ᠮᠣᠩᠭᠣᠯ ᠣᠨᠢᠰᠤᠭᠠ ᠶᠢᠨ ᠲᠡᠭᠦᠪᠦᠷᠢ – ᠬᠣᠶᠠᠳᠤᠭᠠᠷ ᠪᠦᠯᠦᠭ –10 Монгол оньсгын түүвэр –Хоёрдугаар бүлэг– 10
1097ᠬᠣᠶᠠᠳᠤᠭᠠᠷ ᠪᠦᠯᠦᠭ – ᠠᠷᠠᠳ ᠦ᠋ᠨ ᠠᠮᠠ ᠪᠠᠷ ᠵᠣᠬᠢᠶᠠᠭᠲᠠᠭᠰᠠᠨ ᠣᠨᠢᠰᠣᠬ᠋ᠠ
ᠦᠬᠡᠷ ᠠᠲᠤᠭᠤ ᠲᠡᠵᠢᠭᠡᠪᠦᠷᠢ ᠶ᠋ᠢᠨ ᠵᠦᠢᠯ
ᠮᠢᠬᠠᠨ ᠤᠯᠠᠬ᠋ᠠ ᠲᠠᠢ
ᠮᠣᠲᠣᠨ ᠳᠠᠪᠠᠬ᠋ᠠ ᠲᠠᠢ
ᠲᠡᠮᠦᠷ ᠱᠠᠲᠤ ᠲᠠᠢ
ᠤᠩᠭᠠᠰᠤᠨ ᠣᠭᠣᠰᠣᠷ ᠲᠠᠢ
( ᠡᠮᠡᠭᠡᠯ ᠲᠡᠢ ᠮᠣᠷᠢ )
ᠬᠡᠵᠢᠶᠡ ᠬᠠᠷᠢᠶᠠ ᠭᠡᠪᠡᠯ
ᠬᠡᠷᠦᠯᠦᠨ ᠣᠷᠣᠨᠠ
ᠣᠲᠣ ᠬᠠᠷᠢᠶᠠ ᠭᠡᠪᠡᠯ
ᠣᠨᠣᠨ ᠣᠷᠣᠨᠠ
ᠭᠡᠲᠡᠯᠡ ᠭᠤᠷᠪᠠᠨ ᠴᠢᠤᠠᠬᠥᠷ
ᠲᠠᠮᠰᠠᠭᠯᠠᠭᠠᠳ ᠶᠠᠪᠤᠭᠤᠯᠲᠠᠭ ᠦᠭᠡᠢ
( ᠴᠢᠲᠥᠷ ᠲᠡᠢ ᠮᠣᠷᠢ )
ᠵᠠᠮ ᠳᠡᠭᠡᠷᠡ
ᠽᠠᠨᠲᠠᠨ ᠬᠤᠨᠲᠠᠬ᠋ᠠ
( ᠮᠣᠷᠢᠨ ᠮᠥᠷ )
ᠳᠡᠭᠡᠳᠦ ᠲᠢᠪ ᠦ᠋ᠨ
ᠳᠡᠷᠡᠰᠦ ᠰᠠᠶ᠋ᠢᠬᠠᠨ
ᠳᠡᠨᠵᠢ ᠶ᠋ᠢᠨ ᠨᠠᠭᠤᠷ ᠦ᠋ᠨ
ᠡᠪᠡᠰᠦ ᠰᠠᠶ᠋ᠢᠬᠠᠨ
( ᠮᠣᠷᠢᠨ ᠪ ᠳᠡᠯ ᠰᠡᠭᠦᠯ )
ᠡᠮᠦᠨᠡ ᠭᠣᠣᠯ ᠦ᠋ᠨ ᠥᠯᠥᠩ ᠰᠠᠶ᠋ᠢᠬᠠᠨ
ᠬᠣᠶ᠋ᠢᠲᠤ ᠭᠣᠣᠯ ᠦ᠋ᠨ ᠡᠪᠡᠰᠦ ᠰᠠᠶ᠋ᠢᠬᠠᠨ
( ᠮᠣᠷᠢᠨ ᠪ ᠳᠡᠯ ᠰᠡᠭᠦᠯ )
ᠮᠢᠨᠲᠠᠭ ᠮᠢᠨᠲᠠᠭ ᠠᠯᠬᠤᠬ᠋ᠠ ᠲᠠᠢ
ᠮᠢᠩᠬ᠋ᠠ ᠲᠦᠮᠡᠨ ᠠᠯᠬᠤᠬ᠋ᠠ ᠲᠠᠢ
( ᠮᠣᠷᠢᠨ ᠪ ᠰᠡᠭᠦᠯ )
ᠠᠭᠤᠯᠠᠨ ᠣᠷᠣᠢ ᠳᠡᠭᠡᠷᠡ
ᠤᠤᠬᠠᠢ ᠲᠤᠤᠬᠠᠢ ᠬᠣᠶᠠᠷ
( ᠮᠣᠷᠢᠨ ᠴᠢᠬᠢ )
ᠨᠢᠭᠡ ᠠᠶ᠋ᠢᠯ ᠦ᠋ᠨ ᠳᠥᠷᠪᠡᠨ ᠬᠡᠦᠬᠡᠳ ᠦ᠋ᠨ
ᠭᠤᠷᠪᠠ ᠨᠢ ᠶᠡᠬᠡ ᠱᠣᠭᠣᠪᠲᠣᠷ
ᠨᠢᠭᠡ ᠨᠢ ᠶᠡᠬᠡ ᠡᠷᠬᠡ
( ᠴᠢᠲᠥᠷ ᠲᠡᠢ ᠮᠣᠷᠢᠨ ᠬᠥᠯ )
ᠮᠥᠴᠢ ᠳᠥᠴᠢ ᠭᠤᠷᠪᠠᠭᠤᠯᠠ
ᠮᠥᠩᠭᠥᠨ ᠲᠣᠪᠴᠢ ᠳᠥᠷᠪᠡᠭᠦᠯᠡ
( ᠮᠣᠷᠢᠨ ᠪ ᠬᠥᠯ ᠴᠢᠲᠥᠷ )
ᠠᠬᠠ ᠳᠡᠭᠦᠦ ᠬᠣᠶᠠᠷ ᠨᠢᠭᠡ ᠨᠠᠰᠤ ᠪᠠᠷ ᠶ᠋ᠢᠠᠨ
ᠨᠢᠭᠤᠷ ᠨᠢᠭᠤᠷ ᠶ᠋ᠢᠠᠨ ᠦᠵᠡᠬᠦ ᠦᠭᠡᠢ
( ᠡᠮᠡᠭᠡᠯ ᠦ᠋ᠨ ᠪᠦᠭᠦᠷᠭᠡ )
ᠤᠰᠤ ᠮᠥᠰᠥ ᠪᠡᠷ ᠬᠦᠷᠬᠢᠷᠡᠭᠴᠢ
ᠤᠭᠤᠷᠠᠭ ᠲᠠᠷᠠᠭ ᠶ᠋ᠢᠠᠷ ᠴᠠᠷᠴᠠᠶ᠋ᠢᠬᠴᠢ ( ᠴᠠᠶ᠋ᠢᠷᠠᠭᠴᠢ )
( ᠣᠷᠣᠭᠰᠠᠨ ᠪᠤᠤᠷᠠ )
ᠬᠣᠷᠣᠨ ᠰᠢᠭᠡᠰᠦ ᠲᠡᠢ
ᠬᠣᠷᠭᠣᠯ ᠦ᠋ᠨ ᠪᠠᠭᠠᠰᠤ ᠲᠠᠢ
ᠠᠭᠤᠢ ᠠᠮᠠ ᠲᠠᠢ
ᠠᠷᠰᠯᠠᠨ ᠬᠦᠴᠦ ᠲᠡᠢ
( ᠪᠤᠤᠷᠠ )
ᠳᠥᠷᠪᠡᠨ ᠬᠥᠮᠦᠨ ᠰᠢᠪᠠᠷ ᠨᠤᠬᠤᠨᠠ
ᠬᠣᠶᠠᠷ ᠬᠥᠮᠦᠨ ᠬᠣᠯᠠ ᠶ᠋ᠢᠨ ᠪᠠᠷᠠ ᠬᠠᠷᠠᠨᠠ
ᠨᠢᠭᠡ ᠬᠥᠮᠦᠨ ᠢᠯᠠᠬ᠋ᠠ ᠦᠷᠭᠦᠭᠡᠨᠡ
ᠨᠢᠭᠡ ᠬᠥᠮᠦᠨ ᠡᠪᠡᠰᠦ ᠬᠠᠲᠤᠨᠠ
( ᠲᠡᠮᠡᠭᠡ )
ᠪᠤᠷᠭᠠᠰᠤ ᠶᠡᠬᠡᠲᠡᠢ ᠭᠣᠣᠯ ᠦ᠋ᠨ ᠲᠣᠬᠣᠢ
ᠪᠤᠲᠠ ᠳᠤᠭᠤᠶ᠋ᠢᠯᠠᠭᠰᠠᠨ ᠬᠣᠶᠠᠷ ᠬᠡᠦᠬᠡᠳ
ᠪᠠᠷᠰ ᠠᠲᠠᠯᠢ ᠳᠠᠭᠤ ᠭᠠᠷᠤᠨᠠ
ᠪᠤᠴᠠᠭᠠᠳ ᠨᠠᠭᠠᠤᠠᠬᠤ ᠲᠠᠰᠢᠭᠤᠷ ᠲᠠᠢ
( ᠲᠡᠮᠡᠭᠡ)
ᠬᠠᠨᠲᠠᠭᠠᠷ ᠡᠪᠦᠭᠡᠨ ᠬᠠᠮᠬᠤᠤᠯ ᠬᠠᠮᠤᠵᠤ
ᠳᠦᠷᠪᠡᠨ ᠬᠦᠦ ᠨᠢ ᠰᠢᠪᠠᠷ ᠨᠤᠬᠤᠨᠠ
ᠠᠬᠠ ᠳᠡᠭᠦᠦ ᠬᠣᠶᠠᠷ ᠨᠢ ᠪᠠᠷᠠ ᠬᠠᠷᠠᠵᠤ
ᠠᠷᠤ ᠶ᠋ᠢᠨ ᠬᠡᠦᠬᠡᠨ ᠭᠡᠵᠢᠭᠡ ᠪᠡᠨ ᠭᠤᠶᠠᠲᠠᠨᠠ
( ᠲᠡᠮᠡᠭᠡ)
ᠪᠤᠰᠤᠳ ᠊ᠢ ᠦᠵᠡᠳᠡᠭ ᠰᠢᠯ ᠪᠥᠮᠪᠥᠭᠡ
ᠪᠤᠲᠠᠷᠠᠲᠠᠯᠠ ᠦᠯᠢᠶᠡᠬᠦ ᠲᠤᠯᠤᠮ ᠦ᠋ᠨ ᠬᠥᠭᠡᠷᠭᠡ
ᠪᠤᠷᠭᠠᠰᠤ ᠶᠡᠬᠡᠲᠡᠢ ᠭᠣᠣᠯ ᠦ᠋ᠨ ᠲᠣᠬᠣᠢ
ᠪᠤᠷᠵᠠᠭᠠᠷ ᠦᠰᠦᠲᠡᠢ ᠬᠣᠶᠠᠷ ᠬᠡᠦᠬᠡᠳ
ᠪᠣᠰᠴᠤ ᠬᠡᠪᠲᠡᠬᠦ ᠡᠭᠡᠮ ᠱᠠᠲᠤ
ᠪᠤᠯᠢᠭᠠᠷ ᠭᠡ ᠲᠡᠢ ᠳᠦᠷᠪᠡᠨ ᠳᠠᠷᠤᠭᠤᠯᠬ᠋ᠠ
ᠪᠠᠭᠤᠯᠭᠠᠨ ᠵᠠᠨᠴᠢᠬᠤ ᠮᠣᠷᠢᠨ ᠲᠠᠰᠢᠭᠤᠷ
( ᠲᠡᠮᠡᠭᠡ)
ᠳᠡᠭᠦᠦᠳᠡᠢ ᠳᠡᠭᠦᠦᠳᠡᠢ ᠳᠥᠷᠪᠡᠭᠦᠯᠡ ᠪᠡᠨ
ᠳᠦᠨᠵᠢᠨ ᠪᠢᠨᠵᠢᠨ ᠬᠣᠶᠠᠭᠤᠯᠠ ᠪᠠᠨ
ᠠᠷᠤ ᠶ᠋ᠢᠨ ᠬᠠᠲᠤᠨ ᠭᠠᠭᠴᠠᠭᠠᠷ ᠶ᠋ᠢᠠᠨ
ᠠᠯᠲᠠᠨ ᠬᠡᠦᠬᠡᠨ ᠬᠣᠶᠠᠭᠤᠯᠠ ᠪᠠᠨ
( ᠲᠡᠮᠡᠭᠡ)
ᠪᠤᠲᠠᠷᠭᠠᠵᠤ ᠦᠯᠢᠶᠡᠬᠦ ᠲᠤᠯᠤᠮ ᠦ᠋ᠨ ᠬᠥᠭᠡᠷᠭᠡ
ᠪᠤᠯᠲᠤ ᠶ᠋ᠢ ᠰᠢᠯᠭᠠᠬᠤ ᠰᠢᠯ ᠦ᠋ᠨ ᠬᠤᠨᠲᠠᠬ᠋ᠠ
ᠪᠤᠷᠭᠠᠰᠤ ᠶᠡᠬᠡᠲᠡᠢ ᠭᠣᠣᠯ ᠦ᠋ᠨ ᠲᠣᠬᠣᠢ
ᠪᠤᠲᠠᠨ ᠭᠡᠵᠢᠭᠡᠲᠦ ᠬᠣᠶᠠᠷ ᠬᠡᠦᠬᠡᠳ
ᠪᠢᠰᠢᠯᠠᠭ ᠦ᠋ᠨ ᠬᠡᠪ ᠲᠡᠢ ᠳᠦᠷᠪᠡᠨ ᠬᠠᠪᠲᠠᠭᠠᠢ
ᠪᠤᠴᠠᠵᠤ ᠲᠤᠰᠤᠭᠰᠠᠨ ᠨᠠᠭᠠᠲᠤᠮ ᠦ᠋ᠨ ᠲᠠᠰᠢᠭᠤᠷ
( ᠲᠡᠮᠡᠭᠡ)
ᠥᠩᠭᠡᠢᠭᠰᠡᠨ ᠥᠨᠲᠥᠷ ᠲᠤ
ᠥᠨᠥᠴᠢᠨ ᠬᠦᠦ
( ᠲᠡᠮᠡᠭᠡᠨ ᠪᠤᠶ᠋ᠢᠯᠠ)
ᠳᠥᠵᠢ ᠳᠥᠵᠢ ᠳᠥᠷᠪᠡᠭᠦᠯᠡ
ᠳᠥᠵᠢ ᠶ᠋ᠢᠨ ᠪᠠᠭᠠᠲᠤᠷ ᠬᠣᠶᠠᠭᠤᠯᠠ
ᠬᠠᠩᠭᠠᠢ ᠶ᠋ᠢᠨ ᠬᠥᠪᠡᠭᠦᠨ ᠭᠠᠭᠴᠠᠭᠠᠷ
ᠬᠠᠷᠲᠠᠭᠠᠷ ᠡᠪᠦᠭᠡᠨ ᠲᠦᠯᠡᠭᠡᠴᠢ
( ᠲᠡᠮᠡᠭᠡᠨ ᠬᠦᠯ ᠪᠦᠬᠦ ᠰᠡᠭᠦᠯ ᠲᠣᠯᠣᠭᠠᠢ)
ᠤᠭᠠᠯᠵᠠ ᠠᠭᠤᠯᠠ ᠶ᠋ᠢ
ᠤᠲᠠᠰᠤ ᠪᠠᠷ ᠬᠥᠲᠥᠯᠦᠨᠡ
( ᠲᠡᠮᠡᠭᠡ)
ᠪᠠᠷᠰ ᠦ᠋ᠨ ᠳᠠᠭᠤ ᠲᠠᠢ
ᠠᠷᠰᠯᠠᠨ ᠪ ᠪᠡᠶᠡ ᠲᠡᠢ
ᠭᠠᠩ ᠬᠣᠶᠠᠷ ᠰᠡᠷᠡᠭᠡ
ᠭᠠᠯᠵᠠᠭᠤ ᠨᠢᠭᠡ ᠲᠠᠰᠢᠭᠤᠷ ᠲᠠᠢ
( ᠲᠡᠮᠡᠭᠡ)
ᠥᠨᠲᠥᠷ ᠠᠭᠤᠯᠠ ᠶ᠋ᠢᠨ ᠣᠷᠣᠢ ᠳᠤ
ᠥᠨᠥᠴᠢᠨ ᠬᠣᠶᠠᠷ ᠪᠦᠷᠭᠦᠳ
( ᠲᠡᠮᠡᠭᠡᠨ ᠪᠦᠬᠦ)
ᠲᠠᠯᠠ ᠳᠡᠭᠡᠷᠡ
ᠲᠣᠷᠭᠠᠨ ᠬᠠᠪᠲᠠᠬ᠋ᠠ
ᠮᠠᠩᠬᠠᠨ ᠳᠡᠭᠡᠷᠡ
ᠮᠢᠨᠲᠠᠰᠤᠨ ᠬᠠᠪᠲᠠᠬ᠋ᠠ
( ᠲᠡᠮᠡᠭᠡᠨ ᠮᠥᠷ)
ᠱᠣᠷᠣᠩ ᠦ᠋ᠨ ᠣᠷᠣᠢ ᠳᠡᠭᠡᠷᠡ
ᠰᠢᠷᠣᠢ ᠲᠣᠭᠲᠠᠬᠤ ᠦᠭᠡᠢ
( ᠦᠬᠡᠷ ᠦ᠋ᠨ ᠡᠪᠡᠷ)
ᠴᠠᠭ ᠦ᠋ᠨ ᠠᠭᠤᠯᠠᠨ ᠳᠤ
ᠴᠠᠰᠤ ᠲᠣᠭᠲᠠᠬᠤ ᠦᠭᠡᠢ
( ᠦᠬᠡᠷ ᠦ᠋ᠨ ᠡᠪᠡᠷ)
ᠪᠦᠭᠳᠦᠷ ᠮᠣᠲᠣᠨ ᠳᠤ
ᠴᠠᠰᠤ ᠬᠠᠯᠲᠠᠬᠤ ᠦᠭᠡᠢ
( ᠦᠬᠡᠷ ᠦ᠋ᠨ ᠡᠪᠡᠷ)
ᠽᠠᠨᠲᠠᠨ ᠮᠣᠲᠣᠨ ᠳᠤ
ᠵᠢᠪᠡᠷ ᠲᠣᠭᠲᠠᠬᠤ ᠦᠭᠡᠢ
( ᠦᠬᠡᠷ ᠦ᠋ᠨ ᠡᠪᠡᠷ)
ᠬᠠᠷᠠᠬᠤ ᠳᠤ ᠬᠦᠢᠲᠡᠨ
ᠪᠠᠷᠢᠬᠤ ᠳᠤ ᠳᠤᠯᠠᠭᠠᠨ
( ᠦᠬᠡᠷ ᠦ᠋ᠨ ᠡᠪᠡᠷ)
ᠬᠣᠶᠠᠷ ᠨᠢ ᠳᠠᠬᠤ ᠲᠠᠢ
ᠬᠣᠶᠠᠷ ᠨᠢ ᠱᠠᠯᠲᠠᠩ
( ᠡᠪᠡᠷ ᠴᠢᠬᠢ)
ᠥᠨᠲᠥᠷ ᠠᠭᠤᠯᠠ ᠶ᠋ᠢᠨ ᠣᠷᠣᠢ ᠳᠡᠭᠡᠷᠡ
ᠦᠶᠡ ᠰᠠᠴᠠᠭᠤ ᠬᠣᠶᠠᠷ ᠢᠷᠭᠠᠢ
(ᠡᠪᠡᠷ)
ᠪᠤᠷᠬᠠᠨ ᠦᠭᠡᠢ ᠪᠣᠯᠪᠠᠴᠤ
ᠨᠠᠢ᠍ᠮᠠᠨ ᠰᠠᠶ᠋ᠢᠬᠠᠨ ᠲᠠᠬᠢᠯ ᠲᠠᠢ
ᠪᠠᠶ᠋ᠢᠯᠲᠤᠭᠠᠨ ᠦᠭᠡᠢ ᠪᠣᠯᠪᠠᠴᠤ
ᠬᠣᠶᠠᠷ ᠰᠠᠶ᠋ᠢᠬᠠᠨ ᠵᠢᠲᠠ ᠲᠠᠢ
ᠮᠣᠷᠢ ᠦᠭᠡᠢ ᠪᠣᠯᠪᠠᠴᠤ
ᠨᠢᠭᠡ ᠰᠠᠶ᠋ᠢᠬᠠᠨ ᠲᠠᠰᠢᠭᠤᠷ ᠲᠠᠢ
( ᠦᠬᠡᠷ ᠦ᠋ᠨ ᠬᠤᠬᠢᠰᠤ ᠡᠪᠡᠷ ᠰᠡᠭᠦᠯ)
ᠤᠷᠲᠤ ᠰᠠᠶ᠋ᠢᠬᠠᠨ ᠠᠪᠠᠬᠠᠢ ᠶ᠋ᠢᠨ ᠭᠡᠵᠢᠭᠡ
ᠣᠲᠤᠮ ᠰᠠᠶ᠋ᠢᠲᠤ ᠬᠣᠶᠠᠷ ᠪᠠᠭᠠᠲᠤᠷ
ᠤᠯᠠᠷᠢᠬᠤ ᠬᠥᠲᠡᠯᠬᠦ ᠳᠦᠷᠪᠡᠨ ᠲᠤᠯᠭᠠᠭᠤᠷᠢ
ᠤᠰᠤ ᠶ᠋ᠢ ᠰᠢᠷᠭᠢᠭᠡᠬᠦ ᠵᠠᠲᠠᠭᠠᠢ ᠬᠣᠪᠣᠭᠣ
ᠤᠯᠤᠰ ᠊ᠢ ᠲᠣᠲᠣᠯᠬᠤ ᠬᠣᠶᠠᠷ ᠬᠤᠨᠲᠠᠬ᠋ᠠ
( ᠦᠬᠡᠷ)
ᠨᠠᠢ᠍ᠮᠠᠨ ᠬᠠᠭᠠᠰ ᠠᠶᠠᠬ᠋ᠠ ᠲᠠᠢ
ᠳᠦᠷᠪᠡᠨ ᠰᠠᠶ᠋ᠢᠬᠠᠨ ᠲᠤᠯᠭᠠᠭᠤᠷᠢ ᠲᠠᠢ
ᠤᠰᠤᠨ ᠬᠣᠶᠠᠷ ᠳ᠋ᠧᠩᠯᠦ ᠲᠡᠢ
ᠤᠷᠭᠤᠬ᠋ᠠ ᠬᠣᠶᠠᠷ ᠮᠣᠲᠣ ᠲᠠᠢ
ᠪᠠᠲᠠᠭᠠᠨᠠ ᠦᠷᠭᠦᠭᠡᠬᠦ ᠬᠦᠪᠢᠭᠦᠷ ᠲᠡᠢ
ᠪᠠᠮᠪᠤ ᠲᠡᠵᠢᠭᠡᠬᠦ ᠪᠤᠲᠠᠬ᠋ᠠ ᠲᠠᠢ
( ᠦᠬᠡᠷ)
ᠵᠠᠪᠠᠭ ᠲᠦ ᠽᠠᠨᠲᠠᠨ ᠪᠢᠯᠡᠭᠦᠦ
( ᠦᠬᠡᠷ ᠦ᠋ᠨ ᠬᠡᠯᠡ)
ᠬᠣᠶᠠᠷ ᠠᠶ᠋ᠢᠯ ᠨᠢᠭᠡ ᠰᠢᠯᠡᠭᠡᠪᠦᠷ ᠲᠡᠢ
( ᠦᠬᠡᠷ ᠦ᠋ᠨ ᠬᠡᠯᠡ)
ᠲᠠᠯᠠ ᠳᠡᠭᠡᠷᠡ ᠲᠠᠭᠱᠠ ᠠᠶᠠᠬ᠋ᠠ
( ᠠᠷᠭᠠᠯ)
ᠵᠠᠮ ᠳᠡᠭᠡᠷᠡ ᠽᠠᠠᠲᠠᠨ ᠠᠶᠠᠬ᠋ᠠ
( ᠠᠷᠭᠠᠯ)
ᠲᠠᠯᠠ ᠳᠡᠭᠡᠷᠡ ᠲᠠᠭᠵᠠᠭᠠᠷ ᠬᠠᠪᠲᠠᠬ᠋ᠠ
( ᠠᠷᠭᠠᠯ)
ᠪᠦᠯᠲᠡᠶ᠋ᠢᠬᠦ ᠬᠣᠶᠠᠷ ᠨᠢᠲᠦ ᠪᠡᠨ
ᠴᠠᠪᠴᠢᠯ ᠦᠭᠡᠢ ᠭᠢᠯᠦᠶ᠋ᠢᠵᠦ
ᠪᠠᠶ᠋ᠢᠯᠲᠤᠬᠤ ᠬᠣᠶᠠᠷ ᠵᠢᠲᠠ ᠪᠠᠨ
ᠣᠷᠣᠢ ᠳᠡᠭᠡᠷᠡ ᠪᠡᠨ ᠳᠠᠯᠠᠶ᠋ᠢᠵᠤ
ᠪᠠᠶ᠋ᠢᠲᠠᠭ ᠬᠦᠴᠦᠨ ᠴᠢᠲᠠᠯ ᠶ᠋ᠢᠠᠨ
ᠳᠠᠪᠤᠰᠠᠩ ᠳᠡᠭᠡᠷᠡ ᠪᠠᠨ ᠴᠤᠭᠯᠠᠭᠤᠯᠵᠤ
ᠪᠠᠲᠤ ᠳᠥᠷᠪᠡᠨ ᠲᠤᠯᠭᠠᠭᠤᠷᠢ ᠪᠠᠷ ᠢᠶ᠋ᠠᠨ
ᠡᠪᠡᠰᠦ ᠰᠢᠷᠣᠢ ᠶ᠋ᠢ ᠪᠤᠲᠠᠷᠠᠭᠤᠯᠵᠤ
ᠪᠠᠶ᠋ᠢᠯᠳᠤᠭᠠᠨ ᠤ ᠭᠠᠵᠠᠷ
ᠪᠠᠷᠬᠢᠷᠠᠨ ᠵᠣᠭᠰᠣᠭᠴᠢ
( ᠬᠡᠷᠦᠭᠰᠡᠨ ᠪᠤᠬᠠ )
ᠠᠯᠠᠭᠠᠨ ᠴᠢᠨᠡᠭᠡᠨ ᠠᠷᠠᠰᠤ
ᠠᠷᠤ ᠥᠪᠥᠷ ᠦᠭᠡᠢ ᠦᠰᠦ
( ᠮᠠᠯ ᠤᠨ ᠴᠢᠬᠢ )
ᠣᠶᠣᠳᠠᠯ ᠦᠭᠡᠢ ᠵᠡᠭᠦᠳᠡᠯ
( ᠮᠠᠯ ᠤᠨ ᠠᠯᠠᠭ ᠵᠢᠰᠦᠮ )
ᠥᠭᠡᠬᠦᠨ ᠪᠥᠮᠪᠥᠬᠡᠢ
ᠠᠷᠤᠭ ᠰᠡᠩᠰᠡᠭᠡᠢ ( ᠰᠡᠩᠰᠡ )
( ᠬᠣᠨᠢ )
ᠠᠷᠤ ᠶ᠋ᠢᠨ ᠳᠠᠯᠠᠢ ᠱᠤᠤᠭᠢᠵᠤ
ᠠᠮᠠᠯᠠᠬᠤ ᠶ᠋ᠢᠨ ᠳᠠᠯᠠᠢ ᠴᠠᠯᠭᠢᠯᠠᠨᠠ
ᠰᠤᠪᠤᠳ ᠤᠨ ᠳᠠᠯᠠᠢ ᠠᠭᠰᠠᠵᠤ
ᠰᠦᠷᠦᠭ ᠤᠨ ᠳᠠᠯᠠᠢ ᠦᠶᠡᠷᠯᠡᠨᠡ
( ᠬᠣᠨᠢ ᠬᠤᠷᠠᠭᠠ ᠨᠡᠶ᠋ᠢᠯᠡᠬᠦ )
ᠪᠥᠭᠰᠡᠨ ᠳ᠋ᠡᠭᠡᠨ ᠪᠦᠲᠡᠭᠡᠯᠭᠡ ᠲᠠᠢ
ᠪᠥᠮᠪᠥᠷᠭᠡᠨ ᠴᠠᠭᠠᠨ ᠡᠷᠳᠡᠨᠢ
( ᠬᠣᠨᠢ )
ᠮᠢᠩᠭᠠᠢ ᠮᠢᠩᠭᠠᠢ ᠮᠠᠶ᠋ᠢᠯᠠᠨᠠ
ᠮᠢᠩᠭᠠᠨ ᠵᠠᠯᠠᠭᠠ ᠰᠣᠭᠰᠣᠯᠵᠠᠨᠠ
ᠲᠠᠷᠢᠶᠠ ᠪᠤᠳᠠᠭᠠ ᠨᠠᠶ᠋ᠢᠭᠤᠨᠠ
ᠲᠠᠯᠠ ᠳᠦᠭᠦᠷᠡᠩ ᠱᠤᠤᠭᠢᠨᠠ
( ᠬᠣᠨᠢ ᠬᠤᠷᠠᠭᠠ ᠨᠡᠶ᠋ᠢᠯᠡᠬᠦ )
ᠲᠠᠪᠢᠨ ᠪᠠᠨᠳᠢ ᠲᠠᠯᠪᠢᠭᠠᠳ ᠭᠠᠷᠬᠤ ᠳᠤ
ᠲᠠᠷᠭᠤᠨ ᠯᠠᠮᠠ ᠬᠠᠰᠢᠭᠠᠳ ᠠᠪᠤᠨᠠ
( ᠬᠣᠨᠢᠨ ᠬᠣᠷᠭᠣᠯ ᠪᠠ ᠰᠡᠭᠦᠯ )
ᠬᠠᠮᠢᠭᠠ ᠠ᠋ᠴᠠ ᠢᠷᠡᠪᠡ
ᠲᠣᠰᠣᠲᠤ ᠶ᠋ᠢᠨ ᠭᠣᠣᠯ ᠠ᠋ᠴᠠ ᠢᠷᠡᠯᠡ
ᠲᠣᠰᠣ ᠨᠠᠭᠠᠯᠳᠤᠳᠠᠭ ᠦᠭᠡᠢ ᠴᠢᠨᠢ ᠶᠠᠭᠠᠬᠢᠯᠠ
ᠮᠠᠨ ᠤ ᠭᠠᠵᠠᠷ ᠤᠨ ᠶᠣᠰᠣ
( ᠬᠣᠷᠭᠣᠯ )
ᠲᠣᠶ᠋ᠢᠮᠣᠭ ᠲᠣᠶ᠋ᠢᠮᠣᠭ
ᠬᠠᠮᠢᠭᠠ ᠠ᠋ᠴᠠ ᠢᠷᠡᠪᠡ
ᠳᠣᠯᠣᠭᠠᠨ ᠲᠤᠬᠠᠢ ᠶ᠋ᠢᠨ ᠤᠰᠤ ᠪᠡᠯᠴᠢᠭᠡᠷ ᠠ᠋ᠴᠠ ᠢᠷᠡᠯᠡ
ᠪᠡᠶᠡ ᠴᠢᠨᠢ ᠶᠠᠭᠠᠬᠢᠬᠰᠠᠨ ᠵᠢᠭᠠᠬᠠᠨ ᠪᠤᠢ
ᠪᠢᠳᠡ ᠠᠬᠠ ᠳᠡᠭᠦᠦ ᠣᠯᠠᠭᠤᠯᠠ ᠠ᠋ᠴᠠ ᠶᠤᠮ
ᠲᠣᠯᠣᠭᠠᠢ ᠴᠢᠨᠢ ᠶᠠᠭᠠᠬᠢᠭᠠᠳ ᠨᠣᠶ᠋ᠢᠲᠠᠨ ᠪᠤᠢ
ᠳᠣᠲᠣᠷ ᠭᠠᠵᠠᠷ ᠤᠨ ᠵᠠᠩ ᠶᠤᠮ
( ᠬᠣᠷᠭᠣᠯ )
ᠮᠢᠨᠵᠤᠤᠷ ᠬᠠᠭᠠᠨ ᠤ ᠥᠬᠢᠨ
ᠠᠷᠪᠠᠨ ᠬᠣᠶᠠᠷ ᠳᠠᠭᠠᠭᠤᠯᠢ ᠲᠠᠢ
ᠨᠢᠭᠡ ᠮᠥᠩᠭᠥᠨ ᠬᠠᠯᠪᠠᠭᠠ ᠲᠠᠢ
ᠬᠣᠶᠠᠷ ᠳᠣᠷᠳᠣᠩ ᠠᠯᠴᠢᠭᠤᠷ ᠲᠠᠢ
( ᠬᠣᠨᠢᠨ ᠤ ᠡᠪᠴᠢᠭᠦᠦ )
ᠬᠣᠲᠠᠨ ᠳᠡᠭᠡᠷᠡ
ᠬᠣᠶᠠᠷ ᠮᠡᠷᠭᠡᠨ
( ᠬᠣᠨᠢᠨ ᠳᠠᠯᠤ )
ᠶᠠᠭ ᠨᠤᠮᠤ
ᠶᠠᠰᠤᠨ ᠬᠥᠪᠴᠢ ᠲᠠᠢ
( ᠪᠣᠭᠲᠣ ᠴᠢᠮᠥᠭᠡ )
ᠶᠡᠬᠡ ᠭᠡᠷ ᠤᠨ ᠡᠭᠦᠳᠡ
ᠪᠠᠭᠤᠯᠭᠠᠰᠤᠲᠠᠢ
ᠪᠠᠭᠠ ᠭᠡᠷ ᠤᠨ ᠡᠭᠦᠳᠡ
ᠰᠡᠬᠦᠭᠡᠰᠦᠲᠡᠢ
( ᠬᠣᠨᠢ ᠢᠮᠠᠭᠠᠨ ᠰᠡᠭᠦᠯ )
ᠠᠬᠠ ᠶ᠋ᠢᠨ ᠡᠭᠦᠳᠡ ᠪᠠᠭᠤᠯᠭᠠᠰᠤᠲᠠᠢ
ᠳᠡᠭᠦᠦ ᠶ᠋ᠢᠨ ᠡᠭᠦᠳᠡ ᠰᠡᠬᠦᠭᠡᠰᠦᠲᠡᠢ
( ᠬᠣᠨᠢ ᠢᠮᠠᠭᠠᠨ ᠰᠡᠭᠦᠯ )
ᠬᠣᠲᠠᠨ ᠳᠣᠲᠣᠷᠠ
ᠬᠣᠶᠠᠷ ᠮᠠᠢᠵᠢᠭᠢ ᠭᠤᠲᠤᠯ
( ᠬᠤᠴᠠ ᠶ᠋ᠢᠨ ᠡᠪᠡᠷ )
ᠡᠭᠡᠷᠡᠮᠡ ᠨᠤᠲᠤᠭ ᠤᠨ ᠮᠠᠩᠭᠤᠰ
ᠡᠷᠡ ᠡᠮᠡ ᠦᠭᠡᠢ ᠰᠠᠬᠠᠯ ᠲᠠᠢ
( ᠢᠮᠠᠭᠠ )
ᠨᠣᠮᠣᠨ ᠬᠡᠯᠪᠡᠷᠢᠲᠦ ᠡᠪᠡᠷ ᠲᠠᠢ
ᠨᠣᠣᠰᠣᠨ ᠰᠢᠷᠬᠡᠭᠲᠦ ᠳᠡᠪᠡᠯ ᠲᠠᠢ
ᠢᠳᠡᠬᠦ ᠨᠢ ᠨᠣᠭᠣᠭᠠᠨ ᠡᠪᠡᠰᠦ
ᠪᠠᠭᠠᠬᠤ ᠨᠢ ᠬᠠᠷᠠ ᠴᠢᠪᠠᠭᠠ
( ᠢᠮᠠᠭᠠ )
ᠦᠬᠡᠷ ᠪᠢᠰᠢ ᠪᠠᠶ᠋ᠢᠲᠠᠯᠠ ᠪᠠᠨ ᠡᠪᠡᠷ ᠲᠠᠢ
ᠡᠪᠦᠭᠡᠨ ᠪᠢᠰᠢ ᠪᠠᠶ᠋ᠢᠲᠠᠯᠠ ᠪᠠᠨ ᠰᠠᠬᠠᠯ ᠲᠠᠢ
ᠡᠪᠦᠯ ᠵᠤᠨ ᠭᠡᠵᠦ ᠢᠯᠭᠠᠯ ᠦᠭᠡᠢ
ᠦᠰᠦᠲᠡᠢ ᠳᠠᠬᠤ ᠪᠠᠨ ᠤᠷᠪᠠᠭᠤᠯᠵᠤ ᠡᠮᠦᠰᠦᠨᠡ
( ᠢᠮᠠᠭᠠ )
ᠪᠠᠷᠠᠭᠤᠨ ᠭᠠᠵᠠᠷ ᠤᠨ ᠴᠢᠪᠠᠭᠠᠨᠴᠠ
ᠪᠠᠭᠠ ᠶᠡᠬᠡ ᠦᠭᠡᠢ ᠲᠠᠷᠨᠢᠳᠠᠳᠠᠭ ᠴᠢᠪᠠᠭᠠᠨᠴᠠ
ᠬᠦᠬᠦᠷ ᠽᠠᠨᠳᠠᠨ ᠦᠨᠦᠷ ᠲᠠᠢ ᠴᠢᠪᠠᠭᠠᠨᠴᠠ
ᠬᠥᠪᠰᠥᠷᠳᠡᠨ ᠪᠠᠪᠠᠨᠠᠳᠠᠬᠤ ᠵᠠᠩ ᠲᠠᠢ
( ᠤᠬᠤᠨᠠ )
ᠵᠠᠭᠤᠨ ᠬᠠᠷᠠ ᠢᠮᠠᠭᠠᠨ ᠳᠤ
ᠵᠠᠭᠤᠳᠠᠭ ᠬᠠᠷᠠ ᠳᠡᠭᠡ
( ᠤᠬᠤᠨᠠ )
ᠴᠢ ᠪᠣᠰ
ᠴᠢᠨᠦ ᠰᠠᠭᠤᠷᠢᠨ ᠳᠤ ᠪᠢ ᠰᠠᠭᠤᠨᠠ
( ᠮᠠᠯ ᠤᠨ ᠮᠥᠷ )
ᠰᠠᠬᠠᠯ ᠲᠠᠢ ᠲᠥᠷᠥᠭᠰᠡᠨ ᠳ᠋ᠦ᠍ᠨᠢ
ᠰᠣᠨᠢᠷᠬᠠᠬᠤ ᠬᠥᠮᠦᠨ ᠦᠭᠡᠢ
( ᠢᠰᠢᠭᠡ )
ᠡᠩᠬᠦᠷᠡᠢ ᠨᠢᠯᠬᠠ ᠪᠠᠶ᠋ᠢᠲᠠᠯᠠ ᠪᠠᠨ
ᠡᠷᠡᠦ ᠳᠦᠭᠦᠷᠡᠩ ᠰᠠᠬᠠᠯ ᠲᠠᠢ
ᠡᠷᠳᠡᠨᠢ ᠶ᠋ᠢᠨ ᠬᠣᠶᠠᠷ ᠬᠤᠩᠬᠠ ᠲᠠᠢ
ᠡᠷᠲᠡᠭᠡᠷ ᠬᠣᠶᠠᠷ ᠰᠡᠯᠡᠮᠡ ᠲᠠᠢ
(ᠢᠰᠢᠭᠡ )
ᠵᠣᠭᠰᠣᠪᠠᠯ ᠪᠠᠨᠳᠠᠩ
ᠰᠠᠭᠤᠪᠠᠯ ᠶᠠᠨᠲᠤᠩ
( ᠨᠣᠬᠠᠢ )
ᠬᠤᠩ ᠬᠤᠩ ᠳᠠᠭᠤ ᠲᠠᠢ
ᠬᠣᠨᠳᠣᠯᠠᠢ ᠳᠡᠭᠡᠷᠡ ᠪᠠᠨ ᠳᠡᠭᠡᠭᠡ ᠲᠠᠢ
( ᠨᠣᠬᠠᠢ )
ᠪᠣᠰᠤᠭᠠ ᠠ᠋ᠴᠠ ᠪᠠᠨ
ᠰᠠᠭᠤᠭᠠ ᠨᠢ ᠥᠨᠳᠥᠷ
( ᠨᠣᠬᠠᠢ )
ᠪᠠᠷᠰ ᠰᠢᠭ᠋ ᠳᠦᠷᠰᠦ ᠲᠠᠢ
ᠪᠠᠭᠰᠢ ᠰᠢᠭ᠋ ᠨᠣᠮ ᠲᠠᠢ
ᠪᠤᠳᠠᠭᠠᠨ ᠭᠡᠷ ᠤᠨ ᠬᠤᠯᠠᠭᠠᠶ᠋ᠢᠴᠢ ᠶ᠋ᠢ
ᠪᠠᠷᠢᠭᠠᠳ ᠠᠪᠳᠠᠭ ᠪᠠᠭᠠᠲᠤᠷ
( ᠮᠤᠤᠷ )
ᠴᠢᠩᠭᠠᠭᠠᠬᠤ ᠠᠷᠪᠠᠨ ᠭᠣᠬᠠ ᠲᠠᠢ
ᠴᠠᠪᠴᠢᠬᠤ ᠬᠣᠶᠠᠷ ᠢᠯᠳᠦ ᠲᠠᠢ
ᠴᠠᠭ ᠦᠵᠡᠬᠦ ᠰᠡᠳ᠋ ᠲᠠᠢ
ᠴᠠᠭᠠᠨ ᠪᠠᠷᠰ ᠦ᠋ᠨ ᠰᠡᠭᠦᠯ ᠲᠡᠢ
( ᠮᠤᠤᠷ )
ᠬᠦᠷ ᠬᠦᠷ ᠳᠠᠭᠤ ᠲᠠᠢ
ᠬᠦᠷᠡᠩ ᠤᠯᠠᠭᠠᠨ ᠪᠡᠶᠡ ᠲᠡᠢ
ᠭᠠᠪ ᠰᠢᠷᠠ ᠨᠢᠲᠤ ᠲᠠᠢ
ᠭᠠᠭᠴᠠᠭᠠᠷ ᠶᠠᠪᠤᠬᠤ ᠵᠠᠩ ᠲᠠᠢ
( ᠮᠤᠤᠷ )
ᠳ᠋ᠸᠤ ᠳ᠋ᠸᠤ ᠪᠠᠷ ᠢᠲᠡᠵᠦ
ᠳ᠋ᠸᠤᠹᠦ᠋ ᠠᠲᠠᠯᠢ ᠲᠠᠷᠭᠤᠯᠵᠤ
ᠳ᠋ᠠᠨ ᠳ᠋ᠠᠨ ᠶ᠋ᠢᠠᠷ ᠢᠲᠡᠵᠦ
ᠳᠠᠪᠬᠤᠷ ᠳᠠᠪᠬᠤᠷ ᠥᠭᠡᠬᠦᠯᠡᠨᠡ
( ᠭᠠᠬᠠᠢ )
ᠥᠷᠢ ᠦᠭᠡᠢ ᠪᠠᠶ᠋ᠢᠲᠠᠯᠠ ᠨᠡᠬᠡᠨᠡ
ᠡᠪᠡᠤᠠᠴᠢᠨ ᠦᠭᠡᠢ ᠪᠠᠶ᠋ᠢᠲᠠᠯᠠ ᠶᠣᠶ᠋ᠢᠯᠠᠨᠠ
( ᠭᠠᠬᠠᠢ )
ᠪᠤᠰᠤᠳ ᠦ᠋ᠨ ᠨᠣᠣᠰᠤ ᠭᠠᠲᠠᠨᠠ ᠪᠠᠨ
ᠪᠣᠨᠲᠣᠭᠣᠷ ᠦ᠋ᠨ ᠨᠣᠣᠰᠤ ᠳᠣᠲᠣᠷᠠ ᠪᠠᠨ
( ᠭᠦᠵᠡᠭᠡ )
ᠰᠡᠮᠡᠵᠡᠨ ᠭᠡᠷ ᠲᠦ
ᠠᠶᠤᠮᠠᠲᠠᠭᠠᠢ ᠡᠮᠡᠭᠡᠨ
( ᠭᠦᠵᠡᠭᠡ )
ᠪᠠᠷᠰ ᠰᠢᠩᠬᠢ ① ᠡᠷᠢᠶᠡᠨ ᠲᠡᠢ
ᠪᠠᠨᠲᠢ ᠰᠢᠩᠬᠢ ᠲᠣᠯᠣᠭᠠᠢ ᠲᠠᠢ
ᠲᠡᠮᠡᠭᠡᠨ ᠰᠢᠩᠬᠢ ᠪᠤᠶ᠋ᠢᠯᠠ ᠲᠠᠢ
( ᠬᠣᠲᠣᠭᠤᠲᠤ )
① ᠰᠢᠭ᠋ ᠂ ᠰᠢᠭ᠌ ᠊ᠢ ᠬᠥᠬᠡ ᠨᠠᠭᠤᠷ ᠦ᠋ᠨ ᠮᠣᠩᠭᠤᠯᠴᠤᠳ 《 ᠰᠢᠩᠬᠢ 》 ᠭᠡᠨᠡ ᠃
ᠮᠤᠲᠤᠨ ᠵᠢᠩᠰᠡ ᠲᠡᠢ ᠮᠣᠨᠲᠤᠭᠤᠷ ᠡᠪᠦᠭᠡᠨ
( ᠬᠣᠲᠣᠭᠤᠲᠤ )
ᠬᠣᠭᠣᠯᠠᠢ ᠠᠬᠠ ᠲᠠᠢ
ᠬᠣᠰᠬᠢᠨᠠᠭ ᠳᠡᠭᠦᠦ ᠲᠡᠢ
ᠤᠲᠠᠰᠤᠨ ᠬᠡ ᠲᠡᠢ ᠤᠭᠤᠲᠠ
ᠤᠨᠠᠯᠲᠠ ᠶ᠋ᠢ ᠰᠢᠩᠭᠡᠭᠡᠬᠦ ᠰᠠᠪᠠ
ᠤᠲᠠᠭᠠᠨ ᠵᠢᠯ ᠬᠡᠷᠡᠭᠯᠡᠪᠡᠴᠦ
ᠤᠷᠠᠭᠲᠠᠵᠤ ᠪᠠᠷᠠᠭᠲᠠᠬᠤ ᠦᠭᠡᠢ ᠡᠳ᠋
(ᠠᠮᠢᠲᠠᠨ ᠪ ᠬᠣᠲᠣᠭᠤᠲᠤ )
ᠪᠦᠭᠳᠦᠷ ᠡᠪᠦᠭᠡᠨ
ᠪᠥᠭᠰᠡᠨ ᠳᠡᠭᠡᠷᠡ ᠪᠠᠨ ᠰᠣᠶᠣᠬ᠋ᠠ ᠲᠠᠢ
( ᠴᠢᠤᠠᠬᠤᠭᠰᠠᠨ ᠭᠡᠲᠡᠰᠦ )
ᠣᠰᠤᠭᠤᠵᠤ ᠦᠬᠦᠭᠰᠡᠨ ᠭᠡᠬᠦ ᠳᠤ ᠳᠠᠬᠤ ᠨᠥᠮᠦᠷᠦᠬ᠋ᠰᠡᠨ
ᠥᠯᠦᠰᠴᠦ ᠦᠬᠦᠭᠰᠡᠨ ᠭᠡᠬᠦ ᠳᠤ ᠥᠭᠡᠬᠦ ᠵᠠᠭᠤᠭᠰᠠᠨ
ᠨᠣᠬᠠᠢ ᠳᠤ ᠪᠠᠷᠢᠭᠤᠯᠵᠤ ᠦᠬᠦᠭᠰᠡᠨ ᠭᠡᠬᠦ ᠳᠤ ᠰᠢᠲᠠᠮ ᠪᠠᠷᠢᠬᠰᠠᠨ
ᠨᠣᠶᠠᠨ ᠳᠤ ᠵᠠᠨᠴᠢᠭᠤᠯᠵᠤ ᠦᠬᠦᠭᠰᠡᠨ ᠭᠡᠬᠦ ᠳᠤ ᠰᠣᠷᠪᠢ ᠦᠭᠡᠢ
( ᠴᠢᠤᠠᠬᠤᠭᠰᠠᠨ ᠬᠣᠲᠣᠭᠤᠲᠤ )
ᠶᠡᠬᠡ ᠰᠢᠷᠠᠭᠴᠢ ᠢᠩᠭᠡ
ᠢᠬᠢᠷᠡ ᠬᠣᠶᠠᠷ ᠪᠣᠲᠤᠭᠤ ᠲᠠᠢ
( ᠭᠦᠵᠡᠭᠡ ᠂ ᠰᠠᠶ᠋ᠢᠨ ᠮᠠᠭᠤ ᠰᠠᠷᠬᠢᠨᠠᠭ )
ᠳᠡᠯᠭᠡᠪᠡᠯ ᠬᠠᠨᠠ ᠰᠢᠭ᠋
ᠡᠪᠬᠡᠪᠡᠯ ᠤᠭᠤᠲᠠ ᠰᠢᠭ᠋
( ᠰᠠᠷᠬᠢᠨᠠᠭ )
ᠲᠦᠨᠲᠦᠢᠭᠰᠡᠨ ᠲᠠᠷᠢᠬᠢ
ᠲᠦᠮᠡᠨ ᠵᠠᠯᠭᠠᠪᠤᠷᠢ ᠰᠠᠪᠠᠯᠠᠭᠤᠯᠤᠭᠰᠠᠨ ᠲᠠᠷᠢᠬᠢ
ᠪᠥᠨᠳᠦᠢᠭᠰᠡᠨ ᠲᠠᠷᠢᠬᠢ
ᠪᠤᠮᠡᠨ ᠵᠠᠯᠭᠠᠪᠤᠷᠢ ᠰᠠᠪᠠᠯᠠᠭᠤᠯᠤᠭᠰᠠᠨ ᠲᠠᠷᠢᠬᠢ
( ᠰᠠᠷᠬᠢᠨᠠᠭ )
ᠬᠥᠭᠡᠷᠦᠬᠦᠨ ᠬᠡᠤᠬᠡᠨ
ᠬᠥᠪᠥᠩ ᠪᠣᠭᠣᠯᠲᠠ ᠲᠠᠢ
( ᠳᠣᠲᠤᠷ ᠪᠥᠭᠡᠷᠡ )
ᠬᠥᠪᠤᠩ ᠬᠤᠴᠢᠭᠠᠰᠤᠲᠠᠢ ᠬᠣᠶᠠᠷ ᠬᠡᠤᠬᠡᠨ
ᠬᠥᠲᠦᠯ ᠦ᠋ᠨ ᠨᠠᠭᠠᠨᠠ ᠴᠠᠭᠠᠨᠠ ᠨᠤᠲᠤᠭ ᠲᠠᠢ
( ᠳᠣᠲᠤᠷ ᠪᠥᠭᠡᠷᠡ )
ᠨᠢᠭᠡ ᠪᠢᠷᠠᠭᠤ ᠨᠡᠮᠨᠡᠭᠡ ᠲᠡᠢ
ᠬᠣᠶᠠᠷ ᠪᠢᠷᠠᠭᠤ ᠬᠣᠯᠪᠣᠬ᠋ᠠ ᠲᠠᠢ
( ᠵᠢᠷᠦᠬᠡ ᠪᠥᠭᠡᠷᠡ )
ᠬᠡ ᠨᠢ ᠬᠠᠨᠠ
ᠬᠡᠪ ᠨᠢ ᠤᠭᠤᠲᠠ
( ᠰᠠᠶ᠋ᠢᠨ ᠰᠠᠷᠬᠢᠨᠠᠭ )
ᠨᠣᠶᠠᠨ ᠪ ᠬᠦᠦ ᠬᠠᠷᠠ ᠲᠣᠷᠭᠠᠨ ᠳᠡᠪᠡᠯ ᠲᠡᠢ
ᠬᠠᠲᠤᠨ ᠪ ᠬᠦᠦ ᠤᠯᠠᠭᠠᠨ ᠲᠣᠷᠭᠠᠨ ᠳᠡᠪᠡᠯ ᠲᠡᠢ
( ᠡᠯᠢᠭᠡ ᠠᠭᠤᠰᠬᠢ )
ᠬᠠᠭᠠᠨ ᠪ ᠬᠡᠤᠬᠡᠨ
ᠬᠠᠷᠠ ᠲᠣᠷᠭᠠᠨ ᠯᠠᠪᠰᠢᠬ① ᠲᠠᠢ
ᠨᠣᠶᠠᠨ ᠪ ᠬᠡᠤᠬᠡᠨ
ᠨᠣᠭᠣᠭᠠᠨ ᠲᠣᠷᠭᠠᠨ ᠯᠠᠪᠰᠢᠬ ᠲᠠᠢ
( ᠡᠯᠢᠭᠡ ᠰᠥᠰᠥ )
① ᠳᠠᠪᠬᠤᠷ ᠪᠦᠰ ᠶ᠋ᠢᠡᠷ ᠬᠢᠭᠰᠡᠨ ᠲᠦᠪᠡᠳ ᠬᠤᠪᠴᠠᠰᠤ ᠃
ᠠᠷᠠᠳ ᠬᠥᠮᠦᠨ ᠪ ᠬᠦᠦ
ᠥᠭᠡᠬᠦᠨ ᠳᠤᠰᠤᠨ ᠭᠡᠷ ᠲᠡᠢ
( ᠳᠣᠲᠤᠷ ᠪᠥᠭᠡᠷᠡ )
ᠭᠦᠨ ᠬᠤᠤᠠᠲᠤᠭ ᠲᠤ
ᠭᠦᠩᠭᠡᠷ ᠤᠯᠠᠭᠠᠨ ᠰᠢᠪᠠᠭᠤ
( ᠵᠢᠷᠦᠬᠡ )
ᠳᠣᠲᠣᠷᠠ ᠭᠠᠵᠠᠷ ᠠ᠋ᠴᠠ ᠢᠷᠡᠭᠰᠡᠨ ᠭᠡᠬᠦ ᠳᠤ
ᠳᠣᠲᠣᠷ ᠭᠠᠲᠠᠷ ᠨᠢ ᠮᠡᠳᠡᠭᠳᠡᠬᠦ ᠦᠭᠡᠢ
( ᠥᠭᠡᠬᠦ )
ᠡᠬᠡ ᠨᠢ ᠡᠯᠢᠭᠡᠨ ᠤᠯᠠᠭᠠᠨ
ᠬᠦᠦ ᠨᠢ ᠬᠦᠵᠦᠭᠦᠦ ᠤᠯᠠᠭᠠᠨ
( ᠠᠭᠤᠰᠬᠢ ᠂ ᠵᠢᠷᠦᠬᠡ )
ᠣᠲᠣᠯᠠᠢ ᠶ᠋ᠢᠨ ᠬᠡᠦᠬᠡᠳ
ᠤᠯᠠᠭᠠᠨ ᠲᠣᠷᠭᠠᠨ ᠳᠡᠪᠡᠯ ᠲᠡᠢ
( ᠠᠭᠤᠰᠬᠢ )
ᠬᠠᠭᠠᠨ ᠪ ᠬᠡᠦᠬᠡᠳ
ᠬᠠᠷᠠ ᠲᠣᠷᠭᠠᠨ ᠳᠡᠪᠡᠯ ᠲᠡᠢ
ᠨᠣᠶᠠᠨ ᠪ ᠬᠡᠦᠬᠡᠳ
ᠨᠣᠭᠣᠭᠠᠨ ᠲᠣᠷᠭᠠᠨ ᠳᠡᠪᠡᠯ ᠲᠡᠢ
ᠬᠦᠨᠲᠦ ᠶ᠋ᠢᠨ ᠬᠡᠦᠬᠡᠳ
ᠬᠦᠷᠡᠩ ᠳᠡᠪᠡᠯ ᠲᠡᠢ
( ᠡᠯᠢᠭᠡ ᠠᠭᠤᠰᠬᠢ ᠰᠥᠰᠥ )
ᠴᠣᠣᠵᠢ ᠦᠭᠡᠢ ᠠᠪᠲᠠᠷᠠ ᠳᠤ
ᠪᠢᠴᠢᠭ᠌ ᠦᠭᠡᠢ ᠴᠠᠭᠠᠰᠤ
( ᠰᠡᠮᠡᠵᠡ )
ᠳᠣᠲᠣᠷᠠ ᠭᠠᠵᠠᠷ ᠠ᠋ᠴᠠ ᠢᠷᠡᠭᠰᠡᠨ ᠲᠣᠷᠬ᠋ᠠ
ᠥᠩᠭᠡ ᠳᠣᠲᠣᠷ ᠨᠢ ᠢᠯᠭᠠᠭᠲᠠᠬᠤ ᠦᠭᠡᠢ
( ᠰᠡᠮᠡᠵᠡ )
ᠭᠠᠲᠠᠨᠠ ᠪᠠᠨ ᠴᠤ᠌ ᠬᠡ
ᠳᠣᠲᠣᠷᠠ ᠪᠠᠨ ᠴᠤ᠌ ᠬᠡ
( ᠰᠡᠮᠡᠵᠡ )
ᠳᠦᠯᠡᠢ ᠮᠡᠶ᠋ᠢᠷᠡᠨ
ᠳᠥᠷᠪᠡᠨ ᠳᠠᠭᠠᠭᠤᠯᠢ ᠲᠠᠢ
( ᠳᠠᠯᠤ ᠳᠥᠷᠪᠡᠨ ᠥᠨᠲᠥᠷ )
ᠠᠷᠢᠭᠤᠨ ᠰᠠᠶ᠋ᠢᠬᠠᠨ ᠪᠠᠷᠢᠴᠠ ᠲᠠᠢ
ᠠᠭᠤᠵᠢᠮ ᠰᠠᠶ᠋ᠢᠬᠠᠨ ᠰᠠᠨᠵᠢ ᠲᠠᠢ
ᠥᠷᠭᠡᠨ ᠰᠠᠶ᠋ᠢᠬᠠᠨ ᠲᠠᠯᠠ ᠲᠠᠢ
ᠤᠰᠤ ᠲᠣᠭᠲᠠᠬᠤ ᠬᠣᠩᠬᠣᠷ ᠲᠠᠢ
ᠠᠭᠤᠯᠠᠨ ᠴᠢᠨᠡᠭᠡᠨ ᠳᠣᠪᠣ ᠲᠠᠢ
( ᠰᠡᠭᠦᠵᠢᠨ ᠶᠠᠰᠤ )
ᠠᠷᠤ ᠠᠭᠤᠯᠠ ᠶ᠋ᠢᠨ ᠮᠣᠲᠣᠨ
ᠠᠪᠤᠷᠭᠤ ᠪᠠᠶ᠋ᠢᠭᠠᠳ ᠬᠡᠪᠡᠷᠡᠭ
ᠥᠪᠥᠷ ᠠᠭᠤᠯᠠᠨ ᠪ ᠮᠣᠲᠣᠨ
ᠪᠦᠭᠳᠦᠷ ᠪᠠᠶ᠋ᠢᠭᠠᠳ ᠪᠥᠬᠡ
( ᠪᠤᠭᠤ ᠶ᠋ᠢᠨ ᠡᠪᠡᠷ ᠦᠬᠡᠷ ᠦ᠋ᠨ ᠡᠪᠡᠷ )
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ᠄ ᠬᠠᠷᠠᠨᠤᠳ · ᠲᠤᠶᠠᠭᠠ ᠂ ᠣᠶᠤᠨᠲᠤᠨᠠᠯ᠂ ᠠᠯᠲᠠᠨᠲᠤᠶᠠᠭᠠ ᠂ ᠬᠠᠲᠠᠴᠢ᠂ ᠤᠷᠠᠨᠠ ᠂ ᠮᠢᠩᠭᠠᠳ · ᠴᠢᠮᠡᠭ
ᠬᠢᠨᠠᠭᠴᠢ ᠄ ᠬᠠᠷᠠᠨᠤᠳ · ᠲᠤᠶᠠᠭᠠ ᠂ ᠮᠢᠩᠭᠠᠳ · ᠴᠢᠮᠡᠭ