ᠮᠣᠩᠭᠣᠯ ᠣᠨᠢᠰᠤᠭᠠ ᠶᠢᠨ ᠲᠡᠭᠦᠪᠦᠷᠢ – ᠬᠣᠶᠠᠳᠤᠭᠠᠷ ᠪᠦᠯᠦᠭ –11 Монгол оньсгын түүвэр –Хоёрдугаар бүлэг– 11
1066ᠬᠣᠶᠠᠳᠤᠭᠠᠷ ᠪᠦᠯᠦᠭ – ᠠᠷᠠᠳ ᠦ᠋ᠨ ᠠᠮᠠ ᠪᠠᠷ ᠵᠣᠬᠢᠶᠠᠭᠲᠠᠭᠰᠠᠨ ᠣᠨᠢᠰᠣᠬ᠋ᠠ
ᠦᠳᠦᠲᠦ ᠰᠤᠳᠤᠲᠤ ᠵᠢᠭᠦᠷᠲᠡᠨ ᠤ ᠵᠦᠢᠯ
ᠬᠣᠶ᠋ᠢᠨᠠ ᠠ᠋ᠴᠠ ᠢᠷᠡᠭᠰᠡᠨ ᠬᠣᠪᠳᠣᠭ ᠨᠣᠶᠠᠨ
ᠬᠣᠶᠠᠷ ᠬᠦᠯ ᠨᠢ ᠵᠢᠷᠣᠭᠠ ᠨᠣᠶᠠᠨ
ᠰᠡᠭᠦᠯ ᠳᠡᠭᠡᠷᠡ ᠪᠡᠨ ᠨᠣᠭᠣᠭᠠᠨ ᠨᠣᠶᠠᠨ
ᠰᠡᠭᠦᠵᠢᠨ ᠳᠡᠭᠡᠷᠡ ᠪᠡᠨ ᠴᠠᠭᠠᠨ ᠨᠣᠶᠠᠨ
( ᠱᠠᠭᠠᠵᠠᠭᠠᠢ )
ᠠᠯᠠᠭ ᠮᠣᠷᠢ
ᠤᠨᠤᠰᠢ ᠦᠭᠡᠢ
( ᠱᠠᠭᠠᠵᠠᠭᠠᠢ )
ᠬᠦ᠋ ᠡᠴᠡ ᠬᠠᠷᠠ
ᠬᠥᠪᠥᠩ ᠡᠴᠡ ᠴᠠᠭᠠᠨ
ᠲᠠᠤᠯᠠᠢ ᠠ᠋ᠴᠠ ᠪᠠᠭᠠ
ᠲᠡᠮᠡᠭᠡ ᠡᠴᠡ ᠦᠨᠳᠦᠷ
( ᠱᠠᠭᠠᠵᠠᠭᠠᠢ )
ᠵᠡᠭᠦᠨᠲᠡᠢ ᠡᠴᠡ ᠢᠷᠡᠭᠰᠡᠨ
ᠵᠢᠭᠦᠷᠲᠡᠢ ᠠᠯᠠᠭ
ᠪᠠᠷᠠᠭᠤᠨᠲᠠᠢ ᠠ᠋ᠴᠠ ᠢᠷᠡᠭᠰᠡᠨ
ᠪᠠᠷᠬᠢᠷᠠᠭᠠ ᠠᠯᠠᠭ
ᠬᠣᠶ᠋ᠢᠨᠠ ᠠ᠋ᠴᠠ ᠢᠷᠡᠭᠰᠡᠨ ᠬᠣᠪᠳᠣᠭ ᠠᠯᠠᠭ
ᠡᠮᠦᠨᠡ ᠡᠴᠡ ᠢᠷᠡᠭᠰᠡᠨ ᠥᠩᠭᠡᠯᠵᠡᠭᠦᠷ ᠠᠯᠠᠭ
( ᠱᠠᠭᠠᠵᠠᠭᠠᠢ )
ᠠᠯᠠᠭ ᠡᠷᠢᠶᠡᠨ ᠪᠡᠶᠡ ᠲᠡᠢ
ᠠᠯᠲᠠᠨ ᠤᠷᠤᠭ ᠰᠢᠷᠡᠭᠡ ᠲᠡᠢ
( ᠱᠠᠭᠠᠵᠠᠭᠠᠢ )
ᠳᠠᠪ ᠳᠠᠪ ᠭᠦᠶᠦᠳᠡᠯ ᠲᠡᠢ
ᠳᠡᠭᠡ ᠶ᠋ᠢᠨ ᠰᠠᠭᠠᠷᠢᠨ ᠭᠤᠲᠤᠯ ᠲᠠᠢ
ᠠᠯᠠᠭ ᠪᠤᠯᠠᠭ ᠳᠡᠪᠡᠯ ᠲᠡᠢ
ᠠᠯᠲᠠᠨ ᠤᠷᠭᠠ ᠪᠠᠨ ᠴᠢᠷᠦᠭᠡ ᠲᠡᠢ
( ᠱᠠᠭᠠᠵᠠᠭᠠᠢ )
ᠨᠠᠮ ᠨᠠᠮ ᠶᠠᠪᠤᠳᠠᠯ ᠲᠠᠢ
ᠨᠠᠪᠴᠢᠨ ᠲᠣᠷᠭᠠᠨ ᠳᠡᠪᠡᠯ ᠲᠡᠢ
ᠰᠡᠪ ᠰᠡᠪ ᠶᠠᠪᠤᠳᠠᠯ ᠲᠠᠢ
ᠰᠡᠪᠢᠭᠢᠨ ᠰᠠᠭᠠᠷᠢ ᠶ᠋ᠢᠨ ᠭᠤᠲᠤᠯ ᠲᠠᠢ
( ᠱᠠᠭᠠᠵᠠᠭᠠᠢ )
ᠨᠠᠮ ᠨᠠᠮ ᠭᠦᠶᠦᠳᠡᠯ ᠲᠡᠢ
ᠨᠠᠪᠴᠢᠨ ᠲᠣᠷᠭᠠᠨ ᠳᠡᠪᠡᠯ ᠲᠡᠢ
ᠰᠥᠩ ᠰᠥᠩ ᠭᠦᠶᠦᠳᠡᠯ ᠲᠡᠢ
ᠰᠤᠬᠠᠢ ᠪᠦᠷᠢᠶᠡ ᠲᠠᠰᠢᠭᠤᠷ ᠲᠠᠢ
( ᠱᠠᠭᠠᠵᠠᠭᠠᠢ )
ᠬᠠᠳᠠᠨ ᠳᠡᠭᠡᠷᠡ ᠬᠠᠭᠳᠠ ᠡᠷᠢᠶᠡᠨ
ᠬᠠᠷᠠ ᠠᠯᠠᠭ ᠳᠡᠭᠳᠡ ᠡᠷᠢᠶᠡᠨ
ᠨᠤᠲᠤᠭ ᠳᠡᠭᠡᠷᠡ ᠨᠣᠭᠲᠠ ᠡᠷᠢᠶᠡᠨ
ᠨᠢᠷᠤᠭᠤ ᠴᠠᠭᠠᠨ ᠳᠡᠭᠳᠡ ᠡᠷᠢᠶᠡᠨ
( ᠱᠠᠭᠠᠵᠠᠭᠠᠢ )
ᠭᠠᠤᠯᠢᠨ ᠭᠠᠨᠳᠠᠩ ᠪᠦᠷᠢᠶᠡ ᠲᠡᠢ
ᠭᠤᠷᠪᠠᠨ ᠰᠠᠷᠠ ᠶ᠋ᠢᠨ ᠬᠤᠷᠠᠯ ᠲᠠᠢ
ᠡᠷᠢᠶᠡᠨ ᠢᠶ᠋ᠡᠷ ᠢᠶ᠋ᠡᠨ ᠮᠣᠭᠠᠢ ᠰᠢᠬ
ᠡᠪᠡᠷ ᠲᠡᠢ ᠪᠠᠷ ᠢᠶ᠋ᠠᠨ ᠪᠤᠭᠤ ᠰᠢᠬ
( ᠥᠪᠥᠭᠡᠯᠵᠢ )
ᠪᠤᠤᠷᠠ ᠰᠢᠭ᠋ ᠵᠣᠭᠳᠣᠷ ᠲᠠᠢ
ᠪᠤᠬᠠ ᠰᠢᠭ᠋ ᠡᠪᠡᠷ ᠲᠡᠢ
ᠪᠠᠷᠰ ᠰᠢᠭ᠋ ᠡᠷᠢᠶᠡᠨ
ᠪᠠᠭᠰᠢ ᠰᠢᠭ᠋ ᠨᠣᠮᠴᠢ
( ᠥᠪᠥᠭᠡᠯᠵᠢ )
ᠪᠠᠷᠠᠭᠤᠨ ᠭᠠᠵᠠᠷ ᠠ᠋ᠴᠠ ᠢᠷᠡᠭᠰᠡᠨ ᠰᠢᠭ᠌
ᠪᠠᠨᠴᠢᠨ ᠱᠣᠪᠣᠭᠣᠷ ᠮᠠᠯᠠᠭᠠ ᠲᠠᠢ
ᠬᠡᠢ ᠬᠣᠶᠠᠷ ᠳᠡᠪᠢᠭᠦᠷ ᠲᠡᠢ
ᠬᠡᠪᠢᠰ ᠦᠨ ᠬᠣᠶᠠᠷ ᠬᠦᠯᠢᠮ ᠲᠡᠢ
( ᠥᠪᠥᠭᠡᠯᠵᠢ)
ᠠᠶ᠋ᠢᠮᠠᠭ ᠢᠶ᠋ᠠᠷ ᠢᠶ᠋ᠠᠨ ᠪᠣᠷᠣ
ᠠᠵᠢᠷᠭᠠ ᠪᠠᠷ ᠢᠶ᠋ᠠᠨ ᠵᠢᠷᠣᠭᠠ
( ᠢᠲᠠᠭᠤ )
ᠬᠥᠭᠡᠷᠦᠭᠦᠨ ᠪᠦᠯᠲᠡᠭᠡᠷ
ᠬᠥᠳᠡᠭᠡ ᠶ᠋ᠢᠨ ᠴᠢᠳᠬᠦᠷ
ᠪᠦᠭᠦᠳᠡᠭᠡᠷ ᠢᠶ᠋ᠡᠨ ᠵᠢᠷᠣᠭᠠ
ᠰᠦᠷᠦᠭ ᠢᠶ᠋ᠡᠷ ᠢᠶ᠋ᠡᠨ ᠣᠷᠣᠭᠠ
( ᠢᠲᠠᠭᠤ )
ᠭᠤᠤ ᠭᠤᠤ ᠪᠠᠷ ᠭᠦᠶᠦᠳᠡᠭ
ᠭᠤᠷᠢᠶᠠᠩᠬᠠᠢ ᠬᠡᠯᠡ ᠪᠡᠷ ᠶᠠᠷᠢᠯᠴᠠᠳᠠᠭ
ᠬᠢᠷᠠ ᠬᠢᠷᠠ ᠪᠠᠷ ᠭᠦᠶᠦᠳᠡᠭ
ᠬᠢᠲᠠᠳ ᠮᠣᠩᠭᠣᠯ ᠢᠶ᠋ᠠᠷ ᠶᠠᠷᠢᠳᠠᠭ
( ᠢᠲᠠᠭᠤ )
ᠤᠳᠤᠮ ᠢᠶ᠋ᠠᠷ ᠢᠶ᠋ᠠᠨ ᠵᠢᠷᠣᠭᠠ
ᠤᠨᠠᠭᠠ ᠪᠠᠷ ᠢᠶ᠋ᠠᠨ ᠣᠷᠣᠭᠠ
( ᠢᠲᠠᠭᠤ )
ᠤᠯᠠᠭᠠᠨ ᠲᠣᠷᠭᠠᠨ ᠮᠠᠯᠠᠭᠠ ᠲᠠᠢ
ᠤᠭᠤᠴᠠᠨ ᠳᠡᠭᠡᠷᠡ ᠪᠡᠨ ᠰᠠᠵᠢᠯᠠᠭᠠ ᠲᠠᠢ
ᠴᠠᠭᠠᠨ ᠬᠢᠯᠢᠩ ᠬᠤᠪᠴᠠᠰᠤ ᠲᠠᠢ
ᠴᠠᠰᠢ ᠨᠡᠰᠢ ᠨᠠᠬᠢᠯᠵᠠᠳᠠᠭ
( ᠭᠠᠯᠠᠭᠤ )
ᠬᠥᠷ ᠬᠦᠷ ᠳᠠᠭᠤ ᠲᠠᠢ
ᠬᠦᠷᠡᠩ ᠤᠯᠠᠭᠠᠨ ᠴᠢᠷᠠᠢ ᠲᠠᠢ
( ᠭᠠᠯᠠᠭᠤ )
ᠱᠠᠨᠳᠦ᠋ᠩ ᠦᠨ ᠬᠡᠥᠬᠡᠨ
ᠱᠠᠯᠠᠢ ᠪᠠᠯᠠᠢ ᠬᠡᠯᠡ ᠲᠡᠢ
ᠰᠢᠷᠠ ᠲᠣᠷᠭᠠᠨ ᠡᠯᠢᠭᠡᠪᠴᠢ ᠲᠡᠢ
ᠰᠢᠪᠠᠷ ᠨᠤᠬᠤᠬᠤ ᠴᠢᠳᠠᠯ ᠲᠠᠢ
( ᠬᠠᠷᠢᠶᠠᠴᠠᠢ )
ᠬᠠᠷᠠ ᠲᠣᠷᠭᠠᠨ ᠲᠡᠷᠯᠢᠭ ᠲᠡᠢ
ᠬᠠᠶ᠋ᠢᠴᠢᠨ ᠬᠣᠶᠠᠷ ᠵᠢᠭᠦᠷ ᠲᠡᠢ
ᠬᠠᠯᠠᠭᠤᠨ ᠬᠥᠢᠲᠡᠨ ᠳᠦ ᠨᠡᠭᠦᠳᠡᠯ ᠲᠡᠢ
ᠬᠠᠯᠢᠵᠤ ᠳᠠᠭᠠᠷᠢᠬᠤ ᠡᠷᠳᠡᠮ ᠲᠡᠢ
( ᠬᠠᠷᠢᠶᠠᠴᠠᠢ )
ᠥᠭᠡᠳᠡᠩ ᠬᠠᠷᠠ ᠥᠳᠥ ᠲᠡᠢ
ᠦᠵᠦᠭᠦᠷ ᠰᠠᠯᠠᠭᠠ ᠰᠡᠭᠦᠯ ᠲᠡᠢ
ᠡᠪᠡᠰᠦ ᠰᠢᠪᠠᠷ ᠤᠨ ᠡᠭᠦᠷ ᠲᠡᠢ
ᠥᠳᠥ ᠬᠣᠷᠣᠬᠠᠢ ᠶ᠋ᠢᠨ ᠢᠳᠡᠰᠢ ᠲᠡᠢ
( ᠬᠠᠷᠢᠶᠠᠴᠠᠢ )
ᠮᠠᠯᠠᠭᠠ ᠶ᠋ᠢᠨ ᠴᠢᠨᠡᠭᠡ ᠪᠡᠶᠡ ᠲᠡᠢ
ᠮᠠᠷᠢᠶᠠ ᠽᠠᠨᠳᠠᠨ ᠳᠠᠭᠤ ᠲᠠᠢ
( ᠬᠦᠬᠦᠭᠡ )
ᠰᠥᠨᠢ ᠰᠥᠨᠢ ᠳᠠᠭᠤ ᠲᠠᠢ
ᠰᠦᠬᠡ ᠶ᠋ᠢᠨ ᠴᠢᠨᠡᠭᠡ ᠪᠡᠶᠡ ᠲᠡᠢ
( ᠬᠦᠬᠦᠭᠡ )
ᠡᠪᠡᠷ ᠡᠷᠢᠶᠡᠨ
ᠡᠯᠢᠭᠡ ᠨᠣᠭᠣᠭᠠᠨ
ᠬᠥᠯ ᠵᠢᠷᠣᠭᠠᠬᠠᠨ
ᠬᠦᠵᠦᠭᠦᠦ ᠴᠠᠭᠠᠬᠠᠨ
( ᠬᠦᠬᠦᠭᠡ )
ᠪᠤᠳᠠᠨ ᠪᠤᠮᠪᠠᠨ ᠲᠣᠯᠣᠭᠠᠢ ᠲᠠᠢ
ᠪᠤᠷᠤᠭᠤ ᠰᠡᠭᠦᠲᠡᠷ ᠨᠤᠲᠤᠭ ᠲᠠᠢ
ᠪᠤᠷᠬᠠᠨ ᠪᠠᠭᠰᠢ ᠶ᠋ᠢᠨ ᠰᠠᠭᠤᠲᠠᠯ ᠲᠠᠢ
ᠲᠩᠷᠢ ᠶ᠋ᠢᠨ ᠴᠣᠯᠮᠣᠨ ᠨᠢᠲᠦ ᠲᠡᠢ
ᠲᠡᠮᠡᠭᠡᠨ ᠬᠠᠯᠢᠭᠤᠨ ᠵᠢᠰᠦ ᠲᠡᠢ
( ᠰᠢᠷᠠ ᠰᠢᠪᠠᠭᠤ )
ᠭᠦᠩ ᠭᠦᠩ ᠳᠠᠭᠤ ᠲᠠᠢ
ᠬᠦᠷᠡᠩ ᠡᠷᠢᠶᠡᠨ ᠵᠠᠯᠠᠬ᠋ᠠ ᠲᠠᠢ
ᠳᠠᠯᠠᠢ ᠵᠠᠩᠬᠢ ᠶ᠋ᠢᠨ ᠰᠤᠮᠤᠨ ᠳ᠋ᠦ᠍
ᠳᠠᠨᠽᠠᠨ ᠮᠡᠶ᠋ᠢᠷᠡᠨ ᠪ ᠬᠤᠰᠢᠭᠤᠨ ᠳ᠋ᠦ᠍
( ᠰᠢᠷᠠ ᠰᠢᠪᠠᠭᠤ )
ᠪᠦᠲᠦᠭᠦᠨ ᠶᠡᠬᠡ ᠳᠠᠭᠤ ᠲᠠᠢ
ᠪᠣᠷᠣ ᠡᠷᠢᠶᠡᠨ ᠳᠡᠪᠡᠯ ᠲᠡᠢ
ᠬᠠᠷᠠᠩᠭᠤᠢ ᠰᠥᠨᠢ ᠠᠵᠢᠯ ᠲᠠᠢ
ᠬᠠᠵᠠᠭᠤ ᠳ᠋ᠦ᠍ ᠰᠠᠭᠤᠬᠤ ᠳᠤᠷᠠ ᠲᠠᠢ
( ᠰᠢᠷᠠ ᠰᠢᠪᠠᠭᠤ )
ᠪᠠᠯᠲᠠᠨ ᠲᠠᠶ᠋ᠢᠵᠢ ᠶ᠋ᠢᠨ ᠬᠥᠪᠡᠭᠦᠨ
ᠪᠠᠷᠠᠭᠠᠨ ᠡᠷᠢᠶᠡᠨ ᠬᠦᠷᠮᠡ ᠲᠡᠢ
ᠬᠡᠢ ᠬᠣᠶᠠᠷ ᠬᠥᠯ ᠲᠡᠢ
ᠬᠢᠮᠡᠯ ᠬᠣᠶᠠᠷ ᠤᠲᠤᠬ᠋ᠠ ᠲᠠᠢ
ᠣᠰᠤᠨ ᠰᠠᠶ᠋ᠢᠪᠤᠷ ᠭᠦᠶᠦᠲᠡᠯ ᠲᠡᠢ
ᠤᠯᠠᠭᠠᠨ ᠽᠠᠨᠲᠠᠨ ᠪᠦᠷᠢᠶᠡ ᠲᠡᠢ
( ᠤᠯᠠᠭᠠᠨ ᠬᠣᠰᠢᠭᠤᠲᠤ ᠰᠢᠪᠠᠭᠤ )
ᠬᠠᠷᠠ ᠬᠦᠬᠦᠷ
ᠤᠯᠠᠭᠠᠨ ᠬᠠᠯᠢᠪ ( ᠪᠦᠷᠬᠦᠭᠡᠰᠦ ) ᠲᠡᠢ
( ᠤᠯᠠᠭᠠᠨ ᠬᠣᠰᠢᠭᠤᠲᠤ ᠰᠢᠪᠠᠭᠤ )
ᠬᠠᠷᠠ ᠳᠠᠩᠬᠤ
ᠤᠯᠠᠭᠠᠨ ᠪᠥᠭᠯᠡᠭᠡ ᠲᠡᠢ
( ᠤᠯᠠᠭᠠᠨ ᠬᠣᠰᠢᠭᠤᠲᠤ ᠰᠢᠪᠠᠭᠤ )
ᠬᠠᠲᠠᠨ ᠠᠷᠤ ᠶ᠋ᠢᠨ ᠬᠠᠷᠠ ᠦᠬᠡᠷ
ᠬᠠᠪᠲᠠᠭᠠᠢ ᠡᠪᠡᠷ ᠶ᠋ᠢᠡᠷ ᠶ᠋ᠢᠡᠨ ᠤᠰᠤ ᠤᠤᠭᠤᠨᠠ
( ᠬᠡᠷᠢᠶᠡ )
ᠥᠨᠲᠥᠷ ᠮᠣᠲᠣ ᠬᠠᠲᠠᠨᠠ ᠬᠡᠪᠲᠡᠭᠴᠢ
ᠦᠨᠡᠭᠡ ᠴᠢᠨᠣᠠ ᠶ᠋ᠢᠨ ᠦᠨᠡᠨᠴᠢ ᠬᠠᠨᠢ
ᠤᠯᠠᠢ ᠰᠡᠭ ᠊ᠢ ᠤᠯᠠᠨᠠ ᠵᠠᠷᠯᠠᠭᠴᠢ
ᠤᠴᠠᠷᠠᠯ ᠮᠠᠭᠤ ᠶ᠋ᠢ ᠤᠷᠢᠲᠠᠪᠡᠷ ᠵᠦᠩᠨᠡᠭᠴᠢ
( ᠬᠡᠷᠢᠶᠡ )
ᠠᠯᠴᠠᠩ ᠠᠯᠴᠠᠩ ᠠᠯᠬᠤᠲᠠᠯ ᠲᠠᠢ
ᠠᠯᠲᠠᠨ ᠬᠠᠯᠪᠠᠬ᠋ᠠ ᠠᠮᠠ ᠲᠠᠢ
ᠠᠯᠠᠭ ᠡᠷᠢᠶᠡᠨ ᠬᠦᠵᠦᠭᠦᠦ ᠲᠡᠢ
ᠠᠯᠠᠬ᠋ᠠ ᠨᠢ ᠪᠢᠲᠡᠭᠦᠦ ᠲᠠᠪᠠᠭ ᠲᠠᠢ
( ᠨᠤᠭᠤᠰᠤ )
ᠭᠣᠵᠣᠭᠣᠷ ᠱᠠ ᠮᠠᠯᠠᠬ᠋ᠠ ᠲᠠᠢ
ᠠᠯᠲᠠᠨ ᠥᠩᠭᠡ ᠶ᠋ᠢᠨ ᠬᠦᠷᠮᠡ ᠲᠡᠢ
ᠭᠠᠤᠯᠢᠨ ᠽᠠᠨᠲᠠᠨ ᠪᠦᠷᠢᠶᠡ ᠲᠡᠢ
ᠭᠤᠷᠪᠠᠨ ᠴᠠᠭ ᠦ᠋ᠨ ᠬᠤᠷᠠᠯ ᠲᠠᠢ
( ᠡᠷᠡᠭᠴᠢᠨ ᠲᠠᠬᠢᠶᠠ )
ᠨᠠᠷᠠᠨ ᠳᠣᠣᠭᠤᠷ ᠭᠦᠶᠦᠳᠡᠭ ᠬᠡᠦᠬᠡᠨ
ᠨᠠᠷᠢᠬᠠᠨ ᠬᠤᠭᠤᠷ ᠶ᠋ᠢᠠᠨ ᠲᠠᠲᠠᠲᠠᠭ ᠬᠡᠦᠬᠡᠨ
ᠰᠠᠷᠠᠨ ᠳᠣᠣᠭᠤᠷ ᠭᠦᠶᠦᠳᠡᠭ ᠬᠡᠦᠬᠡᠨ
ᠰᠠᠶ᠋ᠢᠬᠠᠨ ᠬᠤᠭᠤᠷ ᠶ᠋ᠢᠠᠨ ᠲᠠᠲᠠᠲᠠᠭ ᠬᠡᠦᠬᠡᠨ
( ᠬᠤᠨ )
ᠡᠷᠲᠡ ᠪᠣᠰᠤᠨ ᠡᠷᠡᠮᠡᠬᠡᠢ ᠳᠤᠤᠭᠠᠷᠤᠨᠠ
ᠡᠭᠦᠲᠡ ᠶ᠋ᠢ ᠨᠡᠭᠡᠭᠡᠯᠭᠡᠨ ᠡᠲᠦᠷ ᠪᠣᠯᠭᠠᠨᠠ
( ᠡᠷᠡᠭᠴᠢᠨ ᠲᠠᠬᠢᠶᠠ )
ᠪᠠᠬ᠋ᠠ ᠤᠯᠠᠭᠠᠨ ᠵᠡᠯᠡ ᠪᠡᠨ ᠣᠷᠣᠢ ᠳᠡᠭᠡᠷᠡ ᠪᠡᠨ ᠴᠢᠮᠡᠭᠡᠳ
ᠪᠠᠶ᠋ᠢᠲᠠᠭ ᠰᠠᠶ᠋ᠢᠬᠠᠨ ᠬᠤᠪᠴᠠᠰᠤ ᠪᠠᠨ
ᠪᠡᠶᠡ ᠳᠡᠭᠡᠷᠡ ᠪᠡᠨ ᠬᠡᠲᠦᠷᠴᠦ
ᠪᠠᠷᠬᠢᠷᠠᠨ ᠵᠠᠩᠲᠤᠷᠬᠤ ᠶ᠋ᠢᠨ ᠦᠶᠡ ᠳ᠋ᠤᠷ
ᠪᠠᠶ᠋ᠢᠲᠠᠭ ᠡᠭᠦᠲᠡ ᠪᠦᠬᠦᠨ ᠨᠡᠭᠡᠭᠡᠭᠳᠡᠨᠡ
( ᠡᠷᠡᠭᠴᠢᠨ ᠲᠠᠬᠢᠶᠠ )
ᠪᠠᠭᠠᠬᠠᠨ ᠪᠡᠶᠡ ᠲᠡᠢ ᠪᠣᠯᠪᠠᠴᠤ
ᠪᠠᠤᠠᠮᠠᠷᠠᠭ ᠳᠡᠪᠡᠯ ᠊ᠢ ᠳᠠᠪᠬᠤᠷ ᠳᠠᠪᠬᠤᠷ ᠡᠮᠦᠰᠴᠦ
ᠪᠠᠭᠯᠠᠷᠠᠨ ᠤᠷᠭᠤᠭᠰᠠᠨ ᠴᠡᠴᠡᠭ ᠊ᠢ ᠣᠷᠣᠢ ᠳᠡᠭᠡᠷᠡ ᠪᠡᠨ ᠬᠠᠤᠠᠬᠤᠵᠤ
ᠪᠠᠷᠬᠢᠷᠠᠬᠤ ᠳᠠᠭᠤᠨ ᠶ᠋ᠢᠠᠷ ᠮᠢᠩᠭᠠᠨ ᠡᠭᠦᠲᠡ ᠶ᠋ᠢ ᠨᠡᠭᠡᠭᠡᠨᠡ
( ᠡᠷᠡᠭᠴᠢᠨ ᠲᠠᠬᠢᠶᠠ )
ᠲᠥᠷᠥ ᠶ᠋ᠢᠨ ᠳᠡᠪᠡᠯ ᠮᠠᠯᠠᠭᠠᠢ ᠪᠠᠨ ᠡᠮᠦᠰᠴᠦ
ᠲᠥᠪᠳᠡᠭᠰᠡᠨ ᠴᠠᠭ ᠶ᠋ᠢᠠᠨ ᠠᠯᠲᠠᠬᠤ ᠦᠭᠡᠢ
ᠲᠥᠪ ᠵᠣᠭᠰᠣᠭᠠᠳ ᠳᠠᠭᠤᠨ ᠭᠠᠷᠪᠠᠯ
ᠲᠦᠮᠡᠨ ᠡᠭᠦᠲᠡ ᠨᠡᠭᠡᠭᠡᠭᠳᠡᠨᠡ
( ᠡᠷᠡᠭᠴᠢᠨ ᠲᠠᠬᠢᠶᠠ )
ᠤᠨᠠᠭᠰᠠᠨ ᠪᠤᠲᠠᠬ᠋ᠠ ᠶ᠋ᠢ ᠲᠡᠭᠦᠭᠴᠢ
ᠤᠨᠲᠠᠭᠰᠠᠨ ᠬᠥᠮᠦᠨ ᠊ᠢ ᠰᠡᠷᠢᠭᠡᠭᠴᠢ
( ᠡᠷᠡᠭᠴᠢᠨ ᠲᠠᠬᠢᠶᠠ )
ᠭᠤᠳ ᠭᠤᠳ ᠳᠠᠭᠤ ᠲᠠᠢ
ᠭᠣᠶᠣ ᠡᠷᠢᠶᠡᠨ ᠳᠠᠬᠤ ᠲᠠᠢ
ᠬᠥᠪᠴᠢ ᠣᠢ ᠳ᠋ᠦ᠍ ᠨᠤᠲᠤᠭ ᠲᠠᠢ
ᠬᠥᠨᠲᠡᠢ ᠵᠢᠯᠠᠬ᠋ᠠ ᠳ᠋ᠦ᠍ ᠪᠠᠭᠤᠲᠠᠯ ᠲᠠᠢ
( ᠭᠤᠷᠭᠤᠤᠯ )
ᠬᠣᠣᠷᠯᠠᠬᠤ ᠮᠠᠭᠤ ᠶᠠᠪᠤᠲᠠᠯ ᠲᠠᠢ
ᠬᠣᠣᠷᠲᠤ ᠮᠣᠭᠠᠢ ᠶ᠋ᠢᠨ ᠰᠡᠭᠦᠯ ᠲᠡᠢ
ᠭᠣᠵᠣᠭᠣᠷ ᠤᠷᠲᠤ ᠪᠡᠶᠡ ᠲᠡᠢ
ᠭᠣᠭᠴᠣᠬ᠋ᠠ ᠲᠣᠭᠣᠷᠢᠬ ᠬᠣᠰᠢᠭᠤ ᠲᠠᠢ
( ᠲᠣᠩᠰᠢᠭᠤᠯ )
ᠫᠠᠭᠮᠠ ᠬᠠᠲᠤᠨ
ᠳᠠᠯᠠᠨ ᠳᠠᠪᠬᠤᠷ ᠨᠥᠮᠥᠷᠭᠡ ᠲᠡᠢ
( ᠲᠠᠭᠲᠠᠬ᠋ᠠ )
ᠬᠥᠳ ᠬᠥᠳ ᠳᠠᠭᠤ ᠲᠠᠢ
ᠭᠡᠷ ᠦ᠋ᠨ ᠰᠠᠷᠠᠪᠴᠢᠨ ᠳ᠋ᠦ᠍ ᠨᠤᠲᠤᠭ ᠲᠠᠢ
ᠬᠠᠶ᠋ᠢᠷ ᠴᠢᠯᠠᠭᠤᠨ ᠬᠣᠭᠣᠯᠠ ᠲᠠᠢ
ᠬᠠᠯᠢᠨ ᠨᠢᠰᠬᠦ ᠡᠷᠲᠡᠮ ᠲᠡᠢ
ᠰᠦ᠋ ᠰᠢᠭ᠌ ᠰᠡᠤᠠᠬᠢᠯ ᠲᠡᠢ
ᠰᠦᠷᠦᠭᠯᠡᠨ ᠶᠠᠪᠤᠬᠤ ᠵᠠᠩᠰᠢᠯ ᠲᠠᠢ
( ᠲᠠᠭᠲᠠᠬ᠋ᠠ )
ᠬᠦᠦᠷ ᠬᠦᠦᠷ ᠳᠠᠭᠤ ᠲᠠᠢ
ᠬᠥᠬᠡ ᠢᠮᠠᠬ᠋ᠠ ᠶ᠋ᠢᠨ ᠳᠠᠬᠤ ᠲᠠᠢ
ᠬᠥᠬᠡ ᠪᠤᠷᠴᠠᠭ ᠦ᠋ᠨ ᠨᠢᠲᠦ ᠲᠡᠢ
( ᠲᠠᠭᠲᠠᠬ᠋ᠠ )
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ᠄ ᠳ᠋ᠦ᠋ᠩ ᠹᠧᠩ ᠂ ᠮᠢᠩᠭᠠᠳ · ᠴᠢᠮᠡᠭ
ᠬᠢᠨᠠᠭᠴᠢ ᠄ ᠬᠠᠷᠠᠨᠤᠳ · ᠲᠤᠶᠠᠭᠠ ᠂ ᠮᠢᠩᠭᠠᠳ · ᠴᠢᠮᠡᠭ