰᠡᠨ ᠰᠡᠤᠠᠬᠢᠯ ᠮᠢᠨᠢ ᠡᠭᠦᠯᠡ ᠴᠣᠭᠣᠯᠤᠨ ᠪᠣᠰᠤᠨᠠ
ᠠᠭᠤᠯᠠ ᠡᠷᠭᠦᠬᠦ ᠡᠷᠡ ᠳᠠᠭᠠᠵᠤ
ᠲᠥᠷᠥ ᠡᠷᠭᠦᠬᠦ ᠪᠣᠲᠣᠯ ᠮᠢᠨᠢ ᠨᠠᠷᠠ ᠰᠢᠲᠦᠵᠦ ᠥᠰᠦᠨᠡ
ᠵᠠᠯᠠᠭᠤ ᠨᠠᠰᠤ ᠮᠢᠨᠢ
ᠡᠵᠢ ᠶ᠋ᠢᠨ ᠰᠦᠨ ᠪ ᠬᠠᠷᠢᠭᠤ ᠰᠠᠨᠠᠵᠤ
ᠡᠬᠡ ᠣᠷᠣᠨ ᠤ ᠬᠦᠰᠡᠯ ᠰᠠᠨᠠᠵᠤ
ᠲᠩᠷᠢ ᠶ᠋ᠢᠨ ᠴᠡᠩᠬᠡᠷ ᠬᠠᠭᠠᠯᠬ᠋ᠠ ᠶ᠋ᠢᠨ
ᠲᠡᠮᠦᠷ ᠣᠨᠢᠰᠣ ᠮᠤᠰᠬᠢᠨᠠ ᠡ
ᠵᠠᠯᠠᠭᠤ ᠰᠢᠯᠦᠭᠴᠢᠳ ᠦᠨ ᠴᠣᠪᠣᠷᠠᠯ ᠪᠢᠴᠢᠭ᠌
< ᠢᠷᠡᠬᠦ ᠵᠠᠭᠤᠨ ᠤ ᠬᠣᠩᠬᠣᠨ ᠳᠠᠭᠤᠨ > ᠡᠴᠡ ᠬᠠᠭᠤᠯᠪᠠ᠃
ᠲᠩᠷᠢ ᠡᠵᠢ ᠠᠮᠢᠯᠠᠭᠤᠯᠤᠨ ᠬᠠᠭᠤᠯᠪᠠ
ᠬᠢᠨᠠᠭ᠍ᠴᠢ ᠄ ᠴᠣᠯᠮᠣᠬ᠍ᠲᠤᠶᠠᠭᠠ ᠪᠠᠭ᠍ᠰᠢ
2023 ᠂4 ᠂12 ᠪ ᠡᠲᠦᠷ