ᠡᠷᠡ ᠶᠢᠨ ᠣᠩᠭᠣᠨ ᠰᠦᠷ – ᠲ ᠂ ᠭᠣᠮᠪᠣᠵᠠᠪ Эрийн онгон сүр – Т ᠂ Гомбожав
314ᠡᠷᠡ ᠶᠢᠨ ᠣᠩᠭᠣᠨ ᠰᠦᠷ
1
ᠳᠡᠭᠡᠷᠡ ᠪᠡᠨ ᠬᠡᠵᠢᠶᠡᠳᠡ ᠲᠣᠭᠣᠰᠣ ᠬᠦᠷᠭᠡᠳᠡᠭ ᠦᠭᠡᠢ
ᠳᠡᠷᠭᠡᠳᠡ ᠪᠡᠨ ᠶᠡᠷᠦ ᠰᠡᠭᠦᠳᠡᠷ ᠪᠠᠶ᠋ᠢᠯᠭᠠᠲᠠᠭ ᠦᠭᠡᠢ
ᠡᠷᠡ ᠶ᠋ᠢᠨ ᠣᠩᠭᠣᠨ ᠰᠦᠷ ᠡᠨᠡ ᠬᠣᠷᠸ᠋ᠠ ᠶ᠋ᠢᠨ ᠴᠢᠮᠡᠭ !
ᠬᠡᠪᠡᠯᠢ ᠢᠰᠬᠦᠯᠦᠨ ᠡᠬᠡᠡᠴᠡ ᠲᠥᠷᠥᠭᠰᠡᠨ ᠪᠡᠶᠡ ᠶ᠋ᠢᠨ
ᠬᠡᠭᠦᠳᠡᠭ ᠲᠡᠨᠢᠢᠨ ᠵᠣᠷᠢᠭ ᠪᠥᠰᠡᠯᠡᠭᠰᠡᠨ ᠦᠷᠡ ᠶ᠋ᠢᠨ
ᠵᠡᠭᠦᠳᠦᠨ ᠳ᠋ᠡᠭᠡᠨ ᠬᠠᠳᠠ ᠴᠠᠪᠴᠢᠭᠰᠠᠨ ᠵᠠᠮ ᠶ᠋ᠢᠠᠷ
ᠵᠢᠷᠦᠬᠡᠨ ᠳ᠋ᠡᠭᠡᠨ ᠠᠶᠤᠩᠭᠠ ᠵᠠᠵᠢᠯᠤᠭᠰᠠᠨ ᠮᠥᠷ ᠶ᠋ᠢᠠᠷ
ᠡᠷᠡ ᠶ᠋ᠢᠨ ᠣᠩᠭᠣᠨ ᠳᠡᠯ ᠪᠣᠰᠤᠭᠠ ᠰᠦᠷ
ᠡᠵᠡᠨ ᠶ᠋ᠢᠠᠨ ᠳᠠᠭᠠᠵᠤ ᠣᠮᠣᠭ ᠪᠣᠰᠤᠭᠠ ᠥᠰᠦᠨᠡ ᠡ
2
ᠡᠷᠡ ᠬᠥᠮᠦᠨ ᠪᠡᠶᠡ ᠪᠣᠰᠤᠭᠠ
ᠡᠳ᠋ᠯᠡᠬᠦ ᠰᠦᠷ ᠨᠢ ᠳᠡᠯ ᠪᠣᠰᠤᠭᠠ
ᠪᠡᠶᠡ ᠪᠣᠰᠤᠭᠠ ᠴᠣᠭᠴᠠ ᠶ᠋ᠢ ᠠᠪᠴᠤ
ᠬᠣᠷᠸ᠋ᠠ ᠳ᠋ᠤ᠌ ᠲᠥᠷᠥᠬᠦ ᠪᠤᠶᠠᠨ
ᠳᠡᠯ ᠪᠣᠰᠤᠭᠠ ᠰᠦᠷ ᠊ᠢ ᠣᠯᠵᠤ
ᠡᠷᠡ ᠪᠣᠯᠬᠤ ᠰᠠᠶ᠋ᠢᠬᠠᠨ !
3
ᠰᠥᠨᠢ ᠶ᠋ᠢᠨ ᠬᠠᠷᠠᠩᠭᠤᠢ ᠳ᠋ᠤ᠌ ᠂ ᠮᠠᠯᠴᠢᠨ ᠡᠷᠡ
ᠰᠦᠷᠦᠭ ᠶ᠋ᠢᠠᠨ ᠮᠠᠨᠠᠨ ᠵᠣᠭᠰᠣᠬᠤ ᠳ᠋ᠤ᠌
ᠰᠦᠷ ᠨᠢ ᠴᠢᠨᠣᠠ ᠶ᠋ᠢᠨ ᠵᠢᠷᠦᠬᠡ ᠶ᠋ᠢ ᠰᠤᠭᠤᠯᠤᠨᠠ
ᠪᠠᠯᠠᠷ ᠦ᠋ᠨ ᠭᠦᠨ ᠳ᠋ᠤ᠌ ᠭᠡᠭᠡᠷᠡᠴᠢ ᠡᠷᠡ
ᠪᠠᠷᠲᠠᠭᠠ ᠬᠠᠶ᠋ᠢᠨ ᠶᠠᠪᠤᠬᠤ ᠳ᠋ᠤ᠌
ᠳᠡᠯ ᠪᠣᠰᠤᠬ᠋ᠠ ᠰᠦᠷ ᠲᠤ ᠂ ᠬᠠᠷᠠ ᠪᠣᠰᠤᠬ᠋ᠠ ᠠᠶᠤᠯ
ᠳᠥᠷᠪᠡᠨ ᠵᠦᠭ ᠲᠤ ᠰᠠᠷᠨᠢᠨᠠ
ᠳᠠᠷᠢ ᠶ᠋ᠢᠨ ᠤᠲᠤᠭᠠᠨ ᠳ᠋ᠤ᠌ ᠂ ᠴᠡᠷᠢᠭ ᠡᠷᠡ
ᠳᠠᠶ᠋ᠢᠰᠤᠨ ᠤᠷᠤᠭᠤ ᠳᠣᠪᠲᠣᠯᠬᠤ ᠳ᠋ᠤ᠌
ᠬᠢᠯᠢᠩ ᠪᠣᠰᠤᠬ᠋ᠠ ᠰᠦᠷ ᠲᠦ ᠂ ᠡᠰᠡᠷᠭᠦ ᠬᠠᠨᠲᠤᠭᠰᠠᠨ ᠫᠤᠤ
ᠡᠰᠢᠯᠡᠭᠰᠡᠨ ᠰᠤᠮᠤᠨ ᠳ᠋ᠠᠭᠠᠨ ᠵᠠᠩᠭᠢᠷᠠᠨᠠ ᠡ
4
ᠠᠪᠤ ᠶ᠋ᠢᠨ ᠶ᠋ᠢᠡᠨ ᠳᠡᠷᠭᠡᠳᠡ ᠪᠠᠶ᠋ᠢᠪᠠᠯ
ᠦᠷᠡ ᠶ᠋ᠢᠨ ᠵᠢᠷᠦᠬᠡ ᠪᠦᠲᠦᠭᠦᠨ —
ᠠᠯᠢᠶᠠ ᠪᠣᠲᠣᠯ ᠦ᠋ᠨ ᠬᠢᠨᠢ ᠨᠢᠷᠤᠭᠤ ᠶ᠋ᠢ
ᠡᠷᠡ ᠶ᠋ᠢᠨ ᠰᠦᠷ ᠂ ᠠᠭᠤᠯᠠ ᠳᠦᠰᠢᠳᠡᠭ ᠡᠴᠡ ᠰᠢᠦ !
ᠡᠷᠡᠭᠲᠡᠢ ᠶ᠋ᠢᠨ ᠶ᠋ᠢᠡᠨ ᠬᠠᠵᠠᠭᠤᠲᠠ ᠪᠠᠶ᠋ᠢᠪᠠᠯ
ᠡᠬᠡᠨᠡᠷ ᠦ᠋ᠨ ᠰᠡᠤᠠᠬᠢᠯ ᠲᠠᠶ᠋ᠢᠪᠤᠩ —
ᠬᠡᠪᠡᠷᠡᠭ ᠴᠢᠲᠠᠯ ᠦ᠋ᠨ ᠬᠢᠨᠢ ᠪᠡᠬᠢᠯᠡᠯᠲᠡ ᠶ᠋ᠢ
ᠡᠷᠡ ᠶ᠋ᠢᠨ ᠰᠦᠷ ᠂ ᠪᠦᠷᠭᠦᠳ ᠮᠠᠨᠠᠲᠠᠭ ᠠ᠋ᠴᠠ ᠰᠢᠦ !
5
ᠡᠷᠡ ᠶ᠋ᠢᠨ ᠣᠩᠭᠣᠨ ᠰᠦᠷ
ᠨᠢᠲᠦᠨ ᠳ᠋ᠤ᠌ ᠦᠵᠡᠭᠳᠡᠳᠡᠭ ᠦᠭᠡᠢ
ᠭᠡᠪᠡᠴᠦ ᠂ ᠪᠣᠲᠣᠯ ᠳ᠋ᠤ᠌ ᠪᠣᠰᠤᠬ᠋ᠠ ᠬᠠᠷᠠᠭᠲᠠᠨᠠ
ᠭᠠᠵᠠᠷ ᠳᠡᠭᠡᠷᠡ ᠬᠥᠷᠥᠰᠥ ᠳᠠᠷᠤᠳᠠᠭ ᠦᠭᠡᠢ
ᠠᠭᠤᠯᠠ ᠡᠷᠭᠦᠴᠦ ᠠᠭᠠᠷ ᠳᠡᠭᠡᠷᠡ
ᠣᠮᠣᠭ ᠪᠣᠰᠤᠬ᠋ᠠ ᠵᠣᠭᠰᠣᠨᠠ
ᠪᠣᠷᠣᠭᠠᠨ ᠳ᠋ᠤ᠌ ᠨᠣᠴᠣᠵᠤ ᠶᠠᠪᠤᠲᠠᠭ ᠪᠠᠮᠪᠠᠷ
ᠴᠠᠰᠤᠨ ᠳ᠋ᠤ᠌ ᠪᠤᠴᠠᠯᠵᠤ ᠭᠦᠶᠦᠳᠡᠭ ᠳᠠᠪᠠᠯᠭᠠ
ᠭᠠᠯ ᠳ᠋ᠤ᠌ ᠰᠠᠬᠠᠯ ᠴᠠᠷᠴᠠᠳᠠᠭ ᠳᠤᠮᠤᠭ
ᠭᠠᠯᠪᠠ ᠳ᠋ᠤ᠌ ᠪᠤᠳᠤᠯ ᠳᠠᠷᠤᠳᠠᠭ ᠠᠭᠤᠯᠠ ᠁
ᠣᠮᠣᠭ ᠪᠣᠰᠤᠬ᠋ᠠ ᠡᠷᠡ ᠶ᠋ᠢᠨ
ᠳᠡᠯ ᠪᠣᠰᠤᠬ᠋ᠠ ᠰᠦᠷ —
ᠠᠲ᠋ᠣᠮ ᠠᠶᠤᠩᠬ᠋ᠠ ᠂ ᠲᠡᠷᠡ ᠪᠢᠯᠡ
6
ᠡᠷᠬᠡ ᠰᠦᠷ ᠪᠢᠰᠢ
ᠡᠳ᠋ ᠴᠤ᠌ ᠪᠢᠰᠢ ᠡ
ᠡᠪᠦᠳᠦᠭ ᠨᠤᠭᠤᠷᠠᠲᠠᠭ ᠦᠶᠡ ᠵᠥᠭᠡᠯᠡᠨ ᠬᠥᠮᠦᠨ ᠊ᠢ
ᠡᠷᠡ ᠶ᠋ᠢᠨ ᠣᠩᠭᠣᠨ ᠰᠦᠷ ᠂ ᠬᠡᠵᠢᠶᠡᠲᠡ ᠳᠠᠭᠠᠳᠠᠭ ᠦᠭᠡᠢ
ᠪᠠᠯᠠᠮᠠᠳ ᠵᠠᠩ ᠂ ᠰᠦᠷ ᠪᠢᠰᠢ
ᠪᠠᠰᠢᠷ ᠮᠡᠬᠡ ᠴᠤ᠌ ᠰᠦᠷ ᠪᠢᠰᠢ
ᠪᠠᠬ᠋ᠠ ᠯᠠ ᠬᠥᠨᠲᠡᠪᠡᠯ ᠳᠡᠯᠪᠡᠷᠡᠴᠢᠭᠡᠳᠡᠭ ᠬᠥᠮᠦᠨ
ᠪᠣᠰᠤᠬ᠋ᠠ ᠣᠩᠭᠣᠨ ᠰᠦᠷ ᠊ᠢ ᠬᠡᠵᠢᠶᠡᠲᠡ ᠣᠯᠲᠠᠭ ᠦᠭᠡᠢ ᠡ
7
ᠡᠬᠡ ᠣᠷᠣᠨ ᠪ ᠪᠠᠨ ᠬᠠᠨᠠ ᠶ᠋ᠢ ᠲᠦᠰᠢᠵᠦ
ᠡᠩᠬᠡ ᠠᠮᠢᠲᠤᠷᠠᠯ ᠦ᠋ᠨ ᠶ᠋ᠢᠠᠨ ᠤᠨᠢ ᠶ᠋ᠢ ᠡᠷᠭᠦᠵᠦ
ᠪᠡᠶᠡ ᠪᠣᠰᠤᠬ᠋ᠠ ᠡᠷᠡ ᠦᠷᠡ ᠶ᠋ᠢᠨ
ᠳᠡᠯ ᠪᠣᠰᠤᠬ᠋ᠠ ᠣᠩᠭᠣᠨ ᠰᠦᠷ
ᠠᠰ ᠳᠡᠭᠡᠭᠰᠢ ᠪᠡᠨ ᠲᠩᠷᠢ ᠲᠤᠯᠵᠤ ᠪᠠᠶ᠋ᠢᠬ !
ᠠᠭᠠᠷ ᠡᠷᠭᠦᠨ ᠮᠥᠩᠬᠡ ᠳᠠᠷᠬᠠᠨ ᠶᠠᠪᠤᠭ ᠡ !
ᠵᠠᠯᠠᠭᠤ ᠰᠢᠯᠦᠭᠴᠢᠳ ᠦᠨ ᠴᠣᠪᠣᠷᠠᠯ ᠪᠢᠴᠢᠭ᠌
< ᠢᠷᠡᠬᠦ ᠵᠠᠭᠤᠨ ᠤ ᠬᠣᠩᠬᠣᠨ ᠳᠠᠭᠤᠨ > ᠡᠴᠡ ᠬᠠᠭᠤᠯᠪᠠ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ ᠄ ᠪᠠᠭᠠᠲᠤᠷ
ᠬᠢᠨᠠᠭ᠍ᠴᠢ ᠄ ᠴᠣᠯᠮᠣᠬ᠍ᠲᠤᠶᠠᠭᠠ ᠪᠠᠭ᠍ᠰᠢ
2023 ᠣᠨ ᠪ4 ᠰᠠᠷᠠ ᠶ᠋ᠢᠨ8