ᠵᠡᠭᠦᠳᠦᠨ ᠵᠢᠵᠢᠭ ᠴᠢᠯᠠᠭᠤᠳ – ᠲ ᠂ ᠭᠣᠮᠪᠣᠵᠠᠪ Зүүдэн жижиг чулууд – Т ᠂ Гомбожав
262ᠵᠡᠭᠦᠳᠦᠨ ᠵᠢᠵᠢᠭ ᠴᠢᠯᠠᠭᠤᠳ
ᠲ · ᠭᠣᠮᠪᠣᠵᠠᠪ
ᠣᠮᠣᠷᠬᠠᠭ ᠵᠠᠩ ᠂ ᠳᠠᠷᠤᠤ ᠠᠭᠠᠯᠢ
ᠪᠣᠯᠵᠣᠮᠣᠷ ᠦᠲᠦ ᠵᠠᠭᠤᠵᠤ
ᠪᠤᠷᠭᠠᠰᠤᠨ ᠣᠷᠣᠢ ᠳ᠋ᠤ᠌ ᠠᠭᠤᠯᠠ ᠪᠣᠯᠤᠨ ᠰᠠᠭᠤᠨᠠ
ᠠᠭᠤᠯᠠ ᠂ ᠨᠢᠷᠤᠭᠤᠨ ᠳ᠋ᠠᠭᠠᠨ ᠬᠠᠲᠠ ᠡᠭᠦᠷᠴᠦ
ᠠᠭᠠᠷ ᠳᠤᠮᠳᠠ ᠬᠤᠨ ᠪ ᠦᠲᠦ ᠰᠢᠭ᠌ ᠬᠥᠪᠪᠦᠨᠡ
ᠳᠡᠯᠡᠬᠡᠢ ᠂ ᠬᠣᠷᠸ᠋ᠠ ᠡᠷᠭᠢᠨ ᠠᠶᠠᠯᠠᠬᠤ ᠳ᠋ᠠᠭᠠᠨ
ᠳᠡᠭᠡᠷᠡ ᠨᠢ ᠬᠥᠪᠬᠦ ᠬᠤᠨ ᠪ ᠦᠲᠦᠨ ᠳ᠋ᠤ᠌ ᠶᠠᠲᠠᠷᠠᠲᠠᠭ ᠪᠠᠶ᠋ᠢᠨᠠᠮ !
ᠵᠠᠮ ᠦ᠋ᠨ ᠲᠤᠬᠠᠢ ᠶᠠᠷᠢᠶᠠ
ᠲᠡᠨᠡᠭᠦᠷ ᠪᠤᠤ ᠶᠠᠪᠤ ᠂ ᠡᠨᠡᠭᠦᠷ ᠶᠠᠪᠤ
ᠲᠥᠭᠡᠷᠢᠨᠡ ᠭᠡᠵᠦ ᠴᠢ ᠨᠠᠲᠠ ᠬᠡᠯᠡᠯᠡ
ᠭᠣᠷᠣᠬᠠ ᠶ᠋ᠢᠨ ᠤᠰᠤᠨ ᠳ᠋ᠤ᠌ ᠴᠢᠯᠠᠭᠤ ᠬᠡᠶ᠋ᠢᠰᠦᠨᠡ
ᠴᠡᠴᠡᠭ ᠵᠡᠭᠦᠭᠰᠡᠨ ᠠᠷᠪᠠᠳ ᠦ᠋ᠨ ᠰᠠᠷᠠ
ᠴᠢᠨᠦ ᠵᠡᠭᠦᠲᠦ ᠶ᠋ᠢ ᠮᠠᠨᠠᠵᠤ ᠪᠠᠶ᠋ᠢᠬ ᠡ
ᠵᠣᠷᠢᠬ ᠳᠥᠷᠥᠭᠡᠯᠡᠨ ᠶᠠᠪᠤᠬ᠋ᠠ ᠬᠥᠮᠦᠨ
ᠵᠠᠮ ᠦ᠋ᠨ ᠵᠢᠯᠣᠭᠣ ᠠᠤᠠᠬᠤᠲᠠᠭ ᠶᠤᠮ ᠰᠢᠦ
ᠲᠥᠭᠡᠷᠢᠯ ᠮᠢᠨᠤᠬᠢ ᠪᠢᠰᠢ ᠡ
ᠵᠡᠭᠦᠲᠦ
ᠰᠠᠯᠬᠢ ᠶᠠᠲᠠᠷᠠᠵᠤ ᠂ ᠡᠪᠡᠰᠦᠨ ᠨᠠᠮᠠᠭᠠᠨ ᠳ᠋ᠤ᠌ ᠪᠥᠳᠥᠷᠢᠭᠰᠡᠭᠡᠷ
ᠰᠠᠪᠠᠵᠤ ᠤᠨᠠᠭᠠᠳ ᠰᠢᠷᠣᠢ ᠳᠡᠷᠡᠯᠡᠨ ᠨᠣᠶ᠋ᠢᠷᠰᠤᠪᠠ
ᠰᠠᠷᠠ ᠂ ᠬᠥᠯ ᠦᠭᠡᠢ ᠤᠰᠤᠨ ᠳ᠋ᠤ᠌ ᠴᠢᠮᠡᠭᠡ ᠦᠭᠡᠢ ᠲᠣᠨᠣᠵᠠᠢ
ᠠᠮᠢ ᠂ ᠠᠮᠢ ᠦᠭᠡᠢ ᠠᠯᠢᠪᠠ ᠪᠦᠬᠦᠨ
ᠠᠵᠢᠯᠯᠠᠬ᠋ᠠ ᠵᠠᠪᠰᠠᠷᠯᠠᠵᠤ
ᠨᠣᠶ᠋ᠢᠷ ᠂ ᠡᠷᠡ ᠶ᠋ᠢᠨ ᠪᠡᠶᠡ ᠡᠴᠡ ᠶᠠᠲᠠᠷᠠᠯ ᠠᠷᠴᠢᠨᠠ
ᠲᠠᠯᠠ ᠳᠤᠭᠤᠢ ᠂ ᠠᠭᠤᠯᠠ ᠳᠤᠭᠤᠢ
ᠲᠠᠭ ᠳᠤᠭᠤᠢ ᠬᠣᠷᠸ᠋ᠠ ᠳ᠋ᠤ᠌
ᠳᠣᠮᠣᠭ ᠂ ᠵᠢᠷᠦᠬᠡ ᠨᠣᠭᠣᠭᠠᠨ ᠬᠡᠦᠬᠡᠳ ᠭᠥᠲᠦᠯᠵᠤ
ᠣᠷᠣᠨ ᠴᠠᠭ ᠦ᠋ᠨ ᠬᠢᠵᠠᠭᠠᠷ ᠡᠪᠲᠡᠵᠦ ᠡᠬᠢᠯᠡᠨᠡᠮ ᠁
ᠵᠣᠯ ᠵᠢᠷᠭᠠᠯ
ᠠᠮᠤᠭᠤᠯᠠᠩ ᠮᠡᠲᠡᠭᠡᠯᠡᠭᠰᠡᠨ ᠭᠡᠷ ᠦ᠋ᠨ ᠶ᠋ᠢᠡᠨ ᠴᠢᠮᠡᠭᠡ ᠶ᠋ᠢ ᠲᠦᠰᠢᠵᠦ
ᠠᠮᠲᠠᠲᠠᠶ᠋ᠢᠬᠠᠨ ᠤᠨᠲᠠᠬᠤ ᠬᠣᠩᠭᠣᠷ ᠦ᠋ᠨ ᠶ᠋ᠢᠠᠨ ᠵᠡᠭᠦᠲᠦ ᠶ᠋ᠢ ᠮᠠᠨᠠᠨ
ᠠᠶ᠋ᠢᠯᠴᠢᠨ ᠡᠭᠦᠯᠡ ᠰᠠᠷᠠ ᠡᠷᠭᠢᠵᠦ ᠨᠠᠭᠠᠤᠠᠬᠤ
ᠠᠯᠤᠰ ᠦ᠋ᠨ ᠪᠠᠷᠠ ᠶ᠋ᠢ ᠭᠡᠭᠡᠪᠴᠢ ᠶ᠋ᠢᠨ ᠳᠣᠲᠣᠷᠠ ᠠ᠋ᠴᠠ ᠬᠤᠷᠢᠶᠠᠵᠤ
ᠦᠯᠦ ᠮᠡᠲᠡᠬᠦ ᠬᠣᠯᠠ ᠶ᠋ᠢᠨ ᠵᠠᠢ ᠤᠷᠤᠭᠤ
ᠦᠯᠦ ᠮᠡᠲᠡᠬᠦ ᠪᠣᠲᠣᠯ ᠰᠢᠪᠡᠨᠡᠵᠦ
ᠮᠠᠢ ! ᠭᠡᠵᠦ ᠭᠡᠷᠡᠯ ᠶ᠋ᠢᠡᠨ ᠥᠭᠭᠦᠭᠰᠡᠨ ᠳ᠋ᠧᠩ ᠲᠡᠢ ᠪᠡᠨ
ᠮᠢᠨᠦ ᠪᠡᠶᠡ ᠵᠢᠷᠭᠠᠯ ᠰᠢᠮᠡᠵᠦ ᠰᠠᠭᠤᠨᠠᠮ !
ᠰᠥᠨᠢ
ᠰᠡᠭᠦᠲᠡᠷ ᠬᠢᠵᠠᠭᠠᠷ ᠦᠭᠡᠢ ᠰᠤᠨᠵᠤ ᠂ ᠪᠢ
ᠰᠤᠮᠤ ᠤᠨᠤᠭᠰᠠᠨ ᠰᠢᠭ᠋ ᠬᠤᠷᠲᠤᠨ ᠥᠰᠴᠦ ᠪᠠᠶ᠋ᠢᠨᠠ
ᠡᠩ ᠥᠷᠭᠡᠨ ᠬᠠᠷᠠ ᠬᠥᠨᠵᠢᠯᠡ
ᠡᠪᠬᠡᠭᠡᠰᠦ ᠪᠡᠨ ᠳᠡᠯᠭᠡᠯᠡ
ᠬᠦᠦ ᠶ᠋ᠢᠨ ᠮᠢᠨᠢ ᠡᠭᠦᠲᠡ ᠶ᠋ᠢ ᠪᠤᠭᠤᠷᠤᠯ ᠳᠣᠮᠣᠭ
ᠬᠥᠪ ᠬᠥᠩᠭᠡᠬᠡᠨ ᠲᠣᠭᠰᠢᠵᠤ
ᠡᠷᠡ ᠶ᠋ᠢᠨ ᠪᠣᠲᠣᠯ ᠂ ᠬᠣᠯᠠ ᠶ᠋ᠢᠨ ᠵᠠᠢ ᠤᠷᠤᠭᠤ
ᠮᠣᠷᠢ ᠡᠮᠡᠭᠡᠯᠯᠡᠵᠦ ᠪᠠᠶ᠋ᠢᠨᠠ
ᠴᠠᠭᠠᠨ ᠲᠣᠯᠪᠣ ᠬᠠᠷᠠᠭᠲᠠᠬᠤ ᠦᠭᠡᠢ
ᠴᠤᠯᠭᠤᠢ ᠬᠠᠷᠠ ᠥᠩᠭᠡ
ᠨᠠᠭᠠᠨᠠ ᠨᠢ ᠂ ᠨᠠᠷᠠ ᠭᠡᠭᠡᠨ ᠡᠲᠦᠷ
ᠨᠠᠪᠴᠢᠲᠤ ᠨᠣᠭᠣᠭᠠᠨ ᠡᠬᠡ ᠶ᠋ᠢᠨ ᠬᠡᠪᠡᠯᠢ ᠢᠰᠭᠦᠯᠦᠨᠡᠮ !
ᠵᠠᠯᠠᠭᠤ ᠰᠢᠯᠦᠭᠴᠢᠳ ᠦᠨ ᠴᠣᠪᠣᠷᠠᠯ ᠪᠢᠴᠢᠭ᠌
< ᠢᠷᠡᠬᠦ ᠵᠠᠭᠤᠨ ᠤ ᠬᠣᠩᠬᠣᠨ ᠳᠠᠭᠤᠨ > ᠡᠴᠡ ᠬᠠᠭᠤᠯᠪᠠ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ ᠄ ᠳᠠᠪᠰᠢᠯᠲᠦ
ᠬᠢᠨᠠᠭ᠍ᠴᠢ ᠄ ᠴᠣᠯᠮᠣᠬ᠍ᠲᠤᠶᠠᠭᠠ ᠪᠠᠭ᠍ᠰᠢ
2023 ᠣᠨ ᠪ4 ᠰᠠᠷᠠ ᠶ᠋ᠢᠨ9