ᠬᠡᠴᠡᠭᠦᠦ ᠯᠡ ᠪᠠᠢᠨ᠎ᠠ ᠳᠠ ᠡᠨᠡ ᠬᠣᠷᠸ᠋᠎ᠠ- ᠦ‍ · ᠪᠣᠷᠣᠭᠠᠨХэцүү л байна да энэ хорво-өө · бороон ᠰᠢᠯᠦᠭ ᠢᠷᠠᠭᠤ ᠨᠠᠢᠷᠠᠭ

　　　ᠦ‍ · ᠪᠣᠷᠣᠭᠠᠨ
ᠠᠭᠤᠯᠠ ᠬᠠᠶ᠋ᠢᠷᠬᠠᠨ ᠨᠢ ᠬᠣᠵᠢᠭᠢᠷ ᠪᠣᠯᠵᠤ
ᠤᠰᠤ ᠮᠥᠷᠡᠨ ᠨᠢ ᠱᠠᠯᠪᠠᠭ ᠪᠣᠯᠵᠤ
ᠤᠷᠭᠤᠮᠠᠯ ᠠᠮᠢᠲᠠᠨ ᠨᠢ ᠴᠥᠭᠡᠨ ᠪᠣᠯᠵᠤ
ᠤᠨᠠᠭᠠᠨ ᠪᠠᠶ᠋ᠢᠭᠠᠯᠢ ᠨᠢ ᠡᠯᠡᠰᠦ ᠪᠣᠯᠵᠤ
ᠬᠡᠴᠡᠭᠦᠦ ᠯᠡ ᠪᠠᠢᠨ᠎ᠠ ᠳᠠ ᠡᠨᠡ ᠬᠣᠷᠸ᠋᠎ᠠ

ᠣᠶᠤᠨ ᠰᠠᠨᠠᠭ᠎ᠠ ᠬᠣᠭᠣᠰᠣᠨ ᠪᠣᠯᠵᠤ
ᠤᠤᠭᠤᠳᠠᠭ ᠢᠳᠡᠳᠡᠭ ᠨᠢ ᠬᠣᠣᠷ ᠪᠣᠯᠵᠤ
ᠠᠭᠤᠷ ᠠᠮᠢᠰᠬᠤᠯ ᠨᠢ ᠪᠣᠬᠢᠷᠳᠠᠯ ᠪᠣᠯᠵᠤ
ᠤᠨᠤᠭᠰᠠᠨ ᠬᠦᠯᠦᠭ ᠨᠢ ᠲᠡᠮᠦᠷ ᠪᠣᠯᠵᠤ
ᠬᠡᠴᠡᠭᠦᠦ ᠯᠡ ᠪᠠᠢᠨ᠎ᠠ ᠳᠠ ᠡᠨᠡ ᠬᠣᠷᠸ᠋᠎ᠠ

ᠮᠠᠯ ᠠᠳᠤᠭᠤᠰᠤ ᠡᠷᠯᠢᠵᠡ ᠪᠣᠯᠵᠤ
ᠮᠡᠷᠭᠡᠳ ᠳ᠋ᠣᠺᠲ᠋ᠣᠷ ᠨᠢ ᠲᠡᠨᠡᠭ ᠪᠣᠯᠵᠤ
ᠮᠠᠯᠴᠢᠨ ᠲᠠᠷᠢᠶᠠᠴᠢᠨ ᠶᠠᠳᠠᠭᠤ ᠪᠣᠯᠵᠤ
ᠮᠠᠷᠭᠤᠭᠠᠨ ᠵᠢᠭᠤᠷᠠᠭᠠᠨ ᠨᠢ ᠰᠢᠭᠤᠷᠭ᠎ᠠ ᠪᠣᠯᠵᠤ
ᠬᠡᠴᠡᠭᠦᠦ ᠯᠡ ᠪᠠᠢᠨ᠎ᠠ ᠳᠠ ᠡᠨᠡ ᠬᠣᠷᠸ᠋᠎ᠠ

ᠲᠠᠯ᠎ᠠ ᠬᠠᠩᠭᠠᠢ ᠨᠢ ᠲᠣᠣᠷ ᠪᠣᠯᠵᠤ
ᠲᠠᠨ ᠤ᠋ ᠮᠠᠨ ᠤ᠋ ᠬᠡᠷᠡᠭᠦᠯ ᠪᠣᠯᠵᠤ
ᠲᠠᠩᠰᠤᠭ ᠰᠠᠢᠬᠠᠨ ᠨᠢ ᠦᠭᠡᠢ ᠪᠣᠯᠵᠤ
ᠲᠠᠪᠢᠯᠠᠩ ᠢᠷᠦᠭᠡᠯ ᠨᠢ ᠮᠥᠩᠭᠥ ᠪᠣᠯᠵᠤ
ᠬᠡᠴᠡᠭᠦᠦ ᠯᠡ ᠪᠠᠢᠨ᠎ᠠ ᠳᠠ ᠡᠨᠡ ᠬᠣᠷᠸ᠋᠎ᠠ

ᠮᠥᠰᠥ ᠴᠢᠨᠠᠷ ᠲᠠᠢ ᠨᠢ ᠴᠥᠭᠡᠬᠡᠨ ᠪᠣᠯᠵᠤ
ᠮᠥᠩᠭᠥᠨ ᠦ᠌ ᠪᠣᠭᠣᠯ ᠨᠢ ᠣᠯᠠᠨ ᠪᠣᠯᠵᠤ
ᠮᠡᠬᠡ ᠵᠠᠯᠢ ᠲᠠᠢ ᠨᠢ ᠪᠠᠶᠠᠨ ᠪᠣᠯᠵᠤ
ᠮᠠᠯᠴᠢᠨ ᠰᠣᠶᠣᠯ ᠨᠢ ᠲᠡᠦᠬᠡ ᠪᠣᠯᠵᠤ
ᠬᠡᠴᠡᠭᠦᠦ ᠯᠡ ᠪᠠᠢᠨ᠎ᠠ ᠳᠠ ᠡᠨᠡ ᠬᠣᠷᠸ᠋᠎ᠠ

ᠬᠣᠵᠢᠮ ᠢᠷᠡᠭᠡᠳᠦᠢ ᠪᠡᠨ ᠰᠡᠳᠬᠢᠮᠡᠷ ᠪᠠᠢᠨ᠎ᠠ
ᠬᠣᠪᠳᠣᠭ ᠰᠢᠨᠤᠬᠠᠢ ᠪᠠᠨ ᠲᠠᠶᠠᠭᠳᠠᠮᠠᠷ ᠪᠠᠢᠨ᠎ᠠ
ᠬᠣᠷᠸ᠋᠎ᠠ ᠳᠡᠯᠡᠬᠡᠢ ᠪᠡᠨ ᠬᠠᠶ᠋ᠢᠷᠠᠯᠠᠮᠠᠷ ᠪᠠᠢᠨ᠎ᠠ
ᠬᠣᠶ᠋ᠢᠴᠢᠰ ᠦᠷ᠎ᠡ ᠪᠡᠨ ᠪᠣᠳᠣᠮᠠᠷ ᠪᠠᠢᠨ᠎ᠠ !

    2023 ᠣᠨ ᠤ᠋4 ᠰᠠᠷ᠎ᠠ ᠶ᠋ᠢᠨ9 ᠡᠯᠡᠰᠦᠨ ᠰᠢᠭᠤᠷᠭᠠᠨ ᠲᠠᠢ ᠡᠳᠦᠷ

　　ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠄ᠣᠤᠠᠬᠣᠨᠴᠡᠴᠡᠭ
　　ᠬᠢᠨᠠᠭᠴᠢ ᠄ ᠣᠤᠠᠬᠠᠨᠰᠣ ‍ᠠ᠋